ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 5 (https://vb.ckfu.org/f345)
-   -   نداء مهم لموظفي أرامكو السعودية المنتسبين في جامعة الملك فيصل (https://vb.ckfu.org/t464977.html)

طالب من الرياض 2013- 5- 22 01:40 AM
نداء مهم لموظفي أرامكو السعودية المنتسبين في جامعة الملك فيصل
 
السلام عليكم ورحمة الله وبركاته
رسالة إلى الإخوان والأخوات المنتسبين في جامعة الملك فيصل وهم موظفون شركة أرامكو السعودية:
أكتب إليكم كلام قد يخفى على البعض منكم وهو المعدل المطلوب لشهادة البكالوريوس لكي تعتمد و تسجل في أرامكو السعودية لموظفيها والمعدل هو 3.5 من 5 ، أقل من هذا المعدل لا يعتمد لكن من خلال المراسلة بين أرامكو وجامعة الملك عبدالعزيز في جدة حصلوا طلاب جامعة الملك عبدالعزيز على إستثناء في المعدل يعني تقريبا الآن المطلوب لطلاب الملك عبدالعزيز حوالي 3.13 من 5 وهذا شيء جميل جدا ونحن طلاب الملك فيصل باقي على المعدل القديم 3.5 الذي قد يعجز البعض عن الوصول له والتوفيق بين الإجتهاد في الدراسة والعمل. لذلك هذا نداء للتكاتف ورفع برقية لإدارة الجامعة لكي تخاطب شركة أرامكو ويتم مساواتنا بطلاب جامعة الملك عبدالعزيز وأنا متأكد أن أرامكو لن ترفض هذا العدل والمساواة.
خطاب الجامعة لأرامكو:
يقسم المعدل الفعلي الذي حصل عليه الطالب على (5) مثال (3 تقسم على 5 = .06)

يضرب الناتج في (4) (.06*4 = 2.4) وهذا هو المعدل من (4)


هذا رد أرامكو في حساب المعدل الجديد لطلاب الملك عبدالعزيز:
Minimum GPA requirements
2.0 on a 4.0 scale (or equivalent) for undergraduate technical degrees;
2.5 on a 4.0 scale (or equivalent) for undergraduate non-technical degrees;
3.0 on a 4.0 scale (or equivalent) for all graduate degrees.


الزبدة:



جامعة الملك عبدالعزيز المطلوب منهم الان:
3.13 من 5 (2.5 من 4)

جامعة الملك فيصل المطلوب منهم الان:
3.5 من 5 (2.8 من 4)



وشكر لكم

مجتهد جداً 2013- 5- 22 07:16 AM
رد: نداء مهم لموظفي أرامكو السعودية المنتسبين في جامعة الملك فيصل
 
هلا بك اخوي وعليكم الســــلام

انا سمعت شي هكا وكثير ناس عادلو لهم بسبب الخطابات منهم شخصياً ومن اداراتهم
وعلى فكره فيه ناس كثير الحين من مستوى سابع شغالين على هـ الموضوع وارسلو خطابات للكارير
وان شاء الله يعدلونها .. بس انت خذ احتياطك من الحين وحاول تخلي معدلك فوق 3.5 وان شاء الله خير والتكاتف شي اساسي وانا معك اخوي وبـ التوفيق ان شاء الله

bntsweet 2013- 5- 22 01:26 PM
رد: نداء مهم لموظفي أرامكو السعودية المنتسبين في جامعة الملك فيصل
 
الله يوفقكم اي والله شدو حيلكم وجيبوه المعدل مو كثير تقدرون تجيبونه بترمين ويتغير وضعكم للافضل من ناحيه الوظيفه بدل مايروح تعبكم على الفاضي الله يوفقكم يارب لما يحبه ويرضاه والى الافضل ان شاء الله

ابن الرياض 2013- 5- 22 01:30 PM
رد: نداء مهم لموظفي أرامكو السعودية المنتسبين في جامعة الملك فيصل
 
يارجال زين انهم يعطون موافقه لتكملت الدراسه،
الوضع تغير خصوصآ بعد الاستقالات ونقص في الموضفين
هم متخوفين الآن مع الاعداد الكبيره اللي يدرسون انتساب انهم يطالبونهم بتغيير تخصصاتهم وترقياتهم بما يوازي شهاداتهم الجامعيه،
كذلك للآن الاعتراف بالشهاده الجامعيه ضعيف

سعيدان و عليان 2013- 5- 22 02:31 PM
رد: نداء مهم لموظفي أرامكو السعودية المنتسبين في جامعة الملك فيصل
 
ودي كذا أتحمس بموضوعكم رغم مالي شغل


ودي اني كذا أحس أني معكم وكذا انكم يعني

أقصد أننا نعاني نفس المعاناه يعني مثلاً انتم في ارامكو الظهران وأنا في أرامكو الشمال


بصراحه لأزم نطالب بالشى الى قلته :42:

Tornado 2013- 5- 22 03:42 PM
رد: نداء مهم لموظفي أرامكو السعودية المنتسبين في جامعة الملك فيصل
 
السلام عليكم جميعاً
اقول خلونا على مقرودك لا يجيك الا اقرد منه
زين وافقو على درستنا اخاف نطالب بشي وتقلب علينا

M000DY 2013- 5- 22 06:22 PM
رد: نداء مهم لموظفي أرامكو السعودية المنتسبين في جامعة الملك فيصل
 
اقتباس:
المشاركة الأصلية كتبت بواسطة ابن الرياض (المشاركة 9008901)
يارجال زين انهم يعطون موافقه لتكملت الدراسه،
الوضع تغير خصوصآ بعد الاستقالات ونقص في الموضفين
هم متخوفين الآن مع الاعداد الكبيره اللي يدرسون انتساب انهم يطالبونهم بتغيير تخصصاتهم وترقياتهم بما يوازي شهاداتهم الجامعيه،
كذلك للآن الاعتراف بالشهاده الجامعيه ضعيف
صدقت يارجال ..

محاكيك خلص مستوى خامس وللحين مالقى موافقه من ارامكو !

المصيبه يجونك ناس في الإدارة مو فاهمة وتخاف توقع على شي ويصير ضدها او يتعذرون لك انهم مكتفين حاليا


الله المستعان بس ..

طالب من الرياض 2013- 5- 23 05:03 AM
رد: نداء مهم لموظفي أرامكو السعودية المنتسبين في جامعة الملك فيصل
 
اقتباس:
المشاركة الأصلية كتبت بواسطة مجتهد جداً (المشاركة 9007275)
هلا بك اخوي وعليكم الســــلام

انا سمعت شي هكا وكثير ناس عادلو لهم بسبب الخطابات منهم شخصياً ومن اداراتهم
وعلى فكره فيه ناس كثير الحين من مستوى سابع شغالين على هـ الموضوع وارسلو خطابات للكارير
وان شاء الله يعدلونها .. بس انت خذ احتياطك من الحين وحاول تخلي معدلك فوق 3.5 وان شاء الله خير والتكاتف شي اساسي وانا معك اخوي وبـ التوفيق ان شاء الله
هﻻ وغﻻ أخوي مجتهد
أشكر لك مرورك الجميل وانا ( اعوذ بالله من كلمة انا ) الحمد لله معدلي زين لكي يعلم الله ان طرح موضوعي انه حبا في الخير للجميع.

وشاكر لك يالغالي

K7LOOSH 2013- 5- 23 05:21 AM
رد: نداء مهم لموظفي أرامكو السعودية المنتسبين في جامعة الملك فيصل
 
اقتباس:
المشاركة الأصلية كتبت بواسطة طالب من الرياض (المشاركة 9004771)
السلام عليكم ورحمة الله وبركاته



رسالة إلى الإخوان والأخوات المنتسبين في جامعة الملك فيصل وهم موظفون شركة أرامكو السعودية:

ورفع برقية لإدارة الجامعة لكي تخاطب شركة أرامكو ويتم مساواتنا بطلاب جامعة الملك عبدالعزيز وأنا متأكد أن أرامكو لن ترفض هذا العدل والمساواة.



خطاب الجامعة لأرامكو:
يقسم المعدل الفعلي الذي حصل عليه الطالب على (5) مثال (3 تقسم على 5 = .06)

يضرب الناتج في (4) (.06*4 = 2.4) وهذا هو المعدل من (4)
لن ترفض هذا العدل والمساواة .. اتمنى ذلك

في شي ثاني بنسبة لاجازة الاختبارات
يوم الاختبار فقط .. لايكفي دامهم يبون هذا المعدل والله من دخلت وانا اخذ من اجازتي السنوية
الايام اللي بين الاختبارات
ليش جامعة الملك عبدالعزيز يعطونهم حسب فترة الاختبارات الموضحة في الجدول 14 يوم
المفروض يعطونا مثلهم فترة الجدول الواحد يحتاج راحه وبعد عن العمل شوي عشان يقدر يركز
ويذاكر وهو مرتاح وخاصة موظفين الشفتات و 12 ساعه


وبنسبة اذا كانت ارامكو تطلب من الموظفين فوق 3.5 على حسبتهم معناتها لازم تجيب
من معدل الجامعه فوق 4.5 = 3.6 عند ارامكو

<<<< غاسل يده منها

الله يوفق الجميع ويكتب لنا الخير ان شاء الله




فارس740 2013- 5- 23 08:00 AM
رد: نداء مهم لموظفي أرامكو السعودية المنتسبين في جامعة الملك فيصل
 
الوضع بالنسبة لي ما تفرق حطوها 5 من 5 اي شي بجيبه ان شاء الله :8:

قهـر خلصت مستوى خامس وبدون موافقة ولكن بيجي يوم واقهرهم :30:

Tornado 2013- 5- 23 09:23 AM
رد: نداء مهم لموظفي أرامكو السعودية المنتسبين في جامعة الملك فيصل
 
السلام عليكم
أخوي فارس أنا ما أبي أحبطك بس إذا ما أخذت مواقفه لازم تتأكد من carear development dept لان الي سمعته أن آرامكو وقفو الموافقه على الدراسة في جامعه فيصل للأعداد الكبيرة من الموظفين الي يدرسون فيها وأي طلب دراسه يتم تحويلهم إلى أي جامعه ثانيه غير جامعه فيصل

Mr NaiF 2013- 5- 23 02:26 PM
رد: نداء مهم لموظفي أرامكو السعودية المنتسبين في جامعة الملك فيصل
 
اقتباس:
المشاركة الأصلية كتبت بواسطة tornado (المشاركة 9016072)
السلام عليكم
أخوي فارس أنا ما أبي أحبطك بس إذا ما أخذت مواقفه لازم تتأكد من carear development dept لان الي سمعته أن آرامكو وقفو الموافقه على الدراسة في جامعه فيصل للأعداد الكبيرة من الموظفين الي يدرسون فيها وأي طلب دراسه يتم تحويلهم إلى أي جامعه ثانيه غير جامعه فيصل
للحين وهم يعطون موافقه دراسه لجامعة الملك فيصل ,,, لكن فيه بعض الشروط انه يكون التخصص له علاقه بعملك,,, استغرب صراحه من تعنت بعض الدوائر من اعطاء الموظفين موافقه لدراسه ,,, الي بيدرس بيدرس سوا اعطيتوه موافقه والا لا واذا خايفين من تسرب الموظفين ماراح ينفعهم ايقاف الموافقه بدرس من وقتي الخاص وبسحب عليهم بعد ماخلص وهذا من حقي اطور نفسي ,,, وسوق العمل فيه تنافس ومن حق اي واحد يدور مصلحته

فارس740 2013- 5- 23 02:38 PM
رد: نداء مهم لموظفي أرامكو السعودية المنتسبين في جامعة الملك فيصل
 
اقتباس:
المشاركة الأصلية كتبت بواسطة mr naif (المشاركة 9017047)
للحين وهم يعطون موافقه دراسه لجامعة الملك فيصل ,,, لكن فيه بعض الشروط انه يكون التخصص له علاقه بعملك,,, استغرب صراحه من تعنت بعض الدوائر من اعطاء الموظفين موافقه لدراسه ,,, الي بيدرس بيدرس سوا اعطيتوه موافقه والا لا واذا خايفين من تسرب الموظفين ماراح ينفعهم ايقاف الموافقه بدرس من وقتي الخاص وبسحب عليهم بعد ماخلص وهذا من حقي اطور نفسي ,,, وسوق العمل فيه تنافس ومن حق اي واحد يدور مصلحته
كلامك صحيح واحد من العيال قالو له اذا ماكان مرتبط بوظيفتك او تخصصك في العمل لازم جيستفيكيشن من السوبر او المنجر ليه الموظف يبي يدرس التخصص هذا يعني بيكرهونك في الموافقة لاكن ولا يهم وش يبون يسوون يسوون انا دارس ان شاء الله وبكمل لو من رصيدي الخاص :8:

falcon-ksa 2013- 5- 24 01:14 AM
رد: نداء مهم لموظفي أرامكو السعودية المنتسبين في جامعة الملك فيصل
 
اقتباس:
المشاركة الأصلية كتبت بواسطة ابن الرياض (المشاركة 9008901)
يارجال زين انهم يعطون موافقه لتكملت الدراسه،
الوضع تغير خصوصآ بعد الاستقالات ونقص في الموضفين
هم متخوفين الآن مع الاعداد الكبيره اللي يدرسون انتساب انهم يطالبونهم بتغيير تخصصاتهم وترقياتهم بما يوازي شهاداتهم الجامعيه،
كذلك للآن الاعتراف بالشهاده الجامعيه ضعيف
اخوي فيه اوراق قبل تاخذ الموافقه على انك تكمل دراستك الجامعية توقع عليها ومنها
ورقة فيها شروط ومن ضمنها انك ماتطالب الشركة انها تعدل وظيفتك او درجتك الوظيفيه
على حسب شهادتك

وفيه ناس كثير ماقدرو ياخذون موافقه للدراسة الجامعية

حذيفه 2013- 5- 24 04:57 AM
رد: نداء مهم لموظفي أرامكو السعودية المنتسبين في جامعة الملك فيصل
 
والله بـ النسبه للمعدل والله صعبه مررره
خصوصا دوامنا 12 ساعه !!
غير الطريق ساعه رايح وساعه جاي يعني 14 ساعه

والله مايمديها لو ايش !!
ونطلع في نفس يوم الإختبار بس يعني إذا ماكنت مجهز الماده في الاوف
ولا مايمديك تذاكر !

انا الحمد لله أخذت الموافقه من بدايه دراستي
وبـ النسبه للمعدل مو شرط بعد ماتخلص من الجامعه
وتاخذون الشهاده ان شاء الله بيكون عندك
الشهاده + وخبره اقل شي 6+8 سنوات في ارامكو
وبعدها الف شركه تبيك ,
على ايش تستغربون الحين الفل تايم والكورسات يبهذلوننا عليها
ماتبيهم يبهذلونك على شي برا الشركه !

بس الله يعين ويزين الحال شدو حيلكم ,,,:16:


All times are GMT +3. الوقت الآن حسب توقيت السعودية: 01:10 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه