|
عندي مشكله بالاقصاد الجزئي المحاضره الثالثه
السلام عليكم :7:
ياجماعة الخير انا الحين مافهمت الباب الثالث نهااااااااااااااااااااااااائي لخبطه لخبطه ومادري وش الحل :22: وديته عند اختي عشان تشرحلي قالت لازم اشوف شرح الدكتور عطيتها الابتوب وشافت المحاضره قالت :44: دكتوركم شرحه فاشل يازين جامعة عبدالعزيز قالت لي دور على محاضرات جامعة عبدالعزيز الدكاتره الي عندهم :44:يشرحون مع تمارين وامثال لكن الهجوج ذا مايعطي تمارين يقرا الكتاب بس :22: فا ياليت ياشباب تعطوني حل انا سارلي يوم كامل امس موقف على الباب الثالث مررره مو فاهمه :44: المنفعه وسلوك المستهلك <<مغرز عندها :14: فا ياليت الي فاهم الباب كامل يعطيني حل من وين فهمه او يدلني على فديو فيه شرح او يفهمني حبه حبه مو مشكله وخاصه الججداول مررررررررررررره مو فاهم كيف هحلها باالختبار لو جتني :12: |
رد: عندي مشكله بالاقصاد الجزئي المحاضره الثالثه
عليكم السلام و رحمة الله و بركاته حاول تفهم و إذا فهمت فهمني :biggrin: المحاضرة الثالثة مبادئ الاقتصاد الجزئي د/ حسن بلقاسم / جامعه الملك فيصل http://www.youtube.com/watch?v=Rx96hoea9cw |
رد: عندي مشكله بالاقصاد الجزئي المحاضره الثالثه
اقتباس:
|
رد: عندي مشكله بالاقصاد الجزئي المحاضره الثالثه
اقتباس:
اللهم اشرح صدورنا و يسر امورنا و انر بصائرنا |
رد: عندي مشكله بالاقصاد الجزئي المحاضره الثالثه
صباح النور مع اني ماشوف نور مع هالمادة :(107): / ابشرك أنا المادة كلها مو بالعتها ولا شرح الدكتور لسة كنت اتكلم مع البنات صراحة شرحة جداً صعب , واحسه حشو كثير والمادة دسمة يعني مو معقولة كل محاضرة مدتها 45 دقيقة باقي المواد 19 دقيقه ولو كثروو 35دقيقة , وتهبل مع انو فيها دسومة بس مخففييين الا هو .؟ مدري ايش مشكله الدكتور الهجوج ربي يصلحه بس:017: اصلاً ماحملت الا لحد ثالث محاضرة فتحت شفت اول محاضرة وربع من الثالثه انسدت نفسي وقفلت جد المادة صعبه والدكتور كثر حيل بالمنهج حتى بالبور بوينت لمن تفتح راح تلاحظ انو عدد السلايدات اكثر من 20 :119: :sm1: وزبدت الموضوع مو واضحة ( لازم مدرسة خصوصية :bawling:) طار الراتب :sm1: |
رد: عندي مشكله بالاقصاد الجزئي المحاضره الثالثه
سمي بالله وهدي بالك ...
لا تحط في بالك ان المادة صعبة وما بتفهمها وخذها حبة حبة زي ألعاب الذكاء شغل المحاضرة ومشي فقرة فقرة ووقف عند اللي ما تفهمه وراجعه بهدوء ولا تروح للي بعدها الا لما تركز في بالك .. أي مادة اذا فكرت انها شي جديد وممتع بترتاح في المذاكرة وبالنسبة للاختبارات لا تحاتي .. الهجهوج بالذات يجيب من أسئلة السنوات الماضية يعني عندك أمثلة تعتمد عليها أم هندي ما شفتي محاضرات القانون؟:(107): << وحدة منهم ساعة وثمان دقايق العبرة ماهي بالوقت يا اخوان ممكن تكون طويلة وما تحس بهالشي لأنك مرتاح مع المادة بس لما تكون خايف منها أو مو طايقها بتمل من أول دقيقة وبالتوفيق للجميع :106: |
رد: عندي مشكله بالاقصاد الجزئي المحاضره الثالثه
بصراحة ام هندي عندها كمية تشاؤم غير طبيعيه مالها نهاية
هذا وانت في بداية الطريق وغرزتي اجل بكره وش بتسوي ياخوفي اسمعك تقولين طيارة طيارة |
رد: عندي مشكله بالاقصاد الجزئي المحاضره الثالثه
باك عناد ولا هانوا الاخوان والاخوات
اذكر الله واستعن بالله واقراء المادة سواء من الملخص ولا الكتاب اكثر من مره وفي كل مره حاول تركز اكثر وبعدين ارجع لاسئلة المناقشات والواجبات واقرائها وتاكد راح تسهل عليك واذا صعب عليك شي حاول تشارك الاخرين ولكن لا بد من تحديد ماهو وليس بشكل عام مثل ما حدث معك واخير الله ينور قلبك وبصيرتك وتفهم المادة |
رد: عندي مشكله بالاقصاد الجزئي المحاضره الثالثه
السلام عليكم ورحمه الله / وهج إبتسامة هلا بك خيتي والله للحين مافتحت القانون بس قريت الكتاب , لنو انا عاملة لنفسي جدول كل اسبوع افتح لي مادتين اخلص منهم 3 محاضرات ماعندي وقت :icon9::bawling: ربه منزل موظفة . بس يارب يكون اخف من الاقتصاد بالنسبة للطول ماعندي مشكلة بس المشكلة انو المادة دسمه والشرح ..:biggrin::(269): الله يعين // riyadh.moh بسم الله علي من التغريز الله لايقولة .. فالك ماقبلناه :biggrin: والله هالمادة مدري وش جايني عليها كلش مانيب هاضمتها :139: بس ان شاء الله ارجع لها من جديد وحبه حبة وتركيز ( مدرسة خاصه ) مو انا قايله الراتب طاير لهم , وأن شاء الله اني افهمها واعديها دعوواتكم بس ري يعين |
رد: عندي مشكله بالاقصاد الجزئي المحاضره الثالثه
الله يعين
من جد يبيلها انواااع التركيز والهجهوج شرحهه مايووضح يبيلها امثله يالله نفهم ززين ياليت اللى يلاقي بالنت شرح يحطه جزاه الله خير وابي اسالك ام هندي عن المدرسه الخصوصيه اذا انتي من الرياض بكم ؟ ياليت تجاوبي لو خاص مشكورة |
رد: عندي مشكله بالاقصاد الجزئي المحاضره الثالثه
يعطيكم العافيه كلكم جزاكم الله خير خلاص ابشركم وقفت عند المحاضره الثالثه بالاقتصاد الجزئي ورحت مسكت مواد ثانيه ااذاكرها
يالله الحين بشوف المحاسبه |
رد: عندي مشكله بالاقصاد الجزئي المحاضره الثالثه
اخوي ترا المنفعه سهله مره ومافيها تعقيد وهي حصلتلك وحصلت لناس كثيره وهي واقعيه بس الغريب انك مافهمتها بس انا راح افهمك
المنفعه هي مستوى الاشباع او الرضا الذي يتحقق للمستهلك من استهلاك السلع والخدمات ولاكن بحدود دخله والاسعار السائده خلنا ناخذ امثلة مثال اول مثلن انت راتبك الشهري 30 ريال واهلك يحتاجون بطييخين وسعر البيطيخه الوحده 10 او 15 ويبون كزبره 2 وخس بريالين وجرير 2 اكيد انت راتبك مايكفي عشان تشتري كل الاغراض هذي لهلك وماتقدر تشتري بطيختين فاتشتري بطيخه وحده وباقي الاغراض على حسب السعر يمكن تاخذ ريالين على كل وحده او اريال على كل وحده المنفعه الكلية هي مستوى الاشباع والرضا الذي يتحقق للمستهلك من الاستهلاك بمقابل مثال انت غرزت بصحراء قريبة من الديرة <<<< الله لايقولها بس يارب مجرد مثال ومحد جاء وانقذك وانت عطشان مره وحرارة الجو مرتفعه وقريبة منك بقاله على بعد 15 كيلو وانت مامعك الا 2 ريالين عشان تشتري موية ويوم وصلت للبقالة شربت موية بريالين بس لسى ضميان وماشبعت رغبتك وتبي موية زيادة بس انت الريالين الي معك خلصتهن ولازم يكون معك اكثر من الريالين عشان تشبع رغبتك وبعدها تقول خلاص مابي اتمنى اني اكون افدتك هذا شرح مبسط للمنفعه والمنفعه الكلية بالتوفيق لك يارب:106::106: |
رد: عندي مشكله بالاقصاد الجزئي المحاضره الثالثه
انا كمان مو فاهمه الجداول والرسمات
كلمته بالمحاضره المباشره يشرحها شرح مفصل بس طنشني خخخخخخخ بس الماده ذي عموما احسن من غيرها>>> المحاسبه هي اللي سدت نفسي وحبطتني جدااا كئيبه وممله |
رد: عندي مشكله بالاقصاد الجزئي المحاضره الثالثه
بس ترا المنفعه الكلية ماتشمل اذا كان راتبك عالي او لا هي المقصد منها بالكميات المستهلكه الي تاخذها يعني لو قلتلك اشرب 7 قارورات مويه يمكن تقدر ويمكن لا على حسب المنفعه الي عندك وهي تختلف من شخص لاخر
مثال ثاني وقاله الدكتور جزاه الله خير بالمحاضرة لو كنت معزوم عند ناس على عشاء او عرس او حفله وانت قاعد تاكل وشبعة وخلصت وتبي تقوم اهل المعازيم يقولون لك ماكلت شي اقعد كمل هنا انت وصلت لاقصى منفعة كلية حتى لو كملت واكلت وانت شبعان راح تزيد المنفعة الكلية ولكن بشكل متناقص وهذا يسمونه التخمه وراح يصيبك ضرر او مرض لا سمح الله وهي السمنة بالتوفيق للجميع |
| All times are GMT +3. الوقت الآن حسب توقيت السعودية: 09:12 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام