اعزائي هل من منقذ في المحاسبه2
 

السلام عليكم
فيني مشكله بمخي ماني بقادر استوعب المحاسبه ابدا وخاصه سالفة المدين والدائن ومن ح/ الى ح/ وغيرها من القوانين

مافي طريقه بالعاميه اقدر استوعب فيها هذي الامور مع امثله مختصر

رد: اعزائي هل من منقذ في المحاسبه2
 

http://www.ckfu.org/vb/t182154.html


شوف هذا الموضوع لسيدة بيفيدك ان شاء الله

وحاول تركز على أسئلة اختبر نفسك

المصطلاحات بالانجليزي نهاية كل محاضره

وعندك محاضره 14 مراجعه

وبالتوفيق :119:

رد: اعزائي هل من منقذ في المحاسبه2
 

هلا اختي

موضوع سيدة الاسئله هو اللي ذاكرت منه بالبدايه لكن ماهو براضي يركز بمخي سالفة المدين والدائن ومن الى

وقلت يمكن في طريقه ترسخ لي المعلومه بطريقه مبسطه
يعني مثلا خذي هالسؤال
عبدالله ذهب الى البقاله ودفع ريالين وبذلك يتم تسجيلها في دفتر اليوميه من حساب البوك الى حساب الكاشير

لو في امثله مثل كذا ياسلاااام واضحه ومافيها اي غموض

لكن شكله مافيش :cool:

اشكرك عموما

رد: اعزائي هل من منقذ في المحاسبه2
 

رد: اعزائي هل من منقذ في المحاسبه2
 

حاول انت تحط هالمثله لنفسك وتشرح لنفسك حتى لو بصوت عالي

وانشاء الله تدخل مخك :biggrin:

رد: اعزائي هل من منقذ في المحاسبه2
 

شكلي بحفظ الاسئله عن ظهر قلب وان شاء الله يجيب مثلها واعدي هالماده الغثيثه

رد: اعزائي هل من منقذ في المحاسبه2
 

رد: اعزائي هل من منقذ في المحاسبه2
 

اذا الشي غير متقبل من النفس بيكون صعب البلع

هي والاقتصاد اكره مادتين عندي

رد: اعزائي هل من منقذ في المحاسبه2
 

مثال زي اللي قلته :

رحت الدكان وأشتريت بـ 10 ريال ..

ودفعت لهم نقدا بيزيد عندهم حساب الصندوق لأنك دفت نقدا ..

ولو دفعت بشيك بيزيد عندهم البنك ..

المهم..

بيطلع القيد المحاسبي اللي يسجله الهندي في دفتره :

10 من حـ / الصندوق
...... 10 الى حـ / مبيعات

ودائما المدين نكتب قبله كلمة من حـ / ..

والدائن الى حـ /


الأصول .. كلها مدينه ( البنك النقديه الصندوق السيارات آلات ومعدات عقارات أدوات مكتبيه ..الخ )

عشان كذا أذا زادت ( زي حساب الصندوق اللي زاد ب10 ريال ) نحطها في الجهه المدينه من حـ /

أذا نقصت نحطها في الجهه الدائنة الى حـ /

مثلا

أفرض أن اللي أشتريته ماعجبك ..

ورجعت للهندي وقلت له : خذ أغراضك وهات فلوسي .. ورجعها لك

فتح الصندوق وأعطاك الـ 10 ريال وأخذ الأغراض ورجعها ..

كيف يصير القيد المحاسبي ؟

يتشقلب القيد اللي فوق ..

10 من حـ / مردودات مبيعات
.......... 10 الى حـ / الصندوق

وطبق هذا المثال على كووووووول القيود المحاسبيه .,.

أهم شي تعرف هذا الشي دائن والا مدين ..



هذا مجرد مثال

وفي النهاية لازم تعرف ان الأصول والخصوم وحقوق الملكيه تنحط في قائمة المركز المالي

والمصروفات والأيرادات في ملخص الدخل ..

وطبعا لاااااازم لااازم تذاكر ..

مافي شي بيدخل لك المعلومه بدون ماتذااكر

رد: اعزائي هل من منقذ في المحاسبه2
 

ركز على اختبر نفسك .

وكل مواضيع المحاسبه واسئلتها .. ااذا فكرت فيها بعقل وركزت شوي راح تحلها

لكن االآهم إنك تفهم السؤال


روح لآسئلة اختبر نفسك .. واقرى السؤال بتركيز .. وشوف الجواب وحاول تقارن وصدقني راح تتسهل الامور بوجهك

لآنها اصلاً سهله .. امور تحصل في حياتنا اليومين


وذا ماقدرت لا تضيع وقت .. احفظ الحفظيات فيها .. مثل الكلمات واسألة اختبر نفسك اللي فيها حفظ


يعني .. لا تقول ماقدرت لآنها بصراحه اتفه من انك تحط موضوع عنها .. بسسييييييييطه جداً

بس سهلها على نفس ك




الله يسهل امورك يارب ويشرح لك صدرك ... ويجعلها اسهل عليك من شرب الماي

رد: اعزائي هل من منقذ في المحاسبه2
 

اضغط على نفسك حبتين واسمع اول محاضرتين واذا عرفت الاساسايات بتعرف الباقي كله لانها مبنيه على بعض ودي اشرحلك بس مااعرف اوصل معلومتي بالكتابه يعني بالقرق اعرف اشرح:biggrin:وبالتوفيق يارب

رد: اعزائي هل من منقذ في المحاسبه2
 

والله كن لوسي وصلت لي معلومه بس ابي اشوف فهمت والا لا

10 من حـ / مردودات مبيعات
.......... 10 الى حـ / الصندوق

يعني عشانه رجع العشره له يكتب في حساب الصندوق انه خصم عشره لانها اصبحت دائن من مردودات البيع صح كذا فهمي لها ؟

اذا كلامي صحي فليشهد التاريخ باني سخيف :tongue:

اخوي احساس الله يجزيك خير على الدعوه الحلوه

وشكرا لكل من واساني :biggrin:

رد: اعزائي هل من منقذ في المحاسبه2
 

بالضبط .. براافو:(204): .. علشانه رجع العشره ريال للصندوق ..

نقصها منه ..

كيف ينقصها في الدفتر .. ؟؟

مايصلح يكتب نقصنا من الصندوق عشره ريال ..

في المحاسبه مايصير كذا

فالصندوق أصله مدين .. وأي زياده تخليه في المدين ..

لكــــن أذا نقص يروح دائن ..

أول ماتشوف الصندوق في جهة الدائن .. أعرف أنه نقص منه فلوس..
وأذا شفته في جهة المدين أعرف أنه زاد فيه فلوس ..

وهذا ينطبق على جميييع الأصول الثابته والمتداوله وعلى المصروفات ..

بس أنت أحفظهم ..

والعكس يصير مع الخصوم وحقوق الملكيه والأيرادات ..

هم أصلهم دائن .. زيادتهم تخليهم دائن .. لكن نقصهم ينقلهم مدين ..



مثلا دين زاد .. الدين يعتبر خصم ...نخليه في الجهه الدائنه ..

دين نقص .. يعني خصم نقص .. ننقله الجهه المدينه بنفس المبلغ اللي أنخصم ..

وهكذا ..


مررره سهله بس يبي لها مخ مفتح أشوي ..

والي مافهم محاسبه 1 تصير صعبه عليه محاسبه 2 لأنها تكمله لها ..

بس واللهي واللهي صعبه ..

رد: اعزائي هل من منقذ في المحاسبه2
 

ياسلام عليك يالوسي انتي احسن مدرسه

الاصول ثابته ومتداوله والمصروفات مدينه دائما واذا نقصت تصير دائنه

الايرادات والخصوم وحقوق الملكيه دائنه واذا نقصت تصير مدينه

هنا الزبده وبس

اشكرك بلا رأفه يالوسي الله يبارك فيك

رد: اعزائي هل من منقذ في المحاسبه2
 

بالضبط .. شفت كيف قمة البساطه .. بس يبي لها تركيز ..

ويبي لها اشوية حفظ بعد ..

ولا شك على واجب ..

...............................

مثال آخر للي مافهم :

أشترى مطعم سياره يستخدمها لتوصيل الطلبات .. بمبلغ 60000 ريال .. ودفع ثمنها بشيك ..

أكتب القيد المحاسبي ..

تقول :

60000 من حـ / السيارات
....... 60000 الى حـ / البنك


البنك أصل .. هو عادة مدين ..

لكن نقص بقيمة 60000 ريال .. فلااازم نحطه في الجهه الدائنه

السيارات من الأصول .. والأصول مدينه عادة .. زودنا لهم سياره وحده .. فحطيناها في الجهه المدينه ..


..

لكن أنتبه ..!!

أذا السياره أستخدامها هنا للشركه .. أشترتها تبي تستخدمها مو تبيعها

هنا تكون أصل من الأصول الثابته..

لكن أذا أشترتها مثلا شركه لبيع السيارات .. ماتبيها بس تبي تبيعها وتتاجر فيها ..

فهنا تتعامل معها كبضاعه ..
....................................

موفقيــــــــــــــــــــــــــــــــــن يااارب ...

رااجعه أذاكر ..

دعواااااتكم..

رد: اعزائي هل من منقذ في المحاسبه2
 

لو سمحتي يا لوسي دامك ما شاالله عليك فاهمه وش الفرق بين قيد الاقفال في المرحله الاولى والثانيه أنا ابغى أفهم لاني ماني فاهم الفرق

رد: اعزائي هل من منقذ في المحاسبه2
 

لااااااااااااااااا

رد: اعزائي هل من منقذ في المحاسبه2
 

اما مثالك ركز ام المعلومه بمخي ماشاء الله عليك

بالنسبه للسيارات يعني اذا صارت بضاعه تعتبر اصول متداوله قصدك ؟

رد: اعزائي هل من منقذ في المحاسبه2
 

ما أحد عطاني وجه:(107):

رد: اعزائي هل من منقذ في المحاسبه2
 

راحت تذاكر البنت يابونواف ولو اعرف كان افدتك
مالك الا لوسي

رد: اعزائي هل من منقذ في المحاسبه2
 

من أي درس بالتحديد ؟؟

ما أذكر في قيد أقفال له مرحلتين ؟؟ :000: قعدت أحوس وأدور ..

قصدك قيد التسويه وقيد الأقفال ؟

لا مو أصول متداوله .. ركز معاي ..


تعتبر مشتريات .. والمشتريات مدينه ..



ألا أذا قعدت حتى آخر السنه محد أشتراها .. تعتبر مع (مخزون آخر المده) في نهاية السنه ..وتكون دائنه ..

ثم تنقل في السنه الجديده الى الجهه المدينه .. و نغير أسمها تسمى (مخزون أول المده )..

يعني خلال السنه ممكن (هالسياره) تتسمى بـ 4 أسماء

مشتريات ..لما نشتريها .. مدينه
مبيعات لما تنباع .. دائنه
لما ماتنباع وتنتهي السنه نحطها في ملخص الدخل دائنه( مخزون آخر المده )
لما تبدأ السنه الجديده وهي لسه معانا نحطها في ملخص الدخل مدينه (مخزون أول المده)

أعرف أنها تخربط ..

لكن أذا ركزت أغلبها أشياء تعرفها بس يغيرون مسمياتها ..

رد: اعزائي هل من منقذ في المحاسبه2
 

مااخفيك اختي لوسي ان بعد شرحك الاول مخي تفتح ومشت معاي امور ماكنت استوعبها ابدا

عاجز عن شكرك والله يوفقك وتفلين المارك بكل المواد