ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى كلية الآداب بالدمام (https://vb.ckfu.org/forumdisplay.php?f=63)

- - [ جميع التخصصات ] : الحرمان؟؟؟ (https://vb.ckfu.org/showthread.php?t=332344)

مايا ابراهيم

2012- 5- 17 03:59 AM

الحرمان؟؟؟

السلام عليكم ورحمه الله وبركاته:)

حابه اسالكم بنات تعرفون حاجه عن الحرمان يعني نزلوا الاسماء ولا لسى ؟؟

وعندكم فكره ايش ينزل المعدل اكثر الحرمان ولا الرسوب؟؟؟

رنيم الصمت

2012- 5- 17 04:40 AM

رد: الحرمان؟؟؟

اللي اعرفه وقت الأختبارات تشوفين الأسماء المعلقه عند القاعه وتشوفين ايش مكتوب عند اسمك
بالنسبة اللي ينزل المعدل كلهم ... يعني اذا انحرمتي من ماده تعتبر رسوب فالمعدل ينزل

بالتوفيق والله يبعد عنا وعنك الرسوب والحرمان:106:

Ďσα'α♔

2012- 5- 17 04:43 AM

رد: الحرمان؟؟؟

وع فكره ينزل معدلك بالحرمان اكثر من اذا رسبتي فيهآ

سمعت تنزل المعدل حيييل

مايا ابراهيم

2012- 5- 17 04:45 AM

رد: الحرمان؟؟؟

اقتباس:

المشاركة الأصلية كتبت بواسطة رنيم الصمت (المشاركة 6497916)

ياااربي ايش هالفضيحه يعني لازم كللل الناس يدرون اني حرمااان والله قهرررررر

الله يوفقك يااربي ويبعد عنك الرسوب والحرمان انا عندي حرمان للاسف:sm1:

مايا ابراهيم

2012- 5- 17 04:46 AM

رد: الحرمان؟؟؟

اقتباس:

المشاركة الأصلية كتبت بواسطة عـذبة الـروح..! (المشاركة 6497956)

وع فكره ينزل معدلك بالحرمان اكثر من اذا رسبتي فيهآ

سمعت تنزل المعدل حيييل

لالالالالالاتقولين انا قالولي البنات نفس الشيء موو ناقص المعدل ينزل اكثر:sm1:

J A M I L A H

2012- 5- 17 07:26 AM

رد: الحرمان؟؟؟

معليش أختي عذبة الروح , اللي سمعتيه مو صحيح .

كل مآفي الأمر أن نقآط هالمآده مآرح تُحتسب يعني عدد ساعات مجتازه عالفاضي بدون نقآط .

شوفي الجدول هذا

http://www.ckfu.org/pics/banner/grades_2008.GIF

شوفي الـ F الرسوب

و شوفي الـ ND الحرمان

كلهآ نفس النقآط .

وَ المفروض يختي شيكتي على غيآبج الاسبوعين اللي فآتت

و دبرتي أي عذر طبي :icon9:

بس الحمدلله على كل حآل ,

وآلله يكتب الخيره لنآ دآئمـآ .

مُوفقه :rose:

J A M I L A H

2012- 5- 17 07:27 AM

رد: الحرمان؟؟؟

^

على فكره , اذا تعرفين دكتورة المآده وهي متفهمه

كلميهآ اللحين أرفقي لها أي عذر , واذا اقتنعت

ذآكري وآختبري وتوكلي :biggrin:

صدى الكتمان

2012- 5- 17 03:27 PM

رد: الحرمان؟؟؟

الرسوب يحسب نقطه وحده
والحرمان مايحسب له نقطه
مؤكد

فك وافك

2012- 5- 17 03:29 PM

رد: الحرمان؟؟؟

اي
دايم يقولون لنا الرسوب ارحم من الحرمان
لانه يحسب لك نقاط بس الحرمان لا ولا شي

مايا ابراهيم

2012- 5- 17 05:54 PM

رد: الحرمان؟؟؟

مشكورين على الردوود بس انا سمعت انو نفس الشيء زي ماقالت اختي الله يجزاها خير جميله :rose:

لاأله الا الله

2012- 5- 17 06:09 PM

رد: الحرمان؟؟؟

انا انسحبت من ماده الترم الاول وسويت كل الاجراءات المطلوبه واخر شي نزلوها لي حرمان ولي ترم كامل اراجعهم طبعا مع معاملتهم الحلوه اللي لما تشوفك تهرب من كثر ماحفظت وجهك ومن كثر ماتتردين عليها واللي تقفل الباب بوجهك عشان تاكل او تسولف مع صحباتها الموظفات اللي معاها بالمكتب واللي تتأفف وتحسينها شوي وتتفل بوجهك وانتو كرامه وقدمت لهم اوراق للسجل وحوسه:007:اخر شي مالقوا طلب انسحابي ضيعوه ولمن قلت لهم ان هاذي مسؤوليتكم وايش الاستهتار هذا طلعوا الغلط مني وان انا اصلا ماقدمت طلب انسحاب مع العلم اني مقدمه ومسويه كل شي بخصوص الماده تضايقت وقتها وحسيت بشعور شلون يقع عليك الظلم من دون ماحد يساعدك او يمد لك يد العون استسلمت ويئست من الموضوع وأنهيتها بأني قدمت خطاب لمديره مكتب العميده مع اني اعرف انه ماراح يغير شي ووكلت امري لله وش نقول غير حسبي الله ونعم الوكيل واسأل الله اني اتخرج من هالكليه باسرع وقت قبل لاتجييني سكته قلبيه من الوضع اللي نعيشه يوميا:139:

J A M I L A H

2012- 5- 17 06:23 PM

رد: الحرمان؟؟؟

^

حبيبتي فيه دليل على الانسحاب !!

لأن الانسحاب مايتم الا بتوقيع دكتورة الماده , ويلغى اسم الطالبه من الكشوف .

الدليل الأول : توقيع الدكتوره

الدليل الثاني : الغاء اسم الطالبه من الكشف بالرغم من انها تحضر باقي المواد ومنتظمه .

لا تسكتين أبدد لأن هالخطأ منهم ممكن يلعب بالمعدل .

لاأله الا الله

2012- 5- 17 06:39 PM

رد: الحرمان؟؟؟

انا وديت طلب الانسحاب للدكتوره ووقعت عليها بس اذا طلب انسحابي ضايع ومش موجود عندهم انا وش ممكن اسوي:mad:

فك وافك

2012- 5- 17 07:41 PM

رد: الحرمان؟؟؟

لا اله الا الله
انا نفسك بالضبط انسحبت من مقرر ونزل لي حرمان
تخيلي صارلي سنه ونص وانا اروح لهم واراجعهم ماااسكت ابد حتى انهم حفظوني وحفظو اسمي
اخر شي رحت لاستاذه ميسون الله يسعدها ويوفقها وربي هالانسااانه روووووووووعه وذووووووق واخلااق ولولا الله ثم هي كان انا لحد الان حرمان روحي لها لا تسكتين الله يعينج

J A M I L A H

2012- 5- 17 07:54 PM

رد: الحرمان؟؟؟

فيه أشيآء كثيره تسوينها أقلها خطآب خطّي من دكتورة المآده تثبت أنو آنتي فعلا رحتي لها وقعت على طلب الانسحاب !!

وبرضوآ الآستآذه ميسون موجوده بالموقع الرسمي حق الجامعي تواصلي معها ,

أو روحي لها بآخر مكتب في الممر اللي يم الصاله الزجاجية ,

كل التوفيق آختي :rose::004:

لاأله الا الله

2012- 5- 18 12:29 AM

رد: الحرمان؟؟؟

ان شاء الله بكلم الاستاذه ميسون وبسوي اللي اقدر عليه:106:دعواتكم والله يعطيكم الف عافيه:106:

صدى الكتمان

2012- 5- 18 12:39 AM

رد: الحرمان؟؟؟

كلمي مكتب سكرتارية قسم الماده يساعدونك على طول
والله يسهل عليك ويوفقك

All times are GMT +3. الوقت الآن حسب توقيت السعودية: 07:34 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه