|
ابي احد يساعدني جزاكم الله خير
الله يوفقكم يارب انا اختبرت بالمستوى الثاني خمس مواد بينهم ماده انا محملتها من المستوى الاول اللي هي محاسبه 1 والحين طلعت نتيجتي اني حملت كل المواد ماعدا الانجلش ومادري وش اسوي هل انا راسبه وانتقل لمستوى ثالث او اسجل واذا ابي اسجل وش احسن المواد السهله ياريت احد يفيدني منكم الله يخليكم :Cry111::Cry111::Cry111::Cry111::Cry111::Cry111:
|
رد: ابي احد يساعدني جزاكم الله خير
الله يوفقك ان شاء الله
وان كان حملتي المواد ترا ماهي نهاية العالم .. اهم شي العزيمه والاصرار ارجعي ادرسي مواد المستوى الثاني اللي حملتيها لانها راح تكون متطلبات لمواد المستوى الثالث وضروري تكوني ناجحه فيها |
رد: ابي احد يساعدني جزاكم الله خير
شدي حييلك ياقلبي ترا ممكن يعطونك انذار
الاحسن خذي المواد الي حملتيها بس عشان تعدينها ولاتستعجلي اهم شي معدل حلو |
رد: ابي احد يساعدني جزاكم الله خير
الله يعوضك بخير كل المواد اللي رسبتي فيها تحمليها للمستوئ التالي حتئ اللي تكرر حمله اما بالنسبه لاختيار المواد يعتمد علئ معدلك :106::106:
|
رد: ابي احد يساعدني جزاكم الله خير
ولله العظيم كنت ناويه اشد حيلي بس مثل ماشفتو موقع الجامعه كل خمس دقايق صيانه عالعموم مشكورين وجزاكم ربي خير الحين ابي اعرف معدلي الموقع كمان معلق ولا ادري متى بيفتح :000:
|
رد: ابي احد يساعدني جزاكم الله خير
لولوة حطي الدرجات حقتك وعدد ساعاتها
واعطيكِ معدلك :119: |
رد: ابي احد يساعدني جزاكم الله خير
اقتباس:
البنيه تستحي قولي لهل ارسليها على الخاص |
رد: ابي احد يساعدني جزاكم الله خير
اقتباس:
:33_asmilies-com: وعلى فكره ترا اذا الواحد رسب بمادة ونزلها مره ثانيه ترفع معدله بسرعه (خصوصا في المستويات الأولى) وبتكون افضل من انه ينزل ماده جديده لأنها هي السبب بإنخفاض المعدل ...وتبعدك عن الإنذارات ان شاء الله...فشدي حيلك و بالتوفيق للجميع |
رد: ابي احد يساعدني جزاكم الله خير
الله يعينك
|
رد: ابي احد يساعدني جزاكم الله خير
انا اخذت خمس مواد انجليزي جبت فيه d والباقي كله F وكلهم على 3 ساعات يعني 15 ساعه :hhheeeart4:
|
رد: ابي احد يساعدني جزاكم الله خير
ومشكوررين احسكم رفعتو معنوياتي مررره :mh001::mh001::mh001:
|
رد: ابي احد يساعدني جزاكم الله خير
السلام عليكم
اخذي المستوى اللي فات عبره لك ، واهتمي اكثر وشدي حيلك اكثر نصيحتي خلك الحين في المواد اللي حملتيها وادرسيها من جديد ومن اول المستوى اتعبي واجتهدي على حالك خلي آخر الآيام فقط للمراجعه بالتوفيق اختي الكريمة |
رد: ابي احد يساعدني جزاكم الله خير
لولوه اكيد ماكنتي معانا بالمنتدى الترم اللي فات !
صدقيني سنتري بالمنتدى وبتجيبين 4 من خمسه وقولي ماقال سالم .. كل تجربه بالدنيا انخلقت عشان نتعلم منها .. واللي مايخطي تراه منحوس ماصار له فرصه ياخذ دروس الحياه .. بينصدم بعدين .. الكبوه وقود الانطلاقه التاليه .. ربي يحفظك لولوه طيعي شور اخوتس وسنتري هنا بتركيز واستفاده ماهوب دردشه واحلق شنبي ان ماجبتي اكثر من 3 ونص على اقل اقل اقل تقدير .. |
رد: ابي احد يساعدني جزاكم الله خير
ليه آسنتر؟ :mh12:
|
رد: ابي احد يساعدني جزاكم الله خير
انا اقول لك ليه ..
هنا الاعضاء مميزين جدا خصوصا دفعتنا ولا هو قصور بالدفعات السابقه .. والدليل اني يوم كنا مستوى اول كنت اروح اشوف اللي يتصفحون مستوى ثاني احصلهم بالعشرينات واقل من ثلاثين .. ومستوى اومل احصلهم بين الميتين والثلاثميه .. ويوصلون اكثر ايام الاختبارات .. بعد ماطلعنا مستوى ثاني قلت خلني اتاكد وشفت مستوى ثالث العدد هو هو .. ومستوى ثاني اللي هم احنا العدد كبير مع انه وقت اجازه .. تقولين ليه اسنتر انا اقول لك .. هنا تحصلين شباب وبنات الله لا يحرمهم الاجر يجتهدون ويشرحون شرح افضل من الدكاتره بطريقتنا وتدخل مخيخاتنا ع طول .. شرح بورقه وقلم ويصورونه ويرفعونه وجهد جبار .. انا عن نفسي شريت ملخص اداره بس اول اختبار بعدها ماشريت شي كله من المنتدى والرياضيات كانت عندي لحسة مخ ( مع اني كويس بالرياضيات ) بس منقطع عن الدراسه من 2003 وشرحتها لي ولغيري الاخت وردة الحجاز وجبت 88 او 90 من ميه نسيت والله بالضبط .. الاقتصاد ( ابو غسان ) الله يشفي ولده .. وغيرهم كثييييييييير وكثيييير .. والنتيجه معدلي 4.2 مع اني يوم الرياضيات طلعت اول الناس عشان مباراة الهلال والاتحاد .. وبرضو ما اشتغلت ع نفسي حيل .. والدليل لو ترجعين للارشيف كنت انزل مواضيع تريقه و سعة صدر .. هنا جامعة افضل من الجامعه .. واخوان اكثر من الاخوان .. ميزتهم صبر ايوب :biggrin: فيه ايوبين وايوبات كثير هنا :biggrin: الله لايحرمهم الاجر .. والله سبحانه مايحرم احد من حقه .. امممم مدري انا قلت كل شي والا لا .. بس طيعي شور اخوك .. |
رد: ابي احد يساعدني جزاكم الله خير
اقتباس:
لا والله طلعت البنيه جريئه وقويه ما شاءالله تبارك الله , اسمعي يا بنت الناس اخونا سالم اعطاكي زبدة الكلام:(204): وانتي عليكي شوية اهتمام وان شاءالله يتحسن وضعك الى الافضل |
رد: ابي احد يساعدني جزاكم الله خير
عادي وسعي صدرك بس اول خطوة تسويتها وهي الافضل نزلي جميع المواد اللي رسبتي فيها وشدي حيلك عشان مستوى رابع ان شا الله تترتب أوضاعك وبالتوفيق يااااااارب :d5:
|
| All times are GMT +3. الوقت الآن حسب توقيت السعودية: 02:58 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام