|
نقض وفتل
موضوعي اعتبار محاوره وحبذا لو تكون مباشره .لتنميه المواهب .واثراء القسم والمجال مفتوح للجميع _______________________________ سلام رده وافيه في مبتدى قافي سلام*** للمنتدى واللي حضر يسد عن كل الغياب ودي بقاف معتبر يرقى على راس السنام*** الين يرضى راعي الخصمه يخفف في العتاب |
رد: نقض وفتل
هلابك اخوي الشامخ وسلمت يمينك وفكره رائعه واتشرف ان ارد عليك ,, يامرحبا بلي بدى القاف ونرد السلام ** للشامخ الي رقاء فوق الثريا والسحاب بعلومه الى نفتخر فيها ولا فيها كلام ** العقل عقل الشايب ولكن قلبه قلب شاب عاد تراني ماني بشاعر ياشامخ بس بحاول معك |
رد: نقض وفتل
الله يحيك ..وبالعكس كلنا مكملين لبعض ..بس شد حزامك ___________ الك البقا ياصاحبي محشوم من ضمن الحشام *** لكن عندي سالفه غلفتها وسط الكتاب المهره اللي ذيرت من بعد ما ذقنا الغرام *** ماني بخيل في الوصل لكن مااحب الكذاب |
رد: نقض وفتل
الخيل من خيالها واذهن تفك الها الخطام ** لابدماتعسف قبل ولا تروح مع السراب تتعب ورها بالهوى وتضماء مثل ورد الحيام ** وتضيع في بحر الغرام تبطى ولا تلقى شراب |
رد: نقض وفتل
يتغرق في غنج دلعها لانطقت اسمك تعال**وبتوصل لك بعزها وتتمرد لااجل توصل وصال
موضوع رائع اخي الشامخ ,, |
رد: نقض وفتل
مـدري كـبر والا دلـع تختـال زاهـيه اللثـام *** وانا صـقر فـوق الـقمم مانـي شـبيهً للـغراب اما نجي قلبً وقلب مثل المطيه في اللجام*** والا المخارج واسعه تلقى مع الطرقي ركاب |
رد: نقض وفتل
اقتباس:
منوره اختي الدانه ..كل الشرف بمتابعتك ::: صحالسانك ..:17: |
رد: نقض وفتل
الحب ياشامخ ماهو مثل ماينقال ** الحب لغز صعب تلقى له جواب
إما توافق او إنفصال أو قلوبٍ بـــآكيه |
رد: نقض وفتل
الحر يعرف صيدته بين الحباري والحمام** والا الطيور الطائره ماهمته لوهي قراب انصحك بالشيهانه الي مطيرها وسط الغمام ** ومنزالها في شامخات الجبال مع الهضاب |
رد: نقض وفتل
الله الله صحت السنتكم , متابعه
|
رد: نقض وفتل
الصقر الحر مايسكن كداوي ....يسكن وطن متعلي شهير ....
ودز الرد انكانك اسطاوي ....البومه ليش خلوها اطير .... :16: |
رد: نقض وفتل
يازين شورك نقتدي والا تعدينا ـالملام *** حيثك مجرب قبلنا في شوق تلعات الرقاب انا اشهد انها نادره في وصفها ذنب و حرام***لكن لاتبطي علي في بعدها شوق وعذاب |
رد: نقض وفتل
اقتباس:
والسانك ..الله يحيك .. نور الموضوع :16: |
رد: نقض وفتل
حال العشق( شوق وعذاب) **والا العشق من غيرهم( سراب )
كما قال عنترة ابن شداد**عقاب الهجر أعقب لي الوصالا وصدق الصبر أظهر لي المحالا |
رد: نقض وفتل
الحب قبلك زعزع الحكام وارجالً احشام ** وابيوتهم صارت هدام وديارهم صارت خراب الحب يبغاله وفاء ولا على الدنيا السلام ** لاصار من يعشق صدق في حبه يجيك الجواب |
رد: نقض وفتل
الحب يبي له قلب ما يعرف طريـق اليـأس**لا حاسد(ن) معنا و لا مبغض و لا جسـاس
|
رد: نقض وفتل
ودك نختمها ترى قد دار في راسي المنام*** ونعوض اللي خاطره بالشعر !!!ما بعد طاب والا المحبه كامنه اضمن لها كـل اهتمـام*** قلبي وروحي والشعر في قربها عين الصواب |
رد: نقض وفتل
محدن في هالزمن يستاهل الحب ،، كل ابو الحب يغدي جروح
أمنتك الله كانك تبي القلب ،،،لاتجرحه ويكفيه ماشاف من نوح :18: |
رد: نقض وفتل
اقتباس:
الله يحيك امالامورات...زياره كريمه طبعاً هدف وهمي نغني عليه فقط لااكثر...وان شاء الله تتعدد المواضيع القامه ايظاً نتمى تعدد الشعراء .. اشكراخي الجارح شكراًلكم..وللمعلوميه كل ما كتب كان على الهواء تصبحون على خير |
رد: نقض وفتل
حانت ترى وقت الصلاة واختامها مسك الختام ** الله يطيب خاطرك في قرب راعيت النقاب وصلات ربي عدماصلى المصلي ثم صام ** على النبي الي نزل جبريل واقراة الكتاب |
رد: نقض وفتل
هلابك اخوي الشامخ وصح السانك , واكيد ليس كل ما يكتبه الشاعر يعبر عن حقيقه او واقع للشاعر لكن ربما يكون هناك معاني لا يفهمه الكثير فصح لسانك وعلى شانك وسعدت بمجارتك واعذرني على القصور |
رد: نقض وفتل
الله يمسيكم بالخير جميع ...موضوع متجدد .. اللي يبي يشارك الله يحيه .
------------------------------- اللـيل تــوه ســرى يا حـضـره الشـــعار***نبغى نـسري حــــدى الـشـعـار ذا الـليله واللعب في الميدان والخيل في المضمار*** وانا حصاني اصيل ومربط كحيله |
رد: نقض وفتل
الليل ساري ومن سرى الليل ماسار ** الليل من يسريه ماله عيونً تقديله زانت علومك وشتبي قول وش صار** وين الكلام الي يشب نار الفتيله |
رد: نقض وفتل
يامرحبا بالصديق ولمه الـسمُار*** بغيت غيـرك يشـد الحـمل وشيـله لكن دونك تفضل وافهم الاسرار*** خابرك ضرس ترد السد من سيله |
رد: نقض وفتل
والك البقا يالصاحب المغوار ** حنا جمالً نرتكي للحمول الثقيله السر في بير على مقيل ماله قرار** وان سال سيل الجبل بالفكر نتكيله |
رد: نقض وفتل
لاتكسرالمايده وتبعثرالافكار *** ما يعرف الجارح ويدينه بخيله
الاوله راحت ما تقبل المعذار *** افطن لها يا ولد لاتميل الكيله |
رد: نقض وفتل
الله يزينها على ماقيل للاخيار ** ترى العوض موجود وانت الدليله الحر لامنه بغى المطيار ** فك السبوق وخل عينك تخيله |
رد: نقض وفتل
ان كان تبغى الصحيح وزبده الاشوار *** ترى الدلال الصفر مبهرً هيله الشـعر بالاوزان والحـر بالـمنقار***وان حـام طير الرخم نثـنـيه بالحيله |
رد: نقض وفتل
لو طال ياشامخ ترى المشوار** ميل عقالك وانتبه للميله تذكار لو عشنا على التذكار ** خيال والخيال راحت خيله |
رد: نقض وفتل
لا تدخـلك شكـهً وتضـيع ياستـار *** ما ودي اقول ياحليـل يا حلـيله الشعر نقض وفتل وانته ركبك الزار***لا روح الجارح يازين تبديله |
رد: نقض وفتل
الشامخ والجار ح الله عليكم اساتذه نتعلم منكم المعاني الجزيله ولايستغرب منكم هذا الابداع
|
رد: نقض وفتل
مافيه شكه يارفيقي بس ضيعت المسار ** احذر ترا النقطه بها الشرطي ودربيله ان كان ماتدري عن المعنى عليك الاعتذار** ولا السموحه في القصيد ويازين تأجيله |
رد: نقض وفتل
البرق برقه لاح من غير ذكر امطار*** وان سال سيل الجبل نعطيه تحويله لاتقلب المعنى يا الثعلب المكار*** ما يُفهم المصحف من غير ترتيله |
رد: نقض وفتل
اقتباس:
ههههههههههههههههههههههههه الشامخ اعذرني تراك فهمك خطاء يعلم الله والسموحه اذا كان فهمك للمعنى كذا ارجع وحلل المعنى ويوضح لك لاتستعجل في التفسير ترا والله قصدي شريف الى القاء |
رد: نقض وفتل
هههههههههههههههههههههههه
عزالله كلكم الشعار واساتذة بحر يتعلم منكم اهم شي استغفروا وتركو الشعر قبل رمضان :14: |
رد: نقض وفتل
الله عليكم مبدعين
صحت الالسن واصلوا متابعينكم |
رد: نقض وفتل
شكراً للجميع ..وان شاء الله اقرب فرصه نعاود الابحار...
والموضوع للجميع ايناً يجيد اللعب يتفضل .... |
رد: نقض وفتل
كل عام وانتم بخير ..والله يقبل من الجميع الصيام والقيام
____________________________________ سلام مني للحضور اللي يجمعهم شعر *** اهل الكرم واهل السخاء واهل العلوم الوافيه من بعدها مبروك للي صايماً هذا الشهر*** والصـوم ما يقـبل ترى من غـير شوف هـلاليه |
رد: نقض وفتل
شكرا ع الموضوع
استمتعت بالقراءه كانت لي محاوله ولكن اعتقد ان الغير موزون لايليق بالردود شكرا |
رد: نقض وفتل
الله يحيك ريم ...
تاكدي ..الابداع يبدى بــ محاوله كل الشكر على الزياره اللطيفه |
رد: نقض وفتل
مره اخرى لمحبي فن المحاوره نحاول تنميه مواهبنا واثراء هذا القسم الرائع ..والاستفاده من تجاذب وتفاعل اخواني الشعراء والمشاركين في انتظار الشعار .... ..وكل عام وانتم بخير ,, ______________________________________ |
رد: نقض وفتل
كل عام وانت بخير اخوي الشامخ واستلم عاد عيدك وانت يالشامخ بخير ** وجعل ايامك سعاده وانشراح اليالي فرقتنا ماعرفنا وش يصير ** وكل منا في طريق العلم راح |
رد: نقض وفتل
مرحبا ياصاحبي وانت المدير**عيدك مبارك ياعسى عيدك فراح الليــالي ثابتـه مافيــها تـغٌـير** وانا طريقي يالخوي قفـرً براح |
رد: نقض وفتل
الله يدوم المحبه وبالمعزه نستنير ** والله يصف القلوب وترجع ايامً ملاح مانبي هرج يزعل لانوينا بالمسير ** والعلوم الي تضر الفكر وتزيد الجراح وعتذر عن التاخير لان النت بطي جدا عندي |
رد: نقض وفتل
ابطيت يالجارح عسى في الامر خير** والمعاني كلها عطرً وفاح ارجد المـعنى لاتـونا يـالخبـير ** والـعدود الـراويه عـذباً قـراح |
رد: نقض وفتل
مايطير الحر لين يشوف له طيرا يطير** ولانوى نيه تعلى ثم بالجنحان لاح كل طيرا يشوفه مايفكر بالمطير ** والحباري من مطيره يصبحهن صباح عااااااااااد اخوي الشااااااامخ اعتذر لابطى النت لان الصفحه تطووول ما تفتح وتشرفت منتظر ردك على البيت الاخير ولنا لقاء |
رد: نقض وفتل
الطيور النادره ماكرها عسير**وان حصل لك فرصه تغانمها ياصاح ما يطير الحر!! واجناحه كسير **لا بــغا المـــطيار هــون وطاح |
رد: نقض وفتل
\ الله يعطيك العافية يَ الشااامخَ .... بـَ امكانك فتح موضوع للمحاوره بـَ القسم الفرعي (قصائدكم وخواطركم الخاصه) كـَ نوع من التنظيم اكثر ويكون موضوعك بمكانه الصحيحَ اقتباس:
قوانين القسم واضحهَ .....بعد اذنك يغغلق وفي انتظار موضوعك انت والجارح ومحاورتكم الشعرية :21: |
| All times are GMT +3. الوقت الآن حسب توقيت السعودية: 05:50 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام