بدون زعل
 

مجرد ملاحظة ونصيحه قبل فوات الاوان
لي تقريبا شهر في المنتدى ولاحظت ان الموظفين هم المجتهدين رغم انه يداوم حتى المغرب يرجع ونفسيته واصله خشمه وبعدها راح للكتب الي تجيب الكآبة ولكن يذاكر بنفس مفتوحه واجتهاد
يمكن اغلبيتهم بعد متزوجين وعندهم عيال لازم يجلس معهم شوي يعني راح اغلب اليوم .
ولكن الاغلبيه هنا غير موظفين وكل واحد او وحده ماتب له موضوع يتأفأف ويقول صعب شلون بننجح وهو ما فتح الكتاب بعد .. انتم الحين عندكم نعمه الوقت الي محرومين منها الموظفين ورغم ذلك محصلين وقت يذاكرون.
الي ابي اقوله وخلاصه الموضوع ان هالموظفين الي قاعدين يكملون دراسه احتاجوها الحين يعني قبل كان عندهم وقت انهم يدرسون ويجتهدون بس ضيعوها او انهم اقتنعوا بالدبلوم فقط زي حالاتي وندمنا الحين .. والله يعينا نحصل الوقت الي نذاكر فيه حتى الويك اند الحين صرنا نستغله في المذاكره ..
(اتعبوا الحين لان عندكم وقت قبل ما يجي الوقت الي ما تحصلون هالفرصه الذهبيه)
ويا ليت لا احد يزعل من الصراحه طبعا مو الكل اتكلم عن نسبه معينه

والله يكتب لنا النجاح والتوفيق

رد: بدون زعل
 

مشكور اخوي على النصيحه
تحياتي لك

رد: بدون زعل
 

مشكور اخوي فعلا الوقت كالسيف ان لم تقطعه قطعك

رد: بدون زعل
 

طيب ياخي قل ماشاء الله :biggrin:


الله يوفق الجميع ويسهل دروبنا على الخير .. :106:

رد: بدون زعل
 

ماشاء الله تبارك الله
<== اقرب طاوله خشب ويجلدها
عيني بارده مره كانها طالعه من الفريزر :cool:

رد: بدون زعل
 

يعطيك العافيه

اذا كان الوضع كذا ... في المستوى الاول ..وهي خمس مواد ..وكلها مبادئ

كيف بيكون الوضع في المستوى الثاني واللي بعده من مستويات

لازم يكون عندنا استراتيجية في إدارة الوقت وتنظيم الجهد وطولة بال ..
وهذي فرصه نتعود على جو المذاكره للمستويات الجايه

تحياتي

رد: بدون زعل
 

صراحه المثال المفروض ينضرب بالمتزوجات واللي عندهم اطفال هي اللي وين تلاقي لها وقت تذاكر فيه

ومع كذا تذاكر وشاده حيلها ..

ولا الموظف يلاقي عنده وقت بكل سهوله بدل مايطلع للأستراحه و......

يذاكر فيها ،،

<<<<قلبت الموضوع

عموما يعطيك العافيه على كلامك

رد: بدون زعل
 

كلامك عين العقل اخوي .. مرورك شرفني

كلامك صحيح المتزوجات وربي مضغوطات .. بس المتزوجين الي ما يطلعون الا العشا وما يروحون استراحات واصلا هو في وقت للاستراحات

تغير الموضوع :biggrin:

رد: بدون زعل
 

يعطيك العافيه على هالنصيحه ومشكور

وبعدين هذي مافيهازعل بالعكس انت قاعد تنصح من واقع تجربه وكثير منا مر باللي مريت فيه وماصدق وجا اليوم اللي يكمل فيه دراسته ومتحسف على كل لحظه مر ت بدون مايستفيد من هالوقت .
النصيحه اكثر شي تهم ااخوانا واخواتنا اللي توهم متخرجين وماعندهم اي التزامات يعني لامتوظفين ولامتزوجين يستغلون كل فرصه قبل مايؤول حالهم إلى ماآل حالنا إليه ومع ذالك نجاهد للحصول على هذي الشهاده مهما واجهتنا من صعوبات.
اعتذر عن الأطاله وتقبل مروري:106::106::106:

رد: بدون زعل
 

رد: بدون زعل
 

والله أنك جبتها ع الجرح ياخوي

ونا أذاكر و أدور ملخصات أقول فـ قلبي

بس لو ما عندي دوااام
كان احين من زمااان خلصت مذاكرة

بس مع الدوام ماتقدر تحك رااسك .. وذا صادف إن عندك أيام أووف

تطلع لك مليون شغلة .. ماتقدر حتى تحك رااسك فيها

وذا جيت بتذااكر وقت الدواام ... الكل يطاالع فيك ويقولو مستهتر ومن كذا الكلام

فــ أنصح أخوااني و اخوااتي الي ماعندهم دوامات أنهم يجدو ع حاالهم

تراكم فـ نعمة و تقدرو تخلصو كل المواد :106:

رد: بدون زعل
 

صح لسانك اخوي

كلامك 100%

رد: بدون زعل
 

السلام عليكم
صدق الوقت نعمة ما تعرف قيمتها حتى تفقدها بالنسبة للوقت والله اني ادور وقت بالمنقاش اليوم كامل ما الاقي وقت لبيتي واهلي الا بعد 11 مساء عاد هالوقت لازم اعطي المدام وقت واشوف البنوته والعب معها حتى تبلغ المنفعة الحدية (ملحوس من الاقتصاد) الشكوى لله
وعلى طاري الاقتصاد انا بصراحة محروم من نعمة الاقتصاد الجزئي احس اني قاعد احفظ وبس مو فاهم شي الله يوفقنا جميعا وتحياتي .

رد: بدون زعل
 

اضافه موفقه ومرورك زادني شرف

اي والله الله يعين بس بقى شهر والايام تجري تحس اليوم 14 ساعه بس

ولسانك طال عمرك

نعمه للي يفتقدها وحنا الحين نحس بالنعمه هذي
وركز لي المنفعه الكليه والحديه :love080:

رد: بدون زعل
 

هلا يالمعلم الكبير

شف ومن غير زعل

كل حرف كتبته صح مليون بالميه ويخرب بيت اللي يزعلك يا شيخ :53:

هذه فرصه ذهبية المفروض مايضيعوها

والله انا الدوام كاسر ظهري صح من 6 الى 6 لكن يالله الايبود في الجيب والسماعه في الاذن وتقول هندي جالس اسمع المحاضرة من جهه واخلص شغلي من جهه :lllolll:
وترجع البيت تسقبلك المدام بورقة الطلبات وموجز مصايب اليوم ونشرة المشاوير وتوقعات المناسبات اللي لازم تتجهز لها خلال خمس شهور :mh001::mh001:

وانتبه انك تسوي نفسك ما نت معاها ولا جالس تسمع هذرتها :Cry111:

يا شيخ احلى مافي الزواج شيء واحد وبس " العيييييييييييييييييال وبس " وكذاااااااااااب اللي يقولك لا الزواج استقرار ومادري ايش وسعادة تراه نصاب بس وده يقص على نفسه :(177):

<------------- خبره 18 سنه زواج شاق واعمال مؤبده :53::53::53:
<------------ طلع من الموضوع :lllolll:

رد: بدون زعل
 

هلا هلا وانا اشوف الكبوس اشتغلت فجأه اثاريك هنا منور يا دكتورنا
واشكرك على مرورك الاكثر من رائع والله يعين على حرب الضروس الي راح تشتعل من اخر ثلاث سطور في الرد
شكل ام العيال نشبت لك في بنده وخلتك تدف العربانه اليوم ياخي لازم تؤمن بالمقوله الي تقول يوم لك ويوم عليك <=== يبي يشاطره الرأي بس خايف من ام العيال تصيده في المنتدى بعدين اتلحط في المطاعم لمده شهر

يوووه موضوعنا راااح شرق وحنا غرب

المهم الوقت ثم الوقت يا حبايبي واي استفسار في اي ماده او اي استفسار من الحياه سوف يجاوبكم الدكتور ايزو
فالكم النجاح

رد: بدون زعل
 

اما استراحات ، لا تعليق ، لو يدرون اننا نطلع من البيت 6 الصبح نروح اشغالنا ونرجع 7 العشاء ، ومن 8 العشاء الى نص الليل مذاكره ، ايه مررررررررررره في وقت ندلع ، اصابعك ماهي سوا ، بس ربي يوقفنا جميعا انشاء الله.

رد: بدون زعل
 

انا اعتبر اللي بالنعمه مايحس فيها مو مسألة استهتار ..اوغيره :biggrin:
وطبعا مافي داعي للزعل ..:lllolll:
واللي عنده وقت ويدرس تعليم عن بعد يناظر للي منتظمين وعندهم مجال للفهم والتعاون اكثر ..
ويشوف نفسه مسكين ومظلوم ومنبوذ بالمجتمع ليش يدرس بفلوس وغيره ياخذون مكآفآت ..الدنيا حظوظ وكلٍ له نصيبه ..
واللي موظف ويدرس تعليم عن بعد يناظر للي يدرسون وهم جالسين بالبيت ..

وقيسوها على كل شي بالحياه ..
وبالنهايه كل اللي يدرسون هنا محد غاصبهم مع احنا بزارين ندرس بالمدرسه مايدخل هنا الا اللي مهتوي الدراسه لسبب ما ..
وجهة نظري من امور انا عشتها وماكنت احس فيها الا لما فقدتها .. الحمدلله على كل نعمه واللي يبي الشي بتوفيق الله بيوصله لاموظف ولا متقاعد ولاعاطل ..

الطموح والاصرار يحققلك اللي تبغاه ومافي شي سهل بالحياه كل شي يحتاج جهد والقدرات تفرق ..

تعبت وانا اكتب ...:oao:

رد: بدون زعل
 

علق النت وطلعت مشاركتين ماعرفت احذفها :53:

رد: بدون زعل
 

رد: بدون زعل
 

شنسوي مظلومين خاااااااصه الي في القطاع الخاص مشفوط دمة في البيت والعمل :cheese:

شكل وسادتك كبير يا استاذه همس والله يرزقك احلا الوسادات واكبر الشهادات:cool:

رد: بدون زعل
 

رد: بدون زعل
 

ايه والله انك صااادق بكلامك ..الله يجزاااك الف الف خييييييييييير ..

بالتووووفيييييييييييق ..

رد: بدون زعل
 

:d5::d5::d5:

بيض آللة وووجهك يآخووي وأنشهد أنك مآقلت آلآ آلصدق

وكلن يعرف وش يسووي سوآء شد حيلة ولآ لآ هذآ مستقبلة ويعرف وش معنى كلمة مستقبل


وآللة يووفق آلكل

تحيآتي :106:

رد: بدون زعل
 

الله يعافيك حبيبي وانت الي منتاز المناتيز

ويالك يا رب وفالك النجاح يارب ولكل طالب .. سعدت بمرورك

وزاد الله وجهك بياض يارب وكلامك سليم .. تشرفت بمرورك الانيق

رد: بدون زعل
 

كلام سليم ميه بآلميه :106:

رد: بدون زعل
 

رد: بدون زعل
 

شكرا اخ the best
جد ليتهم يستفيدون ....اخذت يومين اجازه من الدوام وخلصت فيهم الرياضيات
كيف لو كل يوم ماعندي شي والله يمديكم تخلصون الماده وتذاكرونها مرتين وما يجي الاختبار الا تصير عليكم مراجعه ..ما اقول الا الله يعين



والله معك حق ... كلامك عين الصواب :(204):
الدوام ياخذ اغلب الوقت واذا ماخلصت جزء من المذاكره بالدوام وين يمدي تخلصه بالبيت ...ومثل ماقلت بس تحس انك فاضي وخلاص قررت تبدا مذاكره تطلع لك الف مصيبه ومصيبه

قسم ان عنوني تقلبت وانا اطالع المحاضره اغلب يومي وعنوني ع الشاشه ومع الدكتور حنفي حتى اذوني راحت فيها احسه يهاوشني انا بالذات :hahahahahah: بس رهيب الله يعطيه الف صحه وعافيه اقوى خونفشاري ..فهمني الرياضيات غصب :41jg:

رد: بدون زعل
 

من جد :Cry111:
والله احنا الي جاآآلسين في البيت يبي لنا طططق :41jg:

انا اول مااسوي لي جدول واقول بأمشي عليه اول يومين اوك :53:

بس بعديييين امللل واقول نفرض انو انا موظفه ماعندي وقت اذاكر :g2:الا قبل الامتحان بيوم :hahahahahah:

<<<< طبعا هالكلاام اقول بس عشان ارضي ضميري :cheese:

الله يسهلها ويعدي الامتحانات على خير:mh12:

رد: بدون زعل
 

يعطيكم العافيه

واعتقد الموضوع اخذ حقة من النقاش

يغلق الموضوع

-----------

باقي شهر عالاختبارت

وببداء اقفل اي موضوع امره خارج عن مواضيع الدراسه :119:


ههههه بتكرهوني هالشهر :41jg:


.

...

رد: بدون زعل
 

يعطيكم العافيه

واعتقد الموضوع اخذ حقة من النقاش

يغلق الموضوع

-----------

باقي شهر عالاختبارت

وببداء اقفل اي موضوع امره خارج عن مواضيع الدراسه :119:


ههههه بتكرهوني هالشهر :41jg:


.

...