|
شكوى الطلاب مستفيدي الضمان عبر صحيفة سبق
السلآم عليكم ورحمه الله وبركاتة ’’,, بسم الله الرحمن الرحيم لم نفكر في بداية الامر في رفع شكوى الى الصحافه ,, ولكن عندما تقطعت السبل لن ينصفنا بعد الله سبحانه الا الصحافة بتوصل صوتنا الى ولاة الامر حفظهم الله ,,’’ مايضيع حق وراه مطالب ,, وهذا ابسط حقوق المواطنة ... والملك ماقصر الله يطول بعمره ,, قال حتى انا لست فوق النقد .. ويجب ان نكون شفافين والحق مايزعل احد والقرار واضح وفي جميع الجامعات ... الطلاب والطالبات المستفيدين من الضمان يدرسون مجاناً ,, وهذا الرابط لتأكيد فقط ,, http://www.kfu.edu.sa/ar/Deans/elear...orm.aspx?ID=77 يعني هذا ابسط حقوق المواطن ونفذه الملك مشكوراً وماجور أن شاء الله شباب وبنات انتم بأيديكم مكافحة الفساد الكل يراسل صحيفة سبق ويكتب ماحدث له وسوف ينشر الخبر بإن الله سبحانه اما سالفتهم زي سالفه الاتصالات السعودية ادفع بالاول وبعدين على الضمان ماتدخل العقل ,,!! لو عندي حق الدراسة كان دفعت وبلا منتكم للتواصل مع صحيفة "سبق" الإلكترونية : - النموذج الإلكتروني .. أضغط هنا - للتواصل مع إدارة الصحيفة : info@sabq.org - رقم الفاكس : 2001415 (الرياض 01 ) أنا اول مرسل الى سبق عبر الايميل ,, والله ولي التوفيق اخوكم : هآنت يآجروحي |
رد: شكوى الطلاب مستفيدي الضمان عبر صحيفة سبق
كفو والله حلو الله يقويكم؟؟؟؟؟؟؟؟؟؟؟؟؟؟؟؟؟؟؟؟
|
رد: شكوى الطلاب مستفيدي الضمان عبر صحيفة سبق
اقتباس:
يالله راسلي سبق آختي ,, حتى اللي مو من المستفيدين من الضمان ,, يراسل سبق لرفع الظلم عن اخوانه .. انصر اخاك ظالماً او مظلوما أستغفر الله واتوب اليه |
رد: شكوى الطلاب مستفيدي الضمان عبر صحيفة سبق
باك اخوي هانت حطيت نفس الرد في موضوع لك بس دامك حطيت ذا الموضوع خذا علومي رحت اليوم للضمان وعطيتهم الورقه اللي حاطه اخوي اراقي ووختموها وقالت تكفي ما عاد يحتاج شهاده واتصلت على د النجار ولا رد وارسلت له مسج اقول انا ختمت ورقه انا من مستفيدي الضمان اسدد والا بس ارسلها مع الاوراق ورد علي الساعه 6 المغرب وهذي نص رساله بالحرف الواحد "يكفي الخطاب اذا كان باسمك واساس ومختوم" ورديت عليه بهالمسج"متاكد تكفى لا تروح علي ذي السنه انا اسمي ..........الخ تذكر ذا الاسم لاني برسل اوراقي بكره ان شاء الله مع الخطاب "
وهالحين متوهقه ارسل الخطاب بدون تسديد على كلام النجار والا اسدد وارسل كلها خطاب وتسديد لاني والله خايفه تروح علي ذي السنه عشان ما سددت شورك يالنشمي :mh12: |
رد: شكوى الطلاب مستفيدي الضمان عبر صحيفة سبق
والله انك ذيب كفو والله :53:
وانا بعد برسل لهم والله مافيه حل الا هاذا ادوشونا ماندري وين نروووح |
رد: شكوى الطلاب مستفيدي الضمان عبر صحيفة سبق
اقتباس:
|
رد: شكوى الطلاب مستفيدي الضمان عبر صحيفة سبق
تسلم ايديك هانت جروحي بارك الله فيك :(204):
يجب على جميع الطلاب والطالبات المستفيدين وغير المستفيدين ارسال الشكوى الى الصحيفة لنصرة اخوانهم واخواتهم في الضمان |
رد: شكوى الطلاب مستفيدي الضمان عبر صحيفة سبق
لا يالغلا الضمان بالرياض القسم النسوي وابشر بعزك يا هانت :33_asmilies-com:
|
رد: شكوى الطلاب مستفيدي الضمان عبر صحيفة سبق
الله يكثر من امثالك اليوم ضاقت بي لانهم يقولون لازم تدفعين أول ترم وأنا ماابي أضغط على اهلي وخاصة اني ماقلت لهم أصلن من البداية عشان يسون في حسابهم لكن ربك كريم وبيفرجها أن شاءالله
|
رد: شكوى الطلاب مستفيدي الضمان عبر صحيفة سبق
يالله انابروح كمان وشوف النهايه مادري ضمان الطائف يقبل او لا وربكم كريم؟؟؟؟؟؟؟؟؟؟؟؟؟؟؟؟
|
رد: شكوى الطلاب مستفيدي الضمان عبر صحيفة سبق
انا تعبت من ضمان الاحساء مافي احد من نفس منطقتي الاحساء ويفيدني
|
رد: شكوى الطلاب مستفيدي الضمان عبر صحيفة سبق
الله يرحم والديكم ع التفاعل
اتمنى عمل up للموضوع عشان ماينزل والكل يراسل معنا والله الموفق |
رد: شكوى الطلاب مستفيدي الضمان عبر صحيفة سبق
رفع لعيون الطلبه المستفيدين من الضمان الاجتماعي وانا وحده منهم |
رد: شكوى الطلاب مستفيدي الضمان عبر صحيفة سبق
تسلم يا اخوي هانت جروحي تسلم ويسلم راسك
حبيبتي (( انا واختي خوات )) نصيحه اصبري يومين بالكثير خل ننتظر انا ماراح اسدد الا اذا تاكدت لاني حاطة في بالي اسدد وارسل اوراقي وورقه الضمان معهم بس طبعا بخلي نسخه معي << اخاف بعدين يقولون ارفعوا على الموقع مثل ماقالوا عن البطاقه ارفعوها دعواتكم تتيسر امرونا خصوصا فيه كثير بنات زي حالتي :Cry111: |
رد: شكوى الطلاب مستفيدي الضمان عبر صحيفة سبق
واللي اهله مو من الضمان وش يسوي :mh12: والحاله لك عليها الله كريم:119: |
رد: شكوى الطلاب مستفيدي الضمان عبر صحيفة سبق
اقتباس:
اتمنى تواصل الشكاوي ع سبق لنشر المعاناه فيه حديث لرسول صلى الله عليه وسلم’’ فيما معناه يسروا ولا تعسروا وبشروا ولا تنفروا او كما قال عليه الصلاه والسلام الجامعه مطبقه الحديث بالعكس عسروا ولا تيسروا ونفروا ولا تبشروا حسبنا الله ونعم الوكيل اقتباس:
فعلاً ياجماعه الصبر جميل وكل تأخيره فيها خيره ارسلت اوراقك اليوم ولابعد ايام ماتفرق ,, اقتباس:
قوليها بالتشهد الاخير وراح يفرج الله همك والله يرزقنا وياك ,, يشهد علي الله انك قطعتي قلبي بكلامك ,, وليتني املك المال لآعطيك ولكن املك دعوة بظهر الغيب سأهديها لك ,, |
رد: شكوى الطلاب مستفيدي الضمان عبر صحيفة سبق
8
88 اجل هدايه ثم شوركم ننتظر وش ورانا عل وعسى ورررررررررررررررفع الله يرفع مقدارنا عنده |
رد: شكوى الطلاب مستفيدي الضمان عبر صحيفة سبق
اقتباس:
مير مستحي منه قبل كم يوم متصل عليه وطالب منه نشر موضوعنا الدبلوم الصحي وماقصر نشر بجريدة اليوم وراح ينشر اجزاء باقيه ,, واعرف صحفي اخر بصحيفة الجزيره وطلبت منه نفس طلبي من صحفي جريدة اليوم قرار ظالم ,, لنا سنوات ع قوائم الانتظار بالخدمة المدنية وتم تحويل جزء منا للقطاع الخاص ونحاول ايقاف هذا القرار الظالم ان شاء الله ربك يكتب الخير والخيره لنا |
رد: شكوى الطلاب مستفيدي الضمان عبر صحيفة سبق
انا تعبت من ضمان الاحساء مافي احد من نفس منطقتي الاحساء ويفيدني
|
رد: شكوى الطلاب مستفيدي الضمان عبر صحيفة سبق
يـــــــا اخواني انتو طـــــــــــلاب جدد .................. اصــــــــــبرو وباذن الله راااااااااااح تفعل الايقونة وقدمو عليها بكل رااحه
السنـة الي راحت بعـد مرور شهر من بدء الدراسة فتحو ايقـونة المستفـــــــديين من الضمــــــــان الاجتماعي والتقديم كــــــان بالالاف.............. وباذن الله راااااح يرد المبلغ الي دفعه اي طالب اوطالبة مستفيد من الضمان بعــــد التأكد من البيانات |
رد: شكوى الطلاب مستفيدي الضمان عبر صحيفة سبق
اقتباس:
وشلون طيب انا ارسلت لهم وليومك مجااني شي الله يفرجها :Cry111: يعطيك الف عافيه اخوي هانت عساك ع القوة تقبل مروري |
رد: شكوى الطلاب مستفيدي الضمان عبر صحيفة سبق
مع جامعتنا الحياه أصعب
الله يخارجنا منها بخير يبي لنا والله مجهود قوي جدا عشان يسمعونناوينفذون مطالبنا الله حسيبهم |
رد: شكوى الطلاب مستفيدي الضمان عبر صحيفة سبق
يدا بيد معك ياهانت انشاء الله تتيسر الأمووور والله يقويك |
رد: شكوى الطلاب مستفيدي الضمان عبر صحيفة سبق
الله يسر الامور وتتفاعل معنا صحيفة سبق
اتمنى معاوده المحاولة لآحياه مع اليأس ولا يأس مع الحياه والله سبحانه حرم الظلم على نفسه وحرمه بين عباده |
رد: شكوى الطلاب مستفيدي الضمان عبر صحيفة سبق
علومك ياهانت اتصلت ع النجار :(107):اليوم جتني رساله من الجامعه يقولون اسرع بارسال الاوراق والسداد وبنتظر ليوم السبت ان ماصار شي جديد والا اقرب بنك وش اسوي الشكوى لله والله يووووووووفقنا
|
رد: شكوى الطلاب مستفيدي الضمان عبر صحيفة سبق
دقيت ع النجار 20 مره ولا يرد ,,
ومرات يعطي مشغول ؟؟ شكلي بستخير واترك الجامعه ,, لآنه صارت لي ظروف الله اعلم بها وخربت مخطط حياتي حسبنا الله ونعم الوكيل |
رد: شكوى الطلاب مستفيدي الضمان عبر صحيفة سبق
يجب الاتصال على الجامعه او الذهاب لها
والاستفسار الصحيح |
رد: شكوى الطلاب مستفيدي الضمان عبر صحيفة سبق
انا من حفر الباطن
والله لو قريب من الاحساء لروح لهم واقابلهم واتفاهم معهم ,,.. انشهد ان النفس طابت من الجامعه ولكن عشان اخواني وخواتي بحاول عشان اكسب دعوة منهم بظهر الغيب |
رد: شكوى الطلاب مستفيدي الضمان عبر صحيفة سبق
كفوووووووووووووووووووووووووووو وربي بطل:d5:
ربي يوفقك .. اصلا مفروض الدراسه بدون رسوم لانها جامعه حكوميه او يخصمون 50% |
رد: شكوى الطلاب مستفيدي الضمان عبر صحيفة سبق
حسبنا الله ونعم الوكيل
|
رد: شكوى الطلاب مستفيدي الضمان عبر صحيفة سبق
الله كريم
|
رد: شكوى الطلاب مستفيدي الضمان عبر صحيفة سبق
ابشروا تم رفع شكوى رسمية عبر صحف سعودية
السلآم عليكم ’’’ الموضوع بأختصار وبحط لك الاثباتات مع رقم الدكتور/ عبدالله بن عمر النجار - عميد التعليم عن بعد بجامعه الملك فيصل في البداية قرار الملك في موقع جامعه الملك فيصل الرسمي http://www.kfu.edu.sa/ar/Deans/elearning/Lists/kfuAnnouncements/DispForm.aspx?ID=77 ليس جامعه الملك فيصل قراراه اي جامعه تعتمد برنامج التعليم عن بعد ,, صدر تصريح من قبل عميد التعليم عن بعد الدكتور عبدالله النجار وتم تداوله في جميع منتديات جامعه الملك فيصل س / ماهي الإجراءات الأكاديمية الواجبة على الطلبة المنتمين إلى الضمان الإجتماعي حتى يشملهم الإعفاء من الرسوم ؟ جـ / بالنسبة للطلبة الجدد : يجب عليهم الذهاب إلى الضمان الإجتماعي والحصول على شهادة أصلية تفيد بانتمائهم للضمان الإجتماعي وإرسال هذه الشهادة الأصلية مع الوثائق المطلوب إرسالها منهم ولن يتم قبول أي صورة سواء مختومة أو غير مختومة ، المطلوب هو إرسال شهادة الإنتماء الأصل للضمان الإجتماعي. والطلبة الجدد الذين لايستطيعون استخراج شهادة بانتمائهم للضمان الإجتماعي في الفترة المحددة لإرسال الوثائق ؛ عليهم تسديد الرسوم ورفع وصل التسديد الأصلي الذي يأخذونه من البنك إلى أيقونة سداد الرسوم على الخدمات الطلابية ثم إرسال الوصل الأصلي مع بقية الوثائق المطلوبة منهم للعمادة . وعند تمكنهم من استخراج شهادة أصلية بانتمائهم للضمان الإجتماعي يرسلون هذه الشهادة للعمادة ومن ثم يتم إعادة الرسوم التي دفعهوها لهم . http://kfuforums.kfu.edu.sa/showpost.php?p=1409734&postcount=4 بعد التصريح توجه جميع مستفيدي الضمان الى فروع الضمان الاجتماعي وانا منهم ردونا الضمان الأجتماعي وقالوا لانستطيع اعطائكم وثيقة بدون توجيه من جهه حكومية ولدينا تحذير من الامير نايف بعد اعطاء وثيقة الا بطلب وتوجيه من جهه حكومية وشرحت لهم الموضوع واخرجوا لي نموذج خاص بجامعه الامام - التعليم عن بعد نموذج يطبع من موقع جامعه الامام الالكتروني ويذهب فيه لضمان للمصادقة عليه وارساله للجامعه عبر البريد بدل نموذح السداد بعد الرجوع لآعضاء منتدى جامعه الملك فيصل وبأجتهاد من بعض الاعضاء تم الحصول على نموذج عام تابع لصندوق الخيري http://www.ckfu.org/vb/t213665.html ولا يعلم احد هل تعبئته من قبل الضمان الاجتماعي وارساله الى الجماعه يفي بالغرض او لا ,, هنا اعضاء قاموا بالاتصال بالدكتور النجار ورفض النموذح وقال .. في البداية عليكم بالسداد وبعد ذالك يتم التحقق من استحقاكم لضمان ونرجع الاموال لكم واعضاء اخرين اتصلوا على النجار وقال لهم يمشي الضمان وانسحب كثير من الطلاب من الجامعه لعدم قدرتهم على السداد في الترم الاول هذا موضوع مهم اخوي أحمد http://www.ckfu.org/vb/t211393.html موضوع اخر يحكي المأساه http://www.ckfu.org/vb/t214226.html عميدالتعليم عن بعد رقم جواله الخاص 0505858107 الهاتف: 5801762 (03) تحويلة داخلية : 1220 أرقام مسؤولي جامعه الملك فيصل http://www.kfu.edu.sa/ar/Deans/elearning/Pages/contacts.aspx |
رد: شكوى الطلاب مستفيدي الضمان عبر صحيفة سبق
واخر كلام ؟؟؟؟؟؟؟؟؟؟؟؟؟؟؟؟؟
|
رد: شكوى الطلاب مستفيدي الضمان عبر صحيفة سبق
والزبده
يستهبلون علينا نبي نعرف نسدد والا ننتظر الورقه اللي ماندري وينها صار لغز :mad: |
رد: شكوى الطلاب مستفيدي الضمان عبر صحيفة سبق
بطل , استمر :d5:
|
رد: شكوى الطلاب مستفيدي الضمان عبر صحيفة سبق
بنتظار رد الصحفي علي ,,
يقول بتواصل بشكل رسمي مع الجامعه ,, خبرته ان الاسبوع القادم اخر فرصه وعدني انه يبدأ في الموضوع ويجمع التفاصيل من يوم الجمعه والله يوفقه ان شاء الله ,, راح ارد لكم خبر هنا أول بأول ان شاء الله ,, وهالصحفي يشهد علي الله اني مجربه ,, في موضوع وجاب العلم الله يحفظه ويوفقه في عمله ,, |
رد: شكوى الطلاب مستفيدي الضمان عبر صحيفة سبق
تم ارسال استفسار رسمي من صحيفة اليوم الى الجامعه وبنتظار الرد او رفع شكوى لولاة الامر عبر صحيفة اليوم
|
رد: شكوى الطلاب مستفيدي الضمان عبر صحيفة سبق
هانت انت :(204):
مراح ارسل اوراقي بنتظر ردهم ,,, وشوف وش اخرتها معهم ,,, الله يوفقك وين مارحت ,,, وينورك طريقك ويرزقك باالوظيفه الي تبيها ,,, قول آآآمين |
رد: شكوى الطلاب مستفيدي الضمان عبر صحيفة سبق
8
88 نفس غلا الطنايا بنتظر العلم الوكاد والله يوفقك ويسهل امورك ياهانت كفيت ووفيت :106: |
رد: شكوى الطلاب مستفيدي الضمان عبر صحيفة سبق
|
رد: شكوى الطلاب مستفيدي الضمان عبر صحيفة سبق
هانت ياجروحي
الله يعطيك العافيه وربي بهذلونا يهذله :Cry111: اليوم رحت للضمآن وقلت للموظف ابي شهادة انتماء قال ادخلي موقع الضمآن واطبعيها قلت تعتبر اصليه قال ايه حسيت انه يمشيني بس مع الزحمه قلت عقب ما اطبعها اجي عندكم تختمونها قال لا مايحتاج هي مختومه وملونه اذا انطبعت .. واخذت معي ورقه اثبات حاله اللي نزلها الرآقي طبعتها وعبوها لي وختموها من باب الاحتيآط :Cry111: ودخلت على موقع الضمان ادور على هالشهاده ومدري وينهآ ...؟ بصرآحه وش ذا مافي تنسيق نروح ونجي نروح ونجي مع حر الشمس الناس تتطورت وتخلص شغلها عن طريق الكمبيوتر واحنا الى هاللحين نتعامل بالاورآق ودي وروح واختم وتعال وجيب خطاب ومدري وشمسه .... مآصآر تعليم :mad: .. |
رد: شكوى الطلاب مستفيدي الضمان عبر صحيفة سبق
اليوم بتواصل مع الصحيفة ان شاء الله ,, وبشوف ردوا عليهم الجامعه أو لآ ,,
الله بيسهل أن شاء الله ,, اكثروا من الاستغفار ,, أستغفر الله واتوب اليه , استغفر الله العظيم أستغفر الله الذي لا اله الا هو الحي القيوم وأتوب اليه |
رد: شكوى الطلاب مستفيدي الضمان عبر صحيفة سبق
بيض الله وجهك ماقصرت ياهانت جروحي والله انك سنافي وانا اختك الله يفتح لك ابواب الخير وين مارحت :106:
|
رد: شكوى الطلاب مستفيدي الضمان عبر صحيفة سبق
اقتباس:
ع ــسى الله يوفق بس ,, مآع ــليك زود ياوخيتي ,,, يكفيني دعوتك يابعدي ,, والله يوفقك ويسعدك |
رد: شكوى الطلاب مستفيدي الضمان عبر صحيفة سبق
بيض الله وجهك
انا من اهل الضمان تبع الوالد ببدايتها رحت لضمان قالوا روحي للجامعه رحنا للجامعه قالوا مافي الا للمطلقات والارامل بعدها شفت موضوع للراقي وحاط ورقه الضمان طبعتها وطيران ع الضمان وع طول عبا بياناتي وختمها لي وارسلتها للجامعه وان شاء الله الصحافه تاخذ حقنا وحق كل مظلوم ومره ثانيه الله يجزاك خير ع ماسويت .. |
رد: شكوى الطلاب مستفيدي الضمان عبر صحيفة سبق
اقتباس:
شوفي هالموضوع http://www.ckfu.org/vb/t213665.html تلقين الورقه حقت الضمان اطبعيها ورحي للضمان يعبونها ويختمونها لك انا سويت كذا وان شاء الله ربي يسهل امورك .. |
رد: شكوى الطلاب مستفيدي الضمان عبر صحيفة سبق
أستغفر الله الذي لا اله الا هو الحي القيوم وأتوب اليه
|
رد: شكوى الطلاب مستفيدي الضمان عبر صحيفة سبق
الله يهون كل امر عسير
عليكم بكثرة الاستغفار وربي يوفقكم |
رد: شكوى الطلاب مستفيدي الضمان عبر صحيفة سبق
انا ارسلت لسبق في رمضان 20 مرة ولاحياة لمن تنادي ... مو راضين ينزلون اي خبر وكأننا من خارج المملكة ماادري وش فيهم سبق مرة يعجبونك ومرة تحس انهم ماعندك أحد ....
انا ماادري ليه تطنيش أمر ملكي وتوجيه ملكي كريم لمس حاجة المحتاجين وغير المقتدرين على الدفع وأنا مقدر للجامعة حرصهم ولكن ؟؟؟؟؟ لكن والله ماراح ينصرنا الا ابو متعب الله يحفظه استغفر الله |
رد: شكوى الطلاب مستفيدي الضمان عبر صحيفة سبق
يارب تيسر امري و امر كل واحد محتاج ,,,
|
رد: شكوى الطلاب مستفيدي الضمان عبر صحيفة سبق
وش صار عليكم ياللي ارسلتو النموذج مع الاوراق ماجاكم اعفاء من الرسوم
طيب وش ترسلون مع النموذج الشهاده وصورة من بطاقة العائله وايش بعد الله يسهل علينا انا بكره بروح للضمان يعبون النموذج :icon9: |
رد: شكوى الطلاب مستفيدي الضمان عبر صحيفة سبق
8
88 حياك ان شاء الله برسل اوراقي اليوم ماعاد بقى وقت وترسلين ورقه الضمان بعد ما تختمينها وتكون باسمك واصل شهاده الثانوي وصوره من بطاقه الاحوال وانا احتياط وحرص مني برسل صوره من بطاقه الضمان وبسسسسس ويارب توفقنا |
رد: شكوى الطلاب مستفيدي الضمان عبر صحيفة سبق
اقتباس:
مشكوره حبيبتي طيب كيف بطاقة الاحوال تقصدين بطاقة العائله ؟ وكم باقي يوم :icon9: |
رد: شكوى الطلاب مستفيدي الضمان عبر صحيفة سبق
اذاكان عندك بطاقه شخصيه احوال والا ارسلي كرت العايله صوره طبعا وباقي بسسسسس يومين ويارب توفقنا
|
رد: شكوى الطلاب مستفيدي الضمان عبر صحيفة سبق
وصلني الرد التالي :
النجار يقول ما اقدر اعطي خطاب لان الطالب ليس منضم للجامعه ولايوجد له رقم جامعي واضح التعقيد من قبل الجامعه والضمان ,, وعدوني صحيفة اليوم بنشر الخبر ,, اسف على التأخير بس يشهد علي الله كنت مسافر ولا رديت الا اليوم الصباح على حسب كلآم النجار هناك تسجيل في الترم القادم الله يعين جمعوا مبلغ من الان لدفع الترم الثاني وبعدين التكملة على الضمان لان كلام النجار الدفع اولاً |
رد: شكوى الطلاب مستفيدي الضمان عبر صحيفة سبق
حسب مصادري غداً ان شاء الله سوف ينشر الموضوع في جريدة اليو
|
رد: شكوى الطلاب مستفيدي الضمان عبر صحيفة سبق
بأنتظآر النشر + متابعة الخبر .. شكرا لك أخي الكريم
|
رد: شكوى الطلاب مستفيدي الضمان عبر صحيفة سبق
الجامعة ...الضمان لم يرد علينا ... والضمان لن نعطي خطاب الا بتوجية رسمي من دائره حكومية
جامعة الملك فيصل والضمان الأجتماعي بدون تواصل والضحية طلاب الأسر المحتاجة غداً ان شاء الله التفاصيل |
رد: شكوى الطلاب مستفيدي الضمان عبر صحيفة سبق
لا يعني مآرآح ندرس هالترم راح علينا... وشهادتي الاصل كيف آخذها
:Cry111: حسسسبي اللله ونعم الوككيل ليشش :icon9: |
رد: شكوى الطلاب مستفيدي الضمان عبر صحيفة سبق
انا ماعبيت الورقه حقت الضمان ولاارسلتها مع اوراقي ودفعت الرسوم
لاني مو متاكده اذا هي اللي يبونها الجامعه او لا ياليت تعطوني خبر وتقولون لي الي ارسلت الورقه قبلوها او لا |
رد: شكوى الطلاب مستفيدي الضمان عبر صحيفة سبق
الى الان الطلبة المستفيدين من الضمان لم يرد عليهم اي شخص سواء من الجامعة او الضمان بانتظار نشر القضية في احدى الصحف
|
رد: شكوى الطلاب مستفيدي الضمان عبر صحيفة سبق
نشروا الخبر بجريده اليوم ..
|
رد: شكوى الطلاب مستفيدي الضمان عبر صحيفة سبق
من باب من لايشكر الناس لايشكر الله ,,
الف شكر للأخ العزيز الصحفي المميز احمد العريمة ,, بيض الله وجهك ياحمود ,, ماقصرت ,, وعقبال مانسمع اعفاء النجار من منصبه |
رد: شكوى الطلاب مستفيدي الضمان عبر صحيفة سبق
الجامعة ...الضمان لم يرد علينا ... والضمان لن نعطي خطاب الا بتوجية رسمي من دائره حكومية
جامعة الملك فيصل والضمان الأجتماعي بدون تواصل والضحية طلاب الأسر المحتاجة أحمد العريمة – الجبيل أشتكى الطلاب المستفيدين من الضمان الاجتماعيالمسجلين بجامهة الملك فيصل ( التعليم عن بعد ) من تعقيد النظام وتشدده عدم شمولهم بالتوجية الملكي الذي ينص على ن دعم التحاق أبناء الأسر المحتاجة بالجامعات،وإعفائهم من دفع رسوم الكليات الدراسية التطبيقية، حيث وفقت أمامهم أحلامهم ودراستهم عقبات نظام أقرته جامعة الملك فيصل ومكاتب الضمان الأجتماعي بالمملكة . وبين العديد من الطلاب ومنهم صالح الشمري حيث أكد أنه ضل يطالب بشموله بالقرار الملكي هو أخواتهم كونهم مستفيدين من الضمان وقال عندما ذهبت للجامعة الملك فيصل طلبت مني أثبات خطي من الضمان الأجتماعي وحينما توجهه للضمان طلب مني خطاب رسمي من الجامعة وعدة مره اخرى للجامعة أبلغتهم بذلك رفضوا إعطائي خطاب رسمي كوني للأن لم التحق بالجامعة وليس لدي اي رقم جامعي . ويؤكد حديثه سلمان عبدالرحمن أحد الطلاب المستفيدين من الضمان الأجتماعي حيث يقول أن حلقت التواصل بين جامعة الملك فيصل ومكاتب الضمان الأجتماعي مفقودة ومعقدة في نفسس الوقت ولم نظهر في اي حلول لهذا الشان بالرغم من التوجيهات الملكية وتوجيهات وزير التعليم العالي التي كانت تنص على تسهيل شروط القبول. الطالب ع.ع تؤكد أن من ضمن الحلول التي أقرتها جامعة الملك فيصل هو دفع الرسوم للمستوى الأول والبالغة 2700 ريال حتى تمنحها الجامعة خطاب رسمي للضمان الأجتماعي وبعد ذلك أن ثبت أنتماء الطالب للضمان يستحق لها أسترجاع مادفعته وأستغربت الطالبة صعوبة هذا الحل كونها لا تملك هذا المبلغ في الوقت الراهن وطالبت الطالبه ع.ع مسؤلي جامعة الملك فيصل ومكاتب الضمان الأجتماعي بإيجاد حلاً عاجل لهذه المشكلة كي لا ينتهي وقت التسجيل ولا نستطيع الانضمام للدراسة خلال هذا الفصل . وفي تصريحاً سابق لوزير التعليم العالي الدكتور خالد العنقري حيث قام بتوجيه 24 جامعة سعودية، بتنفيذ أمرخادم الحرمين الشريفين الملك عبدالله بن عبدالعزيز المتعلق بدعم التحاق أبناء الأسرالمحتاجة بالجامعات، وتسهيل شروط قبولهم. وأشار إلى أن العمل بهذا الأمر سيكوناعتباراً من هذا الفصل، على أن يجري استيعاب الذين نص الأمر السامي على استيعابهممن المستفيدين من الضمان الاجتماعي وغيرهم من الأسر وفي ما يتعلق بالأمر الملكي المتضمن دعم التحاق أبناء الأسر المحتاجةبالجامعات، وإعفائهم من دفع رسوم الكليات الدراسية التطبيقية، شدّد العنقري علىإعفاء جميع أبناء الأسر المحتاجة من المستفيدين من الضمان الاجتماعي وغيرهم منالأسر المحتاجة من جميع الرسوم الدراسية في الكليات الدراسية التطبيقية، وبرامجالانتساب، وبرامج خدمة المجتمع والتعليم الموازي. كما أرسل العنقري خطاباً إلىوزير الشؤون الاجتماعية الدكتور يوسف العثيمين، لإفادته بمن لم يلحق من أبناء الأسرالمحتاجة بالجامعات. ويذكر أن عدد المستفيدين من الضمان الاجتماعي وصل إلى 720ألفاً، بحسب إحصاء أصدرته وزارة الشؤون الاجتماعية ومن جهة أرى أكد مدير عمادة التعليم عن بعد بجامعة الملك فيصل الدكتور عبدالله بن عمر النجار أن العمادة بالجامعة حريصة على تطبيق هذا القرار مؤكداً أن الجامعة لا يمكنها أصدار خطاب رسمي للطلاب موجهه الى الضمان الأجتماعي كونهم لم ينضموا فعلياً بعد ولم يحصلوا على أرقام جامعية . ومن الوسائل المساعده للطلاب والطالبات التي وضعتها العمادة هي تسديد الرسوم الدراسي للفصل الأول ومن ثم قبولهم ومنحهم خطابات للضمان الأجتماعي وفي حالة اثبات الطالب انتمائهم للضمان الأجتماعي يحق له بإسترجاع مادفعه كاملاً . وأشار النجار أن الجامعة تواصلت مع وزراه الشؤون الاجتماعية – الضمان الاجتماعي منذ صدور القرار أي قبل حوالي شهرين وتم رفع ما يقارب 4 خطابات لهم ولم نتلقى الرد بعد للأتفاق على ألية تساعد الطلاب والطالبات . الطلاب والطالبات أكدو لليوم أن موظفي الضمان الاجتماعي ابلغوهم أن لديهم توجيهات رسمي بعدم منح أي خطاب او أي وثيقة رسمي الا بعد الحصول على طلب رسمي من دائرة حكومية . اليوم قامت بدورها بالتواصل مع وكيل الوزارة للضمان الأجتماعي الأستاذ محمد بن عبدالله العقلا وتم ارسال فاكس يحتوي على جميع التفاصيل الا ان الوكيل لم يؤكد ولم ينفي حتى كتابة الخبر . |
رد: شكوى الطلاب مستفيدي الضمان عبر صحيفة سبق
وهنا أنتهينا ,,
تم الأنسحاب من الجامعة والله يجعل في الأمر خيره اعتذار للجميع ,, كاني اخطيت ع احد ,, فمان الله ... وان كان الله كاتب نلتقي بنلتقي |
رد: شكوى الطلاب مستفيدي الضمان عبر صحيفة سبق
اجل الله يعوضني راحت علي انا ارسلت اوراقي والخطاب بدون تسديد ولعل في الامر خيررررررره
|
رد: شكوى الطلاب مستفيدي الضمان عبر صحيفة سبق
الله يوفقك
وبيض الله وجهك ووجه كل شخص ساهم وحاول يوصل صوتنا للجهات العليا وان شاء الله بتتيسر الامور .. |
رد: شكوى الطلاب مستفيدي الضمان عبر صحيفة سبق
راحت عليناااااااا !!!!! لا الامل بالله قوي وأذا مش خيرة فهو مليون خيرة .... خلونا نتظر أسبوع بعد .. ألا نتظر ليش حنا وش ورانا ؟؟؟ الله كريم أن شاء الله خير يا أخواني وخواتي ... يغلق باب وينفتح مليون باب ومن رجا الله ماخاااااب :Cry111:منال |
رد: شكوى الطلاب مستفيدي الضمان عبر صحيفة سبق
:biggrin:
|
رد: شكوى الطلاب مستفيدي الضمان عبر صحيفة سبق
طيب الحين وش صآر
من اللي تحولت رسومه عالضمـآآآن ...؟؟؟ وشو الطريقه |
رد: شكوى الطلاب مستفيدي الضمان عبر صحيفة سبق
سبحان الله كتبت هالموضوع قبل عام كامل :Looking_anim:
ولله الحمد والمنه ,, توظفنا رسمي بجامعة الملك سعود والان انضم لجامعه الملك فيصل بحر مالي ,, اللهم لك الحمد حتى ترضى ’’ :106::106: |
| All times are GMT +3. الوقت الآن حسب توقيت السعودية: 01:09 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام