المشاركة الأصلية كتبت بواسطة جوري السعودية (المشاركة 9627068)

توك في الألف ياما وياما بتعيش وتشوف
وابشرك الجامعه مفتوحه قبل ميلادي والمباني هي هي نفسها عقب مافتحت هالنظام قامت ببناء نصف مدينة الاحسااء مباني لها ومباني سكنيه لمنسوبيها يعني سنين واهي مفتوحه وماقدرت تتطور نفسها الا قبل 6 سنين ماتفسير ذلك .......اترك لكم التعليق
لا اظلم احد :g2:

المشاركة الأصلية كتبت بواسطة o_lg_ll (المشاركة 9622487)

الكلام بشكل عام للكل

طريقتي قيم الوضع الى انت تعيشه واحب اكون واقعي طبعاً مع التفاؤل برحمة الله في كل شي

ممكن الشي يتغير وممكن مايتغير بس انا أعيش اللحظه وماهمني الأثنين تغير او ماتغير لنا أملي بالله والى يصير يصير هو ادرى بتصريف امور حياتي طبعاً مع بذل الأسباب والمطالبة بالحق

وبكل صراحة اللحظه الى نعيشها مع نظام الانتساب ودراسة جامعة مضحكه ووسع صدرك ودبر أمورك وبالعكس استغلو الدراسة بهذا النظام وهذا الوقت الى نعيشه وطلعو بدرجات

لنا لكل شيئ وقت وينتهي

انا اسمي طريقة المشاركة الـــ 30 درجة دبر حألك وبالعكس عاجبتني هع :hahahahahah:من أسهل الطرق للحصول على الدرجات وبدون تعب :019:

كل المسألة ومافيها نظام يتعطل وجامعة تتحرك ببطئ وانا ماهمني لنا عرفت طريقتهم وخلاص اتأقلم عليها

لو تلاحظون في مواضيعي الى اكتبها دايماً اشرح كل نقطة وبتفصيل ممممممممممممل والله انا أطفش والله

بس احترم النأس الى راح تقراء الموضوع لنا في نأس تفهم بسرعه في نأس ماتستوعب بسرعه وفي نأس اسئلتها كثيره :tongue: ايه هذي تنحيزه لبعض النأس :hahahahahah:

( ماهو تقليل من مواضيع الأخوان الى تكتب لا حشئ )

واذا تبون الكلام السليم شوفو كلام Charisma وانا معها 100% وأكثر من 100% لنا بصراحة كلامها هذا الصحيح وهذا الحياة خذوها ببساطة ووسعو صدوركم وفي ألاخير راح تنألون مرادكم بأذن الله وبدون ظلم من أي احد

انا فقط أشرح كل نقطة لأي شخص عشان ماينصدم فقط

نصيحتي لكم شدو حيلكم في الاختبار النهائي فقط وطريقة الجامعة الخ الخ بالعكس هذي فرصه لكل شخص الــ 30 درجة

بالنسبة للطلاب الممتازين الى يبون يحسون انهم في جامعة ويدرسون بطريقة حلوه ومنظمة
ويتبلغون برسائل منظمة وثابته في المواعيد من الجامعه
ويبون الجديه من مسؤالين الجامعة في التحرك في نظأم الأنتساب
ويبون يترززون عند أهليهم و ربعهم :hahahahahah:أنهم طلاب جامعة ( جوكن جست جوكن :biggrin:)

اقولكم من حقكم ومافيها اي شي ومن أبسط حقوقكم

و بالتوفيق

المشاركة الأصلية كتبت بواسطة Mr.FahaD (المشاركة 9627251)

صار لي فتره طويله مادخلت المنتدى ولكن ابي ارد عليك


اولاً ياعزيزي رح افتح الخدمات الطلابيه من الرابط هذه

http://del.kfu.edu.sa/entisab_app/systems.asp
وبعدين اظغط ع الايقونة هذي


http://cl.ly/image/1r1S0h013z2W/%E2%...1%20%D9%85.png

وبعدين اظغط اوكيييه ومع الف سلامه ياضنايا

ورح قدم ع المعهد المهني تخصص تبريد وتكييف


وبخصوص نظام الجامعه فاقوى نظام الكتروني في الجامعات التي تقدم تعليم مشابه هي جامعه الملك فيصل ونسبه السكيوريتي في النظام 99% ويكاد تكون شبه خاليه من اي ثغرات امنيه والنظام فاتح زي الحلاوه صار له اسبوعين بس انتم تحبون تتشكون وتسووون زحمه والشارع فاضي ياحقين الاداره والانقليزي

وصار لي في الجامعه اكثر من سنتين ماشفت كلامكم الي تقولونه

99% من الي يتشكون في المنتدى هم اداره اعمال وانقليزي وششش السسسبببب ؟؟؟

المشاركة الأصلية كتبت بواسطة الوردة الخجولة (المشاركة 9631376)

موضوعك جاء بوقته صراحة ده المستوى عانينا كثير

وكﻻمك صحيح

من ناحية التسديد ونزول المحاضرات وتحميلها والمناقشات

فالله يعينا ماني حاله وﻻ محملة اﻻ بمحرم لين ينعدل الوضع

ودي اكون ولد واالف العمة ههههههههه لكنللاسف بنت ومابيدها حيلة

والمسافة بعيده هم بشرق هههههه وانا بغرب

يﻻ مين يكون كفو ويشد الهمة ويروح

تحياتي لك

المشاركة الأصلية كتبت بواسطة ابو رزون (المشاركة 9631591)

التخبط هذا من ايام النجار .....ولا فيه تقدم ملحوظ

المشاركة الأصلية كتبت بواسطة تركي العياش (المشاركة 9631956)

المشاركة الأصلية كتبت بواسطة o_lg_ll (المشاركة 9632848)

وان شاء الله مايتغير

نظأم اوك مافيه مشكلة وتعامل مع الانظمه بشكل عام اقصد نظام دراسة الانتساب كيف طريقتها بشكل عام من الالف الى الياء

اللهم العقلية في التعامل قديمة وفيه تعطل في الأنظمة مايصلحونها بسرعه ويخلونها تتراكم فتره

يعني مثلاً السداد فيه عطل عادي يجلسون شهر على مايصلحونه

في كم محاضرة فيها خطاء عادي يجلسون أسبوع على مايصلحون

الخ الخ من اخطاء في السستم وعدم سرعة تصليحه

بس هذا نظأم الأنتساب

كيف ندخل عليها وكيف نطبع وكيف نحمل ونحل ونناقش اوك نظامهم حلو

بس الاعطال لصارت ماتتصلح وكثير اعطال تصير

وانا اكلمك جد ان شاء الله مايتغير نظأم الانتساب لنا جد نظأم يعطيك الــ 30 درجة وماهو معقد اللهم شد حيلك في الأختبارات النهائية

والله ماراح نحصل أحسن من كذا و أستغل الوقت الى انت تعيشه الأن

لنا ماتدري بكره يتغير النظأم ويتعقد وتتصعب الدراسه

ومثل ما انت شايف وانت اذا عمرك صحيح 35 انت شفت في الدنيا كيف تتغير انظمه في كل مكان واشياء كثيره مرت والى أستغلها استغلها والى ما استغلها الله يكون في العون




الموظف الحكومي وهذا الى عندنا هنا يلوح الشغل على هذا وهذا الشي معروف
والتطور في الدائرة الحكومية بطيئ جداً ومحارب وفوق كذا اي تطور في الدوائر الحكومية يجي بأمر وغصب على الموظفين والمواطن

يعني مثلاً يجي مهندس او مبرمج او موظف حكومي عنده فكرة تطويريه لأييييييي شي اييييييييي شيييي

اذا طرح هذي الفكرة معروف ربعنا بيقولون له كل تبن بس وخلنا ندوام ومتى تجي الساعه 2 عشان نوقع ونمشي والكلمة المشهورة حقتنا فاضي انت

وفوق كذا اصلاً لو يطرح هذي الفكرة وتنرسل مثلاً لمقر العمل الرئيسي ولا راح احد يعطيه وجه

الا مارحم ربي الا مارحم ربي الا مارحم ربي




انا مألوم الى أعمارهم 20 19 22 24 هذا توه الحين يعرف للأنظمة كيف تدار عندنا ومن حقهم يفتحون مواضيع ويهذرون ويناقشون وكيف كذا ومايصير وشلون وماشلون ويجي شخص يوضح لهم ويهذر معهم الخ الخ

ايه خريج ثأنوي او جامعة وراح ينطلق في الحياة ويشوف الى له والى عليه

اما انت ياتركي عارف الوضع بختصار عندنا :biggrin:

نوم في العسل :019:و واسطه بالله عليك نتعاون على أيش نتعاون على انظمة حكومية نبي نغيرها وانت وانا ندري ان الانظمة الحكومية مهما تضغط عليهم تطنيش لمن تموت :sm18:

الانظمة الحكومية ماتتطور و لا تتحرك الا اذا هي تبي بنفسها وبس :cool:

وبعدين معروف عندنا هنا اي شي احمد ربك في الأول والاخير :(280):انها مشت أمورك احمد ربك انك توظفت احمد ربك انك تزوجت احمد ربك الخ الخ وصحيح الحمد لله على كل شي وبرضى تأم بعد لنا التوفيق بيد الله في كل شي والتوفيق والرزق والنصيب هذي أشياء كاتبها رب العألمين

بس في أشياء حقك انت انهم مايبهدلونك انهم يكونون واضحين معك انهم يتسنعون ويحللون رواتبهم ومكانهم الى هم متوظفين فيه ويخدمون المكان الى هم فيه

بس معروفه و طبعاً في كل شي الأمر لله بعدها ضبط امورك بمعارف و واسطه الخ الخ




شوف حبيبي والله لاتخليني اتكلم عن الجامعة أعرف مسؤولين فيها

الجامعة فيها نأس عندها عقلية مشاء الله بس مايقدر يسوي شي لنا لابد قرار بتطوير هالشي او تحديثه

والله ثم والله أعرف مسؤال في الجامعه والله ثم والله متحطم من الوضع الى هم فيه ويقول مافي تقدير لعملك واجتهاداتك

بالله عليك هذا مسؤال وكذا فما بألك في الموظف البسيط العبد المأمور




شوفني انا ( أعوذ بالله من كلمة أنا )

اذا انت تعرف طريقة معادلة المواد في الانتساب مايحتاج اشرحها لك بس الطريقة اذا تعرفها راح تعرف كيف تأخذ وقت وبهدال ويعادلون لك والا مايعادلون لك ويطلعون روحك الواحد في المعادلة لنا مسكين مايدري يأخذ هذي المادة يدرسها والى يأجلها ومايدري متى بتطلع نتيجة المعادلة

الا مارحم ربي في ناس تطلع لهم النتيجه السمستر الجاي وهذا اقل وقت واسرع وقت تطلع فيه النتايج

وعلى فكرة معادلة المواد تراه مفتوح على طول السنة بس هم يجونك ويحددون وقت عشأن مزاجيت الموظف
يقولون ان خلاص الموظف يستقبل المعادلات ويدرسها الى هم الدكاتره ويعادلون للطلاب وتطلع النتيجة السمستر الجاي او بعد سنه وفي ناس تجلس سنتين وتطلع نتيجة المعادلة




اختصار الكلام انا برحمة رب العالمين سبحانه و واسطه خلصت معادلة المواد في 5 أيام ورسمية بعد ونزلت على نظام البانر حقي ان هذول المواد معادلة لي رسمي

وأحمد ربي ان رب العألمين :(280):وفقني وخلصت المعادلة وعرفت شنو المواد الى اقدر اكنسلها وما ادرسها والا كان درستها في هذا السمستر لنا في مواد اسمائها مو مثل اسماء المواد الى درستها من قبل

يأخوي خلنا ساكتين بس




انا مو قصدي اتهجم عليك او على اي احد وبالعكس احترم وجهة نظر اي شخص

بس تبي الصراحه موضوع مثل موضوعك بكل اختصار تنفيس عن النفس فقط وهذره لا راح تقدم ولا تأخر




يعني بالمختصر عطني وساوني بين النأس من اكبر واحد الى أصغر واحد

هذيك الساعه انا اقولك انا معك ويالله قوم نقدم شكوى والسيارة على والفطور على :hahahahahah:



أسف أسف أسف أسف جداً على الاطألة :(184):

المشاركة الأصلية كتبت بواسطة دانه الشهري (المشاركة 9647004)

حسبي الله ونعم الوكيل انا لي شهر مع مشاكل السداد بالبدايه لايقبل التسديد واللحين المبلغ المطلوب غير اللي بالصراف مدري وش الحل لي شهر وانا ارسل للفريدان والشعيبي بتويتر لكن مافيه جواب