ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   خبر سيئ كصاعقه للخريجين (https://vb.ckfu.org/t485430.html)

رنيم الفجر 2013- 8- 16 04:27 AM

خبر سيئ كصاعقه للخريجين
 
السلام عليكم ورحمة الله وبركاته

وكل عام وانتم بالف خير


ياخوان ياخوات

ياليت اللي يقدر يقابل العميد او يتواصل معه يناقشه بالموضوع التالي :

قسمنا علم الاجتماع والخدمة الاجتماعية غير مصنف من قبل هيئة التخصصات الصحية

وفعلا كلمت الهيئة بنفسي 920019393


وقالت لي فعلا الانتساب لا يقبل الا من جامعة الملك عبدالعزيز لانها راسلت الهيئة وطالبت بشي هذا وتم تصنيف طلابها ولازم جامعتكم هي اللي تسعى بهذا الشي

لكن جامعة فيصل معترف فقط بالانتظام الانتساب لا يقبل ولا يصنف


حرام والله جاني احبط شديد

لا تعليم يقبل ولا صحة ولا ولا

وانا اصلا موظفة صحة واسعى لتحسين وضعي

ومن غير هالتصنيف ابدا ابدا ابدا الشهادة لا استفيد منها

لازم نطالب بهذا الشي



ياليت اللي يقدر يقابل العميد

يمكن الجامعة لان نظام الانتساب جديد عندها لم تنظر لهذا الموضوع لان جامعة الملك عبدالعزيز قديمة جدا وبعد اضافة الشروط بالصحة سعت لمصلحت طلابها وطالباتها

ابو حلا 2013- 8- 16 09:30 AM

رد: خبر سيئ كصاعقه للخريجين
 
خبر
وسيئ
وكالصاعقة
من وين تجيبون هالخرابيط
بعدين اذا حبيتي تستفسري استفسري من المرجع
وزارة التعليم العالي او وزارة الخدمة المدنية
وكلا الجهتين معتمده الشهادة فيها

ابوفـهد 2013- 8- 16 01:36 PM

رد: خبر سيئ كصاعقه للخريجين
 
كلام فاضي
اتركووو الاشاعات
وشدو حيلكم انتم على وشك تخرج
لاتثر عليكم الاشاعات

سلطان // 2013- 8- 16 02:41 PM

رد: خبر سيئ كصاعقه للخريجين
 
من وين تجبين هالاخبار رنيم :20:

(أبوعبدالله) 2013- 8- 16 03:09 PM

رد: خبر سيئ كصاعقه للخريجين
 
للأسف أحب أقولكم من واقع خبرتي في التعامل مع الهيئة بحكم أنني أحد العاملين في المجال الطبي

كلامك يجب أن يؤخذ بجدية ياجماعة

هيئة التخصصات الصحية هي أكبر قطاع بيروقراطي في المملكة تعاملت معهم في أكثر من خمس قضايا

حيث أنني أحمل تخصصين تطبيين وفي كل مرة أصنف لابد أن أحارب وأحارب وأحارب لكي زخذ حقي

ووالله وتالله وبالله أنني تخرجت أنا وأحد زملائي من ذات التخصص وقدم أوراقه من الدمام وعملوا له إختبار

وأنا قدمت أوراقي من الرياض ومشيت بدون إختبار

وكلام الأخت صحيح من ناحية التصنيف فليس لديوان الخدمة المدنية ووزارة التعليم العالي

أي دخل في الهيئة فالهيئة قطاع خاص وليس حكومي ولكنها هي التي تسير وزارة التعليم العالي وديوان الخدمة

فالقول الأول والأخير لها

وأنا أحدثكم من معرفة يجب أن تقوم الجامعة في الأساس بالرفع للهيئة بالتخصصات التي ترغب من الهيئة إعتمادها كل تخصص على حده
وتقوم بدفع رسوم الإعتماد من الهيئة ثم تراجع الهئية مناهج التخصص

وهذا الأمر يجب أن يحل عن طريق الجامعة والأمر بسيط إذا بغيتم تبحثون عنه في الجامعة

راجعوا الجامعة وإطلبوا رقم التصنيف للتخصص علم الإجتماع من الجامعة الصادر من الهيئة

فالهئية تزود كل جهة برقم قرار الإعتراف وليس هذا معناة إنكم لن تجدوا معاناة


وإليكم قصتي مع الهيئة قبل خمس سنوتا كما دونتها في منتديات ساحات الإقلاع قبل عام


اقتباس:

أقسم بالله أن جميع الأحداث رويتها كما هي دون مبالغة

السلام عليكم ورحمة الله وبركاتة

جميعنا يربط الأفلام الهندية بكل سيناريوا يحدث بمجريات فوق العادة ، فقط في
الأفلام الهندية لا نجد أي شيء اسمه قوانين فيزياء ولا مسلمات حياتية ، فمن
الممكن أن نشاهد في فيلم هندي قطار يدعس بطل الفيلم كومار ويقوم كومار مثل
الحصان من زود العافية ، أو أن يسقط كومار في قدر طبخ يغلي ولا يمسه سوء .

واليوم سأحكي لكم قصة فيلم هندي حصلت لي مع هيئة التخصصات الصحية
أعتقد لو أعطيت السيناريو حقها مخرج فيلم هندي لما إستطاع أن يعيد تمثيل هذي القصة .

رفعت أوراقي للهئية عن طريق سكرتيرة إدارة التدريب والإبتعاث في المستشفى
الذي أعمل فيه ، وأرسلت جميع شهاداتي وطلبات الهئية وطبعاً شيك الرسوم
المالية قبل كل شيء ،

وجلست ٧ شهور منذ أن أرسلت أوراقي للهئية دون أن يأتي أي رد عليها منذ أن
رفعهتها السكرتيرة، مررت على السكرتيرة سألتها بعد ٧ شهور عنها قالت أنها لم
يصلها أي رد من الهئية من ٧ شهور ، بعد إسبوعين تتصل فيني السكرتيرة تقول
الهيئة كلموها وقالوا إنهم غير معترفين بشهادتي خير شر وإني بإمكاني
أسترجع رسوم التسجيل وبالنسبة لتخصصك لن تصنف عليه ،

الجهة اللي تخرجت منها دون تسمية هي أرقى وأقدم جهة في الشرق الأوسط كله
في التدريس وهي الوحيدة في الشرق الأوسط من خمس وعشرين سنه اللي تخرج
تخصصي ، بالإضافة إلى أن تخصصي ولله الحمد من التخصصات النادرة جدا
وفي السابق قبل فترة كانت شهادات القدامى ممن تخروجوا قبلي تجي من أمريكا مباشرة لأننا نعتبر ندرس في فرع الجامعه في الرياض

المهم أخذت إجازه يومين وحجزت طيران من المدينة التي أعمل بها إلى الرياض

جيت الهيئة ووصلت للموظف اللي كانت أوراقي عنده عطيتة رقم معاملتي
قال إحنا بلغناكم إنا غير معترفين فيك
قلت من راسك صرفتها ولا من نظام الهيئة
قال من نظام الهيئة
قلت له طيب من هو رئيسك المباشر
قال الدكتور فلان الفلاني

طلعت من عنده للدكتور وسلمته عليه وشرحت له وضعي . ما زاد عن أنه وهو جالس على الكرسي الدوار سوى إنه لف الكرسي وأخذ ملف من ورى ظهره بإسم
الجهة التي تخرجت منها ،

فتح الملف وطلع نسخة الإعتراف من الهيئة بتخصصي

وقال إرجع فيها للموظف وخله يكمل إجراءات تصنيفك وتسجيلك

رجعت له وسلمته الورقه وقلت له
هذي لو سمحت واللي يرحم والديك أنهي معاملتي.
قام طبع لي خطاب موجه لعميد كلية الطب في جامعة الملك سعود
لكي تقوم بعمل اختبار تقييم لي .حتى يتم إكمال تصنيفي بناء على الإختبار
اخذت الخطاب وطلعت لكلية الطب وسلمت الخطاب

ومادريت إن أصلا هناك قرار من الفريحي بتصيف جيمع الخرجين من جهتي الدراسية بدون إمتحان http://www.vb.eqla3.com/images/smilies/0381.gif

المهم إني غادرت الرياض ورجعت مرة إخرى إلى جهة عملي التي
تبعد عن الرياض اكثر من الف كيوا

إسبوعين زمان تتصل فيني كلية الطب ويبلغوني بموعد الإمتحان العملي

طلعت لهم إمتحنت ونجحت ولله الحمد
( وأنا زي ما قلت لكم اصلاً مستثنى من الإمتحان والمفترض إني ما أختبر http://www.vb.eqla3.com/images/smilies/007.gif )

قالوا لي في كلية الطب إن ناجح وخلاص إحنا راح نرسل النتيجة
عالهيئة اليوم بالفاكس وعاد كمل إجرائاتك معهم

ورجعت مرة ثانية للمدينتي وجلست أنتظر الهيئة ترد علي

شهر
شهرين
ثلاث شهور
ولا فيه أي خبر

حاولت أتصل فيهم تليفون ولا عندك أحد

طلعت الرياض للهيئة سألت عن الأوراق
قالو إحنا فقط ننتظر الجامعة تبلغنا بنتيجة إمتحانك
رحت الجماعة قالوا إحنا أرسلنها فاكس وهذا وصل الفاكس
وأرسلنها رسميا مع المندوب وهذا توقيع إستلام مندوبهم
صورتي وأنا أشد شعر راسي
المهم إنه كان وقتها نهاية دوام الأربعاء فغادرت الرياض ولا قدرت ارجع للهيئة
ورجعت لمدينتي مرة ثانية
عطتني السكرتيرة رقم فاكس الدكتور المسؤول عن التسجيل والتصنيف
وأرسلت عليه من الفاكسات حتى تكسر ،
المهم أنني كملت خمس شهور والهيئة ساحبة علي ولا يردون علي إتصالات أو فاكساتي

حتى إستضافت قناة المجد د. حسين الفريحي

أمين الهيئة في برنامج مباشر على قناة المجد

بعنوان هيئة التخصصات الصحية الواقع والمأمول

فأرسلت سؤال على إيميل البرنامج أطرح قضيتي على الفريحي

وأجمل وصف وجدته لتكل الحلقة هو ما وصفها به المدون إبراهيم القحطاني
في مدونتة لما قال

(المقابله كانت ترفع الضغط وتعل
لأنها كانت من النوع اللي يكون فيها الضيف جاي للبرنامج علشان يقول لكل العالم انكم ما تفهمون
وان كل اللي تقولونه غير صحيح )

لقراءة كامل التدوينة هنا

المهم أن الفريحي لما عرض الاستاذ الدخيني تسأولي أجاب :

(مشلكتنا في الهيئة أن بعض الناس يرفعون لنا أوراق ناقصة وغير مكملة أو لا يكونوا فاهمين طلباتنا أو لا يعرفون كيف يعبون النماذج ثم إذا تأخرت أوراقهم في الهيئة تجدهم يضعون الملامة على الهيئة )

http://www.vb.eqla3.com/images/smilies/0381.gif
وش دخل مشكلتي في الأوراق والنماذج حقت الهئية http://www.vb.eqla3.com/images/smilies/007.gif
الحلقة كانت يوم الثلاثاء الساعة ١٠ مساء

لما إنتهت الحقلة مباشرة طلعت المطار ذاك المساء وعملت حجز على رحلة الرياض فجر الأربعاء . قلت أبي أقابل الفريحي براسه

وصلت الرياض الساعة ٩ صباح الأربعاء ومن المطار مباشرة إستأجرت سيارة
وعلى مقر الهيئة وصلت مكتب الفريحي وطلبت من السكرتير يدخلني عليه
قال من أقول له قلت له فلان الفلاني اللي سألك البارح في قناة المجد
جاني لسكرتير قال يقولك إسترح وخلاني أطلب ملفك إذا وصل ملفك تدخل عليه
جلست من الساعة ١٠ أنتظر وصول ملفي حتى قربت صلاة الظهر حاولت ادخل عليه قبل الصلاة قال السكرتير اصبر علينا لحد الحين عجزنا نلقى ملفك http://www.vb.eqla3.com/images/smilies/eek.gif
ملفك ضايع والفريحي يقول يبغى يشوف ملفك قبل تخش عليه http://www.vb.eqla3.com/images/smilies/0381.gif

المهم تعوذت من ابليس وصبرت نفسي وجلست ، وانا جالس عند السكرتير سمعته يسولف مع خويه ويقوله ان الفريحي بعد صلاة الظهر راح يكون عنده إجتماع مع رؤساء الأقسام من بعد الصلاة إلى نهاية الدوام تقريباً

فعرفت إني إذا أذن الظهر وأنا قابلت الفريحي راح ينتهي الدوام وانا ما قابلته
لما أذن الظهر قال السكرتير رح صل وإرجع لنا بعد الصلاة
قلت في نفسي إلعبها على غيري
قلت له أنا مسافر جيت من برا الرياض
وراح أجمع الظهر مع العصر ماعندي مشكلة

شوي طلع الفريحي من مكتبه عشان ينزل يصلي

وأنا أطير في حلقه ، وانشب له قال خلاص نصلي ونرجع قلت عندك إجتماع منت فاضي لي قال والله منت طالع اليوم من الهيئة إلا وشهادتك معك لكن خلني
ألحق الصلاة .

ثم إلتفت عالسكرتير وقاله ما أرجع من الصلاة إلا وملفه موجود

والله ياجماعة إنه فعلا لما رجعت للمكتب بعد الصلاة لقيت الملف على طاولة السكرتير سألت المراسل اللي جاب الملف من فين جبت الملف قال من الأرشيف http://www.vb.eqla3.com/images/smilies/0381.gif

أول ما وصل الفريحي راجع من المصلى سأل السكرتير لقيتم الملف

والله ياجماعة إنه مسك الملف وبدون ما يفتح أو يقرأ وش وفيه

كتب على ورقة ملاحضات صفراء
الدكتور فلان الفلاني يتم تسجيل وتقييم هذا الملف
قبل نهاية دوام اليوم

وقال إسترح وإن شاء الله تنتهي أمورك اليوم ودخل قاعة الإجتماع

فجأة طلع من القاعة اللي دخل فيها الفريح واحد يصارخ فين إمرء القيس

فين إمرؤ القيس ...إيه هين مشفر إسمي http://www.vb.eqla3.com/images/smilies/biggrin.gif

المهم إستمر بصراخه مع الممر ينشد عني

قلت عفوا من أنت قال أنا الدكتور فلان مساعد الأمين العام لشؤن التسجيل والتصنيف

قلت له سبحان الله قبل ثلاث شهور الفاكس حقك يشتكي مني وما رديت علي

واليوم لما وصلت الفريح زعلان إني تجاوزتك وكبرت الموضوع http://www.vb.eqla3.com/images/smilies/007.gif

المهم والله ياجماعة إنه يتكلم ويصارخ وبداخله بركان غضب غير طبيعي

يقلب ملفي ويقول الحين اكيد اروراقك ناقصة ماهي كاملة في ملفك
وإذا ما خلصناك اليوم ترجعي للفريحي
قلت بكل برود أكيد برجع
وقال ياخي ماتقول فين صورك عشان أخلص أوراقك

قلت هذي هي
والله إنها كانت قدام عيونه لكن إنعمى من شدة ماهو معصب
أرسل أوراقي مع المراسل ورجع لغرفة إجتماعهم
وخلال عشر دقائق جاني المراسل راجع بشهادة التصنيف وبطاقة التسجيل
ولكن تخصصي في شهادة التخرج شيء والمسمى في التصنيف اللي عطوني
إياه شيء مختلف تماماً عنه

جيت راجع لغرفة إجتماعهم وقبل أدخل وجدت الدكتور الخلوق جدا
سامي عبدالوهاب

ولم أكن أعرف أنه الرجل الثاني بعد الفريح قال وش المشكلة
عطيته شهادتي وعطيتة التصنيف وقلت له أنصفني من هيئتكم اللي ماعندها سالفة مصنفيني بتخصص عام وأنا شهادتي تخصص دقيق جداً

أخذني معه المكتب وإتصل بالتلفون وكلم اللي كانت أوراقي عنده وسأله

ليش تعطية إختصاص غير إختصاصة اللي في الشهادة

قال: إنه نضام السستم حقة برنامج الكمبيوتر عندي
لا يوجد فية اسم تخصصه ضمن قائمة التخصصات
عشان كذا عطيته التخصص الأقرب لتخصصة

قام الدكتور سامي عبدالوهاب وإتصل بقسم الحاسب أكثر من مره ولا أحد يرد
قام الدكتور سامي وقال تعال معي . والله وينزل معاي للدور الأول مدري الثاني
ماني ذاكر المهم قسم الحاسب الآلي وراح لمشرف العام وقاله الأن أبغاك تدخل على الداتا بيس حقت الحاسب الآلي وتضيف هذا التخصص ضمن اسماء التخصصات اللي في برنامج الهيئة .

ولما أضافة التخصص المشرف عالحاسب طلع مع الدكتور سامي لقسم التسجيل والتصنيف وقال غيروا هذي الشهادة بنفس تخصصه اللي أضفناه الآن عالسستم

وجلس واقف معاي حتى طبعت شهادة الهيئة الجديدة بنفس مسمى تخصصي الدقيق طلع القلم الخطاط الخاص بالتوقيعات ووقع مكان الفريح عالشهادة
وقال أتمنى إنك تكون راضي وقلت والله عنك راضي وأشد الرضى

أما عن الهيئة فلا وربي ما أرضى عنها حتى أمووت

تعرفون كم كانت تكلفة تسجيلي في الهيئة الغير مباشرة

مجموع تذاكر ثلاث مرات سفر للرياض ذهاب وعوده بي ٢٢٥٠ ريال

إيجار سيارات بحوالي ٩٠٠ ريال

إيجارات فندق بحدود ٩٠٠ ريال

المجموع ٤٣٠٠ ريال تقريباً + رسوم الهيئة

حالياً إنتهت شهادتي السابقة وملزم بالتجديد خلال هاليومين
ولكني كملت دراستي وغيرت تخصصي السابق ولله الحمد
بتخصص أدق منه خلال الفترة الحالية
وصار لي شهر من تخرجت وملزم بأن يتم تصيفي من الهيئة بهذا التخصص الجديد والله إني في كابوس

أقول الله لا يعيد علي هذا الفيلم من جديد في الهيئة لما أبتدي بأوراقي .....

مشهد نهاية هذا الفيلم الهندي

كلمة شكر للدكتور سامي عبدالوهاب http://www.vb.eqla3.com/images/smilies/rose.gif


فنصيحة خوذوا الأمر بجدية ولا تتهاونوا ترا إذا الهيئة فعلا ما أصدرت قرار بالإعتراف بالتخصص

شهادتكم حبر على ورق

ابو ناصر2 2013- 8- 16 03:20 PM

رد: خبر سيئ كصاعقه للخريجين
 
تقولكم كلمت الهيئة بنفسها ،، تقولون اشاعات ،،!

اذا فعلا الهيئة لا تعتمد تخصصنا ،، فانسوا العمل بالقطاع الصحي ولو كانت الشهادة معتمدة من الجهات الاخرى اياً كانت !

(أبوعبدالله) 2013- 8- 16 03:42 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة ابو ناصر2 (المشاركة 9395826)
تقولكم كلمت الهيئة بنفسها ،، تقولون اشاعات ،،!

اذا فعلا الهيئة لا تعتمد تخصصنا ،، فانسوا العمل بالقطاع الصحي ولو كانت الشهادة معتمدة من الجهات الاخرى اياً كانت !


نعم هذا الكلام الصحيح

الهيئة لا تعتمد التخصص إذا الجامعة نفسها مارفعت اوراقه للهيئة للإعتماد

يعني إبدأو مع الجامعة

إسلوهم هل سجلتم تخصصنا إذا قالوا نعم سجلناه

إطلبوا صوره من قرار الإعتماد وخذوه معكم للهئية

لأن أي تخصص يعتمد من الهيئة يعتمد بقرار من مجلس الهئية

محدد فيه إسم التخصص وتصنفيه فني اخصائي او إستشاري
والجهة التي تخرجه

أما إذا ما سجلوه فأنتم وحظكم في الضغط عالجامعة لكي تسجله

فجر الظهران 2013- 8- 16 04:39 PM

رد: خبر سيئ كصاعقه للخريجين
 
ربي يفرجها الله يعطيك العافيه نقل الكلام:21:

abo0o0d 2013- 8- 16 05:29 PM

رد: خبر سيئ كصاعقه للخريجين
 
اتمني من شخص تبني الموضوع وكلنا ان شالله معه بكل ما يطلب منا سوا ارسال فاكس للوزاره او اي طريقه يراها مناسبه وانا ارشح لهذا الشي الاخ ابو عبدالله لازم تصنف وتعتمد ولا بنصور مع الشهاده ونبروزها

(أبوعبدالله) 2013- 8- 16 05:42 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة abo0o0d (المشاركة 9396231)
اتمني من شخص تبني الموضوع وكلنا ان شالله معه بكل ما يطلب منا سوا ارسال فاكس للوزاره او اي طريقه يراها مناسبه وانا ارشح لهذا الشي الاخ ابو عبدالله لازم تصنف وتعتمد ولا بنصور مع الشهاده ونبروزها


أخي الكريم أنا الأن مثقل بقضية كبيرة أخرى مع الهيئة

أنا والزملاء في تخصصنا نصارع من أجل حلها مع الهيئة لكن هناك ألف عقبة في طريقنا

لدرجة أننا قمنا بجمع مبلغ 300 ريال من كل شخص فينا عشان نشوف لنا معقب

يتابع الموضوع لدى الهيئة

لكن أنا مثل ما قلت لكم الموضوع سهل جداً إذا الجامعة نفسها تحركت


أما إذا الجامعة ما تحركت والله لو تبلطون البحر الهيئة ما راح تعترف فيكم وإذا ما إعترفت فيكم الهيئة شهادتكم حبر على ورق .

لكن صدقوني التحرك الوحيد الذي راح ينفع منكم هو الضغط على الجامعة

وعدم الإكتفاء بقولهم إنهم مصنف ومعترف فيه

إذا قالت لكم الجامعة إنه مصنف ومعترف فيه من الهيئة

إطبلوا من الجامعة صورة من قرار التصنيف الصادر من الهيئة والموجة للجامعة بخطاب رسمي

(أبوعبدالله) 2013- 8- 16 06:03 PM

رد: خبر سيئ كصاعقه للخريجين
 
أمثلة على قرار إعتراف الهيئة اللي المفروض إن الجامعة أخذه نسخة منه لو قامت الجامعة بطلب إعتماد تخصصنا

http://im38.gulfup.com/esk9j.jpg






http://im36.gulfup.com/YQ0Xy.jpg



وبنالسبة لشاهدتنا لا عليكم الهيئة في دليل التصنيف المنشور ذكرت أنها التالي

http://im38.gulfup.com/jsuPI.png



http://im38.gulfup.com/jIEmW.png



المهم يبقى أن نتأكد من الجامعة نفسها مالذي قامت به تجاة أخذ قرار الإعتراف

فبحكم أنها جامعة حكومية هي مجرد إجراءات ورق ونماذج تعبيئها ثم تدفع الجامعة الرسوم للهيئة للحصول على الإعتراف بمخرجاتها

لكن المشكلة أن هناك جهات لا زالت متكاسلة في تسجيل تخصصاتها لدى الهيئة ما يعطل خرجيها ويقعهم في مشاكل

رنيم الفجر 2013- 8- 16 06:17 PM

رد: خبر سيئ كصاعقه للخريجين
 
السلام عليكم


شكرا للجميع

واللي قال اشاعة الرقم موجود وضعته لكم

وشكرا للاخ ابوعبدالله وفعلا هذا اللي قالوا لي خلي الجامعة تخاطبنا فانتم مسئوليتها

وتعمل كجامعة الملك عبدالعزيز انتساب

لان جامعة فيصل المنتظمين ليس لهم اي اشكاليه لكن الانتساب هي المصيبه وعدم الاعتراف

ياليت احد يتواصل مع الجامعة وانا جالسه احاول كذلك

ترى الموضوع مو سهل ولا نبي تساهل

واللي يقول خلينا نتخرج مع احترامي لك اذا الشهادة فقط راح تكون برواز على الجدار مراح تقيدنا


وماعتقد فيه احد هنا

تعب ودرس الا حاب يطور من عمله


ياخوان ليش نتخاذل هذا مصير ومستقبل لازم نتحد

الجامعة باذن الله مراح تقصر
والجامعة جديدة في مجال الانتساب

والمتطلبات وحقوقنا كطلاب اكيد

(أبوعبدالله) 2013- 8- 16 06:27 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة رنيم الفجر (المشاركة 9396371)
السلام عليكم


شكرا للجميع

واللي قال اشاعة الرقم موجود وضعته لكم

وشكرا للاخ ابوعبدالله وفعلا هذا اللي قالوا لي خلي الجامعة تخاطبنا فانتم مسئوليتها

وتعمل كجامعة الملك عبدالعزيز انتساب

لان جامعة فيصل المنتظمين ليس لهم اي اشكاليه لكن الانتساب هي المصيبه وعدم الاعتراف

ياليت احد يتواصل مع الجامعة وانا جالسه احاول كذلك

ترى الموضوع مو سهل ولا نبي تساهل

واللي يقول خلينا نتخرج مع احترامي لك اذا الشهادة فقط راح تكون برواز على الجدار مراح تقيدنا


وماعتقد فيه احد هنا

تعب ودرس الا حاب يطور من عمله


ياخوان ليش نتخاذل هذا مصير ومستقبل لازم نتحد

الجامعة باذن الله مراح تقصر
والجامعة جديدة في مجال الانتساب

والمتطلبات وحقوقنا كطلاب اكيد

يا أخت رنيم وكلامك على متمه أنا طامرت وطامرت سنة ونص مع الهيئة حتى خلصت وأنا الجهة اللي أنا متخرج منها كان معترف ببرنامجها أجل لو كان ماهو معترف فيه كم كنت راح أقعد أطامر

فالهيئة كما قلت لكم أكبر جهة بيروقراطية في المملكة ولا أعرف أحد في حياتي خلص أوراقه معهم إلا بعد غصة الحلق

فأولاً مثل ما قلت لكم خلونا نبدأ في الجامعة نتأكد فأنا لي تجربة سابقة مع موضفين الهيئة

إكتشفت أنهم لا يعرفون الأنظمة وبعظهم يحاول يعقدك أكثر من إنه يخدمك

وأسهل شيء يقولونه لك الهيئة شهادتك غير معترف فيها أو يقولك نعترف فيك بعد الإختبار


فأرجوا من الجميع أن ينتبه إذا كان شهادتنا معترف فيها و لايشملها الإختبار

فلا يدرعم راسه إذا قالوا نعترف فيك بعد الإختبار ويروح يختبر

إذا كانت شهادتنا معترف فيها من دون إختبار الهيئة فلا تختبرررررر

رنيم الفجر 2013- 8- 16 06:33 PM

رد: خبر سيئ كصاعقه للخريجين
 
شاكرة لك ابوعبدالله

ماعليك امر اشرح لي هالنقطه اللي ذكرتها ((
فأرجوا من الجميع أن ينتبه إذا كان شهادتنا معترف فيها و لايشملها الإختبار

فلا يدرعم راسه إذا قالوا نعترف فيك بعد الإختبار ويروح يختبر

إذا كانت شهادتنا معترف فيها من دون إختبار الهيئة فلا تختبرررررر
))


يعني مالنا اختبار فقط اختبار الانعاش القلبي وشهادة على سي بي ار + الرسوم فقط بدون اختبارهم الخاص صح ؟

(أبوعبدالله) 2013- 8- 16 06:41 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة رنيم الفجر (المشاركة 9396397)
شاكرة لك ابوعبدالله

ماعليك امر اشرح لي هالنقطه اللي ذكرتها ((
فأرجوا من الجميع أن ينتبه إذا كان شهادتنا معترف فيها و لايشملها الإختبار

فلا يدرعم راسه إذا قالوا نعترف فيك بعد الإختبار ويروح يختبر

إذا كانت شهادتنا معترف فيها من دون إختبار الهيئة فلا تختبرررررر
))


يعني مالنا اختبار فقط اختبار الانعاش القلبي وشهادة على سي بي ار + الرسوم فقط بدون اختبارهم الخاص صح ؟


أنا ماني عارف إذا كان لنا إختبار ولا لا

لكن تأكدوا إذا ماكان لنا إختبار تخصص

يكون فقط دورة الإنعاش القلبي + الرسوم

أما إذا كان هناك إختبار تخصص ملزمين فيه

يكون (يكون فقط دورة الإنعاش القلبي + الرسوم + إختبار التخصص )

فأنا تخرجت من تخصصي السابق ولم يكن لي إختبار و لكن الموضف ألزمني بالإختبار وأنا

درعمت أحسب إني مطالب فيه وبعد مانجحت إكتشفت إن شهادتنا أصلاً ما يحتاج إختبار :25:

لذلك في التخصص الثاني بعد ماتخرجت كنت فطن لهذي المسألة

قال الموظف تختبر قلت لا ياحبيبي أنا مايشملني الإختبار

وصنفت وإنتهيت

لكن زميلي اللي كنت أنا وياه ندرس نفس التخصص المسكين قدم أوراقه للفرع الهيئة في الدمام

قال الموظف عندك إختبار لازم تختبره أول

وخويي سلم للأمر الواقع يحسب كلام الموظف صحيح

وعملوا له إختبار والمصيبة إن اللي إختبره واحد مصري أقسم بالله طلع معلوماتية قديييييييمة
في تخصصنا نشب لخوي كل ما سئل خوي عن شغله خويي يجاوب من معلومات عام ٢٠١٠

وأثر المصري باقي على المعلومات حقت سنة ألف وحطبة .

(أبوعبدالله) 2013- 8- 16 06:45 PM

رد: خبر سيئ كصاعقه للخريجين
 
أتمنى ينقل الموضوع للقسم العام في كلية الأداب ليشارك الجميع فيه ويزيد الضغط عالجامعة لو كان هناك تقصير في التسجيل من الجامعة

رنيم الفجر 2013- 8- 16 06:54 PM

رد: خبر سيئ كصاعقه للخريجين
 
ربي ييسر لك


هذا اللي اقوله لازم نتكاتف ونكلم الجامعة

ماينفع صوت واحد

ويمكن سنه ولا نطلع بنتيجة وهيئة التخصصات معقدة زي ماتفضلت وقلت تبي لها متابعة وهذا اللي نحتاج ان الجامعة تسعى فيه من بدري


مو بعد التخرج :32: زي ماقالو الاخوان هنا خلينا نتخرج وبعدين

:24: تكفون تكاتفوا انا بديت الاتصالات ومازلت بس صوت واحد مايكفي

silєит мσσи 2013- 8- 17 01:18 AM

رد: خبر سيئ كصاعقه للخريجين
 
طيب اجتمعو ... ورحو للفريدان او الشعيبي في نفسس الجامعه وحاكوهم بكل ششششي ..

لان هذذذذذذا ابسسسسسط حقوقنا:16:

اكسجين 2013- 8- 17 02:17 AM

رد: خبر سيئ كصاعقه للخريجين
 
هذي السالفه اللي ماحسبنا له حساب ان الشهادات غير معترف فيها من قبل الهيئة السعودية للتخصصات الطبيه
لازم نتحرك من هالحين لان السالفه يبيلها وقت
انا براسل الفريدان ع تويتر واشوف رده
نبي الموضوع ينزل ع قسم الاجتماع العام عشان الكل يشارك فيه ليصبح الصوت اقوى
ابو عبدالله مانستغنى عن معلومات عن الموضوع لان الهيئة كل شوي نظام هسترو فينا ياموظفين الصحة .

رنيم الفجر 2013- 8- 17 02:24 AM

رد: خبر سيئ كصاعقه للخريجين
 
هذا الذي اتمناها ان نكون صوت واحد

وهذا ابسط حق لنا

والله مابي وقت لازم نتحرك

عايش الدور 2013- 8- 17 09:16 AM

رد: خبر سيئ كصاعقه للخريجين
 
لازم ينقل هالموضوع للعام


ولازم نقف وقفة رجل واحد أمام الجامعه وكل من له مدة يد


حنا نتعب عشان نستفيد مؤ عشششان نتمرمط

ام بندووري 2013- 8- 17 05:52 PM

رد: خبر سيئ كصاعقه للخريجين
 
لازم ينقل لقسم العام

اذا الهيئه هاذي مو معترفه بشهادتنا شلون باقي القطاعات

الي اعرفه ان مجال تخصصنا واسع جدا

بْـْْْ•̣̣̥•̣̥ـْْْسْ عقب هالكلام بديت اخاف :40:

ابو نواف..* 2013- 8- 17 06:48 PM

رد: خبر سيئ كصاعقه للخريجين
 
ينقل للقسم العام
:21:

موظف بالصحه 2013- 8- 17 06:52 PM

رد: خبر سيئ كصاعقه للخريجين
 
والله مصيبه لو كان هالكلام فعلاً صحيح أقصد مو من راس هالموظفه اللي ردت عليك !!

انا نفس الحكايه اعمل بوزارة الصحة ودراستي أصلاً لتحسين الوضع بالصحه ومالي أي رغبه بأي قطاع غير الصحه فإذا كانت شهاداتنا غير معتمده فهذه مصيبه والله ...

الهيئه تعاملت معهم بالتصنيف قبل سنوات لشهادتي الدبلوم وجددت البطاقه هالسنه والله لايعيدها من تجربه وموظفي الهيئة الكل يشتكي منهم ومن تعاملهم ...

@بوفهد 2013- 8- 17 07:18 PM

رد: خبر سيئ كصاعقه للخريجين
 
الموضوع كبير

شكرا ابو عبدالله
وشكرا لصاحبة الموضوع
تم تنبيه جميع المتابعين ..للفت النظر
ومراسلة الفريدان
http://up.7cc.com/upfiles/MVc58026.png

مسك الخيال 2013- 8- 17 08:01 PM

رد: خبر سيئ كصاعقه للخريجين
 
فهموني. بس. يختص. هاذا. الموضوع. قسم. علم اجتماع. لو. حتا. قسم. ادارة. الاعمال

هتآآن 2013- 8- 17 08:09 PM

رد: خبر سيئ كصاعقه للخريجين
 
الله يزينها ويسهلها ..

والله كريم ..

marwa109 2013- 8- 17 08:29 PM

رد: خبر سيئ كصاعقه للخريجين
 
الله يكون فيه عونكم

الطالب الموهوب 2013- 8- 17 08:54 PM

رد: خبر سيئ كصاعقه للخريجين
 
الجامعة مهملة بشكل فضيع في الحصول على تصنيفات على مستوى الدوائر الحكومية

جامعية2013 2013- 8- 17 09:05 PM

رد: خبر سيئ كصاعقه للخريجين
 
لاتسكتون عن حقكم ... الله ييسر اموركم

smell of flower 2013- 8- 17 09:14 PM

رد: خبر سيئ كصاعقه للخريجين
 
الخبر عرفته من زميله بتتخرج هالسنه وانصدمت من الخبر وانا نفس شئ لان موظفات صحه والدراسه لتحسين الوضع لكن سؤال كيف اوصل صوتي للجامعه :44:

خولة الهلال 2013- 8- 17 09:28 PM

رد: خبر سيئ كصاعقه للخريجين
 
لي عودة لقراءة الموضوع كامل

بس ان كان قصدهم بالشهاده تضيعين وبس ناخذ الشهادة ورق من لا فائده الله لايوفقهم

وان كان في هالشهادة وظائف النا ومعترفه الله يسعدهم :42:

محارب الحربي 2013- 8- 17 09:40 PM

رد: خبر سيئ كصاعقه للخريجين
 
ﻷحول وﻷ قوتا إلا بالله
ورا الدراهم الي لاهطينه بدون سبب بس عشان اوراق الإختبار
مايمديهم يشوفوا شؤن الطﻷب
ووضعهم وشهادتهم
والدوله ماهي مقصره تدعم دعم
واغلب مدرأء الجامعات اخر السنه يسوا مخلصين قال ايش فائض مالي
اكتفينا امورنا كلها تمام
انا لو دارس ببﻷش خمس سنين و اخر شي يخحيني واحد ويقولي انت وخريج الثانوي زي بعض
إذا ماصطرته على خشته بقول بقلبي الله ياخذك. .........
صراحته المفروض اول شي نشوفه الامور المهم بعد التخرج
اما الناس الجبنا الي يتهرب من الموضوع ويقول إشاعات ويبرر لنفسه ويحاول يقنع نفسه بنفسه
اقول بالعربي مع نفسك والمفروض منت كفوا تتكلم بهذي الموضيع
خلك ورا الناس ان قالو تمام قول وراهم تمام وان قالو غلط قول غلط بالعربي إمعه:11:

عزوف28 2013- 8- 17 09:40 PM

رد: خبر سيئ كصاعقه للخريجين
 
فعلا صعقتوني انا بهلخبر كيف انتو مع اني تخصص ادارة بس شي يذبح اتمنى من كل قلبي ان تتيسر اموركم

رنيم الفجر 2013- 8- 17 10:43 PM

رد: خبر سيئ كصاعقه للخريجين
 
الامر صعب علينا

لازم تتحرك الجامعة واللي كتب ان الموظفة في الهيئة يمكن ماعندها خبره

ياخوي من صاعقة اتصلت الاسبوع هذا والاسبوع الماضي وكل مره اللي يرد مختلف واقول لهم تاكدو

قالت انا اقرا لك من لوئح عندي والجهات المعترف فيها


ولازم صوتنا يكون واحد فقط نطالب ان يكون // شهادة الانعاش القلبي + دفع الرسوم للهئية فقط فقط فقط

لان جامعتنا حكومية مو فقط نفرح انها تعترف

لان الكليات والجامعات الخاصة شهادة الانعاش القلبي + اختبار عند كل تجديد + رسوم

ابوريان 2013- 8- 17 10:48 PM

رد: خبر سيئ كصاعقه للخريجين
 
هذا من واجب الجامعه تخاطب هيئه التخصصات لاعتماد خريجيها

محارب الحربي 2013- 8- 17 10:53 PM

رد: خبر سيئ كصاعقه للخريجين
 
والله مابعد درست بهالجامعه و مرات احس اني بدرس ببنقﻷدش

مستوي سابع 2013- 8- 17 11:00 PM

رد: خبر سيئ كصاعقه للخريجين
 
لا جديد والمعروف انها غير معترف فيها

ريم 2012 2013- 8- 17 11:05 PM

رد: خبر سيئ كصاعقه للخريجين
 
حاطه قاعده براسي الرزق من الله

حنا سعينا ودرسنا وبااذن الله كم سنه ونتخرج ماراح يروح تععععب

قدمو على كل مكان متاح لك متى ماالله قال ( كن فايكون ) بجيك ان شاء الله:21:

واختي الي نزلتي الموضوع لاتتضايقين ولاشي الله يرزقك باحسن وظيفه عند التخرج:love080::icon19::004:

shhs 2013- 8- 17 11:06 PM

رد: خبر سيئ كصاعقه للخريجين
 
جزاكم الله خير:21:

موظف بالصحه 2013- 8- 17 11:11 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة رنيم الفجر (المشاركة 9401569)
الامر صعب علينا

لازم تتحرك الجامعة واللي كتب ان الموظفة في الهيئة يمكن ماعندها خبره

ياخوي من صاعقة اتصلت الاسبوع هذا والاسبوع الماضي وكل مره اللي يرد مختلف واقول لهم تاكدو

قالت انا اقرا لك من لوئح عندي والجهات المعترف فيها


ولازم صوتنا يكون واحد فقط نطالب ان يكون // شهادة الانعاش القلبي + دفع الرسوم للهئية فقط فقط فقط

لان جامعتنا حكومية مو فقط نفرح انها تعترف

لان الكليات والجامعات الخاصة شهادة الانعاش القلبي + اختبار عند كل تجديد + رسوم


الإختبار عند التصنيف فقط بالنسبه للكليات الخاصه ...

أما عند التجديد لأخصائي غير طبيب bls + الرسوم + ساعات تعليم مستمر 60 ساعة لثلاث سنوات و 100 ساعة لمدة خمس سنوات سواءً حكومي أو خاص ...

أتمنى أنه يكون bls + دفع رسوم فقط لنا بعد التخرج إن شاء الله !

حزراوي 2013- 8- 17 11:55 PM

رد: خبر سيئ كصاعقه للخريجين
 
يجب على جميع من تخصصه علم أجتماع المشاركه
في الموضوع وارسال رساله الى الجامعة لكي تعرف الجامعة أن الموضوع مهم

الراقي222 2013- 8- 18 12:09 AM

رد: خبر سيئ كصاعقه للخريجين
 
ناس تكابر .. او انها متحطمه وتعودت على الاخبار السيئه من هالجامعه مثل بعض الاخوان في الردود السابقه..
الله يجزاكي خير .. وانشالله احد يتواصل معه ويخدمنا.. والله انه فعلاً خبر يحطم

جروح المشاعر 2013- 8- 18 01:20 AM

رد: خبر سيئ كصاعقه للخريجين
 
شرايكم نروح لداوود الشريان :35:

جميلةة 2013- 8- 18 01:30 AM

رد: خبر سيئ كصاعقه للخريجين
 
..

فوق 2013- 8- 18 01:35 AM

رد: خبر سيئ كصاعقه للخريجين
 
الحمدلله أنا تخصص تاريخ وماعندي مشكلة لأن أعرف إنه غير معترف فيه بس وناسة أحبه :5:

الطالب الموهوب 2013- 8- 18 01:39 AM

رد: خبر سيئ كصاعقه للخريجين
 
على الجامعة اخذ الامور بجدية .وعليها بتحريك موظفينها الادارين المسؤولين عن اخذ التصنيفات ومنح الاعترافات للشهادة مو بعد التخرج تفكر في الامر هذا اكبر تقصير حاصل.

عهووودهـ 2013- 8- 18 01:53 AM

رد: خبر سيئ كصاعقه للخريجين
 
ايش الحل يعني ؟
تعبنا فين يروح ادا هو مومعتمد ليش يفتحونه؟
لازم نطالب\
لابد عدد من الشباب يروحو يقابلو الدكتور عبدالله الفريدان ومايطلعو من عنده الا بالحل

ابو العقرب 2013- 8- 18 02:21 AM

رد: خبر سيئ كصاعقه للخريجين
 
انا انقبلت في الجامعة الالكترونية معلومات صحية ومعترف فيها .. والحمد الله اني دريت بهذا الشي ما راح الكثير يمكن افكر اني اترك جامعة الملك فيصل حتى يمكن اعدل مستوى الوظيفة ..

متعب الحساوي 2013- 8- 18 03:24 AM

رد: خبر سيئ كصاعقه للخريجين
 
أنا من منسوبي الصحة واحتاج التصنيف مو معقول كذا، تكفون لا تحطمونا

نمارق هل 2013- 8- 18 03:27 AM

رد: خبر سيئ كصاعقه للخريجين
 
أصلا كل اللي يقولون ليما نتخرج ليما نتخرج ويصير خير ..
بيصير خير لهم هم وحنا الدفعات الاولى رحنا فيها
حسافه الايام والفلوس اللي قضيناها بهالجامعه ياليتنا رحنا جامعه الإمام والا جامعة الملك عبدالعزيز.

الحين يبيلنا ركض ووجع راس بوزارة التعليم والهيئه الصحيه
شكر ياابو عبدالله على تثبيت صحة كلام رنيم
الله يعينا ويعينكم

رنيم الشهري 2013- 8- 18 03:42 AM

رد: خبر سيئ كصاعقه للخريجين
 
اهئ اهئ
وش هالكلام
ضايقن صدري
يعني شنووو اسحب ملفي:12::44::23:

الحAرف 2013- 8- 18 04:31 AM

رد: خبر سيئ كصاعقه للخريجين
 
السلام عليكم
طيب ياخوني وخواتي
حنا ما نبي كلام نبي فعل ونبي الاشخاص القريبين من الجامعة او يعرفون الدكتور الفريدان اني يخاطبونه ونحن معهم او يتصلون عليه او يذهبون للجامعة ومقابلت الدكتور بهذا الكلام وايجاد حل للموضوع واذا كان الكلام غير صحيح يعطين صورة من اعتماد الجامعة في الهيئة الله لا يضيع تعبنا وتعب زملائنا يجب اخذ الموضوع بجدية

مديحه 2013- 8- 18 04:41 AM

رد: خبر سيئ كصاعقه للخريجين
 
:18::18::18::18::18::18::18::18::18::18:

تاج راسي امي 2013- 8- 18 04:43 AM

رد: خبر سيئ كصاعقه للخريجين
 
ياليت يالله ياشباب شدوا حيلكم
و البنات بما انو مانقدر نروح خلونا نسوي حمله على تويتر

عند الفريدان

HELLO~ KITTY 2013- 8- 18 04:55 AM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة عهووودهـ (المشاركة 9402298)
ايش الحل يعني ؟
تعبنا فين يروح ادا هو مومعتمد ليش يفتحونه؟
لازم نطالب\
لابد عدد من الشباب يروحو يقابلو الدكتور عبدالله الفريدان ومايطلعو من عنده الا بالحل


انا مع كلامك لازم ي طلاب وي طالبات مانسكت واحد فيكم يكون ع قد المسؤليه ويمسك الموضوع ونتواصل معاه انا عن نفسي مادخلت هالتخصص الا عشان الوظايف

والله الواحد مايبغى يتكلم ويجيب عاليها واطيهاا:32: المفروض شي طبيعي معترف وامورنا طيبه ليه ندرس ونختبر وندفع ونجيب مجموع :26:


ولا ايش رايكم نكلم محامي ويمسك الموضوع اذا الفريدان بدا يماطل ..الله اعلم كيف نجيب رسوم الجامعه الي يدين والي يضيق ع نفسه وع اولاده واللي من الضمان واللي واللي ...

عيشتن قشرررة:32::32:

HELLO~ KITTY 2013- 8- 18 05:00 AM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة تاج راسي امي (المشاركة 9402890)
ياليت يالله ياشباب شدوا حيلكم
و البنات بما انو مانقدر نروح خلونا نسوي حمله على تويتر

عند الفريدان


حملة ايش الله يسعدك الفريدان اذا سالتيه مرتين ومااارد وسالتي مرة ثالثه سوالك بلوك

محارب الحربي 2013- 8- 18 05:31 AM

رد: خبر سيئ كصاعقه للخريجين
 
بلك براسه انشاءالله لو ضيح حق العالم هو دكتور والراتب ماشي ومايهمه الطالب:20:

منتسبه 2013 2013- 8- 18 06:07 AM

رد: خبر سيئ كصاعقه للخريجين
 
لااا وكمان شايفين حالهم الجامعه م يقبلوا الا بنسب ودفعات وحركاات

واخرتها شهاده مضروبه .. صدق اعور ويتنقور

خولة الهلال 2013- 8- 18 06:33 AM

رد: خبر سيئ كصاعقه للخريجين
 
ماقوووول الا حسبي الله عليهم

ضيعوا عمرنا بالاول ماقبلونا انتظام :20::20::20:

واخر عمرنا ضياعه بشهاده مو معترف فيه :12::12:

خلووووا نعمل مظاهرات او حملة لعل وعسى نطلع بحق معهم:22:

للحب هيبه 2013- 8- 18 06:54 AM

رد: خبر سيئ كصاعقه للخريجين
 
لا حول ولا قوة الا بالله

من اول ماسجلنا بالجامعه واحنا نسمع هالكلام وكان رد الدكتور النجار لما كان العميد بانها شهاده معتمده والحين لما وصلنا للتخرج ظهرت الحقيقه لما صار لا مجال للتراااجع

ارجوو منكم اخواني واخواتي اللي عنده اي معلوومه يفيدني انا ادب انجليزي ابي اتوظف بالكويت خارج المملكه اقدر ولا لا ووين اسال برايكم اروح الملحقيه الثقافيه السعوديه بالكويت واسال بنفسي

والله يسهلها وييسر امور الجميع :16:

@بوفهد 2013- 8- 18 07:40 AM

رد: خبر سيئ كصاعقه للخريجين
 

تم مراسلة الهيئة لزيادة التأكيد والحصول على مستند شبه رسمي



سؤال عن تصنيف شهادة (التعليم عن بعد) جامعة الملك فيصل (علم اجتماع والخدمة الاجتماعية )‎



إلى: info_unit@scfhs.org

السلام عليكم
نحن طلاب التعليم عن بعد فى جامعة الملك فيصل ندرس بكالريوس علم الاجتماع والخدمة الاجتماعية باذلين المال والجهد والوقت ونعلم ان المؤسسات الصحية هي ارحب مجال لتخصصنا ولكننا فوجئنا بمن يخبرنا ان شهادتنا غير مصنفة لديكم . ان كان ذلك صحيحا نرجوا توجيهنا لما يمكن عمله . وشكرا لكم
عن طلاب جامعة الملك فيصل (التعليم عن بعد)

@بوفهد 2013- 8- 18 07:42 AM

رد: خبر سيئ كصاعقه للخريجين
 
http://arabic.scfhs.org.sa/new/pages/index.html


موقع الهيئة

دلوعة من أحبه 2013- 8- 18 07:52 AM

رد: خبر سيئ كصاعقه للخريجين
 
:23:ذا غش إذا مؤ مصنفين ليش ندفع ومدرس ونتعب وفي الأخير لما نقدم نطرد :32:

HELLO~ KITTY 2013- 8- 18 07:53 AM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة @بوفهد (المشاركة 9403421)

تم مراسلة الهيئة لزيادة التأكيد والحصول على مستند شبه رسمي



سؤال عن تصنيف شهادة (التعليم عن بعد) جامعة الملك فيصل (علم اجتماع والخدمة الاجتماعية )‎



إلى: info_unit@scfhs.org

السلام عليكم
نحن طلاب التعليم عن بعد فى جامعة الملك فيصل ندرس بكالريوس علم الاجتماع والخدمة الاجتماعية باذلين المال والجهد والوقت ونعلم ان المؤسسات الصحية هي ارحب مجال لتخصصنا ولكننا فوجئنا بمن يخبرنا ان شهادتنا غير مصنفة لديكم . ان كان ذلك صحيحا نرجوا توجيهنا لما يمكن عمله . وشكرا لكم
عن طلاب جامعة الملك فيصل (التعليم عن بعد)

اخوي بو فهد الله ينصرك ويساعدك ي رب

طيب انا مااستبق الاحداث اذا ماردوا ايش حيصير ؟؟؟ واتمنى انك تكون المسؤول عن الموضوع وانا معاك لازم حل الى متى يسكتونا بكلام ... يعني لو مو صاحبة الموضوع الله يجزاها خير اتصلت وسالت ماااحد دررى ؟؟؟

HELLO~ KITTY 2013- 8- 18 07:59 AM

رد: خبر سيئ كصاعقه للخريجين
 
المفروض موقع الهيئة تكون فيه صفحه فيها اسماء الجامعات المرخصه لجميع التخصصات حتى الطالب يكون ع بينه ف كل شيء
حسبي الله ونعم الوكيل

الطالب الموهوب 2013- 8- 18 08:11 AM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة hello~ kitty (المشاركة 9403491)
المفروض موقع الهيئة تكون فيه صفحه فيها اسماء الجامعات المرخصه لجميع التخصصات حتى الطالب يكون ع بينه ف كل شيء
حسبي الله ونعم الوكيل

نعم كلامك سليم لكن الذنب ذنب الجامعة لو تحركو لحصلو عى التصنيف بكل سهولة فهم جامعة حكومية ,لكن موظفينهم الظاهر نامين بالعسل وماقامو بالامور الازمة . ( الجامعة هي المسؤول الاول والاخير )

@بوفهد 2013- 8- 18 08:13 AM

رد: خبر سيئ كصاعقه للخريجين
 
وهذا حساب الهيئة فى تويتر
وقد راسلتهم
@schs_sa

الطالب الموهوب 2013- 8- 18 08:14 AM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة @بوفهد (المشاركة 9403421)

تم مراسلة الهيئة لزيادة التأكيد والحصول على مستند شبه رسمي



سؤال عن تصنيف شهادة (التعليم عن بعد) جامعة الملك فيصل (علم اجتماع والخدمة الاجتماعية )‎



إلى: info_unit@scfhs.org

السلام عليكم
نحن طلاب التعليم عن بعد فى جامعة الملك فيصل ندرس بكالريوس علم الاجتماع والخدمة الاجتماعية باذلين المال والجهد والوقت ونعلم ان المؤسسات الصحية هي ارحب مجال لتخصصنا ولكننا فوجئنا بمن يخبرنا ان شهادتنا غير مصنفة لديكم . ان كان ذلك صحيحا نرجوا توجيهنا لما يمكن عمله . وشكرا لكم
عن طلاب جامعة الملك فيصل (التعليم عن بعد)

بارك الله فيك وماضاع حق وراه مطالب

ابو جنااا 2013- 8- 18 08:33 AM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة (أبوعبدالله) (المشاركة 9395793)
للأسف أحب أقولكم من واقع خبرتي في التعامل مع الهيئة بحكم أنني أحد العاملين في المجال الطبي

كلامك يجب أن يؤخذ بجدية ياجماعة

هيئة التخصصات الصحية هي أكبر قطاع بيروقراطي في المملكة تعاملت معهم في أكثر من خمس قضايا

حيث أنني أحمل تخصصين تطبيين وفي كل مرة أصنف لابد أن أحارب وأحارب وأحارب لكي زخذ حقي

ووالله وتالله وبالله أنني تخرجت أنا وأحد زملائي من ذات التخصص وقدم أوراقه من الدمام وعملوا له إختبار

وأنا قدمت أوراقي من الرياض ومشيت بدون إختبار

وكلام الأخت صحيح من ناحية التصنيف فليس لديوان الخدمة المدنية ووزارة التعليم العالي

أي دخل في الهيئة فالهيئة قطاع خاص وليس حكومي ولكنها هي التي تسير وزارة التعليم العالي وديوان الخدمة

فالقول الأول والأخير لها

وأنا أحدثكم من معرفة يجب أن تقوم الجامعة في الأساس بالرفع للهيئة بالتخصصات التي ترغب من الهيئة إعتمادها كل تخصص على حده
وتقوم بدفع رسوم الإعتماد من الهيئة ثم تراجع الهئية مناهج التخصص

وهذا الأمر يجب أن يحل عن طريق الجامعة والأمر بسيط إذا بغيتم تبحثون عنه في الجامعة

راجعوا الجامعة وإطلبوا رقم التصنيف للتخصص علم الإجتماع من الجامعة الصادر من الهيئة

فالهئية تزود كل جهة برقم قرار الإعتراف وليس هذا معناة إنكم لن تجدوا معاناة


وإليكم قصتي مع الهيئة قبل خمس سنوتا كما دونتها في منتديات ساحات الإقلاع قبل عام





فنصيحة خوذوا الأمر بجدية ولا تتهاونوا ترا إذا الهيئة فعلا ما أصدرت قرار بالإعتراف بالتخصص

شهادتكم حبر على ورق

أحبك في الله

الله يفتح عليك ويوسع في رزقك ويبارك فيه

اللهم أمين


ً

الراقي222 2013- 8- 18 09:11 AM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة @بوفهد (المشاركة 9403421)

تم مراسلة الهيئة لزيادة التأكيد والحصول على مستند شبه رسمي



سؤال عن تصنيف شهادة (التعليم عن بعد) جامعة الملك فيصل (علم اجتماع والخدمة الاجتماعية )‎



إلى: info_unit@scfhs.org

السلام عليكم
نحن طلاب التعليم عن بعد فى جامعة الملك فيصل ندرس بكالريوس علم الاجتماع والخدمة الاجتماعية باذلين المال والجهد والوقت ونعلم ان المؤسسات الصحية هي ارحب مجال لتخصصنا ولكننا فوجئنا بمن يخبرنا ان شهادتنا غير مصنفة لديكم . ان كان ذلك صحيحا نرجوا توجيهنا لما يمكن عمله . وشكرا لكم
عن طلاب جامعة الملك فيصل (التعليم عن بعد)

ابو فهد بيض الله وجهك وجميع اللي سعى في الموضوع .. ننتظر الرد على احر من الجمر واللي تبغونه حنا مستعدين ..
واتمنى يصير الرد بعدم صحه ذالك.

عالم ثاني 2013- 8- 18 09:18 AM

رد: خبر سيئ كصاعقه للخريجين
 
يا جماعه كونوا اكثر تعقل بالله عليكم ..

اول شي لازم تتأكدون من الموضوع ليش من رد تلفون تحكمون .

اقول تأكدوا اولاً ....

واللي اعرفه ان الهيئه معترفه بالتخصص هذا سواء كان انتظام او انتساب . لكن اذا كان السائل قايلهم تعليم عن بعد اكيد غير معترف فيه لحد الآن انتساب معترف فيه .


واذا كان فعلاً يلزم الجامعه تكلمهم اذا الموضوع بسيط جداً ما اعتقد انها بترفض لأنه اساساً من مصلحتهم

لكن التخصص معترف فيه وموجود في كتيب الهيئه انه يحق لك الحصول على درجة اخصائي وممارسة العمل بشرط الحصول على درجة البكالوريوس علم اجتماع او الخدمة الاجتماعية .

وتخصصنا يشمل الاثنين معاً .


انا اقول رد من موظف او موظفه لا يعتد فيه نهائي لا بد لنا التأكد من مسؤول التصنيف شخصياً واخباره بان الشهاده انتساب وليست تعليم عن بعد وبعدها لكل حادث حديث ..

أفا يا قلب 2013- 8- 18 09:38 AM

رد: خبر سيئ كصاعقه للخريجين
 
زهقت من وزارة الصحه وشهادة الهيئه عذبتني مراكض وراها لين طلعتها "الله يسلم الي طلعوها لي بعد حب خشوم"
الحمدلله ربي رزقني بقطاع خاص بلا ذل الحكومه

فيصل العصيمي 2013- 8- 18 11:13 AM

رد: خبر سيئ كصاعقه للخريجين
 
خبر محبط جداً جداً جداً:23::23::23:

يجب على الجامعة تدارك هذا الموضوع بشكل عاجل حتى لا يروح تعبنا على الفاضي

Haya-11 2013- 8- 18 11:28 AM

رد: خبر سيئ كصاعقه للخريجين
 
اذا الهيئه ما اعترفت بالتخصص من جامعة فيصل يصير مالنا اي احقيه التوظيف في القطاع الصحي ؟

ابراهيم الخالدي 2013- 8- 18 01:29 PM

رد: خبر سيئ كصاعقه للخريجين
 
الجميع يراجع الموضوع ذا

http://www.ckfu.org/vb/t486213.html

منير علي 2013- 8- 18 02:07 PM

رد: خبر سيئ كصاعقه للخريجين
 
سالفتكم مو بس فلم هندي
الا فلم اكشن رعب كوميدي تراجيدي رومانسي

الطالب الموهوب 2013- 8- 18 02:25 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة منير علي (المشاركة 9404610)
سالفتكم مو بس فلم هندي
الا فلم اكشن رعب كوميدي تراجيدي رومانسي

الا النهاية للحين مو معروفه حتى نحكم وش بترسي عليه سالفتنا :14:

F&H 2013- 8- 18 03:38 PM

رد: خبر سيئ كصاعقه للخريجين
 
من يتكفل بصياغة خطاب لإرساله للدكتور عبدالله الفريدان :42:

يجب على الجميع التفاعل وعدم الاتكال على الغير :16:

هدوء جدة 2013- 8- 18 04:05 PM

رد: خبر سيئ كصاعقه للخريجين
 
الله يكون بعوننا على هذي البيروقراطية إلا راح تذبحنا

الحمد لله على كل حال والله يوفق الجميع

وأخيراً أقول اجل حنا بخير :22:

منير علي 2013- 8- 18 04:46 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة الطالب الموهوب (المشاركة 9404670)
الا النهاية للحين مو معروفه حتى نحكم وش بترسي عليه سالفتنا :14:



شكلها بتصير وذهب فلان الى الفريحي واعتمد التخصص وضحك الجميع وعمت السعادت ارجاء الهيئة
وخرج فلان مبسوط


أنا أتمنى اصير مسؤول في مكان معين علشان امشي امور الناس زي الساعة
بس أرجوكم مابي اصير ملك لا تدعوا علي لا اروح في ستين داهية
موافق اصير رئيس الفراشين اخلي الطلاب يهربوا فلافل واكل من بره

طموح فتاه 2013- 8- 18 04:46 PM

رد: خبر سيئ كصاعقه للخريجين
 
>>>تخصصها مو علم اجتماع :34:
:31: يعجبني التفاؤل في البعض بقولهم عن كل شي يحطمهم "اشاعات "
ولكن هذي مو أول مره نسمع ان شهادة انتساب جامعة الملك فيصل مو معترف فيها
واللي سأل عن الترقيات وقالو له الشهادة مو معترفه ولو انها من جامعة مدري ايش كان تفيد ومن هالكلام
ممكن تفيد البعض اللي على رأس العمل واللي يبغي يشتغل يبلط البحر
استغرب من سكوت الطلاب والطالبات عن حقوقهم

منير علي 2013- 8- 18 04:48 PM

رد: خبر سيئ كصاعقه للخريجين
 
طموح فتاة انا انصحك انك تلبسي الطفلة الي في الصورة ثياب علشان لا تبرد
مو زين تتعلم على الجلسة بدون ملابس من صغرها مايصلح

منير علي 2013- 8- 18 04:50 PM

رد: خبر سيئ كصاعقه للخريجين
 
بالنسبة كون الخبر كالصاعقة
اذا في احد انصعق عسى ما احترق او صار فيه شيء
ترى تهمنا سلامتكم
العمل والدراسة والوظيفة تروح وتجي بس الصحة اذا راحت ما يرجعها الا رب العالمين

طموح فتاه 2013- 8- 18 04:51 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة منير علي (المشاركة 9405109)
طموح فتاة انا انصحك انك تلبسي الطفلة الي في الصورة ثياب علشان لا تبرد
مو زين تتعلم على الجلسة بدون ملابس من صغرها مايصلح

درجة الحراره 49 ونص وين البرد الله يخلف :35:

ņǾńĄ ĉúŦÊ 2013- 8- 18 06:02 PM

رد: خبر سيئ كصاعقه للخريجين
 
الأرزاق بيد الله ماندري وش الله كاتب لنا:29:

الجــــ@ـارح 2013- 8- 18 06:12 PM

رد: خبر سيئ كصاعقه للخريجين
 
يااخوان كثير من الكلام صار بخصوصو شهادة التعلم عن بعد

وكثير الي متشائمين وكثير الي ماعنده ثقه ,, لكن يااخوان توكلو على الله

وان شاء الله ان شهاداتكم معتمده من وزارة التعليم العالي

انظرو قداااام لاتنظرون للخلف ولا احد يعلم هل يكمل الدراسه او يتوفاه الموت وهو ماتخرج

ورزقكم عند الله سبحانه ولارح احد يخذ رزقكم ..

(اعمل لاخرتك كأنك تموت غدا واعمل لدنياك كأنك لن تموت ابدا )

يعني لاتستمعون لكل مايقال ولا تهتمون ولا تكونو محبطين توكلو على الله والله هو الرازق

(أبوعبدالله) 2013- 8- 18 06:20 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة الجــــ@ـارح (المشاركة 9405349)
يااخوان كثير من الكلام صار بخصوصو شهادة التعلم عن بعد

وكثير الي متشائمين وكثير الي ماعنده ثقه ,, لكن يااخوان توكلو على الله

وان شاء الله ان شهاداتكم معتمده من وزارة التعليم العالي

انظرو قداااام لاتنظرون للخلف ولا احد يعلم هل يكمل الدراسه او يتوفاه الموت وهو ماتخرج

ورزقكم عند الله سبحانه ولارح احد يخذ رزقكم ..

(اعمل لاخرتك كأنك تموت غدا واعمل لدنياك كأنك لن تموت ابدا )

يعني لاتستمعون لكل مايقال ولا تهتمون ولا تكونو محبطين توكلو على الله والله هو الرازق



يا إخوان يبدوا أن لديكم لبس

أي شهادة مهنية صحية حتى يتنفع صاحبها وظيفياً من مزايا حصوله عليها في المملكة

إذا ماكان معترف فيها من هيئة التخصصات الصحية وعملت لها الهيئة تصنيف وتسجيل صادر منها

فلا عبرة لإعتراف أي جهة بهذي الشهادة

ولو كانت مبصمة بأصابع وزير التعليم العالي نفسه

وهـج مطير 2013- 8- 18 06:25 PM

رد: خبر سيئ كصاعقه للخريجين
 
أي أحد عنده أي شكوى يتوجه للمكان الصحيح ويتخذ الاجراءات بشأن قضيته

الشهاده معترف فيها في وزاره التعليم العالي

أما بخصوص التربيه والتعليم هذا خالصيين منه مايبون الا منتظم

اذا ماقبلوا شهادتكم لكم حق ترفعوا أصوتكم إحنا معاكم

الحق حق ولاأحد يقدر يظلمكم وأنتم تبي حقك

بس وجهوا أصواتكم بالمكان الصحيح


F&H 2013- 8- 18 06:36 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة وهـج مطير (المشاركة 9405381)
أي أحد عنده أي شكوى يتوجه للمكان الصحيح ويتخذ الاجراءات بشأن قضيته


الشهاده معترف فيها في وزاره التعليم العالي

أما بخصوص التربيه والتعليم هذا خالصيين منه مايبون الا منتظم

اذا ماقبلوا شهادتكم لكم حق ترفعوا أصوتكم إحنا معاكم

الحق حق ولاأحد يقدر يظلمكم وأنتم تبي حقك

بس وجهوا أصواتكم بالمكان الصحيح

عذراً هل قرأتِ الموضوع كامل ؟
الدعوه ماهي الشهادة معترف فيها او لا بالمناسبة ! لأن وزارة الصحة ما عندها أي مشكله مع الانتساب

المشكلة مع تصنيف هيئة التخصصات الصحية !

مسك الخيال 2013- 8- 18 06:44 PM

رد: خبر سيئ كصاعقه للخريجين
 
اختلط. الحابل. في. النابل. ناس تقول. معترف. فيها. وناس. اتقول. مو. معترف. مو عارفين. شنو. الموضوع. الشهادة. معترف. فيها. في. جميع. الدوائر الحكومية. في. الديوان. في. التعليم. العالي. حتا في وزارة. التربية. والتعليم. بس. ماندرس. اذا. قدمنا. علي. الوضيفة. في. الديوان. فقط. نكون. ادارين. فقط. هاذا. لاي. تخصص.

F&H 2013- 8- 18 06:48 PM

رد: خبر سيئ كصاعقه للخريجين
 
اتمنى من صاحب الموضوع تعديل العنوان وتحديد الخبر لطلاب تخصص علم الاجتماع والخدمة الاجتماعية

@بوفهد 2013- 8- 18 06:54 PM

رد: خبر سيئ كصاعقه للخريجين
 
مما يؤسف له كثيرا ان بعض الشباب ينصح زملاءه بعدم الالتفات لمثل هذه الامور بل وقد يتهكم على اهتماهم متذرعا بأقوال (صحيحة ) ك / العلم عند الله , و توكلوا على الله , وان شاء الله خير , ولا تخافون , وكأنه يتهمنا في ديننا وايماننا بالله او يزايد علينا , او اننا ضعفاء وهو القوى الواثق من نفسه
لا يعلم ان الدين أكد وحث على العمل بالاسباب , بل ان من صفات المؤمن (الكياسة والفطنه ) وهي من اسباب قوة المؤمن لا ضعفه .
لم يحركني هذا الموضوع لاكتب ما كتبت ولكنه ذكرني بوضعنا (الانساني والاجتماعي والثقافي/ المتردي) جدا الذي صبغ المواطنين بالتبلد فكل ما حولهم يحبطهم فحاولوا التأقلم بالركون الى العجز والبحث عن كلمات مأثورة فهمت على غير معناها

مسك الخيال 2013- 8- 18 06:59 PM

رد: خبر سيئ كصاعقه للخريجين
 
اوكي. كلامك. صحيح. الفاهم. يعلم. الجاهل. لكن. يوضح. لة. الموضوع. الشهادة. معترف. بها. ونقول. لة. فقط. ماتدرس. شهادة. علم. اجتماع. والخدمة. الاجتماعية. انتساب. فقط. في. مجال. الهيئة. مومعترف. وفي. محاولات. جارية. للاعترف. بها. مثل. ماعملوا. جامعة. الامام.

prestigious 2013- 8- 18 07:14 PM

رد: خبر سيئ كصاعقه للخريجين
 
رغم أن قسمي ليس بعلم الاجتماع ..إلا أني أتألم مثلكم ..

فهذا ظلم (حقوق عباد )
تدرسون برسوم ..وكأننا في جامعات أروبية وكأننا لانعيش (في بيئة صغيره تتجشأ بترول ).!


ثم لا تجد قسمك موجود ضمن المتطلبات المستقبلية .!
قد سأمت ..من تصرفاتهم الصبيانيه ..(فعلاً ).
الصمت هو سلاح الجبناء ..
طـاردوهم من كل حدب وصوب..!
كونوا على ثقه بأن هذه حقوقكم ..





دلوعة من أحبه 2013- 8- 18 07:15 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة دلوعة من أحبه (المشاركة 9403459)
:23:ذا غش إذا مؤ مصنفين ليش ندفع وندرس ونتعب وفي الأخير لما نقدم نطرد :32:

. لازم تحطون تظلم

Khaled.k 2013- 8- 18 07:30 PM

رد: خبر سيئ كصاعقه للخريجين
 
فعلاً خبر يسد النفس
عسى ربي يفرجها عليكم

الجــــ@ـارح 2013- 8- 18 08:11 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة @بوفهد (المشاركة 9405423)
مما يؤسف له كثيرا ان بعض الشباب ينصح زملاءه بعدم الالتفات لمثل هذه الامور بل وقد يتهكم على اهتماهم متذرعا بأقوال (صحيحة ) ك / العلم عند الله , و توكلوا على الله , وان شاء الله خير , ولا تخافون , وكأنه يتهمنا في ديننا وايماننا بالله او يزايد علينا , او اننا ضعفاء وهو القوى الواثق من نفسه
لا يعلم ان الدين أكد وحث على العمل بالاسباب , بل ان من صفات المؤمن (الكياسة والفطنه ) وهي من اسباب قوة المؤمن لا ضعفه .
لم يحركني هذا الموضوع لاكتب ما كتبت ولكنه ذكرني بوضعنا (الانساني والاجتماعي والثقافي/ المتردي) جدا الذي صبغ المواطنين بالتبلد فكل ما حولهم يحبطهم فحاولوا التأقلم بالركون الى العجز والبحث عن كلمات مأثورة فهمت على غير معناها


اول شي اخوي احترم وجهة نظرك لماقلت ,,

وتمنيت هذا الرد من غيرك وليس منك انت

لان التوكل على الله مطلب للجميع وليس معنى كلمة توكلو على الله

ان الشخص عنده نقص او شك في دينه

ذكر فان الذكرى تنفع المؤمنين ,,,,,

اخوي علم اجتماع والخدمات الاجتماعيه , هل عرفت معنى مسماء علم اجتماع وخدمات اجتماعيه ,,

عموما يجب على الجميع معرفه ان هناك فرق بين تخصص علم الاجتماع العام وهو تربوي اكثر منه طبي,,,,

بينما تخصص الخدمه الاجتماعيه هو طبي اكثر منه تربوي


انا استغرب من كثير من الاخوان ليه اختارو علم اجتماع

هل لانه يعتبر سهل الدراسه ام فقط للحصول على شهاده فقط


ولم ينظرون لمستقبل هذا التخصص ,, اعيد واكرر


ياخوان الي ماعنده ثقه في تخصص علم اجتماع انصحه يغير تخصصه

ولايتعب نفسه يشوف تخصص لغه انجليزيه او ادارة اعمال


الخلل في وزارة الصحة وليس في التعليم العالي

فيه ناس يدرسون برا المملكه دراسات عليا في تخصصات

صحيه لم يحالفهم الحظ في دخول الوظائف في وزارة الصحه ,,

مُفكر 2013- 8- 18 08:22 PM

رد: خبر سيئ كصاعقه للخريجين
 
اقتباس:

المشاركة الأصلية كتبت بواسطة رنيم الفجر (المشاركة 9394195)
السلام عليكم ورحمة الله وبركاته

وكل عام وانتم بالف خير


ياخوان ياخوات

ياليت اللي يقدر يقابل العميد او يتواصل معه يناقشه بالموضوع التالي :

قسمنا علم الاجتماع والخدمة الاجتماعية غير مصنف من قبل هيئة التخصصات الصحية

وفعلا كلمت الهيئة بنفسي 920019393


وقالت لي فعلا الانتساب لا يقبل الا من جامعة الملك عبدالعزيز لانها راسلت الهيئة وطالبت بشي هذا وتم تصنيف طلابها ولازم جامعتكم هي اللي تسعى بهذا الشي

لكن جامعة فيصل معترف فقط بالانتظام الانتساب لا يقبل ولا يصنف


حرام والله جاني احبط شديد

لا تعليم يقبل ولا صحة ولا ولا

وانا اصلا موظفة صحة واسعى لتحسين وضعي

ومن غير هالتصنيف ابدا ابدا ابدا الشهادة لا استفيد منها

لازم نطالب بهذا الشي



ياليت اللي يقدر يقابل العميد

يمكن الجامعة لان نظام الانتساب جديد عندها لم تنظر لهذا الموضوع لان جامعة الملك عبدالعزيز قديمة جدا وبعد اضافة الشروط بالصحة سعت لمصلحت طلابها وطالباتها


التخصصات الصحية والتعليمية مُهمة فماذا عن التخصصات الأخرى ؟؟!!

ابيض وجه 2013- 8- 18 09:25 PM

رد: خبر سيئ كصاعقه للخريجين
 
السلام عليكم ورحمة الله وبركاته
اسال الله العلى العظيم ان يجزاكم خير الجزاء واخص من بدأ الموضوع وجعلها فى ميزان حسناته الصالحه ومن ايد وعمل واشار وشارك وان شاء الله تعالى تكون صدقه جاريه للجميع وسوف تخدم اجيال واجيال باذن الله تعالى فمن يحتسب الاجر من الله تعالى وانا ارشح اهل الاحساء بحكم القرب من الجامعة وسهولة الوصول اليها واذا وصلت الى الرياض انا مستعد اتواصل مع الهيئة واكمل المشوار باذن المولى الكريم كم من الاجر سوف ينال الجميع باذن الله تعالى وفق الله عزوجل الجميع لما يحب ويرضى وما ادري هل هو مسموح فى المنتدي ان اضع وسيلة الاتصال الجوال او E-MAIl


All times are GMT +3. الوقت الآن حسب توقيت السعودية: 07:41 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه