|
اي بنت بتروح تحضيري وقسم علمي تدخل هنا
السلام بنات
بما ان تونا بنروح تحضيري ولا نعرف دكاتره ونظام الجداول كل وحده تقول لنا وش اختارت مجموعه وس افضل مجموعه فيها دكاتره؟ |
رد: اي بنت بتروح تحضيري وقسم علمي تدخل هنا
وعليكم السلام ..
شوفي ع حسب اختيارك تبين احياء ورياضيات السمستر الاول ولا فيزياء وكيمياء لان اول 3 مجموعات رياضيات واحياء والثلاث الاخيرة فيزياء وكيمياء :) انا ابي اخذ كيمياء وفيزياء بما انها اصعب لان مواد السمستر الاول اسهل من السمستر الثاني .. وحسيت المجموعة 6 زينه لان سمعت البنات يمدحون فوزية الهاجري حقت الفيزيآء وهي اصعب مادة بالنسبة لي واخترت السادسة بس :""""") |
رد: اي بنت بتروح تحضيري وقسم علمي تدخل هنا
انا مع تهاني في ان تدرسون الفيزياء والكيمياء السمستر الأول لان بتكونون متحمين للدراسة وفيكم طاقه اما السمستر الثاني خذوا الرياضيات لانه سهل ومافيه اي افكار جديده |
رد: اي بنت بتروح تحضيري وقسم علمي تدخل هنا
قصدي متحمسين:42: |
رد: اي بنت بتروح تحضيري وقسم علمي تدخل هنا
اجل انا احس اني اخذ اسهل جدول اللي هو رياضيات واحياء لان اول سمستر مو متعوده على نظام الجامعه
والسمستر الثاني اخذ الاصعب فيزياء وكيمياء لان تعودت على نظام الجامعه |
رد: اي بنت بتروح تحضيري وقسم علمي تدخل هنا
جد مواد السمستر الاول اسهل؟!!!
|
رد: اي بنت بتروح تحضيري وقسم علمي تدخل هنا
ب اعطيك المواد :
7 مواد بكل سمستر السمستر الاول: مبادئ إحصاء ثقافه اسلامية مبادئ علم نفس مقدمة حاسب مبادئ تربية السمستر الثاني : علم نفس النمو تحرير عربي انجليزي عام مهارات بحث تطبيقات حاسب بالاضافه الى : رياضيات + احياء فيزياء + كيمياء مادتين السمستر الاول ومادتين السمستر الثاني |
رد: اي بنت بتروح تحضيري وقسم علمي تدخل هنا
واحس الاحصاء مع الرياضيات ب اتخلبط بينهم لو كلهم بنفس السمستر :"") وانتِ خوذي اللي ب ترتاحين له
لان كل رأي يختلف عن الثاني :"") |
رد: اي بنت بتروح تحضيري وقسم علمي تدخل هنا
أنا صراحه نفس راي نجوود قلت السمستر الأول رايضات وأحياء الاسهل بما اني ماعرف نظام الجامعة و مو متعودة عليه اما السمستر الثاني بكون عرفت وكذا آخذ كيمياء وفيزياء:29: |
رد: اي بنت بتروح تحضيري وقسم علمي تدخل هنا
قصدي رياضيات:)
|
رد: اي بنت بتروح تحضيري وقسم علمي تدخل هنا
ثلج وش بتاخذين اي مجموعه ؟ ان شاء الله الثالثه ابي احد وياي
|
رد: اي بنت بتروح تحضيري وقسم علمي تدخل هنا
اقتباس:
على حسب دكتورة الأحياء من افضل بختار المجموعة |
رد: اي بنت بتروح تحضيري وقسم علمي تدخل هنا
الله يوفقكم :16:
|
رد: اي بنت بتروح تحضيري وقسم علمي تدخل هنا
:16:
|
رد: اي بنت بتروح تحضيري وقسم علمي تدخل هنا
اقتباس:
انا زيك سألت عن كل الدكاتره كلهم كويسين بس باقيلي الاحياء |
رد: اي بنت بتروح تحضيري وقسم علمي تدخل هنا
,'
يصبحكم بالخير حبيباتي ترا بتتعودون ع الكلية بسرعه والنظام باسرع بالنسبة للكيمياء والفيزياء مايخوفون وحلوين لو تمشون صح يعني عندك الفيزياء بالنسبة لي كان ممتع مع استاذة هند القحطاني كانت تسهله لنا وتفهمنا بالمحاضرة و حتى واجباتها وطلباتها سهله وماتصعب علينا و المذاكرة من المحاضرات و راح تطلب كتاب بس مو لازم توفرونه انا اعتقد تكتفون بالمحاضرات اللي تلقونها هنا بالملتقى او بالبلاك بورد لان الكتاب بكل امانه كبيير وما راح تاخذون الا ربع بسيط منه يعني اللي تبي الكتاب او ماتعرف الا بالكتاب تصور بس الفصول المطلوبه بصفة عامه دكتورة هند تساعد وتمشي المحاضرة سلسه واختبارها حلو للي يذاكر ويفهم ومركز معها اما بالنسبة للمعمل بكل صراحه يعني كنت بين و بين مره افهم التجربه مره اكرهها لانها تطول وتدقق الاستاذه المعيده بس بتكون فيه ملزمه بمكتبة الكلية بـ 15 حق التجارب وتكتبون فيها وعليها 15 درجة و الافضل تحرصون عليها و فيه كويز و يكون بسيط وغالبا بالبدايه يكون ومايخوف من 3 درجات يعني اذا ركزتي لمن تسوي التجربه وفهمتي بتعرفين تسوينها وانتي تسولفين بعد :17: عاد انتبهي للوقت وللارقام الحسابيه لان يركزون عليها الفيزياء مافيه ميد ترم حق المعمل ع خبري والنهائي تسحبين رقم وعلى حظك وش تطلع لك التجربه من التجارب اللي درستوها وفيه ملزمة مراجعه تراجعها معكم المعيده واللي مافهمتوه يعني الموضوع سهالات انشاء الله الكيمياء المعمل ونااااااسه كاان يونسني يعني جد يخفف علي ثقل المحاضره كان جميل عمل صدق وتجارب وحماس ومسابقات مع استاذة ايمان ونسولف معها وتساعد صرراحه المعمل كان شيء جممميل بس استاذة ايمان اهم شيء عندها تجين ع الوقت بالضبببط وفيه ملزمة له بمكتبة الكليه نفس الشيء ب 15 حق التجارب و تنقسمون مجموعات تجيبون معكم لاب كوت و انبوبتين وماسك انبوبة و فوطة صغيرة و ترى تنقص اذا ماجبتوه الزبده خذوه عند ايمان ماتندمون وحتى الميد تررررم سسسسهللل تضمنين الدرجات و النهائي التجارب و لا اجمممل اتوقع درجات المعمل للكيمياء كلكم تحطونها بالجيب اما المحاضرة مابه الا شيخه الخرساني وانا اعتذر اني اتكلم عنها ماراح اقول صعبه بس اهم شيء تحاولين قد ماتقدرين ماتغمض عيونك وتفهمييين من نفسك انتتتي للامانه ان تعطي فرص بالهبل لتجميع الدرجات لدرجة ان اذا دخلتي البلاك بورد بس وشافتك موجوده دايما تعطيك بونس ... الاحصاء مع دكتورة رائدة بصراحه كانت تونس ودايم تقول صبايا وصبايا وانا بحكي هون و سسسهل يعني اشياء معيوده جدا ومعروفه و على خبري تدرس المادة بكتابها هي اللي كاتبته وحلو وتحدد و تقسم قروبات وتسون عرض باور بوينت كل قروب على الجزء اللي مختارينه تشرحونه ايه و ملف لكل قروب بعد عشان كل محاضرة نهايتها فيها تطبيق و واجب تحلونه وينحط بالملف وتصححه بنفس الوقت وترا التطبيق عليه 10 و الواجب 10 و كل مره هيك و الدرجه لكل القروب مبادئ التربية مع دكتورة نجلاء هوساوي مادة ظريفة نوعا ما هاه ظريفة اقول يعني فلسفه عن التربية في العصر القديم والهندي و هالاشياء و غالبا للاختبار تحدد اممم تقسم القروبات و كل قروب له فصل يشرحه بعرض باور بوينت و فيه كويز و اختبار الكتاب المفتوح يعني الكتاب مفتوح وانتي تدورين الاجابه بوقت محدد طبعا و فيه نشاط اذكر سوته لا و الله مو نشاط شيء كذا ان كل قروب يمثل رئيس من رؤساء هالعصور والتربية ونتكلم ونسال بعض يعني كان حماس و ضحك وكان ع نهاية السمستر الميد ترم سسهل مع اني كنت خايفه منه لاني ماعرفه بس طلع سهل والنهائي نفس الشيء علم النفس خذته مع تهاني الجعيد ومازلت اقول هالانسانه جماااااال يعني المادة جميله اصلا و هي اجمل اهم شيء عندها تجيبون افكار ابداعية جدييده والشرح للباور بوينت بطريقة ابداعيه والملف بعد تحب تكون فكرته جديدة ( تحطون فيه تقييم لكل مجموعة تشرح و والواجبات اللي تطلبها والكويزات و بعد لازم يكون فيه ورقة بدايته باسماء الطالبات في القروب و محتوى الملف ) مادة جميله جدا و حلوه و خفيفه وبالفهم كانت اغلبها بالنسبة لي مقدمة في الحاسب مع استاذة ساميه تحب الهذرررة بشكل مو طبيعي ياااربي كنت اسلك لها و للامانه ان التسليييك نفع يعني سلكوا قد ماتقدرون كنت اسرح من الطفش و ثم ارجع اركز و ادخل عرض و اشارك و تقولي صح و يضحكون البنات كيف اني داخله عرض و اسلك و هي تمشي لي يعني صراحه كان هالاسلوب ينفع معها بس ترا ع خبري اختبارها تحبه مقالي احذروا لا قالت موضوعي لاتصدقون ترا خذت درس ماعدت اصدقها المحاضرات تنزلها بالمكتبه و اتوقع بتلاقونها هنا بعد المعمل حلو وفيه ملزمة له بعد في المكتبة و يعني كله تطبيق ع الجهاز احلى شيء اصلا المعامل بصفة عامة اممم وش بعد هذا السمستر الاول لي الثاني نصيحة لا تاخذون احياء عند سماح لان اغلب البنات سحبوا الماده ماودي اتكلم عنها بس اخذوها عند ناهد انقليزي خذته عند نهاد عسيري اخلاق لغة ممتازه تعامل جميل فله كلاسها كان احب شيء عندي تحبينه غصب مرره سهل تفاعلي معها وتقدرك ثقافه اذا ماتبون تنامون لا تاخذونه عند تغريدة وزه *الله يسامحها بس * الى اخخر لحظة في المحاضرة تهذر ولازم لغة عربية واذا شرحتي وشافت خطا بعرض الباور تفشلك و تقولك هذا خطا وانتوا مادرستوا املاء و تدرسون تحرير يعني الزبده تفشلك فانتبهي على عرضك و راجعيه الف مره اول محاضرة لي معها من الفلاحه جالسه قدام انا وصديقتي و الفاجعه كانت ان حنا نمنا من غير مانحس بس ضربت الطاولة و صحصحت والتفت لقيت نص البنات نايمين *بعذرها عصبت* و الله هالدرجة و اكثر تنوم ،، ايه راح يكون فيه جزء عم تسمعونه بالمصلى لمدة شهر وعليه عشر درجات وترا تغريد يهمها مره انك تسمعينه و على فكرة للامانه حقانية بالدرجات و تحب اللي تشارك اللي ينومنا ان بعد ما البنات يشرحون ويتعبون هي ترجع تشرح كل اللي شرحوه : ) ياصبر الارض بسسس اممم علم نفس نمو خذته عند نهايه دكتورة هاديه جدا اممم نفس الشيء تحب اللي يشارك واللي شرحهه حلوه ساعات تتسيمج عاد انتوا سلكوا و اضحكوا عشان الدرجات *ياما سويتها* بس يبي لها تررررركييز و تذاكرينه اول باول عشان ماتلخبطين بالنهائي لان كله عن مراحل نمو من اللحين اقولكم احجزوا الباب الخامس قصير وسهل هع اذا كان نفس الكتاب بتطلبه مهارات البحث خذوه بدون اي كلاام عند منال محروووس ياخي والله لو الماده ماتنحب بتحبينها منهااا غصصب سهّلت المااده كثييييير و هي تساعد ومحاضرتها ضحك و وناسه و تعطيك السؤال المقالي اللي بيجي بالاختبار حبوبة جدا و ينحب الكلاس تطبيقات الحاسب من اسمه تطبيق ع اربع برامج لمايكروسوفت اوفس الوورد والاكسس و الاكسل و الباور و المعمل تعطيكم تمرينات تشتغلون فيها بالبرامج الماااده اسهل من المقدمة يعني هذي جد مادة سهله مره و خذتها عند ليندا بس جربوا غيرها و ش بعد !! التحرير خذته عند نهال تحب تسولف وتحكي عن نفسها وتتفلسف بالعربية و يمكن تلقط كلمة قلتيها تروح تفتح لك سالفه عنها الماده عربي املاء مكثثف اشياء معروفة و سهله مررره تافهه الماده بس عاد م تستهينين فيها مرره هذا اللي اذكرره و اعررفه و حبيت افيدكم :1: ،' |
رد: اي بنت بتروح تحضيري وقسم علمي تدخل هنا
كيف ثقافه اسلاميه..
وبالجداول نازلة عقيدة واخلاق ..؟؟ ... وينفع آخذ مواد عامه من السمستر الثاني ..؟؟ |
رد: اي بنت بتروح تحضيري وقسم علمي تدخل هنا
اقتباس:
ثقافه اسلامية الخطة القديمة الحين تعادلها عقيدة واخلاق :) http://www.ckfu.org/vb/t479359.html وينفع تاخذين مواد عامه من السمستر الثاني بس الافضل لك تمشين على الجداول النازله منعا للتعارضات |
رد: اي بنت بتروح تحضيري وقسم علمي تدخل هنا
اهااا..لاعندي مجال بجدولي ..
يسلمووو حبيبتي .. الله يوفقك بكل خطوة يارب ..:16: |
رد: اي بنت بتروح تحضيري وقسم علمي تدخل هنا
طب رياضيات عند احلام هاه كيفها ! والعقيده عند غزوى !! :40: الظاهر ب اخذ الجدول ال 3 والله يعين ويستر بس :5::18:
|
رد: اي بنت بتروح تحضيري وقسم علمي تدخل هنا
انا محتارة بين جدول 3 و6
بس الي يمكن اكيييييييييييييد 3 والله يسهل لنا يارب |
رد: اي بنت بتروح تحضيري وقسم علمي تدخل هنا
الى الان محتاره لكن بما انو وضع الجامعة ونظامها مختلف وجديد علينا احس الافضل اخذ رياضيات واحياء اول سمستر بما انها سهله والمعلومات مكرره << على قولتهم ويمدينا نتذكرها ف اخاف ناجلها للسمستر الثاني ونفقد الذاكره << هاع والي تعرف عن دكتورة الاحياء اوالرياضيات او اي دكتورة ماتحرمنا من ردها ،،:1: والله يوفق الجميع ، :43: |
رد: اي بنت بتروح تحضيري وقسم علمي تدخل هنا
بنات الي تقول ان خايفه من نظام الجامعه وكذا
انا حبيت اقول بس رأيي ان اكيد بنتعود عليها بسرعه واذا مرا طولنا شهر مع اني متأكده أن بيكون أقل فأنا احس خذي الأصعب بالنسبه لك لأن الكل قال مواد السمستر الثاني اصعب ف صعب مع صعب راح تهلكين انا عن نفسي خذت جدول 6 لأني ماحب الفيزياء معقدني في حياتي ههههه :( أما باقي المواد ف كلها سهالات أن شاءالله فكروا مره و مرتين وشوفوا وأهم شي لا تاخذون جدول عشان تطلعون بدري بس يمكن يكون كل الدكتورات الي فيه شديدات ويكون ضغط وسط الاسبوع وكذا ماتستفيدين ابد خصوصا أن نبي معدل حلو عشان ندخل التخصص الي نبيه وبالتوفيق للكل 3> |
رد: اي بنت بتروح تحضيري وقسم علمي تدخل هنا
انا اخترت رقم 2
بالعكس أحس ضروري تعرفين عن المعلمات :29: وحسيت الجدول هو اللي مجموع فيه كل المعلمات الزينات :34::42: |
رد: اي بنت بتروح تحضيري وقسم علمي تدخل هنا
أنا عن نفسي خذيت الجدول الأول لأن سههل ويمدحون الدكاتره و الأستاذذات اللي فيه ..
وبالنسبة للكيمياء والفيزياء و الأحياء والرياضيات كلهم فيهم السهوله و الصعوبه ومايفرق خذيناها الترم الأول أو الثاني:(!! والله يوفقكم جميعاً.. |
رد: اي بنت بتروح تحضيري وقسم علمي تدخل هنا
بنات ركزوا ثقافة اسلامية المسمى الجديد لها النظام الاجتماعي في الاسلام
وعقيدة واخلاق هي نفسها عقيدة واخلاق |
رد: اي بنت بتروح تحضيري وقسم علمي تدخل هنا
وترا الاحصاء مختلف اشد الاختلاف عن الرياضيات وبسييييييط جدا جمع وطرح
فـ اللي بتاخذهم بنفس السمستر ترا ما يلخبط موفقين يارب :16: |
رد: اي بنت بتروح تحضيري وقسم علمي تدخل هنا
اقتباس:
شرحها جميل وتعطيك الزبده وطلباتها قليل بس اهم شي تجيبينها بالوقت وتتعاون معنا كثير وتسولف واختباراتها حلوه واذا خلصت المحاضره بدري تخليك تطلعين مو مثل بعض الدكتورات تجلسين تقابلينها لين ينتهي وقت المحاضره :26: رياضيات - معالي شرحها مره حلو شديدة شوي بالتعامل لكن اهم شي الشرح والمعمل مع احلام هذي الانسانه حبوبه جججججدا تسولف وتمزح وتشرح ببساطه تحسين المعلومه تدخل بسرعه وكويزاتها سهله وعادي اول شهر كذا وتتعودون على الوضع كنا مثلكم جايبين العيد اول سمستر :26: موفقه حبيبتي :1: |
رد: اي بنت بتروح تحضيري وقسم علمي تدخل هنا
بنآت ويش فيكم واذا صآر الجدول صعب عآدي احنآ درسنآ يعني في المدرسه قرآبه 13 مآده وأكثر والوقت هو نفسسه يعني درسنآ موآد العلمي اربعهم مع بعض يعني عآدي لآتحطوا في بآلكم انو في شي صعب و أنآ افضل انو تعتمدوا ع نفسكم أكثر من أعتمآديتكم ع المعلمآت وتركزوا وتحطوآ في بآلكم انكم بتعتمدوا ع انفسكم مو ع الشرح اللي من الأسآتذه كذ افضل ليكم واحنآ المعلمآت اللي مروآ علينآ بالمدرسه مآكآنو كلهم عدلين بس الحمد لله عدينآ هذآ رأيي الشخصي وحبيت أفيدكم :16: |
رد: اي بنت بتروح تحضيري وقسم علمي تدخل هنا
اقتباس:
كلامك صحيح , لكن لما كنتي تدرسين 13 مادة والمواد العلميه كلها مع بعض كان اكبر همك يا اختبار يا واجب , ومافي اختبارات نصفيه دوري ونهائي وقضينا لكن الكلية مختلفه اشد الاختلاف عن المدرسه , لكل ماده واجبات واختبارات ومشاريع وانشطه وبونس وفي تسميع جزء قرآن وفي اختبارات نصفيه ونهائية .. والنصفيه يدخل فيها نص المنهج تقريبا يبي لها مذاكره قبل بوقت ..! فـ حلو الوحده تختار اللي تشوفه مناسب لوضعها ونفسيتها انا عن نفسي اخذت رياضيات واحياء السمستر الاول لانهم اسهل وزي ما قالوا البنات بتصيرين منتي عارفه وش تسوين ولا تعرفين طريقة المذاكره وكيف تذاكرين ومن وين تبدين وبالمقابل في كثير واجبات وانشطه وشغلات تسوينها فـ تاخذين الاسهل عشان يسهل عيك كل شي وما ينزل معدلك ممكن تاخذين كيمياء وفيزياء وماتفهمين على الدكتوره وماعرفتي كيف تذاكرين والماده اساساً صعبه فـ اكيد بينزل معدلك هذا رأيي انا وكل وحده تشوف اللي يناسبها الله يسهل لكم :16: |
| All times are GMT +3. الوقت الآن حسب توقيت السعودية: 02:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام