ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- إدارة أعمال 2 (https://vb.ckfu.org/forumdisplay.php?f=306)

- - قرار حذف رياضيات 2 (https://vb.ckfu.org/showthread.php?t=458575)

رَاء.

2013- 5- 12 10:29 PM

قرار حذف رياضيات 2

السلام عليكم ورحمة الله وبركاته .

لا يخفى عليكم الحاصل طلاب ادارة اعمال بأنه تم حذف مادة رياضيات 2 + مهارات اتصال لمن تبدأ ارقامهم الجامعية بـ 213

كثير منا ما سجلوا هالمادة .. وكثير بعد سجلوا وللحين يحملونها .
واضافوا لنا مادة الاخلاق الاسلامية واداب المهنة ماندري هل مكانها صحيح والا نسجلها والا مانسجلها يعني حاسوا علينا السالفة .

سبق وارسلنا للجامعة بخصوص هالشيء وللحين ما ردوا .

الحين نبي نعاود الكرّة ونسوي حملة ايميلات للجامعة عشان يشوفون لنا هالموضوع ويبلغونا بقرارهم بداية السمستر الجاي ان شاء الله .

طلبي الوحيد ( لا أحد يدخل ويقول ما يفيد نرسل او لا ترسلون .. هالموضوع للي يبي يرسل وبس )

مجرّد انك ترسل للجامعة نفس النموذج الموحد اكتب لنا هنا انه تم الارسال عشان نحصي عدد المطالبين بحذف المادة .

النموذج :

السلام عليكم ورحمة الله وبركاته

إشارة إلى قرار الجامعة حذف مقرر (رياضيات2 + مهارات اتصال) عن الدفعة 213 و ما بعد ، وحيث أن هذا القرار يوضح أن المصلحة تقتضي عدم تدريس المقررين لطلبة إدارة الأعمال .

و نظراً لوجود طلبة من دفعات قبل 213 لم يأخذو المقررين حتى الآن ، و بما أن الجامعة مقبلة على تحديث المقررات وقفاً لما التزمت به في اجتماع ماريوت الرياض الترم الماضي

فإننا نطالب نحن طلاب ادارة الاعمال الانتساب عن بعد بأن يتم إيقاف المقررين من هذا الفصل لما فيه من فوائد تعود على الطرفين (الجامعة و الطلبة) :

1/ حيث أن إقاف المقررين من هذا الفصل سيجنب الجامعة تكاليف طرح المقررين لمدة سنتين إلى ثلاث سنوات إلى أن يتخرج آخر طالب من دفعة 212 و ما يتبعه من محاضرات مباشرة و اختبارات و رصد درجات و تحميل محاضرات و حل مشاركات و واجبات .

2/ كما أنه سيجنب الجامعة دفع تكاليف تحديث المقررين حيث مضى عليما 3 سنوات .

3/ أيضاً سوف يقلص وجود تعارض عند تصميم جداول الاختبارات .

4/ كما أنه يتوافق مع رغبة الطلبة الذين أجلو المقررين انتظاراً من الجامعة أن تتفاعل مع طلب تغيير المحاضر ، خاصة رياضيات2 والذي نواجه مشكلة كبيرة في الفهم من محاضر المقرر مع احترامنا الكامل لشخصه الكريم.

نأمل ان يكون قرار الجامعة هو إيقاف المقررين على جميع الطلبة ، و لأجل استكمال نصاب ساعات التخرج فيمكن أن يوضع للطالب مواد عامة أخرى أو مادة تخصص كإضافة مادة ادارية جديدة .

مع شكرنا و تقديرنا لجهودكم و تفهمكم رغبة الطلبة .

و تقبلوا تحياتنا

اسم /

الرقم الجامعي /

رقم الجوال /

الايميل : del_academic@kfu.edu.sa ايميل شؤون الطلاب

الله يرضى عليكم بليز بليز بليز خلونا نتعاون جميع .:16:
بصيح ترى :24: < امزح امزح :16.jpg:

آنسه منشن

2013- 5- 12 10:42 PM

رد: قرار حذف رياضيات 2

#

ظلم ظلم ظلم ظلم ,, :icon9:

المفروض لو فيه قرار يعم الجميع بدون تحديد فئات ,, :23:

انا من اول المعارضين على هذا الشي , وان شاء الله يتم الارسال :verycute:

بس عسى احد يعطينا وجه :119:

سؤوال يعني وش الهدف من استبعادنا من حذف المواد هذي :Looking_anim:

منبهر

2013- 5- 12 11:06 PM

رد: قرار حذف رياضيات 2

انا معاك

للرفع

رَاء.

2013- 5- 12 11:08 PM

رد: قرار حذف رياضيات 2

طالعوا ما امداني ارسل شوفوا شردوا .

http://im36.gulfup.com/RvLJd.png

وطبعاً الصفحة يوم فتحتها طلعت هذي السخيفة اللي محد مستفيد منها .

http://del.kfu.edu.sa/entisab_app/fa...tal/index.aspx

وش السواة الحين يعني شقاعدين يسوون فينا ؟

وان جينا وحطينا استفسارنا ؟ حنا معروض مب استفسار .. اذا ذولا مايردون علينا الحين من بيرد ؟

أبان	2013- 5- 12 11:26 PM

رد: قرار حذف رياضيات 2

اقتباس:

المشاركة الأصلية كتبت بواسطة reem.93 (المشاركة 8828088)

طالعوا ما امداني ارسل شوفوا شردوا .

http://im36.gulfup.com/rvljd.png

وطبعاً الصفحة يوم فتحتها طلعت هذي السخيفة اللي محد مستفيد منها .

http://del.kfu.edu.sa/entisab_app/fa...tal/index.aspx

وش السواة الحين يعني شقاعدين يسوون فينا ؟

وان جينا وحطينا استفسارنا ؟ حنا معروض مب استفسار .. اذا ذولا مايردون علينا الحين من بيرد ؟

البوابة هذي هك
عندي اعتراض على درجة اعمال السنة لمادة المحاسبة-2 من سنة معلق ما أحد شافه

المطلوب الآن :
1. حصر جميع الإيميلات اللي تفيد ، مثل إيميل الفريدان ، إيميل الوكيل ، إيميل الشعيبي ، الإيميل العام حق التعليم عن بعد ، إيميل الجامعة العام ... أي إيميل تشوف أنه مهم . و نحطهن هنا تمهيداً للإرسال الجماعي .

2. حصر عناوين التواصل عبر شبكة التواصل الاجتماعي ، مع الجامعة ، الفريدان ، الشعيبي ، ...

3. البدء بالتواصل عبر القنوات التي تم حصرها .

4. من أراد الاحتساب في برقية لمعالي مدير الجامعة بنفس الصياغة فهذا ممتاز ، و الله لا يحرمه الأجر .

إلى الأمام :19:
لا رجوع :21:

رَاء.

2013- 5- 12 11:32 PM

رد: قرار حذف رياضيات 2

اقتباس:

المشاركة الأصلية كتبت بواسطة أبان (المشاركة 8828475)

إلى الأمام :19:
لا رجوع :21:

والله اني معك قلباً وقالباً لكن يد وحدة ما تصفق .. خلونا كلنا نشتغل سوا يا جماعة مانبي اثنين ثلاثة والباقي متفرجين .. خلونا كلنا نتعب على هالموضوع اللي يحرق الدم .

malfredan@kfu.edu.sa هذا ايميل الفريدان .

del@kfu.edu.sa وهذا ايميل عمادة التعليم عن بعد .

http://www.mohe.gov.sy/new/index.php...ts&lang=1&ex=2 وهذا رابط الشكاوى في وزارة التعليم العالي .

حساب الفريدان بالتويتر . @alfraidan
حساب احمد الشعيبي بالتويتر . @rrr898

وهمّتكم الله يرضى عليكم .

طيران

2013- 5- 12 11:34 PM

رد: قرار حذف رياضيات 2

كلام سليم والمفروض هذي الخطوه من زمان
كثر الدق يفك اللحام

الد11هيه

2013- 5- 12 11:38 PM

رد: قرار حذف رياضيات 2

جامعة كل يوم لها قرارات

الله يصبرنا عليها ونتخرج ونفتك

رَاء.

2013- 5- 12 11:38 PM

رد: قرار حذف رياضيات 2

تم الارسال للفريدان والعمادة .:19:

لاتنسون ارقامكم تكتبونها بالايميل .

يلا من ارسل بعد ؟

امونه 22

2013- 5- 12 11:46 PM

رد: قرار حذف رياضيات 2

انا بكون معاكم :21:

رَاء.

2013- 5- 12 11:49 PM

رد: قرار حذف رياضيات 2

اللي ارسل يقول انه ارسل عشان نحصي العدد .

i b r a h i m

2013- 5- 12 11:59 PM

رد: قرار حذف رياضيات 2

المفروض نرسل لايميل العميد او نائبه ( اضافة نسخة للعميد ) او شخص مسؤول

رَاء.

2013- 5- 13 12:01 AM

رد: قرار حذف رياضيات 2

^
ارسلت للعميد والعمادة .
هذاني والله شغالة ادور الايميلات بكل مكان ياخوي .. خوفك انهم ما يطلون بالإيميل طل .

كنت نايم

2013- 5- 13 12:21 AM

رد: قرار حذف رياضيات 2

الله يهديهم ويفكونا من هالمادة الغثيثه،

لكن الأهم والاهم والاهم
" في حالة ماوافقو على طلبنا بحذف المادة، نتفق جميعاً وناخذها في ترم واحد علشان يكون عدد الطلاب اكثر من 100 طالب، وتعرفون نظام الجديد الجامعة اي مادة طلابها اقل من 100 تتحول الي اختبار مقالي!!!!!!!!! .... عاد تخيلو رياضيات ومقالي ههههههه اهلاً بالعيد اهلاً اهلاً"

استعدو الترم الجاي بنسجلها ان شاءالله اذا ماوافقو على حذفها والله يصبرنا على هالجامعة

رَاء.

2013- 5- 13 12:35 AM

رد: قرار حذف رياضيات 2

^

لالالا مش الترم الجاي على الاقل اللي بعده اما الترم الجاي معصصصي ثم معصي كلها بتكون محاولات للحذف

المهم ارسسسلوا تكفون الحين تراني مرسله ومخلصة واستناكم تقولون ( ارسلنا )

الرايق2008

2013- 5- 13 12:37 AM

رد: قرار حذف رياضيات 2

خطك كانه براشيم <<< ايام الاختبارات

انا اخذت رياضيات2 وكانت صعبه ومدرس فاشل
وباقي لي مهارات اتصال ولا لي نيه اخذها لاني مقدم طلب معادله

اما ماده الاخلاق الاسلاميه واداب المهنه هي عندنا ناخذها بالمستوى 8

بعد ما حذفو الرياضيات خلو الدفع الجديده ياخذونها بالمستوى الثاني

وعساكم على القوه

كنت نايم

2013- 5- 13 12:50 AM

رد: قرار حذف رياضيات 2

اقتباس:

المشاركة الأصلية كتبت بواسطة reem.93 (المشاركة 8829810)

الادارة تعاملنا كأننا طلاب اولى ابتدائي ولا عمرهم لبو طلب للطلاب، قبل مدة نزلو اعلان تهديدي ان حملات الطلبات وإغراق بريد الجامعة راح يعاقب ويحرم من قام بها !!!

بالنسبة لتسجيل المادة الترم الجاي باقي مدة طويله عن فترة التسجيل اذا مانفعت حملاتكم، ضروري ناخذها بأسرع وقت لان الدفعات الجديدها ماعندهم هالمادة والاترام الجايه رايح يكون عدد اللي ماخذوها قليل وياكلونها اختبار مقالي

اختبار مقالي رياضيات = بالاحلام نعدي الماده :4:

مابي احطمك لكن هذا الواقع :8:

آنسه منشن

2013- 5- 13 12:57 AM

رد: قرار حذف رياضيات 2

اقتباس:

المشاركة الأصلية كتبت بواسطة Reem.93 (المشاركة 8828088)

نفس الرد إللي جاني ,, :017:

أبي افهم طلاب قسم الإداره وش مسوين لهم يا مال الشسمه :mad:

رَاء.

2013- 5- 13 12:59 AM

رد: قرار حذف رياضيات 2

اقتباس:

المشاركة الأصلية كتبت بواسطة كنت نايم (المشاركة 8830082)

لالا ما تحطمت .. الا تفتت بمكاني :18:

وش هالاعلان ماقد وصلني متى حطوه ؟ لا ترى الفريدان زودها والله العظيم من مفكر نفسه ذا ترى من حقنا نسوي اي شيء ومن حقنا نعترض على قراراته ومن حقنا نعترض عليه هو بكبره .. والله ما يجيبها الا التعليم العالي والله .

خوخة الشهري

2013- 5- 13 01:16 AM

رد: قرار حذف رياضيات 2

ماعرفت ارسل ع طريق ايميل مين يشرح لي

modeer999

2013- 5- 13 02:30 AM

رد: قرار حذف رياضيات 2

طيب والي خلص الرياضيات 1 ورياضيات 2 ومهارات الاتصال ولا بعد الرياضيات 2 عدتها من زين الشرح هههههه

نبي تعويض يايرجهون قروشنا يا يعادلونهم هههههه اي هين

Pluto

2013- 5- 13 02:47 AM

رد: قرار حذف رياضيات 2

والله ما فهمت شي انا رقمي الجامعي يبداء ب 213 يعني ما عندي رياضيات 2 ولا كيف

اصلا اذا جات عادي لأني ما احب اتعب نفسي بخصوص الرياضيات تحديدا :30:

واذا حذفوها

اكون اسعد واحد في العالم ......:41:

في ناس بنتجن هههههههههههههههههههه

Hnif	2013- 5- 13 03:39 AM

رد: قرار حذف رياضيات 2

تم الارسال :24::18:

محمد الشمريـ

2013- 5- 13 04:26 AM

رد: قرار حذف رياضيات 2

بسم الله والصلاة والسلام على اشرف الانبياء والمرسلين ’’’’’

يعطيكم العافيه على مجهودكم الاكثر من رائع ’’’’

طبعاً بختصار شديد الخطوهـ الاولى الي هي ’’’
ارسال النموذج لـ شئون الطلاب والفريدان وعميد الجامعه وتويتر وكل شخص له دور بالامر هذا ’’’
نشوف وش يردون لنا اذا ما نفع شيء نقرر متى ناخذ المقرر ’’’
لنا عودهـ بالارسال ’’’

أبان	2013- 5- 13 05:02 AM

رد: قرار حذف رياضيات 2

تم الإرسال :19:

لا رجوع :21:

تروبيكانا

2013- 5- 13 05:42 AM

رد: قرار حذف رياضيات 2

معااااااااااااااااااااااااااااااااكم جاري الارسال

رَاء.

2013- 5- 13 06:12 AM

رد: قرار حذف رياضيات 2

الله يقدم اللي فيه الخير ما قصرتوا يا جماعة ويارب يردون لنا قريب يارب .

الماَسه

2013- 5- 13 06:15 AM

رد: قرار حذف رياضيات 2

الشعيبي يقول مافي ضرر

فرق 4ساعات وبعد زادونا ماده ليه مفروض بس لهم تكون

مفروض يحذفون لنا ماده نختارها وساعه تصير الفقه والسيره

رَاء.

2013- 5- 13 06:17 AM

رد: قرار حذف رياضيات 2

^

متى قال هالكلام ؟

لا معليش المفروض يشوفون وجهة نظرنا بالموضوع مب سايبة الدنيا !

محمد الشمريـ

2013- 5- 13 06:20 AM

رد: قرار حذف رياضيات 2

الشعيبي اعتقد ماله كلمه هو موظف اداري مدير مكتب ’’’’
ماله كلمه علينا مع احترامي له ’’’’

نورة الرياض@

2013- 5- 13 08:14 AM

رد: قرار حذف رياضيات 2

صباح الخيرات
انا ارسلت للعمادة والفريدان يارب يارب من هذا الصبح انو يتحقق
طلبنا ونفتك من الرياضيات 2
ربي يسعدكم :16:

حافز	2013- 5- 13 08:51 AM

رد: قرار حذف رياضيات 2

ارسلت لهم عن طريق بريدي في الهوت ميل ورجعوا لي هذي الرسالة

عزيزي / عزيزتي الطالبة

نأسف ونعتذر لكم عن عدم استطاعتنا للرد على بريدكم الالكتروني ويرجى التكرم بالدخول على هذا الرابط
http://del.kfu.edu.sa/entisab_app/fa...tal/index.aspx
لكي نتمكن من الرد على استفساركم

B7H	2013- 5- 13 09:08 AM

رد: قرار حذف رياضيات 2

طيب يآلربع دآم هذآ ردهم السخيف على ايميلآتكم وتجآهلهم لطلبآتنآ
نختصرهآ ونرآسل التعليم العآلي
والله العظيم مآصآرت طلآب يأخذونهم وطلآب تحذف لهم وكلهم نفس التخصص سلآمـــــــــآت
انآ آخذت مهآرآت اتصآل ودرجتي كويسه فيه بس مآعندي مشكله تنحذف المآده للمصلحه العآمه
> احس لو بنمسك ادآرة التعليم عن بعد بنفهم أكثر منهم وش هآلأستخفآف بآلطلبه :20:

أبان	2013- 5- 13 06:52 PM

رد: قرار حذف رياضيات 2

هذا رد الدكتور الفريدان قبل قليل بالإيميل :

عندما تتغير الخطط الدراسية فان التغيير يشمل الدفعات الجديدة فقط

BayanFJ

2013- 5- 13 07:07 PM

رد: قرار حذف رياضيات 2

اقتباس:

المشاركة الأصلية كتبت بواسطة أبان (المشاركة 8841637)

هذا رد الدكتور الفريدان قبل قليل بالإيميل :

عندما تتغير الخطط الدراسية فان التغيير يشمل الدفعات الجديدة فقط

معناته الأخلاق الاسلامية و آداب المهنة ما ناخذه :25::20:!
حلوة ذي هم يحذفون لهم 4 ساعات وحنا يزيدوننا ساعتين؟
وييييييين يابوي :20:!!
< خويّتكم مخلصة رياضيات2 و معادلة مهارات الإتصال.

بس ولو هم يتخرجون ب 132ساعة وحنا 136ساعة؟ وراه وراه :sm1:؟

أبان	2013- 5- 13 07:12 PM

رد: قرار حذف رياضيات 2

اقتباس:

المشاركة الأصلية كتبت بواسطة bayanfj (المشاركة 8841869)

<b>

معناته الأخلاق الاسلامية و آداب المهنة ما ناخذه :25::20:!
حلوة ذي هم يحذفون لهم 4 ساعات وحنا يزيدوننا ساعتين؟
وييييييين يابوي :20:!!
< خويّتكم مخلصة رياضيات2 و معادلة مهارات الإتصال.

بس ولو هم يتخرجون ب 132ساعة وحنا 136ساعة؟ وراه وراه :sm1:؟

</b>

عندما تتغير الخطة الدراسية فإن على الدفعات القديمة "حقل التجارب" أن تنطم :26:

BayanFJ

2013- 5- 13 07:16 PM

رد: قرار حذف رياضيات 2

اقتباس:

المشاركة الأصلية كتبت بواسطة أبان (المشاركة 8841941)

عندما تتغير الخطة الدراسية فإن على الدفعات القديمة "حقل التجارب" أن تنطم :26:

طمّ راس العدو :25::20::20:
أخاف أتلاسن معهم يهوشونن يقولون انتي معادلة 9 ساعات وش تبين :(
بس بهارجهم ب التويتر :/ , وأبن أمهم ما يزيدون للجدّد 4 ساعات!!
هيّن.

عزيزة النفس

2013- 5- 13 07:26 PM

رد: قرار حذف رياضيات 2

تم الارسال:5::5::5:

تروبيكانا

2013- 5- 13 08:39 PM

رد: قرار حذف رياضيات 2

الشعيبي بتويتر يقول انه مشغول وراح يرد قريبا :30:

ملكة مملكتها

2013- 5- 13 09:29 PM

رد: قرار حذف رياضيات 2

تم الارسال

ماجد333

2013- 5- 13 11:24 PM

رد: قرار حذف رياضيات 2

اللي سمعته من شركة يقولون

انها رحلت الى مستويات اخرى لم تحدد بعد ولم تحذف

Reeema

2013- 5- 14 02:07 AM

رد: قرار حذف رياضيات 2

لالالا يارب يحذفونها علي كل المستويات مو بس المستوي الي محددينا :44:

يارب انه الرياضيات 2 جالس علي كبدي كل ماقلت باخذه هونت :12::44::26:

وبعدين ظلم علي ناس وناس

صَمْتّ مُؤْلِمْ

2013- 5- 14 10:04 AM

رد: قرار حذف رياضيات 2

ترا المادة صارت سهله لكثرة نماذج الأسئلة السابقة

وما يخرج عنها وعن المحتوى

تو أخذتها هالترم

وعسى الدرجة تطلع كويسه :1:

بالتوفيق

Sweetlovly

2013- 5- 14 11:44 AM

رد: قرار حذف رياضيات 2

تم الإرسال
ارجوا من الجميع الارسال

mezoq

2013- 5- 14 12:51 PM

رد: قرار حذف رياضيات 2

شلون ارسلللل علموني:4::44:

رشوف123

2013- 5- 14 04:15 PM

رد: قرار حذف رياضيات 2

تم الارسال وبالتوفيق :16:

waloOo

2013- 5- 14 09:19 PM

رد: قرار حذف رياضيات 2

انا معكم بعد مانبي هالماده جيبوا اي شي غير الرياضيات زي زي الجدد مانبي الماده تنحسب لنا

All times are GMT +3. الوقت الآن حسب توقيت السعودية: 03:17 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه