ملتقى طلاب وطالبات جامعة الملك فيصل,جامعة الدمام
صفحة 1 من 4 1 234
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية التصاميم بالدمام (https://vb.ckfu.org/forumdisplay.php?f=168)
-   -   اي استفسار عن كليه التصاميم - طالبه سنه ثانيه (https://vb.ckfu.org/showthread.php?t=208856)

النـوـن 2011- 8- 15 12:54 PM
اي استفسار عن كليه التصاميم - طالبه سنه ثانيه
 

بسم الله الرحمن الرحيم

صدفه كنت ادور عن موعد تسجيل المواد لمى لقيت الكثير منكم عنده استفسارات بخصوص كليه التصاميم


انا طالبه ف سنه ثانيه .. وفعلا انا كنت مثلكم بالضبط كنت ادور اي معلومه عن الكليه وم حصلت

لكن الحمد لله م تندمت اني اخترت الكليه

الحين اي وحده عندها استفسار بخصوص الدراسه او المواد ان شاء الله بقدر اجاوبكم عليها

:smile:

النـوـن 2011- 8- 15 01:44 PM
رد: اي استفسار عن كليه التصاميم - طالبه سنه ثانيه
 
ف البدايه مبروك لكل المقبولات :mh001:

سنه اولى هي سنه تحضيريه وتعني اذا م جبتوا المعدل المطلوب _ السنه الماضيه كان اعلى من 3 _ م تقدرون تكملون ويحولونكم ع كليه ثانيه

طيب المواد اللي اخذناها بالسنه التحضيريه

الترم الاول :
انجليزي عام
رياضيات
معمل حاسب
اساسيات التصميم
البحث العلمي

الترم الثاني :
انجليزي توفل
رياضيات
فيزياء
اساسيات التصميم 2
مهارات الاتصال
Physical Education
>> كنا نسميها بدنيه

الى متى ؟ 2011- 8- 15 03:39 PM
رد: اي استفسار عن كليه التصاميم - طالبه سنه ثانيه
 

يااااعمررري الف الف الف الف شكر لش
والله يوفقش في كل خطوه تخطيها ويجعل لش من كل عسر يسر
واخيراً شفنا وحده من بنات التصاميم
********
تعرف خيه الحين حنا في فترة ضغط مره الكل يقول رائيه في اختيار المجال
مع اني خلاص سلمت شهادتي الى كلية التصاميم بقتناع لان احس هل كليه فيها ابداع
وفي نفس الوقت معدلاتها مو نازله ابدا نسبها عاليه جدا وهل تخصص مو في كل الجامعات
اتوقع بس الدمام الي سمعت فيها وجامعة محمد بن فهد الأهلية
ومازلت اسمع الكليات الصحيه افضل شي والوظيفه مضمونه وكلام ماله اول ولا تالي
ولي يدخلوا الكليات الصحيه هم الشطار والمتفوقين واي كليه ثانيه ما تملي عيونهم !!
مع اني الحمد لله ممتازه واساسا الي يدخلوا كلية التصاميم كلهم متفوقين لان ما تقبل بـ أقل من 95
فـ احياناً احس بـ أني غلط يوم دخلت كلية التصاميم والسبب الكلام الي اسمعه
وبسبب مافي اي بنت من هل كلية تتكلم عن الكلية وتحببنا ليها وتجاوب على استفساراتنا
********
اني حالياً ما عندي استفسار معين ابي اعرف كل شي عن الكليه
من ناحية الدراسه هل هي صعبه او سهله ؟
من ناحية الدوام من متى الى متى ؟
وشو الصعوبات الي واجهتش في الكلية ؟
الكتب من عندهم ولا نشتري كل الكتب احنا ؟
طلباتهم كثيره لدرجة ان المكافأه ما تكفي ولا بشكل طبيعي وعادي ؟
وشو مستقبل الطالبات المتخرجين من كلية التصاميم ؟
والله يعينش على اسئلتي وهدرتي
اسمح ليي ما صدقت على الله اشوف وحده تفيدنا
بالتوفيق عزيزتي

النـوـن 2011- 8- 15 03:59 PM
رد: اي استفسار عن كليه التصاميم - طالبه سنه ثانيه
 


هلا فيك حبيبتي

يسلمو ع الدعاء الجميل اللي يفتح النفس

اكيد اللي بينقبلون ف التصاميم بيكونون نخبه النخبه لانه زي م قلتتي نسبته عاليه جدا قبل سنتين كان اعلى من الطب بعد

م عليك من كلام الناس اللي بدخل تصاميم عقله بيكون ابداعي عكس الكليات الصحيه اللي بس يحفضون

والتصميم له مستقبل وله وضيفه تقدرين تشتغلين باي شركه تبين بالذات الحين قسم الجرافيك عليه طلب واجد وحتى م لازم بشركه تقدرين من بيتك من خلال تصميم المواقع والدعايات

بالنسبه لاسألتك

الدراسه ممتعه جدا جدا شوي تعب بس متعه يعني اذا انتي حابه الشغله م بتحسين بالتعب ابدا الترم الاول م فيه شئ بس الشغل يبدا الترم الثاني

الدوام اكثر شئ الى خمسه اخر اسبوع كنا نضطر نقعد لين 11 12 باليل للي م خلصوا شغلهم طبعا
اللي ل 5 ماده الحاسب والتصميم باقي الايام الى 3 او 4
وطبعا كل يوم طول الترمين من 8 الى 12 الانجليزي

الصعوبات الحمد لله ماواجهني اي شئ بالعكس كل شئ سهاله

فيه كتب الفيزياء والرياضيات تشترينها من الجامعه وماده التربيه البدنيه والبحث والاتصال مجانا من الجامعه
وفيه كتب التصميم هذي انتي طلعيها من النت او تستعيرينها من مكتبه الكليه

جميع الاغراض بيعطونك اياها بدايه السنه دفعنا 450 ريال وعطونا كل شئ طبعا الطاوله اهم شئ اذا م تقدرين عادي تنفع طاوله المجلس .. فيه اشياء تحتاجينها من فتره لفتره مثل الكراسات اقلام الرصاص الحبر .. الخ .. بس عموما المكافئه تكفي باذن الله

الوظايف ع حسب التخصص التخصص سنه ثانيه ي تصميم داخلي او جرافيك .. التصميم الداخلي تتوظفين ف شركه او تفتحين لك مكتب .. الجرافيك نفس الشئ بالاضافه انه تقدرين تشتغلين من البيت يعني م يحتاج يكون عندك راس مال تبدأين فيه ..

وفيه شئ حلو بعد ممكن تشتغلين وانتي م تخرجتي لسى مثال انا ف الصيف اشتغلت ف استديو لاني اعرف للفوتوشوب وافقوا علي .. ف بنات صمموا اعلان للجامعه .. وف بنات صممو اعلانات لعطور فباريس وهم لسى سنه اولى .. يعني تقدرين تشتغلين بالف وظيفه


ان شاء الله اكون وفقت ف الاجابه ع اسألتك واذا عندك اي سؤال خذي راحتك

الى متى ؟ 2011- 8- 15 06:08 PM
رد: اي استفسار عن كليه التصاميم - طالبه سنه ثانيه
 

تسلمي غناتي على الاجابة وفيتي وكفيتي
الله يحفظك ويخليك الى اهلك واحبابك

النـوـن 2011- 8- 15 06:22 PM
رد: اي استفسار عن كليه التصاميم - طالبه سنه ثانيه
 


الله يسلمك

تعالي كل يوم :biggrin:

only lonely 2011- 8- 16 05:14 AM
رد: اي استفسار عن كليه التصاميم - طالبه سنه ثانيه
 
وآخييييييير جاء المنقد :biggrin:

والله مشكووووووووره غناتي مررره كنا محتاجينك
جيتي والله جابك :biggrin: ...

انا حبيت استفسر عن
معادلة المواد انا درست نفس هالمواد بجامعة عبد العزيز
فهل بيعادلونها لي او ..!!!
وإذا يعادول كيف ؟؟
وبعد ذي الطاوله اللي تقولين بها هذي نشتريها او كيف يعني ؟؟؟
اممم
وبس

ربي يعطيييييك الف عااافيه هذا اللي جاء ببالي دحينه
واذا طفر ببالي سؤال برجع :biggrin:

only lonely 2011- 8- 16 05:19 AM
رد: اي استفسار عن كليه التصاميم - طالبه سنه ثانيه
 

آييييه صح

كنت بسألك عن الانجليزي
كيف دراسته صعبه او سهله

احنا كنا ندرسه اربع كتب ريدنق ورايتنق سبيكنق ولسننق وقرمر ؟؟
كذا ندرسه بعد ؟؟؟
وشنو هو انجليزي التوفل ؟ اصعب ؟

وهل فيه اختبار تحديد مستوى سوا في الرسم او الانجليزي ؟؟

ومرررررررررررررررررررره شووووووووووكرا تعبتك معااي :smile:

Miss Designer 2011- 8- 16 10:38 AM
رد: اي استفسار عن كليه التصاميم - طالبه سنه ثانيه
 
يا الله حيها :")

مرة شكرا لانك فتحتي هالموضوع و افدتينا

ابي اعرف وين نداوم اول يوم اروح وين :/
و ثانياً كيف اقدر اجيب معدل عالي عشان اكمل ثاني
لان هالشي شاغل بالي و خايفة مرة لانو شي جديد و ما اعرف النظام
فهل يكفي مذاكرة يوم بيومه و اجيب هالمعدل من ٣ و فوق
مستوى الصعوبة شلون بكل المواد طبعاً

النـوـن 2011- 8- 16 10:57 AM
رد: اي استفسار عن كليه التصاميم - طالبه سنه ثانيه
 
هلا حبيبتي العفو

المواد صراحه م ادري بيعادلونها ولا لا بس عندنا. وحده عادلوها وهي كانت حاسب. عطوها بس ماده التصميم

والطاوله اللي ترسمين عليها من جرير :lllolll:

حياك الله باي وقت

النـوـن 2011- 8- 16 11:04 AM
رد: اي استفسار عن كليه التصاميم - طالبه سنه ثانيه
 
الانجليزي تداومون يوم قبل بدايه السنههم يحددونه ع صفحة الجامعه بالفيس بوك
تروحون تختبرون اختبار تحديد مستوى وع بدايه السنه يقسمونكم 3 اقسام مبتدء ومتوسط وعالي
كلكم تدرسون قرامر ورايتنق وريدنق وسبيكنق سهل جدا اعاده للي اخذناه بالمتوسط والثانوي
بالنسبه للتوفل هو زي اختبار التحصيلي حق الانجلش يكون ع الكمبيوتر وبوقت وفيه ريدنق سبيكنق ورايتنق فقط
اما الرسم م ف تحديد مستوى بس اول الاسابيع بيقولون لكم جيبوا رسمات قديمه ويشوفون اللي تحتاج تطوير يخلونها تشتري كتب ويختارون لها رسمات ترسمها يعني غصب بتتعلمين ترسمين

النـوـن 2011- 8- 16 11:12 AM
رد: اي استفسار عن كليه التصاميم - طالبه سنه ثانيه
 
الله يحييك حبيبتي
ف صفحه للجامعه ع الفيس بيحددون يوم تجون يختبرونكم انجليزي ويسوون لكم تعريف بالجامعه يعني بيورونكم كل الكلاسات وكل الاماكن ف لا تخافين انتي تابعيهم عشان تعرفين متى

بعدين لا تشيلين هم المواد ابدا الترم الاول سهل جدا لدرجه تحسين بتفاهه اهم شئ الانجليزي تجيبين فيه عالي لانه اكثر عدد الساعات. بعدين الديزاين اتعب وانا اقول سهل الترم الثاني اصعب شوي عشان الماث وفيزياء اما المواد الباقيه م كنا نذاكرها حتى :g2:

وعذرا ع الحوسهالحين بتقولون بنت ديزاين وم تعرف تزين كلامها بس انا ادخل من الجوال :mh318:

الى متى ؟ 2011- 8- 16 08:24 PM
رد: اي استفسار عن كليه التصاميم - طالبه سنه ثانيه
 

باااك .. جاء على بالي سؤال >> ياكثر اسئلتي *.^
خيه قلتي الدوام من 8 الى 12 انقلش
يعني في مواد ثانيه ندرسها بالعربي ؟؟
وبالنسبة الى الأشغال وشو الأشغال الي اشتغلتوها ؟؟
وكيف اقدر اجيب 5 :mh12: صعب اني اجيبها ولا لا ؟؟
وثاانكس مقدماً

النـوـن 2011- 8- 16 08:59 PM
رد: اي استفسار عن كليه التصاميم - طالبه سنه ثانيه
 
حياك الله

اللي من 8 الى 12 ماده الانجليزي بعدها كل يوم ماده
باقي المواد بتكون الاسئله باللغه الانجليزيه والشرح ع حسب الدكتوره اللي بتدرسكم
م عادا ماده البحث العلمي ف الترم الاول و مهاره الاتصال والتربيه الصحيه والبدنيه بالعربي

الاشغال بالترم الاول بدايه فقط يعني شلون ترسمين اش يعني ثنائي ابعاد وثلاثي ابعاد الضل والضوء وكان مشروعنا الترم الاول مجسم ثلاثي الابعاد

وهذي صوره له

http://dc360.4shared.com/img/h9TQsrO...09_1000017.jpg



http://dc423.4shared.com/img/xk7gEsV...75_1000017.jpg



الترم الثاني كان كله ع مشروع واحد واهو تصميم مدخل كليه الحاسب
مع العلم ان احنا مشاريعنا كانت غير عن مشاريع السنه اللي قبلنا يعني م شرط تاخذون نفس الشئ

النجاح سهل جدا زي م قلت من قبل اضمني درجه الانجليزي والتصميم يعني كم بنت عندنا جابت اقل م 3 بسبب الفيزياء او الماث م كانوا شادين حيلهم يعني مستسهلينهم

ومتى م جا ببالك سؤال لا يردك شئ


:biggrin:

النـوـن 2011- 8- 16 09:01 PM
رد: اي استفسار عن كليه التصاميم - طالبه سنه ثانيه
 
[web]http://www.facebook.com/pages/University-of-Dammam-%D8%AC%D8%A7%D9%85%D8%B9%D8%A9-%D8%A7%D9%84%D8%AF%D9%85%D8%A7%D9%85/130581383636726[/web]


صفحه الجامعه ع الفيس بوك انصح الجميع بمتابعتها :(204):

إحسآس 2011- 8- 17 07:48 AM
رد: اي استفسار عن كليه التصاميم - طالبه سنه ثانيه
 
السلآلآم عليييكم

ياحظكم بنات التصميم عندكم من تسألوا :icon9:

انا انقبلت في إدارة الأعمال وعندي سؤال ^_^ ودي اسأله :biggrin:

كيف طريقه اختبار تحديد المستوى ؟؟ ممكن تشرحين لي:tongue:


ومعلييييييش ع قطه الوجـه :71:

النـوـن 2011- 8- 17 10:02 AM
رد: اي استفسار عن كليه التصاميم - طالبه سنه ثانيه
 
لا ابد م مشكله اخذي راحتك
الاختبار عباره عن 4 اجزاء
اول شئ لسينينق محادثه بين اشخاص وعليها اساله
بعدين باقي الاجزاء الريدنق والرايتنق والقرامر مع بعض الوقت كان 3 ساعات
الرايتنق ف سؤالين تختارين منهم واحد وتكتبين 12 سطر
القرامر نفس اللي اخدناها من قبل يبي لها تركيز شوي
الريدق عادي قطعه وعليها اساله
مع العلم ان انا م عندي علم اذا اداره الاعمال عندهم هذا الاختبار والا لا
بس الحاسب متاكده لانهن اختبروا معانا

إحسآس 2011- 8- 17 01:09 PM
رد: اي استفسار عن كليه التصاميم - طالبه سنه ثانيه
 
اقتباس:
المشاركة الأصلية كتبت بواسطة النـوـن (المشاركة 4208725)
لا ابد م مشكله اخذي راحتك
الاختبار عباره عن 4 اجزاء
اول شئ لسينينق محادثه بين اشخاص وعليها اساله
بعدين باقي الاجزاء الريدنق والرايتنق والقرامر مع بعض الوقت كان 3 ساعات
الرايتنق ف سؤالين تختارين منهم واحد وتكتبين 12 سطر
القرامر نفس اللي اخدناها من قبل يبي لها تركيز شوي
الريدق عادي قطعه وعليها اساله
مع العلم ان انا م عندي علم اذا اداره الاعمال عندهم هذا الاختبار والا لا
بس الحاسب متاكده لانهن اختبروا معانا
يعطيك العافيه اختي ماقصررررررتي:) ،،، عندنا الاختبار لان عندنا سنه تحضيري وكليتنا توها اول سنه جزززاااك الله الف خير:love080: وعندي سؤال اخييير الاختبار راح يكون تحريري ؟؟ع ورق كله ؟؟

النـوـن 2011- 8- 17 02:49 PM
رد: اي استفسار عن كليه التصاميم - طالبه سنه ثانيه
 
اي ع ورق :(204):

نظراة أمل 2011- 8- 17 03:23 PM
رد: اي استفسار عن كليه التصاميم - طالبه سنه ثانيه
 
السلام عليكم
أختي أنا انقبلت تصميم وصراحة ما أبغاه
ولسى في محاولات للتغير
بس عندي سؤال لازم الوحدة تكون تعرف ترسم ؟
يعني أنا ما إلي إلي علاقة بالرسم لا من قريب ولا من بعيد
وكان معاك احد ما يعرف يرسم ولا كيف

الى متى ؟ 2011- 8- 17 04:44 PM
رد: اي استفسار عن كليه التصاميم - طالبه سنه ثانيه
 
نظراة الأمل مو لازم تعرفين ترسمي هم الي يعلموك
وليش ما تبي هل قسم ؟
وأي قسم الي تبي تحولي له ؟؟ >> أكيد تخصصات طبيه !!

واسمح ليي صاحبة الموضوع على القافه *.*

نظراة أمل 2011- 8- 17 05:31 PM
رد: اي استفسار عن كليه التصاميم - طالبه سنه ثانيه
 
ما ابغى هالقسم عشان الفيزياء و عشان الرسم أتوقع كل البنات الي داخلينه عندهم موهبة رسم وأنا أبد ما الي علاقة فيه
والقسم الي ابغاه يا ادارة أعمال يا علوم طبية والله يعين
بس أنت متأكدة مو لازم أعرف أرسم ؟؟

النـوـن 2011- 8- 17 05:54 PM
رد: اي استفسار عن كليه التصاميم - طالبه سنه ثانيه
 
حبيبتي م لازم تعرفين ترسمين لانه ع سنه ثانيه بتاخذين كورس رسم
بس اذا انتي م حابه القسم لا تدخلينه احسن لك
وترا انا م دخلت م كنت اعرف ترسم اول مرا اخذت 2 من 10 وشريت كتب وقعدت ارسم واوريهم كل يوم
طبعا الدرجات م ثابته ابدا الى ف النهايه اخذت 9.9 ف الرسم
اهم شئ الفكر البداعي والخيال اهم من الرسم استخيري وشوفي
حبيبتي الى متى اخذي راحتك الموضوع للكل

الى متى ؟ 2011- 8- 17 08:06 PM
رد: اي استفسار عن كليه التصاميم - طالبه سنه ثانيه
 
يسلمؤؤ خيتي النون

نظراة أمل .. بالنسبة للعلوم الطبيه احمدي ربك الف مره انك ما دخلتيه لان هل مجالات راح يكون فيهم اكتفااء
وخصوصاً العلوم الطبيه المستشفيات تبي من هل مجال عدد محدود جداً
وفي ناس نعرفهم متخرجين من علوم طبية مو ملاقين شغل !!

اما بالنسبة لـ إدارة الاعمال ما دخلتيه بسبب ترتيبك للرغبات كان غلط اكيد حطيتي التصاميم اول وبعدين ادارة الاعمال
لان إدارة الاعمال نسبته انزل من التصاميم بنسبتين تقريباً

والحين بما انك في كلية التصاميم حاولي تقرين عنها اكثر واكثر صدقيني بتحبين المجال
مجال ابداعي مو بس حفظ حفظ وثانياً مجال مو متوفر في أي جامعه
يعني إن شاء الله مستقبلياً الفرص الوظيفيه راح تكثر وخصوصاً اذا كنت متفوقه وحبيتي المجال راح تبدعي فيه
على عكس المجالات الي موجوده في كل الجامعات وفي كل المعاهد وكثير متخرجين منها حالياً كيف بعد 5 سنوات بكون عدد هائل متخرج

نصيحتي لش لا تحطمين نفسك وتحطي في بالك انك ما تعرفي الرسم وما الى ذلك من الكلام
احنا دخلنا نبي نتعلم ومع الوقت راح تتطور مهاراتنا ما احد طلع من بطن امه عالم
صحيح ممكن في البدايه راح نواجهـ صعوبه لكن بعد العسر يسر بإذن الله
واي مجال لازم يبي له جد واجتهاد ومثابره وبالعزيمه والاراده كل شي يصير
حاولي انش تقري عن المجال واذا مره حسيتي نفسش ما بتقدري تمشي فيه توكلي على الله وحولي على المجال الي تبيه
وبالتوفيق

نظراة أمل 2011- 8- 17 10:38 PM
رد: اي استفسار عن كليه التصاميم - طالبه سنه ثانيه
 
لو سمحتي متى امتحان الانجليزي أو متى يحددوه ؟
هل هو أول أسبوع في الدراسة ؟
هل أقدر أختار اليوم ؟
مشكووورة جدا

النـوـن 2011- 8- 18 12:04 AM
رد: اي استفسار عن كليه التصاميم - طالبه سنه ثانيه
 
الاختبار قبل الدوام الاصلي
هم يحددون يوم كل البنات يجون يختبرون
واللي م تختبر يختبرونها ع بدايه الدوام اول الايام

إحسآس 2011- 8- 18 04:07 AM
رد: اي استفسار عن كليه التصاميم - طالبه سنه ثانيه
 
يعطيك العافيه أختي :love080:

انا رجعت وعندي سؤال ثاني :tongue:

الحين هل تختلف ساعات دراسه الانجليزي من مستوى لمستوى ؟؟ ولا كلنا ندرس نفس الساعات ؟؟

وكم ساعه في الأسبوع راح تكون ؟؟

النـوـن 2011- 8- 18 03:00 PM
رد: اي استفسار عن كليه التصاميم - طالبه سنه ثانيه
 
العفو حبيبتي

كل المستويات نفس الساعات بالملي
وعددهم عليك الحسبه اهو كل يوم. 4 ساعات

coca cola 2011- 8- 19 01:30 AM
رد: اي استفسار عن كليه التصاميم - طالبه سنه ثانيه
 
يـــــــــآآآآآآآآآآآآآآآي ووووونـآآآآآآسه والله ..

اخيرآآآآآآآآآآآآ صج صج اخيرآآآآآآآآآآ

انـآآ طاايره من الفرررررررررررح لآن فيه احد عبرنـآآآ ,,,


<<<<<<<< ادري استخفيت بس ووش اسووي .. من زمان وانا ادور على احد ..

... طي باوول شي ابشكرررررررررررررركـ كثيييير .. على المعـآآونه ..

وووبعد ترآآك خووفتيني على ساالفه اختبـآآر تحديد المستوى هذآآ جـآني تووتر ..

يعني انا موو مره ووحده باالنجليزي ولآآ اني عاالي مره عـآديه ..

بس مدري هالاشيااا تخووووفني ...

ووبعد ابي اقوولكـ .. انتي بالدمـآم ولآآ .. المهم السؤاال ,,يعني . وين سـآكنه ..؟؟؟؟

وووشكرآآآآآآآآآآآآآ مره ثـآآنيه ...

<<<<<< ادري الكلآآآم ملفق بقووووه :mh318:

النـوـن 2011- 8- 19 02:26 AM
رد: اي استفسار عن كليه التصاميم - طالبه سنه ثانيه
 
هههههههههههههههه عادي عادي بسوي نفسي م قريت :biggrin:

بعدين شحقه توترتي ترا الاختبار سهل وسواء حلتي والا م حليتي بتاخذين الانجليزي
وكل المستويات نفس الشئ يعني م اللي ف المستوى الاول ياخذون اكثر من الثاني نفس الايام ونفس الساعات

ايه انا ساكنه بالدمام تحديدا بترومين اكثر دقه قدام الجامعه :biggrin:

coca cola 2011- 8- 19 04:01 AM
رد: اي استفسار عن كليه التصاميم - طالبه سنه ثانيه
 
مشكـــــــــــــــووووره كثيــر .,,,

زين اررتحت .. شووي ,, :(269):

امم كووويس ... لآآن السكن مسبب لي مشكله ...,,

ووبعد ,,, اذاا ذكرت شي بسـآآل ...

النـوـن 2011- 8- 19 03:54 PM
رد: اي استفسار عن كليه التصاميم - طالبه سنه ثانيه
 
العفو :106:

م اعرف شئ عن السكن ابدا والا ودي اساعدك :icon9:

نظراة أمل 2011- 8- 19 03:59 PM
رد: اي استفسار عن كليه التصاميم - طالبه سنه ثانيه
 
كيف الحال اختي ادري مكثرة أسئلتي بس سؤال
أول أسبوع لازم نحضره كله ولا عادي لو بس حضرنا يوم واحد

النـوـن 2011- 8- 19 04:42 PM
رد: اي استفسار عن كليه التصاميم - طالبه سنه ثانيه
 


هلا فيك

ابد اخذي راحتك انا م فتحت الموضوع الا عشانكم

اول اسبوع دوام لازم تحضرين بيعطونك مقدمه عن الكورسات

يعني م بتقعدين ل 5 لا تخافين

و الانجليزي حرام ترروح عليك ايام غياب

بتحتاجينها بعدين




coca cola 2011- 8- 19 08:16 PM
رد: اي استفسار عن كليه التصاميم - طالبه سنه ثانيه
 

مشكـووره .. الله يعطيك الف عـآآفيه والله ,,,

نفعتينـآآ كثيــر ,,,

الله يووفقكـ ان شالله ..

coca cola 2011- 8- 19 08:27 PM
رد: اي استفسار عن كليه التصاميم - طالبه سنه ثانيه
 
2 مرفق
اي صح شووفي ,., اهم كـآتبين ان دوـآمنـآآ يووم .. 12

يعني كم السـآآعه نرووح .؟؟ ... اذا تذكرين انتي متى رحتي يعني ..

ووبعد ,, انتي قلتي ان اذآ رحنا اهم بيرشدونـآ صح ..

ووو الملآآبس .,, قالو لي نص كم .. يعني والله مو عـآرفه كيف اشررح بس ..

بحط صوور وانتي قولي لي اي وحده تصلح ؟<<<< يـآربي دلآخه هه’


ووبس .. ثينكيووو ...

النـوـن 2011- 8- 20 03:16 PM
رد: اي استفسار عن كليه التصاميم - طالبه سنه ثانيه
 
يوم 12 بيكون استقبال ف قاعه العثمان من 8

الاختبار ويوم التعريف قبل يوم 12 وبرضو من 8

الملابس الصورتين تنفع بدون م تروحين المجتمع لان م بيدخلونك كذا يعي بس ف كليتنا والطب

coca cola 2011- 8- 20 04:30 PM
رد: اي استفسار عن كليه التصاميم - طالبه سنه ثانيه
 
الله يعطيكـ العـآآفيه ..

جزآآآك الله خيــر ,,,

إحسآس 2011- 8- 20 08:54 PM
رد: اي استفسار عن كليه التصاميم - طالبه سنه ثانيه
 
اختي يعني اختبار تحديد المستوى رايح يكون قبل 12 شوال ؟؟

إحسآس 2011- 8- 20 09:09 PM
رد: اي استفسار عن كليه التصاميم - طالبه سنه ثانيه
 
وهل بيعلنوا في موقع الجامعة متى راح يكووون ؟؟؟:bawling: لان انا باسافر في العييد وابي اعرف هل اجي بدري عن الوقت اللي مفروض ارجع فيه عشان الاختبار

النـوـن 2011- 8- 20 09:25 PM
رد: اي استفسار عن كليه التصاميم - طالبه سنه ثانيه
 
الاختبار الاسبوع اللي قبل الدوام احنا كان اثنين

والاعلان كان بالفيس بوك م ادري عن الموقع والله

إحسآس 2011- 8- 20 09:43 PM
رد: اي استفسار عن كليه التصاميم - طالبه سنه ثانيه
 
اهااا تسلمي خيتو ،،يعني لازم نتابع صفحتهم ع الفييس بوك :) ،،،يااارب يكون مثلكم ،،،والدراسه راح تبدا ع طول من اول اسبوع ؟

النـوـن 2011- 8- 21 03:35 AM
رد: اي استفسار عن كليه التصاميم - طالبه سنه ثانيه
 
اي من اول اسبوع الانجليزي بس الكورسات الثانيه مجرد مقدمه

إحسآس 2011- 8- 21 10:49 AM
رد: اي استفسار عن كليه التصاميم - طالبه سنه ثانيه
 
امممممم يعني الاختبار قبل الدوام
ولما نداوم دراسه انجلش ع طوول ,,,

طيب هل فيه فرصه لأعادة الاختبار ؟؟ لو الوحده ماقدرت تكون متواجده وقت الاختبار

ولا ع طول مستوى اول ؟؟

إحسآس 2011- 8- 21 10:51 AM
رد: اي استفسار عن كليه التصاميم - طالبه سنه ثانيه
 
وكم المده اللي بين الاختبار والاعلاان عنه كانت ؟؟؟

النـوـن 2011- 8- 21 03:16 PM
رد: اي استفسار عن كليه التصاميم - طالبه سنه ثانيه
 
اي فيه اعاده

والله م ادري لان انا م كنت اعرف واختبرت ف الاعاده

أهازيج 2011- 8- 22 03:44 PM
رد: اي استفسار عن كليه التصاميم - طالبه سنه ثانيه
 
و أخيراً لقيت وحدهـ أسألها و تعطينا وجهـ :71:مشكور أخت النون والله يوفقك و يجزاك خير
حبيت أسال ويش التخصصات اللي تندرج تحت مسمى التصاميم :(107):
و إذا مافي لقافة يعني :biggrin: إيش تخصصتي و ياريت تكلمينا عنه اكثر ؟؟؟

عنوان التفاؤل 2011- 8- 22 04:43 PM
رد: اي استفسار عن كليه التصاميم - طالبه سنه ثانيه
 
السلام عليكم .... انا الحمدلله انقبلت في التصاميم بس متى اقدر اتخصص و هل اقدر اني اختار انا التخصص ولا على حسب الدرجات لاني ودي ادرس تصميم داخلي ... وهل لازم اكون رسامة لاني مو مرة شاطرة بالرسم ....... و هل في يوم تعريفي ؟؟؟ معليش طولت عليك الاسئلة ... جزاك الله خير

النـوـن 2011- 8- 22 05:38 PM
رد: اي استفسار عن كليه التصاميم - طالبه سنه ثانيه
 
فيه تخصصين في الكليه

التصميم الداخلي والجرافيك

انا تخصصت جرافيك يندرج تحته تصميم المطبوعات الاعلانات المواقع الميديا وغيره

اختي عنوان التفاؤل اسالتك جاوبت عليها قبل ياليت تقرين الردود السابقه
والتخصص م عالدرجات انتي تختارين

الى متى ؟ 2011- 8- 22 05:54 PM
رد: اي استفسار عن كليه التصاميم - طالبه سنه ثانيه
 
وشو هي الميديا ؟

النـوـن 2011- 8- 22 06:03 PM
رد: اي استفسار عن كليه التصاميم - طالبه سنه ثانيه
 
يعني فيديو وصوت وصوره

يعني مثلا تصميم الدعايات اللي ف التلفزيون او تصميم مقدمات البرامج

هــ د ـى 2011- 8- 23 03:39 AM
رد: اي استفسار عن كليه التصاميم - طالبه سنه ثانيه
 
هلا اختِي ’’ حبيت أسألِك .. الحين التنانير اللي نلبسسها سودا ولا جينز ازرق ولا عادي ولا ايش بالضبط ؟ < $;

temoo25 2011- 8- 23 03:47 AM
رد: اي استفسار عن كليه التصاميم - طالبه سنه ثانيه
 
يعطيك العافية خيتي النون ,,مرة أستفدت من الموضوع :d5:

وإذا جا في بالي أي سؤال بجي هون أكيييد :mh318:

النـوـن 2011- 8- 23 01:10 PM
رد: اي استفسار عن كليه التصاميم - طالبه سنه ثانيه
 
التنانير اكثر شئ شائع الاسود والجنز والرمادي

العفو حبايبي

عنوان التفاؤل 2011- 8- 23 05:15 PM
رد: اي استفسار عن كليه التصاميم - طالبه سنه ثانيه
 
جزاك الله الف خير يا النون :)

أهازيج 2011- 8- 23 05:33 PM
رد: اي استفسار عن كليه التصاميم - طالبه سنه ثانيه
 
مشكورة أخت النون :119:

النـوـن 2011- 8- 23 05:38 PM
رد: اي استفسار عن كليه التصاميم - طالبه سنه ثانيه
 
العفو حبايبي :mh318:

عنوان التفاؤل 2011- 8- 23 09:22 PM
رد: اي استفسار عن كليه التصاميم - طالبه سنه ثانيه
 
بس سؤال هل في بطاقة جامعية .... و هل في رقم جامعي للطالبة لاني ما عندي شي ؟؟

النـوـن 2011- 8- 23 11:03 PM
رد: اي استفسار عن كليه التصاميم - طالبه سنه ثانيه
 
اي في بيعطونكم بعدين
يعني م الحين لسى
احنا بطاقاتنا عطونا نهايه الترم الاول

عنوان التفاؤل 2011- 8- 23 11:10 PM
رد: اي استفسار عن كليه التصاميم - طالبه سنه ثانيه
 
اها ... الله يعطيك العافية ... تعبتك اسفة

إحسآس 2011- 8- 24 12:00 AM
رد: اي استفسار عن كليه التصاميم - طالبه سنه ثانيه
 
نزل برنامج ايام التهيئه وموعد اختبار تحديد المستوى:53:http://www.ud.edu.sa/web/content/برنامج-أيام-التهيئة-0

الى متى ؟ 2011- 8- 24 12:27 AM
رد: اي استفسار عن كليه التصاميم - طالبه سنه ثانيه
 
يعني بداية الشهور ما تستلمؤ مكافأه ؟؟

هــ د ـى 2011- 8- 24 01:13 AM
رد: اي استفسار عن كليه التصاميم - طالبه سنه ثانيه
 
سؤال ... لازم أحظر برنامج التهيئه ؟
*طبعاً سؤالي ما يضمن اختبار تحديد مستوى اللغة الانجليزية

النـوـن 2011- 8- 24 01:33 AM
رد: اي استفسار عن كليه التصاميم - طالبه سنه ثانيه
 
مشكوره حبيبتي احساس بعطيك العافيه

الى متى الا بيعطونك المكافئه بشيكات كل شهر الى ان تطلع البطاقه

اختي هدى اهو م لازم بس انا افضل لانها ايام مهمه انا م حظرت لاني م كنت اعرف

شوفي اش صار لي بعدين قعدت احوس من مبنى لمبنى عشان اخذ جدولي واعرف كلاساتي

يعني احسن لك احظري اذا م كان عندك ظروف طبعا

فيروزية الحلم 2011- 8- 24 05:48 AM
رد: اي استفسار عن كليه التصاميم - طالبه سنه ثانيه
 
مشكوررة اختي وما تقصرين والله
تعبناكِ بالأسئلة

بسألك المكافأه عطوكم اياها من أول شهر والله استنيتو شهر شهرين
لأنه قالو لي انه المكافأه ما تنزل من أول شهر عشان الحوسة والحسابات وكذا !

ثاني شي عادي اذا نلبس تنورة قصيرة :p يعني اقصى حد لوين ممكن ؟

بعدين ، ما تدرسون اسلامك ؟

ثالث شي ، تشوفون الطالبات الى في الأقسام الثانية -طب حاسب وغيره - ؟ وفي مواد مشتركة ؟ يعني زي الانجلش مثلًا ؟

وو كيف على العباية عادي كتف وكشف الوجه والله لأ ؟ < ما انعطى وجه

كم مدة البريكات ؟ وعندكم مكتبة ؟


ان شاء الله ما ثقلت :p
ومشكورة حبيتي مقدمًا

إحسآس 2011- 8- 24 01:29 PM
رد: اي استفسار عن كليه التصاميم - طالبه سنه ثانيه
 
العفو يالغلاا .. :love080:

عندي سؤال ,, الحين وش هي المواد اللي ندرسها بالانجلش في السنه التحضيريه ؟؟
كلها بتكون انجلش ولا فيه مواد بتكون عربي ؟

النـوـن 2011- 8- 24 01:42 PM
رد: اي استفسار عن كليه التصاميم - طالبه سنه ثانيه
 
هلا فيك العفو م تعبتوني ولا شئ

المكافئه عطونا بعد شهرين بشيك بس مكافئه شهرين يعني 1980

اي عادي ميدي بس م مرا قصير شلون اشرح لك يعني فوق الكعب بشبر هههههههههههه عرفتي

اي نشوفهم الحاسب بنفس المبنى ونفس كلاسات الانجلش الترم الاول وباقي الاقسام مباني ثانيه بس عادي تروحيين لهم او يجونك
المجتمع بعيده يمكن ربع ساعه مشي والنظام هناك غير بالنسبه للبس

اي عادي كتف وعادي كشف

البريك الاساسي كل الجامعه من 1-12
وفيه بين كلاسين الانجليزي ربع ساعه بريك
وصلاه العصر ربع ساعه

فيه مكتبه اكيد و فيه قرطاسيه
المكتبه ف مبنى 65

النـوـن 2011- 8- 24 01:51 PM
رد: اي استفسار عن كليه التصاميم - طالبه سنه ثانيه
 
فيروزيه الاسلاميك ناخذه سنه ثانيه

احساس جاوبت السؤال من قبل
كل المواد دراستها والاسئله ف الاختبارات بالانجليزي بس الدراسه تعتمد ع الدكتوره ممكن تقولون لها تخلط لكم بين العربي والانجليزي
يستثنى من ذلك ماده البحث والاتصال الترم الاول بالعربي و مادتي التربيه الصحيه والبدنيه و مهارات الاتصال بالترم الثاني ايضا بالعربي الاسئله والدراسه

هــ د ـى 2011- 8- 26 02:26 AM
رد: اي استفسار عن كليه التصاميم - طالبه سنه ثانيه
 
- أنا من الحين ناوية أجيب الاغراض اللي ممكن احتاجها للسنه التحظيرية ... ايش تنصحيني أجيب؟

النـوـن 2011- 8- 26 04:43 AM
رد: اي استفسار عن كليه التصاميم - طالبه سنه ثانيه
 
حماااااااااس جيبي لك طاوله بس

باقي الاشياء هم بيعطونك

هــ د ـى 2011- 8- 26 04:58 AM
رد: اي استفسار عن كليه التصاميم - طالبه سنه ثانيه
 
جد جد !! كل كل ابو الاششياءات يجيبونها بالـ 450 اللي يطلبونها " ؟ ششيء جمييل
وشسسمه وخخري ’’ بس لأنه اخوي مخرعني يقول لي لازم من الحين تجيبين الأشياءات
ولا تطسس عليتس بأول اسبوع دراسسه ’’ عاد انّي خففت وذآ ... ذآ إند :biggrin:

النـوـن 2011- 8- 26 06:01 AM
رد: اي استفسار عن كليه التصاميم - طالبه سنه ثانيه
 
هههههههههه لا تخافين كل شئ بالشنطه

بس اذا انتي م مره بالرسم اشتري لك كتب تعليم رسم و دائره الالوان هذي الاشياء الي شريناها
وباقي الاشياء باوقات متفرقه حسب حاجتك لها

فيروزية الحلم 2011- 8- 26 06:28 AM
رد: اي استفسار عن كليه التصاميم - طالبه سنه ثانيه
 
اووكي ، عجبني الموضوع
والله كشخة الجامعة :p

طيب سؤال أخير ، وشي ذي التربية البدنية ؟ رياضة يعني ؟!


وتسلمين يالغلا

النـوـن 2011- 8- 26 02:22 PM
رد: اي استفسار عن كليه التصاميم - طالبه سنه ثانيه
 
فيه جزئيه نظري وفيه عملي
العملي لمفروض انها رياضه اخذنا كلاس بالجيم بعدين وقفت لان مكانه بعيد ف مبنى ثاني وم مجهز عدل
ف صار كله نظري
العفو

كمبيو نت 2011- 8- 28 05:18 AM
رد: اي استفسار عن كليه التصاميم - طالبه سنه ثانيه
 
السسلآإم عليكم وَ رحمة الله ..


بوركتِ أُخيَّة ، يـآإ رب بلِغ "النــون" أمـإآنيهـآإ وَ حقِّق مُبتغآإهـآإ وَ ارزقهـآإ وَ اغفر لهـآإ وَ اجزيهـآإ خيراً .. بِـ حقِّ محمد وَ آل محمد الطيبين الطآإهرين .. :119:

فقط اسستفسـآإرـآت جَت على ـآ بـآلي ..

انـآإ أششوف الأسسبوع الأول في برنآإمج التهيئة معظمهـ في (قآإعـة العثمـآإن) هدـآإ إدـآإ مو كلهـ ... :(107):
وين تصصير هدي . وَ وشو يقصصصدوا فيهـآإ . .؟ :(269):

وَ على ـآ ششسمهـ ، مِن إجـآإبـآإتك اللي قبل ذكرتِ إن الامتحآإن تبع تحديد المسستوى ـآ قبل الدرـآإسسة .. فـ هدـآإ أسسبوع التهيئة "هو اللي تقصديهـ قبل الدرـآإسسة" .. ؟ يعني حتى ـآ هم محددين يوم الاثنين بعد زي دفعتكم .. :biggrin:


وَ تسسلمي خيَّة .. ربي يوفقكِ وَ إيـآإنـآإ أجمعين .. :love080:

E M A N 2011- 8- 28 02:36 PM
رد: اي استفسار عن كليه التصاميم - طالبه سنه ثانيه
 
اقتباس:
المشاركة الأصلية كتبت بواسطة Wite Bunny (المشاركة 4110522)
كلية الحاسب و تقنية المعلومات مالها بوابه على الشارع

هي داخل الجامعة , لازم تمشين لها على رجولك

إدخلى من مدخل كلية الطب و إسألي أي أحد يدلك

هذي خريطه إن شاء الله تساعدك



http://hostinga.imagecross.com/image...1575-1606-.png


http://hostinga.imagecross.com/image...1575-1606-.jpg

[BIMG]http://hostinga.imagecross.com/image-hosting-05/952-1576-1583-1608-1606---1593-1606-1608-1575-1606-.jpg[/BIMG]


هذي إجتهاد شخصي

الصوره جايبتها من Google Earth

حطيت لك الكافيترياتات باللون الأزرق

و الطريق للكلية بالوردي

اللون الأبيض هذي حدود الجامعة

الشوارع إلي داخل للمشي مافيها سيارات .... هههههههههـ


--------------------------------------------------
أنا درست السنة التحضيرية العام الماضي

و عرفنا قروباتنا بأول يوم

يعلقون الأسامي و القروبات

---------------------------------------------------
الجداول الدراسية حسب القروبات

كل قروب له جدول

نفس المواد بس بأيام مختلفه

يعلق بالكلية

---------------------------------
ساعات الدوام

كل يوم من 8 إلى 11:55 إنجليزي

و بعده ماده من الساعه 1 ظهراً

تختلف مدة هذه المحاضره حسب المادة

كل يوم مادة غير

(مثلاً: كل سبت رياضيات بعد الإنجليزي

كل أحد مادة مهارات الاتصال بعد الإنجليزي

وهكذا )
تصاميم سنة تحضيري نفس مبنى بنات الحاسب تحضيري وهو مبنى المهيدب / :biggrin:

الصورة من الاخت ارنوبة وبس :biggrin:

coca cola 2011- 8- 28 07:22 PM
رد: اي استفسار عن كليه التصاميم - طالبه سنه ثانيه
 
السلأآآم ..

بغيت اسـآلك .. امم ووش نحتـآآج .. كرآسـآت مثلأآآ (( دفـآتر .. ))

اوو نووعيـآت اقلأآآم اوو شنوووو ؟؟؟

يعني بالمعنى اوول يووم نرووح وش نحط بالشنطه ؟؟...

ووشكرآآآ

النـوـن 2011- 8- 29 12:46 AM
رد: اي استفسار عن كليه التصاميم - طالبه سنه ثانيه
 
حبيبتي كمبيوتر نت يعطيج العافيه ع الدعاء الجميل :$
بالضبط اهو اللي اقصده

وايمان ايضا مشكوره هذا اهو مبنى المهيدب اللي تدرسون فيه
وبرضو قاعه العثمان موجوده ف الخريطه هي زي المسرح للي سالت
كوكاكولا اول يوم م تجيبين شئ جيبي شنطتك. وفلوسك وجوالك اذا تحبين جيبي دفتر ملاحظات
يوم الاختبار جيبي معك اقلام :d

نظراة أمل 2011- 8- 29 03:49 AM
رد: اي استفسار عن كليه التصاميم - طالبه سنه ثانيه
 
السلام عليكم أختي
رجعت وعندي سؤالين
هل فيه أخبار لقدرات الرسم السنة التحضيرية ؟ >>> يا خوفي من هالرسم
ايش بالضبط مبادئ الصميم يعني عن شنو تتكلم ؟
والله يحرم يدش على نار

coca cola 2011- 8- 29 05:50 AM
رد: اي استفسار عن كليه التصاميم - طالبه سنه ثانيه
 
مشكـووره ,,,

... بالتــووفيق ..


طيب ,, انتي ليه اخترتي .. جرافيك ديزآين .؟؟

ووهل على كيفنـآ نختـآآر او الدرجه تحدد ؟؟ ..

النـوـن 2011- 8- 29 05:55 PM
رد: اي استفسار عن كليه التصاميم - طالبه سنه ثانيه
 
نظره امل حياك الله
الرسم م فيه اختبار بس يشوفون قدراتكم بالرسم وم بيعدي الترم الاول الا تعرفين ترسمين غصب
مبادئ التصميم بيكون بالتدريج شلون ترسمين بعدين شلون تتعاملون مع الادوات بعدين تدريبات بسيطه عن نفس الموضوع بعدها يجي الضوء والضل الاشكال ثنائيه الابعاد وثلاثيه الابعاد

كوكاكولا التخصص ع كيفك تختارينه م على الدرجات
وانا اخترت جرافيك لاني احب الفوتوتوشوب و الشغل ع البرامج و ابدع اكثر ف الجرافيك

وبالتوفيق للجميع

coca cola 2011- 8- 30 04:59 AM
رد: اي استفسار عن كليه التصاميم - طالبه سنه ثانيه
 
امم .. يعني اللي مـآله في الفووتيشووب .. مـآيدخل .. جرآفيك ديزآين ..

اوووووكـ .. ثينكيو,,,

جزآآكـ الله الف خيـر ..

عنوان التفاؤل 2011- 8- 30 11:15 AM
رد: اي استفسار عن كليه التصاميم - طالبه سنه ثانيه
 
كل عام و انتو بخير :)

النـوـن 2011- 8- 30 11:34 PM
رد: اي استفسار عن كليه التصاميم - طالبه سنه ثانيه
 
عيدكم مبارك حبايبي

كوكاكولا فيه كورس فوتوشوب بالترم الاول :biggrin:

هــ د ـى 2011- 8- 31 09:24 AM
رد: اي استفسار عن كليه التصاميم - طالبه سنه ثانيه
 
الله! عشششقِي وادماني الفوتوششوب :71:
يارب يدخخلون مقررات تتعلق بالفوتوشوب وتصير كل أبو الجامعه عباره عن فوتوشوب < يارب رحمِتك :icon9:

coca cola 2011- 8- 31 11:28 PM
رد: اي استفسار عن كليه التصاميم - طالبه سنه ثانيه
 
لآآ لآآآ ...

امــآآ انـآآ مـآآدري ليش مـآآحبه .. احسه معقد >< :017:

بس مـآآيندرى يمكن بعدين يدخل في المـزآآج ..

طيب النـوون ..:biggrin:

بقولكـ.. يعني تحسين لمن خلصتي السنه التحضيريه .. قدرتي تعرفين شنو تبين ..؟

اقصد اي تخصص يعني ..

ووكل عـآم ووانتو بخير ... ووعسـآآآكم من عووآده ..

النـوـن 2011- 9- 1 01:36 AM
رد: اي استفسار عن كليه التصاميم - طالبه سنه ثانيه
 
ايه الحمد لله واصلا بنهايه السنه جاوا دكاتره سنه ثانيه وكلمونا عن التخصصات وبرضو دكتورتنا ساعدتنا كانوا البنات يسالونها اذا يناسبهم جرافيك والا انتيرير

coca cola 2011- 9- 2 01:37 AM
رد: اي استفسار عن كليه التصاميم - طالبه سنه ثانيه
 
اهـآآ كوووويس ..
:119:

كمبيو نت 2011- 9- 5 11:31 AM
رد: اي استفسار عن كليه التصاميم - طالبه سنه ثانيه
 
السسلآإم عليكم وَ رحمة الله ..
= )
كيف الحـآإل نـوٍـن .. ؟ إن ششآ ء الله تكوني في تمـآإم الصحة وَ العآإفية ..

حبِّيت اسستفسسر عن كتب السسنة التحضيرية "إدـآإ فيهـ كتب" .. خصوصاً الترم الأول فقط ... :(269):

وَ بِمـآإ إنك درسستيهـآإ ، إدـآإ في الإمكـآإن آخِد الكتب أو أسستأجرهـإآ منك .. "^^

أو إدـآإ ماتقدري ، إدـآإ تعرفي أحد مو مسستفيد منهم وَ يبى ـآ نوعاً مـآإ يتخلَّص منهم ....
عطيني خَــبر ..

حـآإوَلت أرسسل بِـ الخـآإص أو رسسآإلة زـآإئِر ، الفـآإلِح هدـآإ مو رـآضي <~ يمكن لأن ما عندي مششـآإركـآإت :hhheeeart4:


في الإنتظـآإر .. ^_^

:106:

النـوـن 2011- 9- 6 05:13 AM
رد: اي استفسار عن كليه التصاميم - طالبه سنه ثانيه
 
هلا فيك حبيبتي

انا بخير يسلمك ربي

كتبي كلها رميتها من اول الاجازه :biggrin:

بس بشوف لك البنات اللي وياي وترا كلها كتاب واحد بالترم الاول حق الرياضيات :biggrin:

كمبيو نت 2011- 9- 6 08:57 PM
رد: اي استفسار عن كليه التصاميم - طالبه سنه ثانيه
 
مآإششآإء الله كويس جداً ...
وشكراً مقدماً ... ^_^

يعني عبآإرة نحتآإج دفتر كبير نلخِّص ،
ولآ ما في دفـآإتر <~ فكَّهـ .. !



coca cola 2011- 9- 7 05:42 AM
رد: اي استفسار عن كليه التصاميم - طالبه سنه ثانيه
 
اهلـين ,, كيف الاحــووآآل .,

انـآآ سمعت عن هذآآ نظـآآم البـآنر .. الي خبري غيروو اسمه المهم ..:hhheeeart4:

ابي اعررف كيف ادخل عليه ..؟؟ ووش السـآآلفه ..؟؟ :(107):

<< في نـآس شرحوو لي بس صرآحه نسيت ><" :mh318:

ممكن تعلميني ..؟؟؟ :biggrin:<< طيبه ينقـآل لي هع

كمبيو نت 2011- 9- 7 11:03 AM
رد: اي استفسار عن كليه التصاميم - طالبه سنه ثانيه
 
أهلاً كوكـآإ كولآإ ..
بعد إذن النوـن .. بششرح لك كيفهـ .. "^^


لآإزم يصير عندك رققم جآإمعي .. وَ لمـآإ يعطوكِـ إيـآإهـ بتقدري تدخليهـ مِن هنـآإ ..
http://sis.ud.edu.sa:8000/psp/hcs9prd/EMPLOYEE/HRMS/?cmd=logout
البـآإسسوورد يخلوهـ سسجلِّك المدني .. وَ تقدري تغيريهـ بعد ..
بيطلع لك حآإجـآإت فيهـ القـآئمة وَ الجدول وَ مدري ويهـ .. هدـآإ صوَّرتهـ من حسسآب خآلتي .. هـ ع
http://im10.gulfup.com/2011-09-07/1315382584321.jpg


الحين لمـآإ تفتحيهـ ما بتقدري تدخلي لـ أي ششي ، لأنو ما عندنـآإ أرقآإم جآإمعية .. "^^


إن ششـآإء الله أفَّدتك بـ ششي ..

coca cola 2011- 9- 7 08:31 PM
رد: اي استفسار عن كليه التصاميم - طالبه سنه ثانيه
 
اهـــآآ يعني بمـآآ ان الحين مـآآعندي .. مـآآقدر ادخل ..

اممممم مشكـووووووره .. هع

اجل ووش سـآآلفة هذآآك الررقم الي على ووورقه البريد الممتـآز ..

الي تقريبـآآ يتكوون من 8 ارقـآآم ..؟

انشـآآلله مـآآكثرت هذره عليك .. ووان طلعت كثرت .. سووي نفسكـ مـآآقريتي الي كتبت هع هههـ..

النـوـن 2011- 9- 7 11:30 PM
رد: اي استفسار عن كليه التصاميم - طالبه سنه ثانيه
 
كمبيوتر نت الا تحتاجين دفاتر م ف فكه الماث دفتر لحاله والانجليزي مع بعض ودفتر حق ملاحظات يعني م يطلع من الشنطه

ومشكوره ع شرحك

كوكاكولا م اعرف اي رقم اللي تقصدين يمكن رقم التسجيل او شئ :-\

coca cola 2011- 9- 7 11:46 PM
رد: اي استفسار عن كليه التصاميم - طالبه سنه ثانيه
 
هههـ ... خلأآآآص مشكووره والله تعبتكـ ...:mh318:

بس اهم شي الحين .. ان اهم يعطوونـآ كل شي لمن نروح صح ..

الى متى ؟ 2011- 9- 8 12:09 AM
رد: اي استفسار عن كليه التصاميم - طالبه سنه ثانيه
 
بنات التصاميم بداوموا السبت او الأحد ؟؟

coca cola 2011- 9- 8 12:28 AM
رد: اي استفسار عن كليه التصاميم - طالبه سنه ثانيه
 
ابســــــآآلك .. عن .. اختبـآر الانجليزي

كم مستووى اهوو .؟؟

وو الاسئله كم دررجتهـآ <<< اقصد سهل صعب ؟؟

وو انتي قلتي انه السـآآلفه فيهاآ writing تذكرين عن شنوو كـآن .؟؟

ادري والله ان اسـآلتي كثيره .. بس لآن مستـوآآي موو حيل يعني ..

فقلت لك من قبل اني متوتره :000::bawling:

coca cola 2011- 9- 8 12:29 AM
رد: اي استفسار عن كليه التصاميم - طالبه سنه ثانيه
 
اي ووو ... الى متى ..

بالنسبه لي احتمـآآل اروووووح يووم .. الاحد ..

لآآن يوم السبت للكليـآت الصحيه ..

النـوـن 2011- 9- 8 06:47 AM
رد: اي استفسار عن كليه التصاميم - طالبه سنه ثانيه
 
الدوام يبدا يوم السبت م ادري اذا صحيه والا لا يعني فرقت يوم بلا كسل

<< بتنطق

اختبار الرايتنق كان سؤالين تختارين واحد وتكتبين 12 سطر
الاول ايش احسن فلم شفتيه وليه
والثاني شخص تعتبرينه قدوه لك وليه

ابد م ف تعب ولا شئ خذي راحتك :mh318:


All times are GMT +3. الوقت الآن حسب توقيت السعودية: 03:05 AM.
صفحة 1 من 4 1 234
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه