|
وانت رايح كثر الفضايح *_*
السلام عليكم جميعاً واسعد الله اوقاتكم بكل خير طبعاً صراحه فكرة المدونه كانت تدور في ذهني لكن اجلتها الين اتفضى لها زين عاد صراحه انا احب اجعل هاذا المكان ليكون كمساحه حره لي اكتب فيها ما أشاء وبدون أي قيود اجتماعيه يعني الواحد يكتب ويطلع ذكرياته ومايشيل هم أي احراج ( عاد تكفون لا تفضحون *_* ) وطبعاً رح تكون ان شاء الله مدونتي عن ذكرياتي وحياتي ومواقفي المحرجه وبشكل اكيد اقولكم من الحين تراني مو راعي شعر ولا أكله أقصد ولا اتذوقه لكن ان شاء الله رح يكون معنا لزحف معناً آخر *_* وأزحف حتى تنحف ومرحباً بكم وكما قال المثل الجاهلي ( عاشر من تعاشر فأنت داشر ) :71: |
رد: وانت رايح كثر الفضايح *_*
بغيت اخذ راحه في البدايه قلت اخذ راحه لمدة يومين بس قلت ماش رح تقولون هاذا شكله فيه عرق سوداني او تصير الأسلاك مشبكه غلط :hahahahahah: استغفر الله العظيم *_* المهم اعرفلكم بنفسي اخوكم : المذكور أسمه اعلاه ومن زمان وانا موجود والحمد لله الحين احس اني مبسوط على الآخر عشاني خلصت الاختبارات وعاد بقولكم قصه حدثت عند يوم ولادتي طبعاً ولادتي تمت في أحد الأيام ( أحلف ) ولدت وخرجت لدنيا وصادف يوم ولادتي هو نفسه يوم ميلادي ( حتى يومكم مادري شلون صارت :71: ) وماخفيكم سراً انه في يوم ولادتي كان في احد ليالي الرياض المليئه بالغبار ولدت وخرجت لدنيا في هاذا اليوم وبسبب خروجي في هاذا اليوم علموا اهلي انهم انجبوا ولداً سيكون معروف سيكون ابنهم معروف في مستشفيات الصدريه بسبب ( الربو *_* ) وعاد من يوم طلعت وانا ( أكحكح ) ويوم فتحت اول شي قلته ( الله وش هالعج ) :hahahahahah: ومن يومها وانا كل هدفي اني ( أسيطر على العالم ) عشان اتنقل بين الدول بدون جواز ( امحق طموح ) :53: |
رد: وانت رايح كثر الفضايح *_*
طبعاً برجع لكم بعد قليل
لكن عاد ياجماعة الخير ترى كل الي يكتب مزح والله يتوب علينا لو طلعت كلمه هنا او هناك *_* |
رد: وانت رايح كثر الفضايح *_*
المهم عاد بعد مانولدت بكم يوم كنت متكي انا والوالده ( الله يحفظها ) ومجلسين عصريه في الشمس والوالده ( فاكه ) الحفاضه واسمعها تقول ( ودي أريح وأهوي على وليدي ) وانا أضحك واقول ( والله من الفقش الا من ريحة الخياس الي طالعه من ورى ( لاحظوا قلت طالعه الريحه من ورى عشان توي هاذاك الوقت مادري وش فيه ورى ومادري ليش الريحه ماتجي الا من هناك ) *_* ) المهم واشوف الا الوالده تناظر في الحفاضه ومستغربه وصار صور الحيوانات الي موجوده على البامبرز الارانب والضفادع والفيله الي يضحكون حصلتهم منحاشين الله يرجهم من قوة الخياس *_* المهم عاد وانا متكي بهالشمس ومبسوط على الاخر شوي وجاء شايب يسلم واشوفه يناظر فيني ويضحك وصراحه اوجست خيفه منه واسمع الوالده تمدح فيني عنده شوي واسمعه يقول لها ياشيخه اسكتي انتي وولدك الي وجهه يشبه ركبته :hahahahahah: صراحه حسيت انه أهاني المهم قلت ياولد أقوم عليه ولا شلون وبجي اقوم الا ماش هالرجلين غبيات توهن ماتعلمن المشي وعاد من يومها الا هاذا اليوم وانا متعقد وصرت مالبس شورتات عشان اخاف اطلع ركبتي الاصليه ويصير وجهي جد يشبها عاد وش يفكني من هالعالم ههههههه |
رد: وانت رايح كثر الفضايح *_*
الله يحييكم جميعاً ويازين يوم الاربعاء اذا صرت فاضي وماوراك شي ياناس من جد فاقدين هالشعور مع الاختبارات والله يسهل النتائج ان شاء الله للجميع وعاد بشوف سالفه جديده من الذكريات *_* |
رد: وانت رايح كثر الفضايح *_*
وفيه واحد ماشاء الله عليه مو سهل في المنتدى رفع تقييمي اليوم بستمائه نقطه مره وحده يعني شخص واحد عملي تقييم ومره وحده وارتفع تقييمي من 700 الى 1300 وعاد المشكله ماكتب اسمه عشان اتشكره :d5: وهاذا يجعلني ان شاء الله احاول اكتب اكثر والله يسعدكم |
رد: وانت رايح كثر الفضايح *_*
ونرجع عاد لسالفتنا الأولى وبعد ماجلست وحسيت اني منهان من هالشويب الي متكي عندنا اكتشفت بعدها ان هالشايب يصير ابوي :71: عاد وش اسوي وانا وش عرفن توي طالع وماعرف شي وبعدين وش هالأبو الي يذب على ولده وين عطف الأبوه وين الرحمه والشفقه يالله الشكوى لله وشوي الا تجي امي وتسدحن على بطني وتكب على ظهري بودره قلت افا حتى انتي يايمه وش هالعائله الزاحفه وش الي قردن وأطلع عندهم والله لو اني طالع كنغر أصرف المهم قلت بس شكلهم من يوم حطوا البودره ناوين يفرقون على ظهري ويلعبون كيرم :hahahahahah: ويوم شفت الوضع تأزم وارتفع ضغطي قلت مالي الا اني انام وان شاء الله يحلها الف حلال |
رد: وانت رايح كثر الفضايح *_*
حياكم الله جميعاً واليوم الخميس وان شاء الله الجميع مبسوط ومروق والله يبعد عنا وعن الجميع ضيقة الصدر والهموم ويالله بحاول اتذكر تكملة السالفه ( تخبرون تراها قديمه انا تراني من الأولين *_* ) والله يومي صغير أذكر ( هاذي جد طبعاً ) اذكر وانا صغير كنت دايم اسمع سوالف بعدين يقولون هاذي سالفه من ايام الأولين عاد كنت متوقع ان الأولين شي عجيب واذكر استقعدت لأبوي اسئله ( يبه انت من الأولين ) ههههههههه وطبعاً أي واحد ماوده يكبر نفسه وانا متوقع ان الاولين يعني ناس معروف زمنهم ووقتهم ماكنت اعرف انا انها كلها كم سنه واصير انا من الأولين :hahahahahah: |
رد: وانت رايح كثر الفضايح *_*
المهم بعد ماصحيت من النوم وحسيت ان مافيه احد يلعب على ظهري قلت شكلهم شالوا الحبوب وملوا من لعب الكيرم عاد حصلت نفسي راكب من الوالد والوالده في السياره وداعسين بي قلت الله يسهل وأتنحنح والحمد لله فهمتها الوالده وتسد خشتي بقرقورة الحليب وبعدها اسمع الوالده تقول والله اني خايفه على الولد ( لايسخن ) فرد عليها الوالد وقال ماعليه ان شاء الله لازم اليوم نقطعه يوم سمعت هالكلمه وتخنقن العبره قلت وين من جد وش هالعائله المهابيل يالله وش هالحظ الدمار الي طلعن عندهم مامدان اعيش توي مالي الا كم يوم طالع لدنيا عالطول بينهون حياتي ماتهنيت بهالدنيا ابد وماشربت ببسي ولا فحطت ولا سويت شي يعني حرام عالطول اروح فيها المهم قلت مالي الا اني انحاش واحاول احرك هالرجلين الا مافيه امل يتحركون قلت شكلهن معكوسات او اني ماعرف اشغلهم وش الحل ياولد مالي الا الصبر وصلنا لمكان ونزلنا ودخلنا واسمع مصري داخل يقول بسم الله ( طراااااخ أكلتك امك يافتى ) الله يرجه هالمصري جالس ( يطهر بزارين هالعالم عند الباب بدون ماتدخل المستشفى *_* ) وتمت العمليه ورجعت مع اهلي وانا زعلان عليهم بس مبسوط اني مازلت موجود قلت عاد مالي الا اني انام شوي ونمت واخذت لي قيلوله :106: |
رد: وانت رايح كثر الفضايح *_*
اليوم السبت سمعنا ان اليوم رح تبداء بخروج النتائج والى الأن لم يخرج شي والله يجيب العواقب سليمه *_* |
رد: وانت رايح كثر الفضايح *_*
اسعد الله اوقات الجميع على كل خير نرجع لمحور حديثنا وبعد مامضت بضع سنوات وانا مازلت صابر عند هاذه العائله الزاحفه *_* المهم خرجنا في أحد الأيام في نزهه بريه ( طالعين للبر ههههه ) المهم هالسالفه بعد مرور بضع سنين يعني تقريباً وانا عمري خمس سنين فاحتجت قضاء الحاجه في الليل وقبل الروحه وبعدها رحت وهم يشيلون العفش عاد وانا معطيهم ظهري وماخذ راحتي فجاءه اسمع صوت السيارات يمشون في البدايه ماصدقت والتفت عليهم الا والله ماشوف الا غبرتهم :sdfgdsf::sdfgdsf::sdfgdsf: لا ومن زين الطبايع اسمع صوت الكفرات يفحطن وهم داعسين ( مافيه وقت :71: ) المهم واخذ اقرب شي بيدي عشان اناديهم وصار شكلي كذا :53: طبعاً لكن الوجهه مثل كذا ----------> :mad: ان لله من جد طفشت وفكرت اني أهرب في الأدغال افضل من اني ارجع لهم جد قلت انحاش واروح وياكلوني ( الأسود والفهود ) ومارجع لهم ( متأثر بماوكلي ومتوقع فيه بلاوي في البر ههههههه ) المهم والحمد لله وانتبهوا لي وانا مازلت اناديهم وشكلي كذا -----------------> :53: عاد الحمد لله رجعوا يوم وصلوا عندي ماصدقت من الفرحه واسمع ابوي يقول غط نفسك ( يالخبيث المخبث ) قلت افا وش السالفه :(107): وانتبه الى الفوطه الي قاعد اناديهم فيها صارت سروالي :mh318: بس في لحظة الهروب الكبير وانا ماخذ راحتي مادريت بنفسي واخذت اقرب شي عندي عاد لبست ورحت ركض لهم وقلت اعاتب امي يايمه وين الي يقولون حنان الأم والي يقول ان الأم تحس بولدها :Cry111: قالت اقول تلايط ( طراااااااااااخ ) ومادريت الا راسي مفتر وخدي راح اخذ لفه ورجع قلت هاذا وانا الحين ضايع بدال ماتفرحون انكم لقيتون اه ياليتي رايح للأدغال ولا رجعت لكم :bawling: عاد ركبت معهم وأخواني الي يضحك علي والي يقول ياليتنا مارجعنا لك من جد حسيت لو اني منخلق ضفدع والله اصرف خخخخخخخخخخخخخخ وبعدها أخذت لي غفوه ونمت وانا مقهور وعلى اعصابي :106: |
رد: وانت رايح كثر الفضايح *_*
مع التحيه والله يحييكم جميعاً والله يسهل على الجميع النتائج وان شاء الله رح نرجع لمحور حديثنا قريباً :53: |
رد: وانت رايح كثر الفضايح *_*
هلا بكم وبعد مادعست شوي بالحياة وزادت الأيام والسنون وبعد ماطفشت من الجلسه في البيت وحياة العاطلين وبعد ماصار عمري سبع سنوات قررت وبكامل قواي العقليه اني أسجل بالمدرسه وأدرس اولى ابتدائي يالله الشكوى لله ندرس المهم كان معي من زود القراده في نفس الفصل واحد نفس اسمي الأول وطالب ثاني نفس العائله مادري صراحه شكيت في البدايه انهم ناوين على شي كنت متوقع ان أسمي يصير لي الحالي :hahahahahah: عاد قلت مالي الا اني اصادقهم عشان اكشف اسرارهم ( لاحظوا اني في اولى ابتدائي ) :53: المهم من ضمن الأحداث في نهاية السنه ومع الاختبارات النهائية ( عندنا اختبارات ماكان فيه تقييم الله يخلف علينا مكروفين من يوم صغر اصابعنا ) وبعد ما أختبرت احد المواد لاحظت ان الشخصين المذكورين اعلاه الي يحاولون يتشبهون بي ماختبروا معنا وعاد قلت الشكوى لله الجوع مشكله ( الله يرجهم مفاختين وهم اعمارهم سبع سنوات يعني من جد تحس ان الانحراف موجود لكن تنقصهم الامكانيات ) :cool: وبعد ماختبرت وانا طالع من المدرسه وداعس للبيت صار ان المدرسه أخطئوا في اسماء الشخصين الأغبياء الي وهقون وفاختوا عن الاختبار وطبعاً اول مره تصير في الشرق الأوسط طلاب اعمارهم سبع سنوات وينحاشون عن اختبار نهائي بعد :hahahahahah: وقام المرشد الطلابي واتصل على ابوي وقاله اني ( هارب ) وماحضرت الاختبار جمع اسم الغبي الأول ومع عائلة الغبي الثاني وشكله يحسب الشغله شامبو اثنين في واحد واتصل على أبوي انا ( او ان الزكرت راحوا للمشرف وهددوه وراح وهقني انا :mad: ) واتصل على ابوي ويجيك ابوي مقلع للمدرسه اول مره يسرع كذا يوم اخوي يكلم عليه بلحظة تفكيري انا الخروج من الوالده والبدء بالحياة ماجاء مسرع كذا ( ياحبه للشر *_* ) وانا كنت توي طالع من المدرسه ووجهي فيه الابتسامه البريئه وانظر للحياة بنظرة تفائل وشفت طير جائع يطير في الجوار واجي وامد أصبعي الصغير الجميل له لإتلقفه قبل ان يسقط من الجوع وبعد ماهبط على اصبعي وانا اخاطبه ( وانامتأثر بكتاب المطالعه حقنا ) واقول له ماذا اصابك يا عصفور ياجميل وهو قاعد يبلع ريقه يبي يرد علي وافتح سحاب الشنطه وادخله فيها واصك عليه خخخخخخخخخخخخخخخخخخخخخخخخخخخخخخخخخخ وأكع ضحك عليه هالغبي هاذا خخخخخخخخخخخخخ واكمل لكم ان شاء الله الجزء الثاني فيما بعد |
رد: وانت رايح كثر الفضايح *_*
مداخله للجميع ماهو رأيكم بالبنات الله يهديهم الي يسبون ( سراويل ) الشباب ؟؟؟ |
رد: وانت رايح كثر الفضايح *_*
عشان تعرفون كيف السروال مهم في حياة الشعب السعودي الكريم شاهدوا هاذا الرابط http://www.youtube.com/watch?v=yZDN6...layer_embedded خخخخخخخخخخخخخخخخخخ الله يرجهم والله ان الشعب عندنا منتهي من جد مهابيل والله ان ابو سروال هاذا مهبول ومنتهي عرفتوا الحين يا بنات وش فايدة السروال لا ومن زين الطبايع بعد مانتهت العمليه بالنجاح قعد يلبس سرواله وقدام العالم خخخخخخخ |
رد: وانت رايح كثر الفضايح *_*
والسؤااااااال الغريب من جد كيف استطاع السروال ان ينقذ الجميع من النار ؟؟؟ وهل أصبح السروال الظاهر في الفيديو أغلى من وزنه ذهب بعد ان استطاع ان ينقذ السياره ؟؟؟ وهل يوجد مخلوق في العالم أجمع يكون بمستوى ذكاء ذلك الشاب السعودي المكافح الذي يستطيع أن يوظف جميع امكانياته في خدمة المجتمع ؟؟؟؟ :hahahahahah: |
رد: وانت رايح كثر الفضايح *_*
عاد تخيل تجي تدخل محل وتحصل الشخص الواقف امامك هاذا [BIMG]http://img102.herosh.com/2011/06/15/291940548.jpg[/BIMG] خخخخخخخخخخخخ شعب منتهي ابو سروال هاذا رايح فيها خخخخخخخخخخ |
رد: وانت رايح كثر الفضايح *_*
طبعاً ياشباب لا تحسبون اني اتمهزئ في خلق الله لا اعوذ بالله فقط للمداعبه وكلنا عيال آدم ولافرق بينا والله يحفظ الجميع ويخليهم لأهلهم وفوق كل هاذا اهم شي الصحه والعافيه والحمد لله الي ياكل ويشرب وينام فهو في أكبر نعمه والله لا يؤاخذنا بما فعلنا ( سبحانك اللهم وبحمدك ، اشهد ان لا اله الا انت ، أستغفرك وأتوب اليك ) |
رد: وانت رايح كثر الفضايح *_*
وان شاء الله اكملكم الجزء الثاني من قصتي في وقت قادم وموفقين |
رد: وانت رايح كثر الفضايح *_*
واسعد الله اوقات الجميع في صباح هالجمعه المشرق
والله يوفق الطلاب الي مازالوا يختبرون ويوفقنا احنا الى انهينا الاختبار ويوفق الي ماودهم يختبرون *_* |
رد: وانت رايح كثر الفضايح *_*
من اكثر المواقف احراج اذا صرت مثلي ماحب شي اسمه مقاطع وقلق في الجوال وأكره شي اذا جاني واحد من الشباب وقال شف هالمقطع ويعطيني جواله والمشكله اذا صرت ما أمون عليه عشان أخذ جواله ( وأرميه ) مع الجهه المقابله *_* من جد ماحب نهائياً الجوالات والمقاطع والقلق هاذا كله وعاد الحين قبل ثواني واحد من الشباب الله يهديه غثني في الدوام كل شوي شف هالمقطع شف هالمقطع والمشكله اني اضحك له مجامله وانا ماشوف شي :017: الله يستر لا يطب علي الحين ويشوف ردي هاذا هههههههههه :53: |
رد: وانت رايح كثر الفضايح *_*
تخيل انك في لبنان ومسافر على طرقهم السريعه وش تتوقع رح تكون اسماء المدن عندهم ؟؟؟ تخيل وانت تمشي تحصل مكتوب عين التينة جبل الزيتون عين الرمانة برمانا إقليم التفاح تل الزعتر نبع الصفاء بنت جبيل مارون الراس عيتا الشعب بيت مري وادي شحرور وادي الزهور دارةالحلوين ديرالقمر حوض العسل ياسلام ياخي تحس انك تتمشى في جنة الدنيا طيب تخيل انت تمشي في طرقنا :mh12: اول شي طبعاً لازم تسمي بالله قبل ماتمسك الخط وتحصل مكتوب قدامك أم الجماجم أم العقارب أبا الدود لبخة داحس جفن ضب خميس مشيط عرقوب البقر مزعله قيصومة فيحان أذن الحمار نفي أم الهوشات حصاة بن حويل أم العراد أم الشفلّح الخَترشية الأثلة صُمَخ جَرَب نجخ كِتنَه سراة عبيدة النّغبقّه بَقعا أبلق عريفجان خريمان ساحوق الشبحة يعني من جد تحس انك تتمشى بين جن *_* |
رد: وانت رايح كثر الفضايح *_*
اسعد الله اوقاتكم جميعاً يالله انك تحييهم دخلنا المدونه بعد مانقطعنا عنها لبعض الوقت وتفضلوا الله يحييكم :smile: |
رد: وانت رايح كثر الفضايح *_*
كركتير قووووووي صراحه عن الصجه الي صايره الأيام هاذي [BIMG]http://www.mlfnt.com/lives4/13079121061.jpg[/BIMG] والله مشكله بعض النساء الي يريدون المشاكل لأنفسهم *_* |
رد: وانت رايح كثر الفضايح *_*
موقف مضحك صار قدامي قبل فتره طبعاً في العمل توظف عندنا واحد جديد وعاد الله يهديه هو من النوع الي يحب يخوف ( العمال *_* ) وعندنا القهوجي بنغلاديشي فكان كل شوي يدق عليه جب شاهي وبصوت عالي يبيه يخاف منه :hahahahahah: والمشكله ان هالموظف الجديد مو طويل وجسمه نحيف مره:000: فمره دخلت على المكتب الي هو يجلس فيه واسمع صوت مهاوش :sdfgdsf: وادخل بسرعه واحصله هو يتهاوش مع البنقالي والي فهمته ان العامل جاب لهم الشاهي هو ومعه بعض الشباب عاد أخينا في الله يبي يسوي طرزان قدام الشباب وقام دف العامل شوي وطاح كوب شاهي من العامل وأنكسر وهو كان مليان فقفلت مع ابو بنقل والشباب يضحكون شوي صار وجه العامل كذا :mad: ويقوم الشخص المغضوب عليه يهاوش العامل بعد :017: فعاد وقتها انا كنت توي داخل بعد ماسمعتهم يتهاوشون شوي والله العامل يحط الصينيه الي معه ويلقط الرجال ويدفه بقووووووه وهو وراه الكرسي :hahahahahah: ويجيكم اخونا في الله مقلع على ورى وعلى الكرسي ويتقلب وينعفس ويطيح وبشكل مضحك :71: انا صراحه ماقدرت امسك نفسي وأكع ضحك عليه والشباب تسدحوا والي زاد الطين بله قام مسرع وشماغه طايح وحالته حاله ويسب يابن ........ والله لأسوي فيك يا ...... ويروح للعامل مسرع الا العامل مسدد له واحد وملتف مره ثانيه على نفسه وخابط على وراه ونتسدح ضحك عليه هالمهايطي الغبي ههههههههههههه طبعاً عاد قدرنا نخفف الضحك شوي ونفكهم والمشكله اني بعد مامسكت الرجال المغضوب عليه وهو يقولي فكن عليه فكن عليه وعاد صراحه رحمته ولا كان تركته عشان ياخذ له كف ثاني ههههههههههه بغيت اقوله يارجال اهجد لا تنطق بس الرجال معدوم راح فيها والعالم يضحكون عليه هههههههههه فمن جد الي يصارخ على الضعيف دائماً تجده هو الضعيف |
رد: وانت رايح كثر الفضايح *_*
اسعد الله اوقاتكم بكل خير واعتذر رح انقطع عنكم كم يوم وان شاء الله اعود في اسرع وقت ( لظروف لم أجد صندوق اضعها فيه *_* ) وموفقين |
رد: وانت رايح كثر الفضايح *_*
السلام عليكم وعدنا ولله الحمد وان شاء الله نشغل المدونه من جديد وويلكم يا احلى اصدقاء |
رد: وانت رايح كثر الفضايح *_*
السلام عليكم من جديد والله وراح المستوى الأول بخيره وشره ولله الحمد سبحان الله ما أسرع الأيام وانا داخل اشوف منتدانا حصلت الطلاب الجدد يسئلون وتذكرت أول الأيام لنا وحنا تونا داخلين ومحيوسين وعاد صراحه بغيت ( أهبل ) بالمستجدين شوي لكن رحمتهم :33_asmilies-com: ايام تمر ويامصبر الموعود ( ياليت أحصل واحد يبيع لي شهاده وأفتك ههههههههههه ) |
رد: وانت رايح كثر الفضايح *_*
الله يادنيا يازين أيام أول كانت الحياة ممتعه وهادئه وبريئه والصوره الي تحت تذكرني بذيك الأيام [BIMG]http://imagecache.te3p.com/imgcache/8ce2ad54e319fe6acdecb12a367dc10a.jpg[/BIMG] خخخخخخخخخخخخخخخخخخخ من جد ايام اول زحف انا وواحد من الشباب والمشكله انه يولع في مناديل ويدخنها ويقول ( والله خرمان خخخخخخخخخخ ) والله من الفقش بعد |
رد: وانت رايح كثر الفضايح *_*
بقولكم السالفه هاذي الي صارت لي بعد الاختبارات حسيت بضيقه بصدري وماقدرت انام ياولد وش فيك وش الحل عدل غير ماش أنسدح فجاءه بصاله أبي عشان أفاجئ نفسي وانام برضوى ماش المهم رحت لشيخ يقرئ قلت نشوف وش صاير ويجي ويعطين مويه قال هاذي قاري فيها اشربها ومايجيك شر اخذت المويه واقلالالالالاع على البيت دخلت البيت وعاد عندي حوض سمك يوم جيت وأحصل السمك قاعد يدور في الحوض وبرضوى لهم فتره ماجلسوا بس دوران قلت شكلهم مثلي من زمان ماناموا واشوف الا القرش قاعد ( ينادين ) ويقول يالحبيب عطشان عطنى مويه من الي معك قلت اجل تستاهل وافتح حوضهم وأصب عليهم المويه وأغفل عنهم شوي الا وأحصل السمك صافين بيصلون واسمع القرش يقول الله أكبر قلت ماشاء الله أجل الشيخ جاب مفعول ( وأسلموا السمك خخخخخخخخخخخخخخخخخخ ) قويه هاه *_* |
رد: وانت رايح كثر الفضايح *_*
اسعد الله صباحكم بكل خير الحمد لله سجلت اليوم المواد للمستوى الثاني والله يوفق الجميع يارب المواد الي سجلتها رياضيات 2 اقتصاد كلي محاسبه 2 نظم معلومات عقيده اسلاميه تقنية المعلومات ست مواد والله يوفق يارب *_* |
رد: وانت رايح كثر الفضايح *_*
اهلا بالجميع
رح نعود ان شاء الله من جديد مع عوده الدراسه |
رد: وانت رايح كثر الفضايح *_*
وهاذي بعض المقتطفات من جلستي مع الشله خخخخخخخ يقولك فيه نصراوي طاح بالحمام رفع يده يبي بلنتي *_* ويقوللك فيه محشش قاله ابوه ياولدي ابي اخطب لك وازوجك على ذوقي قاله لالالا لاتخطب لي ولاتزوجني اصلا من شفتك متزوج امي غسلت يدي منك هههههههههههههههههه 00000000000000 ورايح اكمل السهره وراجع لكم ان شاء الله *_* |
رد: وانت رايح كثر الفضايح *_*
مرحباً بالجميع اذا كنت تشتغل رجل أمن وطفشت من كثر ( القطاوه ) الي يدخلون في موقعك فماهو الحل المناسب لهم http://www.youtube.com/watch?v=op1Dl...layer_embedded مالهم الا الحل هاذا هههههههههههههههههه |
رد: وانت رايح كثر الفضايح *_*
طيب ماسمعتوا عن آخر خبر يقولون ان فيه شلة بنات جايبين معهم حاشي للجامعه عشان يتغدون عليه لكن انحاش وخلاهم شوفوا المقطع http://www.youtube.com/watch?v=2EsAG...layer_embedded هههههههههه |
رد: وانت رايح كثر الفضايح *_*
امس رحت اشتريت دجاج الوطنيه ولكن للأسف أنضحك علي بدجاجه صارت مغشوشه شوفوا وش حصلت [BIMG]http://www.9o9i.com/upfiles/0xn32050.jpg[/BIMG] *_* |
رد: وانت رايح كثر الفضايح *_*
اهلا بالجميع ياجماعة الخير صحيح الي يقولون ان فيه قمر صناعي رح يخبط علينا اليوم الفجر الله يستر عاد توي مغسل السياره ( هاذا أكبر همي هههههههههههههه ) [BIMG]http://www.alanba.com.kw/AbsoluteNMNEW/articlefiles/NM/228814-5p41.jpg[/BIMG] متوقف عن العمل من 2005 وحاليا يقترب من دخول الغلاف الجوي للأرض .. ناسا تقول بأنها لا تعرف موقع هبوطه بالتحديد .. وأنه سيحترق عند دخوله الغلاف الجوي .. وأن هناك إحتمال كبير أن تتمكن بعض القطع الغير محترقه من الوصول إلى الأرض .. وأثرها سيكون مدمر لو وصلت إلى مناطق سكنية .. لأن أثر الحطام سيكون على مساحة 800 إلى 500 كليومتر تقريبا .. عند نقطة دخول القمر للغلاف الجوي . القمر الصناعي عبر من فوقنا قبل قليل .. وكان لأهل مكة والمنطقة الغربية فرصة لرؤية القمر الصناعي . (( عبر عند الساعة 6 ونص مساء اليوم الخميس .. )) ----------- هذا الرابط لمن يريد أن يتابع مسار القمر المشؤم بشكل مباشر . http://www.n2yo.com/?s=21701 ======== فجر الجمعة عند الساعة 5 ونص .. سيعبر من فوق المنطقة الغربية .. (( وأحتمال كبير أن تكون تلك بداية دخوله لغلاف الجوي )) وبالتالي ستكون رؤيته واضحة جدا وهو يحترق ويتوهج .. متابعة ممتعة . المشكله انه قريب يعني قاعد يدور فوق المنطقه الغربيه الله يحفظ جميع المسلمين وعاد يقال ان ناسا رح تحدد قبل سقوط القمر بساعتين موقع السقوط |
رد: وانت رايح كثر الفضايح *_*
اسعد الله اوقات الجميع بكل خير من أسوء الصفات التي يتحلى بها بعض البشر هي ( الإنتقاد ) وصراحه انا الاحظ ان الكثيرين في مجتمعنا يحبون الانتقاد بسبب او بدون سبب تحصل الي يسرع شوي العالم ينتقدونه وهو عنده ظرف طارئ لكن فقط يحبون ينتقدون وهم أنفسهم تجدهم يسرعون اذا كانوا يرغبون بذلك وتجد عند النساء الي تحضر زواج ، فتجدها تبحث عن أي شي للإنتقاص من ( العرس ) فقط لتثبت للجميع ان زواجهم مو كامل وغيره وغيره الكثير في مجتمعنا للأسف ، وياليت كل من يفكر انه ينتقد ، يفكر أول شي بنفسه ويضع نفسه مكان الشخص الي رح ينتقده ليقيس عليه هل الموقف يستحق الانتقاد ام لأ ... ؟ |
رد: وانت رايح كثر الفضايح *_*
وهاذي قصه قصيره سمعتها وياليت الجميع يقرأها ( أنتقل رجل مع زوجته الى منزل جديد ، وفي صبيحة اليوم الأول وبينما يتناولان وجبة الافطار قالت الزوجه مشيرة من خلف زجاج النافذة المطلة على الحديقة المشتركه بينهما وبين جيرانهما ، انظر ياعزيزي إن غسيل جارتنا ليس نظيفا ،،، لابد أنها تشتري مسحوقاً رخيصاً ... ودأبت الزوجة على إلقاء نفس التعليق في كل مره ترى جارتها تنشر الغسيل ،،، وبعد شهر أندهشت الزوجه عندما رأت الغسيل نظيفاً على حبال جارتها وقالت لزوجها انظر ، لقد تعلمت أخيراً كيف تغسل ... فأجاب الزوج : ياعزيزتي لقد نهضت مبكراً هذا الصباح ونظفت زجاج النافذة التي تنظرين غسيل جيراننا منها !!!!! شاهدوا كيف الزوجه لحبها للإنتقاد أصبحت تنتقد وحتى وهي المخطئه لإتساخ زجاج نافذتهم ، ولكنها فقط تبحث عن سبب للإنتقاص من الأخرين وموفقين :106: |
رد: وانت رايح كثر الفضايح *_*
مع التحيه صباح الخير للجميع الحين وش الحل اذا رحنا لدوام وقابلنا الموظفين بعد اجازة اليوم الوطني هل نقولهم كل عام وانتم بخير والا كيف او نقول هابي بارتي تو يو *_* أو نغيب ونفتك وبس هههههههههه |
رد: وانت رايح كثر الفضايح *_*
مع التحيه
واسعد الله صباحكم بكل خير افتقدتكم وافتقدت المنتدى لعدة ايام لظرووووف :icon9: |
رد: وانت رايح كثر الفضايح *_*
طبعاً بقولكم السالفه ليش الغياب طال عمركم طلعت أتمشى وشفت بعض الشرق آسيويين ( يركضون ) وجري وحركات على أحد المواقع المخصصه لذلك عاد بيني وبينكم تحمست وانا ألعب رياضه في البيت عندي أجهزه لكن يعني على خفيف يعني في الأسبوع مرتين المهم قلت أجل بروح أجرب معهم ممكن أوسع صدر وأروح وبدون ما أسخن وهات ياجري وركض وصرت يومياً اروح هناك عشاني ماخذ اجازه من العمل وفاضي المهم جاء يوم وحسيت في الآم خفيفه وللاسف أني أستمريت ووزاد الألم علي وركبتي ( ورمت :icon9: ) صار ركبتي أنثنت ( ألتفت ) واستمريت أركض عليها وصارت لي مشكله فيها المهم بعدها زاد الألم وصرت ماقدر أمشي عليها وعالطول على أقرب صناعيه أأأأ اقرب مستشفى *_* وصار فيه ( رضه بالركبه ) وعاد أنقطعت عن النت صار مالي خلق لشي والحمد لله اليوم أحس أني أفضل ( تكفى يا فقيد الرياضه :hahahahahah: ) وان شاء الله قريباً راجع للفلبينيين أكسر روسهم :mh35: وويلكم للجميع :106: |
رد: وانت رايح كثر الفضايح *_*
يقولكم فيه عائله زاحفه جابوا شغاله وصارت محششه *_* المهم الأم قالت لها يالحبيبه ترانا نحط الفطور الساعه سبع الصبح قالت الخدامه أقولك مع نفسك واذا ماصحيت الساعه سبع خلاص أنتوا كولوا لا تنتظروني خخخخخخخخخخخخخخخ |
رد: وانت رايح كثر الفضايح *_*
طيب يقولك فيه محشش مسافر يوم رجع من السفر لقى مرته حامل سألها وشلون حملتي وانا مسافر ؟؟؟ قالت : جلست مع حوامل وصرت حامل مثلهم *_* !!! وبعدها راح المحشش لأخوياه وتثاوب واحد منهم ، وتثاوبوا كلهم وراه قال : يالله بغيت أظلم هالمسكينه خخخخخخخخخخخخخ لا عاد المصيبه اذا عينوا محشش في مباحث الحرم وبعد التعيين جالس الرجال يتابع الموجودين في المسعى آخر شي ألقى القبض على واحد وقاله وش عندك رايح جاي خخخخخخخخخ :106::106::106: |
رد: وانت رايح كثر الفضايح *_*
السلام عليكم وكيف حالكم قريت قصه وصراحه جداً أعجبتني وحبيت اذكرها لكم وهي عن ( أغرب حالة أنتحار في العالم ) وطبعاً نستفيد منها بعدة نقاط ندخل في الموضوع طبعاً قصه أجنبيه القصه : كان يوجد شخص أسمه ( جورج ) قرر الانتحار وذلك برمي نفسه من سطح العماره التي يسكن بها صعد جورج الى الدور التاسع ومنه الى سطح العماره وأخذ يتأمل في السماء وعزم على الانتحار ( ولم يكن يدر بخلده أن مصممين المبنى كانوا قد وضعوا شباك للأمان لمنع من يفكر بمثل فعلته ) المهم صعد جورج على سطح المبنى ورمى نفسه وسقط من فوق الدور التاسع وكان شباك الأمن تقريباً من أمام الدور الرابع وهو يسقط والشباك تستعد لتلتقفه حدث اطلاق نار من الدور السابع وخرجت الرصاصه من شباك الدور مسرعه وصادفت الأقدار أن تكون في نفس لحظة مرور ( جورج ) من الدور السابع وأصابت الرصاصه ( رأس ) جورج وفارق الحياة قبل أن تلتقفه شباك الأمان وسقط على الشباك وهو متوفي وكانت المصادفه الغريبه وتم اكتشاف الجثه وحضرت دوريات الأمن طبعاً بعد ماتهشم رأسه فالجميع توقع أنه قد تم اطلاق النار عليه وتم رميه بفعل فاعل وبعدها تم البحث في كميرات التصوير عن من دخل الى العماره وصعد الى السطح وتم مشاهدة جورج وهو يدخل الى السطح ولوحده ولم يدخل أحداً معه وتم التقاط صوره له وهو يرمي نفسه بنفسه من على سطح المنزل ولكن كانت ستلتقطه شباك الأمان فكيف وصل الى الشباك وهو مقتول ويضرح بالدماء !!! فتم الكشف على الجثه وأكتشف أن الرصاصه التي أصابت ( جورج ) مسجله برقم والرقم يخص مسدس يخص رجل يسكن الدور السابع ولكن كيف يحدث وهم شاهدوه يرمي نفسه من السطح وهو لم يصب بإذى تم الذهاب الى الشقه التي يسكنها صاحب المسدس وكانت المفاجاءه التي سأذكرها لكن ان شاء الله في وقت لاحق ( زيادة تشويق :oao: ) وطبعاً القصه قريتها مختصره وعاد انا حبيت أضيف عليها بعض التشويق وموفقين |
رد: وانت رايح كثر الفضايح *_*
السلام عليكم طبعاً اخواني واخواتي ترى القصه حقيقيه وليست من نسج الخيال وانا فقط احاول اضع عليها بعض الاضافات ولكن هي صايره بالفعل لكن الأن عنوان القصه هي عن أغرب حالة انتحار في التاريخ والي قرى القصه يشوف ان ( جورج ) عندما حاول الانتحار ورمى نفسى من سطح العماره كانت الشباك رح تلتقفه ولن يصاب بإي أذى ولكنه قتل من طلق ناري خرج من أحدى النوافذ فمعناها ان القتل تم عن طريق شخص آخر ولكن كيف سجلت القضيه على انها أنتحار !!! تابعوا معنا لتعرفوا ذلك ( أخس يالأكشن ) هههههههههههه :(269)::(269)::(269): |
رد: وانت رايح كثر الفضايح *_*
السلام عليكم واسعد الله صباحكم بكل خير نرجع لمحور حديثنا عن قصة أغرب حالة انتحار في التاريخ طيب وقفنا عند انه تم اكتشاف ان الطلقه خارجه من نافذه في الدور السابع وانه هي من قامت بقتل جورج وتم الذهاب الى الشقه ليتم الاكتشاف ان من يسكن الشقه رجلين عجوزين دائماً يتشاجران وجيرانهم غالباً مايشتكون من خروج اصواتهم وبعد ان تم التحقيق معهم قال الرجل انه دائماً الشجار مع زوجته وانه دائماً يهددها بإطلاق النار عليها ولكنه متأكد من ان المسدس يكون فارغاً من أي طلقات وان الطلقه التي خرجت من شقتهم وأخترقت رأس الضحيه كان هو من أطلقها بعد ان كان يظن ان المسدس فارغ واراد تخويف زوجته فتم التحفظ على العجوزين لانهما تم اتهامهما بقتل ( جورج ) وحتى لو كان عن طريق الخطأ فجورج كان ستلتقفه شباك الأمان والرصاصه التي خرجت من شقة العجوزين هي من أنهت حياته ومع التحقيق مع العجوزين وبعد أن اصرأ أن مسدسهما كان فارغاً من الرصاص والعجوز متأكد انه دائماً يهدد زوجته ولكن كيف وصلت رصاصه واحده الى المسدس ؟؟؟ ومع التحقيقات قال أحد أقارب الزوجين أن ابنهما قد صرح له في وقت سابق أنه سأم من والديه بسبب قطع مصروفه منهم وأنه ينوي أن يحشو مسدس والده برصاصه لعلمه أن والده دائماً يهدد والدته فأراد أن يقضي عليهم بأن يطلق الوالد على والدته ، ومن ثم يتم القبض على والده بحجة قتل زوجته !!! فتم توجيه اتهام الى أبن ( الزوجين ) بتهمة القتل لإنه هو المتسبب بهاذه الطلقه الغادره وبعد البحث عن أبن الزوجين كانت المفاجئه الكبيره ياللهول ، أن أبن الزوجين الذي وضع الرصاص في مسدس والده ليقتل به أمه هو نفسه جورج الذي رمى نفسه من سطح العماره فهو كان يريد ان يقضى على والديه بعد ان قطعا عنه المصروف ولتأزم حالته النفسيه ، ولكن شأت الأقدار أن يتأخر والده ويسأم هو من الحياة ، ويقوم برمي نفسه في نفس اللحظه التي يستعمل بها والده المسدس ويصاب بنفس الطلقه التي كان يريد قتل والدته بها فتم اقفال القضيه من الشرطه وتم الكتابه انها قضية انتحار لإن المتسبب بها ( جورج ) القاتل والمنتحر فسبحان الله شاهدوا كيف من حفر حفره لأخيه وقع فيه والله يعطيكم العافيه ان شاء الله أستمتعتوا بالقصه وموفقين :106: |
رد: وانت رايح كثر الفضايح *_*
وطبعاً نستفيد من هاذي القصه انه اذا الله لا يهينك ناوي تعمل مثل جورج فعليك أولاً أن تضع زجاج ضد الكسر على النافذه عشان اذا تم اطلاق النار عليك فتصطدم الرصاصه بالزجاج ولا تذهب لك ههههههههههههههههههههههه عاد تخيل وانت طاب وتشوف فيه شباك الأمن وفجاءه تسمع صوت طلق نار والرصاصه جايه مشوته لك وش رح يكون موقفك وقتها :hahahahahah::hahahahahah::hahahahahah: وموفقين |
رد: وانت رايح كثر الفضايح *_*
صبح صبح ياعم الحج
ومرحباً بالضيوف الذين يشاهدون محتوى الموضوع الآن : 3 ( الأعضاء 2 والزوار 1) المنفذ, حلم وآنتهى :106::106::106: |
رد: وانت رايح كثر الفضايح *_*
حكمة محشش عزيزتي الفتاة : كيف تعرفين مدى رشاقتك ؟؟؟ قفي قبل الاستحمام مستقيمه وأنظري للأسفل 1- إذا رأيتي ركبتيكي كامله فأنتي رشيقه 2- إذا رأيتي نصفها فأنتي مليانه 3- إذا رأيتي ربعها فأنتي متينه 4- إذا لم تتمكني من رؤيتها ؟؟؟ طنشي وكملي أستحمام وحذراي من مشاهدة ( المرآه او المنظره ) فأنتي برميل يمشي :hahahahahah::hahahahahah::hahahahahah: طبعاً وماننسى أن الجمال جمال الروح :106: وموفقين |
رد: وانت رايح كثر الفضايح *_*
يقولك في محشش دخل محل بيع اللحوم ( ملحمة ) المهم بعد مادخل دخلت عليهم بسه ( قطوه ) قالت ميااااااو قال للبائع عطها نصف كيلو لحم ، وأعطاها وبعدها قالت ( مياااااااااااااو ) قال للبائع عطها نصف كيلو نقانق ، وأعطاها خلص المحشش وطلع ، جاء ناداه صاحب الملحمه وقال وين فلوس اللحم والنقانق الي اكلته القطوه قال انا وش دخلي انا بس ترجمت لك هي وش كانت تبي تقول خخخخخخخخخخخخخخخخخخخخخخخخخخ |
رد: وانت رايح كثر الفضايح *_*
مرحباً للجميع لجميع المروقين قد شفتوا مارد يعرف وش تفكرون فيه طيب هاذا رابط فيه مارد يسئلك عدة اسئله وبعدين يستنتج الشخصيه الي تدور في بالك تفضلوا :106::106::106: مجنووووووووووون :hahahahahah: |
رد: وانت رايح كثر الفضايح *_*
السلام عليكم
وصباح الخير يافتاح ياعليم يارزاق ياكريم أنبرشت علي الانفلونزا في الايام الماضيه والحمد لله جت سليمه *_* |
رد: وانت رايح كثر الفضايح *_*
يقولك فيه مصري يشتغل مسوق المهم راح لشايب محشش وطق عليه الباب فتح له الباب وعالطول دخل المجلس ورمى ( تبن ) وقال بص حضرتك انا معاي مكنسه كهربائيه الحين بشغلها اذا مانظفت لك المجلس انا رح أكل التبن ده قاله الشايب طيب تبي تشرب معه ببسي او عصير قال المصري ليه يافندم قال عشان الكهرب طافي خخخخخخخخخخخخخخخخخخخخخخ --------------------------------------- طيب عاد يقولكم واحد يسأل زوجته لو مت تتزوجين بعدي :mh12: قالت : أكيد :mh001: قال وينام في غرفتي :Cry111: قالت مايبيلها كلام :mh318: قال ويلبس ملابسي:017: قالت لا ويييين هو أطول منك شوي جاااابت العيد خخخخخخخخخخخخخخخخخخخخخخخخخخ |
رد: وانت رايح كثر الفضايح *_*
صار موقف عندنا في العمل أمس مجنوووووووون هاذا عندنا واحد في العمل يحب المزح مرررره الله يهديه ومزحه جداً ثقيل وطبعاً عندنا مكتب الحاسب فيه عشر موظفين تقريباً وهو معهم لكن دائماً يجون يشتكون منه ومن مزحه الثقيل المهم فيه واحد خلاص قفلت معه منه هاذا أمس ومع وقت صلاة الظهر راحوا عشان يتوضون عاد صاحبنا المزوح دخل تكرمون الحمام ويجي الحاقد عليه بعد ماحس انه ( شال ملابسه ) وأخذ راحته ويجيب طفاية الحريق :71: وهي بودره وطبعاً مضغوطه مرررره داخل الاسطوانه ويدخل من تحت باب الحمام ( اللي ) حق الأسطوانه ويضغط ضغطه وحده بس لكن طويله شوي الا الرجال تسمعووووون صراخه وسبه :hahahahahah::hahahahahah::hahahahahah: انا ماحضرت الموقف كاملاً لكن يقولون انه فتح الباب وطلع غيمه بيضاء مغطيه الحمام كامل ولا يشوفون الشخص وعاد هو ( أسمر البشره ) شوي يوم طلع وظهر من الابيض وصار كأنه رجال الثلج خخخخخخخخخخخخ المشكله انه كان تكرمون يقضي حاجته فلبس ملابسه بدون مايخلص وأختبص وجسمه أمتلى بودره وهو اصلا أسمر فصار شكله مثل الي يخرجونهم من انهيارات العمائر خخخخخخخخخخ عاد طلع لهم وهو يكحكح ورايح فيها هو يقول حسيت اني لو بلبس ملابسي بموت فبغيت أطلع لكن خفت أنكم مشغلين الكميرات تنتظروني أطلع وتصورون :hahahahahah::hahahahahah::hahahahahah: ويقول خفت أموت داخل الحمام وتصير موتتي شينه يقول ماودي تصير قلبتي داخل الحمام :71::71::71: لكن الحمد لله انه ماصار له شي ولا كان بلشنا فيه عاد ضاعت السالفه وحتى الحين مايدري هو من الي سواها لكن جد موقف مهبول صراحه والي عمله اشوفه مبسوووووط مره طلع حرته فيه خخخخخخخخخخخخخخخخخخ |
رد: وانت رايح كثر الفضايح *_*
ماهو أفضل حل لسمنه ، وأفضل حل لجعل السياره لا تشرب البنزين بسرعه طيب أولاً أسرع وأفضل حل لسمنه هو [BIMG]http://filesplus.abunawaf.com/2011-10/item-1318012306.jpg[/BIMG] أبد مالك الا تركب ( صمبوره هههههههههههه ) وخلها تطلع كل الزيوت الي داخل جسمك وأرتح وبالنسبه لأفضل حل لجعل السياره لاتشرب البنزين بكثره هاذا الحل [BIMG]http://upload.hawamer.com/d.php?hash=5O12EGNT33G2R7PQLKV54RFFWFCJF5[/BIMG] وبكذا تضمن ان شاء الله أن عداد البنزين ماينزل وموفقين خخخخخخخخخخخخخخخخخخخخخخ من أنتم من أنتم من أنتم |
رد: وانت رايح كثر الفضايح *_*
فيه بنيه سوداء تتمشى بالشارع ، شافت لها قطوة سوداء قالت البنيه يمه ، قالت القطوة ، مع نفسك حبيبتي ، ترى نفس الشعور حسيته لما شفتك خخخخخخخخخخخخخخخخخخ طيب ليش كل مشاكل البنات تبداء بحرف الميم مكياج مناكير مولات موضه مطاعم مسلسلات ماركات مرايات ملابس مكالمات مسجات ماعندي رصيد خخخخخخخخخخخخخخخخخخخخخ طيب يقولك محشش أغمى عليه ودخل العنايه بعد ماصحى ولقى الأجهزه عليه قام يأشر ويأشر للي حوله يسئلونه الدكتور والي عنده تبي مويه يهز راسه لا تبي أكل يهز راسه لا تبي كذا وش تبي المهم قال الدكتور يمكن يبي يقول وصيته خلنا نشيل الأجهزه عنه لمدة دقيقه فقط ونشوف وش يبي يقول بعد ماشالوا الجهاز سأله الدكتور خير إشبغيت قال: قل لأخوي يكتب في التوبك العنايه تايم خخخخخخخخخخخخخخخخخ طيب سؤاااال ليش يطلق علينا سعودي ؟؟؟ س = سريع الغضب ع = عيونه زايغه و = ودود عند المصلحه د = دااااااج ي = يلبس سروال وفانيله خخخخخخخخخخخخخخخخخخخخ من أنتم من أنتم من أنتم |
رد: وانت رايح كثر الفضايح *_*
التغيير ليش الأغلبيه يكرهون كلمة التغيير وليش الأغلبيه يخشون التغيير التغيير في كل شي مطلوب اذا كان لديك مجال للأفضل دائماً الأغلبيه يخشون التغيير وممكن لا يريدون تغيير روتينهم ويخشون من الفشل او المجهول لكن تجد بعد أن تجازف وتقبل بالتغيير فتجد نفسك مبسوط ومو متوقع أبد ان هاذه النتائج الي حدثت لك والتغيير مطلوب في كل أمر تجد فيه نقصان وتجد بدائل أفضل التغيير في روتين الحياة التغيير في الملبس وفي المأكل التغيير ممكن يطال اشياء كثيره وممكن تجد نفسك مضطر لهاذا التغيير جرب وغير كل ماتجد فيه نقصان لديك وستكون حياتك أفضل بإذن الله وللجميع :106::106::106: |
رد: وانت رايح كثر الفضايح *_*
مع التحيه وحي الله الجميع واحلى ربوع ان شاء الله يوم الربوع تزين الطبوع وتكثر نكت المحششين طيب يقولك ضابط الشرطه يحقق مع محشش ويقوله اذا التدخين ( محرم ) وش تتوقع يكون الحشيش قال المحشش اتوقع يكون ( ذو القعده ) خخخخخخخخخخخخخ قديمه صح خخخخخخخخخخ ------------------------ طيب يقولك طفله عمرها تسع سنوات سألت امها : كم عمر الميو ميو الي عندنا والي جابت أربع قطط قالت امها : عمرها ثمان سنوات فحطت البنت أيدها على خصرها وقالت ياسلام يعني أصغر مني وعندها أربع عيال مستعجله اختنا في الله على الشقاء خخخخخخخخخخخخخخخخخخ --------------------------- طيب محشش يقول لأبوه يا يبه قال أبوه : وحطبه خلاص خلصت النكته خخخخخخخخخخخخخخخخخخخخخ لا لحظه قال ابوه أخلص وش عندك قاله تدري يايبه وش وجه الشبه بينك وبين القمله قال أبوه الله يرجك وين احترام الوالدين مادرسوك بكتاب المطالعه كيف تحترم أبوك قال المحشش لحظه لحظه الشبه أن أثنينكم على راسي خخخخخخخخخخخخخخخخخخخ بغى يجيب الطعه هالمحشش لكن واضح أنه حكيم وصريح يعني معترف ان راسه مليان قمل خخخخخخخخخخ ------------------------ طيب لبناني جاب كيكه لمحشش قاله المحشش شلون سويت الكيكه رد اللبناني : هيدي من ( اختيصاصي ) قال المحشش تكفى قول لأختك صاصي تعلم أختي وضحى خخخخخخخخخخخخخخخخخخخ ----------------------- طيب من جد ليش السياره تسير والطياره تطير والسيكل ما يسيكل !!! طيب وليش الماشيه تمشي والطيور تطير والزواحف تزحف والسمك مايسمك طيب ليش نقول أثنين وعشرين وثلاثه وثلاثين وأربعه وأربعين ومانقول واحد وواحدين ليش ياناس ليش :71::71::71: محشش يحاول يفكر خخخخخخخخخخخخخخ |
رد: وانت رايح كثر الفضايح *_*
مع التحيه
واسعد الله اوقاتكم بكل خير طيب سمعتوا المسيحي الي دخل في مسجد ومعه سكين قال للمصلين من فيكم مسلم كلهم ساكتين جاء واحد شجاع وقام قال انا مسلم قاله المسيحي أجل تعال معي وراح وطلع معه وصار معه ذبيحه ويريده يذبحها حسب طريقة المسلمين المهم قاله المسلم انا بذبح لك لكن ماعرف أصلخ فشف لك واحد غيري يصلخها ذبح الذبيحه المسلم وراح جاء المسيحي دخل المسجد مره ثانيه ومعه السكين وهي تقطر دم وقال من فيكم مسلم والكل شافه وخاف وساكتين وكل الموجودين أشروا على الامام وقالوا هاذا مسلم قام الامام بسرعه وقال ايه ده يعني عشان صليت فيكم ركعتين خلاص صرت مسلم خخخخخخخخخخخخخخخخخخخخخخخخخ تحفه هالمصاري :hahahahahah::hahahahahah::hahahahahah: |
رد: وانت رايح كثر الفضايح *_*
السلام عليكم جميعاً واسعد الله اوقاتكم بكل خير وش اخباركم ان شاء الله طيبين والله من زمان عن المدونه ومنقطع عن المنتدى بعد *_* لكن تعرفون اشغال الدوام والبيت وجت الاختبارات والحمد لله تيسرت ومرحبا وحده فقط ( تخبرون أول أهل الجنوب عودونا يقولون مرحباً الف ، لكن يقولون ان العساف اتصل عليهم وقال ليش الاسراف فالترحيب وحده بس تكفي قولوا مرحباً وحده ليش ألف ) هههههههههههههههه عاد خفت اقولكم مرحباً ألف ينط علي العساف ويسوي لي سالفه زي ماسوى لأهل الجنوب *_* وموفقين |
رد: وانت رايح كثر الفضايح *_*
الذين يشاهدون محتوى الموضوع الآن : 2 ( الأعضاء 2 والزوار 0) المنفذ, بنت الشمري
يامرحباً ببنت عمي *_* ( اهل الطنايا ) :53::53::53: |
رد: وانت رايح كثر الفضايح *_*
هلا بكم طبعأً بقولكم سالفة المدرس المصري الي نشب لي بحياتي :sdfgdsf: هذا الله يسلمكم مدرس رياضيات قد جبته المستوى الأول وهو صراحه ممتاز من ناحية الشغل الي على الاله الحاسبه وتعرفون رياضيات المستوى الأول كله على الآله فصراحه أبدع وعاد أبدعت انا معه ولله الحمد في المستوى الأول:53: عاد مشكلتي وغلطة حياتي وعمري اني كلمته بعد ماطلعت نتائج المستوى الأول وقلت له أني الحمد لله جبت أحسن درجه في الرياضيات فعاد مسكها علي المصري المهم واتصل عليه قبل الاختبارت بشهر اول ماكلمته وانا ناوي اقول له اذا قربت الاختبارات تعال عالطول قال لا يالله بجيك الحين ( ان لله ) وش هالنشبه يارجال تونا باقي أكثر من شهر قال لا مايمدي لازم الحين مو انت قلت انك جبت في المستوى الأول في الرياضيات احسن درجه اجل الحين لازم اجيك بدري عشان تجيب احسن من درجة العام لو تبي اكثر من ميه بالرياضيات رح أخليك تجيبها (صار الأخ مشغوذ وغطى على نابليون *_* ) المهم قلت له لحظه شوي وبتصل عليك وانا صراحه مانب فاضي أجيبه قبل الاختبار بفتره طويله يعني مشغول وانا عاده أفضي نفسي بس بالاختبارات والمصري ماصدق خبر يبي يجي عالطول *_* عاد قلت له شوي وأتصل عليك هذا الكلام قبل الاختبارات بشهر والى يومكم ماكلمته خخخخخخخخخخخخخخخخخخخخخ لا وين اختبرنا وقضينا *_* أكملكم ان شاء الله بعد شوي وننننننننننننننننننننننننن |
رد: وانت رايح كثر الفضايح *_*
المهم نرجع نكمل سالفة المدرس المصري آخر شي يوم قلتله برجع اتصل عليك بعد شوي هذا الكلام قبل الاختبارات بشهر المهم قبل الاختبارات بأسبوع قلت بتصل على المصري الحين عشاني عارف انه مارح يفوت اي فرصة تدريس واتصل عليه أول مارد والله عالطول قال وينك يارجل يالله اجيك الحين ( ان لله هذا وش يحس فيه ) هههههه المهم قلت له اصبر يارجال عندي اختبارات ثانيه لكن مر علي عشان أتفق معك مامدان أسكر الخط الا الرجال يضرب بواري يقول افتح الباب انا صراحه شكيت انه اي واحد يتصل عليه عالطول يتجه له بدون مايقوله تعال *_* المهم دخلت الرجال وقلت له شف يامعلم أبيك تدرسن كل المواد ( حشى صارت دراسة ابتدائي *_* ) المهم قال انا حاضر يابيه رح أدرسك كل المواد ورح تاخذ أمتياز ان شاء الله ( ماصدق على الله هالمصري ) قلت له أقول مع نفسك مصدق أبيك تدرسن كل المواد والله لو أنك ( هتلر ) ماله دخل بس قهرني هههههههههههه من جد حدك رياضيات وخلاص ترانا ندرس جامعه مو ابتدائي أركد بس قالي خلاص نبداء الحين قلت يالحبيب انا وراي اختبار اليوم والرياضيات بعد اسبوع تونا عليه ومابيك الا قبل الاختبار بثلاث ايام قال يعني مايمدي منا ولا منا طيب ماتجيب جنيه ولا حاجه *_* قلت أقول أنسى ويالله ضف عفشك وتوكل المهم شوي ويرن جواله ويرد عليه اهلين يامحمد ، ايوه ، يالله انا جايك الحين ، ياراجل الحين عشان يمدينا ، يالله يالله جاييييك ويقوم ويطلع ويجحدن خخخخخخخخخخخخخخخخخخخخ عاد ارتحت انه طلع وعرفت عاد انه أي واحد يتصل عليه عالطوووول يروح *_* ونكملكم ان شاء الله باقي المغامرات مع هالمدرس |
رد: وانت رايح كثر الفضايح *_*
صباح الخير للجميع نرجع من جديد مع هالمدرسين المصاريه المهم بعد ماطلع من عندي وطبعاً عندنا أول اختبار ( العقيده الاسلاميه ) قلت في نفسي لو اقول للمدرس اذا يعرف أحد يدرس عقيده لو على الأقل شي بسيط وأتصل عليه السلام عليكم ، وعليكم السلام أهلين أجيك الحين ، لالالالا يابن الحلال :017::017::017: خلاص تراك طفشتني اصبر شوي تو اختباري ، أمل ليه متصل ، شف يا استاذ انا اعندي اختبار ماده اسمها ( عقيده اسلاميه ) وابي مدرس عشان على الأقل ترسخ كم معلومه ، قال اوووووكي خلاص ماتشيلش هم رح أرسلك مدرس أمل أيه رح يسيبوك مكان دكتور الجامعه مستقبلاً ، قلت خلاص هذا المطلوب أهم شي ننجح *_* وعاد أجلس أنتظر المدرس ، شوي يوم سمعت صوت السياره الي داخله الحاره وصوت الموسيقى الي تطلع من السياره المهم طلعت قلت شكله فيه عرس في الحاره خلنا نشجع معهم شوي :53::53::53: اشوف الا المازدا البوكس الخضراء الي صوتها أكبر من شكلها :000: والا الرجال الي يوقف عندي وينزل والزقاره في ايده سلامات وش السالفه :(107)::(107)::(107): شوي يوم قال أهلا يابيه منور منور قلت هلا خير وش السالفه قال انا مدرس العقيده الاسلاميه رح أعطيك دروس في العقيده بإذن الله رح تكون داعيه اسلامي :71: قلت وش السالفه الحين هذا مدرس العقيده الاسلاميه أغاني ودخان أجل لوي طالب مدرس موسيقى كان وش رح يرسلي المصري ممكن مريام فارس :lllolll::lllolll::lllolll: قلت أجل شف خلص زقارتك على بال ما اضبط الجلسه داخل قال اووكي وجهز لنا صحن فطاير وشندوشتات وهمبرقل وماتنساش خمس كبيات شاي و أربع قلت لحظه ماعليك تبي تحصل بوفيه مفتوح داخل بس أصبر علي وأدخل البيت وأرجف بالباب والله أدخل الغرفه وأصكه نومه قلت والله لو أسقط ولا أخلي هذا يدرسن هذا لو جلست معه كان أنحرفت وهو جاي يبي يدرسن دين هذا عز الانحراف لو جلست معه دقايق كان تحصل الهيئه يومياً تدور عندي :hahahahahah: عاد وتركته والحمد لله اعتمدت على الله ثم على البراشيم ( خخخخخخخخخخخخخخخ الي يشوفن يقول اعتمد على نفسه ) والحمد لله البراشيم ماقصرت معي :71: وعدينا أول اختبار بسلام وسلالالام يا أحلى اعضاء |
رد: وانت رايح كثر الفضايح *_*
ياناس ودي أعيش في اليابان كل شي منظم عندهم ومضبووووووووط وسريع مافيه قلق وتأخير حتى الصياح عندهم بسرعه بسرعه تصيح ثواني وتسكت خلاص تشوفلك شغله ثانيه شوفوا كيف يهبلوووون عيالهم [BIMG]http://imagecache.te3p.com/imgcache/025eab81144f9d8f2bb8fc379fa3c5e1.gif[/BIMG] شوفوا شلون عالطول تصيح وتسكت وخلاص انتهى الموضوع خلاص تدور شغل ثاني تسويه مو تضيع كل وقتها بصياح لا والظاهر تاكل شي بعد يعني أثنين بوقت واحد صياح وأكل مافيه عندنا تأخير يقعدون بزارينا ساعتين صياح وبعدها ساعتين تمسيح دموع ياسلام عليهم بس ههههههههههههههههههههههه :53::53::53: |
رد: وانت رايح كثر الفضايح *_*
حكم لم تعجبني هاذي حكم قراءتها ولكن لم تعجبني وهي ----------------------- الوساده تحمل رأس الغني والفقير ، والصغير والكبير ، والأمير والحارس لكن لا ينام عليها بعمق الا مرتاح الضمير ،،، ---------------------- اذا كرهت الدنيا بسبب شخص واحد ، فأنت كالذي أحرق بيت من أجل حشره ،،، --------------------- أعمل على أن يحبك الناس عندما تغادر منصبك ، كما يحبونك عندما تتسلمه ،،، -------------------- كلما أرتفع الأنسان ، تكاثفت حوله الغيوم والمحن ،،، ------------------- ملاحظه عاد أنتم مصدقين انها ماعجبتني *_* أكيد معجبتني ولا كان مانقلتها لكن حبيت أغير شوي من الروتين الي دايم يكتبون حكم أعجبتني ( طيب لو ما أعجبتك هل رح تنقلها ههههههه ) وموفقين |
رد: وانت رايح كثر الفضايح *_*
هلا بكم جميعاً
وصباح الخير طلعت اشاعه ان النتائج رح تعلن اليوم ولكن مافيه شي حتى الأن والله أعلم انها الاسبوع القادم عشان بداية تسجيل المواد في تاريخ 27/2 فأتوقع يتم اعلان النتائج قبل هذا التاريخ والله يوفقنا جميعاً ولا يضيع مجهود أي طالب :Cry111: وموفقين |
رد: وانت رايح كثر الفضايح *_*
مبرووووووك للجميع والحمد لله بفضل من الله وتوفيقه نجحت وعديت كل المواد طبعأً انا كنت ماخذ العقيده الاسلاميه ، المحاسبه 2 ، الرياضيات 2 ، الاقتصاد الكلي ، تقنية المعلومات ، نظم المعلومات والحمد لله عديت فيها كلها :53: |
رد: وانت رايح كثر الفضايح *_*
السلام عليكم جميعاً
يافتاح يا عليم كيف حال الجميع ودنا نطقطق شوي في المدونه والله يعيين على حلب الأفكار هههههههههههههه |
رد: وانت رايح كثر الفضايح *_*
سالفتي بعد مانسيت انا في أي مستوى في الجامعه السالفه وانا اخوكم اني من كثر ما أنا متابع الجامعه نسيت انا في أي مستوى :4: عاد ودي أدخل المنتدى عشان أروح للقسم المناسب لي :42: والمشكله منحرج من الأعضاء مادري وش أقولهم عاد قلت مالي الا أني أتصل على المدرس الي جبته الترم الماضي عشان اسئله وأتصل عليه الو : هو : ايوه نعم ياباشا أزيك يا راقل فينك تأخرت خلاص الاختبارات مابقئ عليها حاقه و قلت يارجال اصبر أي اختبارات ( قلت في نفسي الحين لو يدري اني ماذكر انا في أي مستوى أجل وش بيقول ) قلت يا أستاذ فتحي انتظر انا اتصلت بسئلك وين ملخصاتي حقت الترم الماضي ( ومسوي فيها معصب عشان تعرفون المدرس استغلالي حتى ملخصاتك ياخذها عشان يبيعها على غيرك :4: ) المهم قال ليه يا ساتر أستر انت مانجحت فيها قلت الا الحمد لله نجحت لكن نسيت فيها شي ( ماودي أقوله السبب ) وانا ناوي أشوف الملخص عشان أقرى الي على الغلاف وش مكتوب تخبرون يكون مكتوب مثلاً ( الرياضيات لصف الثاني جامعه ) :42::42::42: عشان اعرف انا كنت العام في أي مستوى ( لا عز الله رايح فيها هههههههههه ) المهم هو عاد خواف وعالطول قال كل شي قال بص يا باشا اصلا الملخصات طلبها مني قلت خلاص لا تكمل وبسئلك سؤال وجاوب بسرعه وبدون قلق قال تفضل تحت أمرك قلت انا في أي مستوى الحين قال شوف في الرياضيات دائماً نأخذ المستوى المعادل للخط قلت يا رجال روقنا انا اسئلك أنا في أي سنه دراسيه ياخوي تراي جاي وانا ناسي كل شي عن الجامعه قال تتكلم قد قلت اخلص والله ترى والله ما أعطيك الحلاوه اذا نجحت هههههههههههههههههه قال انت حالياً في المستوى الرابع قلت أكيد لا تفشلني قدام الرجال :42::42::42: قال والله قلت يالله فمان الله والحمد لله على كل حال :8: |
رد: وانت رايح كثر الفضايح *_*
مرحباً بكم من جديد بقولكم سالفتي انا وخويي ( قرقور ) بعد ماسجلنا في مركز رياضي سجلنا انا والمذكور أعلاه في مركز رياضي على أمل أن أشكلنا ( تزين شوي ) المهم دخلنا المركز أول يوم وكل المدربين ساحبين علينا اتوقع يقولون بينهم وبين نفسهم وش هالخلف الي جايه واحد شكله كنه فقمه والثاني كنه برطمان خخخخخخخخخخخخ المهم والله ومجحودين مره عاد صراحه بعدها انا عذرتهم عشان وانا أتمرن واشوف الي يتمرن قدامي قلت وش هالمعتوه الي كنه فقمه هذا المفروض مايدخلونه معنا في التمرين شوي يوم ألتفت الا خويي قرقور قلت الله يخسك والله أثرهم معذورين يوم سحبوا علينا عاد المشكله قرقور يتمرن ضغط وكل جسمه على الأرض بس يرفع ايده شوي ويقول كيف التمرين تخيلوا من جد شكله مثل هاذا [BIMG]http://2.bp.blogspot.com/_N4CQas1q8GU/TTX1uCIYJbI/AAAAAAAAALw/2tTJtbwEpFY/s1600/%25D8%25A7%25D9%2584%25D9%2581%25D9%2582%25D9%2585 %25D8%25A9+%25D8%25A7%25D9%2584%25D9%2582%25D9%258 A%25D8%25AB%25D8%25A7%25D8%25B1%25D9%258A%25D8%25A 9.jpg[/BIMG] خخخخخخخخخخخخخخخخخخخخخخ أبد نفس الصوره ونفس الخشه الفرق الوحيد ان الي في الصوره جاي قطعه وحده من رقبته الين رجلينه أما خويي لا جاي شوي مفصل تحس كنه نقانق بس ضخمه خخخخخخخخخخخخخخخخخخ وموفقين |
رد: وانت رايح كثر الفضايح *_*
أصبحنا وأصبح الملك لله
يالله صباح خير بقولكم بعد شوي سالفتي انا وقرقور أمس في المركز الرياضي فااااتكم نص عمركم :42::42::42: |
رد: وانت رايح كثر الفضايح *_*
امس كنت انا وخويي ( قرقور ) في المركز الرياضي الي قلت لكم أشتركنا فيه المهم بعد مادخلنا والموجودين كلهم يناظرونا ويقولون وش ( هالخلقه ) خخخخخخخخخخ واحد كنه فقمه والثاني كنه نقانق ضخمه :4::4::4: لا ومن زين الطبايع قرقور طفش من تمارين اللياقه وقال بروح أشيل حديد يوم دخل صالة الحديد الا هاذيك ( النعله ) الي جايه تمشي مليون في وجهه وصوت المدرب يقوله اطلع يا كعبول :12::44::12: خخخخخخخخخخ المهم شوي وانا جالس في صالة اللياقه يوم شفته جاي يسحب رجلينه قلت له تعال يا كعبول تراي سمعت كل شي ههههههههههههههههههه المهم ونركب على السير ( الجري ) ونبداء مشي سريع فيه ودعسنا شوي زياده المهم يوم جت الساعه 11 موعد حصة لياقه مع المدرب ويجي المدرب يصفر عشان يجمع ( الفقمات ) الموجودين عنده هههههههههههههههههه عاد قرقور بعد ماتهزء في صالة الحديد صار متحمس لتمارين اللياقه ويجي والله ويلف جسمه فجاءه وبدون أي مقدمات :4: على باله انه وقف السير ومستعجل بيروح للكابتن الاه عاد مسخوط عليه اليوم كله وصار السير ماوقف هو بس لف نص بطنه وباقي جسمه دار مباشره معه مثل ( الجلي ) يهز كله مع بعض هههههههه المهم وهو يلف عاد وهو يجري جمبي بالسير تسمع صوت نفسه شافط كل الهواء الي حوالينا :26: المهم يوم لف شوي وأسمع هدوء يخيم على المكان :42: وين الرجال الاه طاااار من السير هههههههههههههههههههه و ( يبنط ) على الأرض ويطيح طيحه وطلع صوت وهو طايح كنك جايب كيسه كبيره ومعبيها مويه ورابطه وراميها على درج والله ياهوو تخضض تحس انه شارب مسبح كامل سلامات سلامات وش فيك ولا رد علي يالحبيب يالبيب انت حي ولا مت واسمع صوت سحبة هواء من خشمه تقول مركب مراوح شفط عرفت وقتها انه مازال على قيد الحياة :41: المهم ويقوم ويطلع من المركز يالحبيب تعال نكمل قال خلاص انا اليوم أحس أني أكتفيت أي أكتفيت الا قل ( أنتهيت ) ههههههههههههه عاد راح الرجال لبيتهم ولا عاد يرد على اتصالي والله يستر هذا الكلام امس اخاف اليوم يسحب على في المركز ومايحضر بعد هالي صار :9: لكن الله يسهل والله انا خايف انه صار له شي لكن أحس انه من فصيلة الرخويات مايضره شي هههههههههههههههه عاد اشوف اليوم وش يصير واقولكم بكرى ان شاء الله :14: وموفقين |
رد: وانت رايح كثر الفضايح *_*
السلام عليكم جميعاً واسعد الله صباحكم وش أبشركم سجلت في تويتر ( على البركه ههههههههههههه ) :41: قديم أدري لكن الشكوى لله عاد المشكله مشغول وبشغل نفسي زياده فيه والاختبارات قربت :7: لكن الله يسهل واجواء حلوه الأيام هاذي الله يديمها :29: |
رد: وانت رايح كثر الفضايح *_*
بيني وبينكم
ماسجلت في تويتر الا عشان اتابع مجتهد :4::4::4: والله يجيب اخبار صراحه خطير على الأقل نعرف شي من بدري :13: يمكن يعلنون تمديد حافز او شي ( وانت وش دخلك فيه هههههههههههه ) |
رد: وانت رايح كثر الفضايح *_*
لكن بصراحه
خوذوها مني يا المستفيدين من حافز وأنتهت عليكم بإذن الله رح يكون فيه تمديد لكن اكيد الشروط رح تتغير لكن المهم انهم رح يمددون لكم ومارح تنقطع عنكم وموفقين :16: |
رد: وانت رايح كثر الفضايح *_*
مساء الخير للجميع
يقولون ان قحطاني تأخر على الدوام :4: سأله المدير ليش تأخرت :25: قال له : حلمت أن عندي ضيوف !!! وأستحيت أقوم من النوم وأخليهم :42::42::42: |
رد: وانت رايح كثر الفضايح *_*
منووووووورين يا أحلى زوار
الذين يشاهدون محتوى الموضوع الآن : 3 ( الأعضاء 2 والزوار 1) المنفذ, Doo3a_al3bbad :16::16::16: |
رد: وانت رايح كثر الفضايح *_*
أصبحنا وأصبح الملك لله يا معين يا فتاح ياكريم هاتوا الفطار يا أخونا السلام عليكم من جديد والحمد لله خلصنا من الاختبارات وهم وانزاح وعاد قلت بنسولف معكم شوي في المدونه والله يحييكم :16::16::16: |
| All times are GMT +3. الوقت الآن حسب توقيت السعودية: 10:24 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام