ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية الآداب بالدمام (https://vb.ckfu.org/f63)
-   -   [ قسم جغرافيا ] : اللي تخصصت جغرافيا والمتخصصين من قبل تعالوا (https://vb.ckfu.org/t345795.html)

holsten 2012- 6- 23 02:05 AM
اللي تخصصت جغرافيا والمتخصصين من قبل تعالوا
 
اهلين بناااااات ..:d5: حياكم

طبعا شفت موضوع وحده تقول انها طلعت نتيجة تخصصها واروح رككض وافتح الموقع وأشوف اني تخصصت

[ جغرافيا

Geography

]

وأنا والله كان نفسي بـ مكتبات لكن الحمد الله اهون من اللي يقعد 3 سنوات تحضيري
:139:

طيب يابنااااات

قولوا لنااا عن هالتخصص كيف مواده والاختبارات كيف و شسمه بعد عن الدكاتره

وعن كل شي كل شي رسم الخرايط ووووكل شششي ..

خلونا نستفيد من خبرتكم ـ ..

وقولوا لناا من اشياء ننتبه لهااا او الاشياء اللي تنزل المعدل

وعطونا نصصصايح تزيد المعدل

وابي اعرف وشو الشنطه السوده اللي هي رمز بنات الجغرافيا وش تسسوون فيها هذي

واي ماده اللي تطلبهااا

:biggrin:

Ďσα'α♔ 2012- 6- 23 04:04 AM
رد: اللي تخصصت جغرافيا والمتخصصين من قبل تعالوا
 
هلا فيج يَ البطةة:biggrin:

اول شيئ نصيحةة ان تآخذين جميع الموآد المخصصة لسمستر
واذا ماتقدرين وتحسين جهد عليك تدرسين اللي لها متطلبات سابقة قبل ~> لان تورطت ومابي احد يصير نفسي:sm1:

المهم ايةة وع فكرةة لازم تتخرجين في 6 سنوآت اذا ماتخرجتي تنفصلين :icon9:

امآ عن التخصص مرة روعةة وخاصة بعد ما صار جغرافية ونظم معلومات .. موبس تقدرين تتوضفين بالتدريس تقدرين تشتغلين بارامكو وبنوك ..الخ

اما عن الدكآترة مرة روعةة وخآصةة استاذة ايمان عبد الصمد واستاذة ايمان القاضي واساتذة هنادي وكثير شآهدتي فيهم مجروحةة:004::004:

وشدي حيلك حييل بالموآد اللي فيهآ 3 ساعات لان ترفع المعدل يعني حاولي قد ماتقدرين تاخذين فيهم اي وبي..

اما ع الخرائط انا اشوف ع سنتنا صارو يعطونا خرائط ويدربونآ مثل استاذه شروق الشمري تعطينآ واجب نرسم خريطة طبعا بدون شف:sm5:
ونحط عليهآ حدود وكذا يعني.. واستاذة ايمان القاضي تخلينآ نرسم الخريطة ونحط فيها حدود ونشفهآ لكن مررره دقيقة استاذة ايمان:sm5:

الموآد بشكل عام حلوة بس اهم شي ماتسوين مثلي وتهملين وتذاكرين اول بأول:119:

في كم مآدة فيهآ مسائل حسآبيةة بس طبعا اسهل من الاحصاء..


وان شاء الله تحبين التخصص .. وبالتوفيق..

Ďσα'α♔ 2012- 6- 23 04:07 AM
رد: اللي تخصصت جغرافيا والمتخصصين من قبل تعالوا
 
تفضلي هذا توصيف المقرر

http://www.kfu.edu.sa/ar/Deans/elear...8%B1%D8%B1.pdf


وهذا خطةة التخصص

http://www.kfu.edu.sa/ar/Deans/elear...8%B1%D8%B1.pdf



بالتوفيق واتمنى اني افدتك..:rose:

Ďσα'α♔ 2012- 6- 23 04:11 AM
رد: اللي تخصصت جغرافيا والمتخصصين من قبل تعالوا
 
1 مرفق
بالمرفق تلاقين الموآد ويمهآ متطلبهآ..



:004:

حلم امها 2012- 6- 23 04:49 AM
رد: اللي تخصصت جغرافيا والمتخصصين من قبل تعالوا
 
باختصار انت محظوظه لأنك تخصصتي
Geography
كفايه انك تلفي العالم وانت مكانك

big hart 2012- 6- 23 10:42 AM
رد: اللي تخصصت جغرافيا والمتخصصين من قبل تعالوا
 
انا تخصصت جغرافيا:017:

ومن يوم قر يت التخصص مرضت 3 ايام وربي تعبت نفسيا :bawling:

ابي مكتبات .. ولاحصل لي :icon9:

طفڷـه ٓالمطـړ ٌ 2012- 6- 23 12:20 PM
رد: اللي تخصصت جغرافيا والمتخصصين من قبل تعالوا
 
الخيرة فيما اختاره الله :019:

Black Widow 2012- 6- 23 01:09 PM
رد: اللي تخصصت جغرافيا والمتخصصين من قبل تعالوا
 
ابي افهم ليه متقرفين من القسم :sm4:
تراه حلو وممتع :(204):

وفيه رحلات :(284):
بس شدو حيلكم فييه

والخرايط و المسأل ماتخوف :sm4:


مافي مشكل كلو نفر :53:

P!nk~❥ 2012- 6- 23 02:23 PM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة big hart (المشاركة 6827780)
انا تخصصت جغرافيا:017:

ومن يوم قر يت التخصص مرضت 3 ايام وربي تعبت نفسيا :bawling:

ابي مكتبات .. ولاحصل لي :icon9:

نفس حآلتك كآن ودي بالمكتبات ..

بس

:bawling:

$ جوري $ 2012- 6- 24 12:22 AM
رد: اللي تخصصت جغرافيا والمتخصصين من قبل تعالوا
 
انا بغيت مكتبات بس تخصصت جغرافياا الحمد الله على كل حال وسبحانه يمكن تكون خيره وصراحه جغرافيا عندي احسن من التاريخ .. وارتاحت من كلام البنات عن الجغرافيااا والله يعطيكم العافيه :106: ونبي تتكلمون اكثر عن التخصص وعن الدكاتره
وابي اسئل فيه مصطلحات انقلينزي ولا و رسم الخرايط صعب ولا

والله يعطيكم العافيه وبالتوفيق للجميع :106:

$ جوري $ 2012- 6- 24 12:39 AM
رد: اللي تخصصت جغرافيا والمتخصصين من قبل تعالوا
 
والبنات الي مو متقبلين تخصصاتهم معليه سبحانه يمكن تكون خيره انتم ادرسو ترم وشوفو يمكن تحبون التخصص واذا ماحبيتوه حولو الترم الثاني . وانتم حاولو تتقبلون تخصصكم على شان تحبونه وتمشون فيه وان شاء الله خير والله يوفق الجميع يارب :106:

Ďσα'α♔ 2012- 6- 24 03:01 AM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة $ جوري $ (المشاركة 6829638)
انا بغيت مكتبات بس تخصصت جغرافياا الحمد الله على كل حال وسبحانه يمكن تكون خيره وصراحه جغرافيا عندي احسن من التاريخ .. وارتاحت من كلام البنات عن الجغرافيااا والله يعطيكم العافيه :106: ونبي تتكلمون اكثر عن التخصص وعن الدكاتره
وابي اسئل فيه مصطلحات انقلينزي ولا و رسم الخرايط صعب ولا

والله يعطيكم العافيه وبالتوفيق للجميع :106:

في مادتين هي نصوص جغرافية باللغة الانجليزية 1
نصوص جغرافية باللغة الانجليزية 2

^^ لكن يقولون مررة سسهل ~>لاني مادرستهآ


بالتوفيق..

$ جوري $ 2012- 6- 24 12:43 PM
رد: اللي تخصصت جغرافيا والمتخصصين من قبل تعالوا
 
تكلمو عن الخرايط رسمهاا صعب ولا ؟؟ وبالاختبارات يكون في رسم ولا ؟؟

Ďσα'α♔ 2012- 6- 24 09:23 PM
رد: اللي تخصصت جغرافيا والمتخصصين من قبل تعالوا
 
^^ الخرائط ماقد جابو لنا ارسمي لكن يجيبون خرائط نحط الحدود مثل البحار المحيطات
الخلجان المضايق وين اكثر واقل كثافة السكان بالمملكة ...الخ

holsten 2012- 6- 24 11:27 PM
رد: اللي تخصصت جغرافيا والمتخصصين من قبل تعالوا
 
لالا ان شاء الله سسسهل وبننجح

بس عندي كم سؤال

اللحين من جدكم ؟؟ بس 6 سنوات ويطردونااا:hahahahahah:

تو تخصصت انا يعني السنه الجايه رابع سنه لي يعني باقي 4-5-6 بس 3 سنوات + انفصلت ترم

مدري محسوب ولا لا

وبسال بعد كم ماده في الترم الواحد يعني عدد المواد كم

لاني راح اسجل المواد كلهااا ماراح يمدي باقي 3 وبضضضطر اخذ صيفي بعد

الله يسهلها ان شاء الله ... دعواتكم ...

:119:

حلم امها 2012- 6- 24 11:34 PM
رد: اللي تخصصت جغرافيا والمتخصصين من قبل تعالوا
 
هذا اعلان توظيف لخريجين جغرافيا ونظم معلومات جغرافيه :
تتوفر لدى جهة حكومية بالمدينة المنورة بالمملكة العربية السعودية ( وظائف أخصائي نظم معلومات جغرافية gis ) للسعوديين وفق الشروط التالية:

* أن يكون سعودي الجنسية
* العمل بالمدينة المنورة
* أن يكون حاصل على درجة البكالوريوس

ترى التخصص تطور عن قسم الجغرافيا اللي كان سابقاومستقبله حلو و الافكار القديمه مالها داعي

holsten 2012- 6- 24 11:38 PM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة عـذبة الـروح..! (المشاركة 6827136)
تفضلي هذا توصيف المقرر

http://www.kfu.edu.sa/ar/Deans/elear...8%B1%D8%B1.pdf


وهذا خطةة التخصص

http://www.kfu.edu.sa/ar/Deans/elear...8%B1%D8%B1.pdf



بالتوفيق واتمنى اني افدتك..:rose:
فدييييييتج تسلمين هذا اللي كنت ابي اعرررفه

الله يجزاك خير ويحقق امنياتك عاجلا غير اجل وجعل باب السعاده مفتوح لك داااايم وياااارب دوم تنجحين ومعدلك مرتتفع ياااااااااارب :d5:

Ďσα'α♔ 2012- 6- 25 12:06 AM
رد: اللي تخصصت جغرافيا والمتخصصين من قبل تعالوا
 
ايةة حبيبتي من جد حتى انا انصدمت الله يعين ويوفقنآ

آآآآآآآآآآآآآآآآآآآآآآآآآآآآآآآآآآآآمين ي رب
وتسلمين ع الدعوة الحلوة

خوووخة 2012- 6- 25 12:46 AM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة black widow (المشاركة 6828078)
ابي افهم ليه متقرفين من القسم :sm4:
تراه حلو وممتع :(204):

وفيه رحلات :(284):
بس شدو حيلكم فييه

والخرايط و المسأل ماتخوف :sm4:


مافي مشكل كلو نفر :53:
من جد في رحلااات ؟ :53:

Ďσα'α♔ 2012- 6- 25 02:00 AM
رد: اللي تخصصت جغرافيا والمتخصصين من قبل تعالوا
 
يب السمستر الثاني البنات راحو العقير:119:

Ďσα'α♔ 2012- 6- 25 02:08 AM
رد: اللي تخصصت جغرافيا والمتخصصين من قبل تعالوا
 
http://www.ckfu.org/vb/t311802.html

هذا الرابط البنات حطو رحلتهم بموضوع:sm5:

المشتاااقة 2012- 6- 25 04:11 AM
رد: اللي تخصصت جغرافيا والمتخصصين من قبل تعالوا
 
:106:

لي رجعة

خوووخة 2012- 6- 26 04:48 AM
رد: اللي تخصصت جغرافيا والمتخصصين من قبل تعالوا
 
مشكووورين black widow و عـذبة الـروح..!

عالخبر الحلو

الله يسعدكم :119:

holsten 2012- 6- 26 06:16 AM
رد: اللي تخصصت جغرافيا والمتخصصين من قبل تعالوا
 
والله ماهمني لا رحلاااات ولا وساعة صدر كثر ماهمني متى اتخررررج:sm1:

Ďσα'α♔ 2012- 6- 26 09:21 AM
رد: اللي تخصصت جغرافيا والمتخصصين من قبل تعالوا
 
^^ صح كلآمك لكن الرحلات احيانا تشجع البنات تدخل القسم وغير كذا
الرحلة كأنةة درس عملي يعني يعلمونهم اسماء النباتات وغيرهآ ~> وهالشي يخلي المعلومات تركز بالمخ غير اذا
كان كلةة حفظ:biggrin:

مهاوي الذبياني 2012- 6- 26 08:57 PM
رد: اللي تخصصت جغرافيا والمتخصصين من قبل تعالوا
 
يسلموا الله يعطيكم العافية

انا بعد تخصصت جغرافيا

holsten 2012- 6- 28 07:33 PM
رد: اللي تخصصت جغرافيا والمتخصصين من قبل تعالوا
 
الله يوفقنااا اجمعيييين ونتخررررج ب سلااااام :d5:

Black Widow 2012- 6- 28 07:35 PM
رد: اللي تخصصت جغرافيا والمتخصصين من قبل تعالوا
 
امييين :biggrin:

كيان ckfu 2012- 6- 29 09:42 AM
رد: اللي تخصصت جغرافيا والمتخصصين من قبل تعالوا
 
السلام عليكم ورحمة الله وبركاته


يمكن لخريج قسم الجغرافيا ونظم المعلومات الجغرافية العمل في المجالات التالية:
· إدارات التخطيط بالدوائر الحكومية.
· هيئات نظم المعلومات الجغرافية والاستشعار عن بعد.
· شركات التعدين والمقاولات العامة.
· هيئات الموارد المائية والبيئية.
· هيئات السياحة.
· المساحة العسكرية
· الأرصاد الجوية.
· مصلحة الإحصاءات العامة.
· وزارة النقل.
· التدريس
· الخدمات المختلفة (الصحية ـ الدفاع المدني وغيرها)..

((عسى أن تكرهوا شيء وهو خيراً لكم ))
من وجهة نظري : التخصص جداً ممتع ورائع وله دور مهم في عدة مجالات .

بالتوفيق للجميع

نووورهـ 2012- 6- 29 11:41 AM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة كيان ckfu (المشاركة 6847002)
السلام عليكم ورحمة الله وبركاته


يمكن لخريج قسم الجغرافيا ونظم المعلومات الجغرافية العمل في المجالات التالية:
· إدارات التخطيط بالدوائر الحكومية.
· هيئات نظم المعلومات الجغرافية والاستشعار عن بعد.
· شركات التعدين والمقاولات العامة.
· هيئات الموارد المائية والبيئية.
· هيئات السياحة.
· المساحة العسكرية
· الأرصاد الجوية.
· مصلحة الإحصاءات العامة.
· وزارة النقل.
· التدريس
· الخدمات المختلفة (الصحية ـ الدفاع المدني وغيرها)..

((عسى أن تكرهوا شيء وهو خيراً لكم ))
من وجهة نظري : التخصص جداً ممتع ورائع وله دور مهم في عدة مجالات .

بالتوفيق للجميع


لو سمحتي انتي تدرسين ماستر ؟
لأني تو متخرجه وودي اكمل دراستي بس ممكن اعرف شلون اقدم ع الماستر وشنو المؤهلات المطلوبه ؟؟

طفڷـه ٓالمطـړ ٌ 2012- 6- 30 08:24 PM
رد: اللي تخصصت جغرافيا والمتخصصين من قبل تعالوا
 
احس مجالات التوظيف لخريجين الجغرافيا للشباب أكثر من البنات بس ان شاء الله على مانتخرج يكون في تطور ويفتحون لنا أكثر

كيان ckfu 2012- 7- 1 05:15 AM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة نووورهـ (المشاركة 6847098)
لو سمحتي انتي تدرسين ماستر ؟
لأني تو متخرجه وودي اكمل دراستي بس ممكن اعرف شلون اقدم ع الماستر وشنو المؤهلات المطلوبه ؟؟

اهلين حبيبتي
ان شاءالله يفتح التسجيل تقريبا في شهر ( ربيع أول أو ربيع ثاني ) 3أو 4 - 1434هـ
والمؤهلات المطلوبة :
1- معدل تراكمي 4,13 فما فوق .
2- لم يمضي على تخرجك 5 سنوات .
3- تجتازين اختبار القبول ثم المقابلة الشخصية .

بالتوفيق بإذن الله ...

نووورهـ 2012- 7- 1 08:16 AM
رد: اللي تخصصت جغرافيا والمتخصصين من قبل تعالوا
 
مشكووره حبيبتي والله يوفقنا جميع :106:

مريم العميري 2012- 7- 1 03:27 PM
رد: اللي تخصصت جغرافيا والمتخصصين من قبل تعالوا
 
الجغررررررررررافياااااا كلمة روعه عليه قليله بحقه مو علشاني طالبة جغرافيا ودخلته برغبتي بس روووووووووعه وممتع وشيق
ونصيحتي للبنات اللي انقبلوووو جغرافيا وكان ودهم مكتبات جربووو سنه وحده بحسن نيه وبجتهاااد واخلاص في المذاكره في معرفتكم للقسم وبتعرفون ان الجغرافيااا ماكو مثله وماعليكم من احد يقول لكم جغرافيا ماله مستقبل وضيعين سنينج بلاش لا تتبعين كلام غيرج وضيعين رغبتج وخليهم يتبعونج لا تتبعينهم برايهم وحجيهم اللي بيوديج سابع ارض خلي كلامج يمشي اذا كنتي مقتنعه اما اذا اعناد لا



ادري طولت عليكم بس مقهورره ليه الكره هذا للجغرافياااا :sm1::sm1::sm1::sm1::bawling:

Ďσα'α♔ 2012- 7- 1 04:47 PM
رد: اللي تخصصت جغرافيا والمتخصصين من قبل تعالوا
 
بالمعنى احس المكتبات ممل بصراحةة يعني كلة حفظ هذا اللي اذكرة بايام الثانوي
بس الحين بتاخذونةة بشكل موسع
لكن الجغرافيا حفظ وفهم وفي اشياء بتستفيدين منهآ
ان شاء الله تجربونةة وتحبونةة:biggrin::004:

دموع بريئه 2012- 7- 1 09:51 PM
رد: اللي تخصصت جغرافيا والمتخصصين من قبل تعالوا
 
بالعكس الممكتبات ماهو ممل وفيه نظري وعملي :(204):

كل البنات يحبون تخصصاتهم اللي بيدرسونها ان شاء الله وبيتقبلونها بس بدون تقليل من التخصصات الاخرى

holsten 2012- 7- 2 12:41 AM
رد: اللي تخصصت جغرافيا والمتخصصين من قبل تعالوا
 
هههههههههههه

والله اناا كااااان ودي في مكتبااات :biggrin: لكن الحمد الله راااضيه بـ الجغرااافيا ع الاقل مو تاريخ ولا التخصصصات الاخرى

لاحد شيل هم ان شاء الله الله بيسرهاااا علينا وننجح ونتخررررج

holsten 2012- 7- 2 03:38 AM
رد: اللي تخصصت جغرافيا والمتخصصين من قبل تعالوا
 
1 مرفق
بناااااااااااااااااااات

جبت لكم مواد كل مستوى والمتطلب

يعني جداول جاهزه لكل المستوياااااات والمتطلب حق المواد يعني شنو لحد يحتاااااااار

طبعا عذبة الروح قبل نزلته بنفس الموضووع تسلميين ياحلووه

بس هذا اجدد ...

حملووه من المرفقاات ..

Rahil 2012- 7- 5 02:42 AM
رد: اللي تخصصت جغرافيا والمتخصصين من قبل تعالوا
 
أم خماس مافتح عندي الي بالمرفقات
ماتقدرين تحطين صوره لجدول مستوى خامس
:g2:

آنسه مشاكل 2012- 7- 6 05:53 AM
رد: اللي تخصصت جغرافيا والمتخصصين من قبل تعالوا
 
انا احب الجغرافيا بذمه وضميرر

ولو ما كان رغبتي الاولى موجوده اللي هي انجلش .. كان اخترت جغرافيا بلا علم اجتماع بلا مكتبات

جغرافيا حبيته من ثالث ثانوي واحبببببببببه كذا من الله وفرحت يوم عرفت ان فيه جغرافيا

بس على اني احبه اخترت غيره ,, ولعلها خيره :004:

اللي تخصصوا جغرافيا هنيالكم :004:

خالد اليحيان 2012- 7- 9 04:38 AM
رد: اللي تخصصت جغرافيا والمتخصصين من قبل تعالوا
 
وين تفاصيل الماده

خالد اليحيان 2012- 7- 9 04:38 AM
رد: اللي تخصصت جغرافيا والمتخصصين من قبل تعالوا
 
نبي طرح للماده

اَلْوَعَدّ~ 2012- 7- 11 10:50 AM
رد: اللي تخصصت جغرافيا والمتخصصين من قبل تعالوا
 
طيب بنات بما ان نا انقبلنا جغرافيا وحقيقة هذي رغبتي

بس نبي نعرف حسب تجاربكم بنات الجغرافيا منهم الدكاتره اللي تمدحونهم بكل ماده ...

ياليت تعدونا خبر قبل الزحمه وكذا

ونكون شاكرين لكم


موفقين :rose:

Ďσα'α♔ 2012- 7- 11 04:40 PM
رد: اللي تخصصت جغرافيا والمتخصصين من قبل تعالوا
 
عندك الدكتورة ايمان القاضي
وايمان عبد الصمد
وهنادي العرقوبي
وحسين عبت الفتاح
وشريفةة القحطآني
وجميلة ال معيآن

طبعآ انا مو كل الدكاتره درسوني بس هذيلآ درست عندهم روعةةة:004::004:

Black Widow 2012- 7- 11 05:19 PM
رد: اللي تخصصت جغرافيا والمتخصصين من قبل تعالوا
 
اشرف حموده
ابوالعينيين :007:
فريال الهاجري
مسفره الغامدي
باسمه الغانم

احاسيس طفله 2012- 7- 12 03:55 AM
رد: اللي تخصصت جغرافيا والمتخصصين من قبل تعالوا
 
احم احم بسم الله :biggrin:
اولا ياحلوتي القسسم رووووووووووووووعــــــــةة < ما ابالغ بس جد شي جميييل رح تكتشفين اشياء غريبه
عجيبه و بعدين تغير مسمى القسم صار نظم معلومات جغرافيه وحتى المواد تغيرت طبعا مو كلها جزء منها
بس ولله الحمد لحد الان ماشفت اي صعوبه وانا الحين بسنة ثالث رايحه رابع حمددلله الدكاتره كانهم خواتنا والله يشهدد بس كوني معهم اوكي :(204): ورئيسة القسم تجنن د. نعيمة السبيعي ومتعاووونه جدددددددددآآآ
وغير كذا انتي اذا دخلتتي هالقسسم لاتاخذينه ك دراسسة انا اخذته ك متعععه والتعرف على اشياء ماكنت اعرفهااا .. صديقتي اخذته عن دراسة وحفظ بس مو قادره تمشي بس فتحي مخك مع الدكتوره ورح يتيسسر لك باذن الله ..
وانااا كنت ابي انجليزي بس مادرسته ب تحضيري من كذا ما تخصصت وحمدلله تخصصت جغرافياا و ربي يشهد انني مو ناددمه ابددد ابدددددد ابدددددددددددد :53: ومبسوطططه جددا فيه ومرتاححةة ولله الحمد وجد فيه رحلات لقسسمناا مع انني مارحت لحد الان بس اتمنى اني اروح :sm1: لانني جددد فيني طااقه اتعرررف على الحياة اكثر واكثثررر :cool: و توكلي على الله واولا واخيرا الخيره فيما اختاره الله

واتمنى ان كلامك يتغير بعد ماتدخلين القسسسم :004::004: انتظر رددك بفارغ الصبر

بالتوفيق :106:

اشراقة زمان 2012- 7- 12 03:43 PM
رد: اللي تخصصت جغرافيا والمتخصصين من قبل تعالوا
 
احسه ممتع بس الصراحه احس اصعب شي
الخرائط

Black Widow 2012- 7- 12 04:02 PM
رد: اللي تخصصت جغرافيا والمتخصصين من قبل تعالوا
 
مب صعبه الخرايط :cool:

هي يبيلها دقه اكيد في البدايه بتحسينه صعبه بس مع التدريب بتزبط :biggrin:

wild girl 2012- 7- 12 11:11 PM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة اَلْوَعَدّ~ (المشاركة 6881389)
طيب بنات بما ان نا انقبلنا جغرافيا وحقيقة هذي رغبتي

بس نبي نعرف حسب تجاربكم بنات الجغرافيا منهم الدكاتره اللي تمدحونهم بكل ماده ...

ياليت تعدونا خبر قبل الزحمه وكذا

ونكون شاكرين لكم


موفقين :rose:
غالبا ماعندك حرية اختبار الدكتور والدكتوره في قسم الجغرافيا
يعني مثلا مادة جغرافيه اقتصادية بتدرس جميع الدفعه الدكتوره شريفة القحطاني ومافي غيرها
ومادة اخطار وكوارث الدكتوره هنادي مافي غيرها يدرس هالمادة


احيانا يتغير الدكتور و الدكتوره مثلا انا في سنة ثانية درست صور جوية عند اشرف
السنة اللي بعدها نزلت هالمادة درستها صديقتي عند ايمان عبد الصمد

يعني الدكتور احتمال يتغير بعد سنة او سنتين واحتمال مايتغير وماتكون لك حرية الاختيار

في مادة الجغرافية الحيوية والتربة تنزل عند الدكتوره هنادي وايمان القاضي
هنادي افضل وايمان القاضي طيبوبة بس شديده

مادة بحار ومحيطات عند الدكتوره ايمان القاضي ومستحيل تنزل عند دكتوره ثانية
جيومورفلوجيا , تنزل عند الدكتور محمود ابو العيينين واحيانا عند مريم

holsten 2012- 7- 19 08:37 PM
رد: اللي تخصصت جغرافيا والمتخصصين من قبل تعالوا
 
البنات اللي ماتحمل معهم المرفقااات نزلت الجداااول لكل المستويات ودعواتكم


http://www.m5zn.com/img/?img=f2dd5ee84c89ac8.png

http://www.m5zn.com/img/?img=732ace30d40023e.png

http://www.m5zn.com/img/?img=a0fd0a35c0189da.png

http://www.m5zn.com/img/?img=f2e0f779285c260.png

http://www.m5zn.com/img/?img=99b1487b606f6e2.png

http://www.m5zn.com/img/?img=11e8303e6cd8376.png

senyorita 2012- 7- 20 02:31 PM
تخصصت جغرافيا .. كل من تخصصت او مختصصه من قبل تدخل ، يمكن عندكم نفس أسئلتي ..
 
سلام ..

مبارك عليكم رمضان :004:


تخصصت جغرافيا و أبي أعرف كم شغله عن التخصص << احلفي




- ايش اللي تغير من بعد ماصار ( جغرافيا و نظم معلومات )؟

-ايش ممكن اشغل بالبنوك و المستشفيات غير التدريس ؟

-ايش المواد اللي لها متطلبات سابقه ؟

-سمعت ان فيه مواد عمليه ايش هي ؟

-مين أحسن الدكاتره للمواد ونبذه بسيطه عن المواد و الدكاتره ..
1- العقيده والأخلاق
2-الاتصالات والانترنت
3- مبادئ جغرافيا الطبيعيه
4- مبادئ الجغرافيا البشريه
5-الجغرافيا الأقتصاديه
6- الجغرافيا المناخيه
7-جغرافيه العالم
8-الاساليب الكميه في الجغرافيا



اتمنى ألقى إجابات ع تساؤلاتي .. ادري مسختها :biggrin: << ماتنام الليل

wild girl 2012- 7- 21 02:08 AM
رد: اللي تخصصت جغرافيا والمتخصصين من قبل تعالوا
 
- ايش اللي تغير من بعد ماصار ( جغرافيا و نظم معلومات )؟

صارت المواد تختلف عن الدفعات القديمة

-ايش ممكن اشغل بالبنوك و المستشفيات غير التدريس ؟
يقولون بنقدر نشتغل في الشركات


-ايش المواد اللي لها متطلبات سابقه ؟
في مستوى 3 المواد كلها لها مواد لها متطلب سابق
يعني ماتقدري تحذفي ولا مادة منهم

مناخية ,اقتصادية ’ طبيعية , العالم , اساليب , وبشرية كلهم لهم مواد لها متطلب سابق
يعني اذا بتحذفي احذفي مادة عامة



1- العقيده والأخلاق مادة قسم درسات اسلامية عن التوحيد تعتبر سهله بس درسناها من ثلاث كتب , مبروك , اذا ماحصلتي مبروك سجليها عند كمال
2-الاتصالات والانترنت , مادة حاسب عن الانترنت والبروتوكلات , احسن شي دلهى , وبعدها البندري
3- مبادئ جغرافيا الطبيعيه , اصعب مادة في مستوى 3 اذا حملتيها ماتقدري تدرسي جيومورفولوجيا وغيرها من المواد درستنا هنادي مدري نزلت لكم عند مين
4- مبادئ الجغرافيا البشريه درسناها عند محمد رمضان اسهل مادة في مسستوى 3 , تقدري تجاوبي من رأسك ويطلع صح ..

5-الجغرافيا الأقتصاديه كانت عند شريفة القحطاني هالمرة نزلت نزلت عند اكثر من دكتور , اتوقع يغيرون المنهج

6- الجغرافيا المناخيه المادة عندي سهله بس عند غيري ماادري بس فيها صعوبه على حسب اللي بدرسكم

7-جغرافيه العالم عن الغابات في الشهري كان الاختبار سهل في النهائي جبنا العيد

8-الاساليب الكميه في الجغرافيا مثل الاحصاء بس اسهل رياضيات ومسائل سهله


زي ماقلت لك اصعب مادة الطبيعية حاولي في اعمال السنة تجمعي درجات

wild girl 2012- 7- 21 02:14 AM
رد: تخصصت جغرافيا .. كل من تخصصت او مختصصه من قبل تدخل ، يمكن عندكم نفس أسئلتي ..
 
اقتباس:
المشاركة الأصلية كتبت بواسطة senyorita (المشاركة 6910750)
سلام ..

مبارك عليكم رمضان :004:


تخصصت جغرافيا و أبي أعرف كم شغله عن التخصص << احلفي




- ايش اللي تغير من بعد ماصار ( جغرافيا و نظم معلومات )؟

-ايش ممكن اشغل بالبنوك و المستشفيات غير التدريس ؟

-ايش المواد اللي لها متطلبات سابقه ؟

-سمعت ان فيه مواد عمليه ايش هي ؟

-مين أحسن الدكاتره للمواد ونبذه بسيطه عن المواد و الدكاتره ..
1- العقيده والأخلاق
2-الاتصالات والانترنت
3- مبادئ جغرافيا الطبيعيه
4- مبادئ الجغرافيا البشريه
5-الجغرافيا الأقتصاديه
6- الجغرافيا المناخيه
7-جغرافيه العالم
8-الاساليب الكميه في الجغرافيا



اتمنى ألقى إجابات ع تساؤلاتي .. ادري مسختها :biggrin: << ماتنام الليل

نسيتي مساحة وخرائط هذي بالذات لأزم تدرسيها لها 3 ساعات
واكثر مادة لها متطلب سابق يمكن 6 مواد

مساحة وخرائط + طبيعية + بشرية + مناخية
اكثر مواد لهم متطلب سابق

اَلْوَعَدّ~ 2012- 7- 21 10:40 AM
رد: اللي تخصصت جغرافيا والمتخصصين من قبل تعالوا
 
طيب بنات كيف اروح لمقرر الجغرافيا اسمه بالكولج بايحرف مو فاهمه ...؟

وكيف اعرف اسماء المواد ماعليه تحملوني كان التحضيري جاهزلنا بس نرتبه

senyorita 2012- 7- 21 07:44 PM
رد: اللي تخصصت جغرافيا والمتخصصين من قبل تعالوا
 
wild girl

بجد ما قصرتي ، تسلم ديااااتك :004:..

Ďσα'α♔ 2012- 7- 21 08:15 PM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة اَلْوَعَدّ~ (المشاركة 6912918)
طيب بنات كيف اروح لمقرر الجغرافيا اسمه بالكولج بايحرف مو فاهمه ...؟

وكيف اعرف اسماء المواد ماعليه تحملوني كان التحضيري جاهزلنا بس نرتبه
حرف g:004::004:
لكن في طريقةة اسسهل

الخدمة الذاتيةة~>بحث عن فصل/استعراض الكتلوج~> بحث عن فصل بعدين تحطين الفصل الدراسي ومادة المقرر تختارين جغرافيةة بعدين بحث

بس الحين مايفتح يوم التسجيل لكن اسهل ومكتوب بالعربي وع بعضهم


بالتوفيق قمري:004:

صمت دآفئ 2012- 7- 22 04:28 AM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة أم خماس البطه (المشاركة 6908518)

اختي لو سمحتي هالخطه تبع اي سنه انا عندي خطه بس العقيده و الاخلاق مو مكتوبه فيها مكتوب بدالها الاخلاق الاسلاميه و ادب المهنه ..

حتى لو تلاحظين الاخلاق و العقيده بالجدول لما تبين تنزلينها مو مكتوب عرض تحديدات الفصل هي الوحيده .؟؟

شكله شالوها من الخطه و الخطه اللي عندي هي الجديده ..!

wild girl 2012- 7- 22 04:38 AM
رد: اللي تخصصت جغرافيا والمتخصصين من قبل تعالوا
 
اقتباس:
المشاركة الأصلية كتبت بواسطة صمت دآفئ (المشاركة 6915245)
اختي لو سمحتي هالخطه تبع اي سنه انا عندي خطه بس العقيده و الاخلاق مو مكتوبه فيها مكتوب بدالها الاخلاق الاسلاميه و ادب المهنه ..

حتى لو تلاحظين الاخلاق و العقيده بالجدول لما تبين تنزلينها مو مكتوب عرض تحديدات الفصل هي الوحيده .؟؟

شكله شالوها من الخطه و الخطه اللي عندي هي الجديده ..!

الاخلاق الاسلامية وادب المهمنه هي نفسها العقيدة والاخلاق
حتى في دفعتي صار لنا كذا فكرناها مو هي بس طلعت هي

الالمعيه 2012- 7- 27 09:31 PM
رد: اللي تخصصت جغرافيا والمتخصصين من قبل تعالوا
 
بصرااااااااحه كلالالاام بنات التخصص جدا جدا ريحني ربي يوفقكم ويسعدكم وويسر لكم :d5:


All times are GMT +3. الوقت الآن حسب توقيت السعودية: 10:53 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه