ملتقى طلاب وطالبات جامعة الملك فيصل,جامعة الدمام - المحاضرات ΞணணΞالمحــاضرة المباشره الثـــالثه والأخيره لمادة (نحو2-التذوق الادبي-مبادئ علم الاجتماع-الانجليزي قراءة) ΞணணΞ−ـ

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- المستوى الثاني - كلية الأداب (https://vb.ckfu.org/forumdisplay.php?f=308)

- - [ المحاضرات ] : ΞணணΞالمحــاضرة المباشره الثـــالثه والأخيره لمادة (نحو2-التذوق الادبي-مبادئ علم الاجتماع-الانجليزي قراءة) ΞணணΞ−ـ (https://vb.ckfu.org/showthread.php?t=520525)

نونه الحلوة

2013- 11- 27 09:36 AM

ΞணணΞالمحــاضرة المباشره الثـــالثه والأخيره لمادة (نحو2-التذوق الادبي-مبادئ علم الاجتماع-الانجليزي قراءة) ΞணணΞ−ـ

السلام عليكم ورحمة الله وبركاته ,,

أسعد الله أوقاتكم بكل خير:106:..

هنا سيكون تجمعنا لما يخص (نحو2-التذوق الادبي-مبادئ علم الاجتماع-الانجليزي قراءة)

http://www12.0zz0.com/2013/11/27/06/646737382.png

ملاحظه:

ممكن يطرأ اي تغيير في اللحظات الاخيرة :007:

بالتوفيق يارب:verycute:

alward

2013- 11- 27 11:05 AM

رد: ΞணணΞالمحــاضرة المباشره الثـــالثه والأخيره لمادة (نحو2-التذوق الادبي-مبادئ علم الاجتماع-الانجليزي قراءة) ΞணணΞ−ـ

:007:

سامية المعاني

2013- 11- 27 11:22 AM

يعطيك العافية
ياريت أقدر أحضرهــــــــا
دائما ما تساعدني الظرووووف :017:

كفايه الم

2013- 11- 27 11:38 AM

لو سمحتو انا ماقدر ادخل ممكن تسألون الدكاتره عن اسئله الواجبات والمناقشات معنا
لجميع المواد اللي اليوم ..
بليز ساعدوني واسألوهم ....
واجعلو الرد هنا عشان الكل يستفيد..

تطلعات ورؤى

2013- 11- 27 01:31 PM

الله يعين :24_asmilies-com:

aboalfhad

2013- 11- 27 01:35 PM

السلام عليكم
شباب وصبايا اللي يحضر مادة اللغة الانجليزية قراءة يسل الدكتور قال بينزل لنا اسئلة قبل اللقاء المباشر الثالث

Ʀəɱσ ᶎᵾЌ

2013- 11- 27 02:06 PM

الف شكر لكٍ نونة .. :love080:

بس بجد بليز يا جماعة هذه اخر المحاضرات للمواد .. يعني ما بدنا نقضيها كلام فاضي وأسئلة ما لها داعي لو سمحتوو ..:verycute:

لا تسألو عن الكتب لأنه هذه المواد ولا واحد فيها يبيله كتاب .. ما عدا التذوق
ولا تسألو من وين المذاكرة لأنه المذاكرة في انجلش قراءة واجتماع من المحتوى (شرائح العرض) فقققط
و التذوق المذاكرة من المحتوى + القصائد من الكتاب ، والنحو التطبيقي 2 المذاكرة من الملخص اللي منزله الدكتور بالبلاك بورد .. يعني هذا الشي قررواه الدكاتره وخلص وما في مجال لأنه يتراجعو .. ف ما بدنا نضيع الوقت على هذه الأسئلة ^ .. :10111:

ف رجاااءً ركزو على أسئلة أهم .. مثل ..

1- التذوق الأدبي .. نريد ان نطالب الدكتور ب تحديد القصائد اللي نركز عليها بالمذاكرة (وليس حذفها)
ونطالبه بحصر الكلمات الواجب علينا حفظها .. ونسأله عن الطريقة اللي بتيجي فيها الأسئلة

2- النحو التطبيقي 2 لا تسألوه أسئله تنرفزه عشان ما يعصب .. فقط ركزو على الأشياء اللي مو فاهمينها واستغلوا الفرصة وخلوه يفهمكم ...

3- مبادئ الإجتماع .. لازم نصر عليه انه يحذف أسماء العلماء او انه يختصرها لنا ونفهمه انه كثيرة وتلخبط ..
وبأسلوووب راقي ي حلوييين عشان ما يعند ..

4- انجلش قراءة لازم نخليه يحدد لنا القطع اللي داخله معنا بالإمتحان ونفهمه انه دكتور جديد وما نعرف أسلوبه بالأسئلة وما في اسئله اعوام سابقة عشان نرجع لها ونفهم طريقة الأسئلة بهذه المادة .. وبالنسبة للكلمات لازم نفهم منه انه معناها رح يجينا بالعربي ولا بالإنجلش مثل ما احنا متعودين بالثانوي ..

وبسسس .. :060:

أتمنى من الجميع انه يتفهم .. لأنه كلامي يصب في مصلحتنا جميعاً :(204):

وشكراً

موفقين|~:rose:

الجوري...

2013- 11- 27 02:24 PM

كيف توقيت وقت المحاضرات المباشره نفس الشئ

بين مادة الانجليزي والنحو التطبيقي ؟؟!

لازم مادة تتاخر عن الثانيه عشان نقدر نحضر المادتين عندنا اسئلة

نبغى نسالها للدكتور مهمه جدااااا.

Ʀəɱσ ᶎᵾЌ

2013- 11- 27 04:01 PM

اقتباس:

المشاركة الأصلية كتبت بواسطة الجوري... (المشاركة 9885594)

ركزي بالجدول في طالبات وطلاب ..
الطلاب اللي معنا بنفس الوقت ..

нησ0	2013- 11- 27 04:01 PM

و بَ التــوفيِق دائمـاً

دفاروحي

2013- 11- 27 05:08 PM

صدق ياليت تسالونه عن القطع وش الي معانا وش الي نركز
عليه او يحدد لنا واسألوا
عن الكلمات الجديده معانيها بالانقلش الي هو معطينا مطلوبة إذا قال إيه قولو له كثيييييييره ياليت تحدد لنا كان ودي احضر انقلش قراءه بس عندي حصه اليوم مايمدي أحضرها أكون شاكره لها الي بتاسل إسالتي نيابه عني

التذوق الأدبي ياليت تقولون له وش نركز عليه بالنصوص

ســــلآف

2013- 11- 27 05:19 PM

جزاك الله خير يا حلوتنااااا تسلم يمنك يا عسل
الله يووووووووووووفقك ويذكرك بالشهااااااااااااده

أنتي راااااااااااااااائعه يا نوووووووووووونه

ام طلال*

2013- 11- 27 07:02 PM

وشو السؤال الي يقولون مو موجود جواابه ؟؟؟ مالقيته حتى اناا

في علم الاجتماع

عين الصقر

2013- 11- 27 07:06 PM

المحاضرة كان الصوت موواضح ولكن اللي قدرت اسمعه ان أسئلة الاختبار راح تكون أسئلة مباشرة وسهله وماراح تطلع من المحتوى
هذا كل اللي سمعته وان شاء الله يجي من يفيدنا اكثر
موفقين

Rose9

2013- 11- 27 08:01 PM

دكتور جزاء كعادته رائع ،،

بس ودي اعرف هالبنات اللي يستهبلون متى يبطلون هالحركات راحت المحاضره في اسئلة وضحها لنا الدكتور الف مره مثل " قصيدة نزار المحذوفه و القصائد المطلوبه " والمشكله كل شوي وحده تسأل عن هالسؤالين

طيب الى متى كذا يا بنات ؟ انتم بالطريقه هاذي بتخربون علينا واذا الدكتور جزاء يتحملنا ترا غيره مايتحمل واحنا بعدين نأكلها في الاختبار

لا واللي تقول للدكتور انت رومنسي عشان قال يحب يقرا قصايد المتنبي ى؟؟؟ خييييييير وش هالكلام ؟؟؟

رجاء خلونا يد وحده ونساعد بعض مو نخرب على بعض ونحترم الدكاتره ونتكلم في الشيء المفيد لنا

وسلامتكم

ام الـــسلطان

2013- 11- 27 08:38 PM

Rose9 من جد كلامك الله يهدييهن بس
وكعادته الدكتور رائع بكل ماتعنييية الكلمة الله يسسسسسسسسسعده وين ماكان
والمادة حلووووووه بالعموم والله يووفقنا يارب
:)

اللهم احفظ امي وابي

2013- 11- 27 08:41 PM

السلام عليكم
مافتحت عندي ولامحاضره وش السبب:Cry111:

ana ~♪

2013- 11- 27 09:01 PM

وين العرب اللي كانوا بمحاضره انجليش قراءه ؟؟؟؟؟
فيدونا ... وش اللي قاله الدكتور ... وش اللي حدده .. محسبوتكم وحده ضايعه وماتدري وش السالفه

NO & NO

2013- 11- 27 09:01 PM

النحو

نذاكر فقط من الملزمه الي نزلها على شكل وورد
النحو التطبيقي 2

واالنقاط الزائده في المحتوى والمحاضرات غير مطالبين فيها

واكد نذاكر من الملخص

h a n a

2013- 11- 27 09:15 PM

السلام عليكم ورحمة الله وبركاتة
اليوم ارتفع ضغطي وضغط الدكاتره معقوله في ناس كذا يقهرون واسئلة صراحه تفشل حسيت اننا :017::017:في الابتدائي مو مرحله جامعية الله يهديهم
اعتذر منكم بس والله جابو لي اعصاب

Rose9

2013- 11- 27 09:15 PM

قسم بالله بنات مايستحون ماخذين الشات دردشه واسئلة تافهههه جدااااااا

ماني قادره استفيد والاسئلة الدكتور مايقدر يشوفها وما يلحق عليها

من كل قلبي دعيت على البنات اللي ضيعونا بكلامهم التافه والله يرد كيدهم في نحورهم وهم عارفين انفسهم

الدكتور صادق قالهم روحوا دورو لكم مكان دردشوا فيه

وحسبي الله عليهم

نسرين..

2013- 11- 27 09:21 PM

من جد الوقت ضاع على الفاضي حسبي الله عليكم بنات

bshaier

2013- 11- 27 09:21 PM

محاضرة النحو

وصل الحال مع بعض البنات تطلب رقم الجوال الخاص بالدكتور و بعضهم تتغزل فيه

ما اقول الا الله يهديييييهم , خلاص يعني مافي شوية احترام ؟؟!!

ماعندك سؤال التزمي الصمت و اكتفي بالمشاهدة

bao0om

2013- 11- 27 09:26 PM

لو سمحتوا بنات اللي دخلت المحاضرة الثالثة للانجليزي قراءة تقولنا ايش المهم فيها لان مارضيت تفتح معي ومادخلت :(

بيدو1

2013- 11- 27 09:33 PM

فتحت محاضرة النحو ورحت انشغلت فمادري وش صاير :(

دفاروحي

2013- 11- 27 09:34 PM

ياربي وأخرتها وش نركز عليه وين الفائدة بالمحاضرة
؟؟؟
انقلش قراءه الي حظرها يركز ع الدكتور خلوكم من البنات الفاضيات والله إظاهر أنهم الدراسة بجهه وهم بجهه لو هم زينا شاليين هم الاختبار خاصه والدراسة عامه كان ماسو هالشي وكان راح تكون أسالتهم حول الماده لا أكثر اسأل الله السلامة ناقصات عقل عذراً ع هالكلمه لكن فعلاً فعلاً شي بن فز ننتظر المحاضره ع احر من الجمر وتجيك بالأخير أساله سخييييييفه ومعروفة لكن ماتتعداكم حوبتنا انا جالسه انتظر وش قال الدكتور وبالآخير يطلع غزل وكلام فاضي حسبي الله ونعم الوكيل،،،،،،،

ياليت أحد يفيدنا لو بكلمه او كلمتين ،،،،،

o0oTarafo0o

2013- 11- 27 09:39 PM

السلام عليكم ورحمة الله وبركاته ..
اولا اتفق مع البنات انو فعلا محاضرة التذوق و كمان النحو جدا ضاعت في الدردشة التافة !!!
اتقوا الله في انفسكم وعيب استحو
...

بالنسبة لمحاضرة الانجليزي قراءة ..
ركز على القطع الطويلة من القطعة اتوقع السابعة وحتى قبل الاخيرة
ركز كمان على الكلمات ومعناها
الكلمات ومرادفها
الكلمات وعكسها
واتوقع انو بتكون اغلب الاسئلة عنها لانه ركز عليها كثير وما رضي يحذف من الكلمات شيء
وكمان السلايدات الي موجودة في المحاضرة المباشرة هذي قال راح يرفعها في البلاك بورد
لان فيها الطريقة الي راح تجي على شكلها اسئلة الاختبار النهائي
...
وكمان من ناحية الاختبار او طريقة الاختبار :
قطعتين كل قطعة عليها 25 سؤال من نفس القطعة وليس من خارجها او حتى من المنهج كل الاسئلة بتكون من نفس القطعة
...
وفي حاجة مهمه قال القطع اللي انا ما ركزت على شرحها في المحاضرات المسجلة هذي ( البيب بالإشارة يفهم) فـ الي فهمتوا انو يعني مو معانا .. لان البنات قالوا ان القطع الطويلة كثير
...
تقريبا هذا الي اتذكرة او معضم الي انقال في المحاضرة

جامعية2013

2013- 11- 27 09:45 PM

الله بجزاك كل خير مشكووووره

دفاروحي

2013- 11- 27 09:50 PM

شكرًا لك فعلاً انا آليوم خذيت المحاضره السابعة مع المدرسة وقال الدكتور فيها التركيز ان المحاضرات٧،،،،٨،،،٩،،،١٠،،،١١،،،،،١٢،،،،،١٣،،،،،،، ١٤ مهمين خاصة هاذي الي سوف نأخذها الان الي هي السابعة ركزووووو عليها والله ماقصر صراحه ،،،،،،واضحه مايبي لها،،،،

عطر الثلج

2013- 11- 27 10:06 PM

بنات حلو تلخيصكم للي صار بمحاضرة الإنقليزي بس بعد عندي سؤال لأن لاحضرت محاضرات انقليزي ولا ذاكرتها إلى الآن ..

المحاضرات الأولى ما أذاكرها ؟؟

الحين لو جات قطعة بتكون الكلمات تخص القطعة نفسها ولا بيجيب كم كملة عادي من قطع ثانيه ؟؟

اللي عندها إفادة بهالخصوص تخبرنا ..

alward

2013- 11- 27 10:43 PM

قال النبي صلى الله عليه وسلم:
« إن الحياء لا يأتي إلا بخير » وأخبر أنه شعبة من شعب الإيمان. فعن أبي هريرة- رضي الله عنه- أنه قال: "الإيمان بضع وسبعون شعبة أو بضع وستون شعبة. فأفضلها قول لا إله إلا الله، وأدناها إماطة الأذى عن الطريق، والحياء شعبة من الإيمان"
كلما إزداد ستر المرأة زاد حياؤها، وكلما زاد حياؤها زاد إيمانها
والعكس صحيح ... كلما قل ستر المرأة قل حياؤها وكلما قل حياؤها قل إيمانها

والله المستعان

أقحـوان

2013- 11- 27 10:58 PM

وش السالفه ! شكلكم ضيعتو الدنيا هههههه ما حضرت اليوم ولا وحده من المحاضرات
شي محيرني ودي اشوف العيال وش يسسون با المحاضرات المباشره خخخخخ
لان ولا واحد فضح مثل مافضحتو يا البنات ههههههه واحد يتبرع ويقولون وش يسوون با المحاضرات المباشره

الله يصلحكم ويوفقكم وانا معكم ^_^

أقحـوان

2013- 11- 27 11:04 PM

تدرون من الي يعرف علاج ها البنات

دكتور مصلح العضايله بنص جبهتهم :d

عطر الثلج

2013- 11- 27 11:04 PM

أم هيثم

2013- 11- 27 11:07 PM

يسلم لسانك اخت ورد أنا سبق وتكلمت في نفس الموضوع لكن مع كامل الأسف لا حياة لمن تنادي .في كل محاضرة مباشرة يتكرر نفس الشيء عيب عليكم يا بنات طول المحاضرة غزل وقلة أدب ما أقول من الكل لكن ما نستفيد شيء اغلب الدردشة كلام فاضي ........ما أقول الا حسبي الله ونعم الوكيل .:mad:

nnn11

2013- 11- 27 11:14 PM

السلام عليكم ورحمة الله وبركاته.
الكلمات راح تكون من نفس القطعه. يعني مافيه كلمات من خارج القطعه
المحاضرات الاولى و الثانيه. ًالثالثه ورابعه. ًالخامسه. والسادسة. مارح تكون. معنا. لانها قطع صغيرره.
هو قال ركزووو على القطع الطويله.
راح يجيب قطعتين. فقط كل قطعه عليها ٢٥درجه. بيكون عليها اسلة وكلمات.
وبيكون عليها معاني الكلمه ومرادفها. وكلمه وعكسها
وذا فيه ملاحضات انشالله ماحد مقصر بإضافتها

جامعية2013

2013- 11- 27 11:16 PM

يقول كل الاسئله متعلقة بالقطعة الاختبار

froo7h

2013- 11- 27 11:19 PM

الله يعطيكم العافيه بنات ♡

نقاءالروح

2013- 11- 27 11:37 PM

بنات
قصيده غرناطه نزار قباني
كلها محذوفه

دفاروحي

2013- 11- 27 11:43 PM

يس يس يس يس يس نفس الي طلبته بالإميل قلت له حدد لنا ع الأقل سبع قطع ووووووو ادعولي بلييييز

][_ مروق _][

2013- 11- 27 11:47 PM

اقتباس:

المشاركة الأصلية كتبت بواسطة nnn11 (المشاركة 9888513)

السلام عليكم ورحمة الله وبركاته.
الكلمات راح تكون من نفس القطعه. يعني مافيه كلمات من خارج القطعه
المحاضرات الاولى و الثانيه. ًالثالثه ورابعه. ًالخامسه. والسادسة. مارح تكون. معنا. لانها قطع صغيرره.
هو قال ركزووو على القطع الطويله.
راح يجيب قطعتين. فقط كل قطعه عليها 25درجه. بيكون عليها اسلة وكلمات.
وبيكون عليها معاني الكلمه ومرادفها. وكلمه وعكسها
وذا فيه ملاحضات انشالله ماحد مقصر بإضافتها

عني مانذاكر الا من السابعة وفوووق على ذمتك ؟؟
لاتنكبينا تكفين

Rose9

2013- 11- 28 12:06 AM

اقتباس:

المشاركة الأصلية كتبت بواسطة أقحـوان (المشاركة 9888421)

انا والله ما قصدي افضح احد ،، ولو ذكرت اسماء كان وقتها فعلا بتكون فضيحه ،،

انا عممت الكلام على البنات اللي يسون هالحركات ..

بصراحه وضع ماينسكت عليه ابدااااااااااا لانهم يخربون علينا ولا يتركون لنا المجال نسأل ونستفيد

اجل عاجبكم الكلام اللي يصير ؟؟ :sm4:

وحده تقول ابي رقمك الخاص ؟

الثانيه تقول انت رومنسي ؟

الثالثه تقول بنفقدك ؟

هل هذا اسلوب بنات جامعه بنات كبار ؟؟

الوضع اليوم كان جدا سيء وش ذنب باقي البنات اللي ودهم يستفيدون ؟ كثير منا متزوجات وعندهم اطفال وازواج يعني وقتنا مو لنا بس :mad:

انا عني ما استفدت من المحاضرات بسببهم :017:

Rose9

2013- 11- 28 12:10 AM

اقتباس:

المشاركة الأصلية كتبت بواسطة أم هيثم (المشاركة 9888477)

تسلمين اختي ام هيثم ،،

لا تخافين الله فوق والله يرد كيدهم في نحورهم ،، لان احنا كل مره ننبه في المنتدى قبل المحاضرات ونقول يابنات خلونا نسأل اسئله مفيده ولا نبي نطفش الدكاتره عشان يتعاونون معانا؟؟

بس لمين تقولين ؟؟ والله يشغلهم في انفسهم هالبنات اللي يخربون علينا ويشغلونا

ana ~♪

2013- 11- 28 12:16 AM

هههههه وضعكم مزري .. دردشة تعب قلبي .. كيفك يالغلا ههههههه
الحين خلاصه الكلام .. وش القطع المطلوبه للانجليزي قراءه !!!!
اللي تقول من 1 الى 6 مو معنا ومن 7 وفوق معنا .. بذاكر على كلامها واذا جبت العيد بالاختبار
بجي الملتقى وبحتفل معها ومارح اخليها اجل احتفل بالعيد لوحدي .. ههههه ياويلها مني ههههه

نقاءالروح

2013- 11- 28 12:30 AM

بنات لاتدعون عليهم
قولي حسبي الله ونعم الوكيل فقط

ولاتنط وحده تفكرني منهم ترا مافضيت ادخل ولامحاضره:wink:
انا من يوم ماكلمت وحده الدكتور قالت له ممكن تلب صغيرغسلت يدي:16.jpg:

الله المستعان وربي يهديهم

حصه راشد

2013- 11- 28 02:15 AM

السلام عليكم ورحمة
يعطيكم العافيه على كل شي

والله يسهل علينا ويوفقنا يارب

ممكن نعرف وش صار بمحاضرة علم الاجتماع بخصوص مذاكره والا ختبار

وكل الشكر لكم

zahraa hassan

2013- 11- 28 02:20 AM

انا حظظرت المحاضرات المباشرره

جد كنت امفهيه شنوو انت رومنسي وين قاعدين والله يضحكون هالبنات هههههههه الله يهديهم

لاتدعون عليهم مايخالف الظاهر نفسوا من المذاكره ههههه

تطلعات ورؤى

2013- 11- 28 02:55 AM

الانجليزي ......ركز على القطع الطويله والله يستر شكله من الي يتعمق كثير بالاساله يعني قطعه بيجيب منها 25 سؤال وبالامتحان قال بيجيب قطعتين .... وكل شوي يقول اللبيب بالاشاره يفهم يعني شدو حيلكم بالقطع الطويله فقققط ...............
علم الاجتماع
قال ذاكرو بفهم قبل الحفظ ...والاساله واضحه ومافيه شي بين الاسطر ...والعلماء ذاكروهم بتركيز والله يعين .
.......،،،،،،
التذوق الادبي
الدرس الاول والثاني بالبلاك بورد معانا وباقي المذاكره من الكتاب الي حدده بالبلاك بورد قال لاتحفظون القصائد افهموها فقط لمن القائل لستم مطالبين بحفظ اسم قائل الابيات كامل فقط لنن هذه الابيات هل هي للمتنبي او كذا وكذا الاسم الاول فقط.....والكلمات ومعانيها معانا وقصيده نزار قباني محذوفه
.........،،،
النحو الملخص النازل بالبلاك بورد فقط معانا وقال بيجيب امثله خارجيه
..........
وبس وفالكم النجاح

تطلعات ورؤى

2013- 11- 28 02:56 AM

قائل الابيات الاسم الاول كا المتنبي والخطيئه وغيره بالنسبه لتذوق الادبي

عبيراليحيى

2013- 11- 28 07:31 AM

النحوو بيجيب امثله خارجيه قااال ياويلي :Cry111: مافهمنا الي بالملخص اجل يجيب من برا اكثر الدروس تتشابه امثلتااا ...

تكفوون الي عنده شويه معلومات وشرح يتفضل هنااا لعل وعسى نفهم عليكم :(269):

خواطر مبعثرهـ

2013- 11- 28 10:16 AM

لا تخافوا من النحو
حتى الامثلة الخارجية الي بيجيبها بتكون تشبه الامثله الموجودة بالملخص
بس حاولوا تركزوا وتفهموا

وربي يسهل عليكم

مروري عندكم للتذوق الادبي
موفقين..

أحزآن أنثى

2013- 11- 28 10:49 AM

السلام عليكم ورحمة الله وبركاته

مو بس أنتم تعانون ي مستوى 2

حنا مستوى خامس ونعاني أكثر منكم ..

إذا انتم البنات اللي تبي رقمه واللي تقوله بنفقدك ورومنسي

أجل وش خلو للي عندنا يضحكون من كلامه ويتميلحون يبون حذف

تبون ينتهي هالشي نتعاون ونكون يد وحدة نكلم العميد

واهم يتخذون الاجراء اللازم مثلا اللي كذا يشوفها الدكتور

ينقص من درجات المحاضرة المباشرة ..يمكن تتأدب ولآ تعيد من جديد

يعني يتعاملون معم زي الابتدائي مدري شنو اوصفهم ؟؟

مااقول الا حسبي الله ونعم الوكيل..

* شي الثاني واعتبروه نصيحه مني علم الاجتماع

ذاكروه زين مازين الاشياء اللي يبيلها تركيز احفظوها زي اساميكم

يوم اختبرنا هالمادة صفحتين كاملين كلها تعاريف حق علماء

وركزو ع العلماء والتواريخ لاتقولون ماراح يجيب ..بيجيب لكم ..

وأي استفسار او حاجة انا بالخدمه ..

دعواتي لكم بالتوفيق والنجاح

Rose9

2013- 11- 28 01:58 PM

اقتباس:

المشاركة الأصلية كتبت بواسطة أحزآن أنثى (المشاركة 9890580)

وأنا اضم صوتي لصوتك فعلا المهزله هاذي لازم ينحط لها حد ومثل ماقلتي نرسل للعميد ونعلمه باللي يصير واننا نعاني وما نستفيد من المحاضرات المباشره وهو بدوره يبلغ الدكاتره انهم يشددون على البنات اللي داخلات للدردشه والمهزله ..

اما بالنسبه لعلم الاجتماع الله يسهله علينا ويوفقنا ،،،

رايك صح احزان انثى ،، أتمنى اننا نطبقه ونرسل للعميد لان هذا الشي لمصلحتنا ،،

والله يبعد عنك كل حزن وهم ويوفقك يارب :106:

شعنوونة ينبع

2013- 11- 28 03:52 PM

يعطيكم العافييييه جميع ومشكلات البنات هرجوا التافه لابد منه من المستوى الاول واحنا نعاني الله يهديهم
لكن باسال عن النحو 2 فين الاقي ملخص وهل الدكتور يجيب من الاسئلة الاعوام السابقه

Rose9

2013- 11- 28 04:47 PM

شوفي هالرابط شعنونه فيه ملخص النحو 2

http://www.ckfu.org/vb/t500879.html

بيدو1

2013- 11- 28 06:31 PM

بنآت ياليت االلي حفظت ايميل الدكتور تكتبه هنا نسيت احفظه

الدكتور عبدالله الملحم

دفاروحي

2013- 11- 28 09:29 PM

حبيباتي الله يسعدكم الي عندها اسالة التذوق الأدبي حقت الأعوام السابقة تنزلها عندي حافظته بس افتح يقول يعتذر ما تفتح معي بليز

][_ مروق _][

2013- 11- 29 01:00 AM

تراكم اشغلتونا بالهبنات اللي تميلحوا على الدكتور ادعولهم بالهدايه وخلونا في الانجلش عطونا السطر الاخير في الزبدة وش نذاكر

All times are GMT +3. الوقت الآن حسب توقيت السعودية: 06:41 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه