ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى الفنون الأدبية (https://vb.ckfu.org/f150)
-   -   [ شعر ] : " طال السكوت " (https://vb.ckfu.org/t512709.html)

الشاااامخ 2013- 11- 5 08:56 PM

" طال السكوت "
 
طال السكوت.. وضاق صدر السواليف
والبال.. من كثر الهواجيس عايف.!

والليل طااال.. وطارق الصبح ماشيف.!!
وانا..وصمت الحزن..صرنا ولايف.

اسج..مع هجس الطواريق..واعيف
هجسي..وطاروق الضلوع النحايف.!

تجوع.. سلمى.! واترك..الكم.. والكيف!
واقسم..رغيفي بيننا بالنصايف.؟

اقرأ..وتكتبني..قضيه, وتعريف
وتظما. وتشربني ..نحيب, وذرايف!!

صمت الشعور.. احساس.. ماله تواصيف
أكبر من حروف الحكي, والوصايف..؟؟

ياسيف كيف اشرح لك الوضع ياسيف؟؟
اقلامنا جفت ورفعت صحايف.!!

كيف ابتدي يامسندي..وانتهي كيف؟؟
من دون كيف؟ انا مثل مانت شايف.!

شفني بقايا انسان والوقت كالسيف.!
وحظي كفيف..! وفرحتي.؟ حلم زايف!

همي بحر..وضلوع صدري..مجاديف
والعمر مركب..بين الأمواج طايف.!

وقلبي وطن..وعروق قلبي تجاووويف
للحزن.. وهمومي.! شعووب وطوائف..!

صوعات بقعا ..والقدر ..والصواديف
ورتني اهوال السنين العجايف. ‏

أتبع.."خريف العمر" في رحلة الصيف..!
وازحف ..على حد السيوف الرهايف..

الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!

والمصلحه ..مفتاح باب المواقيف .
والواسطه ..مفتاح باب الوظايف ..!!

والفقر..يفتح للوجيه المصاليف.
باب الصلافه و الضعايف ضعايف

لاصار لك حاجه ولالك معاريف
بشت القناعه‏........,.......,....!

ان قلت لك خايف! ترى ماني ضعيف
ولاني شجاع !!ان قلت ماني بخايف؟

ياسيف وش عذر المعازيب للضيف؟
لامنها ضاقت صدور المضايف.!

قل للسوافي لوتهب العواصيف
عنها رقينا عاليات النوايف..

تسفي وحنا فوق روس المشاريف
في راس نايف.. والخلايف ..خلايف

وقل للضعوف اللي تحسب المصاريف
حنا ترانا ماحسبنا الكلايف.

لوشحت ..يدين الزمان.. المناكيف
نبقى على ..عهد الوفا.. مانزايف

وان طال.. بال الليل.. قل للسواليف
بوح السهر من ضيقةالصدر عايف..!

نهروان العبدالله 2013- 11- 5 09:27 PM

رد: " طال السكوت "
 
رآئــعه سلمت يمينكـ =)

بنت الشمري 2013- 11- 5 11:51 PM

رد: " طال السكوت "
 
لوشحت ..يدين الزمان.. المناكيف
نبقى على ..عهد الوفا.. مانزايف

وان طال.. بال الليل.. قل للسواليف
بوح السهر من ضيقةالصدر عايف..!



الله الله علييكك

قصيده رائعه يسلمكك ي شامخ

غيووووم 2013- 11- 6 12:05 AM

رد: " طال السكوت "
 
صمت الشعور.. احساس.. ماله تواصيف
أكبر من حروف الحكي, والوصايف..؟؟



قلم مميز .. واحساس عذب .. وذوق عالي .. وجمال بكل مافيه من احاسيس

صح لسانك يا الشامخ والله يعطيك العافية

بســوووم 2013- 11- 6 12:34 AM

رد: " طال السكوت "
 
-




صمت الشعور.. احساس.. ماله تواصيف

أكبر من حروف الحكي, والوصايف..؟؟

-:004:-

شفني بقايا انسان والوقت كالسيف.!

وحظي كفيف..! وفرحتي.؟ حلم زايف!



سٌلمت يمينك جداً رآئعه :icon1:

ميمي السنافيه 2013- 11- 6 02:07 AM

رد: " طال السكوت "
 
الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!


انتقاء رائع ومميز
لا هنت اخوي الشامخ

rana.a 2013- 11- 6 12:37 PM

رد: " طال السكوت "
 
يعطيك العافية

Dr ʀeнαв 2013- 11- 6 04:09 PM

رد: " طال السكوت "
 
_


الشآمخ تألق بآختيآرك

آنتقآء أكثر من رائع وذائقه جميله جدآ
يعطيك ربي الف الف عافيَه ’~
صح لسآن الشآعر وسلم لنآ بوحك
كل الشكر لقلبَك ’

الشاااامخ 2013- 11- 6 06:35 PM

رد: " طال السكوت "
 
اقتباس:

المشاركة الأصلية كتبت بواسطة الدانهـ ه (المشاركة 9772452)
رآئــعه سلمت يمينكـ =)



الله يسلمك ~ والاروع مرورك الكريم

الشاااامخ 2013- 11- 6 06:58 PM

رد: " طال السكوت "
 
اقتباس:

المشاركة الأصلية كتبت بواسطة بنت الشمري (المشاركة 9773122)
لوشحت ..يدين الزمان.. المناكيف
نبقى على ..عهد الوفا.. مانزايف

وان طال.. بال الليل.. قل للسواليف
بوح السهر من ضيقةالصدر عايف..!



الله الله علييكك

قصيده رائعه يسلمكك ي شامخ


يابنت شمر باين فيك القصيد وثمر
وانتي شامخه مثل النخيل الباسقات

جيتي وفاء وجيت من شانك شكر
والخط الاخضر اذا شفته ينسيني الشتات

الشاااامخ 2013- 11- 6 07:01 PM

رد: " طال السكوت "
 
اقتباس:

المشاركة الأصلية كتبت بواسطة غيووووم (المشاركة 9773193)
صمت الشعور.. احساس.. ماله تواصيف
أكبر من حروف الحكي, والوصايف..؟؟



قلم مميز .. واحساس عذب .. وذوق عالي .. وجمال بكل مافيه من احاسيس

صح لسانك يا الشامخ والله يعطيك العافية


الله يسلمك ويعافيك ~ دايما مرورك ما ينير متصفحي ~ الكلمات لا تفي فعلا حضورك وتواجدك

كل الشكر غيوووم

الشاااامخ 2013- 11- 6 07:04 PM

رد: " طال السكوت "
 
اقتباس:

المشاركة الأصلية كتبت بواسطة بســوووم (المشاركة 9773325)
-




صمت الشعور.. احساس.. ماله تواصيف

أكبر من حروف الحكي, والوصايف..؟؟

-:004:-

شفني بقايا انسان والوقت كالسيف.!

وحظي كفيف..! وفرحتي.؟ حلم زايف!



سٌلمت يمينك جداً رآئعه :icon1:


الله يسلمك ~ كل الشكر على المرور الجميل

الشاااامخ 2013- 11- 6 07:06 PM

رد: " طال السكوت "
 
اقتباس:

المشاركة الأصلية كتبت بواسطة ميمي السنافيه (المشاركة 9773662)
الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!


انتقاء رائع ومميز
لا هنت اخوي الشامخ



حياك الباري ~ والتميز ايظاً بحضوركـ العذب ~
دمتي بود

الشاااامخ 2013- 11- 6 07:07 PM

رد: " طال السكوت "
 
اقتباس:

المشاركة الأصلية كتبت بواسطة rana.a (المشاركة 9774785)
يعطيك العافية



الله يعافيكـ

الشاااامخ 2013- 11- 6 07:08 PM

رد: " طال السكوت "
 
اقتباس:

المشاركة الأصلية كتبت بواسطة rehab f (المشاركة 9775604)
_


الشآمخ تألق بآختيآرك

آنتقآء أكثر من رائع وذائقه جميله جدآ
يعطيك ربي الف الف عافيَه ’~
صح لسآن الشآعر وسلم لنآ بوحك
كل الشكر لقلبَك ’



الله يعافيك ~شكرا لك عل كرم الزياره

فرحة التخرج 2013- 11- 6 07:42 PM

رد: " طال السكوت "
 
شفني بقايا انسان والوقت كالسيف.!
وحظي كفيف..! وفرحتي.؟ حلم زايف!


همي بحر..وضلوع صدري..مجاديف
والعمر مركب..بين الأمواج طايف.!






يعطيك العافيه قصيده اكثر اكثر من رائعهـ "





tMiM АŀqЋtАПi 2013- 11- 6 08:59 PM

رد: " طال السكوت "
 
اقرأ..وتكتبني..قضيه, وتعريف
وتظما. وتشربني ..نحيب, وذرايف!!

صمت الشعور.. احساس.. ماله تواصيف
أكبر من حروف الحكي, والوصايف..؟؟




اختيار فخم يا الشامخ الله لايهينك
صح لسانك وعلا شانك ..مفردات جميله وقافيه اجمل
دمت بخير
تحياتي

Miss_ Sara 2013- 11- 6 10:24 PM

رد: " طال السكوت "
 
الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!

والمصلحه ..مفتاح باب المواقيف .
والواسطه ..مفتاح باب الوظايف ..!!


دمت علي ذلك التالق والابداع

Miss_ Sara 2013- 11- 6 10:31 PM

رد: " طال السكوت "
 
تسلم يدينك علي ابداعاتك

الــغـــدراء 2013- 11- 7 10:13 AM

رد: " طال السكوت "
 
،،،

الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!


صح لسان الشاعر و سلمت يمينك اخوي الشامخ ،،،
البيتين السابقة اعجبتني و تستحق موضوع كامل ،،،
تقبل مروري ،،،

الشاااامخ 2013- 11- 7 05:20 PM

رد: " طال السكوت "
 
اقتباس:

المشاركة الأصلية كتبت بواسطة ~هدوء انثى~ (المشاركة 9777396)
شفني بقايا انسان والوقت كالسيف.!
وحظي كفيف..! وفرحتي.؟ حلم زايف!


همي بحر..وضلوع صدري..مجاديف
والعمر مركب..بين الأمواج طايف.!






يعطيك العافيه قصيده اكثر اكثر من رائعهـ "






الله يعافيكـ ~ كل الشكر على المرور الرائع ..

الشاااامخ 2013- 11- 7 05:23 PM

رد: " طال السكوت "
 
اقتباس:

المشاركة الأصلية كتبت بواسطة tmim АŀqЋtАПi (المشاركة 9777918)
اقرأ..وتكتبني..قضيه, وتعريف
وتظما. وتشربني ..نحيب, وذرايف!!

صمت الشعور.. احساس.. ماله تواصيف
أكبر من حروف الحكي, والوصايف..؟؟




اختيار فخم يا الشامخ الله لايهينك
صح لسانك وعلا شانك ..مفردات جميله وقافيه اجمل
دمت بخير
تحياتي



الله يحيكـ ~ وصح ابدنك ~ غالي اخي تميم ,, ومن قبيله فخمه بخامه مرورك العطر

الشاااامخ 2013- 11- 7 05:25 PM

رد: " طال السكوت "
 
اقتباس:

المشاركة الأصلية كتبت بواسطة m.r.s sara (المشاركة 9778303)
الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!

والمصلحه ..مفتاح باب المواقيف .
والواسطه ..مفتاح باب الوظايف ..!!


دمت علي ذلك التالق والابداع






الله يسلمك ~ وشاكر لك المرور العذب ~

دمتي بود

الشاااامخ 2013- 11- 7 11:00 PM

رد: " طال السكوت "
 
اقتباس:

المشاركة الأصلية كتبت بواسطة الــغـــدراء (المشاركة 9779902)
،،،

الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!


صح لسان الشاعر و سلمت يمينك اخوي الشامخ ،،،
البيتين السابقة اعجبتني و تستحق موضوع كامل ،،،
تقبل مروري ،،،

اهلا بك المشرف القدير اخوي الغدراء ~ تشرفت بمرورك العطر

وكان بمثابه اضافه لي وللموضوع ~

ليلاس 2013- 11- 8 07:15 PM

رد: " طال السكوت "
 
صمت الشعور.. احساس.. ماله تواصيف
أكبر من حروف الحكي, والوصايف..؟؟


الشامخ .. انتقائك جدا مميز ورآقي .. ابيات جزله وحيل عجبتني .. لاهنت

تقديري لسموك ..

مشعلي 2013- 11- 8 09:25 PM

رد: " طال السكوت "
 
جزله جزله يا الشامخ كشخصك...
قصيده من اول بيت لآخر بيت درر
عذوب وقوه بالمفرده والمعنى..
تستحق الاشاده والتقيم لهذا الانتقاء..
تقديري

بنت الشمري 2013- 11- 9 07:00 AM

رد: " طال السكوت "
 
اقتباس:

المشاركة الأصلية كتبت بواسطة الشاااامخ (المشاركة 9777075)
يابنت شمر باين فيك القصيد وثمر
وانتي شامخه مثل النخيل الباسقات

جيتي وفاء وجيت من شانك شكر
والخط الاخضر اذا شفته ينسيني الشتات

صح لسانكك ..لاهنت ي شامخ

الشاااامخ 2013- 11- 9 07:46 AM

رد: " طال السكوت "
 
اقتباس:

المشاركة الأصلية كتبت بواسطة ســكّــر (المشاركة 9785490)
صمت الشعور.. احساس.. ماله تواصيف
أكبر من حروف الحكي, والوصايف..؟؟


الشامخ .. انتقائك جدا مميز ورآقي .. ابيات جزله وحيل عجبتني .. لاهنت

تقديري لسموك ..


اشكرك سكره على الاطراء الاكثر من رائع ~ ومروركـ بحد ذاته تُميز ...

الشاااامخ 2013- 11- 9 07:52 AM

رد: " طال السكوت "
 
اقتباس:

المشاركة الأصلية كتبت بواسطة مشعلي (المشاركة 9785887)
جزله جزله يا الشامخ كشخصك...
قصيده من اول بيت لآخر بيت درر
عذوب وقوه بالمفرده والمعنى..
تستحق الاشاده والتقيم لهذا الانتقاء..
تقديري

مشعلى لقد انرت متصفحي ~ واشعلت فتيل الابداع والتميز الذي يرافقك دوماً
اسعدني كثيرا مرروركـ العذب ~ كن بالقرب دايماَ
لل ودي واحترامي

H-a 2013- 11- 9 04:34 PM

رد: " طال السكوت "
 
لوشحت ..يدين الزمان.. المناكيف
نبقى على ..عهد الوفا.. مانزايف





صح الله لسانك

الشاااامخ 2013- 11- 11 05:21 PM

رد: " طال السكوت "
 
اقتباس:

المشاركة الأصلية كتبت بواسطة h-a (المشاركة 9788767)
لوشحت ..يدين الزمان.. المناكيف
نبقى على ..عهد الوفا.. مانزايف





صح الله لسانك

صح الله حالك ~ كل الشكر على المرور الطيب ~

دمتي بود

لكَبريآئي روآية 2013- 11- 14 05:38 AM

رد: " طال السكوت "
 
،
،

طال السكوت.. وضاق صدر السواليف
والبال.. من كثر الهواجيس عايف.!

والليل طااال.. وطارق الصبح ماشيف.!!
وانا..وصمت الحزن..صرنا ولايف.

اسج..مع هجس الطواريق..واعيف
هجسي..وطاروق الضلوع النحايف.!


ابيات في غايه الجمال والرقي
صح لسان قايلها وناقلها
ويعطيكك الف عافيه

أغسطس 2013- 11- 14 05:43 AM

رد: " طال السكوت "
 
صح لسانك الشامخ ......

الشاااامخ 2013- 11- 15 04:15 AM

رد: " طال السكوت "
 
اقتباس:

المشاركة الأصلية كتبت بواسطة ,, لكَبريآئي روآية ,, (المشاركة 9812987)
،
،

طال السكوت.. وضاق صدر السواليف
والبال.. من كثر الهواجيس عايف.!

والليل طااال.. وطارق الصبح ماشيف.!!
وانا..وصمت الحزن..صرنا ولايف.

اسج..مع هجس الطواريق..واعيف
هجسي..وطاروق الضلوع النحايف.!


ابيات في غايه الجمال والرقي
صح لسان قايلها وناقلها
ويعطيكك الف عافيه

حيال الله ~ الله يعافيك
وتشرفت بمرروك العذب هنا

الشاااامخ 2013- 11- 15 04:18 AM

رد: " طال السكوت "
 
اقتباس:

المشاركة الأصلية كتبت بواسطة أغسطس (المشاركة 9812992)
صح لسانك الشامخ ......



حياك الله وصح الله السان قايلها


All times are GMT +3. الوقت الآن حسب توقيت السعودية: 10:50 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه