ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الكليات الصحية بالاحساء (https://vb.ckfu.org/forumdisplay.php?f=209)
-   -   [ جميع الكليات ] : آخر نسبة للكليات الصحية ؟؟؟ (https://vb.ckfu.org/showthread.php?t=359911)

هــبه 2012- 8- 17 11:06 AM
آخر نسبة للكليات الصحية ؟؟؟
 
السلام عليكم:rose:
 مبروك لجميع المقبولين >>>جات متأخرة ما عليه :cheese:
 وبالخصوص الكليات الصحية حبايب قلبي:004::lllolll:
 بس بغيت أحط سؤال صغيييييييييير يعني إذا سمحتوا وتكرمتوا علينا نبي اللي توهم جايتهم اتصالات ترقية لمسارات صحية أو كان في مسار صحي وترقى للأعلى يقول لنا كم نسبته علشان نعرف كم وصلت نسب القبول في الكلية :(107):


وبغيت أسأل سؤال ثاني ....على ما قرأت أن الطب يدخلونه طلاب كثير بس في نهاية السنة أو بعد كم سنة من الدراسة ينسحبون أكثر من النصف يعني الطلاب اللي اسحبوا وحولوا لكليات ثانية الجامعة تسوي ترقية للي رغبتهم الأولى طب؟؟؟ ولا خلاص إذا بدأت الدراسة توقف الترقيات؟؟ :(177):

Maryam.S.Alanzi 2012- 8- 17 09:19 PM
رد: آخر نسبة للكليات الصحية ؟؟؟
 
^
الله يبارك بعمررك :biggrin:
من جد موضوعك جا ف وقته :004:
ننتظر الاجابة عليه :rose:

هــبه 2012- 8- 18 03:54 AM
رد: آخر نسبة للكليات الصحية ؟؟؟
 
شفيكم للحين ما أحد رد علينا :(107):
ترى اللي بيقول لنا ما احنا عاطينه عين :(177):
"اللهم صل على محمد وآل محمد" " قل أعوذ برب الفلق"
خلاص تطمنتوا قرينا عليكم :rose:
احنا بس نبي نعرف النسب لوين وصلت والنسب لوين بتنزل بعد العيد وبس ما نبي شيء يعني
تكفون طلبتكم لا تردوني :Cry111:

ساره 1415 2012- 8- 20 07:03 AM
رد: آخر نسبة للكليات الصحية ؟؟؟
 
اللي اعرفه انو وحده اتصصلوا عليها و ترقت صيدلة معدلها 85 هذا قبل العيد بكم يوم ..

و انا انتظر ترقيتهم السساميه لان معدلي 83 ..:060:

هــبه 2012- 8- 20 10:09 AM
رد: آخر نسبة للكليات الصحية ؟؟؟
 
متأكدة أن نسبتها 85 وترقت للصيدلة ؟؟
لأن إذا بنمشي على كلامك ونقول أن صدق في وحدة ترقت للصيدلة وكانت آخر نسبة تم قبولها 90 ونزلت 5 نسب يعني مفروض حتى التمريض اللي وصل 87 كان ألحين وصل 82 ......ليش ماجانا أي أتصال؟؟ :Cry111:

dr. hano 2012- 8- 20 04:53 PM
رد: آخر نسبة للكليات الصحية ؟؟؟
 
أنا ترقيت علوم طبية ونسبتي 84
وصديقتي 83 فاصلة

حآولي تكلمينهم ^^

هــبه 2012- 8- 20 06:09 PM
رد: آخر نسبة للكليات الصحية ؟؟؟
 
طيب أنتي جاتك ترقية قبل العيد ولا بعده؟؟؟ :(107):
أنا نسبتي 84.592 وإلى الآن ما جاني اتصال ولا شيء :sm18:

بنت الزهور 2012- 8- 21 01:13 AM
رد: آخر نسبة للكليات الصحية ؟؟؟
 
الله يوفقك يآختي>> هــبه واسمع بترقيتك :rose::rose::rose: وعقبال البقيه :d5:
رآآحت عليّ وانا 86 وشوي ..:sm18:
يلا العوض على الله
دعواتكم لي صبايآآ

sh12 2012- 8- 21 04:50 AM
رد: آخر نسبة للكليات الصحية ؟؟؟
 
العلوم الطبية
صديقتي ٨٥وفواصل
وماجاتها ترقية !
تهقون يرقون على حسب اللي يسجلون اسامئهم احتياط!!
بالتوفيق ان شاءالله

بَوُحْ ، 2012- 8- 21 05:05 AM
رد: آخر نسبة للكليات الصحية ؟؟؟
 
انا اعرف ثنين ترقوا طب بس ماعرف معدلاتهم :sm18:

بس هم في الدفعه الثانيه كانوا علوم طبيه

والحين قبل العيد بكم يوم ترقوا طب

بس اللي تقول ان نسبتها 85 وترقت طب هذي يا اما ان عندها واسطه ولا تخاف من العين وتقول نسبتها كذا :biggrin:

او زي ماقلتوا للي راح وحط اسمه في الاحتياط خصوصا اني سمعت انه صارت لخبطه في البيانات عندهم وكذا فلازم الطالب يروح هناك ينشط او زي ماتقولوا احتياط لكنه تنشيط

هــبه 2012- 8- 21 05:15 AM
رد: آخر نسبة للكليات الصحية ؟؟؟
 
شلون نسوي تنشيط ؟؟؟التنشيط للي ما جا له قبول بالدفعة الأولى احنا يستوي لنا تنشيط تلقائي
والأحتياط للي ما انقبلوا مرة وحدة .....يعني وش السوات ألحين :017: النسب نزلت ولا الناس تترقى بالواسطة

يفوق الوصف 2012- 8- 21 05:35 AM
رد: آخر نسبة للكليات الصحية ؟؟؟
 
الله يوفقكم و شلت تعليقي وشكرا

يفوق الوصف 2012- 8- 21 05:40 AM
رد: آخر نسبة للكليات الصحية ؟؟؟
 
على سالفة الواسطة في وحده من دفعتي نسبتها 70 موزونة و بالواسطة دخلت طب و على فكرة الواسطة منتشرة في كل مكان جامعات و ظايف .....الخ .

لصمتي اسرار 2012- 8- 21 06:00 AM
رد: آخر نسبة للكليات الصحية ؟؟؟
 
ياربي خوفتوني انا موزونتي 82.82

وماباقي شي على الحاسب دخلت الحاسب هنا بس اذا على الواسطات راح اطالب بالعلوم الطبيه

وش السالفه خوفتوني الحين هم عندهم اجازه وشلون اكلمهم بالجوال يعني

ولا اخلي ابوي يروح فيه احد يداوم تكفون ردوا علي

Dr.Mayamin 2012- 8- 21 07:19 AM
رد: آخر نسبة للكليات الصحية ؟؟؟
 
وآسطات .. وآسطات .. وآسطات

على ايام دفعتي وقفت الصيدله على 88.88
صديقتي نسبتها كانت 88.83 ولا قبلوها

ولما بدأ الدوآم اتفاجئ ب بنات الواسطه اللي نسبتها 85 و انتوا نازلين

الله يكون بعونكم وما نقول غير حسبي الله ونعم الوكيل

7:45 2012- 8- 21 08:57 AM
رد: آخر نسبة للكليات الصحية ؟؟؟
 
ما أتوقع الكليات الصحيه فيها واسطه هذي فيها أرواح ناس

هــبه 2012- 8- 21 01:39 PM
رد: آخر نسبة للكليات الصحية ؟؟؟
 
والله اللي يبي يتفاخر انه طب وحصل له أحد يبي له الفلوس أو مكانة ينسون سالفة أرواح الناس يا الله تخلف عليهم :(177):
طيب لا نطلع عن الموضوع الأساسي ..اللي تجيه ترقية لمسار صحي يقول لنا كم نسبته واللي يقدر يجاوب على السؤال الثاني يا ليت يرد علينا :119:

رسمتكـ 2012- 8- 21 08:45 PM
رد: آخر نسبة للكليات الصحية ؟؟؟
 
مم العلوم الطبيه كم وصصلت النسسببه المموزونه
انا نسسبتي 83 وفاصله
في اممل يرقوني :(107):

ساره 1415 2012- 8- 23 06:24 AM
رد: آخر نسبة للكليات الصحية ؟؟؟
 
انا معدلي 83.3
اتصلوا علي الجامعة امس الساعه 1 ف الليل .. قالوا ترقيتي صيدلة ..
اللهم لك الحمد .. و عقبالكم يااااارب

احتويــني 2012- 8- 23 07:17 AM
رد: آخر نسبة للكليات الصحية ؟؟؟
 
الف مـــــــــ1000ـــبــــــــــرووووووووووووووووك يا ساره الله يوفقك فدنيتك يارب :mh001:

هــبه 2012- 8- 23 07:36 AM
رد: آخر نسبة للكليات الصحية ؟؟؟
 
مبروك عليك يا سارة بالترقية وعقبالنا :53:
بس سارة......تقدرين تعطيني الرقم اللي اتصلوا عليك منه؟؟؟

Norita 2012- 8- 23 12:54 PM
رد: آخر نسبة للكليات الصحية ؟؟؟
 
سارا ياليت تحطين رقم اللي امس دقوا عليك

هــبه 2012- 8- 23 11:58 PM
رد: آخر نسبة للكليات الصحية ؟؟؟
 
Norita
035801762

هذا الرقم اللي اتصلوا منه على الطلاب اللي جاتهم ترقية أنتي جربي أتصلي عليه وإذا ردوا عليك قولي لي وش صار معاك أنا جربت مرة وحدة وبس قلت بتصل عليهم يوم السبت وإذا قدرت مرة وحدة بروح براجع عندهم بالجامعة

هــبه 2012- 8- 25 03:09 PM
رد: آخر نسبة للكليات الصحية ؟؟؟
 
مافي أحد جاته ترقية اليوم ولا يوم الخميس ؟؟

يازين عرعر 2012- 8- 25 11:30 PM
رد: آخر نسبة للكليات الصحية ؟؟؟
 
هبه كم موزونتك !

هــبه 2012- 8- 26 12:03 AM
رد: آخر نسبة للكليات الصحية ؟؟؟
 
لا تفشلنا :(177):
أنا كاتبة نسبتي بالردود اللي بالموضوع
أنا جايبة :064: 84.592 <<ما نزل نسبتي غير التحصيلي ولا الثانوية والقدرات شحليلهم

يازين عرعر 2012- 8- 26 01:15 AM
رد: آخر نسبة للكليات الصحية ؟؟؟
 
طييب الترقيه اللي تنتظرينها بأي تخصص !

هــبه 2012- 8- 26 05:36 AM
رد: آخر نسبة للكليات الصحية ؟؟؟
 
أنا سمعت أن في نسب أقل من نسبتي وجاتها ترقية علوم طبية حتى بعضها يمكن للصيدلة
أنا برضى بأي واحد حتى لو التمريض أهم شيء يكون مسار صحي

بسمة النجوم 2012- 8- 26 06:30 AM
رد: آخر نسبة للكليات الصحية ؟؟؟
 
انا وحده من اهلي موزنتها 85 وفواصل وماجاتها ترقيه لا صيدله ولا علوم طبيه عالرغم انها راجعتهم

بس واااضح انو يمشون على شي ثاني عندهم لانهم ماخذين ناس اقل نسبهم

الله يوفق الجميع

هــبه 2012- 8- 26 06:43 AM
رد: آخر نسبة للكليات الصحية ؟؟؟
 
" بسمة النجوم" ما تدرين قريبتك هذي إيش رغبتها الأولى؟؟
لأن أغلب اللي جاتهم ترقيات جاتهم على الرغبة الأولى فقلت يمكن يمشون على هالنظام

بسمة النجوم 2012- 8- 26 06:48 AM
رد: آخر نسبة للكليات الصحية ؟؟؟
 
طب

هــبه 2012- 8- 26 06:57 AM
رد: آخر نسبة للكليات الصحية ؟؟؟
 
الظاهر أنهم خلاص إذا الواحد رغبته الأولى فيها شواغر رقوه وإذا ما فيها شواغر يخلونه مايرقونه للرغبة الثانية ولا الثالثة :(107):.....الله يهديهم بس :(177):
حتى أنا حطيته ...طب ..صيدلة ..علوم طبية ولا جانا شيء ما أدري شلون نظامهم ذولي
الله يوفقها ويوفق الكل :119:

بسمة النجوم 2012- 8- 26 07:01 AM
رد: آخر نسبة للكليات الصحية ؟؟؟
 
الله يوفقكم جميعا

Maryam.S.Alanzi 2012- 8- 26 08:44 AM
رد: آخر نسبة للكليات الصحية ؟؟؟
 
بالنسبة للرقم دقيت عليهم
يطلع لي مشغول ولادقيت مرة ثانية يدق بس محد يرد :000:
مدري،شسالفتهم هالجامعة :(177):

يازين عرعر 2012- 8- 26 07:16 PM
رد: آخر نسبة للكليات الصحية ؟؟؟
 
لا مو شرط ع رغبتك الاولى انا رقوني صيدله وبعد العيد جاتني ترقية الطب

اعتقد ع حسب الشواغر !

ركن 2012- 8- 29 10:05 AM
رد: آخر نسبة للكليات الصحية ؟؟؟
 
^

ككم آخر نسبة موزونة للطب قبلوهاا ؟

وككم آخر نسبة موزونة للعلوم الطبيه ؟

MiSs Ashley 2012- 9- 1 11:27 AM
رد: آخر نسبة للكليات الصحية ؟؟؟
 
كم اخر نسبه قبلوها الصيدله*

بلييز جاوبوني*

ساره 1415 2012- 9- 1 12:37 PM
رد: آخر نسبة للكليات الصحية ؟؟؟
 
انا قبلوني صيدلة ف العيد اتصلوا علي معدلي 83.3

MiSs Ashley 2012- 9- 1 07:54 PM
رد: آخر نسبة للكليات الصحية ؟؟؟
 
طيب يقبلون نسبة ٨١.١١

لان اخت صديقتي تبقى تحول لها وهي مقبوله في العلوم

ركن 2012- 9- 4 10:11 PM
رد: آخر نسبة للكليات الصحية ؟؟؟
 
^
اعرف وحده توها اليوم كلمتني تقول قبلوها علوم طبيه (مع انها ما كانت مقبوله بأي تخصص)

ونسبتها الموزونه 79 وانا 81 ولا قبلوني فيهاا

وش السوات ؟ آقدر آسوي شي ؟

ركن 2012- 9- 8 12:06 AM
رد: آخر نسبة للكليات الصحية ؟؟؟
 
^

اذا الصيدله وصلت ل 83 آجل العلوم الطبيه صارت بالسبعينات ومارقونا لهاا ..

Sky girl 2012- 9- 8 04:58 AM
رد: آخر نسبة للكليات الصحية ؟؟؟
 
انا موزونتي 85 ولا ترقيت لا للصيدلة ولا للعلوم الطبية ..
صصيااااااااااااااااااااااااااااااح .. بس الحمد الله على كل حال

ركن 2012- 9- 9 03:58 PM
رد: آخر نسبة للكليات الصحية ؟؟؟
 
^ والله على ناس ونآس ..

طالبوا بحقكم لا تسكتون ..

اليوم ابوي رآيح الجامعه يكلمهم .. جآي واحد بيحول بنته من العلوم للعلوم الطبيه ونسبتها 79 وانا 81 مماطلينه يقول ابوي عيني عينك الواسطات والكذب

حسبي الله ونعم الوكيل .. روحوا لهمم كلموهم واي اسم تعرفونه اقل منكم نسبه قولوه ..

محمد الرخيمي55 2012- 9- 9 06:38 PM
رد: آخر نسبة للكليات الصحية ؟؟؟
 
اللة يعطيكم العافيةة

اجمل فتاة 2012- 9- 11 11:04 PM
رد: آخر نسبة للكليات الصحية ؟؟؟
 
اعرف وحده في كلية العلوم
والحين تقول في الجامعه فاتحين طلب للعلوم الطبيه تمرريض يمكن تقدم طلب

>>>>>استفسروا انتوا

منآير .. 2012- 9- 13 04:18 PM
رد: آخر نسبة للكليات الصحية ؟؟؟
 
آآآخخخ يَ القهر ..

وحده معآي بالكلآس موزونتهـآ 84 ومرقينهآ طب وأنـآ اللي +85 علوم طبية

ظلم × ظلم هالجآمعه : (


الله كريم

فرووحة 2012- 9- 13 05:33 PM
رد: آخر نسبة للكليات الصحية ؟؟؟
 
انا 87 وصديقتي 88 وعلوم طبية اه يالقهر

الأمال الكبرى 2012- 9- 26 11:40 PM
رد: آخر نسبة للكليات الصحية ؟؟؟
 
^
الله يخلي الواسطات:biggrin:
وحسبي الله ونعم الوكيل

القلب النابض 2012- 9- 29 01:38 PM
رد: آخر نسبة للكليات الصحية ؟؟؟
 
بنات اهم شيء تبدعون بمكانكم

واعتبروها خيره لكم انكم بهالمكان والله ينفع الوطن فيكم

لا تشيلون هم دام الابداع والامل والثقه موجوده

انتم بامان


All times are GMT +3. الوقت الآن حسب توقيت السعودية: 07:12 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه