ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 4 (https://vb.ckfu.org/f327)
-   -   هنا شرح لاسئلة سلطان عبدالحميد سؤال سؤال (https://vb.ckfu.org/t461430.html)

لـيـنـا ~ 2013- 5- 17 05:14 AM
هنا شرح لاسئلة سلطان عبدالحميد سؤال سؤال
 
6 مرفق
السلام عليكم كيفكم بعد المالية ان شاء الله تمام :19:


المهم انا ببدا بالشرح للعملي فقط أما النظري انتوا احفظوه واللي عنده سؤال مو فاهمة يسأل وانا بالخدمة باللي أقدر عليه :29:


بما أن النجار أعاد أسئلة سيف الدين للإحصاء فبأذن الله رح يجيب لنا من أسئلة الإمام سلطان عبد الحميد فركزوا عليها بس لاتعتمدون عشان ماتتوهقون وتدعون علي بدل ماتدعون لي :5:


لازم يكون معكم الاسئلة وتتابعون معي عشان تفهمون ارفقتها لكم مع الشرح بوورد ومع الاشياء المهمه مثل القوانين والملخص :21: نبدا بسم الله :17:


السؤال من 1 إلى 17 نظري :27:


سؤال18 هذا قانون احفظوه زين وهو سهل قسمة التكرار على الحجم ,, دايم في المقام ,,:8:


سؤال 19 وسؤال 20 هذي متعلقه ببعض يعني اذا قال بالسؤال حدثان متنافيان تجمعين فقط وإذا قال غير متنافيان نفس القانون باضافة طرح س , ص :35:


السؤال من 21 إلى 25 هذا نظري الله لايهينكم احفظوه وممكن ترجعون لجزئيته بالمحتوى :41:


السؤال 26 هذا جدا سهل أكتبوا الارقام من 1 إلى 25 وطلعوا منها الاعداد الزوجية وشوفوا كم عددها بعدين اقسموه على الرقم اللي بالسؤال(25) :42:


السؤال 27 اكتبوا الارقام من 1 إلى 15 بعدين طلعوا منها اللي يقبل القسمة على 3 عدوها بعدين اقسموها على العدد الكلي 15


السؤال 28 تقريبا نفس الطريقة اكتبوا الأرقام من 1 إلى 20 وطلعوا منها اللي يقبل القسمة على 7 عدوها واقسموها على العدد الكلي 20


السؤال 29 لانه طلب مننا القسمة على 3 و 7 فبنستخدم القانون اللي بسؤال 20 الحدثان الغير متنافيان نكتب اول شي الارقام من 1 إلى 15 بعدين نطلع منها قواسم العدد 3 وقواسم العدد 7 ونعدها بعدين نشوف اذا فيه قاسم مشترك بينها نكتبه واذا مافيه نكتب صفر بعدين نطبق القانون (5/15 ) + (2/15) – صفر = طبعا تجمعون فقط القواسم اللي هي 5+ 2 اما 15 تنزل نفسها يصير (7/15)


السؤال 30 والسؤال 31 بنفس طريقة 29 لكن هنا يطلع لك قاسم مشترك بينها 1 فبيصير القانون بعد ماطلعنا الاعداد


(5/15) + (3/15) – (1/15) = ويطلع الناتج بس عشان يطلع الناتج صح اول شي تجمعون اول قوسين والناتج تطرحونه من القوس الثاني يارب تكونوا فاهمين


السؤال 32 هنا نحسب فقط المحاسب والمهندس مثل ماطلب لنا بالسؤال تعويض مباشر نجمع الارقام ببعض 2+5+3=10 هذا العدد الكلي ونطبق القانون وبما انه طلب فقط المحاسب والمهندس اذا نستبعد الاقتصاديين ونطلع الناتج


السؤال 33 الرياضيات هي س 70% والمحاسبة ص 80% والمادتين مع بعض هي س و ص 60% ونطبق نفس القانون كمان بما انها نسبه مارح نقسمها على عدد كلي ونطلع الناتج


السؤال 34 والسؤال 35 هذي متعلقه ببعض يعني اذا قال بالسؤال حدثان مستقلان تضربين فقط وإذا قال غير مستقلان نفس القانون بضربها في قسمة س , ص هذا قانون :12:


سؤال36 نظري


سؤال37 اذا كتب بالسؤال أحمد وخالد معا يعني نطبق قانون الضرب المستقلان


سؤال38 إذا كتب بالسؤال بشرط أن يسبقه على طول قسمة القانون الثاني الغير مستقلان وطبعا مارح تسوين قسمه لانه جابه لكم جاهز بالسؤال وهو 70%


سؤال 39 و 40 نظررري احفظوه:39:


سؤال 41 و 42 و 43 كيف نعرف انها احتمالية من شروطها تكون جميع الارقام موجبة وتختم برقم واحد بالجدول اذا على طول نروح للجدول ونشوف اخر رقم اذا كان صفر اذا لم تستوفي الشروط واذا كانت فيها أي رقم سالب اذا غير احتماليه لم تستوفي الشروط واذا كانت كاملة موجبة ومختومه برقم واحد اذا هذي دالة احتمالية


سؤال 44 هذا تطبيق قانون المتوسط الحسابي اذا طلب الوسط الحسابي وجاب لك جدول على طول مثل طريقة الانكماش والازدهار بمالية 2 تضربين س في ح(س) من الجدول وتجمعينها ببعض ويطلع الناتج


سؤال 45 هنا طلب التباين طبعا يتعلق بناتج المتوسط اللي طلعناه بالسؤال اللي قبله لكن بما انه تباين يعني رح يكون كل شي مربع من الجدول نربع س في الجدول فقط ونضربه في السطر اللي تحته ح(س) بدون تربيع بعدين نجمعها ويطلع الناتج


الناتج اللي طلع لنا نطرحه بما انه تباين في ناتج المتوسط الحسابي بعد تربيعه ويعطينا الناتج


سؤال46 هذا جدا تافه اخذناه بالمتوسط بما ان فيه بالجدول مجهول ( ك ) اذا نجمع فقط ارقام ح(س) يصير


.1 + .3+ ك +.1 =1


ونحلها بنقل الارقام بجهه والمجاهيل بجهه طبعا احنا كتبنا بالنهاية يساوي 1 لانه داله احتمالية ومن شروطها تساوي 1


سؤال47 واضح اذا قال قطعة عملة هذي تدل على حالتين صورة وكتابة وفي السؤال كاتب 3 مرات على طول نكتب 2 اللي هي عدد الحالات اس 3 المرات ويطلع الناتج بالاله


سؤال48 نفس الشي بس يكون بدل 3 رقم 5 :15:


سؤال49 هنا ذكر قطعة نرد يعني 6 حالات وكتب مره واحده يعني 6 أس 1 ومايحتاج اكمل


سؤال50 هذا نفس حلي في سؤال 44 المتوسط الحسابي


سؤال51 نفس طريقة سؤال 45 التباين


سؤال52 مثل ماقولت لكم شروط الداله الاحتماليه تساوي 1 وتكون موجبة


سؤال53 هذا قانون الوسط الحسابي صفحة 33 من ملخص ورود الله يجزاها خير


رح ارفق لكم الرموز بالعربي وش يقابلها بالانقلش ورح اعطيكم الصفحات من الملخص كمان


سؤال54 بنفس الصفحة 33 قانون التباين احفظوه وعلى فكرة ترا الدكتور يجيب القوانين بإذن الله :3:


سؤال55 هذا نظري


سؤال56 كمان نظري بس القانون اللي بالسؤال تحصلونه في صفحة 34 اللي هو قانون الاحتمال


سؤال57 قانون متوسط ذو الحدين كمان في صفحة 34 احفظوه


سؤال58 قانون تباين ذو الحدين صفحة 34 بدون الجذر لان طبعا الانحراف هو جذر التباين


سؤال59 تطبيق قانون متوسط ذو الحدين اضربوا العددين ببعض وخلاص اللي هو الاحتمال في عدد الفترات


سؤال60 طبقوا قانون تباين ذو الحدين اضربوا العددين ببعض واطرحوا من الاحتمال 1 مثل القانون بالضبط


سؤال 61 طويل شوي وهو تطبيق قانون ذو الحدين اللي في صفحة 34 الطويل وتعويض مباشر


وللي يحبون الالة مثلي ممكن تستخدمونها وهي طبعا اسهل بمليون مره الطريقة :


( 5 اللي هي العينة العشوائية بالسؤال شفت قسمة يجيك بالاله حرف السي بالانقلش بعدين تكتبون عدد وحدات العينه بالسؤال ضرب 20% النسبه اس عدد وحدات العينه بالسؤال ضرب 80% طبعا بتقولون من وين جات انا اقولكم من القانون 1-20% يعطينا 0.8 اس 2 طبعا بتقولون كمان من وين جات بقولكم من القانون 5-1 يعني العينه – عدد وحدات العينة وبعدين يساوي ويعطيكم الناتج )


(5 shift /1x(.2)^1x(.8)^2=):17:


سؤال 62 و 63 نفس الطريقة تدربوا عليها بالاله بتصير سهله جدا


سؤال64 هذا قانون المتوسط ذو الحدين سهل ضرب الارقام ببعضها


سؤال65 قانون التباين نفس طريقة سؤال 60 بالضبط


سؤال 66 و67 و 68 و 69 نظري احفظوها


سؤال70 كمان نظري لكن القانون اللي بالسؤال تحصلونه صفحة 36 أعلى شي قانون بواسون


سؤال 71 و 72 و 73 و74 و75 و76 و77 و 78 كلها نظري لازم ترجعون للمحتوى في توزيع بواسون و توزيع ذو الحدين والتوزيع الطبيعي وتفهمون خصائصها والفرق بينها لان الدكتور يركز عليها :7:


سؤال 79 مايبيله شي تعويض مباشر بقانون المتوسط في توزيع بواسون


سؤال 80 كمان تطبيق قانون التباين لبواسون


سؤال 81 و 82 و 83 هنا نطبق قانون بواسون صفحة 36 بالملخص وتراه سهل تعويض مباشر احيانا مايجيب المتوسط لازم تطلعونه بقانون المتوسط بعدين تعوضون بقانون بواسون ورح ارفق لكم الرموز بالعربي وش تدل بالانقلش


سؤال 84 و 85 و 86 و87 و88 و89 و 90 و 91 هذي كلها نظري احفظوها


سؤال 92 هذا قانون الدرجة المعيارية اللي هو معامل الاختلاف نفس المسمى تحصلونه بأعلى صفحة 43


سؤال 93 و 94 و95 و 96 هذا تطبيق لقانون الدرجة المعيارية تعويض مباشر بالارقام الموجودة بالسؤال


سؤال 97 كمان سهل لاتخافون بتطبيق قانون الدرجة المعياريه اللي هو 70-80 = 10 قسمة 10 الانحراف المعياري يعطينا 1 نروح للجدول ونشوف وش الرقم اللي تحت الواحد طبعا 34. نطرحها من 0.5 يذا قاعده مهمه جدا جدا جدا وهي اذا ذكر بالسؤال كلمة على الاكثر على طول نطرح من النصف عشان مايصير القيمة كبيرة واذا ذكر على الاقل نجمع يعني العكس طيب هذي النقطة انتبهوا تنسون منها ويعطيك الناتج


سؤال98 نفس الطريقة بس ذكر ع الاقل بالسؤال اذا نجمع الناتج من النصف هذا قانون النصف لاتقولون من وين جات !!


سؤال 99 و100 و101 و102 نفس الشي ونفس الطريقة ولكن انتبهوا من ع الاقل و ع الاكثر


سؤال103و104 نظري احفظوها


سؤال 105 هذا قانون متوسط فترة الثقة تحصلونه في صفحة 65


سؤال 106 كمان قانون ولكن النسبة تحصلونه بصفحة 73


سؤال 107 و108 فترة الثقة هذا جدول ثابت لازم نحفظ الارقام اللي بجنب النسب صفحة 66


سؤال 109 و 110 بتطبيق قانون متوسط الثقة وتعويض مباشر واذا عرفتوا الرموز بالعربي وش تدل عليه بالانقلش رح تسهل عليكم والقوانين يرفقها لنا النجار مثل الاحصاء


سؤال 111 و 112 تطبيق قانون نسبة الثقة صفحة 73 وتعويض مباشر


سؤال 113 مثل ماقولتلكم هذا قانون النصف ثابت مثل سؤال 98 لما قولت ع الاكثر نطرح نصف وع الاقل نجمع نصف


سؤال 114 هذا قانون حجم العينة تحصلونه بصفحة 67


سؤال 115 هذا قانون حجم العينة بالنسبة طبعا نفس القانون بالسؤال اللي قبله باضافة ( 1- الاحتمال ) دايم في أي قانون للنسبة نضيف (1- الاحتمال ) بصراحة لم اجد القانون بالملخص !!


سؤال 116 ابد تعويض مباشر لقانون حجم العينة


سؤال 117 نعوض بقانون النسبه لحجم العين ليه ؟؟ لانه من ضمن المعطيات بالسؤال اعطانا الاحتمال ( ل )


سؤال 118 و 119 قانون حجم العينة فقط اعطانا في السؤال درجة الثقة 95% نعوض بقيمتها الثابته اللي بالجدول بعدين نطبق القانون ويعطينا الناتج


سؤال 120 هنا تطبيق قانون نسبة حجم العينة ليه طبقنا هالقانون بسبب كلمة ( نسبة المتزوجين فيها بشرط )


سؤال 121 نفس الشي قانون النسبة بسبب ( نسبة البطالة بها بشرط ) وتعويض مباشر طبعا دايما بأي سؤال نعوض بقيمة درجة الثقة بدل 95% تصير 1.96 من الجدول


سؤال 122 و 123 و124 و 125 نظررررري احفظوها :10:


سؤال 126 و 127 و128 هذي تطبيق لقانون الاحصائية صفحة 81 لكن الدكتور هنا لم يقسم على جذر النون اخذ الجذر وطلعه فوق وضرب يعني بدل مايكون قسمة جذر النون يصير جذر النون قسمة 1 وتسبقها علامة الضرب لان عكس القسمة ضرب مايبغالها اخذناها بالمتوسط ونعوض تعويض مباشر ولاتخافون من كثر القوانين الدكتور باذن الله بيرفقها لنا


سؤال 129 و130 و 131 و 132 هذي نظريه احفظوها متى تصير رفض ومتى تصير قبول


سؤال 133 و 134 دائما الفرض العدمي يساوي بس انتبهوا للرقم اللي بجنبه يكون متوسط الانتاجية وليس العينه انتبهوا طيب نجي عند الفرض البديل هنا الاختلاف في الاشاره اذا ذكر بالسؤال كلمة تحسن هنا ع طول نختار اكبر من متوسط الانتاجية وليس العينة واذا ذكر تدني ع طول اصغر من وإذا لم يذكر لاتحسن ولاتدني يعني لاتساوي سهله


سؤال 135 نطبق قانون التوزيع الاحتمالي صفحة 89 وتعويض مباشر اهم شي بالسؤال نعرف الرموز :26:


سؤال 136 نفس الشي بس بعد مانطبق القانون نشوي هل هي رفض ام قبول اذا طلع الناتج المحسوبة اكبر من الجدولية اللي بالسؤال هنا ع طول نقول رفض لان لازم تكون العكس الجدولية اكبر عشان نقدر نقول قبول


سؤال 137 مثل ماقولت لكم قبل ذكر كلمة تدني يعني ع طول الفرص البديلة اصغر من متوسط الطالب وليست العينة


سؤال 138 و 139 نفس كلامي وطريقتي بالسؤال 136


سؤال 140 و 141 بما انه ذكر بالسؤال نسبة توزيع هنا نطبق قانون النسبة ويكون فيها الاحتمال وكمان (1- الاحتمال ) لانها نسبه لكن لم اجد القانون بالملخص ابداا


سؤال 142 و 143 نظري احفظوها :44:


سؤال 144 مثل طريقة سؤال 133 دامه لم يذكر تحسن او تدني اذا لاتساوي


سؤال 145 و 146 و 147 و 148 و149 و150 و 151 كلها بنفس الحل استخدام قانون الاحتمال للفرضيات وانا بصراحة عجزت احصل القانون بالملخص فحفظته وتدربت عليه لين صار سهل باذن الله :13:


ولاتنسون ترجعون لموضوع الاخ العقيل الله يجزاه خير وتشوفون التبسيطات اللي فيها ...:33:


وبحب اذكركم بشغلة ان اسئلة الامام تتضمن لين المحاضرة 11 فقط يعني 12 و 13 و 14 ذاكروها من الملخص مع جداول T , Z


,,, بالتوفيق:16: أخذ مني جهد وانا اكتبه فلاتنسونا من صالح دعاكم


وفالنا A+ :11:





ملاحظة عامة : الرموز الاحصائية من اجتهاد حبيبة قلبي رحيل دعواتكم لها :43:

غيووووم 2013- 5- 17 05:20 AM
رد: هنا شرح لاسئلة سلطان عبدالحميد سؤال سؤال
 
الله يسعد قلبك يارب ويوفقك ويشرح صدرك ويجزيك خير

شكراااا يا لينا :16:

البطله xp 2013- 5- 17 05:30 AM
رد: هنا شرح لاسئلة سلطان عبدالحميد سؤال سؤال
 
كفوووووووووووووووو والله الخويه

يعطيك الصحه والعافيه موضوع كامل متكامل لك لبى قلبك يا شيخه :43:

مايجي تقعدين جنبي باللجنه :5:

وادي زاعم 2013- 5- 17 05:32 AM
رد: هنا شرح لاسئلة سلطان عبدالحميد سؤال سؤال
 
لا خلا ولا عدم , تسلمين وفالك باذن الله a+

لـيـنـا ~ 2013- 5- 17 05:38 AM
رد: هنا شرح لاسئلة سلطان عبدالحميد سؤال سؤال
 
الله يجزاكم خير على هالدعوات الحلوة هذا شي بسيط مني للملتقى :34:
البطلة يالله تم قدام :5:

i b r a h i m 2013- 5- 17 05:43 AM
رد: هنا شرح لاسئلة سلطان عبدالحميد سؤال سؤال
 
وش سالفة عبدالحكيم و النجار ؟

النجار غير اسالته ؟

تروبيكانا 2013- 5- 17 05:45 AM
رد: هنا شرح لاسئلة سلطان عبدالحميد سؤال سؤال
 
ربي يوفقك ويسعدك :16::1:

عسله 2013- 5- 17 05:48 AM
رد: هنا شرح لاسئلة سلطان عبدالحميد سؤال سؤال
 
تسلمين ويعطيك العافيه ....

:16::16::16:

لي رجعه هنا ان شاء الله بعد اختبار التسويق :29:

لـيـنـا ~ 2013- 5- 17 05:53 AM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة i b r a h i m (المشاركة 8904753)
وش سالفة عبدالحكيم و النجار ؟

النجار غير اسالته ؟

النجار احيانا يقتبس اسئلته من عند الامام ومن اسئلة الكتاب :29:

B A N D R 2013- 5- 17 06:09 AM
رد: هنا شرح لاسئلة سلطان عبدالحميد سؤال سؤال
 
الله يسعدك يارب

ماقصرتي

D7om5 2013- 5- 17 06:59 AM
رد: هنا شرح لاسئلة سلطان عبدالحميد سؤال سؤال
 
هذي الاسئله ١٥٠ وش سالفتها ؟؟ وكيف نذاكر هالماده الدعله :7:

l a v e n d e r 2013- 5- 17 10:57 AM
رد: هنا شرح لاسئلة سلطان عبدالحميد سؤال سؤال
 
تسلمي يعطيكـ العافيــــه ..

لنــا عوده بإذن ربي لهذا الموضــوع القيم ..

يضاف لاهم مواضيع القسم ..

http://www.ckfu.org/vb/t441866.html

:1:

Abu ali55 2013- 5- 17 01:17 PM
رد: هنا شرح لاسئلة سلطان عبدالحميد سؤال سؤال
 
ماقصرتي الله يحفظك

كل الشكر والتقدير لك على هالمجهود الله يكتب اجرك

تحياتي

أمواج الامل 2013- 5- 17 02:42 PM
رد: هنا شرح لاسئلة سلطان عبدالحميد سؤال سؤال
 
ياشيخة ,,الله يعطيك العافية
سهلتيها الله يسهلها عليك ,,,

:43::43::43:

مذوبه الورد 2013- 5- 17 02:59 PM
رد: هنا شرح لاسئلة سلطان عبدالحميد سؤال سؤال
 
ثاااااااااااانكيووووو ليناااااا وربي ممماقصرتي الله يوفقك ويسعدك يااارب وفالك الفل ماارك بكل المواد




لي رجعه بعد التسويق للها الموضوع البطل :17::43:

لـيـنـا ~ 2013- 5- 17 04:15 PM
رد: هنا شرح لاسئلة سلطان عبدالحميد سؤال سؤال
 
الله يسعدكم يارب ولايحرمني منكم :43:

فهد الظهران 2013- 5- 17 04:34 PM
رد: هنا شرح لاسئلة سلطان عبدالحميد سؤال سؤال
 
متى اختبار الاحصاء في الادارة في مستوى ثالث ياحلوين

عشان نطبق خطة محكمه للمادة

لـيـنـا ~ 2013- 5- 17 04:46 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة فهد الظهران (المشاركة 8908576)
متى اختبار الاحصاء في الادارة في مستوى ثالث ياحلوين

عشان نطبق خطة محكمه للمادة

في نفس اليوم الفترة الأولى :10:

لـيـنـا ~ 2013- 5- 17 04:49 PM
رد: هنا شرح لاسئلة سلطان عبدالحميد سؤال سؤال
 
نسيت اذكر حاجه مهمه جدا :33::15:
الرموز انا اخذتها من حبيبة قلبي رحيل:1: ربي يسعدها يااارب :43:
حاولت اعدل الموضوع واكتبه من باب مااقتبس شي لنفسي بس ماعرفت :16:

يارب سهل 2013- 5- 17 05:05 PM
رد: هنا شرح لاسئلة سلطان عبدالحميد سؤال سؤال
 
ممكن سوال في اسئلة الاختبار عام 1434 السوال الثاني كيف اعرف انو من جداول t ام z وكيف اعرف هل هيا ذو حد او حدين
مني عارفة جبلي الجنااااااااااااان

نـــوار 2013- 5- 17 05:38 PM
رد: هنا شرح لاسئلة سلطان عبدالحميد سؤال سؤال
 
روحي ياشيخة فتحتي نفسي للا حصاء الله يسهلها عليك وعلينا يارب :16::1:

عادل الراضي 2013- 5- 17 05:46 PM
رد: هنا شرح لاسئلة سلطان عبدالحميد سؤال سؤال
 
الا وش الحل مع الاحصاء في الاداره
اابختبره الترم هذا وصراحه ارتاح لمشوره الدفعه الناريه
لا تبخلون علينا بتوجيهاتكم روابط مهمه
اخوكم العود / عادل :16:

مدرك 2013- 5- 17 06:36 PM
رد: هنا شرح لاسئلة سلطان عبدالحميد سؤال سؤال
 
الف شكر

لـيـنـا ~ 2013- 5- 17 07:44 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة يارب سهل (المشاركة 8909006)
ممكن سوال في اسئلة الاختبار عام 1434 السوال الثاني كيف اعرف انو من جداول t ام z وكيف اعرف هل هيا ذو حد او حدين
مني عارفة جبلي الجنااااااااااااان

انا ماني عارفة عن أي سؤال تتكلمي عنه لان النموذج اللي قولتي عليه السؤال الثاني عندي نظري وهو يتكلم عن المجموعة التجريبيه والضابطة !! هذا هو اللي تقصدين !!

لـيـنـا ~ 2013- 5- 17 08:24 PM
رد: هنا شرح لاسئلة سلطان عبدالحميد سؤال سؤال
 
10 مرفق
اقتباس:
المشاركة الأصلية كتبت بواسطة عادل الراضي (المشاركة 8909522)
الا وش الحل مع الاحصاء في الاداره
اابختبره الترم هذا وصراحه ارتاح لمشوره الدفعه الناريه
لا تبخلون علينا بتوجيهاتكم روابط مهمه
اخوكم العود / عادل :16:
هنا كل شي مهم اعتمدت عليه في الاحصاء في الادارة وهو اكثر محاضراته تعتمد على الالة مررره سهل :27:

تلاوين الروح 2013- 5- 17 08:27 PM
رد: هنا شرح لاسئلة سلطان عبدالحميد سؤال سؤال
 
هذا التحليل الاحصائي
والا الاحصاء بالاداره؟

لـيـنـا ~ 2013- 5- 17 08:37 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة تلاوين الروح (المشاركة 8912059)
هذا التحليل الاحصائي
والا الاحصاء بالاداره؟

لا طبعا هذا موضوع خاص بالتحليل الاحصائي
لكن الاخ عادل طلب ملخصات واشياء مهمة للاحصاء ونزلت له الموجود عندي من باب حب لاخيك ماتحب لنفسك ...:29:

ABDUL MUHSEN 2013- 5- 17 09:47 PM
رد: هنا شرح لاسئلة سلطان عبدالحميد سؤال سؤال
 
يعطيك العافية على المجهود وعلى المرفقات ، الله يوفقك ويكتب اجرك ,,

بس رأيي الشخصي التركيز على المحاضرات نفسها كقراءة المحتوى للمادة أفضل .
فما كتبتي يأخذ وقت قراءة أربعة محاضرات بتمعن أو خمس ..
فالتركيز على الأصل أضمن ..

أتمنى أن تتقبلي أنت والقراء رأيي بكل صدر رحب ..

تحياتي القلبية لكم بالنجاح ،،

فهد الظهران 2013- 5- 17 11:38 PM
رد: هنا شرح لاسئلة سلطان عبدالحميد سؤال سؤال
 
التوافيق والتباديل بعد تمحيص

متى اختار التوافيق ومتى اختار التباديل


حطيت لنفس قاعدة

اذا جاني السؤال

قرقر قرقر 10 بعدين قرقر قرقر 4 اعرف ان هذي تباديل لان الرقم الاول اللي هو (10) اكبر من الرقم الثاني اللي هو (4)
وحسبهم بالالة الحاسبه اكتب 10 بعدين شفت وعلامة الضرب بعدين 4 ويطلع الناتج 5040


اذا جاني سؤال

قر قر قر قر 5 وقرقر قر 5 اذا كانو الرقمين متساوين هذي تباديل ايضا

5 شفت علامة الضرب بعدين خمسة الجواب 120



طيب جاني سؤال

قرقرقرقرقر 3 وقرقرقرقر 10 اها هنا الرقم الاول (3) اصغر من الرقم الثاني (20) هنا توافيق
حسابها بالالة 10 شفت علامة القسمة 3 ويطلع الجواب 120


طلعت لي حالة جديدة

قرقر لكن فيه ثلاث ارقام

قرقرقرقرقرقر 3 وقرقرقرقر 20 وقرقرقرقر 3 هنا نقول تباديل ( لان عندي هنا ثلاث ارقام )

حسابها
20 شفت علامة الضرب 3 يطلع الجواب 6840




اذا احد عنده طريقة كيف اميز بين التباديل والتوافيق بدون طريقة القرقره يعلمني

عـبـادي 2013- 5- 17 11:48 PM
رد: هنا شرح لاسئلة سلطان عبدالحميد سؤال سؤال
 
يا ان المادة هذي نتنة بشكل .... :9:

لـيـنـا ~ 2013- 5- 17 11:51 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة فهد الظهران (المشاركة 8915289)
التوافيق والتباديل بعد تمحيص

متى اختار التوافيق ومتى اختار التباديل


حطيت لنفس قاعدة

اذا جاني السؤال

قرقر قرقر 10 بعدين قرقر قرقر 4 اعرف ان هذي تباديل لان الرقم الاول اللي هو (10) اكبر من الرقم الثاني اللي هو (4)
وحسبهم بالالة الحاسبه اكتب 10 بعدين شفت وعلامة الضرب بعدين 4 ويطلع الناتج 5040


اذا جاني سؤال

قر قر قر قر 5 وقرقر قر 5 اذا كانو الرقمين متساوين هذي تباديل ايضا

5 شفت علامة الضرب بعدين خمسة الجواب 120



طيب جاني سؤال

قرقرقرقرقر 3 وقرقرقرقر 10 اها هنا الرقم الاول (3) اصغر من الرقم الثاني (20) هنا توافيق
حسابها بالالة 10 شفت علامة القسمة 3 ويطلع الجواب 120


طلعت لي حالة جديدة

قرقر لكن فيه ثلاث ارقام

قرقرقرقرقرقر 3 وقرقرقرقر 20 وقرقرقرقر 3 هنا نقول تباديل ( لان عندي هنا ثلاث ارقام )

حسابها
20 شفت علامة الضرب 3 يطلع الجواب 6840




اذا احد عنده طريقة كيف اميز بين التباديل والتوافيق بدون طريقة القرقره يعلمني
:21::21::21:

TarF 2013- 5- 18 04:32 AM
رد: هنا شرح لاسئلة سلطان عبدالحميد سؤال سؤال
 
^

الي لاحظته من اسئله العام ان اغلب المسائل كانت من محتوى الا كم سؤال جابه من اسئله الامام .

لـيـنـا ~ 2013- 5- 18 05:43 AM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة tarf (المشاركة 8919530)
^

الي لاحظته من اسئله العام ان اغلب المسائل كانت من محتوى الا كم سؤال جابه من اسئله الامام .

ايوا لانك لو لاحظتي تحصلين اغلب اسئلة الامام مكرره بتغيير الارقام:31:

aseel.w 2013- 5- 18 05:54 AM
رد: هنا شرح لاسئلة سلطان عبدالحميد سؤال سؤال
 
.
.

شكرا لك يالينا حسيت بشويه أمل :16:
وشكرا لحبيبه قلبي رحيل :16:
.
.
عقبال مانتباشر بالنجاح

مدرك 2013- 5- 18 08:23 PM
رد: هنا شرح لاسئلة سلطان عبدالحميد سؤال سؤال
 
يرحم والديك :44:

جنة ورد 2013- 5- 18 10:17 PM
رد: هنا شرح لاسئلة سلطان عبدالحميد سؤال سؤال
 
ممكن الربط شرح الاخ عقيل جزاكم الله الف خير

جنة ورد 2013- 5- 18 10:40 PM
رد: هنا شرح لاسئلة سلطان عبدالحميد سؤال سؤال
 
يعطيكم الف عافيه حصلت الرابط :34::16:

غرام القلب 2013- 5- 18 10:40 PM
رد: هنا شرح لاسئلة سلطان عبدالحميد سؤال سؤال
 
ربي يوفقك ويسعدك لاحرمنااااااااااااااااااااااااااااااك :)

البرنس الوايلي 2013- 5- 18 10:49 PM
رد: هنا شرح لاسئلة سلطان عبدالحميد سؤال سؤال
 
موضوع رائع
الف شكر وربي ييسر امورك

مساهر 2013- 5- 18 10:56 PM
رد: هنا شرح لاسئلة سلطان عبدالحميد سؤال سؤال
 
الله يجزاك بالخير ..

يعني لو فهمنا ذي نقدر نقول نعدي الماده بسلام .؟؟!!

لـيـنـا ~ 2013- 5- 19 12:26 AM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة مساهر (المشاركة 8934467)
الله يجزاك بالخير ..

يعني لو فهمنا ذي نقدر نقول نعدي الماده بسلام .؟؟!!

باذن الله واذا استصعب عليكم شي مايردكم الا الكيبورد :17:

SOSO M T 2013- 5- 19 12:29 AM
رد: هنا شرح لاسئلة سلطان عبدالحميد سؤال سؤال
 
ربي يعطيييييييييييك الف الف عاااافيييه ,,

مشكوووره حبيبتي ,,

الله يسهل علييينا :44:

لـيـنـا ~ 2013- 5- 19 12:38 AM
رد: هنا شرح لاسئلة سلطان عبدالحميد سؤال سؤال
 
الله يعطيكم العافيه على كل من رد ودعالي :16:

رورو-A 2013- 5- 19 12:59 AM
رد: هنا شرح لاسئلة سلطان عبدالحميد سؤال سؤال
 
لينا

يعطيك العافيه والله يوفقك :16:

لـيـنـا ~ 2013- 5- 19 01:33 AM
رد: هنا شرح لاسئلة سلطان عبدالحميد سؤال سؤال
 
الله يعافيك قلبو :43:

لـيـنـا ~ 2013- 5- 19 01:37 AM
رد: هنا شرح لاسئلة سلطان عبدالحميد سؤال سؤال
 
3 مرفق
هذي النماذج للتحليل الاحصائي
بوسي حبيبتي ارفعيها بداية الموضوع عشان الكل يشوفها :16:

~ميريام~ 2013- 5- 19 01:40 AM
رد: هنا شرح لاسئلة سلطان عبدالحميد سؤال سؤال
 
لينااااااااااااا الله يعااافيك انتي حليتي هذي الاسئله طيب ياليت تعلمينه طريقه حل اسئله فهد الحجاز انا حاطه موضوع وصلت الخامسه ووقفت مو عارفه ليتك تساااعديني وتشريحين كل الاسئله

لـيـنـا ~ 2013- 5- 19 01:54 AM
رد: هنا شرح لاسئلة سلطان عبدالحميد سؤال سؤال
 
ولايهمك حبيبتي انتي قولي السؤال اللي مافهمتيه وابشري:27:

~ميريام~ 2013- 5- 19 02:14 AM
رد: هنا شرح لاسئلة سلطان عبدالحميد سؤال سؤال
 
الاسئله الي تخص محاضره 5 هم 4 اسئله ليتك تشرحينهم بليزززز ....

سؤال 9

سؤال 22 اشرحي هذوولي بعدين نروح للباقي

لـيـنـا ~ 2013- 5- 19 02:38 AM
رد: هنا شرح لاسئلة سلطان عبدالحميد سؤال سؤال
 
طيب سؤال 9
هذا سهل باذن الله وهو نقود معدنيه لها وجهين فقط صوره وكتابه خذيها قاعده
هو هنا بالسؤال قال رميناها ثلاث مرات يعني بيكون بالقوس الواحد ثلاث عينات اللي هي h.tطيب
بس تكون على ثلاث رميات يعني لازم بكل قوس يكون غير عن القوس الثاني وانتي شوفي الخيارات الاول عندك (tht) مكرر عندك مرتين في قوسين يعني استبعديه
تعالي للخيار الثاني كمان عندك ( thh ) مكرره مرتين بقوسين استبعديها
تعالي للخيار الثالث عندك ( tth ) يعني استبعديه يبقى عندك الخيار الرابع
ياارب فهمتي :37:

s.alman 2013- 5- 19 02:38 AM
رد: هنا شرح لاسئلة سلطان عبدالحميد سؤال سؤال
 
روحي الله يرزقكـ ما تتمنينه :2:

فعلآ ابدعتي وسهلتي المادة

فالك التوفيق والجميع يارب


لـيـنـا ~ 2013- 5- 19 03:22 AM
رد: هنا شرح لاسئلة سلطان عبدالحميد سؤال سؤال
 
اللهم امييين يااارب :2:

حنان العالم 2013- 5- 19 03:25 AM
رد: هنا شرح لاسئلة سلطان عبدالحميد سؤال سؤال
 
الله يسهل امورك في الداريين لك وللجميييع يارب ..

الـغـامـض 2013- 5- 19 03:28 AM
رد: هنا شرح لاسئلة سلطان عبدالحميد سؤال سؤال
 
عفوا

بس حنا وش دخلنا بهالدكتور ؟

لـيـنـا ~ 2013- 5- 19 03:32 AM
رد: هنا شرح لاسئلة سلطان عبدالحميد سؤال سؤال
 
الدكتور النجار ياخذ اسئلته في الغالب منها وبالتوفيق :34:

الـغـامـض 2013- 5- 19 03:35 AM
رد: هنا شرح لاسئلة سلطان عبدالحميد سؤال سؤال
 
متاكده من هالشي .؟

والله يكتب لي ولك التوفيق

لـيـنـا ~ 2013- 5- 19 03:58 AM
رد: هنا شرح لاسئلة سلطان عبدالحميد سؤال سؤال
 
ايوا اصلا الاسئلة شاملة للمنهج بس مشكلتها انها بالعربي واحنا دراستنا انقلش
لذلك ارفقت لكم الرموز ركزوا عليها مع امثلة المحتوى والنماذج وفالكم a+

soso sh 2013- 5- 19 05:07 AM
رد: هنا شرح لاسئلة سلطان عبدالحميد سؤال سؤال
 
الله يوفقك ويعطيكي الف عافيه والله ييسر امرك

aseel.w 2013- 5- 19 06:05 AM
رد: هنا شرح لاسئلة سلطان عبدالحميد سؤال سؤال
 
.
.
شكرا للمره الثانيه يالينا الاموره :16:
.
.
ممكن توضحين اكثر طريقه سؤال 60 و 61 و 62 وحلها بالآله لانها مو راضيه تضبط معي ، واكون لك شاكره

رورو-A 2013- 5- 19 06:57 AM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة aseel.w (المشاركة 8940231)
.
.
شكرا للمره الثانيه يالينا الاموره :16:
.
.
ممكن توضحين اكثر طريقه سؤال 60 و 61 و 62 وحلها بالآله لانها مو راضيه تضبط معي ، واكون لك شاكره
بشرحه وان شاء الله تضبط

5c3>*20%^3*80%^2

حرف سي :shiftوبعدها علامة القسمه
20% اس (3) 3 عباره عن عدد الوحدات
80% اس (2) 2 عباره عن 5-3( العينه - عدد الوحدات)

طبقيه الحين وان شاء الله تضبط:21:

امــونه 2013- 5- 19 09:25 AM
رد: هنا شرح لاسئلة سلطان عبدالحميد سؤال سؤال
 
ممكن تنزلو اسئلة الإمام بصيغه pdf
ربي يسعدكم :16:

روحي بحائل 2013- 5- 19 03:48 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة امــونه (المشاركة 8941189)
ممكن تنزلو اسئلة الإمام بصيغه pdf
ربي يسعدكم :16:

الاسئله باول الموضوع منزلتهم صاحبة الموضوع جزاهـ الله خير ..

أطمح للقمةة 2013- 5- 19 04:05 PM
رد: هنا شرح لاسئلة سلطان عبدالحميد سؤال سؤال
 
الله يوفقك ويفرحك بنجاحك ماقصرتي عساك ووالدينك بالجنة
ويارب كلنا نعديها على خير :16:

~جنى~ 2013- 5- 19 04:08 PM
رد: هنا شرح لاسئلة سلطان عبدالحميد سؤال سؤال
 
:16::16::16::16::16::16::16::16::16::16::16::16:

7ala roo7 2013- 5- 19 05:51 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة رورو-a (المشاركة 8940447)
بشرحه وان شاء الله تضبط

5c3>*20%^3*80%^2

حرف سي :shiftوبعدها علامة القسمه
20% اس (3) 3 عباره عن عدد الوحدات
80% اس (2) 2 عباره عن 5-3( العينه - عدد الوحدات)

طبقيه الحين وان شاء الله تضبط:21:

سويته وما ضبط معي والحل

ولد الحيدري 2013- 5- 19 05:57 PM
رد: هنا شرح لاسئلة سلطان عبدالحميد سؤال سؤال
 
سوال 60
3 من وين حت
معليش بنزعجك شوي
كيف اسوي المعادلة طريقك حلو بس مخي تحجر

ولد الحيدري 2013- 5- 19 05:58 PM
رد: هنا شرح لاسئلة سلطان عبدالحميد سؤال سؤال
 
60
3 من وين جت
العينة عدده وحدة في السوال

7ala roo7 2013- 5- 19 06:04 PM
رد: هنا شرح لاسئلة سلطان عبدالحميد سؤال سؤال
 
طريقه بالاله تكون ع الاتي

http://www.ckfu.org/vb/t323067.html

وفاء الشهري 2013- 5- 19 06:18 PM
رد: هنا شرح لاسئلة سلطان عبدالحميد سؤال سؤال
 
الله يجزاكم خير جميعا وينجحكم ويسعدكم دائمااا وابدا:16:

ولد الحيدري 2013- 5- 19 06:22 PM
رد: هنا شرح لاسئلة سلطان عبدالحميد سؤال سؤال
 
الله يوفقك هذاحل السوال 62
60 و63
كيف لحل

لـيـنـا ~ 2013- 5- 19 06:39 PM
رد: هنا شرح لاسئلة سلطان عبدالحميد سؤال سؤال
 
اول شي اشكر كل من رد ولو بدعوه :34:
ثانيا طريقة حل الاله سهله جدا رجعوا الاله لوضعها الطبيعي يعني مود 1
بعدين اكتبوا في الاله
5 بعدين Shift بعدين قسمة رح يطلع بالاله C عادي كملوا بجنبها واكتبوا 3 ضرب ( 2. ) اوس ^ 3 ضرب ( 8. ) اوس ^ 2 بعدين يساوي وشوا ضبطت معكم او لا :27:

لـيـنـا ~ 2013- 5- 19 06:41 PM
رد: هنا شرح لاسئلة سلطان عبدالحميد سؤال سؤال
 
حبيت انبهكم لشغله ملف اسئلة سلطان عبدالحميد مرقم غلط يعني ارجعوا رقموا الاسئلة بنفسكم بيطلع عندكم 151 سؤال مو 150 حبيت انبهكم عشان ماتلخبطون يعني موضوعي صح لو قدرت اعدله بالملف كان عدلته بس مااعرف للبيدي اف :27:
واشكر حبيبتي اسيل ع التنبيه :16:

لـيـنـا ~ 2013- 5- 19 06:49 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة ولد الحيدري (المشاركة 8947644)
60
3 من وين جت
العينة عدده وحدة في السوال
الارقام حقت السؤال غلط بالملف حق اسئلة سلطان رقمها بنفسك يطلع 151 سؤال
بعدين سؤال 61يعطيك وحده واحده معيبه
وسؤال 62ثلاث وحدات معيبة
عشان ماتلخبطون لان في الملف سؤال 60 هو الوحده المعيبه هو غلط بسيط بس لو ماانتبهتوا له بتلخبطون

دفره تايم 2013- 5- 19 07:02 PM
رد: هنا شرح لاسئلة سلطان عبدالحميد سؤال سؤال
 
اول شي جزاج الله خير ثاني شي ياليت تعدلين الاخطاء في الارقام لان في ارقام مو بنفس السؤال

مثلا سؤال 58

انتي كاتبته 59

وجزاج الله خير :1:

لـيـنـا ~ 2013- 5- 19 08:01 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة دفره تايم (المشاركة 8948864)
اول شي جزاج الله خير ثاني شي ياليت تعدلين الاخطاء في الارقام لان في ارقام مو بنفس السؤال

مثلا سؤال 58

انتي كاتبته 59

وجزاج الله خير :1:

الله يعافيك ثانيا انا رديت على اللي قبلك ارجعي لردودي ونبهت عليها
الارقام بموضوعي صحيح الخطا بالملف نفسه مكرر رقم سؤال 40 مرتين عدلوها عندكم والامور تمام :21:

قمـــر الكون 2013- 5- 19 08:11 PM
رد: هنا شرح لاسئلة سلطان عبدالحميد سؤال سؤال
 
الله يسعد قلبك يارب

ويوفقك ويشرح صدرك

ويجزيك خير والجنة

لـيـنـا ~ 2013- 5- 19 08:13 PM
رد: هنا شرح لاسئلة سلطان عبدالحميد سؤال سؤال
 
الله يجزاك خير يارب ع هالدعوات الحلوه:1:

أنا صاحي لهم 2013- 5- 19 08:20 PM
رد: هنا شرح لاسئلة سلطان عبدالحميد سؤال سؤال
 
احد عنده ملخص دكتور جكلي؟

rmusi 2013- 5- 19 08:49 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة لينا الأمورة (المشاركة 8904639)


وللي يحبون الالة مثلي ممكن تستخدمونها وهي طبعا اسهل بمليون مره الطريقة :

( 5 اللي هي العينة العشوائية بالسؤال شفت قسمة يجيك بالاله حرف السي بالانقلش بعدين تكتبون عدد وحدات العينه بالسؤال ضرب 20% النسبه اس عدد وحدات العينه بالسؤال ضرب 80% طبعا بتقولون من وين جات انا اقولكم من القانون 1-20% يعطينا 0.8 اس 2 طبعا بتقولون كمان من وين جات بقولكم من القانون 5-1 يعني العينه – عدد وحدات العينة وبعدين يساوي ويعطيكم الناتج )


(5 shift /1x(.2)^1x(.8)^2=):17:

جزآك آلله خير عَ الشرح م قصرتي
بس هذي م عرفت لهآ وجربتهآ بِ آلآله ومَ ضبطت معي
آبيَ شرح لهآ وآضح ;(

rmusi 2013- 5- 19 08:53 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة لينا الأمورة (المشاركة 8948454)
اول شي اشكر كل من رد ولو بدعوه :34:
ثانيا طريقة حل الاله سهله جدا رجعوا الاله لوضعها الطبيعي يعني مود 1
بعدين اكتبوا في الاله
5 بعدين shift بعدين قسمة رح يطلع بالاله c عادي كملوا بجنبها واكتبوا 3 ضرب ( 2. ) اوس ^ 3 ضرب ( 8. ) اوس ^ 2 بعدين يساوي وشوا ضبطت معكم او لا :27:

ششششششششششكراً توني آنتبه ل آلرد هذآ
ضبطت معي , الله يوفقك ويوفق آلجميع .

لـيـنـا ~ 2013- 5- 19 09:04 PM
رد: هنا شرح لاسئلة سلطان عبدالحميد سؤال سؤال
 
اللهم امين يااارب:16:

أموونه 2013- 5- 19 10:50 PM
رد: هنا شرح لاسئلة سلطان عبدالحميد سؤال سؤال
 
تكفين شرحي لي كيف اطلعين القيم من جداول z&tلاني اتابع معا الدكتور الامام وهو مايجي الا الجداول المطلوبه


ابي اعرف كيف اطلعها من الجدول الكبير

أموونه 2013- 5- 19 11:17 PM
رد: هنا شرح لاسئلة سلطان عبدالحميد سؤال سؤال
 
ردوووو

امــونه 2013- 5- 19 11:37 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة روحي بحائل (المشاركة 8945911)
الاسئله باول الموضوع منزلتهم صاحبة الموضوع جزاهـ الله خير ..
ايوا شفته بس الصيغة م تفتح ع الايباد
عشان كيذا ابي بالصيغة هذي الي عنده ينزل الله يسعدكم :24:

لـيـنـا ~ 2013- 5- 19 11:40 PM
رد: هنا شرح لاسئلة سلطان عبدالحميد سؤال سؤال
 
ابشري امونه اعطيني السؤال اللي مو فاهمته وانا اقولك :16:

ay$heno 2013- 5- 19 11:42 PM
رد: هنا شرح لاسئلة سلطان عبدالحميد سؤال سؤال
 
الله يجزيك خير يالينا رغم ضروفك جالسه تساعدين الطلاب

روحي يا شيخه جعلك تجيبي a+:3::3::3::3::3::3::19::1:

أموونه 2013- 5- 20 12:21 AM
رد: هنا شرح لاسئلة سلطان عبدالحميد سؤال سؤال
 
فديت اقليبك انا ذاكرت المحاضرات دكتور سلطان

مثل سال 96وتحته كلهم في التوزيع الطبيعي

كيف اطلع الحال من الجدول هم دكتورهم ربي يسعده منزل لهم الجدول الي يحتاجونه



وكمان سوال دكتورهم طرق لجدولt ولا لا


وكمان سوال انا وصلت للمحاضرة 17 وبعدها كله مراجعه واساله هل يوقف منهجهم هنا ولا في وكم رقم الحلقه الي تتنتهي مراجعته


ادري غثيتك وض\طولت عليك :9:

سلطان العوفي 2013- 5- 20 12:24 AM
رد: هنا شرح لاسئلة سلطان عبدالحميد سؤال سؤال
 
للرفع حقيقةً موضوووع جداً رائع ..

جهد مبارك ...


والف شكر لكاتب الموضوع واتمنى لك التوفيق ..:15:

shay12 2013- 5- 20 12:35 AM
رد: هنا شرح لاسئلة سلطان عبدالحميد سؤال سؤال
 
السلام عليكم


حل رقم سوال ٨٠ من وين جاب 0.37 مو الجواب الي هي هـ :4::36:

لـيـنـا ~ 2013- 5- 20 12:39 AM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة أموونه (المشاركة 8956323)
فديت اقليبك انا ذاكرت المحاضرات دكتور سلطان

مثل سال 96وتحته كلهم في التوزيع الطبيعي

كيف اطلع الحال من الجدول هم دكتورهم ربي يسعده منزل لهم الجدول الي يحتاجونه



وكمان سوال دكتورهم طرق لجدولt ولا لا


وكمان سوال انا وصلت للمحاضرة 17 وبعدها كله مراجعه واساله هل يوقف منهجهم هنا ولا في وكم رقم الحلقه الي تتنتهي مراجعته


ادري غثيتك وض\طولت عليك :9:
سؤال 96 جدا سهل وبسيط
تطرحين المتوسط 70 من الاحتمال 80 وتقسمينه ع الانحراف بكذا يطلع الناتج
الناتج 1 روحي للجدول اللي بالسؤال شوفي رقم 1 كم الرقم اللي تحته بتحصلينه 34. لحد هنا تمام
نجي عند المهم اذا وصلتي الى هنا لازم تاخذين قاعده اذا ذكر في السؤال على اكثر تطرحين الناتج من النصف اللي هو نصف الاحتمال ففتي ففتي واذا قال ع اقل على طول تجمعين من النصف
يعني الناتج من الجدول طلع 34. _ 5. = 16. طبعا طرحت لان بالسؤال ذكر على الاكثر
ان شاء الله تكوني فهمتي :16:

أموونه 2013- 5- 20 12:49 AM
رد: هنا شرح لاسئلة سلطان عبدالحميد سؤال سؤال
 
فاهمتك ياقلبي

بس دكتور النجار مايعطيك ياها راح يعطيني الجدووول كله وانا استخرج منه


وفديتك جاوبي على بقي الاساله

لـيـنـا ~ 2013- 5- 20 01:03 AM
رد: هنا شرح لاسئلة سلطان عبدالحميد سؤال سؤال
 
لا شوفي السؤال 22 للنجار الحل بنفس الطريقة لكن النجار جابها على شكل رسمه والامام جابها بجدول يعني لها طريقتين لكن جدول z اللي تقصدين حله مو في هذا السؤال :27:

لـيـنـا ~ 2013- 5- 20 01:04 AM
رد: هنا شرح لاسئلة سلطان عبدالحميد سؤال سؤال
 
اسئلة الامام لين المحاضرة 11 فقط ولم يتطرق لجدول t فيها

لـيـنـا ~ 2013- 5- 20 01:27 AM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة ay$heno (المشاركة 8955357)
الله يجزيك خير يالينا رغم ضروفك جالسه تساعدين الطلاب

روحي يا شيخه جعلك تجيبي a+:3::3::3::3::3::3::19::1:

تسلمين ياقلبي الله يسمع منك يااارب وفالنا وفالكم a+ :1:

الطرقــي 2013- 5- 20 03:10 AM
رد: هنا شرح لاسئلة سلطان عبدالحميد سؤال سؤال
 
جـــــــــزاك الله خيــــر ومــاقصرتي

لـيـنـا ~ 2013- 5- 20 04:04 AM
رد: هنا شرح لاسئلة سلطان عبدالحميد سؤال سؤال
 
مشكور ويعطيك العافية :29:

مساهر 2013- 5- 20 04:16 AM
رد: هنا شرح لاسئلة سلطان عبدالحميد سؤال سؤال
 
قسم بالله انها حاله :44:

افرفر من جامعة فيصل الى جامعة الامام

واخرتها ما دريت بنفسي الا وانا في " طيني ورور ,, ولد ولد ولــــــــــــــد ":17::3::3:



عندكم علاج ؟ ... وينك يا سعيدااان ؟ :8:

دفره تايم 2013- 5- 20 12:00 PM
رد: هنا شرح لاسئلة سلطان عبدالحميد سؤال سؤال
 
سؤال 61 و 62 و 63 مافهمته اللي بالاله


حبيبتي ممكن توضحين اكثر

حنينـ الروحـ !! 2013- 5- 20 03:17 PM
رد: هنا شرح لاسئلة سلطان عبدالحميد سؤال سؤال
 
,
,
بالنسبة لتطبيق قانون متوسط الثقة كيف اطلع بالاله الحاسبة +_ بوقت واحد ؟؟؟؟!!!

:7::7::7: بهذلني

حنينـ الروحـ !! 2013- 5- 20 03:40 PM
رد: هنا شرح لاسئلة سلطان عبدالحميد سؤال سؤال
 
اقتباس:
المشاركة الأصلية كتبت بواسطة shay12 (المشاركة 8956674)
السلام عليكم


حل رقم سوال 80 من وين جاب 0.37 مو الجواب الي هي هـ :4::36:


هـ = قيمته ثابته نستخرجه بالاله الحاسبة رمزه e

كيف نستخرج e من الالة الحاسبة ؟ الة كاسيو

نضغط على ALPHA < مكتوب باللون الاحمر فوق
بعدين نضغط على الرز اللي مكتوب فوقه حرف e بالاحمر تلاقونه باخر صف بالاله

راح تكتب عندك بالشاشه حرف e حط عليها اس -1 واضغط يساوي

النتيجة بتطلع رقم طويل ناخذ اول رقمين انا طلعلي ( 0.36) < اقرب رقم لها 0.37


وبعدها نكمل حل القانون بالاله الحاسبة

( 0.37 × 1 ) ÷ 1 = 0.37



يارب قدرت اول المعلومة


All times are GMT +3. الوقت الآن حسب توقيت السعودية: 07:30 PM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه