ملتقى طلاب وطالبات جامعة الملك فيصل,جامعة الدمام - افدنا جزيت خيرا .........طريقتك في المذاكرة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - افدنا جزيت خيرا .........طريقتك في المذاكرة (https://vb.ckfu.org/showthread.php?t=342110)

white paper

2012- 6- 9 10:33 PM

افدنا جزيت خيرا .........طريقتك في المذاكرة

السلام عليكم ورحمة الله وبركاته

داام الجميع هنا وكل الطلبة موجودين في الملتقى العاام ومن جميع الاقساام
حبيت انه كل طالب وطالبة يفيدوننا بكيفية المذاكرة ..

طبعا لكل شخص طريقة تختلف عن الاخر

فدعونا نستفيد من بعضنا

كيف تنظمون الوقت بين الدراسة والعمل ان وجد وبين متطلبات العائلة

انا ببدأ................

انا من النوع اللي صعب الحفظ عندهم ومايدخل شيء على الرغم اني قصرت في حقوق اولادي

وزوجي احتكرت اغلب الوقت للمذاكرة بسس يوم ارجع اراجع تقول هالمواضيع اول مررة اقراها

وكأنها مامرت علي !!!!!!!!!!!!

الصراحة اتعب بالمرة
ووقتي مو قادرة انظمه ابدااا

واولادي يطلبون مني الكثيير وانا مقصرة معاهم ولا التفت لهم في دراستهم

عسى نجد من افكاركم ما ينفعنا في تنظيم وقتنا و تلافي اخطاء نقع فيها اثناء الاستذكار

جزاكم الله خيرا وبلغكم الدرجات العليا في الدنيا والاخرة

ناوي السوكبا

2012- 6- 9 10:38 PM

رد: افدنا جزيت خيرا .........طريقتك في المذاكرة

عن نفسي لا أحبذ المذاكرة ,, بقدر ما أحب المنطقية والفكر والتحليل المبطن

انتهى

FaHoOoDe

2012- 6- 9 10:43 PM

رد: افدنا جزيت خيرا .........طريقتك في المذاكرة

قبل الاختبار بيوم حمل ملخص واساله الترم الماضي وامورك تمشي

داخل ع السنه الثالثه هذا وضعي

FaHoOoDe

2012- 6- 9 10:44 PM

رد: افدنا جزيت خيرا .........طريقتك في المذاكرة

وعين واحد من اخوانك الصغار يحمل المحاضرات وينسخ ويلصق في منتدى النقاشات وفالك d

white paper

2012- 6- 9 10:46 PM

رد: افدنا جزيت خيرا .........طريقتك في المذاكرة

اقتباس:

المشاركة الأصلية كتبت بواسطة fahooode (المشاركة 6750187)

قبل الاختبار بيوم حمل ملخص واساله الترم الماضي وامورك تمشي

داخل ع السنه الثالثه هذا وضعي

مشكور ربي يجزاك الخير بسسس اللي صعب حفظهم ماتنفع قبل الاختبار بيوم!

طيب انته ماشي على هالطريقة ماحملت مواد وكم معدلك ؟

عبدالله سليمان

2012- 6- 9 10:48 PM

رد: افدنا جزيت خيرا .........طريقتك في المذاكرة

طريقتي في المذاكرة : قراءة المادة أكثر من مرة ..أول مرة قراءة سريعة ثم أقل سرعة وأخيراً بتركيز لا بأس به ..

هذه الطريقة ممتازة بالنسبة لي وسلامتكم ..

white paper

2012- 6- 9 10:51 PM

رد: افدنا جزيت خيرا .........طريقتك في المذاكرة

اقتباس:

المشاركة الأصلية كتبت بواسطة عبدالله سليمان (المشاركة 6750215)

الله يجزاك الخير ويسهل امورك

فعلا مدحولي هالطريقة ...لاني ما اقرأ ابدا علطول ابدا اخطط واحفظ ويدخل مع اذن ويطلع من الثانية الله يعين بسسس:(177):

عبدالله سليمان

2012- 6- 9 10:52 PM

رد: افدنا جزيت خيرا .........طريقتك في المذاكرة

اقتباس:

المشاركة الأصلية كتبت بواسطة white paper (المشاركة 6750227)

مجربة أربع مستويات ولله الحمد ...بفضل الله تدخل المعلومة ( غصب ) :biggrin:

Man in light

2012- 6- 9 10:52 PM

رد: افدنا جزيت خيرا .........طريقتك في المذاكرة

انا عن نفسي كسووول ويومي بسنه

بس ليله الاختبار انقلب بقدرة قادر الى اكبر دافور ��

ويساعدني ان ذاكرتي قويه واذا قريت الشي يرسخ على طول

white paper

2012- 6- 9 10:54 PM

رد: افدنا جزيت خيرا .........طريقتك في المذاكرة

عبدالله ...........الله يسعدك وان شاء الله بجرب طريقتك الترم القادم ولك الاجر بارك الله فيك على الافادة

بوعبدالله منتسب

2012- 6- 9 11:08 PM

رد: افدنا جزيت خيرا .........طريقتك في المذاكرة

اهم شي الجو الملائم للدراسة
اذا مليت من القراءة والمذاكرة سكر المحتوى واخرج من جو الدراسة
لون او علّم على اي شي تعتقد انه مهم
اربط المعلومات والفقرات ببعضها
حول تفهم اكثر من ان تحفظ لان الفهم يبقى
راجع مع اسئلة الاترام السابقة

*

قيدالتطوير

2012- 6- 9 11:13 PM

رد: افدنا جزيت خيرا .........طريقتك في المذاكرة

بالنسبه لي اذاكر من ثالث اسبوع من الدراسه وفترات تكون قصيرة لا تتجاوز الساعتين اشوف المحاضرات واركز مع شرح الدكتور واحاول افهم منه واحفظ بحيث ماعاد يحتاج منى الا مراجعه قبل الاختبارات بأسبوعين
واحمل المحاضرات واحل المناقشات اول باول علشان ماتتراكم على او يعلق النظام

انا موظفه ودوامي حوالي 8 ساعات وانا ام لاولاد في الا بتدائي والمتوسط ويحتاجون مني متابعه طوال العام علشان كذا لازم اقسم وقتي وما يطغى جانب على جانب اخر والحمدلله معدلي جيد جدا مرتفع :53:

جنيهات

2012- 6- 9 11:21 PM

رد: افدنا جزيت خيرا .........طريقتك في المذاكرة

انا نفس الحاله اذكر من هنا ويطلع من هنا معن اني بعض المواد ذاكرتهم 3 مرات وابتدي من اول السمستر بس يمقن لان مخي متنح له 6 سنين بس السمستر الجاي ببتدي اذاكر الصباح وبعد الظهر يكون حق العائلة :cool:

شهم وكريم

2012- 6- 9 11:46 PM

رد: افدنا جزيت خيرا .........طريقتك في المذاكرة

مع التحيه والتقدير

طريقة المذاكره تختلف من مقرر إلى آخر والافضل كالتالي :-

1- الاطلاع على المحتوى كامل وتلخيصه بنفسك في دفتر خارجي

2- الاطلاع على أسئلة الامتحانات السابقه وحلها بنفسك

3- متابعة المنتدى من حين إلى آخر وتسجيل ماتجدر الاشاره اليه

وبهذا تحصل على a+ بمشيئة الله

وبفضل الله وفقت بين الدراسه والعمل والابناء

متمنياً للجميع التوفيق والنجاح

بوعبدالله منتسب

2012- 6- 9 11:54 PM

رد: افدنا جزيت خيرا .........طريقتك في المذاكرة

انا موظفه ودوامي حوالي 8 ساعات وانا ام لاولاد في الا بتدائي والمتوسط ويحتاجون مني متابعه طوال العام علشان كذا لازم اقسم وقتي وما يطغى جانب على جانب اخر والحمدلله معدلي جيد جدا مرتفع :53:[/quote]

-------
يعجبني الشخص العصامي .. وانتي ماشاء الله عليك إرادتك قوية
الله يوفقك ويوفق الجميع يارب

white paper

2012- 6- 10 03:28 AM

رد: افدنا جزيت خيرا .........طريقتك في المذاكرة

ماشاء الله

الله يكتب اجركم ويوفقكم وينولكم المعدلات اللي ترضيكم

Soma77

2012- 6- 10 04:24 AM

رد: افدنا جزيت خيرا .........طريقتك في المذاكرة

أنا اكتشفت أني لما اخطط بالقلم انسى المذاكره وأركز بالتخطيط ولون الخط ومايل او لا صرت اقرأ بدون تخطيط وارركزز. واكرر القراه كذا مره ويرسخ وطبعا غير المراجعه قبل الاختبار بساعتين :biggrin: وفالكم A + *

wodooh

2012- 6- 10 04:42 AM

رد: افدنا جزيت خيرا .........طريقتك في المذاكرة

موضوع أكثر من رائع والكل مستفيد منه

وأنصحج بالقراءة أكثر من مره بس لازم تكون قراءة بتركيز وحاولي تربطين المواضيع

لج تحياااتي وياليت الكل يشارك

نسيم الصبا

2012- 6- 10 05:01 AM

رد: افدنا جزيت خيرا .........طريقتك في المذاكرة

انا وجدت احسن طريقه خصوصاً لمذاكرة موااد الحفظ اني اقرا المحاضره قراءه سريعه يعني خذي فكره عن المحاضره

بعدين اقرأيها بتركيز وقسميها لأجزاء واربطي بين النقاط الفرعيه والنقاط الأساسيه

واحسن شي لتثبيت المعلومااات الأسأله،يعني اسألة الاختبارات او الأسأله اللي يطرحوها الأعضاء في المنتدى،وحتى لو ماحسيتي

نفسك متقنه ميه بالميه عاادي لأن اول ماتشوفي الخيارات في الأسأله تعرفي الجوااب على طول

وافضل وقت للمذاكره الصبااح بعد مايروحو العياال المدرسه يكون البيت هاااادي وتنفتح نفسك للمذاكره

موااد الفهم عااد يااسلام افهمي مع الدكتور وحلي المسائل اللي موجوده في المحااضره وبس

{%{محمد}%}

2012- 6- 10 07:50 AM

رد: افدنا جزيت خيرا .........طريقتك في المذاكرة

قبل الاختبارات أسبوع

ابوهاجر

2012- 6- 10 09:04 AM

رد: افدنا جزيت خيرا .........طريقتك في المذاكرة

طريقتي في الماكره :

اول ماتنزل المحاضره انزلها بالملف الخاص ( نسخة الجوال ) مع المرفقات بعد مشاهدتها لو دقيقه واحده.
تحميل المحاضرات للمواد ( الدش ) على الجوال للاستماع لها في اثناء السفر او خارج المنزل.
الدخول على البلاك بورد او الافتراضي كل اسبوع مره او مرتين للاطلاع على الواجبات والمناقشات ودائما ما ادخل بعد الساعه 11 ليلا.

المذاكره الفعليه قبل الاختبارات بشهر يكون قد اكملت تنزيل اغلب المحاضرات.
واغلب مذاكرتي من المحاضرات و المحتوى.
اعتمد على الملخصات بنسبه بسيطه , غالبا ما اسوي ملخصي بنفسي.
للمراجعه النهائيه اطلع على الاسئله السابقه لنفس الدكتور.
جربت طريقة طباعة الملخصات والمحتوى فوجدتها غير مجديه ( بالنسبه لي ).
تفاديت في المستوى الثاني التحميل العشوائي عشان ماتسوي لخبطه.
تفاديت ايضا كثرة الاسئله بالمنتديات التي قد اجد حلها بنفسي.
مراجعة الحلول والتاكد منها.

الزبده ( ذاكر المحاضرات المنزله والمحتويات واحرص على المحاضرات المباشره والمحاضرات الخاصة بالمراجعة والواجبات والاسئله القديمه لنفس الدكتور )

بالتوفيق ,,:106:

Another day

2012- 6- 10 09:28 AM

رد: افدنا جزيت خيرا .........طريقتك في المذاكرة

طريقتي في المذاكرة:

كل مادة افتح لها ملف واي اسئلة مراجعة او اختبار اصادفه في المنتدى ويخصها اضيفه للملف..وكل يوم اخلي ساعة الصباح وساعة قبل النوم احضر محاضرة يعني مادتين في اليوم واحاول اقرا المحتوى قبل اشوف المحاضرة واخطط مع الدكتوور....وبس والحمدلله معدلي مرتفع ولا احس بضغط وقت الاختبارات

P e a c e

2012- 6- 10 09:30 AM

رد: افدنا جزيت خيرا .........طريقتك في المذاكرة

أحد الأخوان مرة شبهها لنا بغسيل الملابس

كل ما أخرتها كلما تراكمت عليك

الله يذكره بالخير

يعني لما يضيق الوقت تقعد تفكر متى تغسلها ومتى تنشفها ومتى تسفطها في الدولاب

ورده..

2012- 6- 10 09:56 AM

رد: افدنا جزيت خيرا .........طريقتك في المذاكرة

بالنسبه لي اذاكر لما اللي في البيت ينامون ويكون البيت هدوء واذا في شي صعب وما دخل مخي اقعد اشرحه لنفسي وكانني في محاضره وشرح مع نفسي ويدخل واحيانا رايحه جايه في المكان واقرا كم مره علشان يدخل غصب
>>لا تقلدينها البنت نفسيه

farahq8

2012- 6- 10 11:48 AM

رد: افدنا جزيت خيرا .........طريقتك في المذاكرة

طريقتي ،،،بما اني عاطله عن العمل،،،،الصباح لما الكل يروح للمدرسه وما عندي احد يقعد بالبيت!!!((كلهم بعمر الدراسه))ويصير البيت هااااادي،،،اطبع اولا الملازم واتاكد انها جديده مالت الاستاذ مؤ قديمه!!وبعدين اسمع كم محاضره وأبدا بالمواد اللي احس انها صعبه وتأخذ وقت!!! افضل اشوف المحاضرات بنسخة الجوال،،،((الحين صرت انزل الملازم بالايباد أوفر واسرع!!وصراحه الايباد ينفع حيل بالدراسه!!))
واسمع المحاضرات واتابع بالملزمه واكتب المهم بدفتر الملاحظات!!!
وبخصوص الو:اجبات والمحاضرات والمناقشات ،،،،أتابعها اول باول!!! وعندي جدول للمواد واللي اخلصه احط عنده علامه عشان ما انسي،،،والحمدلله أموري تمام!!!!!:53:
وعلي فكره زوجي بعد يدرس بالجامعه وصراحه انا اللي متكفله بواجباته ومناقشاته ومحاضراته!!!!!:019:

صمت...%

2012- 6- 10 12:15 PM

رد: افدنا جزيت خيرا .........طريقتك في المذاكرة

موضوع مفيد

طريقتي في المذاكره اول شيء اشتري ملازم جاهزه بس اتأكد اول انها نفس الدكتور وبالمحاضره المباشره الأولى اذا ذكر الدكتور انها بنفس طريقة العام اعتمدها

اذاكر قبل الإختبارات بشهر او على حسب عدد موادي
كل ماده 4 ايام تقريبا واجمع اسئلتها واي شي ينزلونه الطلاب ضروري اختمها خلال 3 او 4 ايام
وقبل الإختبار اخصص لها يوم او يومين للمراجعه
بس وقتي بعد صلاة الفجر لأن باقي الوقت انشغل ببيتي وعيالي

اما اعمال السنه غالبا انزلهن اول بأول الا اذا واجهني ظروف وماقدرت ادخل النت

ابوهاجر

2012- 6- 10 02:41 PM

رد: افدنا جزيت خيرا .........طريقتك في المذاكرة

اقتباس:

المشاركة الأصلية كتبت بواسطة ورده.. (المشاركة 6752807)

اهم شي الروحه والجيه !!

اللي يعرف جمل السمسم ... ترون مو بعيد عن حالات بعض الشباب وقت المذاكره !!
القاه يبرم في مكانه .. لو تحت رجوله حب يمديه سار طحين !! <<<مسوي طالع منها !!

هـمـس التميمي

2012- 6- 10 03:13 PM

رد: افدنا جزيت خيرا .........طريقتك في المذاكرة

اهم شئ التنظيم بالوقت

مواد الفهم ابدي فيها لانه هي اللي تاخذ وقت طويل
اسمعي محاضراتها واكتبي الشرح ع الملخص

حاولي تلخصين
لانه هالشئ راح تتذكرينه بوقت الاختبار

سوي ملخص للعلماء والتواريخ والنسب والاعداد
الاختصار حلو ويسهل مذاكرتك
التخطيط والتلوين بعد

حاولي ع جهازك تسوين مجلد لكل ماده
بها المحتوى واسئله العام والواجبات
ماانصح باسئله المراجعه لانه ما تشمل لاسلوب الدكتور
يعني تشتت

اهم شئ بيتك وعيالك وزوجك لا تهملينهم
هم اولى من دراستك

عطيهم حقوقهم عشان ربي يوفقك ويسهل عليك دراستك

بوقت الصيف النهار طويل .. استغليه بالمذاكره
وبالشتاء الليل طويل .. استغليه بالمذاكره بعد

سويت لك جدول للمذاكره
به التحميل وحل الواجبات والتحضير

لا تاجلين اي عمل لبكره
تتراكم عليك بعدها تنضغطين وتكرهين تسوينه

موفقه:rose:

white paper

2012- 6- 10 03:26 PM

رد: افدنا جزيت خيرا .........طريقتك في المذاكرة

الله يسعدكم

ويجعل ماكتبتموه صدقة جارية لاخوانكم

الله يوفقكم بالمعدلات العالية

مجنونهmeshoo

2012- 6- 10 03:47 PM

رد: افدنا جزيت خيرا .........طريقتك في المذاكرة

المواد العلميه ابدا فيها بدري قبل اسبوعين من الاختبارات واتابعها اول ب اول
اما المواد الثانيه مثل عقيده وتنقنيه اكتفي ب القراء وتركيز. شويات
والحمد الله ان شاء الله كلهاa

Manseetk

2012- 6- 10 03:49 PM

رد: افدنا جزيت خيرا .........طريقتك في المذاكرة

يعطييك آلعآآفية موضووع جمييل ومفييد ..

لي طريقة غريبة في آلمذآآكرة ومآآشية معآآي بشكل حلووو جدآآ في آلثلآث آلمستويآآت آلمآآضية ...
بصرآآآحة مآعمري ذآآكرت آي مآآدة ولآآ فتح آي ملزمة إلآ من بكره آختبآآرهآآ لدرجة آني مآآعرف آسم دكتووور إلآوقت إختبآآر آلمآآدة ..!!

طبعآآ أعتمد على آلملخصآآت وآسئلة آلآختبآآر آلمآآضية لكن وآلله طريقتي متعبة جدآآ ومرهقة ومعدل نومي مآآيتجآآوز آلسآآعتيين في آيآآم آلإختبآآرآت ..

بآلنسبة تنزيل آلمحآضرآآت وحل آلوآآجبآآت وآلمشآآركآآت تكوون على نهآآية آلترم وكلهآآ نسخ ولصق .. وآلحمد لله مآحملت آي مآآدة وتقديري ممتآآز وبإذن آلله متفآآئل هآلمستوى يكون معدلي فوووق 4.7بإذن آلله ..

موووودتي :rose:

مصطفى جايته عين

2012- 6- 10 03:50 PM

رد: افدنا جزيت خيرا .........طريقتك في المذاكرة

متابعة المحاضرات
تحميل المحتوى
مذاكرة المحتوى كامل قبل الإختبار بفتره
تلخيص المهم و كتابته قبل الإختبار و مذاكرته يوم الاختبار

white paper

2012- 6- 10 04:05 PM

رد: افدنا جزيت خيرا .........طريقتك في المذاكرة

اقتباس:

المشاركة الأصلية كتبت بواسطة manseetk (المشاركة 6754212)

يعطييك آلعآآفية موضووع جمييل ومفييد ..

لي طريقة غريبة في آلمذآآكرة ومآآشية معآآي بشكل حلووو جدآآ في آلثلآث آلمستويآآت آلمآآضية ...
بصرآآآحة مآعمري ذآآكرت آي مآآدة ولآآ فتح آي ملزمة إلآ من بكره آختبآآرهآآ لدرجة آني مآآعرف آسم دكتووور إلآوقت إختبآآر آلمآآدة ..!!

موووودتي :rose:

ماشاء الله
ماشاءالله تبارك الله الله لايضرك ويزيدك من فضله ومن تفوق الى تفوق ان شاء الله

الله يسعدك على الافادة وياارب يحقق مرادك ويرزقك المعدل العالي وفوق 4,9وجميع اخواني واخواتي يااااارب

Manseetk

2012- 6- 10 04:09 PM

رد: افدنا جزيت خيرا .........طريقتك في المذاكرة

اقتباس:

المشاركة الأصلية كتبت بواسطة white paper (المشاركة 6754279)

آلله يجزآآك خييير على هآلدعووه آختي آلكريمة ولك بآلمثل ,,
ربي يوووفقك ويسعدك :rose:

المرور السري

2012- 6- 10 04:38 PM

رد: افدنا جزيت خيرا .........طريقتك في المذاكرة

المذاكرة كل يوم بيومه امر على جدول الاختبار واشوف ايش ماده الاختبار وانطلق قبل الاختبار بحيث اوصل مقر الاختبار قبل بدأ الاختبا ر بثلاث ساعات واجلس في السيارة وافرفر على الاوراق المتوفرة وادخل قاعدة الامتحان والمعلومات صاخنه . وفي احد الايام دخلت قاعة الامتحان الا المادة ماهي الي ذاكرتها وطلعت بشكل سريع قبل توزيع الاوراق وشفت لي كم ورقة محدوفه على باب القاعة وقمت افرفر فيها لمدة خمس وثلاثين دقيقة ودخلت قاعدة الاختبار وحيث لم ينتهي نصف الوقت تم الموافقه على دخولي بعد ما تم حضور مدير المركز وشرحت له الوضع وعدت على خير لكن المشكلة في هذه المادة حصلت على تقدير ماهو زين ( جيد جدا )

:mh35:

M!ss Arwa

2012- 6- 10 04:57 PM

رد: افدنا جزيت خيرا .........طريقتك في المذاكرة

أنا لي طقوس خاصه وقت المذاكره :004::biggrin:

أبدأ قبل الاختبارات ب شهر او ثلآث أسابيع ..
اذاكر ع الاققل سبع محآضرات من كل مقرر .. والسبع الباقيه اخليهآ ليوم الاختبآر ، وأذا قدرت طبعا اخلص اكثر من سبع ( بس الكسل شين :( ) .. تنزيل المحآضرآت ع أبوي الله يطول بّ عممره يّ رب .. والواجبآت والمشآركآت علي .. واخلصهآ أول بّ أول.:060:

اما بالنسبه لمذاكرتي ؛:icon120::004:

مستحيل اذاكر بدون ما اخطط ب قلم !:Looking_anim:
أمسك المحآضره من أول سطر لأخر سطر واخططهآ واختصر بعض الأشيآء ب اسلوبي ف الصفحه المقابله .. وأذا فيه شيء احس صعب علي وموب راضي يثبت بّ مخيخي أربطه بّ شيء مآ أنسآه :cool:

انأ أنسآنه ما اذاكر الا وأنا ( أممممشي وأدور بّ الغرفه :Looking_anim: :Looking_anim: )
مستحيل اقدر اذاكر وانا جالسه .. وّ لازم أذاكر بّ صوت مرتفع نسبيآ !
وأذا ممره تأزم الوضع اتخذ اسلوب المعلمه والطآلبه مع نفسي !:sm5:

white paper

2012- 6- 10 08:45 PM

رد: افدنا جزيت خيرا .........طريقتك في المذاكرة

بارك الله فيكم

ورزقكم من حيث لاتحتسبووون

مديحه

2012- 6- 10 08:59 PM

رد: افدنا جزيت خيرا .........طريقتك في المذاكرة

اقتباس:

المشاركة الأصلية كتبت بواسطة المرور السري (المشاركة 6754442)

كنت بقول ششي ههههههه وانتقد
بس يوم شفت :mh35:سكتت هههههه

ربي يوفقكك:004::106:

white paper

2012- 6- 11 10:43 PM

رد: افدنا جزيت خيرا .........طريقتك في المذاكرة

دعوة للمشاركة والافادة

بعيد النظرهـ

2012- 6- 11 11:17 PM

رد: افدنا جزيت خيرا .........طريقتك في المذاكرة

انا احب اذاكر المواد الصعبه قبل الاختبارات

بنسبه لمذاكرتي في الاختبارات
تعتمد اكثر شي على القراءة + التركيز على الاشياء المهمه +مرور على الواجبات والاسئله السابقة

لوحة رسام

2012- 6- 11 11:19 PM

رد: افدنا جزيت خيرا .........طريقتك في المذاكرة

بالتوفيق

ღ ℓσνє яσѕє ღ

2012- 6- 12 05:01 AM

رد: افدنا جزيت خيرا .........طريقتك في المذاكرة

:106::106:

عنب أخضر

2012- 6- 12 05:08 AM

رد: افدنا جزيت خيرا .........طريقتك في المذاكرة

اقتباس:

المشاركة الأصلية كتبت بواسطة ღ ℓσνє яσѕє ღ (المشاركة 6764923)

:106::106:

ماشاء الله مشاركاتك كلها وروودhttp://www.ckfu.org/vb/images/icons/ei28.gif

تنفعين تدرسين لغة الاشارة اتوقع تبدعين:wink:

ღ ℓσνє яσѕє ღ

2012- 6- 12 07:52 AM

رد: افدنا جزيت خيرا .........طريقتك في المذاكرة

[عنب أخضر]ماشاء الله مشاركاتك كلها وروودhttp://www.ckfu.org/vb/images/icons/ei28.gif

تنفعين تدرسين لغة الاشارة اتوقع تبدعين:wink:

خير الكلام ماقل ودل ,, وأنا بدل ماأقول كلمه تجرح أحد أو تزعله ,, بشارك بورده ,,

ღ ℓσνє яσѕє ღ

2012- 6- 12 07:55 AM

رد: افدنا جزيت خيرا .........طريقتك في المذاكرة

كنت حابه أقول لصاحبه الموضوع أشربي ريحان أغلي 3 أو 4 ورقات في براد صغير يقولون حلوه للذكاء والإستيعاب بسرعه أنا زيك أذاكر من أول السنه وإذا جاء وقت الإختبار ماكاني ذاكرت فقررت أذاكر يوم الإختبار الترم هذا ذاكرت وقت الإختبار والله يستر من النتيجه بس إن شاء الله راح أسوي الريحان عشان أسير ذكيه ,, أتمنى لك التوفيق ,,,:rose::rose::rose: ,,,

إشراقة ضوء

2012- 6- 12 10:29 AM

رد: افدنا جزيت خيرا .........طريقتك في المذاكرة

أنا لي محاولات في المذاكرة من بداية الترم لكنها ماتكون مجدية :Looking_anim:

بس قبل الأختبارات بشهر أسووي جدول بعدد الأيام المتبقية قبل الأختبار

وأوزع عليها المواد وغالباً ماتكون 5 محاضرات من كل مادة :biggrin:

وأركز أكثر عالمواد الدسمة والمهمة أعطيها أيام أكثر :sm5:

طبعاً مو دايماً ألتزم بالجدول :41jg:

مدري ليه أحس الوقت قصير ومايمديني أخلص اللي حددته بالضبط وأيام الأختبارات العكس

سبحان الله :(107):

أستفدت من خبراتكم بارك الله فيكم :rose:

white paper

2012- 6- 12 05:13 PM

رد: افدنا جزيت خيرا .........طريقتك في المذاكرة

الله ييسر لكم كل عسير

ان شاء الله اجرب الريحان

حبايبي اللي افادونا في الموضوع والذين لم يفيدونا ومن قرأ الموضوع ومن لم يقرأ وكل اخواني المنتسبين في جامعة فيصل من كل الاقسام وكل اخواتي المنتسبات
انار الله دروبكم ويسر اموركم وفرح افئدتكم واثابكم بالدرجات التي تثلج صدوركم :106:

All times are GMT +3. الوقت الآن حسب توقيت السعودية: 08:40 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه