ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 2 (https://vb.ckfu.org/f306)
-   -   [ استفسار ] هل اشتري كتاب الأقتصاد (https://vb.ckfu.org/t493998.html)

شيخ القبيلة 2013- 9- 4 09:44 AM
هل اشتري كتاب الأقتصاد
 
السلام عليكم حبايبي كيفكم بالنسبة لمادة األأقتصاد الكلي تنصحوني اشتري كتاب ولا أكتفي باالملخصات لأني حاس انه المادة يتطلب الكتاب لها ولا أنتو وش رايكم

المادة هذي يبيلها فهم ومعادلات إذا احنا حفظنا رموز المعادلات توفقنا

ادارة اعمال 222 2013- 9- 4 11:19 AM
رد: هل اشتري كتاب الأقتصاد
 
نصيحه مني اشتر الكتاب الاقتصاد الكلي
انا ناويه ما اشتري الا الاقتصاد فقط والباقي ملخصات
وبالتوفيق اخوي....

ام مووودي 2013- 9- 4 12:18 PM
رد: هل اشتري كتاب الأقتصاد
 
وعليكم السلام
أنا أشوف انك تعتمد على الملخصات اللي هي محتوى الدكتور حفظ وفهم طبعاً وتعتمد على أسئلة الكتاب بعد الله وراح تلاقيها أكيد هنا بالمنتدى
أنا بعد الله اعتمدت عليها بمادة الاقتصاد الكلي والجزئي
وركز ع أسئلة الأعوام السابقه الدكتور الهجهوج يكرر منها كثيييييييييييييير
بالتوفيق للجميع

H.qtr 2013- 9- 4 01:28 PM
رد: هل اشتري كتاب الأقتصاد
 
المنتدي مايقصرون يحطون كل شي سواء اساله الكتاب او اي شي

انا استفدت من الكتاب بالمستوى الاول للمحاسبه فقط

بنشوف بالمحاضرات الاولى اذا طُلب منا الكتب ام لا


بالتوفيق للجميع يارب

مرام الحربي 2013- 9- 4 01:31 PM
رد: هل اشتري كتاب الأقتصاد
 
نصيحه لاتشتري انا سمعت للي بالمنتدي واشتريت كل الكتب الفصل الاول وربي انها جديده ماستفدة منها بحاجه خساره علي الفاضي:23:

أمورة نجد 2013- 9- 4 07:36 PM
رد: هل اشتري كتاب الأقتصاد
 
بالنسبة لي أنصحك بالكتاب لأن شرح الدكتور مو بذاك الزود يعني أنا تابعت معه كلمه كلمة وأكتب في الملخص كل كلامه ومع ذلك اكتشفت إنه في أشياء مايشرحها زيادة او ينقصها وبالتالي لما أحل الأسئلة بناءً على شرحه أحل غلط علشان كذا الأفضل تشتريها وتدرس من الكتاب مو من الملخصات

شوش- 2013- 9- 4 10:26 PM
رد: هل اشتري كتاب الأقتصاد
 
لاتشتري الكتاب
تابع شرح الدكتور واكتب النقاط المهمه اللي يقولها و مع الملخص واسسسئلة الاعوام السابقه وبس

هتان 2 2013- 9- 5 05:01 AM
رد: هل اشتري كتاب الأقتصاد
 
لاتشترري ولا كتاب الملخصات والنماذج السابقه بأذن الله انها كفيله للنجاح والتميزز بأذن الله سبحانه :):18:

نواسي 2013- 9- 5 05:14 AM
رد: هل اشتري كتاب الأقتصاد
 
أنا مع شراء المراجع ..
للإستفادة أثناء الدراسة ..
وأيضًا ما بعدها حتكون لك كمرجع

بالتوفيق

بوحليقة الدمام 2013- 9- 5 08:04 AM
رد: هل اشتري كتاب الأقتصاد
 
أنا مع اللي يقولون لك لا تشتري الكتاب ..
فالمذكرات والاسئلة كافية مع متابعة الدكتور ، أما اذا رغبت في الاستزادة فالخيار لك ...

وبالتوفيق

taallaall 2013- 9- 5 08:32 AM
رد: هل اشتري كتاب الأقتصاد
 
اقتباس:
المشاركة الأصلية كتبت بواسطة أمورة نجد (المشاركة 9511254)
بالنسبة لي أنصحك بالكتاب لأن شرح الدكتور مو بذاك الزود يعني أنا تابعت معه كلمه كلمة وأكتب في الملخص كل كلامه ومع ذلك اكتشفت إنه في أشياء مايشرحها زيادة او ينقصها وبالتالي لما أحل الأسئلة بناءً على شرحه أحل غلط علشان كذا الأفضل تشتريها وتدرس من الكتاب مو من الملخصات
معاك حق انا في كثير مواضيع ما فهمت اي شيء من دكتور المادة خصوصاً ان الميكرفون في احد المحاضرات طاح منه اكثر من مرة
اصلاً من بداية الدراسة هو الدكتور الوحيد اللي عنده مشكلة مع الميكرفون والصوت في الاقتصاد الجزئي محاضرة كاملة ما تقدر تسمع ولا كلمة منه والاقتصاد الكلي في كذا محاضرة عنده معركة مع الميكرفون
وبعدين في حل دور على الكتاب في النت راح تلقى محفوظ على شكل ملف pdf انا نزلته من النت وقمت اقرى المواضيع
اصلاً الكتاب يفهم احسن من الدكتور وكثير من المواد استوعبتها من الكتاب مهو من الدكتور
على العموم المطلوب منك
1- نزل الكتاب من النت ... ولا تتهور تشتريه (اذا كنت تدور على العلم وزيادة المعرفة اما الدرجات فتلقاها في الملخصات ونماذج الاختبارات السابقة والمفروض اننا جايين نتعلم)
2- كل محاضرة افتح الكتاب واقرى الدرس المطلوب وراح تفهم كثير من المواضيع وتختصر على نفسك التعب
هذا ما توصلت اليه ونسأل الله لنا ولكم التوفيق والسداد والرشاد
والله المستعان

DaShKa 2013- 9- 7 01:17 PM
رد: هل اشتري كتاب الأقتصاد
 
لا انصح بشراء الكتاب
انا عديت الجزئي بدرجة بايخه لاني
ماطالعت بأسلته السابقه
والكلي جبت حلوة الحمدلله واعتمدن على اسالته السابقة
وكلها مااشتريت كتاب:1::15:

أم دانه 1 2013- 9- 7 01:44 PM
رد: هل اشتري كتاب الأقتصاد
 
لا تسمع للي يقولون لك اعتمد على اسئلة الاعوام السابقه لأن الهجهوج يغيرها يجيب نفس الصيغه لكن اجابه مختلفه تمااماا

بالنسبه لي مافهمت الجزئي الا لمن شريت الكتاب وتابعت شرح الدكتور وانا ماسكه الكتاب

وناويه باذن الله اشتري كتاب الكلي كمان

بالتوفيق يارب


All times are GMT +3. الوقت الآن حسب توقيت السعودية: 04:48 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه