ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الخريجين (https://vb.ckfu.org/forumdisplay.php?f=239)
-   -   [ غير ذلك ] : البنات اللي سجلوا في الدبلوم التربوي مساعدتكم .. (https://vb.ckfu.org/showthread.php?t=451290)

النجمة الساطعه 2013- 4- 28 09:58 PM
البنات اللي سجلوا في الدبلوم التربوي مساعدتكم ..
 
السلام عليكم ورحمة الله وبركاته :

بنات أنا للحين ماسجلت ،،، لذلك عندي سؤالين أتمنى تجاوبوني وراح أدعيلكم باللي يسركم ....

اول شي أنا اللي فهمته منكم إنه فيه تاريخين طالبينه واحد تبع التخرج وواحد للوثيقه،، سؤالي هو أنا ماعندي غير تاريخ واحد فقط مكتوب في الوثيقه ،، فجاوبت علي واحده من الأخوات الله يبارك فيها قالت لي خلاص حطي نفس التاريخ مرتين ،، هل انتوا سويتوا نفس الشي ؟؟ أخاف يصير غلط والا شي ؟

سؤالي الثاني ،،، الحين بالنسبه إذا جيتوا تسجلون ووصلتوا لنقطة تنزيل الاوراق المطلوبه هل فيه خانه للوثيقه لوحدها وتنزلونها؟؟ بعدين خانة ثانيه للسجل وتنزلونه؟ والثالثه لبطاقة العائله وتنزلونها؟؟؟ والا طالبينها كلها مع بعض بحيث إني اسوي لهم سكنر واجمعهم كلللهم مع بعض ؟؟ أتمنى تكونون فهمتوا علي يااارب ... الله يوفقنا اجمعين .... أنتظركم ... لأني إن شاء الله راح أسجل بكره ..

النجمة الساطعه 2013- 4- 28 11:59 PM
رد: البنات اللي سجلوا في الدبلوم التربوي مساعدتكم ..
 
أنا في انتظاركم جزاكم الله خير ،،، 19 مشاهده ولا أحد رد علي ...

كبرياء جرح 2013- 4- 29 12:22 AM
رد: البنات اللي سجلوا في الدبلوم التربوي مساعدتكم ..
 
وعليكم السلام والرحمة

:16:

فيه بنات اعرفهن حطو التاريخ نفسه مرتين انتي دقي ع قسم الرجال واستفسري اكثر اذا ودك

بالنسبة للمفرفقات لا تخافين هو نفس الموقع يقول لك حطي الكرت للعايلة بالتبويب هذا

والباقين نفس الشي

يعني حطي كل وحدة في pdf لحالها :16:

النجمة الساطعه 2013- 4- 29 01:00 AM
رد: البنات اللي سجلوا في الدبلوم التربوي مساعدتكم ..
 
:16::16:كبرياء جرح:16::16:

روحي ياشيخه الله يوفقك ويسعدك ويحقق لك اللي في بالك ياااااااااااااااااااااارب ،، ونفرح كلنا بخبر قبولنا يااارب ..

SunRose1987 2013- 4- 29 02:15 AM
رد: البنات اللي سجلوا في الدبلوم التربوي مساعدتكم ..
 
كرري التاريخ مرتين عادي انا سويت كذا :8:

وفي شي لاتنسينه ملف التوصيات اذا عندك توصيه حطيها من باب الاحتياط مع انو مب شرط في الدبلوم واذا

ماتوفرت حطي

اي ملف بس ماتقدرين تحملين الملفات الا اذا حطيتي ملف بخانه التوصيات لان تسجيل الدبلوم والماجستير من

بوابه وحده والماجستير ملزومين يحطون توصيات فـــ انتي حطي اي ملف عشان يتحمل لك فهمتي علي

يالغاليه موفقه ولاتنسيني من الدعاء ربي يفتحها عليك وييسر لك امرك:16:

كبرياء جرح 2013- 4- 29 07:03 AM
رد: البنات اللي سجلوا في الدبلوم التربوي مساعدتكم ..
 
الله يسهل لك حبيبتي ويارب ندرس جميع سوآ :42::17:

من الناس 2013- 4- 29 03:39 PM
رد: البنات اللي سجلوا في الدبلوم التربوي مساعدتكم ..
 
انا اتوقع المقصود بداية المؤهل يعني اول سنة داومتي ونهايته هو تاريخ التخرج

انا سويت كذا

كبرياء جرح 2013- 4- 29 03:53 PM
رد: البنات اللي سجلوا في الدبلوم التربوي مساعدتكم ..
 
^
يؤ انا حطيت التواريخ اللي حطوها بالوثيقة
احد عنده العلم ياسادة ؟

خريجة رياضيات 2013- 4- 29 05:05 PM
رد: البنات اللي سجلوا في الدبلوم التربوي مساعدتكم ..
 
اقتباس:
المشاركة الأصلية كتبت بواسطة كبرياء جرح (المشاركة 8692868)
^
يؤ انا حطيت التواريخ اللي حطوها بالوثيقة
احد عنده العلم ياسادة ؟
بعضنا صار لها سنين متخرجة

معقولة يريدونها تكتب أول يوم دخلت فيه الجامعة

أنا متخرجة من عشر سنوات

كان دخولي الجامعة عام 1420

لكن ما أتذكر اليوم والشهر بالتحديد

أنا ماعندي في الوثيقة إلا تاريخ تحرير الوثيقة وحطيته مرتين

في أحد يقدر يتأكد لنا ما المقصود بتاريخ بداية المؤهل
وإن كان المقصود به هو أول يوم دخلنا الجامعة أو تاريخ تخرجنا

النجمة الساطعه 2013- 4- 29 05:18 PM
رد: البنات اللي سجلوا في الدبلوم التربوي مساعدتكم ..
 
اقتباس:
المشاركة الأصلية كتبت بواسطة خريجة رياضيات (المشاركة 8693278)
بعضنا صار لها سنين متخرجة

معقولة يريدونها تكتب أول يوم دخلت فيه الجامعة

أنا متخرجة من عشر سنوات

كان دخولي الجامعة عام 1420

لكن ما أتذكر اليوم والشهر بالتحديد

أنا ماعندي في الوثيقة إلا تاريخ تحرير الوثيقة وحطيته مرتين

في أحد يقدر يتأكد لنا ما المقصود بتاريخ بداية المؤهل
وإن كان المقصود به هو أول يوم دخلنا الجامعة أو تاريخ تخرجنا

خريجة رياضيات ,,, أتوقع إن المقصود ببداية المؤهل هو بداية دراستك في الجامعه يعني سنه اولى فبما إنه انتي قلتي عام 1420 شوفي التقويم الدراسي له وخذي أول تاريخ وعليه بيكون هو بداية مؤهلك أنا راح اسوي كذا بس أنا عام 1426
بالنسبه لك راح يكون التاريخ 24 -5-1420 أخذته من هنا http://i578.photobucket.com/albums/s...7/98821b70.png

خريجة رياضيات 2013- 4- 29 05:23 PM
رد: البنات اللي سجلوا في الدبلوم التربوي مساعدتكم ..
 
اقتباس:
المشاركة الأصلية كتبت بواسطة النجمة الساطعه (المشاركة 8693366)
خريجة رياضيات ,,, أتوقع إن المقصود ببداية المؤهل هو بداية دراستك في الجامعه يعني سنه اولى فبما إنه انتي قلتي عام 1420 شوفي التقويم الدراسي له وخذي أول تاريخ وعليه بيكون هو بداية مؤهلك أنا راح اسوي كذا بس أنا عام 1426
بالنسبه لك راح يكون التاريخ 24 -5-1420 أخذته من هنا http://i578.photobucket.com/albums/s...7/98821b70.png


الله يوفقك يا رب ويسهل لك أمورك وتكونين من المقبولات

جزاك الله كل خير أختي

الآن راح أسوي تعديل للبيانات


بالتوفيق

النجمة الساطعه 2013- 4- 29 05:29 PM
رد: البنات اللي سجلوا في الدبلوم التربوي مساعدتكم ..
 
اقتباس:
المشاركة الأصلية كتبت بواسطة خريجة رياضيات (المشاركة 8693394)
الله يوفقك يا رب ويسهل لك أمورك وتكونين من المقبولات

جزاك الله كل خير أختي

الآن راح أسوي تعديل للبيانات


بالتوفيق

امييييييييين يارب ماتدرين قد إيش أسعدتني دعواتك :34::34:
الله يوفقنا أجمعين يارب وننقبل بدون تعقيدات ....

كبرياء جرح 2013- 4- 29 06:03 PM
رد: البنات اللي سجلوا في الدبلوم التربوي مساعدتكم ..
 
الله يهديهم وتعقيداتهم :36:
يعطيك العافية حبوبة الحين اعدل ^^:1:

خريجة رياضيات 2013- 4- 29 06:07 PM
رد: البنات اللي سجلوا في الدبلوم التربوي مساعدتكم ..
 
صار لي نص ساعة أحاول أعدل

وأدخل على بياناتي وأحاول أروح لصفحة بيانات المؤهل
لكن يعلق

الظاهر في ضغط على الموقع أو في خلل

النجمة الساطعه 2013- 4- 29 06:08 PM
رد: البنات اللي سجلوا في الدبلوم التربوي مساعدتكم ..
 
اقتباس:
المشاركة الأصلية كتبت بواسطة sunrose1987 (المشاركة 8689898)
كرري التاريخ مرتين عادي انا سويت كذا :8:


وفي شي لاتنسينه ملف التوصيات اذا عندك توصيه حطيها من باب الاحتياط مع انو مب شرط في الدبلوم واذا

ماتوفرت حطي

اي ملف بس ماتقدرين تحملين الملفات الا اذا حطيتي ملف بخانه التوصيات لان تسجيل الدبلوم والماجستير من

بوابه وحده والماجستير ملزومين يحطون توصيات فـــ انتي حطي اي ملف عشان يتحمل لك فهمتي علي


يالغاليه موفقه ولاتنسيني من الدعاء ربي يفتحها عليك وييسر لك امرك:16:
:16::16:صن روز :16::16:
الله يسعدك يااارب ويوفقك ويحقق لك اللي في بالك ياااااااااارب .... بس بالنسبه للتاريخ فيه وحده قالت بالمنتدى ان المقصود ببداية المؤهل تاريخ اول سنه درستيها بالجامعه قالت انها كذا سجلت وحسيت ان كلامها هو الصح ،، انا شكلي بسوي مثلها ...

خريجة رياضيات 2013- 4- 29 06:37 PM
رد: البنات اللي سجلوا في الدبلوم التربوي مساعدتكم ..
 
الحمد لله

أخيرا اكتمل التعديل

الله ييسر لنا جميعا ويتم قبولنا بإذن الله

النجمة الساطعه 2013- 4- 29 07:16 PM
رد: البنات اللي سجلوا في الدبلوم التربوي مساعدتكم ..
 
لما أنزل الاوراق المطلوبة واضغط على تحميل ينقطع مايدري يعلق بعدين اضطر اعيد ويصير نفس الشي
ايش اسووووووووووووووي قولوا لي انتظررررركم ...

خريجة رياضيات 2013- 4- 29 07:20 PM
رد: البنات اللي سجلوا في الدبلوم التربوي مساعدتكم ..
 
اقتباس:
المشاركة الأصلية كتبت بواسطة النجمة الساطعه (المشاركة 8694161)
لما أنزل الاوراق المطلوبة واضغط على تحميل ينقطع مايدري يعلق بعدين اضطر اعيد ويصير نفس الشي
ايش اسووووووووووووووي قولوا لي انتظررررركم ...
اصبري عليه شوي

لحد ما يطلع لك جملة مكتوبة بالأحمر تحت

(تم التحميل بنجاح)

يبدو أن الموقع عليه بعض الضغط

ولهذا مرات يعلق ومرات يتأخر في فتح الصفحة التي تليها

استمري في المحاولة لحد ما يطلع لك تم التحميل بنجاح مكتوبة بالأحمر

النجمة الساطعه 2013- 4- 29 07:22 PM
رد: البنات اللي سجلوا في الدبلوم التربوي مساعدتكم ..
 
Webpage has expired

هذا اللي يطلع لي :12::12: ياربي متى بخلص ..

كبرياء جرح 2013- 4- 29 07:31 PM
رد: البنات اللي سجلوا في الدبلوم التربوي مساعدتكم ..
 
كم احجماهن الملفات ؟

النجمة الساطعه 2013- 4- 29 07:41 PM
رد: البنات اللي سجلوا في الدبلوم التربوي مساعدتكم ..
 
طلع لي مكتوب بالاحمر تم التحميل بالنجاح كذا أوكي ؟؟؟؟؟؟
طيب متى بتوصل لي رساله على إيميلي ؟؟؟؟
ريحوني الله يريحكم دنيا واخره ............

النجمة الساطعه 2013- 4- 29 07:45 PM
رد: البنات اللي سجلوا في الدبلوم التربوي مساعدتكم ..
 
معليش توني انتبه انه اضغط التالي ويطلع لي الاقرار وجاتني رسالة بعد ،،،،،،،،،، خخخخخ مستعجله من التوتر .... الحمد والشكر لك يااااااارب تم بحمد الله ........
طيب ايش فايدة اسم المستخدم وكلمة المرور ؟؟؟؟ ايش نسوي فيها ؟؟؟

خريجة رياضيات 2013- 4- 29 08:36 PM
رد: البنات اللي سجلوا في الدبلوم التربوي مساعدتكم ..
 
فائدة اسم المستخدم وكلمة المرور

للدخول لتعديل البيانات ومتابعة الطلب مثل ما يقولون

أنا استخدمتهم اليوم لما دخلت أعدل تاريخ بداية المؤهل

Nooorry 2013- 4- 29 09:29 PM
رد: البنات اللي سجلوا في الدبلوم التربوي مساعدتكم ..
 
بنات يقولوون الزامي تجيبين ورقه من الدكتورات الي دسوك هل هذا صحيح


وحبيت اسال عن الرابط تيع اسم المستخدم وكلمه المروز لان مالقيته بالموقع

الله يسعدكم

خريجة رياضيات 2013- 4- 29 09:35 PM
رد: البنات اللي سجلوا في الدبلوم التربوي مساعدتكم ..
 
اقتباس:
المشاركة الأصلية كتبت بواسطة nooorry (المشاركة 8695240)
بنات يقولوون الزامي تجيبين ورقه من الدكتورات الي دسوك هل هذا صحيح


وحبيت اسال عن الرابط تيع اسم المستخدم وكلمه المروز لان مالقيته بالموقع

الله يسعدكم
برنامج الدبلوم العام في التربية لا يحتاج إلى توصيات أو تزكية

حتى أنه مكتوب بجانب المرفق الخاص بالتزكية (لبرنامج الماجستير فقط)

التوصيات من شروط الماجستير وليس الدبلوم العام في التربية

أما عن مكان وضع اسم المستخدم وكلمة المرور

ستجدينه عندما تفتحين صفحة التسجيل

مكتوب في الأعلى تعديل البيانات وتجدينها بجانب كلمة تسجيل جديد

بالتوفيق


All times are GMT +3. الوقت الآن حسب توقيت السعودية: 01:27 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه