ابتـــــــداء ..

مرحبا ..
كل النقاشات واللغط اللي صار من البارحة للآن .. بخصوص اختبار الاقتصاد الجزئي
أعذروني كلمتين بقلبي وما قدرت أسكت عنهم ..وتحملوني

ماسكين موضوع الكبسه .. والسودان
ع بالكم هذي مآخذ ع الدكتور يعني ؟!
وللعلم في أثناء شرحه للمحاضرات للي سمعها ذكر الكبسة والبرتقال والطماطم وأشياء أخرى كثيرة من أجل توصيل المعلومة لأذهانكم ..
كان شرحة مركز وما يلف ويدور ويشتتك أبداً .. وفي نفس الوقت ماهو مثل الآخرين يقرأ المحتوى ويمشي ..
وماشاء الله تبارك الله لولا تميز الدكتور واجتهاده ما وصل للمرحله هذي وفي التخصص الدقيق والصعب هذا ..
والآن لما ذكر الكبسه صارت مأخذ عليه ؟!!
لما جاب لكم من صميم الشرح وبأمثله مبسطه .. انتقدتوه ؟!
مالكم كيف تحكمون !!

كون إنكم ي أعزائي .. قررتوا بعد امتحان القانون تدورون ع ملخصات وأسئلة وتشوفوا المادة هذي أصلاً تحكي عن إيش
وفي يومين تكون مصبوبه صب في أذهانكم وتكونوا متمكنين منها
هذا مو خطأ الدكتور هذا خطأكم أنتم
وانشغالك ومسؤولياتك ودوامك بيتك وأطفالك وربعك وطلعاتك والتزاماتك العائلية ما يتحملها إلا انت .. وماهي عذر للإهمال والتكاسل
انتوا دخلتوا الجامعة بـ اختياركم .. فكونوا قدها أو لا تلوموا الآخرين
والدكتور يدرس الممتاز والضعيف والمتفرغ والمشغول .. يعني أنت مثلك مثل غيرك

واللي قالوا يارب ننجح ونجي نعلمه كيف الشرح .. اعذروني فيها
انت أنقذ نفسك الآن واجتهد في آداءك ... بعدين تعال انتقد الآخرين على آداءه

وعقليات تويتر اللي داخلين بها الجامعة وأي كلمة يعملون عليها هاشتاق ولغط .. كأنه ماسك عليك زله .. حاولوا تتخلصوا منها
وارتقوا رجاءا بعقولكم وأساليبكم ,,
واعلموا أن ما وصلنا إليه هنــا وفي مجتمعنا بصفة العموم كان سببه الأول احتقار العلم وأهله
وعدم حفظ الفضل والمكانه للمعلمين حتى ضاعت هيبة العلم وأضاع المعلم هويته
ولكم أن تقرأوا إن شئتم ...

عن أبي أمامة الباهلي رضي الله عنه قال : " ذكر لرسول الله صلى الله عليه وسلم رجلان أحدهما عابد والآخر عالم فقال رسول الله صلى الله عليه وسلم : (فضل العالم على العابد كفضلي على أدناكم )
ثم قال رسول الله صلى الله عليه وسلم : ( إن الله وملائكته وأهل السماوات والأرض حتى النملة في جحرها وحتى الحوت ليصلون على معلم الناس الخير )
رواه الترمذي وقال حسن غريب قال الشيخ الألباني: ( حسن ) أنظر: مشكاة المصابيح [1 / 46 ] وصحيح الترغيب والترهيب [1 / 19 ]


اعذروني أعرف إن بعضكم ما راح يعجبه الكلام .. لكن مثل ما قلت لكم في البدايه
كم كلمه تقرقع بقلبي ..
ورجاءاً لا أحد يجي يقول لأنك حليتي كويس وراح تنجحي .. وعجبتك الأسئله
وأنتي فاضيه وما وراك إلا تذاكرين وما عندك مشاغل
لأني علقت عليها فوق ..


ختــــــام ..

ألف ألف ألف شكر د. حسن الهجهوج ..
ألف ألف شكر .. تميزك كان واضح ..
وماشاء الله تبارك الله تمكنك من مادتك .. كان الأبرز وكان ملاحظ جداً ..
أسئلتك كانت شامله لكل المستويات .. ومن خلال شرحك
وبارك الله لك وفيك وجزاك عنا خير الجزاء
شكراً .. والشكر ما يوفي ..

اختي الفاضله

احنا ماننقص من الدكتور حسن الهجهوج بشي من علمه ولا بشخصيته المحترمه الدكتور حسن الهجهوج معروف في الجامعه ومعروف عند اغلب الطلاب بتميزه العلمي وبذكائه بالماده كل الطلاب الي درسهم من عام 2003 تقريبا قابلتهم وقالوا لي انه مره مسك العماده في الكليه ,,, بختصار احنا نتكلم عن طريقه الشرح من بدايه الترم كانت ليس لشرح طلاب توهم يدرسون اقتصاد بل كانت لطلاب حاصلين علي شهاده دكتوراه بالماده واسئله الاختبار اصلا لم نكن نتوقع انها سوف تاتي بهذي الطريقه الاسئله سهله صحيح لكنها ليست صريحه ومباشره فتتحول من النقطه هذي صعبه علي افكارنا المتواضعه اتمني انك فهمتي التحليل ويكون بعلمك انا من الاشخاص الي كنت اذاكر الماده من بدايه الترم حتي القوانين الانجليزيه نصها حفظتها والدكتور نفسه قال ماراح تدخل معكم بلاختبار ,,, باختصار شديد اسئله الاختبار ليست مقياس علمي للماده وانما كانت حظ ونصيب لنا ,,,, وكانت نجاح كبير للي ذاكروا اسئله بلغرسه

المشاركة الأصلية كتبت بواسطة بحـر الكـلام (المشاركة 7893483)

الانتقاد أبداً عمره ما كان بـ التهكم شعراً أو تعليقاً أو تكراراً على الأشخاص أياً كان وضعه ومكانته ومستواه
وربما تكون ي اخوي أبو حرب ما تابعت لكن أنا ضايقني تحميل الأمور مالا تحتمل .. فكانت هذه الكلمات
وألف شكر لتواجدكم :2:

المشاركة الأصلية كتبت بواسطة لمُت نفِسٌيَ (المشاركة 7893759) لكن لي مأخذ على جملة " عقليات تويتر " .. العموم هُنا ماحبيته ب هالموقع الدكتور والداعي وصاحب الفكر والعقل الرزين .. شاكر لك ..

اشكرك اخت هيااا عً كلامكك و اسلوبكك اللبق ..

لكن كلام اخوي فيصل الشهري صحيح 100% ,


وَ يعطيكم العافيه جميعاً ..

:2:

المشاركة الأصلية كتبت بواسطة بحـر الكـلام (المشاركة 7893483) اختي الفاضله احنا ماننقص من الدكتور حسن الهجهوج بشي من علمه ولا بشخصيته المحترمه الدكتور حسن الهجهوج معروف في الجامعه ومعروف عند اغلب الطلاب بتميزه العلمي وبذكائه بالماده كل الطلاب الي درسهم من عام 2003 تقريبا قابلتهم وقالوا لي انه مره مسك العماده في الكليه ,,, بختصار احنا نتكلم عن طريقه الشرح من بدايه الترم كانت ليس لشرح طلاب توهم يدرسون اقتصاد بل كانت لطلاب حاصلين علي شهاده دكتوراه بالماده واسئله الاختبار اصلا لم نكن نتوقع انها سوف تاتي بهذي الطريقه الاسئله سهله صحيح لكنها ليست صريحه ومباشره فتتحول من النقطه هذي صعبه علي افكارنا المتواضعه اتمني انك فهمتي التحليل ويكون بعلمك انا من الاشخاص الي كنت اذاكر الماده من بدايه الترم حتي القوانين الانجليزيه نصها حفظتها والدكتور نفسه قال ماراح تدخل معكم بلاختبار ,,, باختصار شديد اسئله الاختبار ليست مقياس علمي للماده وانما كانت حظ ونصيب لنا ,,,, وكانت نجاح كبير للي ذاكروا اسئله بلغرسه

مرحبا ..
شيء واحد اردت أن أوصله لكم .. ولعله أن يصل .. وهو جوهر الموضوع :

[/quote]

يجب أن ننتقد أنفسنا أولاً ع الاهمال قبل أن نعلق أخطاءنا على الآخرين ..

وللعلم .. لو تكرر الموقف مع أي دكتور ولأي ماده .. راح أرجع اكتب مثل هالموضوع !!

الهدف هنا الذي يجب أن يصل للجميع هو :
قيّم نفسك أولاً .. وتميز في آداءك ..
عندها يحق لك أن تقيم الآخرين وتنتقد آداءهم ..


وأخيراً ..
شكراً لكل من وافقني أو اختلف معي ..
شكراً لتواجدكم لمروركم لـ رأيكم ..

واختلاف الرأي .. لا يفسد للود قضية
:2:

اول شي كلامك كله مثالية ..

انا ماقريت ولا موضوع وماشفت كلام اللي قلتي عنهم بس الدكتور جدا سيء

اوكي معه دكتوراه بس موب كل من اخذ دكتوراه بتخصص معين صار يقدر يشرحه ويوصل المعلومة ! فيه ناس معهم بكالوريوس ويشرحون ويدخلون المعلومة بكل سهولة

لا تحكمين ان اللي نقد ماذاكر ولا تابع المحاضرات ؟
انا من اللي تابعوا المحاضرات ولا فهمت شرحه .. تعتعته كثيره ومايتسلسل بالافكار، ينتقل فجأه لفقرة ثانية بدون اي ربط بالموضوع الي كان يتكلم عنه

والله وقت شرحة ذكرني باللي يجون من الجامعات يطبقون في المدارس اول مره يشرحون
معقول له 10 سنوات يدرس !!!!! مصيبة

بالنسبة لسالفة الكبسة ترى كل الدكاتره يمثلون في محاضراتهم باشياء من الواقع عشان يوصلون المعلومة لكن يجيبونها باختبار وبهذا المصطلح العامي البحت !!! كأن مافيه في باقي الاختبار مصطلحات جديدة وغريبه علينا ؟ ههههههههه معليش هذا موب معناه تسهيل هذا معناه مايعرف ينسق سؤال :)

اخذت لفه سريعه على نماذج اختبار سابق فيه كذا سؤال ناقلها نصاً من اسئلة الدكتور اللي قبل "بلغرسة" ناقلها حتى بنفس الارقام ماتغيرت يعني موب بس اخذ الصيغة !!

لو على قوتك ندور الملخصات والاسئة ونبغى نفهم المادة على اخر شي وفي يومين كان مامشينا في الرياضات والقانون كويس وكان وسبيناهم مثل ماسبينا الاقتصاد !

والله اذا فيه شيء ندمت عليه، ندمت اني تابعت وحاولت افهم لو فعلا راجعة لنماذج سابقة مكررة كان ضمنت النجاح على الاقل

اخر شي حبيت اوضحه .. اذا انتي او كذا شخص شايف انه كويس ومتمكن مايعطيك الحق تحكمين على الكل بالاهمال وتطلعينه هو الصح وكل اللي ناقدينه غلط !


موفقين جميعاً :16:

المشاركة الأصلية كتبت بواسطة .. هيَـا .. (المشاركة 7907985) هلا والله بـ أخوي الله يسلم قلبك الحمد لله خير .. كانت اختبارات + انفلونزا + لا شيء لأقدمه للملتقى عندي أمل تكون فهمت جوهر الموضوع .. لأني اطلعت ع موضوعك اليوم وفعلاً كتبت اللي بخاطري بـ اسلوبك البسيط والسهل وأتمنى يكونوا الأعضاء فهموا مقصدي من كتابة الكلمات وما يأخذوه بصفه شخصيه أبداً الله يوفقك ي أخوي ويرزقك من حيث لا تحتسب ع العطاء والجهد والوقت اللي بذلته لنا وفالك التوفيق :2: