|
هنــــــا تجمع الطالــــــبات المستجدات كليه العلوم بالاحساء
اهليين
اخباركم وش مسوين انا طالبه بكليه العلوم وكذا وحبيت يجون طالبات كليه العلوم المستجدات كلهم هنا عشان أي احد عنده استفسار عن الكليه او سؤال نقدر نجاوب عليه :g20: |
رد: هنــــــا تجمع طالــــــبات كليه العلوم بالاحساء
هع هذاا اول وحده من كلية العلوم
تسلميـ،، خيتيـ،، |
رد: هنــــــا تجمع طالــــــبات كليه العلوم بالاحساء
اهلين pink_777
مشكورة على الموضوع واتمنى احد يساعدنا حنا مستجدات ونبي منكم مساعدة والتوفيق انشاء الله لجميع:praying: |
رد: هنــــــا تجمع طالــــــبات كليه العلوم بالاحساء
<<<<< نمبر توو متخرجه من كلية العلوم
اي استفساار حنا حااضرين اخواااتي :) يسلموو pink_777 على هزا الموضوع تقبلي مروري :) |
رد: هنــــــا تجمع طالــــــبات كليه العلوم بالاحساء
يلا ياحبيباتي اسئلوووووووووا
ونحنا بالخدمه pink_777 يعطيك العافيه على الموضوع بس راح اغير بالعنوان شوي وراح اخليه تجمع الطالبات المستجدات بكلية العلوم اوكي؟ لانه في موضوع مثبت خاص بجميع طالبات كلية العلوم عشان الكل يعرف الفرق بينهم:119: |
رد: هنــــــا تجمع الطالــــــبات المستجدات كليه العلوم بالاحساء
ممكن اعرف شي ماهو نظام البانر
سمعت عنه بس ابي معلومات اكيدة مشكورين على الموضوع |
رد: هنــــــا تجمع الطالــــــبات المستجدات كليه العلوم بالاحساء
اناا الحين بدرس ف كلية العلوم وقررت اتخصص كيمياء بإذن الله (اذا ربي كتب) لمن اخلص من الجامعه
وابغى اكمل دراسة (دراسات علياا ) شرط نفس المادة اللي درستهاا والا عاديـ،، ادرس مجال ثانيـ مثلا مجال طبي <<<< هذا طموحناا >>> السموحه سؤال اشوي غبائي بس اتمنى توضحون لي وشي ثانيـ،، الحين حنا اذا درسنا ف هالتخصص ( كلية العلوم ) هل هو مجال تدريس والا غير لان ناس تقول شي وناس تقول عكـ!!ـس بالتوفيق جميعاا:119: |
رد: هنــــــا تجمع الطالــــــبات المستجدات كليه العلوم بالاحساء
هلا فيكم جروح وقطره ندى واخت القمر وتوفي
انا بجاوبكم حسب الي اعرفه يمكن في ناس تقدر تفيدك اكثر مني بالنسبه للجروحه لا حبيبي مايصير مثلا تخصصك كيمياء تروحين تكملين ماجستير تمريض لان انتي بكليه غير صحيه مايصير تكملين بكليه صحيه يعني مثلا لو تختارين بكالوريس كيمياء ماجستير رياضيات او فيزياء كذا اوكي هاذا الي اعرفه ماادري اذا احد يقدر يفيدك اكثر اما بالنسبه للتدريس وتخصص كليه العلوم مااعتقد بس انه يقتصر على التدريس يمكن ان تشتغلي بمختبارات اذا انتي مثلا كيمياء او اذا انتي رياضيات يمكن تشتغلين محاسبه اانا الي بستجن منه نظام الجداول وكذا احس اني مااعرف فيه شي |
رد: هنــــــا تجمع الطالــــــبات المستجدات كليه العلوم بالاحساء
بينك هلا والله يالغلا تو انتبه للموضووع مشكوره فديتك ما قصرتي والله عووووووووووافي:g20: |
رد: هنــــــا تجمع الطالــــــبات المستجدات كليه العلوم بالاحساء
بينك لازم تدوري حد يعرف ويساعدك للجداول
انا صديقتي تدرس ق نفس الجامعه ونفس القسم قالت بتساعدني ف وضع الجداول >> اذا تعدل النت عندهاا واناا اذا عرفت ماراح اقصر راح اكتب هناا لا تخافي من شي قبل وقته تسلمي ع الرد ع كلامي ربي يجزاك الف خير ف ميزان حسناتك :119: |
رد: هنــــــا تجمع الطالــــــبات المستجدات كليه العلوم بالاحساء
أخت القمر ... ممكن لو تكرمتي تجاوبيني على أسئلتي ... :119: وش أسهل تخصص بالكلية ؟؟؟ :g2: هل مرت عليك بنت كانت تدرس بكلية الزراعة وحولت لكلية العلوم ؟؟؟؟ :g2: وبكون شاكرة لك :praying: ... ولامانع من اللي تحب تساعدني من الأخوات اللي عندهم خبره وبكون ممنونه لها ... :066: |
رد: هنــــــا تجمع الطالــــــبات المستجدات كليه العلوم بالاحساء
اسهل تخصص لا جدال فيه كيمياء >> ياحبي له بس:love080::love080::love080:
اناا عندي وحده من صديقاتي تدرس بكلية الزراعه بس ماتبغى تحول مجال ثاني بس اذا تبين تحولين لازم معدل محدد كأن >>مااقدر افيدك ف هالنقطه لاني مو متأكده وان شاء الله حد يجاوبك ويكون اكثر خبرة من عندي ومنهم نستفيد |
رد: هنــــــا تجمع الطالــــــبات المستجدات كليه العلوم بالاحساء
اقتباس:
الكيمياء مو كثير أحبه ... تدرين ليه ؟؟؟ لإني ما أفهم في الكيمياء العضوية عشان كذا أكرهه :Cry111: ... أما الباقي حلو وأنا أحب أكثر شيء الدروس اللي تكون فيها حسابات ومعادلات وخصوصاً اللي تتكلم عن المولات والوزن الجزيئي .... وأنا درست الكيمياء بالجامعة وعجبني المنهج والعملي كان أروع من النظري لأنو أحنا اللي نسوي التجارب فحسيت بالمتعة ...بس أتوقع التخصص أصعب من متطلب الجامعة ...:s3: وأختي تقولي أحسن شيء الكيمياء :064: .... بس أنا خايفه ومتردده .... ومو عارفة وش أسوي ... :017: وبالنسبة لشروط التحويل أنا ولله الحمد تنطبق علي الشروط بس باقي إني أقرر هل أضل بكليتي أو أحول ... :praying: وإنتي تدرسين كيمياء صح ؟؟؟ وصديقتك ليه ما تبي تحول ؟؟؟ بصراحة عندي فضول إني أعرف السبب .... :g2: |
رد: هنــــــا تجمع الطالــــــبات المستجدات كليه العلوم بالاحساء
اهاا
ربي يكون بعونك اذا احترتي كثير سوي خيرة وان شاء الله خير( صلاة الاستخارة ) >>استخيري واهم شي تدخلي الشي اللي انتي راغبته مثلا اناا صديقة اختي تنصحني ادخل احياء علشان الوظيفه بس انا ميولي كيمياء وراح اخذ هالشي بإذن الله لا اناا مو ادرس كيمياء انا رايحه اولى جامعه لان ضاعت علي سنة بتسجيل ماسجلت العام ف فيصل بس ف سعود وضيعوني وصار اللي صار بس الحمدلله هالسنة انقبلت ف فيصل الحمدلله اما صديقتي والله ماادري عنهاا تقول هي مرتاحه فيه وتعودت على هالقسم وماتبغى تغير والله مااعرف ليه بالضبط بس من قبل قالت لي هالشي ربي يسهل دربك ويفرجها عليك |
رد: هنــــــا تجمع الطالــــــبات المستجدات كليه العلوم بالاحساء
اقتباس:
مشكورة يا الغلا ... :g8: بيني وبينك التخصص اللي أنا أرغبه الإنجليزي << يا حبي له >> ... بس إذا حولت ماراح يعادلون لي إلا ثلاث مواد وثمان مواد ما أدري وش مصيرها وأتوقع أنهم راح يحذفونها لي ... فصراحة حرام يضيع علي تعب دراستهم ... :017: وأنا أهلي محافظين ومتشددين ويرفضون الأختلاط وكلام الناس ما يرحم لإني أكيد إذا كملت في الزراعة راح أتخصص غذاء وتغذية وراح يكون مجال عملي في المستشفى وفيه أختلاط وزي كذا ... فأختي طرحت علي فكرة إني احول لكلية العلوم وخصوصاً أن أغلب المواد اللي درستها موجوده بالخطة الدراسية حقتهم يعني ما في أي مشكلة .... :g2: وأنا إلى الآن أفكر بالكيمياء وأشوف وضعي إن شاء الله ... والرياضيات بعد حلو عشان أشتغل بالبنك << ما همتها إلا الوظيفة >> ...بس صعب ويبغى له وحده عبقريه ... :s3: والله يكتب اللي فيه الخير ومثل ما قلتي لازم أستخير ربي ...:praying: |
رد: هنــــــا تجمع الطالــــــبات المستجدات كليه العلوم بالاحساء
اقتباس:
اقتباس:
لاني ماجربت كل التخصصات بالنسبه ليي اني من دفعة 2008 واتوقع انتي من نفس الدفعه من اللي سمعته ان اصعب شي فيزياء ورياضيات لذالك اني حطيت الرغبه الأولى كيميا والرغبه الثانيه احياء وعلى سوء حظي صار زحمه بهالقسمين الكل يبغاهم وحطوني فيزيا:017: مع اني بيني وبين الفيزيا عداوه من ايام الثانويه:hahaha_2008: وكملت السمستر الثاني بمواد عامه على اساس احول لقسم الكيمياء لكن مامشى الحال لذالك ان شاء الله بكمل على تخصص الفيزياء انتي احتاري التخصص الأقرب لك واللي تشوفي نفسك راح تمشي فيه لكن اذا كلهم عندك نفس الشي انصحك تبتعدين عن الرياضيات اللي سمعته ان بنات الرياضيات يطولوا بالجامعه فوق 5 سنين :hahaha_2008: والله اعلم اقتباس:
اعرف بنت حولت من كلية الزراعه الى كلية التربيه (انجليزي) اي احد عنده اسئله مايردهـ الا لسانه:119: |
رد: هنــــــا تجمع الطالــــــبات المستجدات كليه العلوم بالاحساء
اقتباس:
اقتباس:
ليه هم على أي أساس يحطوني بالرغبة اللي أبيها ؟؟؟؟ لا يكون على نسبة الثانوية العامة !!! :017:وأصلاً كم رغبة أحط ثنتين وإلا ثلاث ؟؟؟ :000: يلا الله يوفقك في الفيزياء ويسهل عليك .... :praying: اقتباس:
لييييييييييييييييه خمس سنين ؟؟؟ أووووه يمكن لأنهم يحملون مواد عشان كذا يقعدون خمس سنين !!! :s3: لا أجل أنا أبغى أخلص بسرعة .... وأنا أميل للفيزياء بس أختي رافضه لإن تخصصها فيزياء ...:064: بس كرهته بسبب العملي << قهر >> أنا أحضر التجربة وأسويها أجل المعلمة مدري الدكتورة مدري وش يسمونها وش وظيفتها ... شاطره بس تسأل بالدرجات كأن احنا في المدرسة ولا والأدهى من كذا أنها تفتش دفاتر الرسم البياني أول ما ندخل المعمل تبي تشوف إذا أحنا كتبنا التجربة الجديدة وإلا لا ... :017: وإذا كان فيه حسابات وغلطت بالرقم أو نسيت أكتبه تنقص درجتين ثلاث ولا بعد في يوم الأختبار النهائي تجمع الدفاتر وتحتفظ فيها مدري وش بتسوي فيها ؟؟؟ :mh19: اقتباس:
ما شاء الله عليها :praying: ... والله أنا كنت بحول بس كله بسبب معادلة الساعات ولإني بتأخر عن بنات دفعتي فغيرت رأيي ... :bawling: |
رد: هنــــــا تجمع الطالــــــبات المستجدات كليه العلوم بالاحساء
هلا فيكم مشكورين على الموضوع الجميل
ابي مساعدتكم سمعت ان ملابس الكليه لها الوان محدده هي التنوره السوداء والقميص الابيض :no2: |
رد: هنــــــا تجمع الطالــــــبات المستجدات كليه العلوم بالاحساء
قصدك كلية التربيه ..اللي اعرفه بلوزى ابيض او سكري
والتنورة اسود وكحلي ماادري اذا صدق والا اما الجامعه عادي كل الالوان |
رد: هنــــــا تجمع الطالــــــبات المستجدات كليه العلوم بالاحساء
السلام عليكم
حبيت اسأل عن المواد الدراسيه ونظامها في اول سمستر هل الجداول توزع مثلا او احنا نختار المواد اللي بندرسها ؟؟؟؟؟ واذا احنا نختار مااعطونا الخطه الدراسيه ؟؟؟ وسمعت ان التخصص يكون في السمستر الثاني صح ولا لا ؟؟ |
رد: هنــــــا تجمع الطالــــــبات المستجدات كليه العلوم بالاحساء
فراشه
انا اللي اعرف ان التخصص يكون السمستر الثاني اما عن الجدول احنا مستجدات ومانعرف شيء فبيكون السمستر الاول من عندهم يحطونه لنا وبعد كذا ااحنا اللي نحطه وانتي تابعي موقع الجامعه خصوصا انه بينزل شيء عن تأكيد التسجيل بيوم 8/10/1429 |
رد: هنــــــا تجمع الطالــــــبات المستجدات كليه العلوم بالاحساء
مشكورة طيف
انتي قلتي يحطوة متى يحطوة ؟؟ ووين ؟؟ واذا يوزعوة مثل الاولاد متى ؟؟ ووين ؟؟ |
رد: هنــــــا تجمع الطالــــــبات المستجدات كليه العلوم بالاحساء
السلام عليكم ورحمه الله وبركاته
ابغى اعرف كيف عمل الجدول انا حاولت بس يقول الرقم السري والاكاديمي خطأ:praying::praying::praying::praying::praying::p raying::praying::praying: |
رد: هنــــــا تجمع الطالــــــبات المستجدات كليه العلوم بالاحساء
ربيع الأحساء
في نافذه في يسار موقع الجامعه مكتوب عليها في نظام البانر لاسترجاع الرقم السري للطلبه الخاص بالطلبة المسجلين ادخل عليه واكتب رقمك الأكاديمي ويعطونك الرقم السري |
رد: هنــــــا تجمع الطالــــــبات المستجدات كليه العلوم بالاحساء
مافهمت كيف مشغول
انت بتاخذ الرقم السري وتحطه في نظام البانر بعدين تحط الجدول انت طالب مستجد ولا ايش اذا كنت مستجد يعني من دفعة 2009 مو الحين تسجيل الجداول لكم |
رد: هنــــــا تجمع الطالــــــبات المستجدات كليه العلوم بالاحساء
الله يعافيكم شلون نظام بانر حطيت الرقم الاكاديمي والسجل المدني بس ما فهمت طلعلي شي بالانجليزي :011:
|
رد: هنــــــا تجمع الطالــــــبات المستجدات كليه العلوم بالاحساء
هو في طريقه تحولينه من انجليزي لعربي بس للأسف نسيتها<< بنكفخ
جربي في اكثر من جهاز يمكن يطلع عربي |
رد: هنــــــا تجمع الطالــــــبات المستجدات كليه العلوم بالاحساء
|
رد: هنــــــا تجمع الطالــــــبات المستجدات كليه العلوم بالاحساء
بسم الله الرحمن الرحيم
ابغى اعرف متى الجداول للمستجدين طلاب 2009 |
رد: هنــــــا تجمع الطالــــــبات المستجدات كليه العلوم بالاحساء
على ماأعتقد 8/ 10
يمكنك التأكد من موقع الجامعه |
رد: هنــــــا تجمع الطالــــــبات المستجدات كليه العلوم بالاحساء
|
رد: هنــــــا تجمع الطالــــــبات المستجدات كليه العلوم بالاحساء
من وين من موقع الجامعه اتأكد عن موعد الجداول :mh19::mh19::mh19::mh19::mh19::mh19::mh19::mh19:
|
رد: هنــــــا تجمع الطالــــــبات المستجدات كليه العلوم بالاحساء
في التقويم الزمني لعماده القبول والتسجيل
ادخل ع الرابط اللي ^^^^ يدخلك ع الصفحه مباشره |
رد: هنــــــا تجمع الطالــــــبات المستجدات كليه العلوم بالاحساء
مشكوره اختي قلم بدون حبر
حبيت اعرف الجدول الي راح تحطينه أو المواد الي راح تختارينها السهله يعني :s11::s11::s11::s11::s11::s11::s11::s11::s11: |
رد: هنــــــا تجمع الطالــــــبات المستجدات كليه العلوم بالاحساء
أنا بروح المستوى الثالث
المواد انصحك تاخذ في المسيتوى الأول كيمياء عامه 4 ساعت احياء عامه 4 ساعات رياضيات 3 ساعات أو فيزياء 4 ساعات << لاتاخذهم مع بعض تتعب ثقافه اسلاميه 2 ساعه تربيه بدنيه 1 ساعه انجليزي عام 2 ساعه الخطه مكتوب تاخذ 16 ساعه اذا تبي تخلص في اربع سنوات وتقدر تاخذ ساعات أقل أهم شيء اسال عن الدكاتره الزينين |
رد: هنــــــا تجمع الطالــــــبات المستجدات كليه العلوم بالاحساء
حبيباتي حطوا ببالكم
ان احتمال المواد اللي تبغوا تحطوها ممكن تكون الشعب مقفله يعني من الان حاولوا تحطوا لكم كم ماده احتياط يعني على سنتي كانت تربيه صحيه وفيزياء عامه اثنينهم مقفلين مادري اذا هالسنه غير وبقول لكم شي ثاني انا من 3 ايام لما جيت اسجل موادي تربيه صحيه مقفلللله وهذا وانا مسجله قبلكم يعني اكيد مابيجي اليوم اللي تسجلون فيه موادكم الا مقفله هالماده ههههههههههه انا اقول لكم هالكلام عشان تكونون بالصوره من الآن وماتنصدموا مثل ماصار فيني لما كنت مستجده خخخخخخخخخخخخخخخخخخخخ |
رد: هنــــــا تجمع الطالــــــبات المستجدات كليه العلوم بالاحساء
يا بنات الله يعافيكم انا مستجده ولا عرفت لنظام بانر حطيت الرقم الاكاديمي والسجل المدني وطلع لي رقم وكلام با الانجليزي شلون ما فهمت اتمنى انكم تفيدوني
|
رد: هنــــــا تجمع الطالــــــبات المستجدات كليه العلوم بالاحساء
احنا تاريخ 8-10-1429ه يكون يوم الاربعاء :064:
|
| All times are GMT +3. الوقت الآن حسب توقيت السعودية: 11:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام