|
للجميع دون أستثناء ( بعد أول يوم أختبار )
بسم الله الرحمن الرحيم صبـاح الخير جميعا .... بعد اختبار الرياضيات امس وبعد ماشفت اغلب ردود الاعضاء عن اختبار امس حبيت اقدم نصيحه بسيطه صراحه الاستاذ امس ماقصر واللي شاف الاسئله حقت الاعوام الماضيه راح يتاكد ان الاسئله تقريبا طبق الاصل منها حتى الارقام ب المسائل كانت بسيطه وفي التبادل والتوافق جابها واضحه بدون مايشترط شي ويحوس السوال وبرضوا لو تشوفون المحدودات والمصفوفات كان المطلوب منها جدا سهل المشكله امس كانت في الوقت كان جدا قليل خصوصا انه اول اختبار لنا وماكانت طريقه التظليل شي واضح لنا وغير طبعا التاخر في دخول قاعه الاختبار المهم اللي راح راح لو نجلس نحكي كل يوم عنه ماراح يتغير شي لكن نصيحه للكل في الاختبارات الجايه اتركوا ورقه الاجابه جنبكم كل واحد ياخذ نفس عميق قبل يبداء ولاينسى يسمى ب الله بعدين ابداء سوال سوال لاتتصفحون الاوراق اي سوال تحله على طول انقله على ورقه الاجابه واي سوال يصعب عليك لاتفكر فيه انزل للي بعده بعدين لما تخلص ارجع من اول راح تلقى مخك فتح والمعلومات بدت ترجع لك كلنا هنا دفعنا عشان ننجح ماجينا مجبورين حطوا هالشي في بالكم ( انا هنا برغبتي لازم احقق شي يرضي ذاتي ) بالتوفيق جميعا في الاختبار القادم ان شاء الله |
رد: للجميع دون أستثناء ( بعد أول يوم أختبار )
انا وترتني تعبت ورقت الاجابهه
اخذت وقت وزود ع كذا صرحتا تاخرت دقيقه وحده وبعد كنت مصدعه حيلل مثل ماقلت الي راح راح بس لزم ناخذ نفس عميق وثم نحل :) يسلمو لك :16: |
رد: للجميع دون أستثناء ( بعد أول يوم أختبار )
الله يعدى علينا احنا بكره اول يوم لنا اختبار :36:
احس لمشى بكره بتتسهل الايام الجايه :27: بس هو دايما اول يوم يصيبك كل الشعور من خوف وفرح ووووو مشكوره على النصيحه :21: |
رد: للجميع دون أستثناء ( بعد أول يوم أختبار )
هذا الكلام والا بلاش كلامك كذا:21: لازم ننسى اللي امس ورانا امتحانات ثانيه ويبي لنا تكون نفسيتنا كذا:21:واللي ماحل امس لايحطم نفسه ويخرب على مواده الثانيه لازم نرفع مستوانا بالمواد الثانيه
|
رد: للجميع دون أستثناء ( بعد أول يوم أختبار )
شكرا
ممكن الي اخرك انك تحلي وثم تنقلي ااورقه ثم ترجعي تحلي وعلى ما تدوري السؤال واذا سؤال ماعرفتيه عشان مما ياخرك تتركيه للاخر ثم تضيعي بنقل الاجوبه ـــــــــــــ الافضل تحليين كللل شي ثم تنقلين حتى ولو خلص الوقت تقدري تقولي للمدرسه بس بنقل الاجوبه وطبعا فيه اختصار للوقت اتمنى التوفيق للجميع |
رد: للجميع دون أستثناء ( بعد أول يوم أختبار )
اهلين اختي sara sultan
اين كان سرعة الطالب في الاجابة الوقت بصراحة ماهو كافي في طلاب صدمونا بكلمة خلصت خلال ساعة يكفي ربع ساعة رايحة في كتابة بيانات الطالب والرياضيات تحتاج حل في الورقة بعدين تنقل في ورقة الاجابة بعد انتهاء اكثر من ساعة ونص من التاكد من الاجابات الي احلها وقفت اطالع كم باقي وهذا صدمة لي ان الي باقي اكثر من نص فصرت احل بدون تركيز بالرقم ان الاسائلة سهلة الوقت اثر على تركيزي وهذا سبب لي اني اختار اخر اشياء عشوائية بعد لم قال انتهاء الوقت بداية ماهي طيبه والله يسهل على المواد الجاية . شكرا لطرح الموضوع وللجميع التوفيق والنجاح |
رد: للجميع دون أستثناء ( بعد أول يوم أختبار )
انا عن نفسي كنت سريعه مره .. بس عندنا مراقبه نفسها بخشمها وترتنا وكل شوي باقي من الوقت كذا لاتضطروني اسحب اوراقكم بسرعه .. واشغلتنا قالت اسامينا 4 مرات .. وبعد واحنا نظلل بيناتنا كل ماسالنا تتافف .. راح ساعه كامله واحنا نعبي بيناتنا .. ماحليت الا 25 سؤال بس والباقي حطيته عشوائي مع ان الاسئله مره سهله بس ماتوقعت الوقت كذا .. << مصدومه ومقهوره
وصراحه بعد محبطه قوه اسئله سهله وماجاء لي فرصه احلها .. ويمكن اعدي من الماده ويمكن لا .. حتى شلت هم الاقتصاد الجزئي والمحاسبه لانهم اصعب من الرياضيات :12: |
رد: للجميع دون أستثناء ( بعد أول يوم أختبار )
قسم الله اني مذاكر زين لكن مدري وش الي حصل فيني ..
:( |
رد: للجميع دون أستثناء ( بعد أول يوم أختبار )
انا عن نفسي كآن الوقت كآفي لاني مذاكر الاسئلة حقت السنوات اللي راحت فهي نسخة منها تقريباً بس بثرو فينآ بتسجيل المعلومآت احرف ولون وبكل مكان اسمك وتوقيع وحط جوالك بكيس وكل شوي واحد دآخل يعطينآ تعلميآت وآخرها الحاسبةcasloممنوعة هذا اخر اختبار يسمح باحضارها الجامعة تطلب منكم ابسط حآسبة.. هالاشياء تشتت تركيز الواحد بس الحمدلله المرآقب كآن جدآ متسآهل مآقصر خلانآ نكتب المعلومات قبل يبدا الوقت واللي يخلص يبدا يحل لاينتظر الباقين :42:
|
رد: للجميع دون أستثناء ( بعد أول يوم أختبار )
كلام جميل واصبت كبد الحقيقه
وبارك الله فيك سبحان الله وبحمده سبحان الله العظيم |
رد: للجميع دون أستثناء ( بعد أول يوم أختبار )
انا صراحه ماوترتني ورقه اتضليل لاني توني مخلصه ثالث ثانوي فا عادي لان نفس القدرات تقربياا >> متعوده ههههههه
انا اللي ضايقني اني مريت علي اسئله الاختبارات القديمه بس مرور ماركزت فيهم لاني اقلب الاشياء جات منهاا :18::23::12: |
رد: للجميع دون أستثناء ( بعد أول يوم أختبار )
العفو جميعا واحنا هنا عشان نحمس بعض للدراسه خصوصا ان هدف الجميع هنا واضح بالنسبه لفكرتك اخ امجد جميله بس للاسف تعتمد على المراقب احنا من لما عدى نص الوقت صارت المراقبه تزن علينا بخصوص تظليل الاجوبه وهالشي سببب توتر لنا في اخر الووقت صرت احكي بصوت واطي رقم السوال وجوابه لاني ماصرت اركزز زين .. دعواتي للجميع ب االتوفيق ان شاء الله |
رد: للجميع دون أستثناء ( بعد أول يوم أختبار )
كيف نقدر نتدارك الوقت خاصه فى ماده المحاسبه
انا حليت على الورق بعدين نقلت الاجابات ولاقدرت احل الاسئله كلها طبعا اللى تحتاج تركيز فى الحل |
رد: للجميع دون أستثناء ( بعد أول يوم أختبار )
اقتباس:
شلون ممنوعة الحاسبة؟ اللي اعرفه ان الجامعة سامحه بدخول الآلات الحاسبة بدون تحديد ياليت احد يأكد لنا هالمعلومة اخاف يسحبونها يوم اختبار المحاسبة :23: |
رد: للجميع دون أستثناء ( بعد أول يوم أختبار )
مشكوره على الكلام الجميل ورائع ويعطيك العافيه معني خبصة بالامتحان لاكن يالله كل شي بيد الله وتوفيقه ونشالله نعدي بالاختبار يارب
|
رد: للجميع دون أستثناء ( بعد أول يوم أختبار )
يالله كلف شي بتوفيق الله وتقديره معني خبصة بالامتحان لاكن الله يوفقنا يارب ويوفق الجميع ومشكوره يااختي على كلامك الجميل الرائع
|
رد: للجميع دون أستثناء ( بعد أول يوم أختبار )
اقتباس:
بالنسبه للوقت لاتشيلين هم خصوصا ان الرياضيات كان او ماده وكثر كلام المراقبات فيه وهالشي كان يجيب التوتر ان شاء الله ب المحاسبه راح تتسهل المحاسبه تختلف عن الرياضيات قانون تحفظينه تطبقينه بخطوات بسيطه اهم شي تكونين حافظه القوانين زين الشي الثاني لاتنسين ان المحاضره فيها اشياء مقاليه كثير ماراح تكون كل الخيارات قوانين في تقريبا صفحه كامله مصطلحات وفي اشياء كثيره غير القوانين اذا ذاكرتي زين الوقت راح يكون من صالحك ان شاء الله لان الفرق بين الرياضيات وبين باقي المواد فررق شاسع الرياضيات كل فقره لها قانون ولها اكثر من خطوه وقوانين متشابهه تقريبا وفيها اشارات الغلط فيها يضيع عليه درجه السوال المحاسبه كل هالاشياء مافيها خلي نظرتك لشي الايجابي في المحاسبه عشان تتحمسين وقت الدراسه :29: |
| All times are GMT +3. الوقت الآن حسب توقيت السعودية: 02:53 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام