|
رسائل الجوال .............. (الجميع يدخل)
السلام عليكم ورحمة الله وبركاته الكل يعلم مدى التقصير الواضح خلال هذا الفصل الدراسي من الجامعة بالإضافة الى بعض الاخطاء الادارية التي ندفع نحن الطلاب الآن ضريبتها. موضوعي عن رسائل الجوال الكثير منا اذا ماهو الكل لم نستقبل رسائل على هواتفنا الجواله بخصوص تنبيهات الجامعة فيما يخص الملاحظات و مراكز الاختبارات و التنبيهات وغيرها ..... في الامس القريب حصل خطاء اداري دفع ثمنه الطلاب بجهودهم و وقتهم ونفسيتهم ومالهم، وهو تسرب اسئلة المحاسبة والانجليزي التي لا يعلم عنها اكثر من 90% من الطلاب الا بعد ان اعلنت الجامعة ذلك وتحدثت بعض الصحف عن ذلك. مع ذلك اشركوهم في العقاب. فما هو ذنب اكثر من 90% وقد يكون 99% بتحمل خطاء سوء ادارة واصلاح الخطاء بطرق أسواء من الخطاء نفسه نرجع لموضوع الرسائل التي غابت وغاب دورها في الكثير من الامور التي يحتاج الطالب ان تصله اول بأول ، مثل عطل النظام واخر وقت لتحميل المهام الدراسية وغيرها كثير...... الخ في الختام ............ من المسئول ؟ .......................... ومن يدفع ثمن هذه الاخطاء ؟ ......................... وما هو دورنا نحن الطلاب اما هذه الاخطاء ؟ الاجابات بيد المسئولين بالجامعة ثم بيد كل مسئول يهمة مصلحة ابناء الوطن ! ودمتم بود ،،،،، |
رد: رسائل الجوال .............. (الجميع يدخل)
:(204):
الترم هذآ فيه لخبطةة كثيرة الله يستر من البآقي بس... يعطيكك الف عآفيةة :rose: |
رد: رسائل الجوال .............. (الجميع يدخل)
كلامك سليم 100 % لكن لا حياة لمن تنادي
|
رد: رسائل الجوال .............. (الجميع يدخل)
كلام عين العقل :d5:
|
رد: رسائل الجوال .............. (الجميع يدخل)
معاك حق
اقل شي يرسلون مسج بخصوص اغلاق البلاك بورد ومسج باعادة الاختبارات اللي تسربت تاركين الامور تشبع اشاعات بعدين ينزلون الخبر ربي يخلي الملتقى ولا ما درينا عن شي :53: |
رد: رسائل الجوال .............. (الجميع يدخل)
وللمعلومية
رسوم رسائل الجوال موضافة لرسوم الدراسة ليش ما استخدمت او انهم في حاجة لمبلغ المخصص للرسائل ؟ :Cry111: |
رد: رسائل الجوال .............. (الجميع يدخل)
الله يعينا السمسترات الجايه كل مايزيد عدد الطلاب تزيد معاه المشاكل ولكن .... ماضـــاقت الا لتفرج الله يسهل علينا جميعا ونتخرج وبس نتخرج بس ننسى الهم هذا كله |
رد: رسائل الجوال .............. (الجميع يدخل)
نظام الجامعه بعمره
دمار × دمار السبب الرئيسي / هو سكوت معظم الطلبه واعتمادهم ان في احد بيتكلم باسمهم " يد وحده ماتصفق " لازم نتعاون عشان صوتنا يوصل يوم عن يوم اكتشف ان جامعتنا الموقر هدفها 100% ربحي ، ماهمتها مصلحة الطالب وين ولا همتها نفسية الطالب ، والتزاماته و الخساير اللي جالس يخسرها بكل سمستر الله يعين ويسهل نفسيتي دمار شامل ، السمستر الجاي ضروري اوقف ولا بستخف :Cry111: |
رد: رسائل الجوال .............. (الجميع يدخل)
اسواء ترم في حياتي :sm18:
|
رد: رسائل الجوال .............. (الجميع يدخل)
وازيدك من شعر بيت مرسلين لي رساله عن تسريب المحاسبه والانجليزي
وكاتبين ان الانجليزي الفتره الاولى والبلاك بورد ومركز الاختبار الفتره الثانيه مدري من اصدق :(107): |
رد: رسائل الجوال .............. (الجميع يدخل)
حسبي الله وكفى :icon9:
1 - شرح بعض الأساتذة سيء للغاية واغلاط كثيرة ( مانلومهم يمكن كثرة الضغوط لكن لاينسون أننا بشر مثلهم ولازم يراعونا ويخافون الله فينا ) . 2 - أخطاء في التمارين والمحتوى ( مافيه أي مشاكل الكل يغلط لكن عبرونا بتصحيح معتمد من عندكم مثل دكتور الرياضيات 2 د.الطاهر ماشاء الله عليه ) . 3 - أخطاء في كتابة الأختبارات وحلول لا تحتويها الخيارات (ياأخي كلف نفسك بس 10 دقائق راجع الأسئلة لأنكم وربي شككتونا في طرق حلنا بلخبطتكم الزائده يعني مو سؤال عشان نحس أنه خطاء مطبعي إلا أكثر من سؤال ) . 4 - وآخر شي رسوم تدفع للجوال وآخر رسالة كانت بتاريخ 4 مارس 2012 ( يعني ما حصل شي مهم من هذاك الوقت لهالوقت عشان ما ترسلون .. إذا محتاجين زود رسوم قولوا لنا والله يعيننا نزيد بس المهم نكون بالصورة ) . |
رد: رسائل الجوال .............. (الجميع يدخل)
:mh12:انا معك في هالموضوع واشدد ع الجامعه ندفع رسوم جوال والله ماجاني ولا مسج في هالترم
يعنبي اكل اموال الناس بالباطل مفروض يرسلون مسج لكل الطلاب انه والله الاسبوع الجاي بنقفل البلاك بورد مو كذا فجاءه (خذوه فغلوه ) وسط الامتحانات وضغط ع بلاك بورد والله اني ع كنكت يالله الحق ع المنتديات واحصل ع الملخصات وبعض الاسئله وانزلها يعني مايعلم بحالي الا الله ولما اجي انزل محاضرات انزلها صوت وتعرفون بعض محاضرات لازم تشوف الشرح اروح ع اليوتيوب يعني لفه كاني مثل الي يقول وين اذنك ياجحا:Cry111: |
رد: رسائل الجوال .............. (الجميع يدخل)
مستحيل نسكت عن المهزله وانا مسوي موضوع وبعد اذنك يـ التركي اقول للمراقب العام ابو محمد اتمنى انك تعيد فتح الموضوع هذا www.ckfu.org/vb/t331451.html والا تنقله للقسم الرئيسي |
رد: رسائل الجوال .............. (الجميع يدخل)
قمة البخل من هالجامعة مع العلم حنا من يدفع الرسائل للعلم شف ورقة الاختبار وجهين كلها اسئلة حتى في الورق بخل هههههههههههه يارب تسهل امورنا الى التخررج والتوفيق يااارب |
رد: رسائل الجوال .............. (الجميع يدخل)
تخبط وااااضح وصريح ومافيه اي عذر لهم
لان المبلغ اللي ماخذينه يقدر يسوي لهم افضل نظام تعليمي :(177): اصلا حتى البلاك بورد بعد ماتعبهم بالاعطال وعجزو يصلحوه ، قالوا خلينا نقفله ونسوي اننا مستعجلين ع الدرجات :hahahahahah: مالهم اي مبرر الا الاهمال |
رد: رسائل الجوال .............. (الجميع يدخل)
وش السالفه اشوف امس في الاختبار المستوى الثالث بعض الاشخاص زعلانين و المراقبين يهدونهم
بصراحة بجنبي واحد يهااااوش واصل حده الله يعييينكم :(107): |
رد: رسائل الجوال .............. (الجميع يدخل)
احس اني داخله روضه مو جامعه
الحمدالله والشكر فوضى ولخبطه وانظمه فاشله وقرارات عشوائيه وماخذين الطلاب مهزله كل شووي طالع لنا موضوع اخس من اللي قبله مااقول الا حسبي الله على كل مسؤول كان وراء هذا الخلل المريع :(177)::(177)::(177)::(177)::(177)::(177)::(177):: (177): |
رد: رسائل الجوال .............. (الجميع يدخل)
السلام عليكم
اضم صوتي للكل ....... طيب مادام ان مافي احد يعطينا رد من الجامعة واحنا كل هدفنا ومواصلت تعلمنا عن طريق خدمات عالية المستوى (بما أن على حسابنا الشخصي وكل عنده مسؤوليات اهم ) ليش مانوصل الخبر للنجار وعنده اسوع واحد من بداية السمستر الجاي والا كلنا يد وحدة ونقدم شكاوي عند وزارة التعليم العالي والجرايد لاتنسو احنا المستوى الثالث وقدامنا مشواااار :cool: اذا اردنا وتكاتفنا ....استطعنا الوصول |
رد: رسائل الجوال .............. (الجميع يدخل)
كلام صحيح 100%
بالنسبه لي انا الترم هذا ما استقبلت ولا رساله بالرغم اني معطيهم 10 ريال حقت الرسايل لكن مافيه احترام للطالب ولا محافظه على حقوقه حسبي الله عليهم لابد من مناقشة المسؤولين ومعرفة السبب!! |
رد: رسائل الجوال .............. (الجميع يدخل)
اجمالي رسوم رسائل الجوال للجامعة 1200.000 مليون وميئتين ألف ريال للعام الواحد
والله حرام هالمبلغ عشان رسالة وحده :sdfgdsf: انا داخل فكرت انه في رسالة جاية ع الجوال طلع موضوع :Cry111: |
رد: رسائل الجوال .............. (الجميع يدخل)
معليييييييييييييييييش انا جاتني رسالة ماني زيكم :d5: بس شوفو وش تقول : المحاضرات الاولى قد بدأت ............الخ حيث تبين من خلال متابعة الانظمة ان تفاعلكم مع المحاضرات المباشرة منخفض . ( يعني النظام شغال يتصيد الأخطاء ) وكان تاريخ هالرسالة بعد انتهاء المحاضرات المباشرة الاولى ونا ياغافل لك الله احسبهم مثل الاترام السابقة يرسلون قبل موعد المحاضرات بإسبوع رسالة تفيد عن بدأ موعد المحاضرات وتجي المحاضرات الي عقبها ولا رسالة :mh12: ( يمكن زعلانين !!!!! مدري:017:) |
رد: رسائل الجوال .............. (الجميع يدخل)
امس باليل اظاهر اطلعوا على هذا الموضوع
وارسلوا لنا رسالة تفيد بأن الاختبار بينعاد ما نقول الا حسبنا الله وسوف نستمر بالمطالبة بحقوقنا واصلاح الخلل في ادارة برنامج التعليم المطور |
رد: رسائل الجوال .............. (الجميع يدخل)
ماجاني شي :g2:
>>>> ما زالت المأسآة مستمرة |
رد: رسائل الجوال .............. (الجميع يدخل)
من جد نظأم مآسآه
اضيف على كلامكم لو تلاحظون الرسايل اغلبها تكون بمصلحة الجامعه ييعني عن تسديد الرسوم واخر موعد له او يكون عن التسجيل للجامعه طيب ليش مايرسلون لنا عن النتيجه احيانا نكون مسافرين او مايكون فيه نت ليش مايعطونا خبر بالمختصر كا ا ا ا ا ا انهأ حأمعه حكوميه مافيه فرق |
رد: رسائل الجوال .............. (الجميع يدخل)
اضم صوتي للكل .......
|
رد: رسائل الجوال .............. (الجميع يدخل)
والله انكم صادقين حسبي الله عليهم
|
رد: رسائل الجوال .............. (الجميع يدخل)
ايه احنا اعاده المحاسبه الاربعاء الجاي :24_asmilies-com:
تبون صدق احسن عادوها الاسئله صعبه ودكتور شكله كان نوينا واسئلته كله لف ودارن وبعد لقو فيها اخطاء والمضحك بعض الي سربو الاسئله ماعرفو يحلونها :hahahahahah::hahahahahah: العام اسئلته سهله بس مادري وش جاه هالترم :bawling::bawling: |
رد: رسائل الجوال .............. (الجميع يدخل)
انا عن نفسي ماسكت عندي رقم النجار والشعيبي ونازله لهم شكاوي واي شي يصير معي اول باول عندهم صحيح مايردون ع رسايلي ولكن انا مستمره لاني مالقيت طريقه لتوصيل معاناتي الا بها لطريقه
انا ادفع فلوس ع شي ممكن اخذه مجانا لييييه ياجامعتي العزيزه ضروري يتغير النظام عشان يخدم الناس مهو كلنا نستميت لخدمة النظام لانه مهو شريعه منزله النطام العام وضع لخدمة الاكثريه ولكن النظام الخاص يوضع لخدمة كل واحد دفع فلوس المضحك المبكي كل مافتحت محاضرات الصحه تطلع لي فقه العبادات يعني لو معتمدين ع البلاك الله بخلف علينا مقوووووول غير الله يخلي لنا اليوتيوب |
| All times are GMT +3. الوقت الآن حسب توقيت السعودية: 07:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه