معدل الغياب في كلية الغد
السلام عليكم ورحمة الله وبركاته
اخواني اسعد الله اوقاتكم بكل خير ويسر راح ادخل بالسؤال على طول بدون مقدمات :biggrin: ماعدد الايام المسموح الغياب فيها بالكية ؟؟ وهل في نسبة محددة لعدد ايام الغياب ؟؟ وهل في كشف حضور يومي يبين عدد ايام غيابي ام على حسب الدكاترة ؟؟ بالعربي انا راح ادخل الكلية وراح تكون غياباتي واجد بسبب وظيفتي وسبق اني طرحت موضوع ولكن محد اعطاني وجه مرات احس من نكي الي كنه نك شايب خكري :biggrin: اتمنى منكم الاجابة وتشكرات |
رد: معدل الغياب في كلية الغد
وعليكم السلام
اي نعم في كشف حضور وغياب وفي لكل مادة نسبة لو تعديتها يصير دروب للمادة وتحملها بس كم النسبة بالضبط صراحة مو متاكدة |
رد: معدل الغياب في كلية الغد
يعطيك العافية اختي على الافادة
واطلب من الله ثم منكم تزويدي بمعلومات اكثر |
رد: معدل الغياب في كلية الغد
نسبة الغياب المسموح بها فقط اعتقد 10% لكن بعده حرمان في المادة
|
رد: معدل الغياب في كلية الغد
انت تقدر تجيب لنفسك عذر طبي صح
خلاص اذا غبت جب العذر الطبي شف بقولها لك حقيقة في الدمام بعضهم ماحسبوا الغياب ولعلمك عندنا بنات يحضرون المحاضرات اللي تعجبهم والباقي يكنسلونها واللي يقهرني يجوون يختبرون عاادي :(177): واحنا نغيب ساعتين علقوا اسامينا وعطونا انذار انا اتكلم عن فرع الدمام بس فرعك انت في حفر الباطن كأنه صح :(107): فما ادري عنه هذا اللي اقدر افيدك ابه ان شاء الله تلقى حل لحيرتك |
رد: معدل الغياب في كلية الغد
المسموح فقط 6 ساعات ليميت لكل ماده وبعدها يعطوك انذار هذا بالنسبه لفرع الدمام_بنات
|
رد: معدل الغياب في كلية الغد
aag
يعطيك العافية على الافادة والمرور |
رد: معدل الغياب في كلية الغد
هدوء البنفسج
منور موضوعي اولا من ناحية العذر الطبي اقدر اجيب 10 اذا بغوا :biggrin: لكن المصيبة لو اني اغيب كل اسبوع يومين او ثلاثة ما ادري تمشي اموري او لا لاني انا حاليا موظف اداوم استلامات وانا الي ابيه لمدة سنة بس يعني السنة التحضيرية لاني ناوي افصل من وظيفة الفلس بعد سنة ما ادري هل تمشي او لا |
رد: معدل الغياب في كلية الغد
7de classe
يعطيك العافية على المرور والتنوير ما ادري اذا اعطوني انذار اول يضرني بشي ؟؟ وكم انذار وانحرم من المادة بالضبط ؟؟ بعدين انا ودي اسال لعموم الاعضاء في احد رسب السنة هذي او السنة الي طافت بسبب غياب ؟ |
رد: معدل الغياب في كلية الغد
65 % أضن وبعدها حرمان ولا تدقق على الغياب تراء الأمور سهاله وانا أخوك :d5: وموافق إن شاء الله :oao: |
رد: معدل الغياب في كلية الغد
اولا النور نورك اخوي
وعندنا بنات مايحضرون طول السنة ولا سووا لهم شي :(177): ويجون يختبرون ولما سألت وحدة تقول عندي عذر طبي طبعا انت اذا بتغيب نوع في غيابك يوم احد يوم اثنين :biggrin: بس انت تجسير صح ولا بتبتدي من جديد بنسبة للانذار 3 انذارات وبعدها فصل<< هذا اللي قالوا لنا ومثل ماقالت حدي كلاس 6 ساعات لكل مادة بس اذا جبت العذر ينشال الغياب لاني مرة غبت رحت عندهم وعطيتهم العذر مسحت عني الغياب |
رد: معدل الغياب في كلية الغد
فواز الحربي
يعطيك العافية اخوي دامها 65% اجل بتمشي اموري باذن الله الله يبشرك بالخير وموفق باذن الله |
رد: معدل الغياب في كلية الغد
هدوء البنفسج
اولاً الله يعطيك الف عافية على ردودك وافاداتك الاكثر من رائعة وان كان لهذا المنتدى نجم فانتي تستحقينه بكل جدارة على جهودك الطيبة والمباركة ثانياً انا من ناحيتي غيابي راح يكون ايام متفرقة مو ايام معينة انا طبعا راح ادخل من اول وجديد يعني مو تجسير مامعي الا شهادة ثانوية فقط وفترة غيابي هذي راح تكون لمدة سنة فقط بعدها ابي افصل يعني بس ابي امشي نفسي بالسنة التحضيرية وبعدها خلاص راح يكون دوامي يوميا بدون غياب والحمدلله الامور مبشرة بالخير على كلام اخواني الاعضاء يعطيك الف عافية اختي ولاتحرمينا جديد مشاركاتك |
رد: معدل الغياب في كلية الغد
اخوي اذا غبت اكثر من 6 ساعات في الماده يعطوك انذار اول وان شالله ما يضر,, والانذار الثاني اعتقد والله اعلم انهم بينقصو من درجات المشاركه في الماده اللي انت غايب فيها,, بس انتبه عندنا في بنات خلوهم على راحتهم يغيبون وبدون سابق انذار جاهم الحرمان فجاه يعني احسب لنفسك لكل ماده الين توصل لليميت,, و بالنسبه للرسوب ايه يا كثر اللي حملو المواد عشان الغياب واضطرو انهم يأجلون السمستر للسنه الجايه وبس
|
رد: معدل الغياب في كلية الغد
7de classe
يعطيك العافية على الافادة الرائعة وانا والله استغرب اذا كانت كلية اهلية وفيها نسبة رسوب عالية وحمل مواد انا اذكر المعاهد الصحية كان صديق قديم لي هناك يقولي في ناس ماتحضر الا وقت الاختبارات ومع هذا ما رسب ولا واحد كلهم تخرجوا والحين هم على وشك التوظيف |
All times are GMT +3. الوقت الآن حسب توقيت السعودية: 01:23 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه