ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   المستوى الأول - كلية الأداب (https://vb.ckfu.org/f311)
-   -   الطلاب الجدد/تطمنوا مواد المستوى الأول ......... (https://vb.ckfu.org/t284067.html)

أم رند@ 2012- 1- 22 05:39 AM
الطلاب الجدد/تطمنوا مواد المستوى الأول .........
 
السلام عليكم ورحمة الله وبركاته...

أنا حاسه بمشاعركم....كنت مثلكم في يوم من الأيام....

شعور لايوصف بالخوف من هم المقررات وصعوبتها من عدمها وطريقة التعامل مع النظام,,والفرح بالقبول وإكمال الدراسه,,


بالنسبه للواجبات والمناقشات .. لاتخافون هنا الكل يد وحده..

راح تلاقون الحل وبتاخذون درجات المشاركه كامله بحول الله..
والمناقشات مقبوله لو تسوون نسخ مع تغيير شوي في تنسيق النص:(269):


وبالنسبه للنظام...

حاليا صار فيه تعديلات كثيره وربنا كريم ماعاد نشوف اللي شفناه...واجهنا كثير من الأعطال فيه....عشان كذا تعودوا ولاتتذمرون...

مصيركم راح تحلون كل اللي عليكم وتتابعون كل المحاضرات...أعطونا آخر أسبوع عقب الاختبارات مهله نحل فيه كل شي...يعني الي ماحل طول الترم بيمديه..بس ماأحب التاجيل..:(204):

بتعرفون كيف تتعاملون مع النظام بكل سهوله مع الوقت..مافي شي صعب ابدااا...والبانر مالكم علاقه فيه,,,اذا رحتوا مستوى ثاني راح تحتاجونه وقتها...



وبالنسبة لمتابعة المحاضرات لاحظتها انها مو ضروريه لدرجة انكم ماعاد تكملون مذاكرة المقررات إلا بإكمالها...

لأن أغلب الدكاتره بس يقرووون بدون شرح...فلا تشغلون بالكم...
أنا اعتبر متابعة المحاضر فقط لفتح الشهيه للماده..




الأهم(المقررات)

لاتسمعون كلام اللي يخوفونكم من منهج معين بصعوبته ..

هونوها وبتهون.....
ذاكروا اول بأول قد ماتقدرون ماتضغطون نفسكم آخر الترم عشان ماتثقل عليكم المعلومات..

كنت متوقعه حمل أربع مواد عالأقل من كلام الناس...

لكن الدكاتره كان منهم الأغلب متعاونين لأبعد حد...


وما أخفيكم سر....


1- مادة الصحه واللياقه...الأسئله نفس حق كل سنه...مكرر...:biggrin:...دعينا له من قلللب..
2-الحاسب نفس الشي سهل مررره...وكرر أغلب اسئلته..
3-العقيده يبي لها تركيز وفهم ومو صعب لهالدرجه ,, مادة دينيه وثقافيه احتسبوا الأجر فيها وراح تنجحون فيها بسهوله..
4-مهارات التعلم والتفكير..مره حلوة...يبي لها تركيز بس..سهل ممتنع...بس ركزوا حبتين..وتراها 20 صفحه بس:53:
5-النحو....الله يجزاه خير الدكتور جزاء ما خلّا شي من التعاون...مثل أبونا...الماده قليل الي يحبها وانا منهم..نجحت فيها بفضل ربي ثم بفضل تسهيله لنا وحذف الكثير من المنهج...واعتماده على أسئلة الأعوام الماضيه وتدريبات المحتوى.
6-التحرير...نفس الحال..ماقصر...صح مادته دسمه وخفت من حملها..متعاون يجيب نفس التمارين..وكرر في أسئلته..
7-الاداره..الأغلب أجمعوا على صعوبتها...
أنا ماشوف صعوبه فالماده...بالعكس يمكن مهضومه شوي...بس دكتورها الله يهديه شوي معقدها بأسئلته لكن الحق يقال أسئلته معنا كانت مو صعبه...بس الخيارات توهّتنا كثير...بالعربي:دقيييق مره...يمكن يبينا نحفظ حتى رقم الصفحه :000:
لكن أنتم هالمره ركزوووا فيها بقوة..وتابعوا أسئلته السابقه وركزوا بعد على مصطلحاته الانجليزيه فيها...ولاتتعبون في كتابه اللي طالبه...:biggrin: أهم شي المحتوى..والمصطلحات المطلوبه أنا بس راجعت حق اختباراته السابقه وحليتها,,مع اني مدري وشي إلى يومكم...بس حفظتها ونسختها فالحل:mh001:

8-الانقليزي...اذا استاذكم عمار المعاني فيبي لكم مذاكره للماده من بدري لأنها دسمه شوي
بس اضمنوا عالاقل الكلمات والقطع..وترجموااااا عشان تفهمواااااا...وتراه يحدد الكلمات والقطع..والحمدلله جاب منها...لكن القواعد نكبنا فيها شوي وماجاب كثير منهاضاع وقتنا فيها..وكتابه ماقريته أبد:(269):...بس افهموااا المطلوب فالمحتوى وبيكفيكم..طبعا فيه قطعه خارجيه..ماعجبني أسلوبه فيها ورفعت ضدها شكوى:mad:

باختصار لاتتركون اسئلة الأعوام الماضيه...ركزووا فيها....

وحاولوا من الآن تتابعون وتحفظون روابط الأسئله من الأرشيف .. راح تفيدكم كثير...


يعني مافي شي صعععب ماتقدرون عليه...ولابد من التعب...وربي مايضيع عمل أحد منكم...

الأهم الثقه بالله .. واحتساب أجر طلب العلم .. والدعااء ثم الدعاااء بالتوفييق ..



وربي يوفق الجميييع...ويرزقنا الدرجات العليا فالجنه والآخره...

:106:

أم رند@ 2012- 1- 22 05:51 AM
رد: الطلاب الجدد/تطمنوا مواد المستوى الأول .........
 
وهنا رابط لموضوع الأخت أم عمر شامل لكل مقرراتكم مع الأسئله..

http://www.ckfu.org/vb/t282734.html

الله يجزاها خييير خدمتنا كثييير بمواضيعها...

مانتبهت لها إلا عقب مانزلت موضوعي :mh12:


وفالكم النجاح

أم عمر w 2012- 1- 22 06:21 AM
رد: الطلاب الجدد/تطمنوا مواد المستوى الأول .........
 
:106:أنا وإنتي واحد أختي أم رند ..الله يجزاااك خييير يارب على مجهودك ..ويجعله في ميزاان حسناتك ..اللهم آآآمييين:106:

سااااامي 2012- 1- 22 07:45 AM
رد: الطلاب الجدد/تطمنوا مواد المستوى الأول .........
 
جزاااك الله خير اختي ام رند توجيهات تشكري عليها

ابسألك اختي ام رند عن مادة الانقليزي يكفي شرح

الدكتور ولا استعين بعد الله بمدرس خصوصي

لإني ما افهم ابدا اي شي فيه واخاف اجيب العيد

أم رند@ 2012- 1- 22 09:07 AM
رد: الطلاب الجدد/تطمنوا مواد المستوى الأول .........
 
ام عمر ربي يجمعنا على طاعته قولي آمين:love080:



اخوي سامي...
الاخوان معنا ماقصروا في ترجمة المنهج وشرحه..
بصراحه انا مثلك الانجليزي عقدتي..وفكرت فالخصوصي لكن حسافه الخساير..ويمكن الي اتعبنا شوي ان الاستاذ جديد عالمنهج..
وشرحه ماملا عيني:mh318:
بس الحمدلله عديتها بسبب الترجمه للمنهج حاولت افهم من شرحه بعض الشي
يعني اضمن نفسك في حفظ معاني الكلمات والقطع
وفهم القواعد لان اغلبها درسناها..

يمكن الاستاذ(عمار المعاني) يتغير منهجه او يغيرونه بكبره لانه جاء عليه شكاوي كثيره
بس لوحبيت تجيب لك مدرس وتشوف نفسك ضعيف مرره وعندك وقت واستطاعه فتوكل ع الله اهم شي شرحه للقواعد..وبداية المقرر سهل
والباقي يعتمد عليك في حفظه بعد الترجمه اقصد الكلمات والقطع..


واي استفسار حياكم....

سااااامي 2012- 1- 22 11:20 AM
رد: الطلاب الجدد/تطمنوا مواد المستوى الأول .........
 
مشكوووورة وماقصرتي اختي أم رند

أم يحيى 2012- 1- 22 07:16 PM
رد: الطلاب الجدد/تطمنوا مواد المستوى الأول .........
 
الله يوفقك ويسعدك .. من الحين مجهزة الشنطه والمريول ههههههه:(284):

وكمان بديت اذاكر
:biggrin:

الحمدلله كل الروابط عندي حافظتها ..


::



لا اله الا الله محمد رسول الله

كـاسب 2012- 1- 22 10:34 PM
رد: الطلاب الجدد/تطمنوا مواد المستوى الأول .........
 
]
السلام عليكم ورحمة الله وبركاته...

أنا حاسه بمشاعركم....كنت مثلكم في يوم من الأيام...:mh001:

8-الانقليزي...
اذا استاذكم عمار المعاني فيبي لكم مذاكره للماده من بدري لأنها دسمه شوي
بس اضمنوا عالاقل الكلمات والقطع..وترجموااااا عشان تفهمواااااا...وتراه يحدد الكلمات والقطع..والحمدلله جاب منها...لكن القواعد نكبنا فيها شوي وماجاب كثير منهاضاع وقتنا فيها..وكتابه ماقريته أبد:(269):...بس افهموااا المطلوب فالمحتوى وبيكفيكم..طبعا فيه قطعه خارجيه..ماعجبني أسلوبه فيها ورفعت ضدها شكوى:mad:


هذا خايف منه كثير:sdfgdsf:

[/CENTER]

أسير نجد 2012- 1- 22 10:45 PM
رد: الطلاب الجدد/تطمنوا مواد المستوى الأول .........
 
اقتباس:
المشاركة الأصلية كتبت بواسطة أم رند@ (المشاركة 5538311)
السلام عليكم ورحمة الله وبركاته...

أنا حاسه بمشاعركم....كنت مثلكم في يوم من الأيام....

شعور لايوصف بالخوف من هم المقررات وصعوبتها من عدمها وطريقة التعامل مع النظام,,والفرح بالقبول وإكمال الدراسه,,


بالنسبه للواجبات والمناقشات .. لاتخافون هنا الكل يد وحده..

راح تلاقون الحل وبتاخذون درجات المشاركه كامله بحول الله..
والمناقشات مقبوله لو تسوون نسخ مع تغيير شوي في تنسيق النص:(269):


وبالنسبه للنظام...

حاليا صار فيه تعديلات كثيره وربنا كريم ماعاد نشوف اللي شفناه...واجهنا كثير من الأعطال فيه....عشان كذا تعودوا ولاتتذمرون...

مصيركم راح تحلون كل اللي عليكم وتتابعون كل المحاضرات...أعطونا آخر أسبوع عقب الاختبارات مهله نحل فيه كل شي...يعني الي ماحل طول الترم بيمديه..بس ماأحب التاجيل..:(204):

بتعرفون كيف تتعاملون مع النظام بكل سهوله مع الوقت..مافي شي صعب ابدااا...والبانر مالكم علاقه فيه,,,اذا رحتوا مستوى ثاني راح تحتاجونه وقتها...



وبالنسبة لمتابعة المحاضرات لاحظتها انها مو ضروريه لدرجة انكم ماعاد تكملون مذاكرة المقررات إلا بإكمالها...

لأن أغلب الدكاتره بس يقرووون بدون شرح...فلا تشغلون بالكم...
أنا اعتبر متابعة المحاضر فقط لفتح الشهيه للماده..




الأهم(المقررات)

لاتسمعون كلام اللي يخوفونكم من منهج معين بصعوبته ..

هونوها وبتهون.....
ذاكروا اول بأول قد ماتقدرون ماتضغطون نفسكم آخر الترم عشان ماتثقل عليكم المعلومات..

كنت متوقعه حمل أربع مواد عالأقل من كلام الناس...

لكن الدكاتره كان منهم الأغلب متعاونين لأبعد حد...


وما أخفيكم سر....


1- مادة الصحه واللياقه...الأسئله نفس حق كل سنه...مكرر...:biggrin:...دعينا له من قلللب..
2-الحاسب نفس الشي سهل مررره...وكرر أغلب اسئلته..
3-العقيده يبي لها تركيز وفهم ومو صعب لهالدرجه ,, مادة دينيه وثقافيه احتسبوا الأجر فيها وراح تنجحون فيها بسهوله..
4-مهارات التعلم والتفكير..مره حلوة...يبي لها تركيز بس..سهل ممتنع...بس ركزوا حبتين..وتراها 20 صفحه بس:53:
5-النحو....الله يجزاه خير الدكتور جزاء ما خلّا شي من التعاون...مثل أبونا...الماده قليل الي يحبها وانا منهم..نجحت فيها بفضل ربي ثم بفضل تسهيله لنا وحذف الكثير من المنهج...واعتماده على أسئلة الأعوام الماضيه وتدريبات المحتوى.
6-التحرير...نفس الحال..ماقصر...صح مادته دسمه وخفت من حملها..متعاون يجيب نفس التمارين..وكرر في أسئلته..
7-الاداره..الأغلب أجمعوا على صعوبتها...
أنا ماشوف صعوبه فالماده...بالعكس يمكن مهضومه شوي...بس دكتورها الله يهديه شوي معقدها بأسئلته لكن الحق يقال أسئلته معنا كانت مو صعبه...بس الخيارات توهّتنا كثير...بالعربي:دقيييق مره...يمكن يبينا نحفظ حتى رقم الصفحه :000:
لكن أنتم هالمره ركزوووا فيها بقوة..وتابعوا أسئلته السابقه وركزوا بعد على مصطلحاته الانجليزيه فيها...ولاتتعبون في كتابه اللي طالبه...:biggrin: أهم شي المحتوى..والمصطلحات المطلوبه أنا بس راجعت حق اختباراته السابقه وحليتها,,مع اني مدري وشي إلى يومكم...بس حفظتها ونسختها فالحل:mh001:

8-الانقليزي...اذا استاذكم عمار المعاني فيبي لكم مذاكره للماده من بدري لأنها دسمه شوي
بس اضمنوا عالاقل الكلمات والقطع..وترجموااااا عشان تفهمواااااا...وتراه يحدد الكلمات والقطع..والحمدلله جاب منها...لكن القواعد نكبنا فيها شوي وماجاب كثير منهاضاع وقتنا فيها..وكتابه ماقريته أبد:(269):...بس افهموااا المطلوب فالمحتوى وبيكفيكم..طبعا فيه قطعه خارجيه..ماعجبني أسلوبه فيها ورفعت ضدها شكوى:mad:

باختصار لاتتركون اسئلة الأعوام الماضيه...ركزووا فيها....

وحاولوا من الآن تتابعون وتحفظون روابط الأسئله من الأرشيف .. راح تفيدكم كثير...


يعني مافي شي صعععب ماتقدرون عليه...ولابد من التعب...وربي مايضيع عمل أحد منكم...

الأهم الثقه بالله .. واحتساب أجر طلب العلم .. والدعااء ثم الدعاااء بالتوفييق ..



وربي يوفق الجميييع...ويرزقنا الدرجات العليا فالجنه والآخره...

:106:

الله يجزاك خير يااختى ام رند

ونصيحه لكم يااخوانى واخواتى طلاب مستوى الاول من اخوكم الصغير :biggrin:

لا تخلون المواد تتراكم عليكم مثلنا وابدو اول باول على شان تهون عليكم
بالنهايه وحنا يااحبتى بغينا نجيب العيد بس ربك ستر والله ,,,

ومافيه شي صعب باذن الله تعالى ومثل ماقالت اختنا ام رند ,
ولكن تاكدوا ان كل شي في بدايته يكون سهل ولكن
اذا تراكم عليكم من الصعوبه جدا السيطره عليه ,,

ولو كل يوم تذاكرون ساعه راح تكون كافيه باذن الله تعالى

اسال الله لى ولكم التوفيق ياااحبتى

اخوكم في الله /

اسير نجد

حلاتي بغمازاتي 2012- 1- 22 10:45 PM
رد: الطلاب الجدد/تطمنوا مواد المستوى الأول .........
 
مشكوره ياقلبي على هالنصايح بجد خففتي علينا شوي

وان شاء الله كلنا راح ناخذ بكلامكم محمل الجد وماراح نتهاون بأي ماده

يارب كل الاساتذه يكونون كويسين ويساعدونا ويغيرون الاستاذ عمار << من كلامكم عنه خافت منه هههههه

الله يعطيك الف عافيه حبيبتي

نفحة العود 2012- 1- 22 11:31 PM
رد: الطلاب الجدد/تطمنوا مواد المستوى الأول .........
 
بصرااااااااااحه الدكتور عماااااار دكتور الانجليزي راااااااااااااااااائع قليله في حقه ويشرح بضمير ويبسط الماده
قلت هالكلام لاني مجربه غيره درست لغه انجليزيه في الكليه وتوقعت كل دكاترة الانجليزي كذا ولاكلمه عربي وانواع التعقيد وكل شء على الطالب لكن لالامانه هذا الدكتور متعااااااااااااااون جداا جدااا ويشرح بضمير وكلمة الحق تنقال ...الله يوفقه ويرزقه مادري وش يبون الطلاب الي يسبونه !!اخاف يجربون غيره ويقولون الله يستر على عمار :smile:
بالتوفيق للجميع يارب

ابو الينا 2012- 1- 23 12:09 AM
رد: الطلاب الجدد/تطمنوا مواد المستوى الأول .........
 
عندكم مادة/مدخل الى تقنية المعلومات ودكتورها/محمد العنزي اسئلته سهله جدااا ومسهل على الطلاب فوق ماتتصورون الله يجزاه الف خير

الوردية 2012- 1- 23 12:12 AM
رد: الطلاب الجدد/تطمنوا مواد المستوى الأول .........
 
الله يجزاك خير
وان شاء الله بناخذ بنصائحكم ونذاكر بجد ووالله يستر من حماسنا :mh12:

من جد وجد ومن زرع حصد >>>> شعار كل يحب النجاح :d5:

وربنا يوفقنا ان شاء الله

أم رند@ 2012- 1- 23 01:00 AM
رد: الطلاب الجدد/تطمنوا مواد المستوى الأول .........
 
اقتباس:
المشاركة الأصلية كتبت بواسطة أم يحيى (المشاركة 5543099)
الله يوفقك ويسعدك .. من الحين مجهزة الشنطه والمريول ههههههه:(284):

وكمان بديت اذاكر
:biggrin:

الحمدلله كل الروابط عندي حافظتها ..


::



لا اله الا الله محمد رسول الله
بالنتوفيق عزيزتي وربي يتمم عليكم بسهاله.,,,شدوا حيلكم وربي مايضيع عمل عباده...:love080:


اقتباس:
المشاركة الأصلية كتبت بواسطة كـاسب (المشاركة 5544589)
]
السلام عليكم ورحمة الله وبركاته...



أنا حاسه بمشاعركم....كنت مثلكم في يوم من الأيام...:mh001:



8-الانقليزي...
اذا استاذكم عمار المعاني فيبي لكم مذاكره للماده من بدري لأنها دسمه شوي
بس اضمنوا عالاقل الكلمات والقطع..وترجموااااا عشان تفهمواااااا...وتراه يحدد الكلمات والقطع..والحمدلله جاب منها...لكن القواعد نكبنا فيها شوي وماجاب كثير منهاضاع وقتنا فيها..وكتابه ماقريته أبد:(269):...بس افهموااا المطلوب فالمحتوى وبيكفيكم..طبعا فيه قطعه خارجيه..ماعجبني أسلوبه فيها ورفعت ضدها شكوى:mad:



هذا خايف منه كثير:sdfgdsf:

[/CENTER]
الناس فروقات...ومثل ماراح تشوفون ناس تمدحه وناس تقول عنه وسط..وناس تذمه..
وهذا حالنا في كل المواد..حتى أسهل المواد قالوا عنها صعبه ودكاترتها سيئين...ابن آدم طماع ويبي كلشي على هواه...

لكن حطوا في بالكم كلمه (أنا قدها)
ولافي تراجع...

وراح تحققون حلم النجاح بحول الله...

أنا ماقلت كلامي عشان اخوفكم منه..

بالعكس...الدكتور شرح وسوا الي قدر عليه..وبالعكس شهادة حق يكفي انه حدد لنا الكلمات والقطع...لكن نفس الماده دسمه ويبي لها تفرغ...ومو كل ماده دسمه نقول عنها صعبه...

اقتباس:
المشاركة الأصلية كتبت بواسطة حلاتي بغمازاتي (المشاركة 5544675)
مشكوره ياقلبي على هالنصايح بجد خففتي علينا شوي

وان شاء الله كلنا راح ناخذ بكلامكم محمل الجد وماراح نتهاون بأي ماده

يارب كل الاساتذه يكونون كويسين ويساعدونا ويغيرون الاستاذ عمار << من كلامكم عنه خافت منه هههههه

الله يعطيك الف عافيه حبيبتي
مثل ماقلت لأخونا اللي قبلك...

الدكتور مانبي نظلمه....بس يمكن الماده صعبه علينا لأننا ماتأسسنا صح أيام دراستنا فيها..
ومافيها صعوبه وتحدي فيها أشياء كثير واضحه...بس بتفهمون أكثر بالترجمه.. وراح تفهمون بحول الله لو المخ عندك شغال 100% :biggrin:
لاتشرهون فيه ناس لها أكثر من عشر سنين المخ عندها مقفل...وفجأة دراسه مهيب سهله ترا


الله يسخر لنا ولكم طاقم الجامعه كل أبوهم :(204):

اقتباس:
المشاركة الأصلية كتبت بواسطة أم مكافحه (المشاركة 5545082)
بصرااااااااااحه الدكتور عماااااار دكتور الانجليزي راااااااااااااااااائع قليله في حقه ويشرح بضمير ويبسط الماده
قلت هالكلام لاني مجربه غيره درست لغه انجليزيه في الكليه وتوقعت كل دكاترة الانجليزي كذا ولاكلمه عربي وانواع التعقيد وكل شء على الطالب لكن لالامانه هذا الدكتور متعااااااااااااااون جداا جدااا ويشرح بضمير وكلمة الحق تنقال ...الله يوفقه ويرزقه مادري وش يبون الطلاب الي يسبونه !!اخاف يجربون غيره ويقولون الله يستر على عمار :smile:
بالتوفيق للجميع يارب
صدقتي....ياما ناس أحسن من ناس..
ومانبي ندخل في ذممنا عن أحد شي...ونتكلم بإساءة ضدهم...

بس يمكن صدمتنا من ثقل المنهج خلال ترم واحد ماكانت سهله علينا...وتعودنا عالحكي بالعربي وهذا الي خربنا:biggrin:

وعموما ماللواحد غير كتبة ربه له...سواء رضينا أو مارضينا..

الله يوفق الجميييييع وياارب نجاح الآخره.....

:106:

ohoood 2012- 1- 23 08:14 AM
رد: الطلاب الجدد/تطمنوا مواد المستوى الأول .........
 
انا معجبه جدا بشخصياتكم واهتمامكم فينا كمستوى اول والله يجزاكم خيررر ويوفقكم واهتمامكم دليل طيبة قلوبكم فدييييتكم وان شاء الله كل المواد راح تجي سهله ونتوفق ونتفوق كمان:cool:

الف الف الف شكررررررررر لكل الي شارك في الموضوع وللغاليات ام رند وام عمر الله يخلي لكم غواليكم ويوفقك

تحياتي وامتناااااااااااااااااااااااااني:106::love080:

ohoood 2012- 1- 23 08:16 AM
رد: الطلاب الجدد/تطمنوا مواد المستوى الأول .........
 
اقتباس:
المشاركة الأصلية كتبت بواسطة أم مكافحه (المشاركة 5545082)
بصرااااااااااحه الدكتور عماااااار دكتور الانجليزي راااااااااااااااااائع قليله في حقه ويشرح بضمير ويبسط الماده
قلت هالكلام لاني مجربه غيره درست لغه انجليزيه في الكليه وتوقعت كل دكاترة الانجليزي كذا ولاكلمه عربي وانواع التعقيد وكل شء على الطالب لكن لالامانه هذا الدكتور متعااااااااااااااون جداا جدااا ويشرح بضمير وكلمة الحق تنقال ...الله يوفقه ويرزقه مادري وش يبون الطلاب الي يسبونه !!اخاف يجربون غيره ويقولون الله يستر على عمار :smile:
بالتوفيق للجميع يارب

انا شفت له كم محاضره من الي منزلتهم اختي ام عمر وصراااحه عجبني اسلوبه بس ما ادري طبعا لانه للان ما درسني بس اتمنى هو ولا غيره واحلى مافيه انه معجب بنفسه وديرته كل امثلته اسمي عمار فروم جوردن :biggrin: يا خي درينا والله عرفنا بس خلاص:tongue:

تحياتي لك :106:

أول الغيم 2012- 1- 23 01:13 PM
رد: الطلاب الجدد/تطمنوا مواد المستوى الأول .........
 
صدقتي والله يام رند انااا ياووواحدن من الناس كنت في إدارة أعمال ويمقن خيره ويمقن قرادة غيرت التخخصص إلى علم إجتماع .. بحكم أني شرعي طبعا ..

كنت مستصعب إدارة الأعمال ومادري إيش ونجحت والحمد الله .. بس مدري وش الي خلاني اغير لعلم اجتماع ...


يالله اهم شي شهادة جامعية .. تخولني أطالب في الترقية ... شدوو حيلكم ترى زي ماقالت ام رند تخوف وماتخوف بس الامور ابسط مما تتخيلون .

nadak 2012- 1- 23 01:29 PM
رد: الطلاب الجدد/تطمنوا مواد المستوى الأول .........
 
الله يجزاك خير ويطمنك مثل ما طمنتيني :love080:

الشروق 2012- 1- 23 02:36 PM
رد: الطلاب الجدد/تطمنوا مواد المستوى الأول .........
 
ماقصرتي كفيتي وفيتي ياأم رند أنت وأم عمر الله يكثر من أمثالك

Faten Ahmad 2012- 1- 23 02:58 PM
رد: الطلاب الجدد/تطمنوا مواد المستوى الأول .........
 
مادة العقيدة ومادة التحرير ما أخذتهم السمستر اللي راح ..

شكلي بجيب فيهم العيد الله يستر بس ،، :000: :bawling:

أم رند جزاس الله خير ما قصرتي يا عسل ..~ :love080:

سحورة 2012- 1- 23 04:53 PM
رد: الطلاب الجدد/تطمنوا مواد المستوى الأول .........
 
نصصصصصيحتي لكم لا ترآكموووووووووو المذاكره:064: وادرسو أول بأول اطبعو لكم جدول للمحاضرات والمناقشآت :(204): عشان بعدين تعرفون وش سويتو والله يوفقكم :(204):ي رب وشدو حيلكم عشآن تطلعو مسسستوى ثاني بأذن الله بتفوق ونجآح


أختكم سحورة :mh318:

أي إستفسار أنا جآهزه حبايبي :119:

أم رند@ 2012- 1- 23 07:03 PM
رد: الطلاب الجدد/تطمنوا مواد المستوى الأول .........
 
اقتباس:
المشاركة الأصلية كتبت بواسطة ohoood (المشاركة 5548345)
انا معجبه جدا بشخصياتكم واهتمامكم فينا كمستوى اول والله يجزاكم خيررر ويوفقكم واهتمامكم دليل طيبة قلوبكم فدييييتكم وان شاء الله كل المواد راح تجي سهله ونتوفق ونتفوق كمان:cool:

الف الف الف شكررررررررر لكل الي شارك في الموضوع وللغاليات ام رند وام عمر الله يخلي لكم غواليكم ويوفقك

تحياتي وامتناااااااااااااااااااااااااني:106::love080:
الله يسلمك ياقلبي هذا اقل شي نقدر نقدمه لاننا كنا في يوم من الايام مثلكم ومحتاجين لكلمة وحدة تساعدنا وتخدمنا
والمسلمين اخوان ويد وحدة

بالتوفيق:love080:
اقتباس:
المشاركة الأصلية كتبت بواسطة أول الغيم (المشاركة 5549548)
صدقتي والله يام رند انااا ياووواحدن من الناس كنت في إدارة أعمال ويمقن خيره ويمقن قرادة غيرت التخخصص إلى علم إجتماع .. بحكم أني شرعي طبعا ..

كنت مستصعب إدارة الأعمال ومادري إيش ونجحت والحمد الله .. بس مدري وش الي خلاني اغير لعلم اجتماع ...


يالله اهم شي شهادة جامعية .. تخولني أطالب في الترقية ... شدوو حيلكم ترى زي ماقالت ام رند تخوف وماتخوف بس الامور ابسط مما تتخيلون .
اهم شي احتساب الاجر في طلب العلم وبه راح نحقق كل شي نتمناه وربي يجعلها خيره فيما اختاره لك..موفق
اقتباس:
المشاركة الأصلية كتبت بواسطة nadak (المشاركة 5549639)
الله يجزاك خير ويطمنك مثل ما طمنتيني :love080:
واياك يارب......مافي شي صعب بحول الله
اقتباس:
المشاركة الأصلية كتبت بواسطة الشروق (المشاركة 5550357)
ماقصرتي كفيتي وفيتي ياأم رند أنت وأم عمر الله يكثر من أمثالك
امين ربي يسلمك ويجزاك خير ويوفقك
اقتباس:
المشاركة الأصلية كتبت بواسطة ToOoT.Aj (المشاركة 5550694)
مادة العقيدة ومادة التحرير ما أخذتهم السمستر اللي راح ..

شكلي بجيب فيهم العيد الله يستر بس ،، :000: :bawling:

أم رند جزاس الله خير ما قصرتي يا عسل ..~ :love080:
ومن قالك انها صعبه وبتجيبين العيد فيها!!!!:(107):

تراي انا محدثتكم مستواي العقلي مو عبقري واعتبر نفسي متوسط الى اقل بشوي بحكم تأخري عن اكمال الجامعه
وهالمادتين بالذات ماتخووف ابد
مشكلة انك اذا اخذتي فكرة سيئه يتأثر بها عقلك الباطني ويصدقها وانتي اساسا ماتدرين عن ايش المنهج

العقيده مقررنا الماضي الدكتور حذف كثير منها وعندك ملزمة هتان مختصره تقريبا50صفحه المقرر حلو لاتخافين وتراي تحسفت اني ماحفظت المنهج لانه فيه امور تفيدنا في حياتنا كثير....
التحرير ماقصر الدكتور معنا مبسطها واسئلته واضحه وجايب من الاعوام الماضيه كثير وش اكثر تسهيل من كذا نص المنهج شي معروف ..
بس ذاكري اول باول ولاتخلين شي ليوم الاختبار وصدقيني معدلك بيطلع توب



وربي يوفقكم

Faten Ahmad 2012- 1- 23 08:14 PM
رد: الطلاب الجدد/تطمنوا مواد المستوى الأول .........
 
التحرير شفت أول صفحة وتشبه للنحو كثير ،،

والنحو من زمان ما أدانيها ذا الماده يا تسبدي بس بشد حيلي بإذن الله ..

والعقيدة شفت الملزمة وش كبرها وانخرش قلبي قلت وش بيذاكر ذي ،، :|

بس الحمدالله طمنتي قلبي بكلامس وريحتيني ..

تنصحيني بملزمة هتان أطبعها وأعتمد عليها ..؟

Fatima Albuqami 2012- 1- 24 03:40 AM
رد: الطلاب الجدد/تطمنوا مواد المستوى الأول .........
 
جزاك الله خير

احس ضايعه الحين المستوى الاول ادرس كل هالمواد !!

وعلى اي اساس اختار تخصصي؟

اذا استاذ الانجليزي عليه شكاوي عزالله رحت فيها :000:

دلع المملكه 2012- 1- 24 04:26 AM
رد: الطلاب الجدد/تطمنوا مواد المستوى الأول .........
 
يعطيك الف الف عافيه

أم رند@ 2012- 1- 24 07:55 AM
رد: الطلاب الجدد/تطمنوا مواد المستوى الأول .........
 
اقتباس:
المشاركة الأصلية كتبت بواسطة ToOoT.Aj (المشاركة 5554292)
التحرير شفت أول صفحة وتشبه للنحو كثير ،،

والنحو من زمان ما أدانيها ذا الماده يا تسبدي بس بشد حيلي بإذن الله ..

والعقيدة شفت الملزمة وش كبرها وانخرش قلبي قلت وش بيذاكر ذي ،، :|

بس الحمدالله طمنتي قلبي بكلامس وريحتيني ..

تنصحيني بملزمة هتان أطبعها وأعتمد عليها ..؟

النحو والتحرير ربع(دروسهم متشابهه) و مدرسينهم مرره حليلين...

لدرجة انه مايجيب لك باللف والدوران والأمثلة نفس المقرر..
وتراي كارهتها مثلك .. بس حبيتها من حبابة الدكتور .. بس وش عقبه عقب ماخلصت الاختبار وصارت أسئلته مكرره وسهله :biggrin:

والعقيده كان فيه ملزمه اكثر من 100 صفحه..
بس الحمدلله على وقتنا اختصرها الدكتور ربي يعافيه للنص..
إذا مدرسكم نفس دكتورنا (القطاونه) توكلي على ربك واطبعيها حقت هتان..


وبعدين لاعاد تخافين من شي..

تراي يوم دخلت الجامعه زرعوا فينا بعضهم الخوف لدرجة اني قلت أكيد راسبه فالأربع مواد الي مامدحوها...:24_asmilies-com:
بس صارت خزعبلات وكلام ناس مهمله بقوة :biggrin:

أم رند@ 2012- 1- 24 08:01 AM
رد: الطلاب الجدد/تطمنوا مواد المستوى الأول .........
 
اقتباس:
المشاركة الأصلية كتبت بواسطة costa (المشاركة 5557896)
جزاك الله خير

احس ضايعه الحين المستوى الاول ادرس كل هالمواد !!

وعلى اي اساس اختار تخصصي؟

اذا استاذ الانجليزي عليه شكاوي عزالله رحت فيها :000:
المواد اجباريه للسمستر الأول...كلنا درسناها سوا والحمدلله كثير عدّو الترم..
واختيارك للتخصص على حسب ميولك...

والاستاذ ماعليك.. مانبي نظلمه..كان جديد عالجامعه وهذا الي كان موتّرنا .. هو ماقصر بصراحه حدد لنا القطع والكلمات وهالشي يكفي انه تعاون معنا..
والشكاوى كانت على أسلوب بعض أسئلة الاختبار والقطعه الخارجيه ماكانت معقوله في حقنا لأنها كانت عبارة عن استنتاجات مو اجابات واضحه من خلالها...

بس الحمدلله اهم شي أغلب الأسئله قدرنا نحلها .. والقطعه بسلامتها ماكان همي أحلها اذا انا جايبه درجة اجتياز النجاح فيها:biggrin:

وحيد الدار 2012- 1- 28 06:53 AM
رد: الطلاب الجدد/تطمنوا مواد المستوى الأول .........
 
بوركت خطواتك
تيت تيت رحنا وجينا منصورين

لا تشكيلي 2012- 1- 28 01:03 PM
رد: الطلاب الجدد/تطمنوا مواد المستوى الأول .........
 
جزاك الله خيييييييييييييييير ما قصرتي

totoيارب اتوفق 2012- 1- 28 02:17 PM
رد: الطلاب الجدد/تطمنوا مواد المستوى الأول .........
 
الله يجزاك خيييييييييييييييييييييير

هاجر المهاجره 2012- 1- 28 09:22 PM
رد: الطلاب الجدد/تطمنوا مواد المستوى الأول .........
 
شكرا على نصائحكم والله يوفقنا ويوفقكم و يسهل علينا وعليكم ياااااارب

وجه الخيير 2012- 1- 29 02:32 PM
رد: الطلاب الجدد/تطمنوا مواد المستوى الأول .........
 
ام رند الله يجعلها في ميزان حسناتك والله ارتحت بعد كلااامك وكنت شااايله

هممم ماتتصورينه الله يطمن قلبك اختتي :106::106:

بس ابستفسر عن ملزمه هتان وين احصلها واطبعها

أم سليمان 2012- 1- 29 03:42 PM
رد: الطلاب الجدد/تطمنوا مواد المستوى الأول .........
 
يعطيك الصحة والعافية أختنا أم رند جداً أستفدنا ,, لاحرمك ربي الأجر :love080:

roqa 2012- 1- 29 06:44 PM
رد: الطلاب الجدد/تطمنوا مواد المستوى الأول .........
 
ألف شكر .. حبيت أسأل عن الكتب يعني نشتريها ولا نعتمد على الملخصات ؟

وكمان سؤال تاني : ممكن تعطوني التاريخ بالظبط لبدأ محاضراتنا ( المستوى الأول ) ..

أرجو الرد ..

lo0ola7 2012- 1- 29 07:09 PM
رد: الطلاب الجدد/تطمنوا مواد المستوى الأول .........
 
يعطيك ألف عافيه أختي أم رند :d5:
وربي كنت مره متخوفه :bawling::bawling: من الدراسه بس لما قريت موضوعك
أرتحت :119: وإن شالله ربي مايضيع لنا تعب :love080::love080:

أم رند@ 2012- 1- 30 02:56 AM
رد: الطلاب الجدد/تطمنوا مواد المستوى الأول .........
 
اقتباس:
المشاركة الأصلية كتبت بواسطة وجه الخيير (المشاركة 5626006)
ام رند الله يجعلها في ميزان حسناتك والله ارتحت بعد كلااامك وكنت شااايله

هممم ماتتصورينه الله يطمن قلبك اختتي :106::106:

بس ابستفسر عن ملزمه هتان وين احصلها واطبعها
ملزمة هتان موجوده هنا فالمنتدى ... وأكيد بتلاقينها فالأرشيف..
ببحث عن الرابط ان حصلته راح أرسله لك...

وربي يوفقك ويسهل أمرك...أهم شي الراحه النفسيه...وكلشي بيتيسر..

والف شكر عالدعوات الطيبه...
اقتباس:
المشاركة الأصلية كتبت بواسطة roqa (المشاركة 5629107)
ألف شكر .. حبيت أسأل عن الكتب يعني نشتريها ولا نعتمد على الملخصات ؟

وكمان سؤال تاني : ممكن تعطوني التاريخ بالظبط لبدأ محاضراتنا ( المستوى الأول ) ..

أرجو الرد ..
بعض الدكاتره يطلبون كتب بس مافكرت أشريها..الأهم هو المحتوى وراح ينزل فالبلاك بورد مع كل محاضره ملخص لها من الدكتور...وهو المطلوب ويجي منه الاختبار..والملخصات...تختلف باختلاف سنوات طباعتها وتلخيصها...يعني اعتمدوا على ملخصات السنه هذي...زي العقيده ملخصاتها السابقه مكثف وحق الترم الماضي مره مختصره الدكتور..

وبداية المحاضرات مالهم تاريخ معين....عالبركه يبدون..وممكن يضغطون..بس مثل ماذكرت ماهي ضروريه اغلبها متابعتها..بس الضروري تحميلها عشان الدرجات..


وأشكر كل من مر عالموضوع وعلّق بكلمات أعتبرها وسام وشرف لي...:love080:

وربي يوفقكم جميعا بأعى معدل ....

أم رند@ 2012- 1- 30 03:10 AM
رد: الطلاب الجدد/تطمنوا مواد المستوى الأول .........
 
هذا الموضوع لأخونا هتان وملزمة العقيده....

http://www.ckfu.org/vb/t250812.html

وهنا موضوع لغاليتنا لبنى بس أبد ماشيكت عالروابط ومدري عنها بشي بس أكيد راح تفيدكم

http://www.ckfu.org/vb/t215738.html

رشروشا 2012- 1- 30 11:56 PM
رد: الطلاب الجدد/تطمنوا مواد المستوى الأول .........
 
في وحده هنا قالت إنها بدت مذاكرة !!
كيف !؟ وعلى أي اساس وما بعد نزلت الجداول !؟
ولا احد حدد الكتب
!!!
بدأ الفصل وانا مابعد نزل الجدول ولا اخذت كتب ولا شي
انا ماخذتها ع الراحة ولا لسه ما بعد تبدي الحاضرات ؟
والكتب .. هل الدكاترة هم اللي يحددون لنا ولا من وين نذاكر ؟

مديحه 2012- 1- 31 03:40 PM
رد: الطلاب الجدد/تطمنوا مواد المستوى الأول .........
 
مشكوووووووره حييييييييل يالغاليه وعساها بموازين حسناتك عن جد ساعدتيني في امور كثيرا كنت خايفه منها
لك خالص شكري :love080::106:

توووووتي 2012- 1- 31 11:59 PM
رد: الطلاب الجدد/تطمنوا مواد المستوى الأول .........
 



الله يعطيك العااااافيه والله هونتي عليا كثيييييييير ربي يسعدك ويوفقك ويوفقنا جميع


All times are GMT +3. الوقت الآن حسب توقيت السعودية: 02:22 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه