|
إعادة أختبار مادة السلوك التنظيمي
في ظل الأحداث التي شهدتها الجامعة وبالأخص القاعة الرياضية بسبب سوء الأحوال الجوية مما أدى إلى دخول الغبار إلى القاعة وسقوط مياه الأمطار من السقف المستعار للقاعة وبالإضافة إلى إنقطاع التيار الكهربائي، مما تسبب في حالة من الإرباك والفوضى داخل القاعة. وبعدها تم تداول خبر إعادة الإختبار داخل القاعة على لسان المراقبين على الاختبار. ونحن هنا بدورنا نتسأل عن الإجراء المتبع من قِبل إدارة الجامعة في مثل هذه الحالات. نأمل أن يصدر توضيح خلال الساعات القادمة ليتم طمئنت الجميع. ولكم مني أجمل التحايا.. |
رد: إعادة أختبار مادة السلوك التنظيمي
انا اختبرت بالجامعه صراحه رعــب وطفة الانوار علينا ورجعة اشتغلت ورن جرس الانذار والله اني احل وانا ارتجف
حتى قالت المراقبه المفروض انتم نجاح على طول على هـ الاجواء والرعب |
رد: إعادة أختبار مادة السلوك التنظيمي
لااااااااااااااااا الا اعادة الاختبار
الاختبار بداء الساعه 7 والرياض كانت مطر واجواء جميلة والغبار انتهى ليش الاعادة ؟؟؟؟؟؟؟؟؟؟؟؟؟؟ |
رد: إعادة أختبار مادة السلوك التنظيمي
ما اتمنى ترك المجال للاشاعات
ولا اتوقع اعادة الاختبار فعلا اللي صار كان فلم رعب غريب عجيب ومشاكل لها اول مالها آخر عاصفة رملية شديدة ودخول الغبار على الطلاب وازمات صحية في التنفس لهم وانقطاع الكهرباء وفوضى وازعاج من المراقبين والطلاب.. ويبون الناس تجاوب مضبوط اعتقد صعبة واتوقع ان الجامعة تصدر بيان تحسم فيه الموضوع ويمكن يكون فيه تعامل خاص من العمادة لدرجات الطلاب والعلم عند الله. |
رد: إعادة أختبار مادة السلوك التنظيمي
لا وازود على ذا تخيلو مراقباتنا بمقر الجامعه مدري بأي كلمه اوصفهم
وزعو اوراق الاجابه اللي نعبيها الساعه7,10وعلى بال ماعبينا وبعدين وزعو الاسئله وجلس سيد ماعندهم اوراق الاسئله تقريبا جلسو بعدنا بربع ساعه لين صورولهم الاسئله وجرس الانذار ماطفوه جلس يرن فوق روسنا ارتباك |
رد: إعادة أختبار مادة السلوك التنظيمي
لااااا وش اعادة اختبار انتم عيدو احنا ليييه صح اختبرنا "بدون مكيفات"
بس مالها دآعي تعيد *لحظة صمت* يلا خيره بما اني شفت اسئلة اول مره اشوفها :35: |
رد: إعادة أختبار مادة السلوك التنظيمي
اقتباس:
|
رد: إعادة أختبار مادة السلوك التنظيمي
الأخت الكريمة النظرة الخجولة حمداً لله على سلامتك وسلامة أخواتنا الطالبات. إن ما شاهدناه هذه الليلة يثير الكثير من التساؤلات عما حدث، ولكن السؤال الأبرز الذي يطرح نفسه أين هي إدارة الجامعة عن خطة الطوارئ لمثل هذه الحالات؟ أين هي الترتيبات الخاصة بتوفير قاعات الإختبار مناسبة للطلاب والطالبات؟ قبل قليل أجريت أتصال بأحد منسوبي جامعة الملك فيصل وأفاد بأن إدارة الجامعة لديه علم مسبق بأن القاعة الرياضية "أيله للسقوط" وغير مناسبة للطلاب ولا تتوفر فيها إشتراطات السلامة المطلوبة. لماذا كل هذا التساهل والإستخفاف بأرواح وسلامة الطلاب؟ أين هي الأموال الطائلة التي تجنيها الجامعة من طلاب الإنتساب؟ وأين هي المليارات من ميزانية الجامعة؟ وأين وأين..... نأمل أن نرى إجابة على تساؤلاتنا وتجاوب مع قضايانا. تحياتي،، |
رد: إعادة أختبار مادة السلوك التنظيمي
الله يكون بعونكم
نفس قبل كم ترم حصل بالقصيم واعادوا لهم المادة الترم اللي يليه بدون رسوم |
رد: إعادة أختبار مادة السلوك التنظيمي
ريما محمد
soo0sa بيــــان أشكركم على مشاركتكم زيدان9 اشكرك اخي على مشاركتك للتوضيح: القصد من طرح الموضوع ليس لنشر الإشاعات بل لنقل الحدث كما هو وما تردد عن إعادة الإختبار لم يصدر مني شخصياً أو أياً من أحد الطلاب بل صدر من مراقبين الإختبار بالقاعة. |
رد: إعادة أختبار مادة السلوك التنظيمي
اقتباس:
ولا بس الي حملو الماده؟؟؟:10: مابي اعيد:12: |
رد: إعادة أختبار مادة السلوك التنظيمي
الوضع بالجامعة كان جداً سيئ ..
الحمدالله ع سلامتنا بس .. انا عن نفسي ماقدمت زين .. للي حفظتة طار ماعدت اذكر شي من الرعب وتوتر وفوضى .. :( ... |
رد: إعادة أختبار مادة السلوك التنظيمي
بما اننا ندرس سلوك فلازم نقول ان الجامعة تطبق النظرية الميكافلية في تعاملها مع الطلاب
واعتقد ان الجامعة اول ما تسوي هو انها تسوي رصد لدرجات الطلاب والطالبات في مركز الاحساء وبناء على النتائج تتخذ الخطوات وهي : في حال عدد كبير جاب درجات عالية جداً ......... الجامعة تبي تعتبر ان فيه عملية غش كبيرة والطلاب يجب ان يعاقبون باعادة الاختبار في حال عدد كبير جاب العيد .... تبي تسوي الجامعة انها راعية مكرمات وتعطي كم درجة اضافية عشان تدف المدحدر منهم وتصعده على الحفه في حال ان وضع متفاوت في الدرجات ..... فالجامعة تبي تطلع صاغ سليم وتقول انا مادخلني بنوب هدول اولاد زعران ما عم يزاكرو .. يصطفلووووووو على راي اهل باب الحارة:13: وصدقوني الجامعة لاتهتم بالطلاب ابداً وكل ما حصل لهم يبي يكون ضمن نطاق الاحوال الجوية اللي مرت بالجميع ولا يستحق ان يعاد الاختبار لهم خاصة ان المثال الحي كان في اختبار الانقلش والمحاسبة قبل عام بعد ما الغي وتم اعادته وكان العدو الاول للطلاب هم الطلاب انفسهم و الجامعة قعدت تتفرج و تشوت في الطلاب يمين في يسار لإنها عرفت ان ماعندك احد!!!!! اطيب تحية للجميع |
رد: إعادة أختبار مادة السلوك التنظيمي
اقول خل عنكم الكلام بس. كيف الاساله انا بالنسبه لس جبت العيد
|
رد: إعادة أختبار مادة السلوك التنظيمي
حنا عندنا الجوووو غبار صحيح بس كنا بالقاعه وجابوا لنا شاهي وماء وعصير وفلة حجاج ووناسه
ماحد انقهر صححححح حنا ماطمعنا نخلص وانتم تبونا نعيد الاختبار لا والف لا |
رد: إعادة أختبار مادة السلوك التنظيمي
اقول خلو عنكم تفتح المواضيع الناس تجيهم زلازل ويرحون مدارسهم بس انتم بتفتحون علينا عيون الجامعه وبتعيد لنا الماده الترم الجاي نفس العام في القصيم عادو لهم ماده ترم جديد فتعوذ من الشيطان ماراح يورطنا الا هالكلام مااحنا فاضين تراكم مواد وكلكم بتنجحون تفاءلو خير وارجو من الاداره التصرف في مثل هالمواضيع امام الاعيون الخارجيه وشكرا
الاختلاف في الراي لايفسد للود قضيئه |
رد: إعادة أختبار مادة السلوك التنظيمي
المووضوع مو اشاعه انا سحبوا مني الورقة قبل الونها كاملة ويقولوون ملغي ..
وسحبوا مننا كلنا الاورااق , انا كنت اخر واحد سلم ورقته ،، ننتظر اخبار الجامعة |
رد: إعادة أختبار مادة السلوك التنظيمي
# لا عاد تكفون قولوا غيرها مالي خلق اعيدها مره ثانيه ,, :sm1: المفروض انتم بس يعيدونه لكم , على حسب المراكز اي مركز صار له كذا يعيدونه اما حنا وش دخلنا :Looking_anim: مو انانيه بس صدق خير , لا هي حالة غش عشان يعم العقاب ع الكل ولا شي :Looking_anim: سبحان باللحظه الاخيره غيرت مركزي من الرياض للظهران :verycute: |
رد: إعادة أختبار مادة السلوك التنظيمي
لو حنى في امريكا كان الان ناكل برجر مع الكاتشب
المهم ترا مافيه اعادة اختبار لو تفحطووون وسلام ختام يعني لا تتعبون نفسكم هاهاها وتستمر الحياه والجامعه لن تعيد الاختبار :20::31::20: |
رد: إعادة أختبار مادة السلوك التنظيمي
اكد مصدراً مسوول بالجامعة انه يتم اعادة الاختبار للمادة حسبي الله ونعم الوكيل
بعد التعب في الغش ومطامر من واحد لواحد هذا تكفى وهذا الفزعة في الاخير يعيدونه قسم انهم خربوا حماس باقي المقررات يارب |
رد: إعادة أختبار مادة السلوك التنظيمي
يعيدون الاختبار للمتظررين اما الباقين وش دخلهم يعني انا بالدمام ولا الرياض او الشمال او الجنوب واعيد الاختبار لانه صار مطر وعج بالاحساء مستحييييييييييييييييييييييييييييييييييييييييييييل |
رد: إعادة أختبار مادة السلوك التنظيمي
ان من ضمن اللي عاشوا فلم الرعب فالجامعه لكن ماتمنى اعيد الاختبار ينجحون وخلااااص
لان من جد انا من صاح جرس الانذار اللي علق فترة وعقلي وقف بس الحمدلله جات على كذاااااا النظرة الخجولة شكلي كنتي معي بنفس القاعه:28::27: |
رد: إعادة أختبار مادة السلوك التنظيمي
طيب يا جماعه الخير الكهرباء طفت على جميع مبانى الجامعه حتى قاعه الشيخ حسن وقاعه الربيع
وكانوا فيهااا ناس تختبر وموشرط يكونوا اداره اعمال اعرف ناس كانت ادارب انجليزي يعني معقوله بيعيدون الاختبارات هذي كلهااا للتخصصات والمراحل كلهااا انا اتوقع انهااا مستحيله وحتى لو فكروا بتكون فيهاا لخبطه غير طبيعيه |
رد: إعادة أختبار مادة السلوك التنظيمي
خلاااااااااااااااص صار الامر رسمي وصدر قرار من الجامعة بالغاء نتيجة الاختبار و اعادة الاختبار يوم 12 \7 لطلاب مركز الاحساء فقط
|
رد: إعادة أختبار مادة السلوك التنظيمي
^ الله يكون بعونهم ويمكن خيرة لهم |
رد: إعادة أختبار مادة السلوك التنظيمي
ايه صدر قرار اعاده لطلاب الاحساء بما ان اللي تضررو طلاب وطالبات ليش شمل الاعادة بس طلاب وتم استبعاد الطالبات
ع العموم الله يسهل عليهم ويوفقهم يارب وعسى فالهم التوفيق انشالله ... |
رد: إعادة أختبار مادة السلوك التنظيمي
اقتباس:
لإن الرياجيل لعبوها صح و لاهمهم الظلام وقاموا ينطون من طاولة لطاولة ويغشون:19: اما البنات فكل وحد بلشت في عمرها من الخوف والجامعة ما يهمها ان الواحد ما ينجح و لكن يهمها انه ما يغش:29: |
رد: إعادة أختبار مادة السلوك التنظيمي
والله يازيدان مايفتح المواضيع في راس الجامعه الا انت يااخي وش فيك تبغانا نعيد هالماده مره ثانيه سلااااامات والله ياهي غثيثه مره
خلاص الله يكون في عون اهل الاحساء وبالتوفيق لهم ومن ناحية البنات بتساعدهم الجامعه بتوقف معهم وذالك لظروفهم والخوف على النساء في طولعهم في مثل هذي الاجواء والله يوفقكم :21: |
رد: إعادة أختبار مادة السلوك التنظيمي
اقتباس:
والله البنات جد كلن تبلش بعمرها والرجال عساهم على القوة دوم مو كلهم يفكرون يغشون جد بعضهم يبلشون بعمرعم بعد بس الخير يخص والشر يعم .. بس جاهم لي عندهم والله يعينهم ويارب يعدون بدرجات ازين من قبل يارب انك توفقهم جميع والا الجامعه ماضن همها احد ... لا نطو الطلاب بحلقها قالت عيد .................. يلا موفقين يارب ... وفالكم الفل مارك .. |
رد: إعادة أختبار مادة السلوك التنظيمي
اقتباس:
القرار صدر من الجامعة وحكمت وانت جاي تقط بلاك علي الله يصلح قلبك ،،، قل آمين فعلا المفروض الواحد اذا جاء يكتب يكون واقعي في طرحه ولا يرمي الاتهامات على احد الجامعة لا تعتمد على شخص او آخر في اتخاذ اي قرار ،، و اكيد الموظفين في الجامعة نقلوا الصورة كاملة الى العمادة بعد ما حصل في القاعة والامر اشترك فيه عشرات الموظفين والطلاب ... يعني ما فيه سر في السالفة عشان اكون انا كشفته. المهم ترى موضوع سوريا وملف ايران النووي مالي علاقه فيه نهائياً اخاف بكره تطلع وتقول اني سبب قرارات مجلس الامن |
رد: إعادة أختبار مادة السلوك التنظيمي
طيب و اللي ما يبي يعيد وش يسوي
المفروض الموضوع مو إجباري ما نصدق نخلص من ماده علشان نرجع لها :7: |
رد: إعادة أختبار مادة السلوك التنظيمي
الحمدلله على السلامة وموفقين :16:
|
| All times are GMT +3. الوقت الآن حسب توقيت السعودية: 08:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام