ملتقى طلاب وطالبات جامعة الملك فيصل,جامعة الدمام - موضوع للاستفسآآر والنقآش : ) حول كلية الجبيل الجامعية

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- منتدى الكلية الجامعية بالجبيل (https://vb.ckfu.org/f85)

- - موضوع للاستفسآآر والنقآش : ) حول كلية الجبيل الجامعية (https://vb.ckfu.org/t207425.html)

وهّآج

2011- 8- 11 03:52 AM

موضوع للاستفسآآر والنقآش : ) حول كلية الجبيل الجامعية

السلآم عليكم ،،

طرحت هذآآ الموضوع ،، لأأجل الاستفآآدة من طلآب الكلية الحاليين ،، ومن مرت عليهم تجربة السنة التحضيرية في الكلية ،،

حبينآآآ أناا وأخواني الجدد ،، أن نستفسر عن عدة أشيآآء وسالخصها في عدة نقآط ،،

- كيف مر عليكم أول أسبوع في الكلية ؟

- كيف مرت عليكم الدروس الاولى من المناهج التعليميه ،، وهل كاانت هنالك صدمه ،، أم تقبلتواا الوضع بارتياحية ؟

- كيف الجو العام في الكلية ؟

- ما مدى تعاون الاساتذه معكم ؟

ما مدى تعاون ادارة الكلية معكم ؟

- ما مدى تعايشكم واندماجكم مع بعض كطلآب ؟

- الاختبارات ومامدى صعوبتهاا وكيف التعامل معهآآآ ؟

- ما مدى ارتياحكم للخطة التعليمية وطريقة سيرهآآ ؟

- كيف هو تطلعكم للمستقبل .. بعد الدراسة في الكلية ،، فهل أنتم موعودون بمستقبل مشرق ؟

هذاا اللي عندي .. وآعذروني لعدم الترتيب بالاولوية ،، لانهاا جت كذا : ) ..

واذا كآآن في أسئلة أضافية الرجااء من أخواني ،، أدراجهاا ،، لكي يفيد ويستفيد ونستفيد ،،

تحيآآآآتـــ]ــــي : )

وهّآج

2011- 8- 11 05:46 AM

رد: موضوع للاستفسآآر والنقآش : )

افيدوناااااا يا اخووااااااااااان ،،،:sdfgdsf:

al-8ymat

2011- 8- 11 06:35 AM

رد: موضوع للاستفسآآر والنقآش : )

اشكرك اخويُ عـ الموضوع ،. .

واتمنى مشاركه الطالبات ، . . لطرح الفاده لبنات السنه التحضيريه . .

Dr-Unique

2011- 8- 11 07:22 AM

رد: موضوع للاستفسآآر والنقآش : )

موضوع جدا رائع و مرجع مهم لهالدفعة و الدفعات الجاية بأذن الله
مع انو انا مقبولة في الدمام لكن اثناء فترة التسجيل في الجامعات
بحثت عن هالكلية كثييير في النت ما في اي معلومة لا عن مقررات
السنة التحضيرية و لا عن النظام و لا تجمع لطلابها حتى!! حتى منتداهم نايم و صفحتهم ع الفيس بوك هاادية !! وحتى ان لقيت كم معلومة،،
و انا استفدت صراحة من كم عضوة هنا من طلابتها و اشكرهم
بس ي ريت طلابها الباقين يفيدونكم عنها و يعطونكم معلومات موسعة
اتمنى خريجي الجامعية او طلابها يفيدون الدفعة الجديدة فيها
و بالتوفيق

Gentle

2011- 8- 11 07:31 AM

رد: موضوع للاستفسآآر والنقآش : )

وعليكم السلام

انا راح افيدكم بالي اقدر عليه .. لانه ما لي الا سنه في الكليه :119:

بالنسبه لاول اسبوع وبالتحديد اول يومين رااح يسون لكم محااضره حلوه وراح يعلومونكم عن الكليه وعن انظمتها وتخصصاتها وتطلعاتها ... الخ :biggrin:
وفي اختبار تحديد مستوى في الانجلش في اليوم الثاني ...
_____

اما الجو في الكليه بعد ما تتعود راح تحس انه حمااس وفله وكانك في بيتكم :smile: ... بغض النظر عن المبنى خخخ
_____

الدكاتره معظهم ممتازين في الشرح ويفلونهاا ساعات... بس وقت الجد جد :41jg:
____

بس تعااون الاداره يعني لك عليه :icon9: ... ( هذا وجهت نظري انا )
_____

المنااهج كلها عالمية وبالانجليزي وتحتاج جد واتجهاد
والاختبارات مو صعبه اذا تجتهد وتذاكر

تمنى اني افدتكم :)
وبالتوفيق

عبير السعادة

2011- 8- 11 11:00 PM

رد: موضوع للاستفسآآر والنقآش : ) حول كلية الجبيل الجامعية

اقتباس:

المشاركة الأصلية كتبت بواسطة وهّآج (المشاركة 4161313)

السلآم عليكم ،،

طرحت هذآآ الموضوع ،، لأأجل الاستفآآدة من طلآب الكلية الحاليين ،، ومن مرت عليهم تجربة السنة التحضيرية في الكلية ،،

أنا نفس أخ جنتل مالي الا سنة بالكلية
بس بخبركم بالأشياء اللي شفتها

حبينآآآ أناا وأخواني الجدد ،، أن نستفسر عن عدة أشيآآء وسالخصها في عدة نقآط ،،

- كيف مر عليكم أول أسبوع في الكلية ؟

أول يوم كان اختبار تحديد المستوى
ثاني يوم كانت محاضرة تحسس الواحد ان تراك مو داخل مكان مو سهل
وشرحوا طريقة النجاح والرسوب والمعدلات المطلوبة والأنظمة والى آخره

ثالث يوم ورابع يوم ولا شي بس اليوم الخامس وزعوا كتب الانجلش فقط ولنص البنات
والبقية كملوا وياهم بعد فترة أو السبت

من الأسبوع اللي بعده بدت الدراسة وما تحس نفسك الا بدت المحاضرات والاختبارات بعد ثالث أسبوع

- كيف مرت عليكم الدروس الاولى من المناهج التعليميه ،، وهل كاانت هنالك صدمه ،، أم تقبلتواا الوضع بارتياحية ؟

لا تقبلناها بأريحية وكانت ثلاث أرباعها من الثنوي
وأشياء مررة سهلة بس تبدا تصعب شوي شوي

- كيف الجو العام في الكلية ؟

أحيانا مع الزحمة الواحد يكره نفسه
بس تأقلمنا مع الوض شوي شوي

- ما مدى تعاون الاساتذه معكم ؟

مرررره متعاونين بس مش كلهم فيه النذلييييييين وفيه اللي يتساهلون
وبالنسبة لفرعنا نعاني من المسز السعوديات أكثر من الأجانب >> يالبى الأجانب

ما مدى تعاون ادارة الكلية معكم ؟

والله حنا تغيرت عندنا الادارة مرة و همم ايه هم شديدين مررره بسالفة الغياب بالامتحانات
يعني لو تجيب لهم من المستشفى يالله يالله يقبلون

- ما مدى تعايشكم واندماجكم مع بعض كطلآب ؟

حلو مو سيء لكن ثلاث أرباعهم نفسي نفسي
فالزمالة هي الحل الأفضل

- الاختبارات ومامدى صعوبتهاا وكيف التعامل معهآآآ ؟

بالنسبة للإنجلش كان دايم حلو والمسز قبل الاختبار بعضهم يعطون تلميحات
أما بقية المواد للأسف ندخل وحنا مو عارفين شالطبخة ونطلع ولا ندري شسوينا

- ما مدى ارتياحكم للخطة التعليمية وطريقة سيرهآآ ؟

الخطة التعليمية للسنة التحضيرية ما تختلف عن الثانوي إلا من بعض الرتوش
يعني يجمعون الشعبة ويحطونها بكلاس ونفس الكلاس ندرس فيه انجلش وماث وأحيانا
study skills وبقية المواد كلاسات ثانية بس نفس البنات نكون

- كيف هو تطلعكم للمستقبل .. بعد الدراسة في الكلية ،، فهل أنتم موعودون بمستقبل مشرق ؟
يعني لسه أول دفعة تخرجت السنة اللي فاتت .. أنا ما سمعت بوحدة اشتغلت لكن نشوف
على بداية السنة الجاية

هذاا اللي عندي .. وآعذروني لعدم الترتيب بالاولوية ،، لانهاا جت كذا : ) ..

لا عادي مرتبة هي أساسا

واذا كآآن في أسئلة أضافية الرجااء من أخواني ،، أدراجهاا ،، لكي يفيد ويستفيد ونستفيد ،،

تحيآآآآتـــ]ــــي : )

لا أبدا انت كفيت ووفيت .. وان شاء الله نكون أفدنا شباب وصبايا السنة التحضيرية
وأي استفسار أنا حاضرة

دعواتكم جميعا

ودي
عبير

علبة ألوان

2011- 8- 12 01:46 AM

رد: موضوع للاستفسآآر والنقآش : ) حول كلية الجبيل الجامعية

مشكور اخوي على طرحك للموضوع
الموضوع جميل وراح يفيد كل من الطلاب المستجدين للعام القادم
ورد اختي "عبير السعادة" وافي جداً صراحة
والله يوفقكم ان شاء الله
:d5:

ترف ~

2011- 8- 12 02:04 AM

رد: موضوع للاستفسآآر والنقآش : ) حول كلية الجبيل الجامعية

عليكم السلآم ورحمة الله وبركآته ~
أول شي مبرووووكـ لكل اللي انقبلوا ,

اقتباس:

- كيف مر عليكم أول أسبوع في الكلية ؟
أوّل أسبوع عآدي جدن , كان فيه يوم تعريفي بالأنظمه والقوانين وطريقة الدراسه .. وفيه يوم لتحديد المستوى الأسئله كانت عاديه والله يعني من دراستنا للأنجلش .. ولآ فيه محاضرات الا من ثاني أسبوع

- كيف مرت عليكم الدروس الاولى من المناهج التعليميه ،، وهل كاانت هنالك صدمه ،، أم تقبلتواا الوضع بارتياحية ؟
لآ لآ نهائي مافيه صدمات ولآشي , نفس دروسنا بالثانوي بس بتفررع أكثر ..

- كيف الجو العام في الكلية ؟
بالبدايه محد تأقلم ع الوضع يعني البنات - وأنا منهم - كنّا خايفين شوي وجاهلين بأغلب الأنظمه وكل شي جديد علينا , يعني كثير كانوا يقولون أنهم يرجعون البيت يصيحون :bawling: وكانوا المسات اللي يدرسونا دايم يحاولون يبسطون علينا كل شي ويهيؤنا للوضع صراحه ما أنسى معالمتهم الروعه الله يعطيهم العافيه :love080:

بس والله فتره بسيطه فقط وكل ما أتذكر هالشي أضحك على نفسي وعلى أشكال البنات :biggrin:

- ما مدى تعاون الاساتذه معكم ؟
المسات جدن جدن تعاملهم روعه ومتعاونين وياخذون ويعطون معكـ ويساعدووون خاصة الأجانب

ما مدى تعاون ادارة الكلية معكم ؟
امممم ماتعاملت معهم كثير لكن مرات يكلمونا من غير نفس :000: لذلكـ كنت أحاول قد ماقدر ما احتاج ارجع لهم في شي

- ما مدى تعايشكم واندماجكم مع بعض كطلآب ؟
على حسب إنت وكلآسكـ , أول سمستر البنات بكلآسي جدن جدن متعاونين ونساعد بعض وفلله خاصه مع الأجانب .. لكن الكلاس بالسمستر الثاني أعوذ بالله كلن همّه نفسه

- الاختبارات ومامدى صعوبتهاا وكيف التعامل معهآآآ ؟
المسأله بسيطه .. ذاكرت ؟ رح تشوف الأسئله سهله وتجيب مجموع .. ماذاكرت طبيعي بتكون صعبه , لأن والله بعض الطالبات تلقاها ماتذاكر الا قبل بيوم وتركز ع اشياء من راسها كذا وتطلع من الامتحان تقعد تسب وتحلف ان الأسئله صعبه !! وتطلع هي منها عاد !! لآتسمعون لأحد نهائيآ

والأسئله يجيبون اللي يتناسب مع كل المستويات شي سهل وشي متوسط وشي اللي مذاكر مارح يستصعبه

- ما مدى ارتياحكم للخطة التعليمية وطريقة سيرهآآ ؟
الخطه التعليميه من مصلحة الطالب .. يعني بإستمرار فيه كويزات وميد تيرم وميجر وبالنهايه الفاينل + الهومووركات ..

الهدف من هالشي ان الطالب والطالبه يكونون مداومين ع المذاكره وهالطريقه تريح كثير بالفاينل يجي وانت حافظ ثلاث أرباع المنهج

- كيف هو تطلعكم للمستقبل .. بعد الدراسة في الكلية ،، فهل أنتم موعودون بمستقبل مشرق ؟
متفائلين كثير ان شاء الله والتخصصات مطلوبه في سوق العمل

أهم شي لآتسمعون لأحد اللي يقول المناهج صعبه جدن واللي يقول كله انجليزي ..
ترى النجاح فيها مو معجزه ؟! وياما خوفونا منها والحمد لله قدرنا نعدّي فيها ~

وهّآج

2011- 8- 12 02:33 AM

رد: موضوع للاستفسآآر والنقآش : )

اشكرك اخويُ عـ الموضوع ،. .

واتمنى مشاركه الطالبات ، . . لطرح الفاده لبنات السنه التحضيريه . .

نعم طلآب وطالبات ،، ونتمنى الفائدة للجميع ،،

موفقه : )

وهّآج

2011- 8- 12 02:36 AM

رد: موضوع للاستفسآآر والنقآش : ) حول كلية الجبيل الجامعية

دكتوره يونيك ،،

نعم ،، المطلوب ،، ممن لهم خبرة في الجامعة ،،ومن اللي تخرجواا هالسنه ،، لاننا نبي ندخل عارفين وش قدامنا .. :)

منورة ~

وهّآج

2011- 8- 12 02:41 AM

رد: موضوع للاستفسآآر والنقآش : ) حول كلية الجبيل الجامعية

جنتل

الله يعطيك العافية ماقصرت ،، وننتظر المزيد ،، من البقية ،،

تحيآآآتي : )

وهّآج

2011- 8- 12 02:43 AM

رد: موضوع للاستفسآآر والنقآش : ) حول كلية الجبيل الجامعية

عبير السعادة

كفيتي وفيتي
،،،

ننتظر المزيد ،،

امتناني : )

وهّآج

2011- 8- 12 02:46 AM

رد: موضوع للاستفسآآر والنقآش : ) حول كلية الجبيل الجامعية

علبة ألوان

اتمنى تفيدينا ،، من تجربتك ،،

لاهنتي ع مرورك الطيب ،، :)

ودي

وهّآج

2011- 8- 12 02:48 AM

رد: موضوع للاستفسآآر والنقآش : ) حول كلية الجبيل الجامعية

كفيتي ووفيتي يا ترف ،،

اشكرك بحرآآره ،،واتمنى من البقية المزيد ،ـ، : )

تقديري : )

ماجستير رياضيات 321

2011- 8- 12 02:53 AM

رد: موضوع للاستفسآآر والنقآش : ) حول كلية الجبيل الجامعية

وعليكم السلام حبيبتي ..انا راح اتكلم لك عن بنت خالتي ،

- كيف مر عليكم أول أسبوع في الكلية ؟
حلوو وشين مع بعض حلو لان في شي تغير بحياتي وشين لان الدوام طويل وقرقرت المسات كثيره
- كيف مرت عليكم الدروس الاولى من المناهج التعليميه ،، وهل كاانت هنالك صدمه ،، أم تقبلتواا الوضع بارتياحية ؟
والله لا لان ما كان مستواي بالانجلش كويس وبعدها الحمدلله عرفت ومشيت لان كل شي انجلش
- كيف الجو العام في الكلية ؟
صدق زحمه وتحسين كانه حج والكافتريا اكلها الحمدلله على النعمه بس حلو
- ما مدى تعاون الاساتذه معكم ؟
بعضهم يساعدون وبعضهم لالا الدرجه ماتهون عليها
ما مدى تعاون ادارة الكلية معكم ؟
بنسبه لي الحمدلله الكل يعاملني كويس ومعامله حلوه ..
- ما مدى تعايشكم واندماجكم مع بعض كطلآب ؟
كويس بس كلن نفسي نفسي صدق يعطونك رقم مدرسات ويساعدونك ويشرحون لك بس اذا جاء وقت الاختار ماتشوفين احد وكلن يقول ماذاكرت يخافون من العين
- الاختبارات ومامدى صعوبتهاا وكيف التعامل معهآآآ ؟
اصعب شي الرياضيات لازم تذاكرين اول بأول واما الانجلش خذيلك دورات وكتب قرمر من جرير والانجلش حلوو صدقيني بعلمين لان كل الدروس من الحياه ..
- ما مدى ارتياحكم للخطة التعليمية وطريقة سيرهآآ ؟
الحمدلله
- كيف هو تطلعكم للمستقبل .. بعد الدراسة في الكلية ،، فهل أنتم موعودون بمستقبل مشرق ؟
ان شاء الله انا مستبشره خير لان الكليه صارت معتمده
هذاا اللي عندي .. وآعذروني لعدم الترتيب بالاولوية ،، لانهاا جت كذا : ) ..
هذي نصيحه من انا احلى دكتوره ..شوفي قلبي خلي منك الدجه والهبال والسحبات مع البنات خلي همك دراستك وخذيلك مدرسه خصوصيه للرياضيات لان صعب ..والحاسب اقلبي كمبيوترك انقلش ..والهلث اذا تبين مساعده انا حاضره لك لان من تخصصي الصحه ..وحاولي تجمعين درجا اول بأول وذاكري للكويز كانك تذاكرين للفاينل وتوددي للامسات لان الدرجات بيدهم
بس صدقيني مااااااااااااااااااااافي شي صعب ومافي احد طلع من بطن امه يعرف ولازم تمارسين الانقلش عشان ماتنسين اللغه لان الانقلش يبيلها ممارسه بس لاافراط ولاتفريط لاتصيرين زيي ههههههههه اتكلم واكتب انجلش ونسيت العربي اذا بغيت شي اقول لااختي اللي بصف 4 تكتب عني هههههه والاملاء رايح فيها ..انا مثلك قبل لاادخل مجالي كنت اقول صعب وصعب ومابنجح وميديكل وماراح اعدي وبحمل 3 مواد ..والحمدلله نجحت اهم شي المثابره والاصرار والعزيمه على تحقيق الهدف ..وخلي عندك ثقه بنفسك وقولي انا ان شاء الله بنجح وانا قدها عشان تأثرين على العقل الباطن ..وخلي عندك حسن ظن بالله وقولي ربي بيوفقني ولاتنسين الاستغفار والصلاه والدعاء وتصدقي لو بريال ..اسفه اذا ازعجتك يابعدهم وقرقرت ..بالتوفيق حبيباتي وعقبال مااحضر تخرجكم

قيمممر

2011- 8- 12 06:10 AM

رد: موضوع للاستفسآآر والنقآش : ) حول كلية الجبيل الجامعية

السلام عليكم ورحمةة الله .. ><

‏*‏
‏*‏
‏*‏

وهآج ؛ موضووع جميل اهنيك عليه ( y )

.." جنتل " عبير السعاده " ترف " احلى دكتوره "..

يعطيكم ألف عأفيةة ع المعلومآت :* ({})

و ي رب اللي عندةةة خبرةة بعد م يبخل <3 ..

..‏~‏

والله يعينآ ي رب :"(

احساسي راقي

2011- 8- 12 07:48 AM

رد: موضوع للاستفسآآر والنقآش : ) حول كلية الجبيل الجامعية

مشكورييييين وما قصرتم :d5:

al-8ymat

2011- 8- 12 08:32 AM

رد: موضوع للاستفسآآر والنقآش : ) حول كلية الجبيل الجامعية

bak

،

يعطيكم العآفيه ماقصرتو :smile: . . عندي سؤال

اختبار تحديد المستوى .. له علاقه بالتخصص فيما بعد ؟

ماجستير رياضيات 321

2011- 8- 12 04:05 PM

رد: موضوع للاستفسآآر والنقآش : ) حول كلية الجبيل الجامعية

تحديد المستوى ماله شغل بالتخصص ..تحديد المستوى عشان يعرفون مستواك بالانجلش حلو ولا لا وعشان يعرفون يحطون بأي قروب ..يعني قروب المبتدئين ولا اللي نص ونص ولا الجيد ولا الممتاز..التخصص يعتمد على معدلك نهايه السنه

Esc	2011- 8- 12 11:53 PM

رد: موضوع للاستفسآآر والنقآش : ) حول كلية الجبيل الجامعية

اقتباس:

المشاركة الأصلية كتبت بواسطة وهّآج (المشاركة 4161313)

- كيف مر عليكم أول أسبوع في الكلية ؟

اممم طبيعي انك ماراح تتاقلم مع الوضع بعد مرور الايام بتتاقلم ان شاء الله
- كيف مرت عليكم الدروس الاولى من المناهج التعليميه ،، وهل كاانت هنالك صدمه ،، أم تقبلتواا الوضع بارتياحية ؟
الدروس الاولى سهله مع اني ميح بالانجلش حاول تشد نفسك بالرايتنج بس كل شي سهل الرياضيات سهل سواء الترم الاول او الثاني هذا بالنسبه لي الي شفت نفسي ضعيفه فيه اي تي1 :000: هذره بالانجلش وتونا فريش
- كيف الجو العام في الكلية ؟
حلوووه كلن نفسي نفسي ماحد له دخل فيك هذا احسن شي
- ما مدى تعاون الاساتذه معكم ؟
ياحليلهم والله يساعدونك على قد مايقدرون
ما مدى تعاون ادارة الكلية معكم ؟
على حسب النفسيه :hahahahahah:لاتعليق
- ما مدى تعايشكم واندماجكم مع بعض كطالبات ؟
زماله وبس
- الاختبارات ومامدى صعوبتهاا وكيف التعامل معهآآآ ؟
الميجر يبيله شوي اما الكويزات والفاينل والميد ترم سهلين
- ما مدى ارتياحكم للخطة التعليمية وطريقة سيرهآآ ؟
الاي تي1 نبي صرفه فيه :biggrin: بس كل شي ماشي
- كيف هو تطلعكم للمستقبل .. بعد الدراسة في الكلية ،، فهل أنتم موعودون بمستقبل مشرق ؟
الحمد لله اهم شي اتخرج ويكون عندي شهاده جامعية

ومبروك عالقبول فال الجميع ان شاء الله

فـارسـ

2012- 7- 1 02:25 AM

رد: موضوع للاستفسآآر والنقآش : ) حول كلية الجبيل الجامعية

متئ يبدا التسجيل ومتا ينتهي؟؟؟؟؟بسررررررررعه ارجوكم

:mh12:

S.S.H.7

2012- 7- 1 08:39 AM

رد: موضوع للاستفسآآر والنقآش : ) حول كلية الجبيل الجامعية

بدء التسجيل من يوم السبت بس ما اعرف متى ينتهي

و هذا الرابط

http://78.93.113.8/Registration/

بالتوفيق

mOoOny^^

2012- 7- 1 10:13 AM

رد: موضوع للاستفسآآر والنقآش : ) حول كلية الجبيل الجامعية

لو سمحتم ارجوا الافادة محتاجه تعاونكم معي :106:
انا لي سنة بالجامعيه و الحمدلله مشي حالي فيها و شاده حيلي فيها واتمنى استمر فيها بعد بس عندي مشكله :sm1:
اهلي راح ينتقلوا لمنطقة ثانيه بعد كم سنة :mh12: وانا خايفه اتخصص و اكمل دراستي بالجامعة وفي النهايه انتقل للمنطقه الي راح نستقر فيها والقاء نفسي كاني مادرست شي :bawling: واعيد من اول وجديد على التقديم والدراسة
كثير اسمع ان الجامعيه غير معترفه الا بالهيئة الملكيه يعني اذا نقلت من الجبيل اعتبر كاني مادرست شي !!
تكفون طمنوني هال هذا الكلام صحيح ,,
انا محتاجه اجابه ,,
الله يسعدكم افيدوني

Mick	2012- 7- 1 03:24 PM

رد: موضوع للاستفسآآر والنقآش : ) حول كلية الجبيل الجامعية

أمممم والله اللي اتوقعه ان الكلية الجامعية معترف بها في كل جامعاات المملكة ..
واذا بتنقلين جامعة ثانية تقدرين تعادلين المواد اللي درستيها .. بشرط تطابق المناهج ..
استفسري من مسئولات التسجيل عندكم .. يمكن يفيدونكم ..

حسن النجار

2012- 7- 1 03:32 PM

رد: موضوع للاستفسآآر والنقآش : ) حول كلية الجبيل الجامعية

كيف مر عليكم أول أسبوع في الكلية ؟

امممم اول اسبوع بالكلية لازم يكون فيه توتر اشوي:mh12:..لكن بعد فترة ليس طويلة راح تتاقلمو مع الطلاب وتكتشفون انه الوضع فله اكثر من ايام المدرسة.. حتى تعامل الدكاترة معكم جدددا مريح..

- كيف مرت عليكم الدروس الاولى من المناهج التعليميه ،، وهل كاانت هنالك صدمه ،، أم تقبلتواا الوضع بارتياحية ؟

امممم اول الدروس تحس انك موب فاهم شي وهذا شي طبيعي لانه المناهج كلهاباللغة الانجليزية.. بس مع الوقت بتتعودو عليها.. وتصير شي عادي..
- كيف الجو العام في الكلية ؟

اممم.. الجو العام بالكلية تقدرو تقولو.. انه شوي كئيب >>>حسب وجهة نظري..
- ما مدى تعاون الاساتذه معكم ؟

الاستاذة جدا متعاونين مع الطلاب بس يبون الطالب يسال ويشوفو منه اهتمام..
ما مدى تعاون ادارة الكلية معكم ؟

امممم انا حسب وجهة نظري انو الادارة خاصة بكليتنا مع الطالب وليس مع الدكتور يعني لو مجموعة طلاب قامو واشتطو على دكتور انه سيء ممكن يغيرونه عادي ..عكس بعض الكليات.. لكن في نفس الوقت صارمة..
- ما مدى تعايشكم واندماجكم مع بعض كطلآب ؟
امممم كل واحد وحسب السكشن الي فيه.. بس انا اشوف اانه اغلب الطلاب متعاونين بعض.. والوضع جدددا فلللله
- الاختبارات ومامدى صعوبتهاا وكيف التعامل معهآآآ ؟

مافي شي صعب..الي يذاكر يشوفه جدا سهل.. والى ما يذاكر يقول انه جدا صعب..
- ما مدى ارتياحكم للخطة التعليمية وطريقة سيرهآآ ؟

امممم الخطة اشوي ضاغطة على الطلاب بس بالنهاية تكون لمصلحة الطالب انه يذاكر اول باول...
- كيف هو تطلعكم للمستقبل .. بعد الدراسة في الكلية ،، فهل أنتم موعودون بمستقبل مشرق ؟
الحمدلله كليتنا جدااا مستقبلها جيد انشالله...

تقبلوووني..
حـٍسن

عبير السعادة1

2012- 7- 1 03:39 PM

رد: موضوع للاستفسآآر والنقآش : ) حول كلية الجبيل الجامعية

اذا تطابقت المناهج يعادلون لك
بالتوفيق لك

ودي

All times are GMT +3. الوقت الآن حسب توقيت السعودية: 09:50 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه