ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى المواضيع العامة (https://vb.ckfu.org/f3)
-   -   توتر و ازعاج الصباح (https://vb.ckfu.org/t379204.html)

zezzo 2012- 10- 9 08:14 AM
توتر و ازعاج الصباح
 
صباح الخير للجميع
في الخارج الناس تصحى على صوت عصافير وطيور وعندنا نصحى على صوت بوري سواق الباص المزعج ولا نصحى على صكصكة بيبان الجيران ! وفي طريق العمل تلقى الكثييير مايتقيد بنظام المرور وزحمة ووجية كنها رايحة تتعاقب وتتعذب!
وان وصلنا للعمل اشكالنا و وجيهنا كنا طالعين من سباق رالي !
والشي الشين اللي يخليك فعلا تكره الصبح اذا صار قدامك ونيت فيه عمال متحاشرين بالصندوق ومعهم سطل بوية رابطينه بسلم كنه يبي يطيح ولا رازين عوامه وسيارتهم مكربنه!؟
ودي افهم رزة العوامه يعني انهم ضد المويه؟
بصراحه المحظوظ من عاش برا الديرة يفتك من التوتر وهالمناظر الشينه؟
ودي اسمع صوت عصافير او طيور ماقدرت ! ماصرنا نسمعها الا بالتلفزيون !
ان سمعت صوت فهو حمامة تخربش بالدرايش وعليها صوت كنها غاصة بتمرة !
لا والشجر عندنا كله لونه بني غامق او فاتح الظاهر اللون الاخضر مايطلع عندنا!
بصراحة صارت حياتنا من سبة الصبح توتر وضغط وامراض نفسية

بيان باراس 2012- 10- 9 10:10 AM
رد: توتر و ازعاج الصباح
 
صباحك رضى :14:
...مو لـ هالدرجه الامور سيئه هنا ,
تبغى تقوم ع صوت عصافير؟
حط لهم اكل في الحوش او ع حافة الشباك اذا شقة وموية ..وابشر مايقصرون
كل يوم منزعجه من اصواتهم عصافير وحمام , وديك جيراننا من يطلع الصبح الى تغرب االشمس
تبغى نفسيتك حلوه قبل الدوام؟
بعد ماتصلي الفجر لا تنام , خذ لك كاس مويه و 7 تمرات و تفاحة..وكلوا وانت تراقب وتتأمل شروق الشمس والطيور
..لوصلت لدوامك ابتسم لزملاءك اللي كانهم من رايلي ..والقي السلام ع كل من تقابله
(لما كنت بالمدرسه اذكر ابوي الله يحفظه , وحنا بالسياره يوقف خصياصا لعامل نفايه ويلقي السلام عليه "ي كثر مايفرح" واي راجل يشوفه يلقي السلام عليه "كثير يستغربون بالبدايه وش ذا الراجل مايعرفنا وموقف خصيصا للسلام بس بعدين يبتسمون وتبان الفرحه ع وجيههم وتنقلب نفسيتهم لـ :21: )
..فغير وجيه زملاءك "الرايلي" بابتسامه وسلام وكن من داخلك مقتنع ان اليوم مميز وحافل بالنجاح اكثر من امس ..وتوقع و انتظر شي جميل يحصلك اليوم "لو بسيط مثلا اتصال من شخص غالي او خبر سعيد " ..وصدقني نظرتك لعيشتك وعملك هنا راح تتغير للافضل
لانها تعتمد عليك وفهمك لبيئتك وكيف تكيفك معها , الشخص الناجح يتكيف مع الظروف ويبدع ,
في الخارج الطبيعه اجمل والشعب واعي ومثقف اكثر ومايمنع انك تستمتع بعملك هنا
,
<< حددددي مروووقه ع هالصبح :14:
لا عدمنااك ,

ابغاء انجح 2012- 10- 9 10:14 AM
رد: توتر و ازعاج الصباح
 
:11:

آمير آلظلآم 2012- 10- 9 10:19 AM
رد: توتر و ازعاج الصباح
 
يا صباح الورد اخوي zezzo

ايه والله صدقت
أي صباح مع مدينة الرياض: زحمه، دخان سيارات، ازعاج، لا اخلاق لا سلام،

خليها على الله

تقبل مروري
:16:

Khaled.k 2012- 10- 9 11:25 AM
رد: توتر و ازعاج الصباح
 
كلامك صحيح
نخرج من بيوتنا كننا في سباق زحمة وأحياناً واحد يمسك
المسار ويمش كنا ماوراه أحد هذا اللي يرفع الضغط
لكن ما أقول بس الله يعين طرح جيد بارك الله فيك

المتلالئه 2012- 10- 10 01:01 AM
رد: توتر و ازعاج الصباح
 
الله يعين
كل الشكر لك أخوي..

wintr song 2012- 10- 10 11:54 PM
رد: توتر و ازعاج الصباح
 


:2:

zezzo 2012- 10- 11 08:07 AM
رد: توتر و ازعاج الصباح
 
اقتباس:
المشاركة الأصلية كتبت بواسطة حفيدة علي (المشاركة 7380238)
صباحك رضى :14:
...مو لـ هالدرجه الامور سيئه هنا ,
تبغى تقوم ع صوت عصافير؟
حط لهم اكل في الحوش او ع حافة الشباك اذا شقة وموية ..وابشر مايقصرون
كل يوم منزعجه من اصواتهم عصافير وحمام , وديك جيراننا من يطلع الصبح الى تغرب االشمس
تبغى نفسيتك حلوه قبل الدوام؟
بعد ماتصلي الفجر لا تنام , خذ لك كاس مويه و 7 تمرات و تفاحة..وكلوا وانت تراقب وتتأمل شروق الشمس والطيور
..لوصلت لدوامك ابتسم لزملاءك اللي كانهم من رايلي ..والقي السلام ع كل من تقابله
(لما كنت بالمدرسه اذكر ابوي الله يحفظه , وحنا بالسياره يوقف خصياصا لعامل نفايه ويلقي السلام عليه "ي كثر مايفرح" واي راجل يشوفه يلقي السلام عليه "كثير يستغربون بالبدايه وش ذا الراجل مايعرفنا وموقف خصيصا للسلام بس بعدين يبتسمون وتبان الفرحه ع وجيههم وتنقلب نفسيتهم لـ :21: )
..فغير وجيه زملاءك "الرايلي" بابتسامه وسلام وكن من داخلك مقتنع ان اليوم مميز وحافل بالنجاح اكثر من امس ..وتوقع و انتظر شي جميل يحصلك اليوم "لو بسيط مثلا اتصال من شخص غالي او خبر سعيد " ..وصدقني نظرتك لعيشتك وعملك هنا راح تتغير للافضل
لانها تعتمد عليك وفهمك لبيئتك وكيف تكيفك معها , الشخص الناجح يتكيف مع الظروف ويبدع ,
في الخارج الطبيعه اجمل والشعب واعي ومثقف اكثر ومايمنع انك تستمتع بعملك هنا
,
<< حددددي مروووقه ع هالصبح :14:

لا عدمنااك ,
صدقتي حفيدة علي لكن الشخص يتضايق من تكرار المنظر كل صباح
شكرا ع التعليق والنصيحه ,, تحياتي لك

zezzo 2012- 10- 11 08:09 AM
رد: توتر و ازعاج الصباح
 
اقتباس:
المشاركة الأصلية كتبت بواسطة ابغاء انجح (المشاركة 7380249)
:11:
شكرا لك ابغاء انجح
وان شاء الله نكون جميعا ناجحين

zezzo 2012- 10- 11 08:51 AM
رد: توتر و ازعاج الصباح
 
اقتباس:
المشاركة الأصلية كتبت بواسطة مسعود شراحيلي (المشاركة 7380260)
يا صباح الورد اخوي zezzo

ايه والله صدقت
أي صباح مع مدينة الرياض: زحمه، دخان سيارات، ازعاج، لا اخلاق لا سلام،

خليها على الله

تقبل مروري
:16:
اهلا اخوي مسعود صباح النور والسعاده
المشكله بعد اذا صار عملك بعيد
الرياض هالسنه زحمتها في زيادة غير طبيعيه
شكرا لك اخوي مسعود

zezzo 2012- 10- 11 08:54 AM
رد: توتر و ازعاج الصباح
 
اقتباس:
المشاركة الأصلية كتبت بواسطة ابوعبدالعزيز 20 (المشاركة 7380440)
كلامك صحيح

نخرج من بيوتنا كننا في سباق زحمة وأحياناً واحد يمسك
المسار ويمش كنا ماوراه أحد هذا اللي يرفع الضغط

لكن ما أقول بس الله يعين طرح جيد بارك الله فيك
اهلا ابو عبدالعزيز
ههههههههه تصدق اللي يمسك المسار ويمشي بمزاجه اكثر شي يوترني ويرفع ضغطي ع الصبح
شكرا لك ابو عبدالعزيز والله يعينا جميعا

zezzo 2012- 10- 11 08:57 AM
رد: توتر و ازعاج الصباح
 
اقتباس:
المشاركة الأصلية كتبت بواسطة المتلالئه (المشاركة 7384733)
الله يعين

كل الشكر لك أخوي..
اهلا متلالئة منتدانا
شكرا لك

zezzo 2012- 10- 11 08:59 AM
رد: توتر و ازعاج الصباح
 
اقتباس:
المشاركة الأصلية كتبت بواسطة wintr song (المشاركة 7391204)


:2:
شكرا لك wintr song

بنت صالح 2012- 10- 11 10:03 AM
رد: توتر و ازعاج الصباح
 
صباحكم يفوح وردا محفوف برحمة الرحمن وحفظه.
المتذمرون من الصباح بل من ما ينقص صباحهم من شقشقة عصافير الأشجار الوارفة
وهدوء الشوارع وقلة السيارات واتساع الشوارع وقلة صخبها وضجيجها وقرب
اماكن العمل ، الم تحمدوا الله على نعمة يفتقدها الاخرون!!!
نعم نصحوا على جميع ما ذكرتم ولكننا افضل ممن يصحون على
صوت المدافع والقنابل المدويه واصوات وصراخ واستغاثات
وأصوات سيارات الاسعاف والاطفاء
و جثث ملقاة هنا وهناك واشلاء متناثره ودخان وحرائق
وآخرى في منتهى الرعب
لا يعرفها الا الذين عاشوها.
اللهم ارفع عن كل مبتلى اللهم احقن الدماء وارحم العباد
وانزل الأمن والأمان في جميع الأوطان.
والآن هل ما زلتم متذمرون.
احمدوا الله وأشكروه يزدكم.

نور الأصيل 2012- 10- 11 11:27 AM
رد: توتر و ازعاج الصباح
 
[quote=بنت صالح;7392636]صباحكم يفوح وردا محفوف برحمة الرحمن وحفظه.
المتذمرون من الصباح بل من ما ينقص صباحهم من شقشقة عصافير الأشجار الوارفة
وهدوء الشوارع وقلة السيارات واتساع الشوارع وقلة صخبها وضجيجها وقرب
اماكن العمل ، الم تحمدوا الله على نعمة يفتقدها الاخرون!!!
نعم نصحوا على جميع ما ذكرتم ولكننا افضل ممن يصحون على
صوت المدافع والقنابل المدويه واصوات وصراخ واستغاثات
وأصوات سيارات الاسعاف والاطفاء
و جثث ملقاة هنا وهناك واشلاء متناثره ودخان وحرائق
وآخرى في منتهى الرعب
لا يعرفها الا الذين عاشوها.
اللهم ارفع عن كل مبتلى اللهم احقن الدماء وارحم العباد
وانزل الأمن والأمان في جميع الأوطان.
والآن هل ما زلتم متذمرون.
احمدوا الله وأشكروه يزدكم.

لافض فوكِ يا أختي ... فعلا كلامك صحيح 100 % .. رعب حقيقي مايفعله نشار واعوانه باخواننا ..رفع الله م بهم من ظلم وابدلهم امن وأمان .

وانت اخي الكريم صاحب الموضوع فيه مثل يقول كبرها تكبر وصغرها تصغر ...وهونها تهون ..يعي خاف ع نفسك م الضغط والسكري ..
عادي ..لازم تتأقلم ع شوراعنا وصباحنا... الخ متعك الله بالصحة ..

zezzo 2012- 10- 11 12:36 PM
رد: توتر و ازعاج الصباح
 
بنت صالح ونور الأصيل

شايفيني رامي فواكه ولا صحن مفطح بالشارع!
الحمدلله عدد ماخلق في السماء والأرض
انا الآن انتقد شوارعنا وطرقنا لوجود ميزانية سنويه توضع من الحكومه وماتغير شي في الشوارع والطرق حتى النجفات ماغيروها !
للآسف البعض حينما تقول له: ودي اتعشى في مطعم بالتحلية يرد عليك ويقول لك : حرام عليك اسراف وتبذير ليه ماتتعشى فول ومطبق !!ويقول لك انت ماتشوف المجاعة في التلفزيون !؟
نفتقد ثقافة الحوار ونستمتع بتحوير المواضيع ونتلذذ بجلد الذات !

شرقاويه كيوت 2012- 10- 12 02:27 AM
رد: توتر و ازعاج الصباح
 
وصف اليم هههه

أنا الصباح اكون رايقه وجوي حلو


هههههه بس الظهر اشوف اللي انت تشوفه ويمكن زود بعد

zezzo 2012- 10- 12 08:30 AM
رد: توتر و ازعاج الصباح
 
شرقاويه كيوت الله يعينا بس
على هالزحمه والمناظر اللي تفتح النفس
شكرا لك


All times are GMT +3. الوقت الآن حسب توقيت السعودية: 04:17 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه