|
أفيدوني جعلكم للجنة آمين يارب
السلام عليكم أنا الحين بالمستوى الثالث كنت مأجله الرياضيات2 والعقيدة ما أخذتهم بالمستوى الثاني أخذت مهارات الإتصال عشان أعادل الساعات لأني كنت حاملة القانون ماختبرته لعذر صحي المهم إني مدري إذا أنا مجبره الحين بمستوى3 آخذ الرياضيات2 واللا أقدر أ أجلها لأني ماودي آخذها لين ما يغيرون الدكتور مانيب ناقصتن نخل وطلح وإثل براسي خاصة إن إختبار الرياضيات2 بنفس يوم إختبار التقنية2 أفيدوني الله يجزاكم الجنة وإذا ماني مجبره آخذها عطوني رايكم بجدولي لاهنتو ولا خلا ولا عدم إن شاء الله جدولي فديتني حسب ترتيبة بجدول الإختبار اليوم الأول الثلاثاء تقنية2 3 س اليوم السادس الإثنين نظم المعلومات الإدارية 3 س اليوم الثامن الإربعاء أساسيات المحاسبة الإدارية والتكاليف 3 س اليوم العاشر السبت إدارة مالية 3 س اليوم الحادي عشر الأحد العقيدة الإسلامية والمذاهب المعاصرة 2 س اليوم الثاني عشر الإثنين الإحصاء في الإدارة 3 س س يعني عدد الساعات :8: |
رد: أفيدوني جعلكم للجنة آمين يارب
بالنسبة للرياضيات 2 حسب ماقريت بالمنتدى وشفت الجدول ياانها أنحذفت ويا أنها أحذفت :8: وجابوا مادة نزلوها من جدول مستوى ثامن وحطوها بدل عنها يعني لاتنزليها أصلا مو موجوده بالجدول وتأكدي بنفسك
|
رد: أفيدوني جعلكم للجنة آمين يارب
انا نفس الشي حذفت مادة الرياضيات 2 من الترم الثاني كنت حامل مادة من الترم الاول :8::8::8: وقبل شوي طلعت معي بالجدول وضفتها معي لئكن اتوقع بنسبة 80% انك تقدرين تأجلينها يابنت الاجواد :42::42::42::42: |
رد: أفيدوني جعلكم للجنة آمين يارب
نعم تقدرين تاجليها الى المستوى اللي تبيه
ولعلمكم هي انحذفت على اللي رقمهم الاكاديمي 213 اما حنا لا مطالبين فيها وصراحه ايدك انك اجلتيها لاني اخذتها الترم الماضي والله يا الله عديتها واستاذها ع حسب كلام الطلاب سي جدا في شرحه لاني للاسف ماتابعته ولاشفت له ولا محاضرة |
رد: أفيدوني جعلكم للجنة آمين يارب
الله يبشركم بالجنة قولو آمين
وأصلاً ما احتريتهم وأصلاً عيا يفتح لي حساب المعدل التراكمي ومع ذلك توكلت على الله وسجلت الجدول المذكور آنفاً وخطين حمر على آنفاً ترا متعوب عليها لأن ميح بالنحو بس ماعليكم خيتكم قلب ذيب كل الشكر والتقدير |
رد: أفيدوني جعلكم للجنة آمين يارب
ياناس ياعالم أنتم متأكدين إني أقدر أ أجل
الرياضيات 2 للمستويات الجايه واللا لازماً وحتماً آخذها هالسمستر لأني إحترت والآراء إختلفت فتأكدولي الله يجزاكم خير والمشكلة إن موقع الجامعة موب راضي يفتح لي |
رد: أفيدوني جعلكم للجنة آمين يارب
ياعسسل
من رأيي خذيها هالترم لاان وراك احصاء فالافضل تكوني منتهيه من الرياضيات 2 ترى انا اخذتها الترم الماضي وكانت سسسهله الحمدلله الصراحه جبت فيها a الدكتور ماقصر < بعيدا عن الاعراق والاجناس شرح وكفى ووفى ,, صحيح ما كان يحل تمارين الواجب بس شرحه يكفي ولك الخيار الاول والاخيير :16: |
رد: أفيدوني جعلكم للجنة آمين يارب
اقول لك خلينا نأجل الرياضيات ٢ يمكن يلغونها عننا زي الدفعه اللي بعدنا و أخاف ما تطلع لك اثل أخاف تخليكي تلقطين طيطا هههههه و لا تنسي المستوى هذا رفع المعدل بينفعنا كثير الا اذا ودك بالطيطا عاد انتي تقولي راعية بر أكيد تعرفي الطيطا
|
رد: أفيدوني جعلكم للجنة آمين يارب
وشهو الطيطا :(107)::(107):
|
رد: أفيدوني جعلكم للجنة آمين يارب
اقتباس:
|
رد: أفيدوني جعلكم للجنة آمين يارب
ههههههههههههههههههههههه
يرج ابليسك مانبي لا طيطا ولا ولد عمها العنصل شكلك دكتور أعشاب موب دكتور نت |
رد: أفيدوني جعلكم للجنة آمين يارب
سوري حلا الورد توي اشوف ردك
انا اصلا بمستوى ثالث الحين وقد سجلت موادي وخلصت والرياضيات وراي وراي فمادري أأجلها عشان اشد بالاحصاء او اخذها وافتك وهي اصلا خاربة خاربة حنضل برّي خل نخلص منها |
رد: أفيدوني جعلكم للجنة آمين يارب
اقتباس:
اجل عظي ثوبك و انسي رياضيات 2 الترم هذا و خذي تقنية معلومات 2 مع الخطة و مع الأغلبية و المستوى الجاي او اللي بعده الله يلحقنا خير و ناخذها اللي ما هو قد الدفاره لا يتديفر 😜 العالم فاحطوا لين قالوا بس و نطب طبتهم |
رد: أفيدوني جعلكم للجنة آمين يارب
ايه بس يختك الفريدان بالتويتر قال اللي يأجل يتحمل النتيجة
واخاف بعدين اذا اجلتها مالاقي لها مكان بالجدول واخاف ماقدر اخذها بعدين اذا فعلا عندهم خطة جديدة وليتنا من حجنا سالمين على هالخطط اللي مدري وش تبي الحين زينو موقعكم زي العالم والناس وبعدين خططو لين ماتنبت لكم مخططات بروسكم وبجنوبكم |
رد: أفيدوني جعلكم للجنة آمين يارب
نصيحه لا تأجلينها خذيها وتوكلي على الله لانه زي ماقالت حلا ماتقدرين تأخذين الاحصاء الا لما تشطبين على الرياضيات وعلى فكره ترى دكتورها ماعمري حضرت له ولا محاضره والمذاكره قبل الاختبار بيومين والحمدلله عديتها واخذت b موفقه اختي (طيطا وعنصل وبنصل وطلح واثل ونوير) احس اني دخلت محلات بن منقاش للعطارة |
رد: أفيدوني جعلكم للجنة آمين يارب
هههههههههه
بس يختك إختبارها بنفس يوم إختبار التقنية2 وزي ماقلت لكم إني حالياً أصلاً بمستوى ثالث يعني حتى لو آخذها على حساب التقنية2 فبأضطر أأجل الإحصاء وبكذا أكون خسرت مادتين وعموماً الرياضيات 2 موجودة بالمستوى الرابع والخامس يعني إذا لي عمر إن شاء الله باخذها فتكفون أجلو الرياضيات وأصلاً هي لاحقتنا لاحقتنا والله المستعان |
رد: أفيدوني جعلكم للجنة آمين يارب
اقتباس:
على رااحتك اختي القرار لك في الاول والاخير :16: |
رد: أفيدوني جعلكم للجنة آمين يارب
اقتباس:
دكتورها وربي شرحه ممتاز :21: < بعيدا عن الاعراق والاجناس كلنا ابناء ادم واسئلته سسهله جاب لنا نفس الامثله و التمارين الي حلها وقت المحاضرات ايش اسهلل من كذا ؟؟:27: وبالتووفيق للجمييع :16: |
رد: أفيدوني جعلكم للجنة آمين يارب
منتتتتتتي مجبره تاخذين الرياضيات 2
|
رد: أفيدوني جعلكم للجنة آمين يارب
كيف طريقة حذف المواد
للعلم انها مسجله من السمستر الى طاف ؟ |
رد: أفيدوني جعلكم للجنة آمين يارب
اقتباس:
|
رد: أفيدوني جعلكم للجنة آمين يارب
والله شي يحير بستخير والله كريم
كل الشكر والتقدير لتفاعلكم لا خلا ولا عدم ان شاء الله |
رد: أفيدوني جعلكم للجنة آمين يارب
اقتباس:
والله ياختي حلا انا ما قلت شي في شخص الدكتور ولا تطرقت لأعراق او اجناس او عنصريه كلنا عيال تسعه (ان اكرمكم عند الله اتقاكم) ولكن الطلبه المستوى اللي فات كان لهم تعقيب كثير على طريقة شرح الدكتور وصحيح ان اسئلته كانت سهله وماقصر بس فيه ناس ماتحب تنجح فقط يبون يفهمون وينجحون . عمومآ الله لا يهينك ومشكورة ودائمآ نستفيد من ردودك العقلانيه موفقه |
| All times are GMT +3. الوقت الآن حسب توقيت السعودية: 04:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام