ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   قسم المحذوفات و المواضيع المكررة (https://vb.ckfu.org/forumdisplay.php?f=33)
-   -   كيف الدراسه عندكم !! (https://vb.ckfu.org/showthread.php?t=468107)

nana10 2013- 6- 1 03:17 PM
كيف الدراسه عندكم !!
 
السلام عليكم
بنات حبيت اسألكم كيف الدراسه بكلية الاداب تخصص انجليش !!
سمعت انهم ماينجحون الا بالدف وكذا وانا ابي انقل
ساعدوني

بنت الزهراء 2013- 6- 1 03:18 PM
رد: كيف الدراسه عندكم !!
 
بصراحة حبيبتي صادقين المود عندنا كذا
وتحتتين الدرجة لانه هالتخصص مطلووووووب جدآ جدآ:29:

nana10 2013- 6- 1 03:23 PM
رد: كيف الدراسه عندكم !!
 
بصراححه مخوفيني من هالكلية ونظامها وانا لازم انقل وخايفه

روينا 2013- 6- 1 03:33 PM
رد: كيف الدراسه عندكم !!
 
ادرسي عن بعد :42:

nana10 2013- 6- 1 03:34 PM
رد: كيف الدراسه عندكم !!
 
شنو عن بعد لا انا ناتظام بعدين انا اسأل عن نظام الدراسه سهله ولاصعبه ولا شنو
مو شلون ادرس

بنت الزهراء 2013- 6- 1 03:38 PM
رد: كيف الدراسه عندكم !!
 
شوفي حبيبتي النظام مو سهل للامانة بالذات اذا كان مستواك في الانجلش ضعيف
بس اذا كنتي تشاركي ومستواك حلو
ممتااااااااااز
يعني مو شي اعجازي انك تنجحي بالعكس في دكتورات يعطونك حقك الحمد لله
ودكاتره لا
حالها حال اي جامعه
ترا ناس نقلت وعادي تاقلمت
يعني انقلي بس نصيييييييييييييييييييييييحه جدي واجتهدي ليييييييين تقولي بس :29::29::29::2::2:

روينا 2013- 6- 1 03:38 PM
رد: كيف الدراسه عندكم !!
 
مو صعب كثير بس لازم تشدين حيلك والله يوفقك

nana10 2013- 6- 1 03:41 PM
رد: كيف الدراسه عندكم !!
 
انا شاطره الحمدلله ومن النوع الي اشارك وشكرا طمنتوني انا كنت سامعه انو مرررررررره ظلم وكذا
مشكورين حبايبي

خيآل انثى 2013- 6- 1 03:41 PM
رد: كيف الدراسه عندكم !!
 
nana

السهل والصعب بكل كليه تحصلينه :9:
انا بالمستوى السادس قسم انجليزي
مع العلم اني مو من كلية الدمام بس ان شاء الله بنقل للدمام اقرب لي

nana10 2013- 6- 1 03:43 PM
رد: كيف الدراسه عندكم !!
 
ان شاء الله ياقلبي والله يسهل علينا
بس لو فيه سكن كان احسن بعد : (

خيآل انثى 2013- 6- 1 03:47 PM
رد: كيف الدراسه عندكم !!
 
آمين ويسهل على الجميع يآرب

miss rawan 2013- 6- 1 07:21 PM
رد: كيف الدراسه عندكم !!
 
بخصوص الظلم انا مستوى سادس انجلش ولا مره حسيت اني انظلمت بدرجات بالعكس اغلب الدكاتره متعاونات و تهمه مصلحه الطالبه

مافيه شي صعب و لا سهل فيه شي اسمه اجتهاد و اهمال

توكلي على الله و انقلي

:16:

Ďσα'α♔ 2013- 6- 1 07:29 PM
رد: كيف الدراسه عندكم !!
 
السلام عليكم
يمكن ان مالي دخل بالموضوع بحكم اني بقسم ثاني
بس بقولك شي بصرآحه
انا عن قسمي كثير بنات يقولون ظلم وظلم وظلم
لكن انا عن نفسي ماشفت ظلم صراحه
وقسم الانجليزي انا درست تقريبا عند 4 دكاتره ماحسيت ان هم يظلمون
وكان التقصير مني انا
بالختصر كل دكتور او دكتوره يحملون طالبه قالو ان هالشخص ظالم
الا يمكن في دكاتره يظلمون بس قليل
انتي لاتسمعين كلام البنات انتي قيمي هالشي بنفسك
صيري سيده معهم بتشوفينكم سيده معاك

انا كم دكتور ودكتوره يخوفوني منهم بس لما ادرس عندهم بالعكس ماشوف منهم ظلم الا 1 او 2


موفقه:16:

لولو السكري 2013- 6- 1 09:58 PM
رد: كيف الدراسه عندكم !!
 
اقتباس:
المشاركة الأصلية كتبت بواسطة miss rawan (المشاركة 9069739)
بخصوص الظلم انا مستوى سادس انجلش ولا مره حسيت اني انظلمت بدرجات بالعكس اغلب الدكاتره متعاونات و تهمه مصلحه الطالبه

مافيه شي صعب و لا سهل فيه شي اسمه اجتهاد و اهمال

توكلي على الله و انقلي

:16:
يا الله انش تنظلمي ها المرة عشان تعرفي الاجتهاد من الاهمال

مهذبة 2013- 6- 1 10:12 PM
رد: كيف الدراسه عندكم !!
 
^
^
استغفر الله العظيم !!

مجنونتها 2013- 6- 1 10:25 PM
رد: كيف الدراسه عندكم !!
 
لولو خير وش هالاسلوب !! روان تكلمت عن تجربتها مالك أيَ حق انك تدعين عليها تكلمي عن تجربتك وبس ولا تجرحين وتدعين على غيرك ،، بجد أسلوبك مستفز استغفر الله العظيم بس ،، أما بالنسبة لصاحبه الموضوع أنا رأيي من رأي روان القسم يبيله اجتهاد ومذاكره أول بأول و بالنسبة للدكاترة متعاونين وفيه بعضهم شديدين و إسئلتهم شوي صعبه بس بشكل عام إنتي قبل تسجيل المواد أسالي هنا بالمنتدى والبنات مارح يقصرون معاك وبالنهايه استخيري وقرري

miss rawan 2013- 6- 1 11:41 PM
رد: كيف الدراسه عندكم !!
 
اقتباس:
المشاركة الأصلية كتبت بواسطة لولو السكري (المشاركة 9070432)
يا الله انش تنظلمي ها المرة عشان تعرفي الاجتهاد من الاهمال
ليتك فهمتي الي كتبته قبل لا تردين

عموما جزاك الله خير خففتي عني ذنوبي

لولو السكري 2013- 6- 2 12:01 AM
رد: كيف الدراسه عندكم !!
 
وش دخل تخفيف الذنوب في الدعوة الي دعيتها لك
انتي تضني انه البنات الي حملو مواد لانهم مهملين مو لانه الحظ ماصار وياهم وانهم لاقو دكاترة تلعب فا انا بس حبيت تصيري في نفس دا الموقف وتعرفي شعور وحدة تداكر وتضل تسهر طول الليل وبا الاخير تحمل المادة لانه انتي ماقلتي كل شي بتوفيق من رب العالمين

سحااآآااب ~ 2013- 6- 2 12:07 AM
رد: كيف الدراسه عندكم !!
 
لولو
اتحدى تحلين بالاختبار زين و ضامنة النجاح
وتجي الدكتورة ترسبك او تلعب بدرجاتك بس كذا والله مزاج ..
انا مع روان انو المجتهده راح تنجح والمهمله هي اللي ترسب ..
بعدين ياليت تحسنين اسلوبك شوي .. والدعوه راح ترجع عليك اللحين
او بعدين والدنيا دوارة .

miss rawan 2013- 6- 2 12:09 AM
رد: كيف الدراسه عندكم !!
 
اقتباس:
المشاركة الأصلية كتبت بواسطة لولو السكري (المشاركة 9071017)
وش دخل تخفيف الذنوب في الدعوة الي دعيتها لك
انتي تضني انه البنات الي حملو مواد لانهم مهملين مو لانه الحظ ماصار وياهم وانهم لاقو دكاترة تلعب فا انا بس حبيت تصيري في نفس دا الموقف وتعرفي شعور وحدة تداكر وتضل تسهر طول الليل وبا الاخير تحمل المادة لانه انتي ماقلتي كل شي بتوفيق من رب العالمين
انا قصدي في السهوله والصعوبه لو اهملتي بتصير الماده صعبه
ولو اجتهدي بتصير سهله
ماجبت طاري حمل المواد

لولو السكري 2013- 6- 2 12:13 AM
رد: كيف الدراسه عندكم !!
 
اقتباس:
المشاركة الأصلية كتبت بواسطة miss rawan (المشاركة 9071068)
انا قصدي في السهوله والصعوبه لو اهملتي بتصير الماده صعبه
ولو اجتهدي بتصير سهله
ماجبت طاري حمل المواد
ادا كدا قصدك روان فا اني اسفه لانه فكرتك تفتكري انه كل الدكاترة عادلين هو صحيح كلامك ادا داكرتها من البداية اكيد بتصير سهله واحنا نفسنا الي نقدر نخليها سهلة لو صعبه

لولو السكري 2013- 6- 2 12:21 AM
رد: كيف الدراسه عندكم !!
 
اقتباس:
المشاركة الأصلية كتبت بواسطة سحااآآااب ~ (المشاركة 9071061)
لولو
اتحدى تحلين بالاختبار زين و ضامنة النجاح
وتجي الدكتورة ترسبك او تلعب بدرجاتك بس كذا والله مزاج ..
انا مع روان انو المجتهده راح تنجح والمهمله هي اللي ترسب ..
بعدين ياليت تحسنين اسلوبك شوي .. والدعوه راح ترجع عليك اللحين
او بعدين والدنيا دوارة .
وش رايك اني طلعت من الامتحان وانا احسه سهل حده وجاوبتها صح ومتاكده بعد ماطلعت كلمت صديقاتي وجوابي كان صح في اغلب الاسئله وغير انه الاسئله كانت متنوعه يعني ادا ماتعرفيه في اختيارات ثانيه تقدري تحليها وفي الاخير اف وكنت اني وصديقتي نفس درجة الشهري وبا الاخير اف وغير دا بداية الترم الثاني تسئل البنات من المفروض ترسب ونجحت البنات با العكس كلهم ردو عليها انه المفروض ينجحو ورسبو وحتى في وحده تخيلي جابت في الشهري 49من خمسين ودي البنيه اعرفها شاطرة اخر شي عدت المادة بدي يعني كل الي حلته اقل من عشرين

Jksub 2013- 6- 2 02:22 AM
رد: كيف الدراسه عندكم !!
 
..
لولو ليش احس انك شيعيه:31: ؟

Jksub 2013- 6- 2 02:27 AM
رد: كيف الدراسه عندكم !!
 
اييي نسيت المهم ..

بصراحه قسمنا حلو و نوعيه الدراسه قويه و هيئه التدريس شديدين لكن الله حق انهم ما يـظلموووووون!!!

طبعا هذا عن تجربتي ما ادري عن غيري.

و يعتمد هالقسم على اجتهادك الشخصي.. ما يرفعون ولا درجه :31: بس اهم شي ما يظلمون و هذا اللي كلنا نبيه و مرتاحين عليه الحمدللله.

الله ييسر لك :16:

بنت الزهراء 2013- 6- 2 08:19 AM
رد: كيف الدراسه عندكم !!
 
اقتباس:
المشاركة الأصلية كتبت بواسطة jksub (المشاركة 9071791)
..
لولو ليش احس انك شيعيه:31: ؟
اختي لو سمحتي الذوق والتعبير عن الرآي ماله لزوم يدخل بآي مذهب
رحم الله امرى عرف قدر نفسه
عزيزتي صاحبة الموضوع ...اذا ماعجبك اراء البنات انا عن نفسي برفع لك الموضوع يوميآ وكل بنت تدخل وتكتب لك رائيها
وبنات رجآآآآآآآآآآآآآآآآآآآآآآآآآآء كل بنت تحترم كلامها وتحط ببالها انه هالشي انعكاس لها في المستقبل
مهما فرقتنا الدنيا احنا اخونا واحباب
اما اخ لك في الدين او نظير لك في الخلق:16::16:

nana10 2013- 6- 2 12:50 PM
رد: كيف الدراسه عندكم !!
 
بنااااااااااااااااات جزاكم الله خير كلكم وماقصرتوا بس طمنتوني والله
الحمدلله بتوكل على الله وبنقل
مشكورين :16:

*جوريه* 2013- 6- 2 01:30 PM
رد: كيف الدراسه عندكم !!
 
يغغغغغغغلق !!!!!








:16:


All times are GMT +3. الوقت الآن حسب توقيت السعودية: 10:29 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه