|
اليوم اخر موعد للتسجيل والشيخ البانر ماهو معترف فيني
السلام عليكم ورحمة الله وبركاته
الموضوع وسلامتكم واضح من العنوان للحين ما قدرت اسجل موادي في البانر مستوى ثاني ادارة اعمال مع العلم إني مسوي إعتذار الترم الي فات وبعد ما وافقوا على طلب العوده للدراسه وصارت الحاله عندي فعال بعد رفعت الضغط ومماطله دامت حوالي شهر وانا كل يوم احاول اسجل المقررات بدون فايده تذكره تعبت زهقت ويرفعون ضغطي مرسلين لي رساله اخر الليل يقولون سارع بتسجيل المقررات وش السالفه والله ماني فاضي لهم كل يوم احاول ادخل واشيك على البانر بس الظروف الى انا فيها جدا صعبه ياخوان والله ماعندي تلفون ثابت والجوال الشبكه ضعيفه والنت سلحفاه جالس في وسط الربع الخالي لا خدمات ولا شيئ ولا راح ارجع للرياض الا اخر الشهر والجامعه ذي مهستره فينا يعني افصل من الوظيفة واروح اقابلهم من سجلت في الجامعه وانا اشوف لخبطه وفوضى ماعمري شفت مثلها بحياتي يا حسافه يالرياضيات جايب فيها 100درجه وفرحان واخرتها سحبوا علي ما اقول الى حسبي الله ونعم الوكيل وارجع واقول لا تخلوني يا اخواني افزعوا لي بأي شي |
رد: اليوم اخر موعد للتسجيل والشيخ البانر ماهو معترف فيني
وعليكم السلام ورحمه الله وبركاته
الله يعينك مالك الا الصبر زين حصلت فرصه تكمل تعليمك :wink: اللحين مافهمت من كلامك شئ انت تبي تسجل ومو عارف والا ماتقدر تدخل البنر ؟ |
رد: اليوم اخر موعد للتسجيل والشيخ البانر ماهو معترف فيني
للاسف ياخوي انا نفس حالتك لا الجامعة فادتني ولا المنتدى ردوا علي مدري كيف واليوم اخر يوم ومن اسبوع الجامعة قالوا ابشر بالخير ولا في فايدة وامس كلمت الرقم المجاني وقالوا ابشر وحطي بيخة ببطنك وارتاحي وبنكلمك انشالله ولا كلموني ولايردون الحين مدري وش اسوي حسبي الله ونعم الوكيل بس هذا التيرم اللي راح وهالتيرم ياااارب كون معاانا
|
رد: اليوم اخر موعد للتسجيل والشيخ البانر ماهو معترف فيني
الصبر طيب
|
رد: اليوم اخر موعد للتسجيل والشيخ البانر ماهو معترف فيني
اقتباس:
بالنسبة لمشكلتي البانر يفتح معي بس اذا جيت اسجل تجيني رساله لا يسمح لك بالتسجيل في هذا الوقت التسجيل. وبالنسبه للصبر ما قصرت الجامعه هذا الشيئ الوحيد الي استفدناه منها أكرر شكري الجزيل وأتمنى لكي التوفيق وللجميع |
رد: اليوم اخر موعد للتسجيل والشيخ البانر ماهو معترف فيني
اقتباس:
وكان الله في عون الجميع على ذي الجامعه ومسئوليها اللحين اذا بيدقون علي يريحون انفسهم اغلب الوقت خارج الخدمه الشكوى لله وياليت احد يفيدنا اكثر النت راح يفصل بعد كذا تعليقه وما لقينا حل واليوم اخر موعد |
رد: اليوم اخر موعد للتسجيل والشيخ البانر ماهو معترف فيني
العفو
طيب يمكن تكون تجاوزت عدد الساعات المسموح لك فيها . او انك ادخلت الأرقام المرجعيه للمقررات خطأ . |
رد: اليوم اخر موعد للتسجيل والشيخ البانر ماهو معترف فيني
أخوي أرسل لي رقمك الجامعي + الرقم السري + المواد أللي بتسجلهم برساله خاصه ..
بجرب أسجل لك وإن شاءالله يضبط معي :106: |
رد: اليوم اخر موعد للتسجيل والشيخ البانر ماهو معترف فيني
مع اني سجلت قبل
لكن بعد موضوعك الحين رحت وجربت اضيف مواد يقبل أتوقع كاتب ارقام المقررات خطأ |
رد: اليوم اخر موعد للتسجيل والشيخ البانر ماهو معترف فيني
اقتباس:
ارسلت لك المطلوب وان شاء الله تلاقين حل لأني فقدت الأمل صراحه فيه بعض الردود مارديت عليه اعتذر منهم الاتصال جدا تعبان وكم رد اكتبه ويعلق معي وارجع اكتبه الله يعين |
رد: اليوم اخر موعد للتسجيل والشيخ البانر ماهو معترف فيني
أخوي تسجل معاي إلا (الرياضيات 2 / المحاسبه 2 / مبادئ الإقتصاد الجزئي) ..
بس المواد العامه مو راضية تتسجل :(177): حاولت أسجل لك الإنجليزي (مع العلم أنك ماتبي تسجله :tongue:) بس الغريب أنه ضبط معااي :000: >> بس حذفته مثل ماتبي .. |
رد: اليوم اخر موعد للتسجيل والشيخ البانر ماهو معترف فيني
اختي كيف سويتي له بالهالسهولة انفعيني كيف الطريقة وانا بسويهاا لان انا فعال بس الين الحين يقول لايسمح للتسجيل في وقت التسجيل لبرجاء الاتصال بمسول التسجيل وكلمتهم امس وقالوا بيضبظوني وبيكلموني ولا كلموني والحين شيكت نفس الشي وش اسوي ابي رررد لانحقروني وش السالفة على كلامي محد يررد
|
رد: اليوم اخر موعد للتسجيل والشيخ البانر ماهو معترف فيني
حبيبتي حاولي تسجلين ماده ماده حتى يضبط معك :tongue:
بس مثل ماقلت (ماتسجل إلا مواد التخصص والباقي مانفع :(177):) |
رد: اليوم اخر موعد للتسجيل والشيخ البانر ماهو معترف فيني
خلاص تسجل معاي حمدلله بس ابغى اعرف متى اخر يوم للسداد
|
رد: اليوم اخر موعد للتسجيل والشيخ البانر ماهو معترف فيني
اخر يوم للسداد 30-3
|
رد: اليوم اخر موعد للتسجيل والشيخ البانر ماهو معترف فيني
اقتباس:
|
رد: اليوم اخر موعد للتسجيل والشيخ البانر ماهو معترف فيني
اقتباس:
والتسديد مثل ماقالت الأخت (تهاني) يوم 30/3 :(204): اقتباس:
أنا توقعت كذا بس شيكت على جدولهم وطلع مافيه أي تعارض ..! |
رد: اليوم اخر موعد للتسجيل والشيخ البانر ماهو معترف فيني
والله كناا مثل حالك بس مشت الامور والحمد لله
مابعد الصبر الا الفرج :119: |
رد: اليوم اخر موعد للتسجيل والشيخ البانر ماهو معترف فيني
اقتباس:
الله يسعدك كنت جدا محط اليوم ورديتوا الروح فيني اعجز عن التعبير والله اعجز ثم اعجز والجميل يرد لأهل الجميل بدعوه صادقه في اخر الليل ولا انسى الأخت دودي أيضا وباقي الاخوان بصراحه اخجلتموني واقسم بالله وقفت كثيرا اشاهد الردود وبالكاد كتب هذا الرد جزاك الله خير لي عوده مره اخرى وسأحوال تسجيل باقي المواد شكرا |
رد: اليوم اخر موعد للتسجيل والشيخ البانر ماهو معترف فيني
اقتباس:
ذي فكره حلوه انا مسجله كذا وحده من عندي ... اذا في خلل من عندك دز رقمك الجامعي لاحد يساعدك ويسجل لك "الكلام للعموم " في بعض مشاكل البانر |
| All times are GMT +3. الوقت الآن حسب توقيت السعودية: 08:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام