ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 2 (https://vb.ckfu.org/f306)
-   -   وين أحسن مكان أقدر أحصل فيه المحتوى مطبوع (https://vb.ckfu.org/t309941.html)

Az000z 2012- 3- 31 11:33 AM
وين أحسن مكان أقدر أحصل فيه المحتوى مطبوع
 
سلام عليكم ورحمة الله وبركاته،،،

يا جماعة الربع طيب الله حالكم وفالكم... وإنشالله أنكم كلكم طيبين وفي أحسن حال...

ممكن أحد يفيدني وين ممكن ألقى محتوى المحاضرات مطبوع وجاهز؟؟ يعني وشهي أحسن مكتبه في الرياض موثوقة ولا يصرفون لي محتوى قديم قبل كم سنة ويجيبون فيني العيد وأصقط لا قدر الله :mh12:

طبعا يفضل يكون المركز أو تكون المكتبة وسط أو شرق الرياض في أسواء الأحوال لأن كلكم عارفين زحمات الرياض تجيب المغص :Cry111: تكفون لا أحد يقولي في المحل اللي فالسويدي...


ونصيحة أخ مجرب لا أحد ينصب على نفسه زيي ويقول بذاكر من الابتوب ولا الآيباد لأن لي شهر كل ما فتحت الابتوب أذاكر رحت حملت فلم وقعدت أتفرج عليه وسحبت على أم المذاكرة :53:

شكرا لك مقدما ياللي بترد علي :rose:

حسن المعيلي 2012- 3- 31 11:48 AM
رد: وين أحسن مكان أقدر أحصل فيه المحتوى مطبوع
 
وعليكم السلام
والله انا ما عرف محل
بس المذاكرة من لاب توب جيدة واما اذكر الا من لاب توب
بس يبغالك تتعود على المذاكرة من لاب توب

Az000z 2012- 3- 31 11:54 AM
رد: وين أحسن مكان أقدر أحصل فيه المحتوى مطبوع
 
مشالله عليك،، أن بالنسبة لي عندي مشكلة شخصية مع التقنية ما ينفع معي إلى نظام وررررق وأقعد أشخط بالقلم اللين الورقة تصير خريطة...

حاولت أقنع نفسي صراحة بس ما قدرت أمشيها على نفسي :(

كولبهـــــآر 2012- 3- 31 12:13 PM
رد: وين أحسن مكان أقدر أحصل فيه المحتوى مطبوع
 
وعليكم آلسلأم ..
خيوو شوف هآلرآبط يمكن يفيدك
http://www.ckfu.org/vb/t303513.html

Az000z 2012- 3- 31 12:19 PM
رد: وين أحسن مكان أقدر أحصل فيه المحتوى مطبوع
 
شكراً خيتو،،، بس اللي فهمته من الموضوع اللي فالرابط أنه ملخصات بس...

اللي أنا أحتاجه هو محتوى المادة اللي ينزل فالبلاك بورد لكل محاضرة وهو اللي أعتمد عليه فالمذاكرة بشكل كامل،،،

يعطيكي العافية...

كولبهـــــآر 2012- 3- 31 12:24 PM
رد: وين أحسن مكان أقدر أحصل فيه المحتوى مطبوع
 
خيووو مو ملخصآت آنآ رآجعته آلمحتووووى نفسه بس مآده آلريآضيآت فيه آختلآف
موووووووووووووفق :004:

Az000z 2012- 3- 31 12:42 PM
رد: وين أحسن مكان أقدر أحصل فيه المحتوى مطبوع
 
يعطيكي العافية بمر المكتبة اليوم إنشالله وأطلع على اللي موجود وأقارنه بالمحتوى اللي فالبلاك بورد..

ابو رياض 2012- 3- 31 01:10 PM
رد: وين أحسن مكان أقدر أحصل فيه المحتوى مطبوع
 
اتمنى التوفيق للجميع

امنيات 2012- 3- 31 01:17 PM
رد: وين أحسن مكان أقدر أحصل فيه المحتوى مطبوع
 
اخوي المحتويات موجوده كامله في مكتبة المتنبي
تحياتي لك :rose:

Az000z 2012- 3- 31 02:04 PM
رد: وين أحسن مكان أقدر أحصل فيه المحتوى مطبوع
 
وين هي في مكتبة المتنبي ؟؟

امنيات 2012- 3- 31 02:29 PM
رد: وين أحسن مكان أقدر أحصل فيه المحتوى مطبوع
 
تلقاها في اي مكان اسئل عنها هي مثل جرير تقرياً

Az000z 2012- 3- 31 02:41 PM
رد: وين أحسن مكان أقدر أحصل فيه المحتوى مطبوع
 
شكلها فالدماام المكتبة هذي،،، بحثت في قوقل وطلع لي إنها فالدمام وأنا فالرياض :Cry111:

Az000z 2012- 4- 7 10:09 AM
رد: وين أحسن مكان أقدر أحصل فيه المحتوى مطبوع
 
يا جماعة الخير أفزهو لنا حتى مكتبة الرواد ما حصلت فيه إلا ملخصات وليس المحتوى اللي موجود فالبلاك بورد...

Az000z 2012- 4- 7 04:24 PM
رد: وين أحسن مكان أقدر أحصل فيه المحتوى مطبوع
 
ما فيه أي ردود يعني لازم أروح أنزل موضوع جديد عشان أحد يرد علي :(284):

گبرياء أنثے 2012- 4- 7 04:30 PM
رد: وين أحسن مكان أقدر أحصل فيه المحتوى مطبوع
 
الملخصات هيه نفس المحتوى بس بطريقه مرتبه أفضل بالنسبه لي

Az000z 2012- 4- 7 04:41 PM
رد: وين أحسن مكان أقدر أحصل فيه المحتوى مطبوع
 
آمننا بالله إنها نفس المحتوى بس باقس مادتين ماحصلتها الإنجليزي والمذاهب الإسلامية،،،، يا رب أحد يصير يعرف وين ألقاها...

حكيمة زماني . 2012- 4- 7 05:35 PM
رد: وين أحسن مكان أقدر أحصل فيه المحتوى مطبوع
 
انت في اي جامعه :biggrin: ،،، وانت للحين مستوى اول :biggrin:<<<<< مشكوك بأمرك يا باشا :biggrin:
وان شاء الله يفيدونك اهل الرياض :004:
موفق :106:

Az000z 2012- 4- 7 08:46 PM
رد: وين أحسن مكان أقدر أحصل فيه المحتوى مطبوع
 
المشكلة مسمية نفسك حكيمة :53: يعني توقعين أني بجي أكتب هنا وأنا أدرس في الملك عبدالعزيز :(107):

أنا في فيصل إدارة أعمال مستوى ثاني :)

حكيمة زماني . 2012- 4- 7 08:51 PM
رد: وين أحسن مكان أقدر أحصل فيه المحتوى مطبوع
 
الله يهداك عدل اعداداتك :biggrin:

Az000z 2012- 4- 7 09:09 PM
رد: وين أحسن مكان أقدر أحصل فيه المحتوى مطبوع
 
الله وش ذا منين صرفولي المعلومات هالموقع !!! كيف اللحين إنشالله إنتفت الشبهه :Looking_anim:

طيب لانطلع من موضوعنا الأساسي ويييييييييين ألقى المحتوى مطبووووووووووووووووووووووووع :Cry111:

هل من مجيــــــــــــــــــب،،،،

گبرياء أنثے 2012- 4- 7 09:23 PM
رد: وين أحسن مكان أقدر أحصل فيه المحتوى مطبوع
 
دامك بالرياض خذ من تميم أتصل أسئلهم إذا عندهم


http://www.ckfu.org/pics/tmim2larg.gif




كذا :oao: ولو عاد سئلت بأجيب المكتبه بكبرها هنا :biggrin:

Az000z 2012- 4- 7 11:03 PM
رد: وين أحسن مكان أقدر أحصل فيه المحتوى مطبوع
 
يعطيكي العافية كبريا بس ترا إذا ماحصلتها عندهم قسم لا أرجع هنا :(284):

Az000z 2012- 4- 7 11:44 PM
رد: وين أحسن مكان أقدر أحصل فيه المحتوى مطبوع
 
UP

امورة وايد 2012- 4- 8 02:21 AM
رد: وين أحسن مكان أقدر أحصل فيه المحتوى مطبوع
 
خذها مني ماراح تحصلها المكتبات كلها ملخصات

مافي محتوى


غريبه ماحصلت احد في المنتدى منزلوة

Az000z 2012- 4- 8 08:45 AM
رد: وين أحسن مكان أقدر أحصل فيه المحتوى مطبوع
 
معقولة ؟؟ ليش التحطيم ذا :Cry111:... يارب ألقاه في تميم..

حكيمة زماني . 2012- 4- 8 09:10 AM
رد: وين أحسن مكان أقدر أحصل فيه المحتوى مطبوع
 
أقولك،،،
روح أخذ المحتويات اللي نازله حاليا في البلاك بورد وطبعها ،،، مافي الا هالحل :biggrin:
موفق :106:

Az000z 2012- 4- 8 09:39 AM
رد: وين أحسن مكان أقدر أحصل فيه المحتوى مطبوع
 
المستوى الماضي كان عندي 5 مواد وجربت الفكرة الفاشلة هذي وإكتشفت إن الإختبارات بدت وأنا للحين أطبع فما بالك والمستوى هذا 6 مواد يمكن أخلص إختبارات والطباعة ماخلصت :(

أزعجت جرير كل شوي رايح لهم عطوني حبر :060:

گبرياء أنثے 2012- 4- 8 09:44 AM
رد: وين أحسن مكان أقدر أحصل فيه المحتوى مطبوع
 
بشر لقيت :sm1:

:biggrin:

Az000z 2012- 4- 8 09:57 AM
رد: وين أحسن مكان أقدر أحصل فيه المحتوى مطبوع
 
والله لسى ما أعرف وين مكانهم راح أتصل عليهم اليوم العصر إنشالله وأجيب خبرهم،،، في حال أني عرفت محلهم طبعاً :cool:

الواثق. 2012- 4- 8 10:09 AM
رد: وين أحسن مكان أقدر أحصل فيه المحتوى مطبوع
 
اخوي صباح الخير بالنسبه للمحتوي ماينزل بالمكتبات هذا الي اعرفه.
الي يكون موجود بالمكتبات هو الملخص
ودمتم :oao:

گبرياء أنثے 2012- 4- 8 10:13 AM
رد: وين أحسن مكان أقدر أحصل فيه المحتوى مطبوع
 
ايه الي بالمكتبات الملخص والملخص هوه نفسه المحتوى بس بطريقه مرتبه


بالتوفيق للجميع يارب :rose:

Az000z 2012- 4- 8 10:19 AM
رد: وين أحسن مكان أقدر أحصل فيه المحتوى مطبوع
 
ووووووووووع،،، طيب هل الملخص يكفي عن المحتوى فالمذاكرة ؟؟

شكرا لتجاوبكم جميعاً :53:

گبرياء أنثے 2012- 4- 8 10:23 AM
رد: وين أحسن مكان أقدر أحصل فيه المحتوى مطبوع
 
الملخص أفضل من المحتوى

Az000z 2012- 4- 8 10:26 AM
رد: وين أحسن مكان أقدر أحصل فيه المحتوى مطبوع
 
ما أتوقع لأني قريت كثير فالمنتدى والغالب يقولون إن الأفضل المذاكرة من المحتوى،،، خصوصا إني ذاكرت المستوى الماضي من المحتوى وشديت حيلي والحمد الله جبت معدل فوق الـ 4 فـــ ماودي أحوس عمري بالمخلاصات وأضيع جهدي خصوصا إن الملخصات مرات ماتكون شاملة :(

حكيمة زماني . 2012- 4- 8 02:37 PM
رد: وين أحسن مكان أقدر أحصل فيه المحتوى مطبوع
 
اقتباس:
المشاركة الأصلية كتبت بواسطة Az000z (المشاركة 6120676)
المستوى الماضي كان عندي 5 مواد وجربت الفكرة الفاشلة هذي وإكتشفت إن الإختبارات بدت وأنا للحين أطبع فما بالك والمستوى هذا 6 مواد يمكن أخلص إختبارات والطباعة ماخلصت :(

أزعجت جرير كل شوي رايح لهم عطوني حبر :060:
هههههههه مثلي :biggrin: بس هالسمستر رحت طبعتهم ،،،
والله أغلبنا في المستوى الاول خذ له ملخصات وجبنه معدل :004:
عندك المحاسبة الملخلص نفس المحتوى ،،، مافي زايده ولا حاجه للأخ فهد الشمري :106:
/
/
/
اذا مالك بالدوشه وعوار الرأس ودواره بين المكاتب لهالمحتويات والملخصات ،، أخذ لك USB ونزل الملخصات وودهم عند اي مكتبه
/
/
ها شقلت بتاخذ لك ملخصات ولا اسحب نفسي من السالفة :biggrin:

Az000z 2012- 4- 8 02:45 PM
رد: وين أحسن مكان أقدر أحصل فيه المحتوى مطبوع
 
لا والله العوض ولا القطيعة الملخصات أحسن من لا شي،،، طيب عندك ملخصات موثوقة وكويسه عارفتها أنتي؟؟

ياليت تزودينا فيها هنا لو تكرمتي...

المواد اللي عندي الترم هذا كالتالي:

1- المذاهب الإسلامية.
2- رياضيات 2
3- محاسبة 2
4- تقنية معلومات 1
5- إقتصاد كلي
6- لغة إنجليزية

الشكر مقدم....

حكيمة زماني . 2012- 4- 8 03:00 PM
رد: وين أحسن مكان أقدر أحصل فيه المحتوى مطبوع
 
رياضيات أنا عندي ملخص لفهد الشمري يختلف كثير ،،، فأنصحك تتابع مع الدكتور وتكتب وياه :biggrin:
الاقتصاد لـ خجل ،، والمحاسبه فهد الشمري، تقنية دلو
وهذا موضوع فيه كل الملخصات :004:
http://www.ckfu.org/vb/t285201.html

اما المذاهب واللغة الانجليزيه ماخذتهم فمـ ادري اي ملخص زيين لهم
موفق :106:

Az000z 2012- 4- 8 03:08 PM
رد: وين أحسن مكان أقدر أحصل فيه المحتوى مطبوع
 
جزيل الشكر والعرفان أخت حكيمة والله يأجرك على المجهود الطيب...

گبرياء أنثے 2012- 4- 8 03:17 PM
رد: وين أحسن مكان أقدر أحصل فيه المحتوى مطبوع
 
أخيرا اقتنعت بالملخصات :53:

Az000z 2012- 4- 8 04:17 PM
رد: وين أحسن مكان أقدر أحصل فيه المحتوى مطبوع
 
ما أقتنعت إقتناع كامل لكن على قولت المثل عصفور فاليد ولا عشرة على الشجرة،،، إنشالله بمر مكتبة تميم اللي قلتيلي عنها وأشوفهم.....

يارب يطلع عندهم ماني مرتاح نفسياً للملخصات :Cry111:

عطرالورد.. 2012- 4- 8 04:44 PM
رد: وين أحسن مكان أقدر أحصل فيه المحتوى مطبوع
 
اقتباس:
المشاركة الأصلية كتبت بواسطة Az000z (المشاركة 6076504)
وين هي في مكتبة المتنبي ؟؟
السلام عليكم......لي فترة عن الملتقى كيفكم مع المذاكره ..
المهم.....بالنسبه لمكتبة المتنبي هي في حي الباديه داخل الدمام.........حووول مطعم القاهرة ما تضيع اذا رحت حي الباديه وسألت على طول بتلقاها

بالتوفيق للجميع...:biggrin::biggrin:

Az000z 2012- 4- 8 09:49 PM
رد: وين أحسن مكان أقدر أحصل فيه المحتوى مطبوع
 
شكرا عطر بس أنا فالرياض >>> إحباااااط :(269):

أبشروووو يا قووووووووووم -------- أبشركم لقيت المحتوى مطبوع في مكتبة تميم وشريتها كلها بإستثناء الإنجليزي لأنه معدل عليه ومشروح عليه بالعربي فما حبيته...


شكرا شكرا شكرا لكل من تفاعل معي فالموضوع ورد علي...

شكر خاص للأخت حكيمة لتزويدي بالملخصات...

وشكر خاص للأخت كبرياء لأنها علمتني عن المكتبة الرهيبة ذي...


جزاكم الله ألف ألف خير

معرفي على تويتر للتواصل لمن أراد @AbdulazizNET

,اي واحد يحتاج مساعدة فالإختبارات لا يرده إلا كبيورده :53: ترا عندي ملف إكسل لمتابعة المحاذرات والواجبات والمناقشات هو اللي كان له الفضل بعد الله بترتيب شغلي فالإختبارات للترم الماضي لكن ما أعرف كيف أرفعه على المنتدى المنتدى ما يرفع إلا صور بس ياليت اللي عنده خبر يفيدني تكرما...

أدام الله عليكم الخير والمسرات وبالتوفيق لكم في إختباراتكم جميعاً وصباحاتكم جميلة بإذن الله،،،،

الواثق. 2012- 4- 9 08:10 AM
رد: وين أحسن مكان أقدر أحصل فيه المحتوى مطبوع
 
اخي عزوز
السلام عليكم ورحمة الله وبركاته
ممكن تزودني بمناقشة الانجليزي
ودمتم .

Az000z 2012- 4- 9 11:06 AM
رد: وين أحسن مكان أقدر أحصل فيه المحتوى مطبوع
 
ما عليش أخوي واثق ما فهمت طلبك وش تقصد بمناقشة الإنجليزي ؟؟

گبرياء أنثے 2012- 4- 9 11:09 AM
رد: وين أحسن مكان أقدر أحصل فيه المحتوى مطبوع
 
وشكر خاص للأخت كبرياء لأنها علمتني عن المكتبة الرهيبة ذي...



العفو ماسوينا الى الواجب أخوي والله فرحت لك :53:

Az000z 2012- 4- 9 01:56 PM
رد: وين أحسن مكان أقدر أحصل فيه المحتوى مطبوع
 
من لا يشكر الناس لا يشكر الله،،، شكراً لشعورك الطيب وجزيتي خيراً...


All times are GMT +3. الوقت الآن حسب توقيت السعودية: 06:43 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه