|
مبروك علينا حوافز المتفوقين في برنامج التعليم المطور للانتساب
السلام عليكم ورحمة الله وبركاته ذكر سعادة عميد التعلم الالكتروني والتعليم عن بعد الدكتور عبدالله بن عبدالوهاب بن عبدالله الفريدان بأن مجلس الجامعة قد وافق على منح الطلبة المتفوقين في برنامج التعليم المطور للانتساب عددا من الحوافز وهي كالتالي: - صرف مكافأة تفوق لطلبة التعليم المطور للانتساب بمقدار (1000 ريال) لمن يتحصل على تقدير ممتاز كما هو معمول به في اللائحة المنظمة للشئون المالية بالجامعات مع طلبة الانتظام وتنص اللائحة أن يكون ذلك بالحصول على معدل تراكمي 4.5 من خمسة في الفصلين الدراسيين 2- منح شهادات شكر وتقدير للطلبة المتفوقين 3- منح خطابات لمن يهمه الأمر موجهة لجهات العمل التي يعمل بها الطلبة وذلك حسب رغبة الطالب 4- إعلان اسماء الطلبة المتفوقين بطرق غير تقليدية مثل الاعلان عنها عبر وسائل الاتصال الحديثة وبطريقة مبتكرة وقد أوصى مجلس الجامعة أن تكون هذه التوصيات قابلة للتطوير أو التعديل متى ماوجدت محفزات جديدة وحسب الأمكانيات وقد ذكر سعادة الدكتور بأن الطالب يجب أن يتحصل على معدل تراكمي 4.5 فأعلى من خمسة في فصليين متتالين كي يستحق هذه الحوافز وأنه سيبدأ صرف المكافأة المذكورة والبدء في تنفيذ هذه الحوافز مع نهاية الفصل الدراسي الثاني الحالي وذكر كذلك بأن لازالت هناك دراسات في العمادة لعدة مواضيع وهي وضع آلية جديدة لتحديد مراكز الاختبارات والفصل الصيفي والدراسات العليا وافتتاح برامج جديدة وافتتاح مراكز خارج المملكة وأنه متى ماتم الانتهاء من دراسة هذه المواضيع سيتم الاعلان عنها وحسب المستطاع والأنظمة واللوائح. كما آفصح سعادته بأن العمادة في طور تدشين بوابة جديدة تحت مسمى"بوابة التعليم عن بعد" تقدم فيها دورات تدريبية عن بعد وستكون باكورة تلك الدورات دورات لغوية لتدريس اللغة العربية لغير الناطقين بها ودورة لتدريس اللغة الفرنسية ودورة لتدريس اللغة الانجليزية ودورة لتدريس اللغة الالمانية وسوف تكون هذه الدورات اللغوية مجانية ومفتوحة للجميع ايمانا من دور الجامعة في الشراكة المجتمعية ودورها في تعريف وتثقيف المجتمع بعدة لغات مهمة يحتاجها الانسان في حياته اليومية وخصوصا في التعاملات عبر الانترنت او اثناء السفر علما بأن الجامعة تعتبر أول جامعة سعودية تقدم مثل هذه الدورات وعن بعد واختتم سعادته قوله بأن دورة اللغة العربية لغير الناطقين بها عليها إقبال وطلب كبير من عدة مستفيدين داخل وخارج المملكة وتعتبر تجربة الجامعة رائدة وسباقة في تقديمها عن بعد. وهذا رابط الخبر تفضلو مبروووووك علينا :17::21: |
رد: مبروك علينا حوافز المتفوقين في برنامج التعليم المطور للانتساب
مبروك وحلو الخبر ان شاء الله نكون من المتفوقين :21:
|
رد: مبروك علينا حوافز المتفوقين في برنامج التعليم المطور للانتساب
صراحة لو تم تطبيق هذا الكلام بنكون محظوظين بس اسمع كلام الجامعة اتحمس واستانس اشوف تصرفاتهم احبط واستغرب اتمنى ان تكون نقطة تحول وان يكون تركيزهم على هذي المواضيع وكيف يحلون المشاكل الي تواجهنا ويهتمون بموضوع الحوافز بدل الطرق القديمة الي ماتفيد الطالب بالعكس تكون ضدة وتحبطة
اتمنى التوفيق للجميع |
رد: مبروك علينا حوافز المتفوقين في برنامج التعليم المطور للانتساب
اقتباس:
ممكن مصدر الخبر ليس تشكيكاً بما طرحت ولكن بسبب ماعنيناه من مفاجأت جامعتنا الحبيبة ولكي يطمئن الجميع ويفرحوا بالأخبار الجميلة تعويضاً عن سالفة الـ 50 سؤال أكرر شكري لك ولما طرحت:16: |
رد: مبروك علينا حوافز المتفوقين في برنامج التعليم المطور للانتساب
اقتباس:
وتفضلي هذا رابط الخبر http://www.kfu.edu.sa/ar/Deans/E-Lea...orm.aspx?ID=11 :16: |
رد: مبروك علينا حوافز المتفوقين في برنامج التعليم المطور للانتساب
ووووونااااااااااااااااااااااسه لا مااصدق صرررررراحه
معجززه والله هع ياارب عسااه صددددق يعني ترميين متتاليين في أي ترم يعني ؟؟؟ ولا بعد اترام محدده :36: |
رد: مبروك علينا حوافز المتفوقين في برنامج التعليم المطور للانتساب
يعطيك العافيه عالخبريه ياعسل
بس فعلا اي فصلين دراسيات والا قصدهم القريبين للتخرج ؟ طيب كيف ياخذون مننا رسوم ويعطنا مكافأة ؟؟ |
رد: مبروك علينا حوافز المتفوقين في برنامج التعليم المطور للانتساب
شوق ههههههه عادي كل شي مع جامعتنا يصير
حوافزهم مثلهم ...:10: مستانسين على الف يعني ... واحنا الترم الجاي بس واللي بعده نتخرج لنا الله |
رد: مبروك علينا حوافز المتفوقين في برنامج التعليم المطور للانتساب
لو يبي يعطي حوافز مايعطي فلوس الف ريال واحنا ندفع ثلاثه الاف للترم
يعطينا دراسه ترمين مجانا يعطينا ترم راضيين فيه مو الف ولغه انغليزيه ولغه فرنسيه ومدري وش |
رد: مبروك علينا حوافز المتفوقين في برنامج التعليم المطور للانتساب
اتوقع ان ال 1000 ريال ماراح تصرف الا بعد ماتتحلم اكثر من مره او تكون تكلفة مراجعتها نصف القيمه الله يرزقنا الجنه .
|
رد: مبروك علينا حوافز المتفوقين في برنامج التعليم المطور للانتساب
وقد ذكر سعادة الدكتور بأن الطالب يجب أن يتحصل على معدل تراكمي 4.5 فأعلى من خمسة في فصليين متتالين كي يستحق هذه الحوافز وأنه سيبدأ صرف المكافأة المذكورة والبدء في تنفيذ هذه الحوافز مع نهاية الفصل الدراسي الثاني الحالي
من شان كذا غيروا نظام الاسئله وقالوا انها راح تكون مختلفه يعني ماعاد فيه نسخ لصق زي اول حتى ماحد يضمن معدل تراكمي 4.5حتى لوكان دحينه عنده معدل راح يخسر الترم الجاي حتى يستبعد من نظام الحوافز اللي الى دحينه مو مستوعب كيف راح تتطبق . احنا مانبغى كل الكلام الحاصل واللي اشك راح يتطبق نصه هذا اذا حصلو حد تنطبق عليه الشروط نهايه الترم نبغى اعفاء من الرسوم ونبغى ترم صيفي مانبغى الف ريال وحنا نعطيهم بالسنه اكثر من 6000الاف ريال ولانبغى شهاده تفوق نبغى درجاتنا تزيد ومعدلاتنا مو يستقعدون لنا ويذلونا بشويه حوافز مخجله . كلي غموض مشكوووره ع النقل . |
رد: مبروك علينا حوافز المتفوقين في برنامج التعليم المطور للانتساب
عيب والله وشي 1000 ريال ذي
2000 حقت حافز ماتسوي فينا شي بالسوق جايين يتميلحون بـ1000 ريال :5: |
رد: مبروك علينا حوافز المتفوقين في برنامج التعليم المطور للانتساب
ياربي لك حمدلله والشكر بس
يسكتونا بفلوس ! مانبي فلوس ياخذوها عسل على قلوبهم بس يفكونا من الحركات الي مالها داعي والله اني بس اعد متى اتخرج وافك راسي من قرفهم وحركاتهم |
رد: مبروك علينا حوافز المتفوقين في برنامج التعليم المطور للانتساب
يسلمووو على الخبريه :38:
|
رد: مبروك علينا حوافز المتفوقين في برنامج التعليم المطور للانتساب
وش فيكم يقولون ال50 سؤؤؤؤال طلعت اشاعه موووب صدق الحمدلله
|
رد: مبروك علينا حوافز المتفوقين في برنامج التعليم المطور للانتساب
:41:مع جامعتنااا عااالم من خياااااال :20:
|
رد: مبروك علينا حوافز المتفوقين في برنامج التعليم المطور للانتساب
:42:
|
رد: مبروك علينا حوافز المتفوقين في برنامج التعليم المطور للانتساب
اقتباس:
هم بس يفكونا من قراراتهم الجديده واحنا بخير بس مافهمت سالفه اللغات لازم انا اكون متفوقه معدلي ٤ علشان ادخلها ببلاش ولا كيف |
رد: مبروك علينا حوافز المتفوقين في برنامج التعليم المطور للانتساب
نوتلا مافي بلاش
في ادفعي 3000 للترم . ويعطوج الف تحفيز لج اذا معدلج اتراكمي4.5 وفوق الحمد الله والشكر نبيهم يساوو شهادت المتفوقين بالمنتظمين هذي الحوافز السنعه والله كانهم حاطين نجمه على جبهتنا مثل ايام ابتدائي ...الحمد الله والشكر |
رد: مبروك علينا حوافز المتفوقين في برنامج التعليم المطور للانتساب
مبارك عليكم التفوق والجائزه. تستحقون أكثر. الله يزيدكم من فضله وإنا معكم.
|
رد: مبروك علينا حوافز المتفوقين في برنامج التعليم المطور للانتساب
بس ياجماعة الخير ماعمرها صارت بجامعات العالم كلها كيف ادفع رسوم واخذ مكافاءة ؟؟؟؟
وبعدين الطلاب زميلاتنا الي الحين تخرجو وينتظرون الوثيقه بس ومعدلاتهم في ال5 وي حقهم راح ؟؟ |
رد: مبروك علينا حوافز المتفوقين في برنامج التعليم المطور للانتساب
الفهيديه غمضي غمضضي :9:
|
رد: مبروك علينا حوافز المتفوقين في برنامج التعليم المطور للانتساب
1000 خير وبركه ماقصروو :42: ليتهم تجملوو وقالو اعفاء من رسوم ترم كامل منح خطابات لمن يهمه الأمر موجهة لجهات العمل التي يعمل بها الطلبة وذلك حسب رغبة الطالب 8 8 اما هذى دوامك بيقول صور جنبها :42: |
رد: مبروك علينا حوافز المتفوقين في برنامج التعليم المطور للانتساب
اقتباس:
يعنى عادي جدا تدفع 20 الف ويرجعون لك 1000 :42: |
رد: مبروك علينا حوافز المتفوقين في برنامج التعليم المطور للانتساب
::::::::::::::::
المشكله. ما تنطبق على دفعتنا.!!! لانهم سيبداو بها بعد الترم السادس لنا. يعني ندرس الترم السابع. والثامن تطبيقي. ربما سنحصل فقط على شهادة التقدير فقط.!!! |
رد: مبروك علينا حوافز المتفوقين في برنامج التعليم المطور للانتساب
اقتباس:
للاسف صدق هالكلام انفاس اوب اشاعه والدكتور سميحان اكد لنا بالمحاضره المباشره امس :24: |
رد: مبروك علينا حوافز المتفوقين في برنامج التعليم المطور للانتساب
وش فيكم وهالتحطيم :4:
ودامهم قالوا تحفيز ولـ 1000 المرا الجايه ياهتان يتجملون ويقولون اعفاء من الاترام كلها اوب ترم واحد وقتها بنكون متخرجين ان شاءالله ههههه:20: انتم بس قولوا الحمدالله و تتفائلو بالخير :16: |
رد: مبروك علينا حوافز المتفوقين في برنامج التعليم المطور للانتساب
وش سالفة الخمسين سؤال ؟
|
رد: مبروك علينا حوافز المتفوقين في برنامج التعليم المطور للانتساب
اقتباس:
ان شاءالله حتى شهاده التقدير اوب محتاجين لها :41: اهم شي نتخرج نفس معدلاتنا ماتنقص ومانبي لهم شي عقب الخمسين سؤال :20: مدري ليه حاسه ان الخمسين سؤال فيها اننننه الله يستر :12::23: |
رد: مبروك علينا حوافز المتفوقين في برنامج التعليم المطور للانتساب
اقتباس:
هلا حسام بدال سبعين سؤال للاختبار خلوها خمسين سؤال :4: واككككيد بيكون فيه تغير بالاسئله :24: |
رد: مبروك علينا حوافز المتفوقين في برنامج التعليم المطور للانتساب
مع نفسهم قربنا لتخرج الله لا يحيجنا لهم :29:
قال 1000 قال على كذا يبطي الواحد مايجيب المعدل المطلوب لتميز :17: شكرا غموض للخبريه |
رد: مبروك علينا حوافز المتفوقين في برنامج التعليم المطور للانتساب
ولاشيء فرحني اطلاقا خبر الجامعه وحوافزهم تتعسني اكثر كلام امبشن بمكانه راس ماله الف وهم يأكلون ملايييين على خدمات تشل وتجلط وقرارات غير مدروسه
وفوقه حقوقنا الي تروح هدر بمطالبتنا بالدرجات ماتعوضه هالالف تبعهم :22: |
رد: مبروك علينا حوافز المتفوقين في برنامج التعليم المطور للانتساب
عيب ياجااااااامعه ياكبيررررررره عييييييب :32: فشلتينــــا وقصيتي وجيهنـــــا أجل 1000 ريــــــــال مقاااابل آلاف تندفع مننــــــا !!! :7: شقالووولج عننــــا !؟؟ مخفاااات !! ولا طراااااروه !!؟؟ ومن يقول انها خبريه تفرررح !؟ بالعكس تفششل وتجلللللط وتستخف بعقولنـــــــاااا:32: |
رد: مبروك علينا حوافز المتفوقين في برنامج التعليم المطور للانتساب
ياخي المفروض الجامعه بدل كل هالزحمه
عند التخرج كل واحد معدل فوق 4.5 تهديه ايفـون 5 ابيض 32 جيجا :29: وش رايكم اذا موافقين علموني ارسل الاقتراح للعميد بتويتر :21: |
رد: مبروك علينا حوافز المتفوقين في برنامج التعليم المطور للانتساب
٨٨
لا ياخلف الايفون والايباد والاجهزه الذكيه. كوش عليها وزير الصحه :) |
رد: مبروك علينا حوافز المتفوقين في برنامج التعليم المطور للانتساب
لا ياخلف انا انصح الجامعه يعطون الشباب العزابيه فلل او عالاقل شقق تمليك
والبنات المقبلات عالزواج يعطونم مهر فوق مهرهم مايقل عن 50 الف والمتزوجين من الرجال والحريم يشوفون نواقصهم ويكملونها ( ديون - اجارات ماتسددت - مخالفات ساهر - وحده خاطرها بطقم الماس قيمته 300 الف ) وهييييك اقووووول بس روحوا واحفروا روسكم بالملازم ترى متوصي فينا الفريدان ذا الترم حسبي الله ونعم الوكيل |
رد: مبروك علينا حوافز المتفوقين في برنامج التعليم المطور للانتساب
اجل وش رايكم نخليها العيـآل
شماغ البسام اخر بصمه :35: والبنات عباية نجد < قماش ان سبعين :29: |
رد: مبروك علينا حوافز المتفوقين في برنامج التعليم المطور للانتساب
ههههههههههههههههههههه خلف .. والعذب ... والله مت ضحك ع الاقتراحات العجيبه
كوش عليهم وزير الصحه هههههههه والله جبتها صح .... خليف تبي الفريدان يتجلط روح اكتب له في تويتر نبي ايفون فايف ههههههههه يشوتك من التويتر بكبره |
رد: مبروك علينا حوافز المتفوقين في برنامج التعليم المطور للانتساب
احنا قريب التخرج والحمدالله على كل حال
وهالحوافز خير للي بعدنا ايش ماكانت صراحه جامعتنا ماقصرت على الاقل قالت في حوافز :20: عيال عمو خلف وعذب ارجهنوو والعوض ولا القطيعه وقولو الحمدالله وتفائلوو بالخييييييييييير :16: |
رد: مبروك علينا حوافز المتفوقين في برنامج التعليم المطور للانتساب
< أرجهن :42:
|
رد: مبروك علينا حوافز المتفوقين في برنامج التعليم المطور للانتساب
ارجهن = اهيع بالحساوي :8:
|
رد: مبروك علينا حوافز المتفوقين في برنامج التعليم المطور للانتساب
سبحان الله الإنسان
صدق من قال الإنسان مايملي عينة إلا التراب " اشوف الكثير من الزملاء المنتسبين في جامعات اخرى يعاني من استغلال الجامعة لهم عيني عينك واخذ رسوم 1000 ريال لمن يريد ان يختبر في منطقتة ونحن بفضل الله ثم فضل جامعتنا كل واحد يختبر في مدينتة بدون اي مقابل واليوم بعد ما كافئت الجامعة الطلبة المتفوقين بمبادرة غير مسبوقة بملغ 1000 ريال قلتو بخيلة هههههه والله لو تدفع 3000 ماتسلم من الذم من وجهة نظري اقووول تفداهم الملايين مقابل الخدمة المقدمة مقارنتاً بجامعات اخرى وسلاااامتكم |
رد: مبروك علينا حوافز المتفوقين في برنامج التعليم المطور للانتساب
8 8
صادق |
رد: مبروك علينا حوافز المتفوقين في برنامج التعليم المطور للانتساب
تذكرت المكافئه 990 ريال :42:
عشره بيخصمونها حقت الرسايل لا تنسوون :8: |
رد: مبروك علينا حوافز المتفوقين في برنامج التعليم المطور للانتساب
هتان اكيييد العشرة ريال رسوووم الحوااالة الحق حق :27:
|
رد: مبروك علينا حوافز المتفوقين في برنامج التعليم المطور للانتساب
اقتباس:
كلامك :21::16: |
رد: مبروك علينا حوافز المتفوقين في برنامج التعليم المطور للانتساب
:::::::::::::
يقولون المكافأه ياهتان تصرف شهريآ. بجريدة الرياض امس ^_~ |
رد: مبروك علينا حوافز المتفوقين في برنامج التعليم المطور للانتساب
احمد القاضي
كلامك صحيح 100% سؤال لو سمحتوا لوحة المفاتيح في الاب يكتب كل حرفين قريبة مع بعض واجلس امسح ايش العمل |
رد: مبروك علينا حوافز المتفوقين في برنامج التعليم المطور للانتساب
ههههههههه له له له وش هالكرم ياجامعتنا الموقره اقوول بس ضبطي لنا سالفه التهنيق بالبلاك بورد وجزاك الله خير مانبي منك شي عقدوا الامتحانات ويبغوننا ترمين متتاليين بعد ممتاز
دااااااااا كااااااااااااان زماااااااااااااان يارب ماتنزل معدلاتنا عن 4 مع مع قرار الخمسين سؤال والله يستر |
رد: مبروك علينا حوافز المتفوقين في برنامج التعليم المطور للانتساب
^
^ يارب يارب :1: |
رد: مبروك علينا حوافز المتفوقين في برنامج التعليم المطور للانتساب
((مايلفظ من قول إلا لديه رقيب عتيد ))
فللننتبه من الفاظنا فسنذهب ونتركها ولا نستطيع العوده اليها بعد ان نغادر هذه الدنيا ,,:16: الف شكر لصاحبة الموضوع :16::1: |
رد: مبروك علينا حوافز المتفوقين في برنامج التعليم المطور للانتساب
كالعاده يبغون يعمون عيوننا عن 3000 الاف ويعطونا الف:44:
حرب نفسيه احس جامعتنا اميريكا :30: اذبح مليونين وواحد طبيب اسنان :31: اللي فهم :21: |
| All times are GMT +3. الوقت الآن حسب توقيت السعودية: 01:54 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام