ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 3 (https://vb.ckfu.org/forumdisplay.php?f=244)
-   -   يا اخواني هل عذري كافي مشورتكم ورائيكم يهمني (https://vb.ckfu.org/showthread.php?t=399300)

ابو شهود 2012- 12- 12 04:32 AM
يا اخواني هل عذري كافي مشورتكم ورائيكم يهمني
 
صباح الخير اخواني الافاضل
  • ارجوا افادتي لقد تم الحاقي من عملي من الدمام الى حفر الباطن ثاني يوم من الاختبار طبعا لظروف تعيين زوجتي مدرسه بالحفر وتم صدور قرار الحاقي من 9/2/1434هـ واريد الاعتذار عن الاختبار وقد راسلت الدكتور عبدالله عبدالوهاب الفريدان قبل يومين وعلى الفور اتاني الرد يقول فيه ان اعتذارك الان بدون استرجاع الرسوم هل تعلم وما عذرك @@ طبعا ارسلتله مشهد من العمل رسمي ومختوم موجه لجامعة الملك فيصل بانني ملحق من تاريخ 9/2 /1434 وكذلك صورة قرار الالحاق الصادر من الرياض والى الان لم يرد علي الدكتور ...ما الحل يأخواني الدكتور مارد وهل سوف يتم قبول اعتذاري علما بان فترة الاعتذار عن الدراسه انتهاء وهل عذري مقبول لكي يعيدو لي الاختبار والا يحسبون الترم القادم بلا رسوم والا بيسجلوني غياب وطيح النسبه ْْْْْْ ابي مشورتكم وتوجيهكم يا حبايبي انا تفكيري مشتت


جنون الحياه 2012- 12- 12 04:41 AM
رد: يا اخواني هل عذري كافي مشورتكم ورائيكم يهمني
 
والله مآ ادري إن شآء الله يتعآونون مععك و يأجلون لك هالسمستر,,

طبعآ الرسوم مآ في مجآل ترجع أبد خلآص يعني لو ان شاء الله قبلوآ عذرك الترم الجاي تسجل الموآد وتدفع من جديد,,

حآول ترسل لهم ألين مآ يردون عليييييك ,,

وربي ييسر لك ان الله ,,

كل التووفيق..

%كل الغلا% 2012- 12- 12 04:57 AM
رد: يا اخواني هل عذري كافي مشورتكم ورائيكم يهمني
 
اتوقع يقبلون الاعتذار عن الاختبار بس الرسوم راحت خلاص مافيها استرجاع ولا تأجيل

الله يسهلك ويعوضك خير

بقايا حلمـ 2012- 12- 12 07:28 AM
رد: يا اخواني هل عذري كافي مشورتكم ورائيكم يهمني
 
انا اشوف انك تحاول تختبر معنا وكنسل الاعتذار حاول بقدر ماتقدر انك تكمل وتختبر انت بي تعيد الترم وتدفع رسوم ليه ماتختبر ويمكن تعدي في كم ماده وبكذا تكون خففت على نفسك من الرسوم وعديت كم ماده هذه وجه نظري صحيح ان المسافه بعيده ولا كن حاول بالنسبه لعملك اجباري يعطوك اجازه خلال فترت الامتحانات وبالنسبه لظروف زوجتك حاول تشوف لك صرفه مع المدرسه اما عذر طبي او استاذان يعني سددو وقاربوو
اشوف انه كذا افضل لك بدل ماتدفع رسوم جديده وعلى نفس المواد اتمنى لك التوفيق
مع ودي

aseel.w 2012- 12- 12 07:43 AM
رد: يا اخواني هل عذري كافي مشورتكم ورائيكم يهمني
 
.
.

انا رايي من رأي اخوي بقايا حلم :21:
غير مركز الاختبار وسافر للحفر قبل الاختبار بكم يوم واختبر وتوكل على الله ترا كلها اسبوعين ووانت مخلص
والاجازة ماخذها ماخذها سواء بالدمام او بالحفر ، بكذا انت تختبر وزوجتك تداوم

بالتوفيق للجميع :19:

شايب ومنتسب 2012- 12- 12 09:34 AM
رد: يا اخواني هل عذري كافي مشورتكم ورائيكم يهمني
 

السلام عليكم ورحمة الله وبركاته،،


ارى من وجهة نظري الشخصية ان الحل الافضل والايسر ان تستبدل مركز الاختبار للمنطقة التي ستقيم بها في تلك الفترة، حيث اعرف شخص اوكل في مهمة عمل خارج منطقة الرياض الى الشرقية واستبدل مركز الاختبار هناك. راجيا وداعيا الله عز وجل لنا ولك وللجميع التوفيق.

parliament 2012- 12- 12 10:03 AM
رد: يا اخواني هل عذري كافي مشورتكم ورائيكم يهمني
 
خلاص يااخي مدام زوجتك توظفتك امورك في السليم ليه تكمل دراسة:5:

N E X T 2012- 12- 12 10:45 AM
رد: يا اخواني هل عذري كافي مشورتكم ورائيكم يهمني
 
انقول انشاء الله امورك تبي تتسهل بأذن الله


مع التحيه

كولبهـــــآر 2012- 12- 12 02:57 PM
رد: يا اخواني هل عذري كافي مشورتكم ورائيكم يهمني
 
من رآيي
مآتعتذر ولأأ شئ ,, وإذآ في مجآل آمتحن ,, وإذآ مآكو سهله
جيب تقرير من آي مستشفى آنك تعبآآن وهيك ,, وبكذآ مآتروح عليك فلوسك
وتمتحنهم ع آلكورس آلجآآآآي

ولك آلقرآر خيووو ,, ومبروك وظيفه زوجتك
:16::16:

Richou x 2012- 12- 12 04:35 PM
رد: يا اخواني هل عذري كافي مشورتكم ورائيكم يهمني
 
الله يسر امورك

pizza 2012- 12- 12 04:49 PM
رد: يا اخواني هل عذري كافي مشورتكم ورائيكم يهمني
 
:21:

سعيدان و عليان 2012- 12- 12 05:01 PM
رد: يا اخواني هل عذري كافي مشورتكم ورائيكم يهمني
 
كان الله في عونك أبو شهود بس السؤال / هل محضر زين للأختبارات ولألأ ..

اذا كنت محضر للاختبارات طالب بتغير مركز الأختبار أما اذا كانت العكس ..

أتمنى وأطلب من الله أنه يقدر وضعك

موفق ياعزيزي

Abu ali55 2012- 12- 12 06:21 PM
رد: يا اخواني هل عذري كافي مشورتكم ورائيكم يهمني
 
اولاً دعواتي لك ان الله يسهل لك امورك

رأيي هو ليش ما تغير مركز الاختبارات الى منطقة حفر الباطن وتحاول تاخذ اجازه كم يوم من عملك قبل الاختبارات وتروح مره وحده تختبر هناك وتدبر امورك لأنه حرام يروح عليك الترم من دون اي فايده .

هذا رأيي وان شاء الله يفيدك

الــجــوري 2012- 12- 12 11:38 PM
رد: يا اخواني هل عذري كافي مشورتكم ورائيكم يهمني
 
يابن الحلال كلها اسبوعين وتعدي لاتفوت الاختبارات

تعال في نفس اليوم اختبر ورجع الحفر

اميرة بدلعي 2012- 12- 12 11:57 PM
رد: يا اخواني هل عذري كافي مشورتكم ورائيكم يهمني
 
مانقدر نفتي لك بس اتوقع بيقبلو وبذات الدكتور عبدالله الفريدان متعاون مع الطلاب
بس تقدر تكملها في الحفر اذا تبي لان اتوقع في مراكز اختبارات هناك

ام النوني 2012- 12- 13 12:36 AM
رد: يا اخواني هل عذري كافي مشورتكم ورائيكم يهمني
 
اقتباس:
المشاركة الأصلية كتبت بواسطة عبدالله الوهيبي (المشاركة 7696506)
كان الله في عونك أبو شهود بس السؤال / هل محضر زين للأختبارات ولألأ ..

اذا كنت محضر للاختبارات طالب بتغير مركز الأختبار أما اذا كانت العكس ..

أتمنى وأطلب من الله أنه يقدر وضعك

موفق ياعزيزي
احكم كلام و انسب حل و انا اقول كذا اذا مستعد غير مركز الاختبار و اذا لا ان شاء الله يقبلون عذرك و دراهمك تصير للترم الثاني و الله لايخسر عليك

گبرياء أنثے 2012- 12- 13 11:29 PM
رد: يا اخواني هل عذري كافي مشورتكم ورائيكم يهمني
 
حاول تغير مكان الاختبار يارب يسهل لك امورك:2:

aum jooood 2012- 12- 13 11:59 PM
رد: يا اخواني هل عذري كافي مشورتكم ورائيكم يهمني
 
مساء الخير على الجميع:16:
مع احترااامي لجميع اللي ردو بس مثل هالمواضيع حرام تلخبطون بعضكم على الفاضي وماعندكم خلفيه عن الموضوع اقصد ماجربتوا يعني الشخص نفسه بيتشتت
يقول ناقل من مدينه الى مدينه يعني حتى استقرار مافيه وين يذاكر ووين يدرس يالله بعمره ووضعه الجديد
على العموم اخوي انا ماحضرت الامتحان الترم اللي فات وبعد الامتحانات فتحت الايقونه وقدمت عذري وانا دافعه وخالصه وردو بقبول العذر وحطوا المواد اللي درستها اجباري الترم هذا واضفت لها مواد ودفعت الرسوم اللي زادت يعني مابياخذون عليك شي وعذرك واضح

شرقاويه كيوت 2012- 12- 14 12:00 AM
رد: يا اخواني هل عذري كافي مشورتكم ورائيكم يهمني
 
اذا ماقبلوا عذررك

في اكثر من حل

الاول انك تختبر بحفر الباطن

الثاني انك تحاول تجيب عذرر طبي

وقبل هذا كله كلم الفريدان او الشعيبي والافضل تكلم الشعيبي

لاني ماعتقد عذررك يسمحلك تغيب ممكن يغيرون مركز اختبارك

اتمنالك كل التوفيق


All times are GMT +3. الوقت الآن حسب توقيت السعودية: 02:13 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه