|
ارثيك خاف اودعك ما رثيتك ( لعلها وداعيه)
عقبال يا ماخذ فـؤادي ميـة عـام .. .. ضيعتني منك وانـا مـا اهتديتـك لا ..ما نسيتك كيف بانساك مـا دام .. .. ذكرى الفراق تهزني لـو نسيتـك حبك قدر وانا على ديـن الاسـلام .. .. مكتوب في وجه الجبين ورضيتـك لك في الضمير الود والحشمه اتوام .. .. ولي في ضميرك مثل ما انا بغيتـك ولك منزلٍ في نايف القلـب وخيـام .. .. وذود الغـلا ترعـاه ولا شكيـتـك يفطر عليك القلب وان فارقك صـام .. .. والله لونك شـوك سـدره كليتـك القلب طيرٍ لادعـي للهـوى حـام .. .. والا انت وكره من كثـر ماهويتـك كن العيون من النظر عقبـك ايتـام .. .. وكني ماريت الا انت من يوم ريتك وكنك معي وانا فقدتك مـن اعـوام .. .. مـع الخيـال القـاك كنـي لقيتـك من صعب وصلك ما تهنيتك احـلام .. .. وان جابتك فزيت شـوق ومحيتـك يعني وصالك صعب واهدافي اوهـام .. .. يعنـي زرعتـك للقـدر ماجنيتـك صبرك يقولون العرب كـل الايـام .. .. يوم عليـك ويـوم لاجـاك جيتـك ويا قلب ياللي ورثك اجـروح وآلام .. .. بليتنـي ماهـو بانـا اللـي بليتـك ولعتني من عادني في الهوى خـام .. .. واسرفت بي وانا خطامـك عطيتـك طعتك وزبدة طاعتـك هـم وهيـام .. .. مالله كتب لي واستخرت وعصيتـك لوللقلـوب اسـواق بايـع وسـوام .. .. لاابدلـك وان جيتنـي ماشريـتـك والا انت ياللي جيش عينيك مقـدام .. .. لا اقنعت منـك والرجـا مارجيتـك كني سجين بين..افـراج ..واعـدام .. .. وكنك سجن وانـا بنفسـي بنيتـك تنبيك عن حالي محاصيـل الالهـام .. .. وتخبرك نظراتـي نهـار التقيتـك عقب الوصال اللي على عين من لام .. .. قدهو يكفيني عن الوصـل صيتـك وقدني الى مريت بالشـارع العـام .. .. لديت من ما في الضميـر ودعيتـك ادري ان صوتي ماقطع عشرة اقدام .. .. وادري بي اعود الى مـن نصيتـك ياشينهـا يامحنـيٍ راس الابـهـام .. .. ماقدر على شوفك وانا عنـد بيتـك الاعمار ما تضمن وانا اخاف الاحكام .. .. ارثيك خـاف اودعـك مـا رثيتـك مما راق لي من قصائد ابن فطيس :004: ولربما قد يكون فيها وداعي لكم جميعا وبالاخص شخص هنا عزيز على قلبي وجميعكم والله وحده شاهد انكم عزيزين, ولكن من يدري لعل القدر يجمعنا مره ثانيه لكم ودي واحترامي الكبير الا محدود :004::004::004::106::106::106: محاكي الروح :106: |
رد: ارثيك خاف اودعك ما رثيتك ( لعلها وداعيه)
لا ..ما نسيتك كيف بانساك مـا دام ..
.. ذكرى الفراق تهزني لـو نسيتـك قصيده جداً رائعهـ يسلموووو ع النقل~~ اممم ليه الوداعيه عسى خير؟؟ |
رد: ارثيك خاف اودعك ما رثيتك ( لعلها وداعيه)
كن العيون من النظر عقبـك ايتـام .. .. وكني ماريت الا انت من يوم ريتك ,,,, :106: تسلم يدينك على القصيدة :106: بس ليه الوداااااع الله لا يجيب الفرقا عسى المانع خير |
رد: ارثيك خاف اودعك ما رثيتك ( لعلها وداعيه)
اقتباس:
ولاهنتي ان شالله انه خير :106: |
رد: ارثيك خاف اودعك ما رثيتك ( لعلها وداعيه)
اقتباس:
لاهنت ياطويل العمر ودي لك :106: |
رد: ارثيك خاف اودعك ما رثيتك ( لعلها وداعيه)
لك في الضمير الود والحشمه اتوام ..
.. ولي في ضميرك مثل ما انا بغيتـك ولك منزلٍ في نايف القلـب وخيـام .. .. وذود الغـلا ترعـاه ولا شكيـتـك رجعت لنا من جديد محاكي .. ورجعت لنا روعه حروفك ... راااااااااائــــــــــــــــع كعادتك .. وان شاءالله مابه وداعيه هنا بيننا ... الا بتجلس والا ...:33_asmilies-com: شفنا لك صرفه .... تقبل ودي :106: |
رد: ارثيك خاف اودعك ما رثيتك ( لعلها وداعيه)
ههههههه
المشاغبه ولااااكم صرفت الله ولا صرفتكم :mh12: لاهنتي ياغاليه :106: |
رد: ارثيك خاف اودعك ما رثيتك ( لعلها وداعيه)
ياشينهـا يامحنـيٍ راس الابـهـام ..
.. ماقدر على شوفك وانا عنـد بيتـك يَ سلآم يَ سلآم :sm5: المحيط الهادي , مبدع في كل حالاته صح لسآنه , وتسلم يدينك محاكي . . :rose: |
رد: ارثيك خاف اودعك ما رثيتك ( لعلها وداعيه)
صح لسان الشاعر وتسلم يمين الناقل
محاكي الروح قواك الله اختيار رائع اما سالفة الوداع مابوه وداع اركح وامسك ارضك قل غيبه ايه بس لا تطول في انتظار روائعك شكري واحترامي لسموك الكريم :106: |
رد: ارثيك خاف اودعك ما رثيتك ( لعلها وداعيه)
عقبال يا ماخذ فـؤادي ميـة عـام ..
.. ضيعتني منك وانـا مـا اهتديتـك لا ..ما نسيتك كيف بانساك مـا دام .. .. ذكرى الفراق تهزني لـو نسيتـك جدا جميل :106: |
رد: ارثيك خاف اودعك ما رثيتك ( لعلها وداعيه)
_ لاغريب ع المحيط الجمآل ولا غريب عليك حسن الانتقآء شكرآ لك اتمنآ المانع خير |
رد: ارثيك خاف اودعك ما رثيتك ( لعلها وداعيه)
حبك قدر وانا على ديـن الاسـلام ..
.. مكتوب في وجه الجبين ورضيتـك لك في الضمير الود والحشمه اتوام .. .. ولي في ضميرك مثل ما انا بغيتـك :d5::d5::d5::d5::d5::d5::d5::d5::d5:ا |
رد: ارثيك خاف اودعك ما رثيتك ( لعلها وداعيه)
وشّ ودآعه يآ محآكيّ منّ يدخل هُنا لآ يخرج محبوسين :biggrin: وتسلّم ع النقل , وابن فطيسَ مآ فيه مآله مثييل :sm5::004: هو إلي خلآنيَ احب آلشعر ولآ انآ ووين وآلشعر وين كلنَ بديره :biggrin: يعطيك آلعآفيه واتمنَى لك آلسعآده اخوي محآكيّ :rose: |
رد: ارثيك خاف اودعك ما رثيتك ( لعلها وداعيه)
الصراحه اعجز عن الكلام بالرد على مروركم الذووق وشعوركم اللي لامس قلبي
الظاهر خلاص هونا محنا طالعين هههه :hahahahahah::hahahahahah: لا ماقلت بطلع مره لاكن يمكن اغيب كثيير لاني ان شالله يمكن اروح برا اكمل الماستر بس على الله تخلص الاوراق وتتم الموافقه من العمل بسرعه لاهنتو :106::106: |
رد: ارثيك خاف اودعك ما رثيتك ( لعلها وداعيه)
بالتوفيق ربي ييسر لك دربك
:106: |
رد: ارثيك خاف اودعك ما رثيتك ( لعلها وداعيه)
^^
مشكوره اختي ويوفقك بعد :106: |
رد: ارثيك خاف اودعك ما رثيتك ( لعلها وداعيه)
يالله توفقه وتيسرله امره وتنوله مراده ياكررريم
رحله موفقه يالغالي :004::106: |
رد: ارثيك خاف اودعك ما رثيتك ( لعلها وداعيه)
^^
تسلمين ياغاليه لاهنتي :106: |
| All times are GMT +3. الوقت الآن حسب توقيت السعودية: 10:56 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام