ملتقى طلاب وطالبات جامعة الملك فيصل,جامعة الدمام - مـــســــاء الخــــيـــــر : أفـضـل الحــلول لــتصـــفح البــلاك بورد هي :

مـــســــاء الخــــيـــــر : أفـضـل الحــلول لــتصـــفح البــلاك بورد هي :

مـــســــاء الخــــيـــــر : شباب وبنات

السلام عليكم ورحمة الله وبركاته ..

جلست مع نفسي كثير .. لأني صديق نفسي احيانا :119: .. المهم حاولت اوصل لطريقة مناسبة نقدر انه نتصفح البلاك بورد بطريقه سهله وحلوه وبدون مايعلق ولا يخربط معنا وتوصلت بعد الإجتماع مع نفسي إلى حل واحد فطق وهو كالتالي ..

** انه يصير فيه جدول مشترك بين الطلاب والطالبات بحيث ان الطلاب اغلبهم موظفين ومساكين وراهم دوامات واعمالهم الخاصة وشايلين هموم على عواتقهم :Cry111: الله يعينهم ويعيني انا ونفسي معهم .. الحل هو ان الشباب يدخلون على البلاك بورد من الساعة الرابعة عصرن ( يعني الرابعة عصراً يعني 4 العصر ) وحتى الساعة الثانية عشر ليلن ( يعني 12 الليل ) والبنات يدخلون من الساعة الثانية عشر ودقيقتن واحده ليلن (12.01 الليل ) وحتى الساعة الثالثة وتسعتن وخمسون دقيقة عصرن وبكذا نكون حلينا المشكلة ولا يكون فيه ضغط على البلاك بورد .. صــــوح الكلام :(204)::(107):

اتفقنا .. نقول اوكي وعلى شرط بدون غش محد يدخل في وقت مو وقته لأن اللي بيغش بتكون فيه مخالفات وبينحرم من الدخول في الأوقات المسموح فيها .. على شان نتوسط لكم مستقبلا انكم تسوقون السيارات ولا تخالفون الأنظمة والقوانين المطبقة في الملتقى ..

واذا فيه اختلاف في الرأي فأنا اتقبل الرأي والرأي الأخر بس بالتفاهم :41jg: وبدون مشاكل :mh12:

والتفاهم حلو ..

اتمنى المشاركة وإبداء الأرآء بكل صدر رحب والنقاشات الهادفة بدون مشاكل والفاظ خارجة عن العقيدة والإقتصاد والتقنية والوصول الى مهارات في الإتصال فيما بيننا تخدم المحاسبة الثانية وهي ان نتحاسب فيما نقول ونعرف كيف نحسب الوقت من الساعة الرابعة عصرن إلى الثانية عشر ليلن بدون التدخلات اللغوية الغير مفهومه كالإنجليزية وغيرها ونكون بخير وصحة ولياقة لنتمتع ونطير الوقت إلى صدور النتائج وبعدها ندخل في حساب المعادلات التراكمية والمعدلات النجاحية والحسابية وان شاء الله كل ابوكم ناجحين وسلامتكم ..

تحياتي للجميع ..

** ملاحظه مهمه جدن ( جداً ) إلى الأخت دفئ المشاعر وجميع المراقبين الكرام ..يرحم والديكم لا تقفلون الموضوع خلونا نسولف شوي ونوسع صدورنا يمكن نوصل إلى اتفاق ونقدر نحل مشكلة البلاك بورد اللي عجزت الجامعة تحلها لأن التغير والحلول بيد الشعب :hahahahahah: ولو تقفل الموضوع ( طبعا مو تهديد ) ترا بننزل لساحة التغير وستكون السلطة بيد الشعب والطلاب فقط فطق وسنطالب بمجلس انتقالي للملتقى ولكم الحرية وشكرا على تقبل الرأي والرأي الأخر وحرية التعبير ..

تحياتي لكم جميعا.. فرداً فرداً طالباً طالبةً مراقباً مراقبةً إلى الأمام إلى الأمام لا رجوع لا رجوع .