ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى ماقبل الجامعه والاستفسارات الأكاديمية العامة للطلاب المنتظمين (https://vb.ckfu.org/f290)
-   -   [ جامعة الدمام ] : سؤال عن ما بعد القبول و عن التنشيط... (https://vb.ckfu.org/t204709.html)

الاشعث 2011- 7- 29 09:46 AM
سؤال عن ما بعد القبول و عن التنشيط...
 
السلام عليكم..
اخواني اخواتي ..انا اختي ولله الحمد ظهر اسمها في الدفعه الثانيه (الرغبه الاولى).قبول مشروط بارسال الاوراق . الان السؤال ايش المطلوب غير ارسال الاوراق ..

هل نجدد التنشيط ايضا ..او بأرسال الاوراق ينتهي الموضوع وخلاص..؟؟؟وننتظر القبول النهائي فقط؟؟
لأني اسمع واقرأ الكثير من الطلبه والطالبات طلع اسمه او اسمها ويقول ادخل المنافسه في الدفعه اللي بعدها ..فهل يقصد انه يبي يغير الرغبه او ليش ينشط اساساً وهو تم قبوله وارسل اوراقه؟؟؟

تحياتي للجميع وفالكم النجاح..

Hno 2011- 7- 29 09:49 AM
رد: سؤال عن ما بعد القبول والتنشيط...
 
اخوي اولا مبروووك لاختك القبول

ودامها انقبلت ولله الحمد بالرغبه الاولى خلاص مافي منافسه بس ترسل اوراقها وانتهى الامر

بس اللي انقبلوا باقل من رغباتهم يرسلون ايضا اوراقهم لكن لازم عالدفع الجاية يشيكون على ملفهم يمكن انو ترقوا للرغبه الاعلى

بس زي ماقلتلك دام اختك انقبلت من اول رغبه لاتحاتي اهم شي سلموا الاوراق بالوقت المناسب

رووري 2011- 7- 29 09:49 AM
رد: سؤال عن ما بعد القبول والتنشيط...
 
لا خلاص بس ترسل اوراقها .. والي الموقع قالهم يبيلهمتنشيط عشان يدخلون بالدفعات هذولا لسى ما وصلو للرغبه الاولى والحمدلله اختك اقبلوها بالرغبه الاولى

Hno 2011- 7- 29 09:51 AM
رد: سؤال عن ما بعد القبول و عن التنشيط...
 
حتى اللي مانقبل بالرغبه الاولى اهم شي انقبل بالجامعة يرسل اوراقه وماله شغل بالتنشيط الجامعه بتتصرف باوراقه

بس السالفه باللي مانقبل هو اللي يحط تنشيط عشان يبين انو يبي يكمل مع الجامعه :119:

الاشعث 2011- 7- 29 09:54 AM
رد: سؤال عن ما بعد القبول و عن التنشيط...
 
شكراً اختي hno
شكرا اختي رووري
شكرا على سرعة التجاوب .. وفالكم النجاح والتوفيق يا رب..

Hno 2011- 7- 29 09:57 AM
رد: سؤال عن ما بعد القبول و عن التنشيط...
 
اجمعين

ماسوينا الا الواجب :119:

جود!! 2011- 7- 29 10:35 AM
رد: سؤال عن ما بعد القبول و عن التنشيط...
 
صصباح الخير

انا خويتي انقبلت بأقل رغبه وهي بالدفعه الاولى ولا ارسلت اوراقها يعني راح عليها القبول

ولا تسوي تنشيط بس هي ماتبي الكليه الي قبلتها لانها بعيده عن مكان اقامتها

اتمنى الرد

Hno 2011- 7- 29 10:38 AM
رد: سؤال عن ما بعد القبول و عن التنشيط...
 
الله يهديها ليه مارسلت اوراقها

على الاقل تجرب حظها بالدفع واذا سكر القبول وماجاها ترقية للرغبات الاعلى ذيك الساعه تسحب ملفها

احين مالها الا تقدم السنه الجاية

الا اذا هي مسجلة بجامعة ثانية ولسا مانقبلت فيها تسوي تنشيط واذا جاها قبول للجامعة الثانية تسحب اوراقها من الدمام وتوديها للجامعة اللي قبلتها

بس اذا ماسجلت بجامعات ثانية مالها الا السنه الجايه

جود!! 2011- 7- 29 10:43 AM
رد: سؤال عن ما بعد القبول و عن التنشيط...
 
لاحووول لا هي سجلت لكن الرغبات ماقبلوا الا المدينه بعيده ممممممممره يعني قاالعينها

وقلت لها ارسلي الاوراق بس خافت انها تقبل بالجامعه لحد اخريووم ماترقى الرغبات عادهاا ع الرغبه

الاقل ..

Hno 2011- 7- 29 10:48 AM
رد: سؤال عن ما بعد القبول و عن التنشيط...
 
بس يمديها تسجل بالدراسات التطبيقيه وخدمة المجتمع السمستر الثاني لانو اول سنه بفلوس

او انتساب راح يبدا تسجيله برمضان

جود!! 2011- 7- 29 10:57 AM
رد: سؤال عن ما بعد القبول و عن التنشيط...
 
الله يعين ويوفق الجميع ع العمووم ماقصرتي ع المبادره الحلوه والله يخليك ويوفقك ويسر اموورك ويهونها آآآمين

Hno 2011- 7- 29 11:02 AM
رد: سؤال عن ما بعد القبول و عن التنشيط...
 
اميييين يارب وياك حبيبتي

والله يسهل على صديقتك

مـلـآك الخبر 2011- 7- 30 02:57 PM
رد: سؤال عن ما بعد القبول و عن التنشيط...
 
يسسعدلي مسسآآءكم..

بنآآت انـآ الحين بورطه..

انقبلت بالدفعهة الثآنيه بالنعيريه وأنآ من الخبر..!!

والمشكله عقب مً عرفت انهم قبلووني أنصدمت أكثر انها مافيها قسم التربيه اللي ابيه..

اساسا م عندي وسيلة مواصصلاات ..!

وأبي ادرس بالدمام او التربيه بالجبييل..

وشلون انقل وش الححححححححل..؟؟

ساعدووني بأجوبتكم الله يرضى ـآآ عليكم..(نفسيتي مررا تعبانه

miss wejdan 2011- 7- 30 03:10 PM
رد: سؤال عن ما بعد القبول و عن التنشيط...
 
النعيريه مو اول رغبه صحح
توكلي على ربك وقدمي اوراقك وراح تدخلي تنافسي مع الدفعه الجايه وتترقى رغبتك الى الاولى انشاءالله اذا صار نزوول بالنسب

مـلـآك الخبر 2011- 7- 30 03:13 PM
رد: سؤال عن ما بعد القبول و عن التنشيط...
 
ايه آآخخخر رغبهة..

نسبتي 71 ..الموزونهة..

والتربيه بالجبيل يبون 72 ..

ابي انقبل فيهآآ..!!

م تقبلني الا كلية الاداب بالدمام ..بس سؤالي ..فيها تخصص تربيه خاصصه او رياض اطفال ولا لا؟؟

س2: أقدر اكمل تنشيط علشان انافس الدفعات الجايه ولا لا..؟

miss wejdan 2011- 7- 30 03:26 PM
رد: سؤال عن ما بعد القبول و عن التنشيط...
 
دامها رغبتك الاخيره قدددمي وراح تدخلي المنافسه وانشاءالله تنزل النسب اكثر وتنقبلي باللي تبيه

مـلـآك الخبر 2011- 7- 30 03:55 PM
رد: سؤال عن ما بعد القبول و عن التنشيط...
 
الله يسسمع منك..

بس مً جآوبتيني عن التخصصات في الاداب بالدمام ..شنو تخصصاتها وهل فيها تربيه خاصصه او رياض اطفال..؟؟؟

وشآكره لك أفآدتك ويخليك ربي ...^_^

miss wejdan 2011- 7- 30 03:58 PM
رد: سؤال عن ما بعد القبول و عن التنشيط...
 
ماعندي فكره صراحه ..

مـلـآك الخبر 2011- 7- 30 04:10 PM
رد: سؤال عن ما بعد القبول و عن التنشيط...
 
..جزآك الله خير أجل..


All times are GMT +3. الوقت الآن حسب توقيت السعودية: 08:32 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه