|
شي ينررررررررررررررررفز !!!!!!
:017: :017:
بصراحه انا كثير نفسيتي تعبانه اولا لان لسه سعد ما ردوا علي والسبب ال2 اهلي ... انا بقولكم الموضوع وكل وحده تقول رايها من غير تحيز !!! امس ... قعدوا معاي اهلي عشان يقنعوني اغير تخصص التمريض ... وقالوا لي انهم قدروا يسجلوني بفيصل محاسبه عالعموم ... كثير خلوني اقرف من التمريض ... يعني هل صحيح راح نضطر ننظف ناس ؟ هل راح نمسح الدم بعد ما وحده تولد ؟ هل صحيح احنا اللي نرتب سرير المريض !!!؟؟؟ هل صحيح احنا اللي بنركب القسطره وغيره ؟؟؟ انتوا عارفين ما يحتاج اتكلم ... الكل كان يقوللي ان الممرضه محتقره وان حتى الاطباء ما يحترمونها .. خالتي طبيبه تشتغل في مستشفى تقوللي ان الداتره يعتبرون الممرضات زي الخدم وانهم ما يسوون ... وقعدت تقوللي ان قدامها اغلبهم يسوون حالهم .. يحترمونك لكن من تمشين يتطنزون ... ويقولون ان اغلبهم فاكرين نفسهم شي وهم ولا شي !!! انا اعاني من مشكله ... الكل متظايق مني ... وانا كان حلمي الطب ... فقررت ادرس تمريض لاني ما قدرت احقق هالحلم مع اننسبتي عاليه بس كنت منومه بالمستشفى ايام التقديم عالجامعات ... صرت من اقعد خواتي يتطنزون تخيلوا ينادوني ميري ... ليش ان تخصصاتهم ارقى ... خلالتي كل ما يشوفوني يقعدون يقنعوني ... يقولون لي حرام تدفنين نفسك وشبابك بالتمريض ... يقولون لي احنا نحترم هالمهنه لكنها مو لبنات بلدنا ... صرت من اقعد كلهم يتجمعون علي ... والله صرت ابكي لوحدي ... يقولون لي ان حتى الزواج مافي سعودي ياخذ ممرضه شفتات وتتكلم مع رجال لو مهما كانت محترمه !!!!! هم يقولون مجتمعنا متخلف .. وان انا لازم ارضى بالواقع ... ايش رايكم ادخل فيصل وادرس محاسبه ؟ ولا ادخل تمريـــــــــض ... تعبت وابي راي انسانه صادقه ما تتحيز عشانها طالبة تمريض ... تجي وتقوللي الحقيقه ... محتاجتكم لا تبخلون علي !!!!!!!! :Cry111: |
رد: شي ينررررررررررررررررفز !!!!!!
للامانه اللي تدخل ... تعطيني رايها بصراحه وتحط نفسها بموقفي ...
بلييييييييييييييز :017: |
رد: شي ينررررررررررررررررفز !!!!!!
انا ماابي اقرر عنك واقولك اسمعي كلام اهلك او اسمعي كلامي وادرسي تمريض
مثل مااهلك قالوا لك انتي بتركبين قسطره وبتنظفين لمريض وتساعدين ثاني في دخول الحمام وبترتبين سرير وفي بعض الحالات راح تساعدين مريضه على انها تاكل اكلها <<<شفتي هذا كله ماراح تقدرين تتحملين الا اذا هالشي طالع من قلبك وتكوني واثقه ان ربي سبحانه وتعالي راح يجازيك خير على اللي تسوينه في النهايه هو انسان بحاجه الى مساعدتك وبصراحه انا اعارض اللي يقول ان الممرضه محتقره لان اللي شفته العكس وكلامي ناتج من تجربتي لما نزلنا المستشفى نطبق بالعكس الكل يعاملنا باحترام حتى الاطباء مع العلم ان في بعضهم مغرورين بس شنقول اصابعك مو سوا بالنسبه للزواج انا اقولك ان معانا بنات متزوجين ومخطوبين ممكن تقولين هذول قبل مايدخلون التمريض بس انا اقولك لا بعضهم انخطبوا بعد مادخلوا التمريض كل هذا يعتمد على رغبتك انتي وقناعاتك بقولك شي عني انا كنت مثلك اتمنى الطب بس ربي ماكتب لي واعترف ان نظرتي للمهنة التمريض مو ذاك الزود يعني وين الطب ووين التمريض لكن كل هذا تغير لاني اكتشفت ان الطبيب مايسوي شي وبصراحه الطبيب يكون ولا شي بدون الممرضه لانها هي اللي تعرف كل شي عن المريض من والى لكن الطبيب يجي يشخص ويعطيه الدواء ومع السلامه ارجع واقولك هذا راجع لميولك وطموحاتك ونظرتك الشخصيه للمهنه هذي وعلى فكره مو بس انتي اللي اهلك سمعوك كلام حلووو <<طبعا فاهمه ايش اقصد بالكلام انا خالاتي كانو يعلقون ويقولون ومايتركون شي بس عشان يقرفوني بس انا ارد واقول انتوا ماتعرفون شي عن قيمة الممرضه وفي الاول والاخير هذا اختياري وانا مرتاحه واحس بسعاده لما اساعد شخص محتاج لي راجعي نفسك وشوفي انتي شنو تبين ومحد يقدر ياخذ هالقرار عنك هذي حياتك وشي طبيعي انك تحتاري وتترددي بس جلسي لوحدك وفكري وشوفي وين مصلحتك او خذي خيره والله يوفقك يارب واي شي تحتاجينه انا بالخدمه |
رد: شي ينررررررررررررررررفز !!!!!!
طيب والفليبينيات ايش وضيفتهم ...
انا يوم جيت اسجل بس قالوا لي ان احنا راح نكتب تقارير ونراقب المرضى . عالعموم حبيبتي ... والله كلامك برد قلبي شوي !!! وربي وسعتي صدري ... انتي بجد ملاك رحمه الله لا يحرمنا منك ... واي شي يجي فبالك ادخلي اكتبيلي :Cry111: جزاك عند الله خييييييييير يا رب |
رد: شي ينررررررررررررررررفز !!!!!!
انتي قلتي شنو وضيفة الفلبينيات
وانا اقولك لاتنسين الهنديات واللبنانيات والمصريات والسعوديات <<<كل واحد يشوف شغله وانتي ياحلوه تدرسين تمريض واحتمال كبير تكون المسؤله عنك هنديه او فلبينيه او مهما كانت جنسيتها عليكي تعرفي شنو وظيفتك وتسويين اللي عليك واذا حنا بنعبي اوراق ونراقب المرضى اجل ليش يعلمونا كيف نركب قسطره وكيف نسحب دم وكيف وكيف ؟؟ تخيلي نفسك تساعدين شخص محتاج لمساعدتك سواء بتنظفينه او بتساعدينه يقوم او يجلس او مهما كان <<<انتي بامكانك تسوين هالشي ؟؟؟ تتقبلي فكرة انك تكونين مسؤله عن اطعام مريض مايقدر ياكل لوحده ؟؟؟ بالتوفيق |
رد: شي ينررررررررررررررررفز !!!!!!
كل شي الا انظففففففففففففففففففففه
بليييييييييييييييييييييييز لا !!!!!!!!!!!!!!! والله انا ابي هالتخصص لكن ما ابي انظف !!! ابي اسال انتي متقبله هالشي ؟؟؟ هم يقولون لي ان الهنود اللي عندهم دبلوم هم اللي يسوون هالشي .. شرايك انتي حبيبتي وارجوك لا تعصبين مني ... :Cry111: |
رد: شي ينررررررررررررررررفز !!!!!!
لاتخافين ماراح اعصب <<<من حظك اليوم انا راااااااايقه خخخخ
انا معاك في ان موضوع التنظيف صعب شوي وعلى فكره ممكن انتي تنحطين في قسم ماعندكم مريض يحتاج تنظيف <<<انتي وحظك مثلا انا لما كنت في قسم الجراحه ماكان عندنا الا مريض واحد بس لانه في غيبوبه وعلى فكره اللي في غيبوبه هم اللي يحتاجون التنظيف اكثر من غيرهم وهذا المريض مانظفته لان الوقت اللي ينظفونه فيه كان بالليل وانا داومت بس يومين بالليل وماقالوا لي تعالي نظفي بس كنت اراقبهم بينما صديقاتي في الاقسام الثانيه كان الوضع عندهم غير يعني هالشي يعتمد على كونك في اي قسم سالتيني اذا اتقبل هالشي او لا بيني وبينك في البدايه كنت شايله هم بس بعدين المرضى كسرو خاطري كفايه انهم في غيبوبه ومايدرون عن شي وبتكوني لابسه قفازات وحاجات ثانيه وانتي تحمميه يعني ماراح تلمسينه بايدك واذا فكرتي فيها على انها مساعده للمريض والله بيجازيك خير عليها راح تتقبلين الفكره اكثر والله يوفقك |
رد: شي ينررررررررررررررررفز !!!!!!
السلام عليكم
أختي قلب ملاك أنا كان حلمي أني أكون دكتورة ولايزال حلمي الأول الطب ولكن الله ماكتب أني أدرس طب وماانقبلت أي مجال طبي فهو الله وفقني للتسجيل في كلية سعد وانشاء الله راح أدرس فيها الى من تنفرج والله كريم وبالنسبة مع المضايقات اللي حصلتيها من أهلك هذي ردة فعل طبيعية بالنسبة لمجتمعنالأن الكل يعتبر الممرضة أنها خدامة ولكن التمريض في الواقع مهنة انسانية شريفة وأنتي الحين مخيرة بين شيئين مثل مافهمت من كلامك فهو أنتي شوفي ميولك وين ؟للتمريض ولا للمحاسبة واذا أنتي متحيرة بين المجالين قولي لأهلك أنك بتاخذي خيرة والخيرة فيما استخاره الله وأكيد أنهم يؤمنو بخيرة الله تعالى والله يكتب لك اللي فيه الصالح:praying: وبالتوفيق. |
رد: شي ينررررررررررررررررفز !!!!!!
zigzag :
انا اللي يبط قلبي ويفقع مرارتي ان امريكا وهي اكثر دول العالم تقدما الممرضه عندهم شي مقدس ... اصلا هي اللي تملي شروطها لهالدرجه هي مهمه !!! واحنا هنا كل شي يحتقرونه انا ما ابي علاقتي فيهم تتاثر لان كلهم زعلانين مني :Cry111: يسلمو على مرورك الرائع يا قلبي :g26: حياتي انتي تعبتك معي |
رد: شي ينررررررررررررررررفز !!!!!!
هلآ خيتو لاتنظري للتمريض من نآآحيه وحدة .. أنا أستغرب من أهلك كييف يحطمون آمالك ومستقبلك ..!! امي تتمنى اليوم قبل باكر أن بنت من بناتها تدخل تمريض .. وأنا هذآني قدمت والحمد لله إن شاء الله بدرس وأرفع راسها .. بصرآآحه أكثر شي مهنه متوفره للبنات بالسعوديه التمريض .. أنا بنت خالتي تشتغل ممرضه ومستانسه ومرتاحه .. وكل واحد وميوله بالنهايه .. بس أنا وحدة عاادي أحب اساعد المرضى أحب أساعد وش فيها لو أكلت مريض|ة بأيدي ؟؟ بالعكس راح أكسب أجر .. التمريض مهنة إنسانيه ,, ولكل مهنه متاعبها الخاصه .. أنا كنت أقوول مستحيل أكون معلمه لأن المعلماات بعد يتأذوا من البنات المشاغبات وكذا .. .. بس الحقيقه لكل مهنه متاعبها .. انا وحدة مقتنعه بالتمريض .. وأكيد أسمع كلآم من بنات أنك مثل الشغااله .. بس انا أشوفه غير كذا .. إن شاء الله حبيبتي تغيري فكرتك وتقنعي أهلك .. :119: وأكون وحدة من صديقاتك :119: بالتوفيق |
رد: شي ينررررررررررررررررفز !!!!!!
انتي خايفه على علاقتك فيهم تتاثر طيب ليش ماتصيرين مثلي ياتقنعني يااقنعك ؟؟
لما يتكلمون بشي حاوريهم واعطيهم وجهة نظرك في الموضوع وضحي لهم رغبتك وطموحك غيري نظرتهم بالذات اذا كنتي مقتنعه بهالشي والله يوفقك |
رد: شي ينررررررررررررررررفز !!!!!!
لأ أختي بالعكس مافيها تعب
وزي ماقلتي في أمريكا مو هنا وأنا أجل سمعت أن في دول يعتبرو التمريض أعلى من الطب بس هنا الدول العربية عندهم العكس واذا أهلك راح يزعلو منك بسبب دخولك للتمريض خلاص دخلي اللي يبونه والله يوفقك المهم انك ماتغضبيهم بدخولك شي مايبونه وبالذات والديك والله يوفقك انشاء الله. |
رد: شي ينررررررررررررررررفز !!!!!!
هلا أختي قلب ملاك .. أنا بعد أهلي مثلك بالبداية ما عجبتهم فكرة التمريض بس فهمتهم أن أنا أحب مساعدة الناس وأن فيها الأجر .. وكان حلمي بعد إني أكون دكتورة .. بس هذا اللي ربي وفقني فيه .. << وأحسن شي إن نفس المجال ..:g2: وأتفق مع أختي zigzag إنها مهنة (( انسانية )) ومثل ماقالت شوفي ميولك وين ودخلي ..:150: وإحنا نتشرف بكونك وحدة من بنات دفعتنا ..:cheese: :m22asmilies-com:. . . وبالتوفيق . . . :m22asmilies-com: |
رد: شي ينررررررررررررررررفز !!!!!!
هلو ملوكه وربي البنات ماقصروا
واهم شي انت تكوني مقتنعه ولاتفكري في الموضوع على انه تنظيف ولاع وما ابي فكري في الاجر والثواب الي راح تأخذيه من مساعدتك للانسان المحتاج وربي يوفقك في اي شي تختارينه :119: |
رد: شي ينررررررررررررررررفز !!!!!!
هلا حبيبتي ..
المجتمع نظرته غبيه متخلفه ومستحيل راح تتغير >> حاليا من جد عقولهم مصديه وانا غاسله يدي منهم .. انا ماراح اقول لك اسمعي كلام اهلك او خالاتك .. بقول لك سوي الشي اللي انتي تبينه لانه هو الشي الوحيد اللي راح تمشين فيه لانك تحبينه .. يعني انتي قدامك دراسه 5 سنوات تخيلي تدرسين شي ماتحبينه وربي صعبه انا درست بزنس سنتين ونوص .. >>>ضيعتها ع الفاضي واخر شي طلعت لانها مو ميولي دخلتها عشان اهلي .. واخرتها ماقدرت .. و ع سالفه الزواج قسمه و نصيب .. هالامور بيد الله .. وياما بنااات كاملات والكامل الله .. ومدرسه وملتزمه بس ماتزوجت مو عشان شي بس عشان ربي ماكتب .. انا نفسك كثير عارضوني ما اقولك ما اهتميت لان كلامهم يجرح يخلونك حشره وكانك ولا شي بس ماعليك منهم هذي حياتك ومستقبلك .. انتي اللي تحددينها مو هم .. اهم شي علاقتك بربك .. وربي مايضيع تعب احد .. بصرااحه في كثير ممرضاات سعودياات خربو هالمهنه .. ومايحتاج اتكلم هالعينات نشوفها كثير بالمستشفى سواء بلبسها ب مكياجها ب كلامها واسلوبها مع الرجال هم اللي جابو الكلام لنفسهم ف احنا لازم نغير هالشي لازم نثبت انو احنا مو كيذا وان اصابعهم مو سوا مو كل ممرضه معناتها رايحه فيها .. بعدين احنا الى منتى نوقف حياتنا عشان الرجال .. اذا دخلت كيذا مايعجبه واذا دخلت هالتخصص ماراح يتزوجني الى متى يعني .. هذي حياتنا طموحاتنا مستقبلنا احنا اللي نحددها مو هم .. يعني مو معقوله هو يختار لي حياتي ع العموم اخر شي اقول لك صلي واستخيري .. ربك اخبر مني ومنك والله يكتب لك اللي فيه الخير |
رد: شي ينررررررررررررررررفز !!!!!!
الله يعطيكم العافيه
انا بكمل بالتمريض وانشالله اشوفكم كلكم بالكليه الله يجزاكم الف خير حبيباتي على وقفتكم جمبي :Cry111: |
رد: شي ينررررررررررررررررفز !!!!!!
الله يوفق الجميع:m22asmilies-com:
|
رد: شي ينررررررررررررررررفز !!!!!!
اقتباس:
ولو أختي قلب ملاك ...:119::119: مو إحنا (( أسرة وحدة )) ... :783: أكيد بنكون جنبك دوووووم ... :064::064: :thumbs-up: ... بالتوفيق للجميع . . . :m22asmilies-com: |
رد: شي ينررررررررررررررررفز !!!!!!
:m22asmilies-com:
يا حبي لكم ,,, |
رد: شي ينررررررررررررررررفز !!!!!!
اهلين اختي انا من رايي انك تدخلي التمريض ولايهمك راي اهللك راح يتغيروا مع الوقت وفي النهاية هذا مستقبلك وهذه اللحظة مهمة تتعلق فيك القرار يرجعلك ابدا لاتهتمي لكلام احد في حياتك مهما كان التمريض صدقيني احسن من المحاسبة لانك راح تلاقي وظيفة على طول على عكس المحاسبة اللي مافيها مجالات عمل للمراة بنت خالي دخلت محاسبة لكن بس اتخرجت ما لقيت احد يوظفها الشركات دحينا اكترهم رجال في النهاية صارت تشتغل مدرسة رياضيات في ابتدائي يعني تضييع وقت يعين ندمت هي واهلهاوبعدين انتي بتدرسي في كلية سعد مو اي كلية محترمة ولها مكانة ومستقبل وانا اروح مستشفى سعد دايما واشوف الكل هناك محترم حتى الممرضات وكمان اذا اتخرجتي ممكن يعطوك منحة تدرسي برة كمان ويكون للك مكانة اكبر وبعدين هو على حسب المستشفى الي بتشتغلي فيها والمهم انتي استخيري وكوني متفائلة واذا هللك كلموك بشيء لا تزعلي:no2: وتبينلهم انك زعلانة او خايفة :bawling:لانهم بكده راح يزيدوا عليك الضغط اما انك تقنعيهم او انك ما تردي عليهم وقوليلهم انا راح ادخل الشيء اللي ربي اراده وادعي:s12: انه ربي يلين قلوبهم والله يوفقك ان شاء الله ويطرح لك الخير في طريقك....آمين
:119: |
رد: شي ينررررررررررررررررفز !!!!!!
بصراحه ياقلبي البنات ماقصروووا قالوا كل شي خطر في بالي أول ماقريت موضوعك الله يرضى علـيــــــهم يارب...
شوفي يابنت الناس كلام الناس ماراح يتركوك وأنا بالنسبه لي أنا متزوجه وعندي ولد وهالحين حامل وصراحة اول ماسجلت تمريض الكل يقولي مايصلح لك سواء لبيتك أو لعيالك هو مسئوليه بس هو طمووووحي وأولهم أمـــــي...بس من ناحيتي أنتي أهم شي تكوني مقتنعه إنك قادره على التمريض وأهم شي تحتسبي الأجر عند الله في كل شي بتسوينه وإذا شايفه إن اهلك مرررررررره مو راضين دوري على أي تخصص 2 أهم شي أهلك مايغضبون عليك وينتحس مستقبلك خصوصا الام والأب... الله يوفقك لكل مافيه خير يارب.... |
رد: شي ينررررررررررررررررفز !!!!!!
هلالالالالالالالا قلب ملاك.... خخخخخخخخخخخخخخ
انا عكسك كنت ادرس حاسب دبلووم وخلصته واهلي انواع الهدرة دخلي تمريض دخلي تمريض خخخخخخخخخ عائلتنا كلهم ممرضات تقريبا ههههههههههههه ... بنات عمي اربعتهم وعمتي ممرضة من 25سنة ... الله يرحمها وعشت في جو .. تمريض خخخخخخخخ فيعتمد على الاهل وتفكيرهم ... كل بنات عمي متزوجات وعندهم اولاد ولازالو ممرضات ونا كمان الله يوفقني :) ويووفق كل الممرضات لانه ايل بيحقتر هالمهنة ... خخخخخخخخخخخخ شلووون بيعيش بدونها اصللا ونا بالنسبة لي بنات البلد يخدموني ولا الاجانب تحسي براحة اكبررر... عالعموووووم اذا لك نصيب بتاخذيه سواء محاسبة ولا تمريض ... |
رد: شي ينررررررررررررررررفز !!!!!!
هلا بيكمـ خواتيـ
اهـ اه حاسه فيكـ عمري وانا كماان اهلي رافضين فكرت التمريض معن اهلي ايزي اهم شيـ الي انا مقتنعه فيه بس التمريض لاغين الفكر بتاتا لانو متاملين على نسبتي طب ولا صيدله ولا طب اسنان ولا كلية العلووم الطبيه ولا كلية العلوم الطبيه التطبقيه ولا فكروا بالتمريض والمل يقولي حرام تدخلين تمريض بس بس القدرات والتحصيلي <زفت فيهم ولا اقبلوني ولا مكان فا مافي لي الا سعد تمريض واهلي حتى يوم اقنعوا تمريض مو جااايين يقتنعونيــــــــ بسعد يقلون عليه مشاااكل وفوضي وهذه انا الحين اقنع فيهم <<لاني بصراحه انقبلت في الكلية التقنيه بس ما قدرات اسلم ملفي قهرر نسبتي حلوه اروح التقنيه لان ميولي طبي على الاقل تمريض ولا غيره بس يالله خليهااا على ربناا اذا انا انقبلت نماراح يصير الا الخير يارب مني طفشت من حيااااااااااتي هالعطله مو رايقه ابد كلا بدايتهاا نتاااايج وفي الوسط تسجيلات وبعدهاا القبولات <وربي مو جايه احلم بس بقبولي بس ربي يكون في العون يارب تفرج ولا تعسر:g8: |
رد: شي ينررررررررررررررررفز !!!!!!
اشكر جميع من وضع بصمته في هذا الموضوع
ولكن نظرا لكون الاخت العزيزه قلب ملاك أصبحت معنا في الكليه منذ بداية السمستر الثاني في العام الفائت سوف أقوم بغلق الموضوع مع تمنياتي للجميع بالتوفيق ودوام الصحه والعافيه |
| All times are GMT +3. الوقت الآن حسب توقيت السعودية: 12:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام