|
مساعده بالجدول ممكن ؟؟؟؟
السلام عليكم اخواني واخواتي
انا عندي مشكله بالجدول حذفت من المستوى اللي طاف 4 مواد ومااخذتها للحين وحملت الاحصاء وكمان مااخذته ونزلت جدولي المستوى هذا زي ماهو بس حذفت الاجتماع السكاني وانا خلطت في ترتيب جدولي من دون مااخذ رايكم ياليت احد يفيدني من دون ماخسر المعدل لاني ماقدر اخذ مواد كثيره وشكرا :16: |
رد: مساعده بالجدول ممكن ؟؟؟؟
اختي عطينا المواد الي حذفتيها من المستويات الي فاتت وش هي ؟؟؟ |
رد: مساعده بالجدول ممكن ؟؟؟؟
اختي انتي كتبتي موضوع وطلعتي ,, لكن وضحي المواد ال4 الي حذفتيها وش هي على شان نقدر نرتب لك الجدول ونشوف متى تقدرين تاخذينها على شان مايكون فيه تعارض |
رد: مساعده بالجدول ممكن ؟؟؟؟
اذا ماعليك امر اكتبي ايش المواد الاربع عشان نساعدك:27::16:
|
رد: مساعده بالجدول ممكن ؟؟؟؟
"بل الإنسان على نفسه بصيرة"
لن تجدي أفضل منك في فهم نفسك ، أنت أعلم بها وأكثر دراية .. ابحثي عن المقررات و "اطلعي عليها" واسألي نفسك استطيع تجاوز هذا المقرر أم ذاك ؟ ثم دوني كل اقتراحات نفسك على هامش واعيدي مراجعتها وترتيبها ثم اعتمديها . نحن لا نستطيع أن نساعدك إلا بالحديث عن أنفسنا ورؤية أنفسنا :) لذلك اعتمدي على نفسك ، ولا بأس في الاستشارة "دون التواكل" . وفقك الله وسدد دربك ويسر أمرك ورزقك من خيري الدنيا والآخرة :1: |
رد: مساعده بالجدول ممكن ؟؟؟؟
اقتباس:
اختي اسمحيلي ,, غلطانه , انتي ممكن تعرفين تحذفين موادك وترتبين جدولك لكن غيرك يعرف يحذف لكن مايدري متى ياخذها وكيف وهذا شي طبيعي فيه ناس كثيرين ماهم مطلعين ولا عندهم درايه بالطريقه انا اعرف واحد من الشباب . حذف 4 موا من مستوى ثاني وحامل 3 مواد مستوى اول , ولخبط جدوله المستوى الثالث تخيلي حذف اكثر مواد المستوى الثالث ماعدى مادتين وهذ رح يتوهق بعدين ,, والحمد لله رتبنا له ترتيب مع انه رح يتعب فيه لكن يتعب الحين ولابعدين لكن كلامك على انها هل تستطيع ,, لازم تشد حيلها لانها ,, غلطتها في المسنوى الثاني ماطلبة المساعده من احد في ترتيب جدولها وقامت بحذف اربع مواد |
رد: مساعده بالجدول ممكن ؟؟؟؟
معاك حق اخوي الجارح
وبعدين كلنا معرضين للخطا <<< اسلك طريقي يمكن اغلط بيوم وياويلكم ماتساعدوني :6::9: |
رد: مساعده بالجدول ممكن ؟؟؟؟
اقتباس:
ان شاء الله نعلمك اختي مافيه احد يسجل في الجامعه ويصير فاهم على طول حنا اول ماسجلنا كنا نجهل اشياء كثيره ولازلنا نجهل بعض الاشياء لكن مع الوقت والاطلع عرفنا ولاهو عيب الواحد الي مايعرف شي انه يسأل اخوانه |
رد: مساعده بالجدول ممكن ؟؟؟؟
اهلا فيك اخوي الجارح ، اعجبني ردك على حنان الكون :)
ب بساطة / "لا تعطني سمكة بل علمني كيف اصطادها" لم نُخلق والخبرة معنا ؛ اكتسبناها مع الحياة .. لو بذل الإنسان جهده دون تقصير لَاغتنى ، انتهى . شكر لك الله سعيك في مساعدة أخوانك وبارك فيك :16: |
رد: مساعده بالجدول ممكن ؟؟؟؟
الردود جميله وثريه جداً
من قلب ابوها والجارح .. كلاكما على حق .. |
رد: مساعده بالجدول ممكن ؟؟؟؟
اقتباس:
هلابك اختي ,, وكل شخص يبقى جاهل حتى يتعلم ,, وليس عيب ان يكون الشخص جاهل , لكن المشكله ان يبقى جاهل ,, الله يوفقك اختي ويبارك فيك |
رد: مساعده بالجدول ممكن ؟؟؟؟
اقتباس:
سلمتي اختي ,, |
رد: مساعده بالجدول ممكن ؟؟؟؟
موادي التذوق الادبي وفقه السيره وانجليزي قراءه وكتابه
ومن المستوى هذا الاجتماع السكاني وانا حامله الاحصاء واسفه اذا ماوضحت شي بس كنت مستعجله اتمنى احد يساعدني لاني من جد احتست :24::24: |
رد: مساعده بالجدول ممكن ؟؟؟؟
اقتباس:
اختي ياليت تبقي معنا لين نجاوبك صح اول شي عرفنا ان عندك 5مواد من مستوى ثاني طيب وش دخل علم اجتماع السكان , يعني انتي سجلتي المواد المذكوره واضفتي علم اجتماع السكان وكم معدلك التراكمي ,, |
رد: مساعده بالجدول ممكن ؟؟؟؟
انا علم اجتماع السكان حذفته يعني من المواد المحذوفه
معدلي 3.15 |
رد: مساعده بالجدول ممكن ؟؟؟؟
اقتباس:
طيب اختي يعني المواد الي عندك من مستوى ثاني 5 مواد ولا فيه عندك مواد من مستوى اول , معدلك جيد ,, وتقدري تسجلين 18 ساعه |
رد: مساعده بالجدول ممكن ؟؟؟؟
انا ياخوي اخذت مواد مستوى 3 كلها الآًعلم اجتماع السكان يعني اتلمواد المحذوفه ماخذتها للحين مدري منى اخذها ابغى ترتيب لها المواد وللجدول حق المستوى هذا بعد :24:
|
رد: مساعده بالجدول ممكن ؟؟؟؟
ايه ماعندي مواد من مستوى اول
|
رد: مساعده بالجدول ممكن ؟؟؟؟
اخوي انا ماقدر اخذ 18 ساعه
|
رد: مساعده بالجدول ممكن ؟؟؟؟
طيب اختي انا والله ابي مصلحتك على شان ما تتوهقين بعدين , اول شي كم عدد الساعات الي تقدرين تسجلينها على شان ارتب لك جدول مناسب ولا يصير عندك تعارض بعدين وتتوهقين ,, ولا ابي منك الا الدعاء في ظهر الغيب يعلم الله ,, |
رد: مساعده بالجدول ممكن ؟؟؟؟
ابغى اخذ بس 7 مواد اذا امكن مادري عاد كم تصير ساعه ؟؟؟؟
|
رد: مساعده بالجدول ممكن ؟؟؟؟
اقتباس:
طيب اختي 7 مواد 14 ساعه شوفي قبل لاتفكرين في عدد الساعات عندك مشكله لو تأخرتي في التخرج عن اربع سنوات لانك الان عندك 13 ماده 8 +5 =13 ولو اخذتي 7 مواد رح يبقى 6 ورح تدخلين المستوى القادم وتصير المواد 14 ماده وهاكذا الى التخرج يعني المواد بدل ماتنقص تزيد عندك انا اختي بس حبيت اوضح لك وابشري اذا انتي مقتنعه في 7 مواد رح اسوي لك جدول 7 مواد |
رد: مساعده بالجدول ممكن ؟؟؟؟
طيب شسوي ؟؟:36: والله محتاره انت وش رايك ؟؟؟؟ وش تقترح على ؟؟؟
|
رد: مساعده بالجدول ممكن ؟؟؟؟
موادي اتخر في التخرج :24:
|
رد: مساعده بالجدول ممكن ؟؟؟؟
اقتباس:
اختي والله انا مادري عنك انتي حسب امكانياتك الدراسيه هل انتي متفرغه للدراسه ,, وعن امكانياتك الماديه هل تقدرين على مبلغ 9 مواد لاني انا اختي افضل انك تاخذين 9 مواد على شان تقدل عنك المواد مستقبلنا لانك رح تدخلين في المستويات المتقدمه ولازم موادك تكون اقل على شان صعوبة المواد في المستويات الاخيره لكن اذا ماعندك مشكله لو تاخرتي في التخرج فعادي سجلي 7 مواد واكيد رح يكون عندك مستوى اضافي بعد السنه الرابعه والري الاول والاخير لك اختي ,, انا فقط اعطيك بعض الاقتراحات وانتي اختي اعرف من الجميع في مصلحتك ,, |
رد: مساعده بالجدول ممكن ؟؟؟؟
طيب باخذ التسع مواد رتبلي الجدول ولا عليك امر انا متفرغه ولا عندي شغل ولامشغله بس منطقه بالبيت
بس خااااااااااااااااااايفه المعدل ينزل ؟؟؟ وهم يقولون اهم شي المستويات الاولى للمعدل |
رد: مساعده بالجدول ممكن ؟؟؟؟
شوفي اختي
انجلش قراءه وكتابه واحصاء مواد تحتاج مجهود اذا سجلتها في فصل واحد راح تتعبي ..ويمكن تنزل معدلك اختاري منهم لا تختاريها كلها اجلي واحد من الانجلش ..وبدليه بماده سهله ترفع المعدل الانجلش كتابه اظن اختباره اول يوم لكن اجلي الانجلش قراءه اظنه اخر يوم صعب التركيز فيه راح تنسي يبغاله حفظ انا سجلت انجلش كتابه مع الاحصاء الاجتماعي اختبارها يوم واحد كان فترتين لكن استعديت كويس لانه اول يوم اختبار معايا وقت كافي انتبهي ..وبالتوفيق:16: |
رد: مساعده بالجدول ممكن ؟؟؟؟
سوري . مكرر ..:16:
|
رد: مساعده بالجدول ممكن ؟؟؟؟
اقتباس:
اختي المعدل انا عارفه من الالف الى اليا يعني لو اخذتي 6 مواد ولا 10 مواد المعدل يعتمد على عدد النقاط يعني لو اختي 6 مواد وجبتي في كل ماده 8 نقاط رح يكون عندك 48 نقطه ومعدلك 4 ولو اختي 9 مواد وجبتي في كل ماده 8 نقاط رح يكون عندك 72 نقطه ومعدلك 4 ومادام انك متفرغه فالمفروض انك تاخذين اكبر عدد من المواد خلاص توكلي على الله ورح اسوي لك جدول 9 مواد |
رد: مساعده بالجدول ممكن ؟؟؟؟
والله ياختي معك حق لاكن احتست وخفت مدري شسوي بس بشوف جدول اخوي الجارح يمكن يريحني
ويعطيني دافع |
رد: مساعده بالجدول ممكن ؟؟؟؟
طيب الله يوفقك اخوي وين ماتروح والله لولاك كان تورطت بعمري
واسفه اذا اتعبتك معاي بس شسوي ماعرف ادبر عمري :16::16: |
رد: مساعده بالجدول ممكن ؟؟؟؟
بس حاول ماتعطيني الاحصاء وانجلش قراءه وكتابه مع بعض ولا عليك امر؟؟؟:42:
زي ماقالت اختي اللي قبل شوي:2: |
رد: مساعده بالجدول ممكن ؟؟؟؟
اقتباس:
الله يوفق الجميع اختي , ولافيه احد عالم اختي وان شاء الله مافيه تعب , الشي الي فيه مصلحه للمسلم لكن اختي الان باقي معك 7 ايام على انتها التسجيل انا رح اسوي لك الجدول ورح احطه لك هنا وانتي اذا حصلتي الجدول توكلي على الله وسجلي المواد وصدقيني اختي انها سهله للانسان الي بيذاكر انا اختي في عمل ورب اسره والحمد لله ماشيه وموادي مارح اسجل انشاء الله من المستوى الثاني الى الخامس اقل من 9 مواد 18 ساعه لاني ابي ارتاح في المستويات الاخير ,, الله معك اختي وان شاء الله تحصلين الجدول هنا,,, |
رد: مساعده بالجدول ممكن ؟؟؟؟
اقتباس:
انا عارف اختي ,,واكيد كلام الاخت Turning point صحيح رح ارتب لك جدول , لانك لو اخذتي 9 مواد يبقي عندك 4 مواد تقسمينها على المستويات القادمه |
رد: مساعده بالجدول ممكن ؟؟؟؟
وياك بس ارسلي تنبيه عشان اعرف لاني مو كثير ادخل
دعواتك ..لي بظهر الغيب |
رد: مساعده بالجدول ممكن ؟؟؟؟
الحمدلله انك عرفت اجل خفت تحطهم مع بعض :42:
|
رد: مساعده بالجدول ممكن ؟؟؟؟
ان شاء الله اختي الله يوفقك ويكتب لكي ماهو خير ,, وان شاء الله اذا خلصت من ترتيب الجدول رح احطه لك هنا ,, متى مادخلتي رح تحصلينه ,, لكن اهم شي تذكري ان التسجيل اخر يوم 24 /10 يعني باقي 8 ياااااااااااااام فقط وينتهي تسجيل المقررات الله معك |
رد: مساعده بالجدول ممكن ؟؟؟؟
تفضلي اختي هذا الجدول مناسب جدا لانك انت غلطتي في المستوى الثاني لكن الحمد لله الان سوينا لك جدول يعتبر مناسب جدا لموادك سجلت لك 4 مواد من الي ما اخذتيها وسجلت لك 5 مواد من مستوى ثالث المجموع 9 وباقي عندك ماده سابقه الي هي الانجليزي قراءه +3 مواد من مستوى ثالث وزعتها لك على جميع المستويات الاخلاق الاسلاميه المستوى الثامن وحدها خدمة الفرد والجماعه المستوى السادس ,, لوحدها علم اجتماع الاسره والطفوله ,, المستوى الرابع بدون لوحدها الانجليزي قراءه ,, المستو الثامن بدون مواد ,او المستوى الخامس رح يكون معها ماده في نفس اليوم شوفي اختي عندي الثلاث الايام الاولى فيها ضغط 3 ايام ورى بعض لكن موادها ان شاء الله سهله الانجليزي كتابه اسهل من الانجليزي عام , علم اجتماع السكان ماده مافيها صعوبه فقه السيرة تعتبر اسهل المواد ولازم تجيبي فيها درجه عاليه على شان تساعدك في المعدل لانها تتكلم عن هجرة الرسول صلى الله عليه وسلم وبعض غزواتها ,, اما بالنسبه لباقي الايام فيه بينها فترة راحه |
رد: مساعده بالجدول ممكن ؟؟؟؟
مشكور اخوي ماتقصر بعتمده انشاء الله يارب بس يكون سهل على ولا اواجه مشاكل مع هالمواد
لك تحياتي :34: |
رد: مساعده بالجدول ممكن ؟؟؟؟
اقتباس:
اختي نصيحت اخو في الله توكلي على الله واضغطي على نفسك في هذا المستوى فقط لان المستوا هذا طووويل وفيه مجااال للمذاكره يعني تقريبا 3اشهر ونصف خليك تتعبين الان وتريحين بعدين لو اخذتي 7 مواد مثل ماكنتي ناوي رح تتوهقين في المستويات الاخيره ورح تزيد مدة التخرج عن 4 سنوات لكن الحين كل شي تمام اهم شي اختي كل ما انهيتي مستوى لازم تشوفي احد ثقه يرتب لك جدولك على شان تمشين على خطه مدروسه بالتوفيق ,, ولا تنسينا من صالح دعااااائك |
رد: مساعده بالجدول ممكن ؟؟؟؟
اخي يقول لايسمح لك التسجيل بهالوقت
يعني التسجيل انتهى :4: |
رد: مساعده بالجدول ممكن ؟؟؟؟
اقتباس:
ههههههههه لا اختي ما انتها شوفي اذا دخلتي البنر اختاري المستوى الاول 1434 لا تختارين السنه 1434 |
رد: مساعده بالجدول ممكن ؟؟؟؟
اخوي خلاص عدلته وتوكلت على الله وسجلت المواد
بالتوفيق للجميع وانشاء الله الله يساعدني بهالسمستر واعديه ولك دعواتي باذن الله بظهر الغيب :16::16: |
رد: مساعده بالجدول ممكن ؟؟؟؟
اقتباس:
الله يوفقك اختي وفالك a+ بس شدي حيلك مادام انتي متفرغه للدراسه انتي ارحم من غيرك ,, المفروض انك ما تقتنعين باقل من a في جميع المواد حاولي انك تدخلين المنتدى وتشوفين الملخصات واسئلة الاوام السابقه وخاصة مادة الاحصاء تراها سهله بس يبيلها متابعة المحاضرات وفهم الشرح وتسهل عليك الماده الله معك , والله يكتب لك ماهو خير |
رد: مساعده بالجدول ممكن ؟؟؟؟
الله يجزاكك خير اخوي ماتقصر الله يجعله بميزان حسناتك ياااااااااااااااااااااااااارب
بس تدري ليه انا خايفه لان قدراتي بالدراسه مو مره والله ان اكثر ماذاكرت الاحصاء وتابعت جمييع محاضراته بس انصدمت فيه وحتى كل المواد شديت حيلي بس انصدمت بالمعدل انو 3 بس يالله الله يزينها يارب عشان كذا انا اقولك ابغى 7 مواد يمكن اقدرلها ؟؟ ويمكن اني المعدل يرتفع |
رد: مساعده بالجدول ممكن ؟؟؟؟
بعدين المشكله مو بالتفرغ المشكله ان قدراتي بالدراسه مو ممتازه انا اعرف نفسي اشد حيلي واحس اني باخذ ممتاز وبالنهايه انصدم :24:
|
رد: مساعده بالجدول ممكن ؟؟؟؟
اقتباس:
اختي اهم شي شدي حيلك ,, وبعدين بوضح لك انتي وغيرك نقطه مهمه ياختي لو اسجل 6 ولا 9 مواد المعدل يعتمد على النقاط يعني ماله دخل في عدد الماد يعني 6 مواد لو جبتي في كل ماده 7 نقاط يصير عندك 42 نقطه ومعدلك 3.5 ولو اخذتي 9 مواد وكل ماده جبتي فيها 7 رح يكون عندك 63 نقطه ومعدلك 3.5 يعني هي هي لكن لو اخذتي 9 مواد ترتاحين بعدين في امستويات الاخير لكن لو كل مستوى اخذتي 7 مواد رح يكون هناك مواد اضافيه تقريبا 5 مواد خير المواد الي حذفتيها ورح يكون المجموع 10 مواد رح يصير عندك مستوكامل بعد المستوى الثامن ,, هذا قصدي اختي ,, كلنا مافي روسنا دراسه لكن نحاول نشد حيلنا والله يفرجها والجامعه مافيه صعوبه زي اول لو الاسئله مقالي كان نقول صعبه الله يكت الي فيه خير |
رد: مساعده بالجدول ممكن ؟؟؟؟
حبيت اسئلك اخوي الجارح لان ماابي ظغط موااد الله يعافيك متى تبدا الاختبارات ع حسب تسجيل موادي لاني اخذت الحضاره من مستوى اخر يارب يوفقك تفيدني الحالة العملية الرقم المرجعي للمقرر المادة المقرر الشعبة المرحلة الجامعية الوحدات / الساعات الدراسية نظام الدرجات اسم المقرر تاكيد تسجيل في 16 شوال , 1434 28682 7406 201 ن2 بكالوريوس انتساب 2.000 نقاط 5 علم الاجتماع الطبي تاكيد تسجيل في 16 شوال , 1434 28683 7406 202 ن2 بكالوريوس انتساب 2.000 نقاط 5 علم أجتماع السكان تاكيد تسجيل في 16 شوال , 1434 28684 7406 203 ن2 بكالوريوس انتساب 2.000 نقاط 5 خدمة الفرد والجماعة تاكيد تسجيل في 16 شوال , 1434 28685 7406 204 ن2 بكالوريوس انتساب 2.000 نقاط 5 تاريخ الفكر الاجتماعي تاكيد تسجيل في 16 شوال , 1434 28686 7406 205 ن2 بكالوريوس انتساب 2.000 نقاط 5 أسس الخدمة الأجتماعية تاكيد تسجيل في 16 شوال , 1434 28687 7406 206 ن2 بكالوريوس انتساب 2.000 نقاط 5 علم أجتماع الأسرة والطفولة تاكيد تسجيل في 16 شوال , 1434 35211 7404 301 ن2 بكالوريوس انتساب 2.000 نقاط 5 الحضارة الإسلامية |
رد: مساعده بالجدول ممكن ؟؟؟؟
ماشاء الله عليك يااخوي ماقصرت الله يوفقك ويسعدك ويحقق لك ماتتمنى يارررررررررب:16:
|
رد: مساعده بالجدول ممكن ؟؟؟؟
اقتباس:
والله اختي انا اكثر من مره سويت لك جدول ولا اقتنعتي فيه فشوفي الي يريحك انتي ,, هذا جدول علم اجتماع المستوى الثالث يوضح فيه ايام الاختبار http://www.ckfu.org/vb/t487691.html |
رد: مساعده بالجدول ممكن ؟؟؟؟
اقتباس:
سلمتي اختي والله يسعدك ويوفقك ,,, |
| All times are GMT +3. الوقت الآن حسب توقيت السعودية: 04:24 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام