ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية العلوم بالدمام (https://vb.ckfu.org/f62)
-   -   [ جميع التخصصات ] اختبار التوفل (https://vb.ckfu.org/t204210.html)

أحلام كيميائية 2011- 7- 26 08:09 PM
اختبار التوفل
 
السلام عليكم ورحمة الله وبركاته..
كيفكم بنات؟
حبيت أستفسر في أي المعاهد تعطي دورات لأختبار التوفل؟
وبأي تاريخ يكون هذا الاختبار إذا كان فيه بالدمام ووين مقره بضبط؟
أتمنى أي وحده تعرف اي شي عن هذا الموضوع تفيدني ولكم جزيل الشكر..

أكسر الخاطر كسر 2011- 7- 27 02:54 AM
رد: اختبار التوفل
 
ماعندي فكرة

ان شاء الله البنات يفيدونكـــ

موفقة لكل خير

huda-gh 2011- 7- 27 03:22 AM
رد: اختبار التوفل
 
امممم لما كنت اخذ كورسات انقليزي بـ جامعة البترول ، كان في شيء عن التوفل ... مادري هو دورة عن التوفل و نماذج اختبارات توفل أو انا فاهمة غلط ;$ ...

بس نصيحة , قبل لا تدخلين الاختبار خذي لك كورسات بالبترول ... مرررره بطلة !!

♥..ЙAИa 2011- 7- 27 01:41 PM
رد: اختبار التوفل
 
اممممممممم عندك البسام
او برايت فيوتشر

انا بصراحه ماجربتهم بس هذول اشهر شي :71:

أحلام كيميائية 2011- 7- 27 02:24 PM
رد: اختبار التوفل
 
مشكورين بنات على الردود..
روني يعني هالمعاهد الي ذكرتيهم تعطي دورات لأختبار التوفل؟
طيب والاختبار متى بيكون؟
ومعهد نيوهورايزن ماقد سمعتي يعطي دورات للتوفل؟

ضياء 2011- 7- 27 04:42 PM
رد: اختبار التوفل
 
ادخلي موقع التوفل بتلاقين الاماكن البي بصير فيها الاختبار في الشرقيه او الرياض اوجده

لازم تحجزين للاختبار من قبل شهر اقل شي وتدفعين 500قيمه الاختبار وتختارين اي اختبار

لان فيه انوااااع من اختبارات التوفل

على فكره فيه كتب توفل موجوده بالمكتبه جرير تساعدك وتعطيكي فكره عن الاختبار

ممكن اعرف ليه محتاجه التوفل ,,......حتى انا ابي اختبر توفل عشان اكمل ماجستير

موووووووووفقه:love080:

أحلام كيميائية 2011- 7- 27 05:04 PM
رد: اختبار التوفل
 
أختي ضياء ..
مثلك تماما ودي اكمل ماجستير بعد تخرجي من كلية العلوم..
وقريت من ضمن شروطهم لازم توفل قلت اخذ دورات وبعدها اختبر توفل ..
ان شاءالله راح ادخل موقعهم وشوف بس ممكن طلب اختي اذا عرفتي انه بيكون الاختبار بالدمام تعطيني خبر اذا ماعليك امر ..
جزاك الرحمن خير..

ضياء 2011- 7- 27 06:45 PM
رد: اختبار التوفل
 
هذي مواعيد الاختبااااااااار TOEFL iBT

1/ الخبر Sun., Oct 16, 2011
Sat., Oct 22, 2011
Sun., Oct 30, 2011


2/الدمام Sun., Sep 25, 2011
Sun., Oct 16, 2011
Sat., Oct 22, 2011
Sun., Oct 30, 2011

مووووووووفقه :love080: ولا تنسين علميني ايش يصير معاك:biggrin:

أحلام كيميائية 2011- 7- 27 07:01 PM
رد: اختبار التوفل
 
أخذتيهم من الموقع الرسمي صح؟
قريب الاختبار ماينفع هالمره لازم أطور نفسي بالانجليزي قبل وبعدها بإذن الله أسجل بالاختبار يمكن على السنه الجايه..
يسعدك ربي ياأختي ضياء ..
ماقصرتي ويعطيك ألف عافية وعقبال ماتدرسي الماستر ونهنيك على الدكتوراه ياااااااارب:)

جوانه 2011- 7- 27 07:27 PM
رد: اختبار التوفل
 
بنات انتو متأكدين ان التوفل مطلوب للماستر بجامعه فيصل

لقسم الفيزياء والكيمياء .......الخ

لان جامعه سعود وجامعه عبدالعزيز عندهم اختبار القدرات للجامعيين الزامي بس فيصل مو الزمي

أحلام كيميائية 2011- 7- 27 09:11 PM
رد: اختبار التوفل
 
أختي جوانه ..
كاتبين من ضمن شروط قبولهم لطالبات لدراسة الماستر
ان نجتاز اختبار التوفل وبدرجة معينه كاتبينها في الموقع , ويمكن مو ألزامي ويمكن ألزامي
ربي أعلم ..
الله يوفقنا ويحقق امانينا..

جوانه 2011- 7- 27 09:24 PM
رد: اختبار التوفل
 
الله يعين الانجليزي هذا احسه عقبه اذا الكل مثلي......

أحلام كيميائية...الله يسعدك ياعسل

غلآكمـ 2011- 7- 27 11:59 PM
رد: اختبار التوفل
 
اقتباس:
المشاركة الأصلية كتبت بواسطة جوانه (المشاركة 4083020)
بنات انتو متأكدين ان التوفل مطلوب للماستر بجامعه فيصل

لقسم الفيزياء والكيمياء .......الخ

لان جامعه سعود وجامعه عبدالعزيز عندهم اختبار القدرات للجامعيين الزامي بس فيصل مو الزمي
جامعه الدمام و جامعه كاوست مطلوب التوفل ..

اما الباقي مدري و الله ..

فيزيائية طموحة 2011- 7- 28 12:38 AM
رد: اختبار التوفل
 
وعليكم السلام ورحمة الله وبركاته

ماشاء الله تبارك الرحمن عليكم الله يوفقكم ونشوفكم أحلى بروفيسورات :106:

أنا عندي فكرة عن المعاهد وكيف تدريسها وكذا وصديقتي زيكم تبي تاخذ دورة في التوفل ومحتارة

اقتباس:
المشاركة الأصلية كتبت بواسطة جوانه (المشاركة 4083020)
بنات انتو متأكدين ان التوفل مطلوب للماستر بجامعه فيصل

لقسم الفيزياء والكيمياء .......الخ

لان جامعه سعود وجامعه عبدالعزيز عندهم اختبار القدرات للجامعيين الزامي بس فيصل مو الزمي
جوانة لو سمحتي إذا تعرفين شي عن اختبار القدرات للجامعيين ياليت تعطينا فكرة عنه يعني هو عن ايش

بالضبط وكيف طريقة الأسئلة فيه وأكون شاكرة لك سواء كنتي تعرفين عنه أو ماتعرفين :119::106:

أحلام كيميائية 2011- 7- 28 01:32 AM
رد: اختبار التوفل
 
حيا الله أختي فيزيائية طموحه ..
اختي اذا صديقتك اختارت المعهد ممكن تعطيني خبر لاني ودي أخذ دورة انجليزي بمعهد بس ماني عارفة وين بالضبط اختار على شان بعدها أختبر توفل..
الله يحقق لك كل ماتتمنين

فيزيائية طموحة 2011- 7- 28 03:32 AM
رد: اختبار التوفل
 
اقتباس:
المشاركة الأصلية كتبت بواسطة فيزيائية طموحة (المشاركة 4084162)
وعليكم السلام ورحمة الله وبركاته

ماشاء الله تبارك الرحمن عليكم الله يوفقكم ونشوفكم أحلى بروفيسورات :106:

أنا عندي فكرة عن المعاهد وكيف تدريسها وكذا وصديقتي زيكم تبي تاخذ دورة في التوفل ومحتارة
تصحيح : عندي = ما عندي >>> معادلة رياضية جديدة :biggrin:

تمنيت ان يكون عندي فكرة عشان أفيدكم تستاهلون كل خير:mh318:



أحلام كيميائية :106:

الله يحييك إذا اختارت المعهد بإذن الله بعطيكم خبر

وانتي الصادقة والمشكلة نفس المعهد ناس تمدحه وناس تذمه

طيب انتي متى حابة تدرسين إن شاء الله ؟ لأن صديقتي هي خريجة الحين وتقول من بعد العيد

بتشوف الوقت اللي يناسبها :(204):

وإياك إن شاء الله تسلمين :106:

جوري نجد 2011- 7- 28 03:40 AM
رد: اختبار التوفل
 
انا اختبرت في المعهد الابريطاني اول ما تخرجت من الثانوي بس التوفل مدري عنه

أحلام كيميائية 2011- 7- 28 01:37 PM
رد: اختبار التوفل
 
عزيزتي فيزيائية..
حتى لو أدرس برمضان إن شاءالله مايكون عندي أي مشكلة بس ابي معهد يدربني على اختبار التوفل..
الله ييسر يارب
جوري نجد اشكرك على ردك

جوانه 2011- 7- 30 08:45 PM
رد: اختبار التوفل
 
هلا فيزيائيه طموووحه.........بالنسبه لقدرات الجامعيين ي قلبي هو نفس تقريبا اختبار القدرات الثانويه العامه بس مو مطلوب للحين في جامعه فيصل ولا جامعه الدمام ويااااارب مايطلبونه,,,,,

خاتم سليمان 2011- 7- 30 10:56 PM
رد: اختبار التوفل
 
على حسب علمي، إن بإمكانك تختبري في نيوهورايزين. كلميهم و إسألي، سمعت كمان إنه بـ 900 أو 950.
إنت طوري نفسك فب الإنجليزي أول و بعدين إختبري على النت من المواقع اللي فيها أسئله علشان تعرفي مستواك. و إذا محتاجه أي مساعده أنا جاهزه لأني أخذته من قبل.


بالتوفيق

أحلام كيميائية 2011- 7- 31 12:11 AM
رد: اختبار التوفل
 
أختي خاتم سليمان..
أختبرتي توفل من غير ماتاخذي دورة في معهد؟
طيب تعرفي أي معهد مناسب يدربني على التوفل؟؟؟
جزاك الرحمن خير ..

ضياء 2011- 7- 31 01:45 AM
رد: اختبار التوفل
 
خاتم سليمان


كيف كان الاختبار ؟ واي نوع من الاختبار ؟اختبار على الكمبيوتر ولا ورق ?



امممممممممممم:biggrin:وبس :love080:

خاتم سليمان 2011- 7- 31 05:27 AM
رد: اختبار التوفل
 
أنا أخذت toefl ibt اللي هو الكمبيوتر . هذا الإختبار فيه 4 أقسام : قراءه و كتابه و تحدث و إستماع.
أنا الصراحه ماأعرف المعاهد في السعوديه لأني مبتعثه للولايات المتحده الأمريكيه لكن من خلال خبرتي أقدر أفيدك عن الإمتحان و الكتب و ممكن أعطيك فكره كيف تجتازي الإمتحان . أهم شي قبل لاتختبري إنك تعرفي مستواك في اللغه هل هو مبتدئ أو متوسط أو متقدم لأن كل مستوى يحتاج مذاكره تختلف عن المستوى الثاني. مثلا إذا مستواك مبتدئ ماراح يكون من الذكاء إنك تذاكري من كتب التوفل الصعبه مباشره لأنك حتى لو حاولتي ماراح تستفيدي شي. في مواقع تفيدك بالتفصيل عن الإمتحان و تعطيك أسئله تدريبيه عنه و هذي راح تفيدك كثير. أنا ماأنصحك إنك تاخذي دوره التوفل على طول، إعرفي مستواك أول باللغه و بعدين تعرفي كيف تمشين. صدقيني إذا تعبتي على نفسك راح تخلصي الإمتحان بدرجه عاليه لكن إشتغلي على نفسك.


بالتوفيق

أحلام كيميائية 2011- 8- 1 11:14 PM
رد: اختبار التوفل
 
جزاك الله خيراً ..
والله ييسر علينا ..

فيزيائية طموحة 2011- 8- 3 05:50 PM
رد: اختبار التوفل
 
اقتباس:
المشاركة الأصلية كتبت بواسطة جوانه (المشاركة 4098185)
هلا فيزيائيه طموووحه.........بالنسبه لقدرات الجامعيين ي قلبي هو نفس تقريبا اختبار القدرات الثانويه العامه بس مو مطلوب للحين في جامعه فيصل ولا جامعه الدمام ويااااارب مايطلبونه,,,,,

جزاك الله خير جوانة :love080:

إن شاء الله مايطلبونه عاد المشكلة احنا ماجربنا اختبار القدرات حق الثانوية :000:



أحلام كيميائية :love080:

بشرينا عنك لقيتي معهد؟

أنا أقول استخيري قبل لاتدخلين أي معهد إذا ماأحد حدد لك معهد معين وتوكلي على الله
دام ان عندك رغبة سواء درستي دورة التوفل أو دورة انجليزي عادية

موفقة بإذن الله :106:

أحلام كيميائية 2011- 8- 3 09:58 PM
رد: اختبار التوفل
 
أهلين فيزيائية طموحه
لقيت المعهد(معهد البسام) بس لسى ماسجلت فيه..
يمكن أسجل بعد العيد أو بعد ما أنتهي من الجامعه أشوف إن شاءالله ..
والله يوفقنا..

جوانه 2011- 8- 5 06:03 PM
رد: اختبار التوفل
 
اقتباس:
المشاركة الأصلية كتبت بواسطة خاتم سليمان (المشاركة 4101520)
أنا أخذت toefl ibt اللي هو الكمبيوتر . هذا الإختبار فيه 4 أقسام : قراءه و كتابه و تحدث و إستماع.
اقتباس:
المشاركة الأصلية كتبت بواسطة خاتم سليمان (المشاركة 4101520)
أنا الصراحه ماأعرف المعاهد في السعوديه لأني مبتعثه للولايات المتحده الأمريكيه لكن من خلال خبرتي أقدر أفيدك عن الإمتحان و الكتب و ممكن أعطيك فكره كيف تجتازي الإمتحان . أهم شي قبل لاتختبري إنك تعرفي مستواك في اللغه هل هو مبتدئ أو متوسط أو متقدم لأن كل مستوى يحتاج مذاكره تختلف عن المستوى الثاني. مثلا إذا مستواك مبتدئ ماراح يكون من الذكاء إنك تذاكري من كتب التوفل الصعبه مباشره لأنك حتى لو حاولتي ماراح تستفيدي شي. في مواقع تفيدك بالتفصيل عن الإمتحان و تعطيك أسئله تدريبيه عنه و هذي راح تفيدك كثير. أنا ماأنصحك إنك تاخذي دوره التوفل على طول، إعرفي مستواك أول باللغه و بعدين تعرفي كيف تمشين. صدقيني إذا تعبتي على نفسك راح تخلصي الإمتحان بدرجه عاليه لكن إشتغلي على نفسك.


بالتوفيق


لو سمحتي انا بسألك تتوقعي كم احتاج فتره استعداد للتوفل مع العلم ان مستوي الحين مو مره
اقصد لو اخذت 3 مستويات بمعهدنيوهورايزن تتوقعي ممكن اجتاز هالاختبار
بعدين انا اعرف وحده اخذت بالسعوديه دورات ويوم طلعت امريكا تقول ندمت اني درست بالسعوديه لانهم درسوهم هناك

خاتم سليمان 2011- 8- 5 11:43 PM
رد: اختبار التوفل
 
أنا درست في نيوهورايزن من قبل وماأعتقد إن 3 مستويات تكفي علشان تجتازي الإمتحان بدرجه مثل 80 مثلاً. هذا يعتمد على الدرجه المطلوبه . أنا من رأيي إنك تتطلعي على كتب و مواقع التوفل كمان و إنت تدرسي دورات وهذا اللي أنا سويته. أنا مادرست دوره إلى التوفل بس درسنا لغه إنجليزيه عامه 4 مستويات و شريت لي كتب و ذاكرت منها. إطلعي على الكتب و إقرئيها إذا حسيت إن مستواها سهل أو عادي إخذي الإمتحان و بالتوفيق. فقط للمعلومه، كتاب Longman اللي يدرسوه في المعاهد هو أسهل من إختبار التوفل الحقيقي. أعتقد ممكن تبدئي بكتاب برينستون بالبدايه و بعدين تقرئي غيرد مثل الكابلان. في كتب بعد مو موجوده في السعوديه مثل كتب كلمات التوفل و idioms و أكيد إنك بمجرد تكتبي كلمه توفل في جوجل راح يطلع لك آلاف المواقع و إختاري اللي إنت تشوفيه مناسب لك إنت.
في نظام البعثات، إنك تدرسي سنه لغه و بعدين تنتقلي للجامعه لكن إذا كان الطالب عنده التوفل ويقدر يجيب قبول جامعي ينتقل مباشره للجامعه. أنا أعرف بنات مادرسوا سنه اللغه لأنهم خلصوا التوفل في السعوديه و درسوا على طول بالجامعه.


إذا عنك أي إستفسار أو محتاجه مساعده أنا موجوده :119:.


بالتوفيق

جوانه 2011- 8- 6 09:23 PM
رد: اختبار التوفل
 
معليش حبيبتي تحملني بثقل عليك بالاسئله بس ماصدقت القى احد يجاوب ع استفساراتي:119:

الحين لو مااخذت دورات انجليزي وقدمت ع البعثه ممكن اطلع وادرس هناك من غير مايختبروني هنا بالسعوديه اي اختبار يحدد مستواي بالانجليزي

الله يسعدك ويفرج كربتك:106:

خاتم سليمان 2011- 8- 7 01:23 AM
رد: اختبار التوفل
 
أختي جوانه مايردك إلا الكي بورد. ماعندي مشكله راح أجاوب على كل إستفساراتك.
أنا لما قدمت على البعثه كان النظام إن الطالب يدرس في بلد الإبتعاث سنه لغه و الحين سمعت إن الطلاب قبل مايطلعوا على بلد الإبتعاث يعطوهم دورات لغه في السعوديه على حساب البعثات و بعدين يطلعوا يكملوا اللغه في بلد الإبتعاث و لما يحصل الطالب على قبول رسمي من جامعه يبدأ برنامج الدراسه.
تقدري تبدئي تتعلمي اللغه من النت و هذا راح يفيدك كثير كمان. إكتب في جوجل مثلاً TOEFL vocabulary و راح تطلع لك كلمات التوفل و إبدئي تحفظيهم .

إذا عندك أي سؤال أنا جاهزه

تحياتي : خاتم سليمان

جوانه 2011- 8- 7 06:13 PM
رد: اختبار التوفل
 
يعني عاااادي حبيبتي اسجل بالبعثه هالسنه حتى لو ماعندي سالفه بالانجليزي ويصيرادرس انجليزي ع حسابهم بالسعوديه قبل اسافر>>>يارب اكون فهمتك صح:biggrin:

انا الف وادور وانا ابي اعرف لو سجلت وتم قبولي مبدائيا بيختبروني انجليزي :(107):ولا مافيه اي اختبار بس ترشيح وبعده ادرس انجليزي واطلع...لان الي مرددني مااسجل هالسنه اني مش ولابد بالانجليزي

خاتم سليمان 2011- 8- 7 08:32 PM
رد: اختبار التوفل
 
ايوه فهمتي صح.
إذا كانت مشكلتك في الإنجليزي بس، توكلي على الله و سجلي لأنك راح تدرسيها سواء هنا أو في الخارج لكن شدي على نفسك و ذاكري كويس لأنك لازم تخلصي اللغه في الفتره المحدده.


بالتوفيق

ضياء 2011- 8- 7 11:02 PM
رد: اختبار التوفل
 
كتب kaplan مررره روعه


عندي كتاب kaplan SAT وkaplan USMLE :(204)::(204):

جوانه 2011- 8- 7 11:19 PM
رد: اختبار التوفل
 
قال رسول صلى الله عليه وسلم: (( من صنع إليه معروف فقال لفاعله : جزاك الله خيرا فقد أبلغ في الثناء ))

وانا اقولك اخت(خاتم سليمان)جزاك الله خيرا:106:

ومانستغني عن معلوماتك:119:

واخت ضياء مشكوررره الله يسعدك بس انا اخاف ابداء بكتب التوفل وانا مستوي مو كويس باللغه واتخربط
افكر اخذ كم كورس اول وبعده ابداء بكتب التوفل

sara.. 2011- 8- 7 11:35 PM
رد: اختبار التوفل
 
سلااام بنات //

لقيت حد حاايس زيي :53:

انا اول مابدت الاجازه وانا ادور معهد زين يعطي انجليزي وتوفل

اختي درست بالبسام وكان حلوو بس مووو مرررررررره صح هي صارت شاطره بالانجلش
لانها اشتغلت على نفسها بس انا ماراح ادرس فيه :biggrin:

لقيت معهد الحصان مرررره حلو يوم قريت مميزات تدريس الانجلش عندهم اعجتني بس امانه ماادري اذا تمام اول لا

اسم المركز اي ال اس << اساسا هذا اسم امتحان بس مرره مميزات المركز حلوه فاتوقع تدريسهم حلوو


بس بصراحه انا اخر قرار اتخذته اني بدرس بدايه السنه الجديدة بجامعه الملك فهد للبترول توفل بالعصر
وبدرس بالصباح في برنامج الامير محمد بن فهد انجليزي مستويات

لان كل مدرسيهم بريطانيين واشوف ان هذا احلى عشان مافيه مجااال للعربي ابد :(204):

فيزيائية طموحة 2011- 8- 7 11:41 PM
رد: اختبار التوفل
 
ماشاء الله تبارك الرحمن عليكم

خاتم سليمان

جزاك الله خير معلوماتك حلوة و إن شاء الله الكل يستفيد منها


في موقع حلو لتعليم الإنجليزية بس الشرح بالعربي ممكن تتطلعون عليه قبل لاتتقدمون بالإنجليزي

موقع الإنجليزية لكل العرب

http://www.englishforarabs.com/

وفي منتدى حلو لتعليم الإنجليزي وأقسامه كثيرة ممكن تسجلون فيه عشان تحملون ملفات وإذا عندكم استفسارات

بس أتوقع ممنوع احط الرابط حقه بس اكتبوا في قوقل منتدى تعليم اللغة الانجليزية بيطلع لكم أول شي الموقع

اللي عطيتكم رابطه وتحته على طول المنتدى اللي اقصده


موفقين بإذن الله :106::love080:

جوانه 2011- 8- 8 12:29 AM
رد: اختبار التوفل
 
sara..انا بعد ببالي ادرس بالبترول والمعادن بس كل مادقيت يقولي مافيه هالفتره تسجيل
تكفين يالغلا اذا فتح التسجيل عطيني خبر....


لبى فيزيائيه طمووووووووحه بكل موضوع لك بصمه مميزه:119:

خاتم سليمان 2011- 8- 8 05:22 AM
رد: اختبار التوفل
 
You are all welcome.
Happy to help all of you.
:119:

فيزيائية طموحة 2011- 8- 9 12:13 AM
رد: اختبار التوفل
 
اقتباس:
المشاركة الأصلية كتبت بواسطة جوانه (المشاركة 4139012)
لبى فيزيائيه طمووووووووحه بكل موضوع لك بصمه مميزه:119:
إن شاء الله تلبين عند الكعبة قولي آمين

البركة فيكم وببصماتكم الفعالة :(204):

وإن شاء الله نستفيد من خبراتكم وتجاربكم

إن شاء الله نشوفكم أحسن بروفسورات :106::love080:

أحلام كيميائية 2011- 8- 9 03:23 AM
رد: اختبار التوفل
 
حفظك الرحمن يافيزيائية وأعطاك على قد نيتك:)

فيزيائية طموحة 2011- 8- 9 03:44 AM
رد: اختبار التوفل
 
اقتباس:
المشاركة الأصلية كتبت بواسطة أحلام كيميائية (المشاركة 4147470)
حفظك الرحمن يافيزيائية وأعطاك على قد نيتك:)
وإياك إن شاء الله :106::love080:

وانتي بعد موضوعك ماشاء الله تبارك الرحمن صار له قيمة وشوفي كم وحدة استفادت منه :(204):

هذا غير الزوار اللي ماندري عنهم

حفظك الله ورعاك ومن جزيل فضله أعطاك :106:

::طموح:: 2011- 9- 3 05:45 PM
رد: اختبار التوفل
 
السلام عليكم ورحمه الله وبركاته

هذا اعلان فيه دوره للتوفل ودورات انجلش
اتمنى احد يستفيد من الاعلان
موفقات :)


http://www.works2.com/vb/imgcache/27540.imgcache.png

مايه 2011- 9- 3 08:26 PM
رد: اختبار التوفل
 
مساء النور

حلم كيميائي 2011- 9- 3 08:27 PM
رد: اختبار التوفل
 
وعلييكم السلام ورحمة الله وبركااته

طموح

انا كنت ابي دوورات انجلش ان شاء الله بسأل عنها


الله يوفقك وجزاك الله خير :119::106:

.: كلي وفآ :. 2011- 9- 7 01:29 AM
رد: اختبار التوفل
 
مسآكم وُرد :106:

بنآت بكَم دورآت آلآنجلش في جآمعة آلبترول ؟

خاتم سليمان 2011- 9- 7 06:12 AM
رد: اختبار التوفل
 
في مره شفت إعلان عن دورات في جامعه الملك فهد و أذكر لما سأت عن السعر قالوا لي في حدود 4000 ريال للدوره. مو متأكده لكن كم كانت مدتها.

أكسر الخاطر كسر 2011- 9- 7 11:34 AM
رد: اختبار التوفل
 
الله يوفقكم لكل خير

huda-gh 2011- 9- 10 01:21 AM
رد: اختبار التوفل
 
اقتباس:
المشاركة الأصلية كتبت بواسطة .: كلي وفآ :. (المشاركة 4322385)
مسآكم وُرد :106:

بنآت بكَم دورآت آلآنجلش في جآمعة آلبترول ؟
بـ 1800
ترى هم كل كم شهر يزيدون بالمبلغ ..


عموماً دوراتهم جييييّدة مررره ، اللي يدرسون اجانب ولا يتكلمون كلمة وحدة بالعربي :p !!
جنسياتهم من بريطانيات وامريكيات لـ لبنانيات عايشات بكندا ...


بطلة دوراتهم ...

♥..ЙAИa 2011- 9- 10 01:27 AM
رد: اختبار التوفل
 
احلى لهجه اللهجه الامريكيه :biggrin: بس انها سريعه
واوضح شيء البريطانيه تبع لندن
اللي بتاخذ عند استاذه كنديه أو استراليه الله يعينها :biggrin:

ترا انا ما اخذت دورات بس من واقع معرفتي :71:

موفقات :love080:


All times are GMT +3. الوقت الآن حسب توقيت السعودية: 05:29 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه