|
مشكلة بالسداد رقم الطالب خاطئ
السلام عليكم ورحمة الله وبركاته مسائكم رضا وسرور وراحة بال اخواني من يوم الثلاثاء الماضي وأنا رايحه جايه للصراف ابسدد زهقت سواقين حايل كلهم كل مادخلت رقم يقول خاطئ وش المشكله هل ماتفعل رقمي الجامعي والا وش قصتهم؟ ودي اسدد واخلص قبل تطير الفليسات وابتلش :sm1: انا بنكي سامبا اول مادخلت على سداد ج الملك فيصل طلب مني رقم الطالب دخلت رقمي الجامعي والسجل المدني ورقم المبلغ ماخليت رقم مادخلته كلش يقولي خاطئ غير صحيح :000: اتمنى ألقى حل عندكم ربي يوفقكم ملاحظه / اللي بيقولي خلي احد يسدد لك من اي بنك آخر اقول ماعندي احد ولا اعرف احد ابي السداد من سامبا؟ كيف بالضبط؟ الترم الاول سددت مافيه مشاكل ابد وهل فيه احد واجه نفس مشكلتي؟ وشكرآ لكم :106::love080: |
رد: مشكلة بالسداد رقم الطالب خاطئ
غريبه:(107):
لا تروحين الا اذا عرفت وشي المشكله بالتوفيق :icon1: |
رد: مشكلة بالسداد رقم الطالب خاطئ
وعليكم السلام ورحمة الله وبركاته
السداد يا غاده عن طريق الصراف كل ما يطلبه منك تدخلين رمز الجامعه ( 118 ) ثم تدخلين الرقم الجامعي وراح يظهر لك المبلغ المطلوب سداده لكن ماراح يقبل معاك بحكم أن النظام حتى الآن ما تحدث .. وأفضل لك سداد عن طريق الإنترنت حتى ما تروحين مشاوير .. وسلمي لي على حايل وعلى شمر ... تقديري لك :16: |
رد: مشكلة بالسداد رقم الطالب خاطئ
فعلا حتى انا كثر من مرة اسوي عن طريق الصرف
يقولي خطا في الرقم الجامعي صدق مثل مشكلتك انا |
رد: مشكلة بالسداد رقم الطالب خاطئ
حتى انا بعد عندي مشكلة بالسداد :7:
|
رد: مشكلة بالسداد رقم الطالب خاطئ
وانا كمان نفس المشكلهـ
شكل مشكله في النظام عندهم |
رد: مشكلة بالسداد رقم الطالب خاطئ
المشكله عند الجمميع ربي يحفظكم
|
رد: مشكلة بالسداد رقم الطالب خاطئ
طيب احد سدد ونجحت معه ما سمعت انه بدء السداد من الجامعة اذا فية احد سدد ومشت معه يبلغنا |
رد: مشكلة بالسداد رقم الطالب خاطئ
السلام عليكم ياكثر ما اسمع هالمشكله المشكله مو فيكم ولا في ارقامكم المشكله بالسستم حق الجامعة نفسها وللامانه انا جديد اول ترم لي لكن تعقيد بالانظمة مثل جامعة الملك فيصل ماشفت ابد وبصراحه اذا انهم مو قد التعليم عن بعد ليش يفتحونه من البداية بالاول كانت مشكله بالتسجيل وثانياً مشكلة النتائج وثالثاً طلعت مشكلة تسجيل المواد ورابعاً طلعت مشكلة تفعيل الارقام السرية وخامساً طلعت مشكلة السداد وفي الختام السيرفر حق الجامعة من اسوء السيرفرات اللي رأيتها وسمعت عنها في حياتي اعتقد ان الجامعة عاجزه عن عن دعم الموقع بسيررفرات المانية ودعم فني جيد مو ( دورة 6 شهور ادخال بيانات ومعالجة نصوص ) وارجع واقولكم الظاهر الربع مكثرين لبن للحين لكن مالكم الا توسعون صدوركم وعلى فكره كل سنه بعد سنه تزداد اسوء بأسوء والسبب راجع لكثرة المتقدمين الجدد والضغوطات التي يواجهها موقع الجامعة ولا راح تتطور ابداً الا بعد عشرين سنه او مثل ماقلت لكم سابقاً ( لمى يخلص مترو الرياض ) * اسمحوا لي عن تعبيري عما في داخلي تقبلوا تحيتي ع ـــــلوش |
رد: مشكلة بالسداد رقم الطالب خاطئ
صبركم ياجماعه السداد عاده بعد انتهاء التسجيل
موفقين خير . |
رد: مشكلة بالسداد رقم الطالب خاطئ
هلابك اخت غاده
الدكتور الفريدان يقول بتغريده بتويتر (( لم يتم رفع الفواتير)) يعني لم تسجل الفواتير في نظام سداد الى الان انتم وش معجلكم اذا خايفين الفلوس تطير :42: حولوها لحسابي وانا احفظها لكم :8: لين يجي وقت السداد والوجه من الوجه ابيض :31: |
رد: مشكلة بالسداد رقم الطالب خاطئ
اقتباس:
|
رد: مشكلة بالسداد رقم الطالب خاطئ
اقتباس:
بعد الانتهاء باسبوع او اسبوعين من اخر يوم تسجيل يبدأ السداد وهل جربت جامعه ثانية وشفت التعقيد اقل من جامعة الملك فيصل |
رد: مشكلة بالسداد رقم الطالب خاطئ
التسديد لحد 28 عربي واحتمال بكرا يبدا التسديد لان اليوم اخر يوم تسجيل مواد والله يسهلنا
|
رد: مشكلة بالسداد رقم الطالب خاطئ
اقتباس:
سلاماااااااااااااااااااات اخر يوم تسجيل المواد السبت الجاي |
رد: مشكلة بالسداد رقم الطالب خاطئ
المشكلة عامة لان يبون يفتحون 22ساعة للطلاب فاذا سددت راحت عليك اضافة اربع ساعات فالاربعاء انشالله يفتحون الي يبقى يزيد بعدد الساعات ويوم السبت القادم يفتح السداد والله اعلم.....بالتوفيق
|
رد: مشكلة بالسداد رقم الطالب خاطئ
صبرآ جميل والله المستعان
راح ننتظر ونشووف تاليتها :24: |
رد: مشكلة بالسداد رقم الطالب خاطئ
اقتباس:
|
رد: مشكلة بالسداد رقم الطالب خاطئ
المشكله في شركه سداد
|
رد: مشكلة بالسداد رقم الطالب خاطئ
اعتقد ان النظام باقي ما تحدث اصبروا الى أن يتم الأنتهاء من التسجيل بالتوفيق للجميع |
رد: مشكلة بالسداد رقم الطالب خاطئ
اعتقد بدري ع السداد بقوه
و انصحك تفعلين خدمتهم ع الانترنت .. مثل الاهلي اون لاين و كذا هي اريح بكثير تسددين بكل اريحيه ادخلي موقعهم وراح يطلبون بياناتك و عبيه و بيجيك رمز التفعيل ع الجوال اعتقد لو مثل الاهلي و العربي |
رد: مشكلة بالسداد رقم الطالب خاطئ
اقتباس:
|
رد: مشكلة بالسداد رقم الطالب خاطئ
:18: انا عندي نفس المشكلللله :10: واخوي يحاول يسدد من الموقع مو قادر يقول له خطأ
اشوه انه مو انا بس :35: فرحتوني :13: ان شاء الله تزين الأمووور موفقين |
رد: مشكلة بالسداد رقم الطالب خاطئ
باختصار اذا شاهدة مقرراتك التى ضفتها مؤخراً في السجل الاكاديمي عط راسك الصرافة او مباشر الراجحي وهذا انا ماسدد الاعن طريقة , |
رد: مشكلة بالسداد رقم الطالب خاطئ
بالنسبة لعملاء الراجحي
كيف السداد عن طريق مباشر الافراد عن طريق الانترنت حاولت ولا عرفت |
رد: مشكلة بالسداد رقم الطالب خاطئ
انا نفس المشكله :28:
|
رد: مشكلة بالسداد رقم الطالب خاطئ
اقتباس:
مفوترين اخرين تجد جامعة الملك فيصل وادخل رقمك الجامعي وبعدها ياتيك رمز تنشيط بجوالك من المصرف واحفظها في سداد كاي فاتورة اخرى |
رد: مشكلة بالسداد رقم الطالب خاطئ
اتمنى اللي يظبط معاهـ
ويقدر يسدد يخبرنا :2::16: |
رد: مشكلة بالسداد رقم الطالب خاطئ
اقتباس:
غاده الحل عندي: ارسلي الفلوس لرقم حسابي وانا ان شاء الله بسدد لك معليك :27: |
رد: مشكلة بالسداد رقم الطالب خاطئ
اقتباس:
لو ماجربت اكثر من جامعة ماقلت هالكلام نعم درست بجامعة الملك سعود ودرست في جامعة القصيم واخوي خريج جامعة الملك عبدالعزيز انتساب كل هالمرطسه مافيها ابداً وثانياً : الموضوع يتكلم عن السداد مو التسجيل ماعتقد تكلمت بموضوع من راسي اشكرك ع التعليق ههههههه وجامعة الملك فيصل بن عبدالعزيز مع احتررامي تقنياً فاااااشله خدمات طلابيه ماشوف لكن بارك الله بالملتقى والعاملين عليه والا كان للحين ضايعين فعلاً يستحقون الشكر فشكراً لكل القائمين ع هذا الملتقى |
رد: مشكلة بالسداد رقم الطالب خاطئ
نفس المشكله ...
ماسك نفسي عنها أخاف اصرفها هههههههههه احس فيها حلاوه مو مثل الفلوس الباقيه:5: |
رد: مشكلة بالسداد رقم الطالب خاطئ
اصبرو الين بكره :17:
|
رد: مشكلة بالسداد رقم الطالب خاطئ
لحد الان مو راضي يسدد معاي ههههه مادري شنو المشكله |
رد: مشكلة بالسداد رقم الطالب خاطئ
لسى التسديدد مابعد يتفعل
|
رد: مشكلة بالسداد رقم الطالب خاطئ
التسديد لم يتفعل بعد في النظام من قبل الجامعه لان اول خطوة هي تفعيل عملية الربط مع شركة سداد ومن ثم تاتي خطوة الربط مع البنوك وحينها تظهر المبالغ المطلوبه بناء على الرقم الاكاديمي .
اتمنى لكم التوفيق |
رد: مشكلة بالسداد رقم الطالب خاطئ
طول امس وانا بصرفات يررررفض ؟
|
رد: مشكلة بالسداد رقم الطالب خاطئ
الله يجزاكم الفردوس الاعلى ووالديكم واحبتكم
اسعدتموني بتواجدكم وردودكم والحمدلله ان المشكله عامه لاني خفت يكون فيه خلل برقمي انا والا شي واتوهق :39: الله يطمن قلوبكم بكل مايسركم في الدنيا والآخره مثل ماطمنتوني اما اخوي اقتباس:
لو طلع هالكلام صحيح برسلك بالفيدكس خروف نجدي بشاره لك :17::11: اقتباس:
صح موقع الجامعه بعض الاحيان يخربها ويعلق ومايفتح نهائي بس كجامعه ونظام دراسه وتعاون عميد واعضاء هيئة التدريس مستحيل تلقى زي جامعتنا تخيل الترم الاول كان هناك مشاكل لدى البعض في المحاضرات المباشره فسمح لنا العميد بحضور محاضرتين فقط واخذ الدرجه الكامله وكان جدول اختبارنا مستوى اول سئ مادتين في السبت ومادتين في الاحد ورى بعض بدون راحه وكتبنا خطاب فسمح لنا العميد ورتبوا جداولنا الحين زي الحلاوه وتهبل الحمدلله ماخبرت اني ارسلت لهم ايميل ولاردوا علي يردون مباشره حتى في التويتر مزعجينهم بعض الاخوه الله يسامحهم ومع ذلك صدورهم رحبه على الجميع انا هنا والله ماادافع بس كشهادة حق في عميدنا الدكتور الفريدان ودكاترتنا من اروع مايكون ربي يحفظهم يعني يمكن جامعة الامام وعبدالعزيز مواقعهم توب وممتازه بس صدقني مطنشينهم ومضطهدين ولايمهم احد لاعميد ولادكاتره حنا هنا نقدر نقول الزين مايكمل ههههه حاسه فيك ومريت باللي مريت فيه ومن هالمنطلق اقولك شد حيلك والله الله بالمعدل ترى معدل المستوى الاول هو الاساس اللي يقسم عليه بقية معدلاتك الفصليه :17: الله يوفقك ويسهل عليك |
رد: مشكلة بالسداد رقم الطالب خاطئ
وعليكم السلام عادي كلنا في الهوا سوا
غاده خشي دراهمتس لاتبتلشين بعدين شوفيني خاشتهم بدولابي كل يومين اشيك عليهم :34:ههههه على كلام الاخوان والخوات بعد التسجيل بفتحونه والله اعلم الله يوفقكم بسمستر الجديد :17::2: |
رد: مشكلة بالسداد رقم الطالب خاطئ
22 ساعه صحيح يفتح يوم الاربعاء بس باللغه العربية لكن: لطلاب وطالبات مستوي 8 او خريج.
مو او ليس الجامعه كله. |
رد: مشكلة بالسداد رقم الطالب خاطئ
اقتباس:
حني يالعيال, الوحد معه 100 ريال , تلقينه فاله اكليوم يعزم اي واحد يشوفه من شلة الحاره. البنت لو يموت احد عنده ماتعطيه هلله هههههههه شتان بينني وبينكم |
رد: مشكلة بالسداد رقم الطالب خاطئ
اقتباس:
:42: :21: :3: |
رد: مشكلة بالسداد رقم الطالب خاطئ
الاخت غاده اسمحيلي ارد عليك هنا لان الرد هناك ممنوع
بالنسبه لاعجابك للرسمه هو اعلى تقييم لها واسعدني حيل لك حرية التصرف اعتبريها لك. كلامك صحيح لكن هي هوايه زمان لما كان الواحد فاضي وفكره صافي لكن الحين ما فيه والله وقت جامعه وعمل ومسئوليات فكر مشغول 25 ساعه :42: الله يعين والا هواية الرسم من اجمل الهوايات وممتعه جداً جداً للي عنده وقت فراغ واشكرك على الاطراء الجميل :16: |
رد: مشكلة بالسداد رقم الطالب خاطئ
ريم2012
ههههههههه وانتي صادزه ياقلبي قلبك انا ماصرفتهم عارفه ان مسكت شي بيدي راح ربي يسعدك يالغاليه نوورتي بعد عيني انتي جمال تدري ليه حنا نمسك فليساتنا لاننا نستحي نتدين مثلكم ياطفرتوا ولاننا رزينات نضم فلوسنا للحاجه وللشي اللي ينفع ومهم مهو للهياط والدجه زيكم :41: |
رد: مشكلة بالسداد رقم الطالب خاطئ
اقتباس:
بالله عليك ممنوع الرد هناك :mh318: وانا رديت انفعلت يوم شفت الرسمه ماشاء الله تبارك الله خساره والله تنشغل عن هوايتك هذي وانت مبددع فيها صدقني كل هوايه ماتستمر بممارستها وتطويرها تندفن وتضيع منك استمر ربي يسعدك ويحفظك ويوفقك فريشتك فن:love080::17: :icon19::love080: |
رد: مشكلة بالسداد رقم الطالب خاطئ
اقتباس:
ولكن خاص بمستوى سابع وثامن لمن انهاء 88 ساعه |
رد: مشكلة بالسداد رقم الطالب خاطئ
اقتباس:
بس اخونا محمد الله يجزاه خير نقل الخبر على غير الوجه الصحيح ومثل ما يقولون ((وما آفة الأخبار إلا رواتها)) |
رد: مشكلة بالسداد رقم الطالب خاطئ
يالله
فرحه ماتمت والحمدلله على كل حال الله يوفقكم ابوكريم وابويزيد ويوفق الجميع يارب |
رد: مشكلة بالسداد رقم الطالب خاطئ
اقتباس:
شهاده اعتز فيها والله وصحيح والله كل كلامك لكن وين الوقت والمزاج الرايق ههههههه:42: |
رد: مشكلة بالسداد رقم الطالب خاطئ
في الاخير ومع قراتي للردود نسيت وش عنوان الموضوع ههههههههههههههاااي ..
موفقين جميعـآ .. |
رد: مشكلة بالسداد رقم الطالب خاطئ
اقتباس:
عشان كذا بيتقل الموضوع قريبا :42: |
رد: مشكلة بالسداد رقم الطالب خاطئ
ابشركم تم السداد ولله الحمد
الله يجزى اخوي المسافر الفردوس الاعلى ووالديه واحبابه هو اللي بلغنا اليوم بتفعيل خدمة السداد سارعوا بالسداد قبل تطير فليساتكم للي مجمعهم مثلي :hahahahahah: كل الود والتقدير لكم جميعا وفقكم الله بدأ الجد وانطلق السباق هالمستوى قصير ومواده كثيره شدوا حيلكم جميعا |
رد: مشكلة بالسداد رقم الطالب خاطئ
مشكوووووره غدوووش ع الخبريييه ايييه والله خليني الحححق:5:
|
رد: مشكلة بالسداد رقم الطالب خاطئ
الف مبارك غاده والله فرحت
اهم شيء لاتطير فليساتكم :13: انا مارضي يسدد:22: ومادري ايش المشكله راح ازور بنك الرياض ان شاء الله السبت |
رد: مشكلة بالسداد رقم الطالب خاطئ
السلام عليكم
سددو فتح النظام بالصراف او اون لاين وانصح الاخت الكريمة بالسداد عن طريق اون لاين افضل بدل المشاوير |
رد: مشكلة بالسداد رقم الطالب خاطئ
مشكورهـــــ ع،زيزتي :16:
|
| All times are GMT +3. الوقت الآن حسب توقيت السعودية: 09:50 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام