|
بخصوص المكافأة .. وسؤال ثاني .. نرجوا الافاده
السلام عليكم ورحمة الله وبركاتة
بنات شباب بسألكم الحين دخلت موقع جامعة الملك فيصل ولقيت جذي مكتوب تم إيداع مكافأة شهر رمضان المبارك لكليات الجامعة التي تشرف عمادة القبول والتسجيل على صرف مكافآتهم. وكل عام وأنتم بخير هذي المكافأة لكل طالب يعني حتى المستجدين الي توهم انقبلوا بالجامعه والا للطلاب القدامى ؟ وعلى طاري المكافأة للطلبة المستجدين بتكون من اول سنه والا السنه الي بعدها بتكون ؟ :g2: ثاني سؤال عندي سمعت انهم اجلوا المدارس بسبب مرض انفلونزا الخنازير ربي تعافينا الجامعه اجلوها والا مثل ما هي ؟ |
رد: بخصوص المكافأة .. وسؤال ثاني .. نرجوا الافاده
نسيت شي..
متى اروح اسجل مواد ؟ والسؤال الثاني يعني اول ما اسجل مواد اداوم على طول بنفس اليوم ؟ والا بعدها بجم يوم اداوم .؟ |
رد: بخصوص المكافأة .. وسؤال ثاني .. نرجوا الافاده
<< مستجده حآلي من حآلك ..
وسآلفة المكآفئه شآغلتني نفس الشي :cheese: بس أتوقع المكآفئآت مآ بتمشي لين يتأكد تسجيلنآ يعني لين تبدآ الدرآسه << مجرد توقع :cheese: وأبشرك مآكو تأجيل للكليآت :Cry111: |
رد: بخصوص المكافأة .. وسؤال ثاني .. نرجوا الافاده
هذآ الموضوع اللي فيه تأكيد خبر موعد الدرآسه
http://www.ckfu.org/vb/showthread.php?t=45380 :Cry111: بالنسبه للموآد قريت انه لمآ يبتدي الدوآم 14 / 10 يعطونآ جدآول ونحنآ نأكد التسجيل بالبآنر .. ولسآتني حآيسه بموضوع الموآد وتسجيلهآ مو فآهمته عدل << لين أسجل وأحضر المحآضرآت بيرتآح بآلي :119: |
رد: بخصوص المكافأة .. وسؤال ثاني .. نرجوا الافاده
ربي يعطيج العافيه يارب
قالوا طلاب الجامعه عندهم مناعه عن المرض هههههههههههههههه :hahahahahah: اهو مرض بعد شنو يصيب اي شخص بس ما اقول الا ربي الحافظ :cheese: وانا مثلج محتاسه فوق تحت عن تسجيل المواد مو فاهمه شي ونظام الدراسة عندكم :bawling: يعني الحين ما فهمت كاتبين تأكيد التسجيل بيكون عن طريق الانترنت :g2: بس تسجيل المواد شلون يصير ؟ يعني بنفس اليوم الي اسجل مواد في اداوم ؟ :sdfgdsf: وانا ما اعرف شي لان هالسنه بتكون اول سنه ماكو تخصص بالتربيه وبعد سنه ناخذ التخصص الي نبيه والي يعافيكم ردوا علينا |
رد: بخصوص المكافأة .. وسؤال ثاني .. نرجوا الافاده
يعني اهم شي نحضر يوم 14 - 10 عندهم بالكلية :g2:
صح ؟ انزين اكو شي نسويه قبل تاريخ 14 - 10 علشان الكلية او لا ؟ يعني اجراءات او شي ثاني مثلا يخض الكلية |
رد: بخصوص المكافأة .. وسؤال ثاني .. نرجوا الافاده
هع هع
شفتي .. لو ظلينآ بثنوي أحسن موو :cheese: كآن خذينآ إجآزه :cheese: انتي روحي أول يوم للكليه ويعطونك الجدول جآهز << هذا اللي انقال لي :000: وتجين للبيت لمآ يفتح نظآم البنر للتسجيل لآآآزم تسجلين الموآد .. وبس اللي أعرفه :011: أكيد يكون في دوآم من أول يوم بس مآ أتوقع في محآظرآت بس تعريف وكذآ :000: وإيه إيه .. لآزم تأكدين تسجيلك تجين الكليه يوم الثلآثآ 9 / 10 وتجيبين أورآقك بس إحتيآطآ تعآلي من يوم 7 / 10 :cheese: |
رد: بخصوص المكافأة .. وسؤال ثاني .. نرجوا الافاده
ياربيييييييييييييه والله كنت فرحانه على بالي اروح للكلية 14 - 10
خساره لاني انا بكويت الحين يعني لازم اروح بعد العيد مباشره للكلية :Cry111: يارب تعيني شلون بتغرب عن اهلي :Cry111: |
رد: بخصوص المكافأة .. وسؤال ثاني .. نرجوا الافاده
يعني انتي من الكويت ..
الله يعينك عالغربه .. |
رد: بخصوص المكافأة .. وسؤال ثاني .. نرجوا الافاده
اقتباس:
وعليكم السلام والرحمة اولا .. مبروك القبول ثانيا .. انتي وين انقبلتي ياليت تحددين في كلية التربية تابعة الجامعة فيصل ولا الأداب بلأحساء ولا بالدمام >>> علشان نقدر نساعدك اكثر :119: بخصوص المكافأت ماتشمل المستجدين بس السنوات الي فاتت وانتو المستجدات تنزل في ذي القعدة او ذي الحجة قبل مانسئ .. زين حطيتي خبر تنزيل المكافأت لأن الى يومك ماشيكت :cheese: :cheese: للأسف انو مافي تأجيل الدراسة لطلاب الدراسات العليا >>> مادري ناقصين عن طلاب المدارس :017::017: تسجيل الجداول يختلف على حسب الكلية او الجامعة >>> لهذا سئلتك انتي وين قبلوك موفقة |
رد: بخصوص المكافأة .. وسؤال ثاني .. نرجوا الافاده
اقتباس:
بعد سنه بحول لجامعه الكويت ان شاء الله ويارب يقبلوني اذا حولت يارب يارب والله من امس وقاعده ابجي حابه جامعه الكويت لكن ما باليد حيله يارب تعيني تكفين يالغاليه ادعي لي اني احول باسرع وقت لجامعه الكويت بس حبيبت أسأل الحين نظام دراسة جامعة الكويت علشان احول لها يبون اجمع وحدات واجيب معدل فوق 3 ونص بس بعرف شغله وحده نظام جامعه الملك فيصل بكلية التربيه جذي مثل الكويت يعني فيه وحدات ومعدل والا مو مثله ؟؟ الله يخليكم ردوا علي واذا ما تعرفين يا ليت الي عنده خبره بكلية التربية يجاوبني لاني ابي جواب علشان احول بسرعه : ( ومشكوره على ردج حبيبتي |
رد: بخصوص المكافأة .. وسؤال ثاني .. نرجوا الافاده
اقتباس:
انا انقبلت بكلية التربيه بالجبيل ويا ليت تساعديني والله محتاجه لاجوبتكم لاني ما اعرف اي احد يدرس هني ويا ليت احد يجاوبني على سؤالي الي سألته للاخت ابتسامه خجل اقتباس:
|
رد: بخصوص المكافأة .. وسؤال ثاني .. نرجوا الافاده
اقتباس:
وينحسب لك معدل للفصل الاول ومعدل للفصل الثاني ومعدل الكلي يسمى تراكمي والتراكمي = معدل مجموع كل السمسترات اللي درستيها بالتووفيق |
رد: بخصوص المكافأة .. وسؤال ثاني .. نرجوا الافاده
مشكوره اختي طمنتيني .. :)
انزين عندي سؤال الحين انا مستجده متى اسجل مواد باي يوم بالضبط طالعوا معاي هالصفحه وفهموني http://www.kfu.edu.sa/ar/Deans/Admis...lan143010.aspx حاطين لكل دفعه تسجيل مواد وانا مستجده طبعا بس حاطين دفعه 2008 يوم الاثنين شنو يقصدون يعني للمستجدين الي تخرجوا 2008 والا شنو بالضبط ؟ :g2: |
رد: بخصوص المكافأة .. وسؤال ثاني .. نرجوا الافاده
انتي تسجلين موادك تاريخ 14 / 10 بما انك مستجدة دفعة 2010 تعتمد الدفع على سنة قبولك مو على سنة تخرجك من الثانوية |
رد: بخصوص المكافأة .. وسؤال ثاني .. نرجوا الافاده
طيب عندي سؤال لو سمحتوا
هل صحيح أن الكليات الصحية زادو لهم المكافأة وخلوها 1500 ريال؟؟ |
رد: بخصوص المكافأة .. وسؤال ثاني .. نرجوا الافاده
السلام عليكم ياجماعه لازم توضحون انتو باي كليه لان نظام تسجيل المواد يختلف من كليه للثانيهحتى كليات البنات التابعه للجامعه لهم نظام غير يعني اللي يقول قالوا لنا تعالوا استلموا الجداول اول يوم هذي اكيد طب او حاسب او غيرها يعني لا تعتمدون عالكلام كليه التربيه والعلوم والزراعه وغيرها لا انتي تحطين جدولك من البيت ويكون بتاريخ محدد اتوقع انه 14 /10 وبالنسبه لتاكيد التسجيل هذا مو للمستجدات يعني حنا نكون وضعنا جداولنا اثناء الدراسه بس تسجبل مبدئي وفترة تاكيد التسجيل نأكد جداولنا ان شالله تكونون استفدتوا ورجاء بنات لازم تكونين حريصين لا تتكلمون بشكل عمومي عشان ما يحصل لكم لخبطة ومشاكل وبالتوفيق للجميع |
رد: بخصوص المكافأة .. وسؤال ثاني .. نرجوا الافاده
انا بعد مثلك مستجده
ولا انا عارفه شي يعني مقدر اساعدك :c8: بس بخصوص متى نروح للجامعه ناس تقولي روحي تاريخ 7 وناس تقول لا 14 تكفوون اعطونا الخبر الأكيد متى بالضبط نروح |
رد: بخصوص المكافأة .. وسؤال ثاني .. نرجوا الافاده
اقتباس:
14-10 الكل دوامهم يبدا كذا بس بعض الكليات البنات القديمات يروحون بيوم 7 او يووم خلال الاسبوع الجاي حتى يستلمون ورقه المقرارات فهمتي قصدي ولا تحاتين حااجه :119: |
رد: بخصوص المكافأة .. وسؤال ثاني .. نرجوا الافاده
يسلمو وووووووو
عالتوضيحات حبايبي |
رد: بخصوص المكافأة .. وسؤال ثاني .. نرجوا الافاده
اقتباس:
مجرد إشاعة :g8: |
| All times are GMT +3. الوقت الآن حسب توقيت السعودية: 05:43 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام