ملتقى طلاب وطالبات جامعة الملك فيصل,جامعة الدمام
صفحة 1 من 5 1 2345
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية الآداب بالدمام (https://vb.ckfu.org/f63)
-   -   [ قسم التاريخ ] : نقطة تجمع بنات مستوى (5) تفضلوا ♥ (https://vb.ckfu.org/t364574.html)

M.JO 2012- 9- 1 08:50 PM
نقطة تجمع بنات مستوى (5) تفضلوا ♥
 

بسم الله الرحمن الرحيم
.
.
.
.

قرري من هذه اللحظة أن تكوني الأولى على دفعتك.. بل أن تكوني دكتورة.. أنتي تقدرين بإذن الله.. استعني بالله ولا تعجزي .


كل عام أنتم بألف خيير حبايبي :106: .. وسنة جديدة كلها تفائل , أن شاء الله تكون خفيفة علينا .

آمل أن نحقق نجاحات بالسنة هاذي .. كل سنة وأحنا نقول راح نشد حيلنا, لية ماراح تكون السنة هاذي .

أترك لكم الموضوع > ناقشو فيه بأي شي تبونه , جداول - دكاترة - محاضرات - واجبات دروس بحوث - أي شي يخص مستوانا الجميل :biggrin:

وأكييد راح نكون موجودين لمساعدتكم :(204):

( :106: good luck for u )

بداية مشرقة لسنة جديدة، أنت تصنع التاريخ حقاً، لا تظن أن صناعة التاريخ خاصة بالعظماء؛ كل إنسان هو صانع لتاريخه وهو مبدع وناجح إذا أحب!

ملاحظة : ( هذا حسابي على التويتر JOJ_66@ ) أتشرف فيكم .

وينها عيونك 2012- 9- 2 12:19 AM
رد: نقطة تجمع بنات مستوى (5) تفضلوا ♥
 
أهلن أهلن :rose:

بأذن الله تكون سنة خير يارب
ونعرف معدلاتنا

اتمنى يكون في تفاااااااااااااااااااااااااااااااااااااااااااااااا ااااااااااااااااااااعل :Cry111:

ماروكو الصغيرة 2012- 9- 2 01:27 AM
رد: نقطة تجمع بنات مستوى (5) تفضلوا ♥
 
بنات مستوانا متى بتداومون !:cool:

ro7y 2012- 9- 2 08:50 AM
رد: نقطة تجمع بنات مستوى (5) تفضلوا ♥
 
:106::106:
مرحبآ جميعآ

حبيت هالموضوع جدا لآن مممافي ولا موضوع لقسم التاريخ
محد يتكلم عنه الا كم وحده مافي اي تفاعل زي الاقسام الثانيه بليزز صحصحوا :mh001:

صح انا توني مستوى ثالث بس عرفت هالشي ودي استفيد بس مافي اي شي عنه
كيف رح نعرف وبنات هالقسم ساكتين

وانا عارففه لو سويت موضوع
محد رح يتفاعل معي الا كم وحده وعمر الاستفاده ماكانت من بنتين او ثلاث
لازم بنات القسم كله يتكلم وتقولون وش رايكم وش جربتوا وش وش وش ؟؟؟

القسم اي مبنى ؟؟
كيف الانضباط فيه ؟؟

او اي استفسسار ثاني ,,

لو اي احد مثلي يقول ع شان اسوي موضوع يخصنا احنا مستوى ثالث ونتفق متى نداوم وكيف تنسيق محاضراتنا نبي نكون يد وحده ونتساعد لو قعدنا كذا محد استفاد من احد

بليـزز عطونا وجهه بالذات الي مثلي الي مايعرف اي شي عن هالقسم
واكيد الي مثلي كثير

وشكرا :rose::biggrin:

she5ah 2012- 9- 2 09:29 AM
رد: نقطة تجمع بنات مستوى (5) تفضلوا ♥
 
M.JO

عودة حميدة .. وسنه جديده ان شاء الله تكون سنه تفوق ونجاح

وأثني على كلآمـك وتحفيزكـ .. :rose:



..

ro7y

أختي قسمنآ رآئع ودكآترتنآ على مستوى بس اللي ينقصنآ التجمع على البيئة الإلكترونية

كلن وظروفه ..


وبالنسبة لأسئلتكـ ..

القسم اي مبنى ؟؟
في مبنى 56 و64 في اعلى طابق ..
وأطمنك يعتبر قسمنا من أنظف الأقسآم رآح تكوني مرتآحه نفسيا عكس بعض الأقسآم :(177):

كيف الانضباط فيه ؟؟
الانظبآط مطلوب واحترامك لنفسك يجبر حتى الدكاتره تحترم حضورك .. الأدب والنقاش الهادف شي أساسي .. والأنظبآط في اللباس جزء من شخصيه كل طالبه ومصدر لحكم الأخرين عليك حتى لا تعرضي نفسك لكلام الأمن تقيدي باللبس الغير منافي للأنظمة ..

وبالنسبة للأسبوع الأول رآح يكون الدوام يوم السبت القآدم وطبعا المستجدات رآح يعرفونهم بالقسم والمقررات وراح تتولعون في التاريخ من شرح بعض الدكاتره أمثال د. مليحه الزهراني ود. منيرة الهمشري ود. سامية عامر والأستآذة : م. أريج الراجحي

وأي شي أنا حاضره للمستجدات في قسمنا الجممميل :060:

وراجعو لوحة الإعلانات تبع القسم أهم شي ..

برآطم كآروهآت 2012- 9- 2 10:18 AM
رد: نقطة تجمع بنات مستوى (5) تفضلوا ♥
 
بنات بسال ممن بيدرس الحروب الصليبية .؟ :sm18:

she5ah 2012- 9- 2 11:24 AM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة برآطم كآروهآت (المشاركة 7141304)
بنات بسال ممن بيدرس الحروب الصليبية .؟ :sm18:

يارب دكتوره مو دكتور تعقدت من محاضرات الشبكات :139:

M.JO 2012- 9- 2 12:20 PM
رد: نقطة تجمع بنات مستوى (5) تفضلوا ♥
 
تسلمووون بنات .. أتمنى يكون فية تفاعل

ro7y
ماقصرت she5ah ردت على أسئلتك أشكرها .. وأنا أنصحك تفتحون موضوع لمستواكم في البداية ماراح يكون فية تفاعل طبيعي جداً .. بس يكون لكم مكان تتجمعون فية رااح تستفدون منه كثيير :(204):

M.JO 2012- 9- 2 12:26 PM
رد: نقطة تجمع بنات مستوى (5) تفضلوا ♥
 
تاريخ الدولة الأموية - تاريخ الحروب الصليبية - تاريخ الأيوبين والمماليك - حركة الاستشراق - تاريخ الخليج العربي في العصر الاسلامي - المدينة الاسلامية - تاريخ اليونان والرومان .

هاذي المواد اللي أخذتها هالسمستر ودي أعرف مين اللي يدرسها ؟؟؟؟؟

برآطم كآروهآت 2012- 9- 2 12:29 PM
رد: نقطة تجمع بنات مستوى (5) تفضلوا ♥
 
راح يكون مكتوب ف الجدول اللي معلق بـ لوحة الاعلاناات ,,

ياليت الي شافت تقول لنآ من يدرسهـآ ,,

اتمنى سامية عامر :119: كانت كويسسة جدآ معنآ ف اوربآ الوسطى :sm5:

جامعة الاداب 2012- 9- 2 04:26 PM
رد: نقطة تجمع بنات مستوى (5) تفضلوا ♥
 
بنااااااات انا اخذت الجدول واسماء الدكاتره
المدينه الاسلاميه عند هدى حسن
وايوبين ومماليك عند سلوى
الخليج العربي في العصر الاسلامي عند فوزيه
حروب صليبيه عند ساميه العامر

بلييييز افيدوني بالدكاتره كيف طريقتهم ويساعدون ولا لا ؟؟

she5ah 2012- 9- 2 05:04 PM
رد: نقطة تجمع بنات مستوى (5) تفضلوا ♥
 
m.jo
العفوو خيتوو ..

جامعه الآدآب

د. سآميه عامر عسل ومحاضرتها ممتعه جدآ ..

M.JO 2012- 9- 2 05:08 PM
رد: نقطة تجمع بنات مستوى (5) تفضلوا ♥
 
سامية عااامر لاااااااااا :139: درستني اوربا > هو صح شرحها حلو

بس كررف طوول الترم واجبات الى الليل واختبارات وتقوم تسألنا بنص المحاضرة بالاسماء وأوراق عمل واختبارات شفوية

وكنت شاده حيلي وآخر شي انصدمت ب d :bawling:

she5ah 2012- 9- 2 05:27 PM
رد: نقطة تجمع بنات مستوى (5) تفضلوا ♥
 
تدرون بنآت خآطري في فكره ..

نفسي ننفذها ..

نسوي ملف لملخصات للمستوى الخامس ..

لو كل آخر محاضره يجتمعون البنات اللي لحقو يكتبون شي من شرح الدكتورة والنقآط الأساسية

وتنحفظ في ملف او تكتب في هذا الموضوع .. لكآن وضعنا اختلف ..

بصراحه معدلي مو عاجبني أبدا وابي السنه هاذي غير ..

ولظروفي الخاصة ما أقدر أتواجد في المنتدى دائما ..

فحابه أطرح الفكره على أرض الواقع انو يكون فيه ملف مشترك لكل مادة تستلمه طالبه من الطالبات ..
مثلا أنا بكون مسؤولة عن مادة الحروب الصليبيه و فلانه مسؤولة عن الأيوبيين والمماليك .. الخ بس الشغل راح يكون جماعي ..

نجمع فيه التلخيصات لما يذكر في المحاضرة والنقآط الأساسية والمعلومات المهمه وفي نهايه كل شهر يصور ويوزع على الطالبات اللي شاركو في الفكره ..


جامعة الاداب 2012- 9- 2 09:12 PM
رد: نقطة تجمع بنات مستوى (5) تفضلوا ♥
 
حبيبتي she5ah فكرتك جدا ناجحه انا بكون معاك وان شاء الله نقدر نكتب ورى الدكاتره اوك انا بختار الدوله الامويه وان شا الله راح انزل كل شي اقدر عليه :rose::rose:

جامعة الاداب 2012- 9- 2 09:18 PM
رد: نقطة تجمع بنات مستوى (5) تفضلوا ♥
 
بنااات المحاضرات متى تبدأ بكره ولا الاسبوع الجاي :(107)::(107):

وينها عيونك 2012- 9- 3 04:03 AM
رد: نقطة تجمع بنات مستوى (5) تفضلوا ♥
 
حبيبتي جآمعة الآداب ،، تاريخ الخليج العربي الإسلامي كل الأيام تدررسهم فوزيه العمري!

طيب وحركة الاستشراق مين يدرسها ؟

أما بالنسبه لماددة اليونان والرومان ف تدرسها منيره الهمشري

شكرا على التفاعل

أما بالنسبه لفكرتك ي شيخه فهي ممتازه أضيف لها نقطه ،، مثلا اللي كتبت مع الدكتور الفصل الأول ولخصته تروح لمكتبة فجر وتصوره نسخه وحده. وتخليه عنده ؤحنا نأخذه من هناك لأن بالمنتدى كثير عجزانين يكتبون ؤحنا نبي الملخص بالتفصيل

الله يوفقنا يا رب

وينها عيونك 2012- 9- 3 04:07 AM
رد: نقطة تجمع بنات مستوى (5) تفضلوا ?
 
اقتباس:
المشاركة الأصلية كتبت بواسطة جامعة الاداب (المشاركة 7143289)
بنااااااات انا اخذت الجدول واسماء الدكاتره
المدينه الاسلاميه عند هدى حسن
وايوبين ومماليك عند سلوى
الخليج العربي في العصر الاسلامي عند فوزيه
حروب صليبيه عند ساميه العامر

بلييييز افيدوني بالدكاتره كيف طريقتهم ويساعدون ولا لا ؟؟
هدئ حسن كثير يمدحونها

سلوئ يمدحونها بس يقولون أسئلتها دقيقه

فوزيه ممتازه

ساميه يمدحونها بس حقت كرف

ro7y 2012- 9- 3 12:10 PM
رد: نقطة تجمع بنات مستوى (5) تفضلوا ♥
 
شكرا لكل ممن رد علي
وبأذن الله رح اسوي موضوع خاص فينا واتممممنننننننى من كل قلبي يكون فيه تفاعل

ro7y 2012- 9- 3 12:13 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة she5ah (المشاركة 7141092)
m.jo


عودة حميدة .. وسنه جديده ان شاء الله تكون سنه تفوق ونجاح

وأثني على كلآمـك وتحفيزكـ .. :rose:



..

ro7y

أختي قسمنآ رآئع ودكآترتنآ على مستوى بس اللي ينقصنآ التجمع على البيئة الإلكترونية

كلن وظروفه ..


وبالنسبة لأسئلتكـ ..

القسم اي مبنى ؟؟
في مبنى 56 و64 في اعلى طابق ..
وأطمنك يعتبر قسمنا من أنظف الأقسآم رآح تكوني مرتآحه نفسيا عكس بعض الأقسآم :(177):

كيف الانضباط فيه ؟؟
الانظبآط مطلوب واحترامك لنفسك يجبر حتى الدكاتره تحترم حضورك .. الأدب والنقاش الهادف شي أساسي .. والأنظبآط في اللباس جزء من شخصيه كل طالبه ومصدر لحكم الأخرين عليك حتى لا تعرضي نفسك لكلام الأمن تقيدي باللبس الغير منافي للأنظمة ..

وبالنسبة للأسبوع الأول رآح يكون الدوام يوم السبت القآدم وطبعا المستجدات رآح يعرفونهم بالقسم والمقررات وراح تتولعون في التاريخ من شرح بعض الدكاتره أمثال د. مليحه الزهراني ود. منيرة الهمشري ود. سامية عامر والأستآذة : م. أريج الراجحي

وأي شي أنا حاضره للمستجدات في قسمنا الجممميل :060:


وراجعو لوحة الإعلانات تبع القسم أهم شي ..

شيخه يعطيك العافيه يارب ومنها للاعلى يآآآآرب ويمكن اتعبك معي بس العذر والسموحه :106:

M.JO 2012- 9- 3 02:45 PM
رد: نقطة تجمع بنات مستوى (5) تفضلوا ♥
 
she5ah فكرة مرره روعه :d5: بس نادر الدكاترة أنهم يكتبون كله شرح بالكلام وأحيان مايمدينا نكتب معة

اللي أقدر علية راح أسوية أن شاء الله :biggrin:

آنـــآ 2012- 9- 3 02:47 PM
رد: نقطة تجمع بنات مستوى (5) تفضلوا ♥
 
حلو الموضوع:rose:
ان شاء الله نفيد ونستفيد :biggrin:

M.JO 2012- 9- 3 02:47 PM
رد: نقطة تجمع بنات مستوى (5) تفضلوا ♥
 
بنات أيش السالفة مسكرين الشعب جدولي أخترب كلة مسكرين الشعب اللي أخترتها شسوووي :Cry111:

she5ah 2012- 9- 3 04:34 PM
رد: نقطة تجمع بنات مستوى (5) تفضلوا ♥
 

ربي يوفق الجميع لما فيه خير وصلاح ..


ويآرب هآذي السنه يكون فيها الكل رآضي ..

وبالنسبة للفكره اللي طرحتها راح أتكلم عنها في بدايه كل محاضره من محاضراتي واتمنى الكل نفس جدولي :biggrin:
http://store2.up-00.com/Sep12/HFK78934.jpg

وراح اتفق مع اللي حابين يشاركون ..

ونظرا لظروفي ما أقدر أتواجد بشكل دائم في المنتدى ..

رآح التقي فيكم في أروقة قسمنآ :004:

she5ah 2012- 9- 3 04:36 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة m.jo (المشاركة 7151642)
بنات أيش السالفة مسكرين الشعب جدولي أخترب كلة مسكرين الشعب اللي أخترتها شسوووي :cry111:

ليش انتي مآسويتي تأكيد لتسجيلك ؟؟!!

M.JO 2012- 9- 3 07:41 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة she5ah (المشاركة 7152252)
ليش انتي مآسويتي تأكيد لتسجيلك ؟؟!!
انا فهمت العكس .. ضبط معاي الحمدالله :(204):

وينها عيونك 2012- 9- 4 01:43 AM
رد: نقطة تجمع بنات مستوى (5) تفضلوا ♥
 
بنات حركة الاستشراق مين الدكأتره اللي يدرسسون ؟؟؟؟

M.JO 2012- 9- 6 06:04 PM
رد: نقطة تجمع بنات مستوى (5) تفضلوا ♥
 
مساء الخير بنات :004:

حبيت أسأل عن أماكن القاعات أقدر احصل عليها بدون ما أروح الكلية .. أحتمال ماأداوم الاسبوع الجاي !!

she5ah 2012- 9- 8 05:00 PM
رد: نقطة تجمع بنات مستوى (5) تفضلوا ♥
 
آمآكن القاعاآت اللي خذيتها اليوم

تاريخ الحروب الصليبية
CRN:1901
د. سامية عمر
اليوم : الأثنين الساعة : 8:00
..

الحضارة الإسلامية
CRN:3695
د. سامية عامر
يوم الأثنين الساعة : 12:00
..

تاريخ الأيوبيين والمماليك
CRN: 1916
د. سلوى
يوم الثلثاء الساعة: 8:00
..

النظام الإقنصادي في الاسلام
CRN:3158
د. صالحه الوداعي
يوم الثلثاء الساعة : 10:00

بالتوفيق ..:rose:

مهاا 2012- 9- 8 06:28 PM
رد: نقطة تجمع بنات مستوى (5) تفضلوا ♥
 
يابنات
انا داومت اليوم وماحصلت ولا مكان محاضره اصلا قسمنا فاضي غير كذا حاطين القاعات تبع مستوا 3 بسسس
وش سالفه وين اقدر احصل اماكن المحضرات وفي احد حضر شي اليوم66

she5ah 2012- 9- 8 09:33 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة مهاا (المشاركة 7189840)
يابنات
انا داومت اليوم وماحصلت ولا مكان محاضره اصلا قسمنا فاضي غير كذا حاطين القاعات تبع مستوا 3 بسسس
وش سالفه وين اقدر احصل اماكن المحضرات وفي احد حضر شي اليوم66

لا فيه محاضرات .. بس يمكن في المدرجات ..

وبعدين اماكن القاعات في لوحه الاعلانات القريبه من كنترول القسم ..

وبالتوفيق ..

ro7y 2012- 9- 8 10:32 PM
رد: نقطة تجمع بنات مستوى (5) تفضلوا ♥
 
^ مدخل الى التاريخ
crn:1850
من 8 الى 10

^جغرافيا العالم
crn:2200
من 12 الى 2

^ تاريخ الجزيره العربيه القديم
crn:1865
من 10 الى 12

:Looking_anim:ممكن احد يقولي هذي وين مكانها
لها دعوه من قلبي :004:

آنـــآ 2012- 9- 9 04:26 PM
رد: نقطة تجمع بنات مستوى (5) تفضلوا ♥
 
حركه الاستشراق
( 1919 ) من 12 الى 1:40
يوم الاحد

الي تعرف وين مكاان القاعه تقولي
رحت اليوم (2 - 14 ) مبنى ( 65 ) على اساس هناك لقيت محاضره ثانيه
الله يعافيكم الي تعرف وين تقولي :icon9:

she5ah 2012- 9- 9 04:35 PM
رد: نقطة تجمع بنات مستوى (5) تفضلوا ♥
 
اذا دكتور أكيد في المدرجات



وبعدين اذا ما لقيتي مكان المحاضره على طول روحي للكنترول


:rose:

M.JO 2012- 9- 9 07:52 PM
رد: نقطة تجمع بنات مستوى (5) تفضلوا ♥
 
مساء الخير ..

بنات اليوم أيش أخذتو مع سامية عامر الحروب الصليبية .. تأخرت على المحاضرة ولا قدرت أدخل :139:

وحركة الاستشراق بعد أخذتوا شي يوم الاحد الساعة 12 ؟؟؟؟؟؟

M.JO 2012- 9- 9 07:54 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة آنـــآ (المشاركة 7197146)
حركه الاستشراق
( 1919 ) من 12 الى 1:40
يوم الاحد

الي تعرف وين مكاان القاعه تقولي
رحت اليوم (2 - 14 ) مبنى ( 65 ) على اساس هناك لقيت محاضره ثانيه
الله يعافيكم الي تعرف وين تقولي :icon9:

حبيبتي هو مدرج 2-14 مبنى (68)

انا للوفا عنوان 2012- 9- 9 08:41 PM
رد: نقطة تجمع بنات مستوى (5) تفضلوا ♥
 
السلام عليكم

بنات اللي حضروا اليوم تاريخ العثمانيه وش صار شرح محاضره ؟؟ اخذوا حضور ولا لا

وشكرا

M.JO 2012- 9- 10 02:16 PM
رد: نقطة تجمع بنات مستوى (5) تفضلوا ♥
 
مرحبا بنات

اليوم أيش أخذتوا مع د\ محمد الشحري الدولة الاموية ؟؟؟؟

شكرآ :106:

آنـــآ 2012- 9- 10 06:14 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة M.JO (المشاركة 7204757)
مرحبا بنات

اليوم أيش أخذتوا مع د\ محمد الشحري الدولة الاموية ؟؟؟؟

شكرآ :106:

اول ششي تغير مكان القاعه ( 2_ 15 ) ( 68 )

وقسم الدرجات
و عطانا اسم الكتاب { العالم الإسلامي في العصر الأموي } (عبد الشافي محمد عبد اللطيف )
وشرح بالمحاضره وكل بدايه محاضره بسأل
وبس :biggrin::004:

جامعة الاداب 2012- 9- 10 08:46 PM
رد: نقطة تجمع بنات مستوى (5) تفضلوا ♥
 
حبيبتي انا

متاكده ان الدكتور قال ان بدايه كل محاضره بيسال ؟؟

لاااااحول ليش تغير اسلوبه انا درست عنده خلفاء الراشدين وما كان يسال كانت المشرفه تسالنا عن المحاضره السابقه وبعد المحاضره الاساسيه تسالنا ؟؟بصراحه كذا اسلوب حلو واسهل

يلا الله يعين

M.JO 2012- 9- 10 10:13 PM
رد: نقطة تجمع بنات مستوى (5) تفضلوا ♥
 
آنـــآ مشكووورة حبيبتي :004:

ليش يسأل ؟؟ مو حلو :139: الله يعين

آنـــآ 2012- 9- 10 10:23 PM
رد: نقطة تجمع بنات مستوى (5) تفضلوا ♥
 
كانت تسال مشرفه بالخلفاء الحين مافيه
صار هو يسال يب مرا ماله داعي وبالمحاضره بعد يقوم بالأسماء يسال :biggrin::bawling:

وينها عيونك 2012- 9- 11 12:57 AM
رد: نقطة تجمع بنات مستوى (5) تفضلوا ♥
 
حركة الاستشراق الساعه 12 يوم الاحد


صار مكانها 68.. 1 /11

آنـــآ 2012- 9- 11 10:33 AM
رد: نقطة تجمع بنات مستوى (5) تفضلوا ♥
 
بنات ابي اسأل
اقدر احذف ماده الحين !!

she5ah 2012- 9- 11 10:55 AM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة آنـــآ (المشاركة 7211833)
بنات ابي اسأل
اقدر احذف ماده الحين !!

أسألي القسم ..

وأتوقع تقفل امس التعديل :rose:

بالتوفيق ..

she5ah 2012- 9- 11 11:01 AM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة M.JO (المشاركة 7198505)
مساء الخير ..

بنات اليوم أيش أخذتو مع سامية عامر الحروب الصليبية .. تأخرت على المحاضرة ولا قدرت أدخل :139:

وحركة الاستشراق بعد أخذتوا شي يوم الاحد الساعة 12 ؟؟؟؟؟؟

يآسلام أنتي معي :004:


وبالنسبة للمحاضرة كانت مرا ممتعه فآتتك

وأعطتنا تكليف اللي هو حفظ المحاضره اللي فاتت لأنو بتمتحن بنات شفوي


وأسم الكتاب المقرر الحركه الصليبية للدكتور سعيد عاشور جزئين من "مكتبه المتنبي"
وأيضا نبهت للدفتر الكبير لازم يكون معك

والمحاضرة كانت من ص 21 الى ص 42

وبالتوفيق ..:rose:

she5ah 2012- 9- 11 11:09 AM
رد: نقطة تجمع بنات مستوى (5) تفضلوا ♥
 
محاضرة الحضارة الإسلامية

يوم الأثنين الساعة 2:00
الدكتورة : سامية عامر

الكتاب المقرر : فضل العلماء المسلمين على الحضارة الأوروبية / د. عز الدين فراج
وملزمه راح تنزلها الدكتوره في التصوير تشتمل على موضوع الفن الاسلامي .

والمحاضرة كانت مختصره وشامله ومقدمه للمنهج .. وكالعاده كانت الدكتورة ساميه عامر ممتعه والوقت يممررر بسرعه ..

وبالتوفيق :rose:

she5ah 2012- 9- 11 11:21 AM
رد: نقطة تجمع بنات مستوى (5) تفضلوا ♥
 
محاضرة الأيوبين والمماليك

اليوم : الثلثاء
الوقت : 8:00
الدكتورة : سلوى السليمان

الكتاب المقرر : مصر والشام في عصر الأيوبيين والمماليك " مجلد أخضر " د. سعيد عبد الفتاح عاشور
أيضا متواجد في مكتبه المتنبي .

تقسيم الدرجات : 50 نهائي - 50 أعمال سنه ( امتحان ميد تيريم 30 أو 25 على حسب اتفاق الدكاتره + واجبات ومقالات + واجبات )

ولأول مره تدرسنا الدكتورة سلوى وبصراحه بدايه موفقه بإذن الله

أسلوبها سلس مبسط ما تحب تدخل في التفاصيل كثير وتعطيك المعلومه على طبق من ذهب

وبدت معنا من جديد تخيلو أعطتنا مقدمه من بدايه الدوله العباسيه الأولى والثانيه وتكلمت أيضا عن السلاجقة ونقدت الخطه الجديده بما أنها ملخبطه معطيننا هذه الماده والمفروض نخلص قبلها مواد مثل الأمويه والعباسيه الأولى والثانيه والحروب الصليبيه لأن هذه المواد تعتبر أساس للأيوبيين والمماليك ..

والمحاضره كانت ممتعه جدا


وأعطتنا واجب :

أقري موضوع الوحشه "التي بين نور الدين زنكي وصلاح الدين " الموجود في الكتاب المقرر .. مع الرد على ذلك من رأيك الشخصي هل تؤيدين ما قاله الكاتب او لا ..

M.JO 2012- 9- 11 12:53 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة she5ah (المشاركة 7211951)
يآسلام أنتي معي :004:


وبالنسبة للمحاضرة كانت مرا ممتعه فآتتك

وأعطتنا تكليف اللي هو حفظ المحاضره اللي فاتت لأنو بتمتحن بنات شفوي


وأسم الكتاب المقرر الحركه الصليبية للدكتور سعيد عاشور جزئين من "مكتبه المتنبي"
وأيضا نبهت للدفتر الكبير لازم يكون معك

والمحاضرة كانت من ص 21 الى ص 42

وبالتوفيق ..:rose:

والله معك كويسسس :cheese:

من أول محاضرة تسأل شفوي :icon9:

وذا ماشريت الكتاب شسوي :139:

مشكورة شيووخ حبيبتي :004:

she5ah 2012- 9- 11 12:56 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة M.JO (المشاركة 7212424)
والله معك كويسسس :cheese:

من أول محاضرة تسأل شفوي :icon9:

وذا ماشريت الكتاب شسوي :139:

مشكورة شيووخ حبيبتي :004:

أشتري الكتاب وذاكري من أولها كسسل :mad:

العفوو خيتوو :004:

M.JO 2012- 9- 11 12:56 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة she5ah (المشاركة 7212041)
محاضرة الأيوبين والمماليك

اليوم : الثلثاء
الوقت : 8:00
الدكتورة : سلوى السليمان

الكتاب المقرر : مصر والشام في عصر الأيوبيين والمماليك " مجلد أخضر " د. سعيد عبد الفتاح عاشور
أيضا متواجد في مكتبه المتنبي .

تقسيم الدرجات : 50 نهائي - 50 أعمال سنه ( امتحان ميد تيريم 30 أو 25 على حسب اتفاق الدكاتره + واجبات ومقالات + واجبات )

ولأول مره تدرسنا الدكتورة سلوى وبصراحه بدايه موفقه بإذن الله

أسلوبها سلس مبسط ما تحب تدخل في التفاصيل كثير وتعطيك المعلومه على طبق من ذهب

وبدت معنا من جديد تخيلو أعطتنا مقدمه من بدايه الدوله العباسيه الأولى والثانيه وتكلمت أيضا عن السلاجقة ونقدت الخطه الجديده بما أنها ملخبطه معطيننا هذه الماده والمفروض نخلص قبلها مواد مثل الأمويه والعباسيه الأولى والثانيه والحروب الصليبيه لأن هذه المواد تعتبر أساس للأيوبيين والمماليك ..

والمحاضره كانت ممتعه جدا


وأعطتنا واجب :

أقري موضوع الوحشه "التي بين نور الدين زنكي وصلاح الدين " الموجود في الكتاب المقرر .. مع الرد على ذلك من رأيك الشخصي هل تؤيدين ما قاله الكاتب او لا ..

وأنا معك بعد بذي المحاضرة :biggrin::biggrin:

o may gad كل هاذا فاتني :bawling:

شيوخ أخذوا حضور وغياب ؟؟؟؟؟

ومشكووره ياقلبي:004:

she5ah 2012- 9- 11 12:59 PM
رد: نقطة تجمع بنات مستوى (5) تفضلوا ♥
 
أكيد يآحلوووه كل المحاضرات من يوم السبت خذوو حضور وغياب


الا أنتي شفيك غايبه سلامات .. ولا لسى ما خلصت اجازتك :biggrin:

M.JO 2012- 9- 11 01:02 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة she5ah (المشاركة 7212461)
أكيد يآحلوووه كل المحاضرات من يوم السبت خذوو حضور وغياب


الا أنتي شفيك غايبه سلامات .. ولا لسى ما خلصت اجازتك :biggrin:
الله يسلممك حبيبتي
لاا أنا داومت الاحد والاثنين .. السبت والاربعاء أوف .. بس اليوم غايبة :cheese: كله مقدمات

M.JO 2012- 9- 11 01:05 PM
رد: نقطة تجمع بنات مستوى (5) تفضلوا ♥
 
she5ah عندي فكككرة عشان نرفع درجاتنا ونجيب معدل روووعه

نتنافس أنا وياك :oao: اللي يجيب درجات أعلى فهمتي تحدي يعني

شراااااااااااايك :lllolll:

she5ah 2012- 9- 11 01:05 PM
رد: نقطة تجمع بنات مستوى (5) تفضلوا ♥
 
اجل اول محاضره تجمعنا :060: اللي هي حروب صليبيه يوم الأثنين ..

الأحد عندي آوف ..

ويارب تقومك تسألك اول وحده :biggrin:

she5ah 2012- 9- 11 01:07 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة M.JO (المشاركة 7212490)
she5ah عندي فكككرة عشان نرفع درجاتنا ونجيب معدل روووعه

نتنافس أنا وياك :oao: اللي يجيب درجات أعلى فهمتي تحدي يعني

شراااااااااااايك :lllolll:

قدااااااااااام :biggrin:

فكره بطلةة


من الحين بفوز عليك :(284):

she5ah 2012- 9- 11 01:08 PM
رد: نقطة تجمع بنات مستوى (5) تفضلوا ♥
 
بــرب السواق جآ :mad:

M.JO 2012- 9- 11 01:08 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة she5ah (المشاركة 7212493)
اجل اول محاضره تجمعنا :060: اللي هي حروب صليبيه يوم الأثنين ..

الأحد عندي آوف ..

ويارب تقومك تسألك اول وحده :biggrin:

حبيبتي الحروب الصليبية أنا يوم الاحد أول محاضرة

الايوبيين والمماليك اللي يوم الثلاثاء س 8 نلتقي :oao:

M.JO 2012- 9- 11 01:16 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة she5ah (المشاركة 7212503)

قدااااااااااام :biggrin:

فكره بطلةة


من الحين بفوز عليك :(284):
لا حبيبتي يا أنا اللي بفووز أو يصير تعادل >> وااااااااثقة :lllolll:

يبدا التحدي من اليوووووم :53:


والله المووووفق :106:

نودآ 2012- 9- 11 07:13 PM
رد: نقطة تجمع بنات مستوى (5) تفضلوا ♥
 



أوقاتكُم عسل يا عسولات :004::biggrin:

حبيباتي إنتوا , إذا مُمكن إسم كتاب المدينة الإسلامية ..

و إيش أخذتوا في المحاضرة اليوم الصبح ؟؟
و مين كانت الدكتورة :biggrin:

M.JO 2012- 9- 11 08:17 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة نودآ (المشاركة 7214572)



أوقاتكُم عسل يا عسولات :004::biggrin:

حبيباتي إنتوا , إذا مُمكن إسم كتاب المدينة الإسلامية ..

و إيش أخذتوا في المحاضرة اليوم الصبح ؟؟
و مين كانت الدكتورة :biggrin:
اهلللين نودا منووورة :004:

والله أجل أنتي معنا :cheese:

والله ياحبيبتي ماحضرت اليوم :139:

ان شاء الله البنات يفيدونك

وينها عيونك 2012- 9- 11 09:12 PM
رد: نقطة تجمع بنات مستوى (5) تفضلوا ♥
 
اسم الكتاب

المدينه الإسلاميه / محمد عبدالستار عثمان

أبي اسم كتاب حركة الاستشراق
والحضاره الإسلاميه
وتاريخ الخليج في العصر الإسلامي

وينها عيونك 2012- 9- 13 02:45 AM
رد: نقطة تجمع بنات مستوى (5) تفضلوا ♥
 
يعني ؤلا وحده تعرف أسماء الكتب ؟

طيب الضروري منها كتاب الخليج في العصر الإسلامي

حركة الاستشراق


وين التعاون اللي تتكلمون عنه !!!!!

she5ah 2012- 9- 14 01:47 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة وينها عيونك (المشاركة 7223753)
يعني ؤلا وحده تعرف أسماء الكتب ؟

طيب الضروري منها كتاب الخليج في العصر الإسلامي

حركة الاستشراق


وين التعاون اللي تتكلمون عنه !!!!!

مو مسجله هذه الموآد

لو آعرف أفدتكـ ..

:rose:

M.JO 2012- 9- 14 02:05 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة وينها عيونك (المشاركة 7223753)
يعني ؤلا وحده تعرف أسماء الكتب ؟

طيب الضروري منها كتاب الخليج في العصر الإسلامي

حركة الاستشراق


وين التعاون اللي تتكلمون عنه !!!!!

أنا ماداومت لسى :(177):

لو أعرف أفدتك :106:

نودآ 2012- 9- 14 03:00 PM
رد: نقطة تجمع بنات مستوى (5) تفضلوا ♥
 

حضارة إسلامية : فضل علماء المسلمين عن الحضارة الإسلاميه
عز الدين فراج

الخليج :
الخليج العربي في العصر الإسلامي
دراسه تاريخيه حضارية - عبدالله أبو عزه ..



حركة الإستشراق للأسف مانزلت هَـ المادة .. :004:

جامعة الاداب 2012- 9- 16 06:24 PM
رد: نقطة تجمع بنات مستوى (5) تفضلوا ♥
 
هاااااي بنات شخباركم

بنات ابي منكم المحاضره الاولى من الدوله الامويه او على الاقل العناوين الرئيسيه وانا بدورها في الكتاب لان علي بكره المحاضره وابغى امشي مع الدكتور :sdfgdsf::sdfgdsf:

وينها عيونك 2012- 9- 17 01:08 AM
رد: نقطة تجمع بنات مستوى (5) تفضلوا ♥
 
الله يعطيكم العافيه جميعا

للاسف ما ادرس الدوله الامويه

she5ah 2012- 9- 19 07:33 PM
رد: نقطة تجمع بنات مستوى (5) تفضلوا ♥
 
وآجب الحروب الصليبية ..

السؤال الأول :
أجيبي على ما يلي ,
أكتبي ما تعرفينه عن أوربآن الثاني ؟
من هم الفريقين اللذآن يشكلان الحمله الصليبية الأولى ؟
من هو جودفري بوايون ؟
لمآذآ أضطر في نهايه الأمر الى أداء يمين القسم للإمبراطور البيزنطي ؟
مآذا تعرفين عن بوهيموند النورماني وماهي أسباب العداء مع البيزنطه , ومآهي نتائج المحآدثات بينه وبين آليكسيس كومنين ؟

السؤال الثآني :

أكملي التالي ,
1-اوربآن هو .......
2-اليكسيس هو ....
3-جودفري هو .......
4-بطرك الناسك هو ........
5-بوهيموند هو ....
6-يمين الواء معناه ......

وينها عيونك 2012- 9- 20 01:06 AM
رد: نقطة تجمع بنات مستوى (5) تفضلوا ♥
 
بنآت محاضره النظام الاقتصادي في الإسلام الساعه 10 إلثلاثاء صالحه الوادعي
وش قالت فيه واجب ؟؟

الحضاره الأسلاميه الأربعاء الساعه 10 بدور العثمان وش قالت فيها ؟

بنات أرجوكم ردو

وينها عيونك 2012- 9- 20 02:47 PM
رد: نقطة تجمع بنات مستوى (5) تفضلوا ♥
 
هذي أسماء الكتب لمادة حركة الاستشراق


الاستشراق والمستشرقون مصطفى السباعي

الاستشراق والخلفيه الفكريه للصراع الحضاري محمود حمدي

نودآ 2012- 9- 20 02:54 PM
رد: نقطة تجمع بنات مستوى (5) تفضلوا ♥
 


بنات حضارة د/ نوال القحطـاني :004:

فيه تلخيص صفحتين 32 و 33 ..
رأي الرسول صلى الله عليه وسلم في استخدام السـواك و الإعتدال في الطعام
وما يقابلة في الطب الحديث ..

التسيلم يكون عن طريق الإيميل ..
كُل شعبه تسلم الواجب قبل يوم محاضرتها ..
يعني اللي محاضرتها السبت تسلم الجمعه و هكذاا ..:rose:



وو بالتـوفيق :004:

نودآ 2012- 9- 20 02:58 PM
رد: نقطة تجمع بنات مستوى (5) تفضلوا ♥
 


المدينة الإسلامية : د/ هدى الحسين ..:rose:


إختيار إحدى المُدن الإسلامية [ في العصر الإسلامي ] ..
و التحدث عن العمارة و الفنون و أي شيء يخص هذهِ المدينة
و إرفاق صور تدعم البحث مع التعليق عليها ..

التسليم يكون آخر أسبوع قبل الإجازة + يرسل على إيميل الدكتورة ..





وو بالتـوفيق :004:

نودآ 2012- 9- 20 03:01 PM
رد: نقطة تجمع بنات مستوى (5) تفضلوا ♥
 


حبيباتي إللي ماخذه مادة نظام اقتصادي يوم الأحد 10 ..
عند [ صالحه الوادعي ] ..
ياليت تقول لناا وش أخذتوا و اذا كان فيه واجب او بحث ..
لآني ماحضرت الأسبوع اللي طاف :icon9:

جامعة الاداب 2012- 9- 20 03:37 PM
رد: نقطة تجمع بنات مستوى (5) تفضلوا ♥
 
بنات ابغى عناوين وارقام محاضرات الدوله الامويه ضرووووري قبل الاحد مع الدكتور محمد الشحري لان عندي محاضره الاثنين وابغى اذاكر المحاضرات رجاءا بنات لا اتطنشون

جامعة الاداب 2012- 9- 20 03:38 PM
رد: نقطة تجمع بنات مستوى (5) تفضلوا ♥
 
نودا حبيبتي انا ما اخذت الماده ياليت احد غيري يفيدك

جامعة الاداب 2012- 9- 21 11:21 AM
رد: نقطة تجمع بنات مستوى (5) تفضلوا ♥
 
بنااات ويييييييينكم ردوا علي ضروري ابغى اعرف اخاف يسالني وانا ماذاكرت رجاءا ردوا بسرعه

وينها عيونك 2012- 9- 21 02:53 PM
رد: نقطة تجمع بنات مستوى (5) تفضلوا ♥
 
انا بعد ما حضرت النظام الاقتصادي صالحه الوادعي يوم الثلاثاء

ارجو الافاده

جامعة الاداب ما ادرس هالماده :g2:

جامعة الاداب 2012- 9- 21 03:59 PM
رد: نقطة تجمع بنات مستوى (5) تفضلوا ♥
 
يعطيك العافيه وينها عيونك ياليت البنات يتحركون ويفيدوني لان بجد ضايعه مع هالدكتور وغير كذا الكتاب دش فالله يعيني

she5ah 2012- 9- 21 05:02 PM
رد: نقطة تجمع بنات مستوى (5) تفضلوا ♥
 
ايش رقم السي آر آن حقك ..
اذا أنتي معي
CRN:3158
د. صالحه الوداعي
يوم الثلثاء الساعة : 10:00
أنا كنت عند الدكتوره صالحه وتغيرت وجتنا معيده أسمها شما ..

وأعطتنا محآضره المبحث الأول والثاني

وبس .. :rose:

وينها عيونك 2012- 9- 22 12:10 AM
رد: نقطة تجمع بنات مستوى (5) تفضلوا ♥
 
اي شيخه انا معك

لا عاد انا مختاره صالحه الوادعي

طيب كيف المعيده عساها متعاونه ؟

جامعة الاداب 2012- 9- 22 01:26 PM
رد: نقطة تجمع بنات مستوى (5) تفضلوا ♥
 
طيب بنات الايوبين واللممالليك عند هدى قالتلنا في اختبار بس ماني عارفه في اي فصل الاختبار انا اخذها يوم الثلاثاء الساعه 8 اللي تعرف تعطيني خبر بلييييييييز

she5ah 2012- 9- 23 06:53 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة وينها عيونك (المشاركة 7277529)
اي شيخه انا معك
اقتباس:
المشاركة الأصلية كتبت بواسطة وينها عيونك (المشاركة 7277529)

لا عاد انا مختاره صالحه الوادعي

طيب كيف المعيده عساها متعاونه ؟



كلقآء أول مرره طيوبه بس تحب الإنظبآط عالوقت

الساعه 8 تدخل وتقفل الباب ولا تدخل أحد ورآهآ

وبالنسبه للشرح سررد شوي ممل ..

وربي يسخرها لنآ ونجيب عندهآ A+ :biggrin:


:106:

خلينا نشووفك دآمنا في نفس الكلاس ..

:060:

she5ah 2012- 9- 23 06:58 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة جامعة الاداب (المشاركة 7279834)
طيب بنات الايوبين واللممالليك عند هدى قالتلنا في اختبار بس ماني عارفه في اي فصل الاختبار انا اخذها يوم الثلاثاء الساعه 8 اللي تعرف تعطيني خبر بلييييييييز

اللي أعرفه أنو بس الدكتور أحمد حنفي والدكتوره سلوى بس اللي مستلمين مآده الأيوبيين والممااليك !!


وإذا تقصدين الدكتوره سلوى السليمان ..

فهي قالت : انو فيه أمتحان قصير عشوائي مو لكل البنات وعلى المحآضره اللي فاتت بسس ..

أتمنى أني أفدتكـ .. :rose:

جامعة الاداب 2012- 9- 23 10:16 PM
رد: نقطة تجمع بنات مستوى (5) تفضلوا ♥
 
شيخه حبيبتي اي انا مع الدكتوره سلوى ما ادري ليه اخربط بينها وبين هدى
المهم المحاضره اللي فيها الاختبار هي الفصل الثاني من الكتاب صح ؟؟
طيب في صفحات محذوفه ولا كل شي معنا ؟؟؟

she5ah 2012- 9- 24 08:43 AM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة جامعة الاداب (المشاركة 7285533)
شيخه حبيبتي اي انا مع الدكتوره سلوى ما ادري ليه اخربط بينها وبين هدى
المهم المحاضره اللي فيها الاختبار هي الفصل الثاني من الكتاب صح ؟؟
طيب في صفحات محذوفه ولا كل شي معنا ؟؟؟

أيوه كل شي معنا ..

المؤامره ضد صلاح الدين الأيوبي كلها ..

بالتوفيق :106:

she5ah 2012- 9- 25 12:13 PM
رد: نقطة تجمع بنات مستوى (5) تفضلوا ♥
 
اليوم تركت كتابين لي في قاعه محاضرة الأيوبيين والمماليك

ورجعت ولا لقيت كتابي تبع الأيوبيين في المكان اللي تركته فيه ..

أنا بحسن الظن وبقول انو البنت اللي اخذته نيتها استعاره وبترجعه لي ..

وأنتظر هذا الكتاب يوم السبت في نفس القاعة ..

لأنو عندنا امتحان الثلثاء الجاي ..
ومحدده فيه كل شي وملخصة حرام يروح تعبي عالفاضي !!


:Cry111:

حلمي التخرج 2012- 9- 25 03:04 PM
رد: نقطة تجمع بنات مستوى (5) تفضلوا ♥
 
مساء الخير :106:


بنات اللي تدرس حركة الاستشراق عند الخليفة عمر بليز تقول لي اسم الكتاب المقرر علينا

ارجوكم بسسسرعه :sm1:

نودآ 2012- 9- 25 06:15 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة she5ah (المشاركة 7293245)
اليوم تركت كتابين لي في قاعه محاضرة الأيوبيين والمماليك


ورجعت ولا لقيت كتابي تبع الأيوبيين في المكان اللي تركته فيه ..

أنا بحسن الظن وبقول انو البنت اللي اخذته نيتها استعاره وبترجعه لي ..

وأنتظر هذا الكتاب يوم السبت في نفس القاعة ..

لأنو عندنا امتحان الثلثاء الجاي ..
ومحدده فيه كل شي وملخصة حرام يروح تعبي عالفاضي !!



:Cry111:




أدعي دائماً اللهم رد إليّ ضالتي ..

و الله يرده لك سالم من كل شر :sm1:

و إن شاء الله يرجع لك ياااااارب :004::004:

جامعة الاداب 2012- 9- 26 07:04 PM
رد: نقطة تجمع بنات مستوى (5) تفضلوا ♥
 
شيخه حبيبتي الله يعينك وان شا الله تلقينه قلبي يدعيلك يا عمري :004::004:

طيب بنات اللي تاخذ الدوله الامويه مع د . محمد الشحري هو طلب منا ورقة عمل
استخراج دلائل تربويه وتعليميه وحضاريه من وصيه ابن كثير لاولاده ؟ وعطانا رقم الصفحه 66 و67
بس بنات ايش لون انطلع الكتاب احس اني غلطانه في شي ؟
تكككفون بنات اللي تاخذ الماده وكتبت المطلوب ياليت اتعلمني يا بنات من جد محتاجه اسوي قبل يوم االجمعه لان عندي اختبارات ساااعدوني

مهاا 2012- 9- 27 02:04 AM
رد: نقطة تجمع بنات مستوى (5) تفضلوا ♥
 
بناااااااااااااات

الي تاخذ دوله امويه عند حصه العتيبي ساعه 8 السبت

بليز تخبرني فيه امتحان ولالا او طالبه شي ...؟

يعطيكم العافيه

وينها عيونك 2012- 9- 27 03:22 PM
رد: نقطة تجمع بنات مستوى (5) تفضلوا ♥
 
هذي أسماء الكتب لمادة حركة الاستشراق


الاستشراق والمستشرقون مصطفى السباعي

الاستشراق والخلفيه الفكريه للصراع الحضاري محمود حمدي


شيخه حبيبتي لا تنتظرين كتابك صوري ي عمري وذاكري والله يكتب اجرك يارب :hhheeeart4:

جامعة الاداب 2012- 9- 29 02:53 PM
رد: نقطة تجمع بنات مستوى (5) تفضلوا ♥
 
بنات ادري اني مزعجه بس ايش اسوي ساااعدوني مالي غيركم والله

حبيت اسالكم اللي تاخذ حضاره اسلاميه عند الدكتوره عفاف يوم الاربعاء الساعه 10 هي طلبت منا واجب انسويه بس انا مالقيت الجواب
السؤال الاول : اسلوب ابن هيثم في كتاباته ؟ بس صفحتين
السؤال الثاني : اعترافات الغرب بانجازات ابن هيثم ؟ برضو بس صفحتين

بليييييييييييييييييييييز بنات اللي تعرف مواقع اتساعدني في الاجوبه لاني مالقيت الاجوبه :Cry111::mh12:

وينها عيونك 2012- 9- 29 11:09 PM
رد: نقطة تجمع بنات مستوى (5) تفضلوا ♥
 
انا بعد مثلك حايسسه بس لقيت عن الاعترافات شوي

بس الاسلوب من جد مافيه

ما اعرف مواقع بس كتبت ابن الهيثم ويطلع لي واقعد اقرا لين القى جواب

اكتبي اعماله و حياته

والله يسهلها لكك ولنا :004::004:

M.JO 2012- 9- 30 06:44 PM
رد: نقطة تجمع بنات مستوى (5) تفضلوا ♥
 
انا مش ماخذه المادة :cheese:

انت محبوبي 2012- 9- 30 11:54 PM
رد: نقطة تجمع بنات مستوى (5) تفضلوا ♥
 
ابي حل واجب حروب صليبيه :Cry111:

i.w 2012- 10- 1 07:51 PM
رد: نقطة تجمع بنات مستوى (5) تفضلوا ♥
 
وينها عيونك :16:

محاضره " اانظام الاقتصادي ف الاسلام "
يوم الثلاثاء
الساعه 8
د/ صالحه الوادعي
ماعطتنا شي بس قالت تسميع بكل محاضره سوره من جزء 28
وتقدرين تسمعين باللي تقدرين عليه سوره سورتين الجزء كامل على راحتك ..

~~~~~~

بنات :16:
ماده الامويه
الساعه 12
يوم الاثنين
مدرج 2-15
وش البحث اللي طالبه الدكتور !!
وممكن ايميله :34: !!

* لحد يسفهني :42::1:

she5ah 2012- 10- 2 01:22 PM
رد: نقطة تجمع بنات مستوى (5) تفضلوا ♥
 
اقتباس:
المشاركة الأصلية كتبت بواسطة انت محبوبي (المشاركة 7325901)
ابي حل واجب حروب صليبيه :Cry111:

عطتنا وآجب جديد .. ورآح أنزله اليوم ..

بس الحل لا p:

خلي عنك الكسل وافتحي الكتاب ياحلوه ..

:16:

M.JO 2012- 10- 3 11:29 AM
رد: نقطة تجمع بنات مستوى (5) تفضلوا ♥
 
صباح الخير بنات

ماعليكم امر ابي ايميل د\ محمد الشحري \ ابي احل الواجب

بعديين الواجب اللي طلبة مالقيت الجزء 9 من كتاب البداية والنهاية :36:

M.JO 2012- 10- 3 11:31 AM
رد: نقطة تجمع بنات مستوى (5) تفضلوا ♥
 
بنات اختبار المدينة الاسلامية الاسبوع الجاي صح مع د\ الفاتح

ومعنا الفصل الاول اوك .. بس بغيت الاسئلة اللي قالها نهاية الفصل الاول ميين كتبتها ؟؟؟


All times are GMT +3. الوقت الآن حسب توقيت السعودية: 09:57 AM.
صفحة 1 من 5 1 2345
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه