|
علوووم طيبه من سفيرنا الجامعي
السلام عليكم ورحمه الله وبركاته
مساء الخير على الجميع وانشالله انكم بأتم الصحه والعافيه بقولكم كل شي بالتفصيل الممل.... تحملوووووني قصه حياتي اليوم بقولها لكم ..... بصراحه انا كنت ناوي اروح الجامعه بدري الصباح وهي قريبه من البيت مسافه عشر دقايق بس بصراحه تفاجأت انووو عندي كورس (دوره عمليه) بالدمام اليوم ورحت ورجعت الحمدلله بس جيت متأخر على الساعه تقريبا 1:45 وعلى طول للجامعه دخلت على مبنى التعليم عن بعد بالعربي المبنى الخاص عن الانتساب وشؤؤؤن الطلاب المنتسبين بغيت النجار وقالوا مشى ودخلت على شؤؤؤن الطلاب وحصلت شباب مثل العسسسل بصراحه وهم ماسكين اداره البلاك بورد كل شي عندهم اول سؤال سألتهم ::: عن البلاك بوورد ليه يعلق ...... قالوا لي الاربع شهور الماضيه كان فاضي وسريع واخر اسبوع صار عدد الدخول باليوم الواحد اكثر من 35 الف طالب .. وهذا السبب بس اليوم انفتح الامور اوكي انشالله طيبه ..... السؤال الثاني : قلت ايقونه المشاركات والواجبات ما فتحت الحين وحنا بصراحه نبي نعرف وش اللي حلينا واللي شاركنا فيه واللي باقي على شان نكمله ترى حنا ما عندنا فراغ اساسا علشان نتابع من البدايه وحالتنا صعبه ... قالوا لي بصراحه ما فتحناها علشان نبغى الطلاب يدخلون ويشاركون لان لوو خليناها مفتوحه على طول كل طالب بيدخل وبيكمل اللي ناقصه وبيطلع وحنا نبي تفاعل قلت انا يا حبيبي وش تفاعله الحين تبون التفاعل ما بقى وقت شوووفوا لنا حل نزلوها موو نتفاجأ بيوم انها راحت علينا ... قال لا لا تخافون بنفتح ايقونه المشاركه والواجبات وكل طالب يقدر يكمل الناقص الى اخر يوم من الاختبارات قلت له اكيد لا تورطونا قال لا تخاف اذا طلع كلامي غلط تعالي وانا المسؤؤؤل هذا مكتبي على طول ... قلت يعطيك العافيه مشكور .. تفضل جزاه الله خير وقالي اسمع بالنسبه للمشاركات كل ماده عد 14 مشاركه وتاخذ الدرجه الكامله والمحاضرات المسجله والمباشره مو شرط تشغل المحاضره كامله بس من مجرد يتحرك الشريط لو عشر ثواني تحسب لك سواء مسجله او مباشره قلت اكيد قال اكيييدين .. .. السؤال الثالث : قلت له بالنسبه للعقيده الدكتور محمد العقيل الله يجزاه خير معطينا ملزمه 163 صفحه وفوقها يقول احفظوا جزء عم ... وش ذا والله لو حنا مصاريه ما قدرنا نذاكرها .... قال اسمع الدكتور محمد العقيل محاضراته هذي مسجله من قبل مستوين يعني صار لها سنه تقريبا صحيح انه اول مستوى كان فيه كتابه على الاوراق تكتب السوره والمستوى الثاني خلوها تلوين مثل طريقه الاختبار الحاليه اما المستوى هذا كنسلت قلت اكيد لا توهقنا نتفاجأ بعكس كلامك قال رووح واذا جاكم جزء عم بالاختبار سواء تسميع او كتابه او تلوين انا مستعد اجيب لك القران بالقاعه <_<_ دليل انه متأكد قلت تكفى لا توهقنا قال يا بن الناس رووح ولا يهمك لا تحفظ احفضوا الملزمه بس هوو قال كذا يبي لكم الاجر قلت جزاه الله خير كان قال اقرؤ القران وخلاص لان الحين يمكن ما يحسب لنا الاجر لان حنا نبي نتأكد اذا فيه تسميع بنحفظه واذا ما فيه ما راح نفتح القران الله يرحمنا برحمته .. ضحك هو وقال روح يا دوسري لا يخفس ربي علينا ذا المبنى والسبه انت .. متواضع فديته .. السؤال اللي بعده قلت الحين ليش حاطين اختبار الانجليزي والمحاسبه بيوم واحد سلامات وش ذا .... انصدم يا ناس وربي انصدم قال وربي ما ندري عنه لان الجدول هم اللي يحطونه موو عندنا بس اذا فعلا صحيح هذي مهزله ولا فيه ترتيب وقالي ادخل على الدكتور غسان نايفه هذا مكتبه وراك رحت مكتب الدكتور غسان وكان موو موجود لاني انا متأخر اساسا رجعت له قلت طيب فيه امل يتغير لوو اكلم الدكتور عبدالله النجار بكره قال ما اظن لانك متأخر والناس برمجت وضعها ووقتها على الجدول الحالي الحين ... قلت ماشي بيعين الله انشالله وبنعدي السؤال اللي بعده قلت بصراحه انا ابي الدكتور عبداللطيف بالغرسه ابي اقابله شخصيا لان حنا بصراحه مصدومين منه بالمستوى الاول ونخاف يجيب فينا العيد المستوى الثاني قال لا تروح له هوو مشى الحين ولوو رحت ما راح يفيدك وبالنسبه للي حصل بالمستوى الاول قال فيه دكاتره غسلووووه غسل من ضمنهم الدكتور عبدالله النجار على اللي سواه فيكم .. بس الدكتور عبداللطيف وعد الدكتور عبدالله النجار انو انشالله ما يكون فيه رسوب المستوى الثاني انشالله وانووو بيسهل الاسئله عليكم بأذن الله بس شدوا حيلكم ..... قلت يعطيك العافيه وبيض الله وجهك ما قصرت وطلعت ولما وصلت السياره تذكرت حاجه ناسيها ورجعت قلت له ياخي فيه ناس بالخبر كلموني وقالوا لي بالنسبه لمراكز الاختبارات وين تكون بالخبر ... والا فكرتوا انكم تخلون الاختبارات عن طريق البلاك بوورد وضحكت .. فطس ضحك قال الله يقطع سواليفك يا دوسري تستهبل وش اللي نخلي الاختبار عن طريق البلاك بورد لو فكرنا نسويها احسن نعطيهم شهادات ونريحهم ونرتاح ... قال لا بكره انشالله بتنزل مراكز الاختبارات لجميع الطلاب والطالبات ....... قلت له تحياتي وتقديري وعرفاني على تواضعك قال حياك تعال باي وقت يا عبيط ..... متوواضع الله يجزاه خير ...... وانا بصراحه اذا عندي فرصه بكره برجع لهم وبفر على الدكاتره واحد واحد بجيهم بدري انشالله اتمنى اني ما قصرت في شي او نسيت شي وان حصل تقصير ارجوا المعذره واللي في خاطره شي بيسأل عنه يقووولي هنا وانا بكره بروح على كل حال وبسألهم سؤاءا شؤؤؤن الطلبه او الدكاتره .............................. تحياتي للجميع للجامعييين سفيرررررر __________________ يؤؤ نسيت وسألته بعد عن المحاضرات المباشره قلت ما تفتح معنا الا المحاضره الثالثه قال ما يصير قلت صار بس المحاضره الثالثه الاولى والثانيه ما فتحت قال هذي مشكله من البلاك بورد حاول مره ثانيه اليوم واذا ما تفتحت حاول بالليل هذا من الضغط واي شي يصادفكم بالبلاك بورد اعرفوا انه عطل بالبلاك بورد معلق وحنا وربي من اول الدوام الى اخر الدوام هذي حالتنا بس تعديلات بالبلاك بورد ونحاول نضبط وضعه علشان الكل يستفيد ولا تخافون يمديكم الى اخر يوم اختبار قلت يعطيك العافيه __________________ |
رد: علوووم طيبه من سفيرنا الجامعي
ربي يجزاكم الجنه ويسهل عليكم اموركم ان شاء الله
|
رد: علوووم طيبه من سفيرنا الجامعي
تسلم يمينكــ
من جد كنت احاتي ذاك شيسمونه المشاركه بس ارتحت الحين اما بلغرسه كان خاطري يسجلون لنا وش قالو له بالضبط :biggrin: |
رد: علوووم طيبه من سفيرنا الجامعي
قسم بالله الاسلوب رائع ربي يوفقكم :hahahahahah::hahahahahah::hahahahahah: بالنسبه لي غيرت جوي الله يسلمكم :53::53:
|
رد: علوووم طيبه من سفيرنا الجامعي
يعطييك الف عاافية :106::love080:
|
رد: علوووم طيبه من سفيرنا الجامعي
والله انك رهيببببب ماااشاء الله عليك
أثلجت صدورنا الله يوسع عليك دنيا وآخره وربي يوفقك واهم شي بلغرسه مايلعب فينا نفس الترم الماضي ربي يسهل للك ويوفقك ساااارونا ماقصرتي على النقل بس وين رابط الموضوع عشان نقول لسفيرنا وش نبي من الاسئله عشان يسئلهم بكره :lllolll::lllolll: ربي يجزيكم الجنه |
رد: علوووم طيبه من سفيرنا الجامعي
|
رد: علوووم طيبه من سفيرنا الجامعي
لاتكثروون طلبات على سفيرنا ويهج :hahahahahah:
اكثر شي شدني بالموضوع فيه دكاتره غسلووووه غسل :53: |
رد: علوووم طيبه من سفيرنا الجامعي
تسلم يالدوسري:53:
|
رد: علوووم طيبه من سفيرنا الجامعي
من جد ريحت بالنا الله يوفقك يارب :106:
|
رد: علوووم طيبه من سفيرنا الجامعي
تسلمؤؤؤؤؤؤؤؤؤؤن ربي يعطكم الف عافيه
|
رد: علوووم طيبه من سفيرنا الجامعي
بجد ماشاء الله القصة روووعة :tongue:
واروع شي بلغرسة انه يبيضها ان شاء الله ياليت تروح لبلغرسة وتفهم منه طريقة الاسئلة والاشياء المهمة وتفر على كل دكتور وتسأله طريقة الاسئلة يعني يمكن يحددوا لنا شيء مهم يجيبو منه :119: قواك الله بصراحة دخلت الفرحة علينا الله يفرحك |
رد: علوووم طيبه من سفيرنا الجامعي
يسلموووووووووووووووووووووووو
سارونه |
رد: علوووم طيبه من سفيرنا الجامعي
ههههههههههههه تسلم والله يجزاك خير
|
رد: علوووم طيبه من سفيرنا الجامعي
ثانكس لك
:106: |
رد: علوووم طيبه من سفيرنا الجامعي
شكرا سارونة يعطيك العافية :119::106: الدوسري انت فلة شمعة منوره :(204):الله يجزاك خير ماااقصرت بالاخبار الزينه وبالاسلوب الفلة:lllolll: |
رد: علوووم طيبه من سفيرنا الجامعي
:hahahahahah::hahahahahah::hahahahahah:
من جــد قصــه عجيبــه وآستمتعنا بقرآءة ما ورد بها...<ماودك تطلعين براء:biggrin: واهم شي المشاركــات واللي يسمووونـه بلغــرسه شكــراً يا عبيـط ويجزااكـ ربي كل خييـر اقتباس:
اللـه يسمــع منــه وانشـاء الله يسهل علينــا "سـوير" يعطييكـ العافييـه ع النقل |
رد: علوووم طيبه من سفيرنا الجامعي
سسسآرونه لبى قلبك متششكره خالص على نقل الاحدااث :tongue: < قصة حياه على قولة بعض نآس :hahahahahah:
مررررررره يعطييييه العافيه وماقصصصر والله ريحنآ الله يريحه ويووفقه ويجزآه خير < حسيت اني عجوز وانا ادعي :(269): |
رد: علوووم طيبه من سفيرنا الجامعي
من جد انه بطل:hahahahahah:
كنا بحاجه مايثبت صحه وذلك وماقصر اخونا العبيط <مايمشي الا العباطه هالايام :(204): يعطيكم العافيه :106: |
رد: علوووم طيبه من سفيرنا الجامعي
سارونه مثل ماتعودنا منك ماتجيبي لنا الا المفيد
ربي يعطيك العافيه :106: |
رد: علوووم طيبه من سفيرنا الجامعي
اقتباس:
بعض مما لديك :love080::(204): |
رد: علوووم طيبه من سفيرنا الجامعي
وه يـــــــــاناس
يعطيك الف عافيه :(204): عن جد غيرت علينا جو :d5: الحين كل واحد\ه يدرس ونفسه مفتوحه مو قبل غاثينا قطيعه :119: |
رد: علوووم طيبه من سفيرنا الجامعي
:119: تســلمي sarooona مــرره يفــتح النفــس هذا الكـلام :(204): الشـــكر كمـان للســفير :119: |
رد: علوووم طيبه من سفيرنا الجامعي
الله يجزاك خير سارونا اهمشي بعض الناس غسلوهم غسل ههههه
يعني نحط في بطنا بطيخه صيفي ههههه ولا مافيه امل |
رد: علوووم طيبه من سفيرنا الجامعي
تششششكورآآت سآرونهـ و يعطيه آلعآفيهـ آلسفيرً |
رد: علوووم طيبه من سفيرنا الجامعي
من جد لايق عليك السفير انا اشهد انك ما قصرت اخوي السفير والله يجزاك خير على كل خطوة تخطيها .. ومشكورة اخت ساااااروناا ع النقل وبارك الله فيكــِ |
رد: علوووم طيبه من سفيرنا الجامعي
هههه ,,, :hahahahahah: و ربي :hahahahahah: في شي مخليني :hahahahahah: :(204): :(204): :(204): :(204): |
رد: علوووم طيبه من سفيرنا الجامعي
:(204):
|
رد: علوووم طيبه من سفيرنا الجامعي
نشب بحلقهم السفير :lllolll:
|
رد: علوووم طيبه من سفيرنا الجامعي
وييي الله يريح قلبك وقلبه ريحتونييييي
والحوار فللله بجد |
رد: علوووم طيبه من سفيرنا الجامعي
اشوووووووووا لاني للحين ماشاركت :icon9:
|
رد: علوووم طيبه من سفيرنا الجامعي
تسلمين والله يعطيك العافيه
|
رد: علوووم طيبه من سفيرنا الجامعي
تسلم
|
رد: علوووم طيبه من سفيرنا الجامعي
يعطييييييييييييييييك العااافية ع الخبررية :106:
|
رد: علوووم طيبه من سفيرنا الجامعي
بالتوووفيق يارب:106:
|
رد: علوووم طيبه من سفيرنا الجامعي
الله يعطيك العافيه ..
ريحتنا حيييل .. |
رد: علوووم طيبه من سفيرنا الجامعي
للحديث بقيه:biggrin:
السلام عليكم ورحمه الله وبركاته كيف الحلوين انشالله تمام جيت اقولكم قصه حياتي لليوم الثاني انا رحت الجامعه لعيوونكم من الساعه 9:30 على الرغم من اني على راس العمل لكن رتبت مع زملائي بالعمل علشان يغطون علي وبصراحه ما قصروا الله يجزاهم خير اللي تعبني بالجامعه اليوم فيه بعض الدكاتره موو مسجل مقر مكتبه بالبلاك بورد .. لكن فالبدايه على طول دايركت الى مكتب الدكتور عبداللطيف بالغرسه . لكن تفاجأت باسلوبه الرائع وصدره الرحب دخلت السلام عليكم رد هو عليكم السلام يا اهلا وسهلا كيف يا احمد يقولي احمد قلت دكتور وش احمد ماني احمد انا فلان قال موو انت توك دقيت علي بالجوال وقلت لي بجيك بالمكتب قلت انا حبيت اخليها لك مفاجأه جيت بدون موعد <_< وش عنده وزير الداخليه مفاجأه ... ههههههههه المهم خشيت بعينه على طول قلت دكتور ترى حنا مصدومين منك بالمستوى الاول وخايفين بالمستوى الثاني ضحك وهو منحرج قال صحيح انا عارف الشي هذا بس صدقوني راح تشكروني المستوى الثاني قلت دكتور نبي المهم سهل علينا الله يسهل عليك قال انا قلت لكم المهم بالمحاضره الثالثه قلت دكتور انا جيت هنا من سبت البلاك بورد ما يفتح معانا قال صحيح البلاك بورد كثيره الشكاوي عليه لكن ذاكروا اسئله الواجب العشر اسئله وتضمن عشر درجات بأذن الله وركزوا على المحاضره السابعه والمحاضره المباشره الثالثه التمارين يقول ركزوا على التمارين بالمحاضره السابعه والمباشره الثالثه (( لاحضوا التمارين التمارين )) وعندكم الفصول التسعه معكم فقط اما بالنسبه للفصل البنود وفصل البنك المركزي هذي محذوفه يعني الفصول اللي حددها لنا قبل فصلين محذوفه معنا وقاعد يسألني كيفك انت مليح قلت لا والله يا دكتور ماني مليح مصدوم ... وقمت امدح فيه واتشكره وكان هوو مستعجل وتعذر مني قالي جاني طلب من الدكتور عبدالله النجار لانه فعلا جاه اتصال وانا عنده بالمكتب وبصراحه نسيت اسئله عن اسئله الكتاب بس انشالله باسأله بكره ارجوا المعذره على النسيان ... وبعدها طلعت منه ورحت الدكتور خالد عطيه المحاسبه وما ادراك المحاسبه .. طبعا بعد السلام قلت دكتور الحين بالنسبه للواجب الثالث نحله صحيح ويعطينا 3/4 وش السالفه اكثر من مره وكان بس محاولتين والبارح سمعت من احد الشباب بالبلاك بورد قالي مددوها الى 5 محاولات قال بالنسبه للمحاولات وعددها والله موو من عندي من عند الاداره يعني النجار واعضائه اما بالنسبه للواجب صحيح انا جتني شكاوي كثيره بس صدقني هذي المشكله من الطلاب نفسهم قلت كيف وحنا نحله ميه بالميه قال السستم عندنا مبرمج على الاسئله والاجابات بشكل عشوائي يعني لوو فتحت الواجب اول مره وحليت وحبيت انك تعيده مره ثانيه بتشوف الاجابات موو مثل ترتيبه بالواجب الاول متغيره اماكنها قلت صحيح .. قال هنا المشكله وبالنسبه للمحاسبه اجاباتها دقيقه ومتشابهه وبعض الاجابات تتكون من جزئين مثل من حـ/ ملخص الدخل الى حـ/ اخر المده وتشوف فيه اجابه العكس وهكذا يقول بعض الاخوان من مجرد بس يشوف الجزء الاول من الاجابه يروح على طول يحط عليها يفكرها الاجابه الصحيحه .. وقالي لازم تحلون بتركيز .. قلت طيب يا دكتور بالنسبه للمقرر طويل ومثل ما انت عارف حاطينه مع الانجليزي بيوم واحد وش هذا يا دكتور ما يمدينا قال صحيح وهذي بصراحه مشكله كبيره وحنا كدكاتره كلمنا الدكتور عبدالله النجار ورفض قال ما جتني شكاوي على الجدول وقالي الدكتور انتوا لازم تدخلون على النجار وتكلمونه قلت طيب يا دكتور هل في مجال انه يتغير خلال اليومين هذي اذا كلمناه قال ما اتوقع بس يمكن تفيدون اخوانكم المستوى الجاي ........ قلت طيب بالنسبه للمذاكره هل فيه شي بتقولنا ركزوا عليه او فيه شي محذوف مع العلم ان المحاضره 13 مو كامله قال بالنسبه للمحاضره 13 موو كامله هذي مشكلتها فنيه من البلاك بورد واذا المقصد تبون تذاكرونها اطبع المحتوى وذاكر وصدقني بتفهمها على طول اما بالنسبه للتحديد يقول ما اقدر اقولكم هذا محذوف والا هذا ركزوا عليه وهذا لا تركزون عليه لان لوو لاحظت جميع المحاضرات مرتبطه في بعضها كل محاضره مرتبطه بالمحاضره باللي قبلها وانا بصراحه ما اقدر احدد لكم شي صعبه جدا بس صدقوني الاسئله سهله جدا قلت طيب يا دكتور هل هي نفس اسئله اختبر نفسك قال بالضبط نفس الصيغه بس لا تحفظ اسئله اختبر نفسك افهمها لان المحاسبه اغلبها فهم وانشالله بتعدون كلكم قلت شكرا يا دكتور وطلعت ..... وبعدها رحت للزول وما ادرك ما الزول خمس مرات اتردد على مكتبه ما حصلته الا بالمره السادسه بعد طلعت الروح وبصراحه نفسيته عكس الدكاتره اللي قبله نفسه براس خشمه والعياذ بالله وتصدقون يا شباب وبنات انه يكلمني ما يطالعني .. لدرجه اني شكيت اني شين لابعد درجه احبطني ذا الزول قلت دكتور الرياضيات طوويل وصعب حيل وحنا ما عندنا الوقت الكافي علشان نذاكر قال موو مشكلتي هذي مشكلتكم انتوا ذاكروا وربكم يعين قلت طيب يا دكتور فيه شي من الفصول بتقول ذاكروه او ركزوا عليه قال كلها معكم انا حددت لكم المحذوف بالمحاضره المباشره الثالثه ..قال عندكم المحاضره 14 توضح لكم طريقه الاسئله وتساعدكم كثير قلت ما فتحت قال اطبعوا المحتوى وذاكروا منها واي اشكاليه تعالي هنا قلت انا بقدر اجيك بس غيري ما يقدر قال لا انشالله ما راح يحتاج تجوني انشالله سهله بس ركزوا وقال وعندكم الاتصال الاتصال احفظوا القواعد فقط اما التمارين ما راح تجيكم انشالله لانها طويله ومعقده والحل يأخذ اكثر من دقيقتين .. قلت يا دكتور فيه مسأئل طويله وتأخذ اكثر من دقيقتين قال انا قلت لكم المسأله اللي تاخذ اكثر من دقيقتين توقعوا انها ما راحت تجيكم .... بس قال الاتصال ذاكروا القواعد فقط اما التمارين طويله ما راح تجي ... هاه انتبهوا هذاني اقولكم الاتصال تذاكرون القواعد لا احد يقول السفير يقول الاتصال محذوف .. انا اقول ذاكروا القواعد اما التمارين ما راح تجي على كلام الدكتور وبصراحه الدكتور ما عنده اخلاق اعوذ بالله دخلت وطلعت ما حط عينه بعيني ولا يناظر فيني ... عموما ما همني نضرته ولا شفقت على نظرته ... طلعت رحت ادور الدكتور احمد الشريف وللاسف 8 مرات اتردد على مكتبه على فترات متفرقه وما احصله بس وين بيروح اجيبه اجيبه ارجوا المعذره يا اخوان .. رحت للدكتور غسان نايفه كذا مره وما حصلته وعلى ما اظن الدكتور غسان نايفه ما قصر معنا بصراحه شبه تقريبا عطانا الاسئله بس انشالله احصله بكره قولوا انشالله رحت ادور الدكتور عبدالحكيم المطر لجل بعض الاخوان و7 مرات اتردد على مكتبه ولا احصله وسألت عنه اخر شي الساعه تقريبا 1ونص ذكروه لي في ورشه عمل قالوا لي عنده محاضره عن التربيه البدنيه رحت هناك فتحت الباب القاعه فيها فوق 100 طالب تقريبا تخيلوا واقف على الباب ورفعت يدي كان فيه اكثر من دكتور وانا بصراحه ما اعرفه لاني ما درست الماده المستوى هذا بس من اجل بعض الاخوه قلت دكتور عبدالحكيم شوي لوو سمحت استغرب من ذا اللي جاي يناديه في محاضرته جاني قالي نعم قلت دكتور انا دورتك اكثر من مره في مكتبك ما حصلتك قالي صحيح اليوم انا مشغول قلت دكتور انا من طلبه الانتساب وانت نزلت لنا ملزمه وحده والملزمه الثانيه ما نزلت والمحاضرات المباشره وحده بس قال يا ابني جاي تناديني بين الطلاب كلهم علشان تسألني عن الانتساب .. تقطع علي وقت المحاضره قلت ايه يا دكتور جاي اناديك لاني من الطلاب المحسوبين عليك واذا وقتك من فضه حنا وقتنا من ذهب يا دكتور قال شوف بالنسبه للمحاضرات عندنا الاخون بالادراه بالبلاك بورد اما بالنسبه للملزمه مر علي بكره وانشالله خير قلت اوك بجيك بدري بمكتبك قالي اووك حياك ... بس اللي انا انصدمت منه وللحين موو راضي يدخل راسي ولا راح يدخل روسكم ان الدكتور محمد العقيل جيت ادوره قالوا لي هذا انتقل لجامعه الامام بالرياض قلت انا ما يصير وشلون وهو معنا بالمباشره والمسجله . استغربوا قالوا للي يمكن انت غلطان قلت ماني غلطان انا متاكد من اسم الدكتور قالوا لي ما ندري بصراحه اللي نعرفه الدكتور محمد العقيل انتقل لجامعه الامام بالرياض من بدايه الترم هذا قلت طيب وحنا والملزمه اللي منزلها لنا وش ذا نذاكرها والا لا لا تنكبونا قالي الدكتور اللي ناقشته روح لرئيس الدراسات الاسلاميه الدكتور عبدالله السماعيل رحت ادوره ما حصلته بمكتبه ترددت عليه 4 مرات ما حصلته بس بكره بجيه بدري بدري بدري لازم اعرف وش القصه وش ذا المهزله والتباهي والاهمال ماده بدون دكتور سلامات والله لوو حنا حيوانات ما يسووون معنا كذا ... عموما رحت لاعضاء البلاك بورد شؤؤؤن الطلاب وسالتهم عن المحاضرات المباشره قالي اكتب المواد اللي تعانون منها كتبت جميع المواد السته وزدت عليها الصحه واللياقه شيك قالي مستحيل هذه مفتوحه ووراني اياها قلت وشلون عندكم تفتح وعندنا لا قال شوف حنا بنسوي تحديث للبلاك بورد وادخلوا انتوا قلت طيب عندنا الرياضيات المحاضره 14 ما تفتح قال نزلوها قلت حتى ولو نزلناها ما تفتح قال طيب اطبع المحتوى وذاكروا منه .. قتل بنحاول وبصراحه المحاضرات تفتح قدامي عندهم استغربت شكيت باجهزتنا بس اذا ما فتحت اليوم بروح بجهازي بكبره بكره وبدخله عليهم يشوفون بعيووونهم .... وبعدين سألته عن ايقونه التظلم قال التظلم فتحناها باول الفصل قلت طيب والحين قال لا خلاص قلت طيب فيه ناس متظلمين كثير وحرام بعيد الواحد ما يقدر يجي قال مالكم الا مصلح الله يصلحه بس بالسياسه قلت طيب رقمه شي نبي نتواصل معه قال الشخصي ما نقدر مسؤليه علينا وبيزعل اذا عرف اما الجامعي ما اعرفه بصراحه رحت انا وطقيت الباب على مصلح وكان المكتب مقفل على الساعه تقريبا 1:45 قلت بكره بحصله الصباح قال انشالله بتحصله .. قلت طيب فيه ناس بالمستوى الاول ماخذين بالاقتصاد الجزئي 60 D وبالمستوى الثاني يتفاجأون انها نزلت الى 53 و 54 قال ايه هذولاء اساسا 53 و 54 وزدناهم ولما عرف الدكتور مصلح رفض قال لا ليه تزودوهم رجعووها على الاول واضطرينا نرجعها قلت وشلون تعطون وتحسفون قال وربي مو من عندنا من مصلح هو المسؤؤؤل الاول والاخير قلت وش قصده بالحركه هذي يبي الناس تسدد مره ثانيه قصده فلوووس بنعطيه بس يرجع الدرجات ويعدينا المستوى الاول بالمواد كلها حنا ما همتنا الفلوس حنا همنا ذا الماده اللي ندرسه اربع شهور ونذاكره اخر الترم ونحاتيها قال والله موو من عندنا من عند مصلح كلموه وادخلوا عليه وانشالله يتساعد معكم ... قلت طيب فيه مشكله عامه بالاختبارات فالقاعات وخاصه وقت الاختبار قال وش هي قلت عدم الحرص على الوقت من قبل المراقبين وما فيه ترتيب قال عندنا هنا بالجامعه مستحيل قلت لا موو هنا بالمراكز الثانيه برا الاحسا قال صحيح سمعت عنها وتكلموا فيه كثير ووصلت الدكتور عبدالله النجار بس تعال بكره وكلمه عن زملائك .... قلت طيب ايقونه المشاركه والواجبات متى تفتح ترى ملينا الانتظار زهقنا قال بكره ما اظن بس انشالله ذا فالقريب العاجل .... قلت طيب اللي يبي يغير مركز اختباره مثلا بحفر الباطن ويبي يختبر بالرياض قال هذي يسويها من بدايه الترم مووو الحين بعد ما تحددت الاختبارات وصعبه حيل الحين لان كل واحد اسمع محدد ومركزه محدد يدخل على البلاك بورد ويعرف مركز اختباره قلت طيب بالدمام ليه خليتوها ثلاث مراكز قال والله ما ادري هذي عند النجار ... قلت يعطيك العافيه وطلعت وانا محبط بعض الشي من المهزله اللي قاعده تصير وارجوا المعذره يا اخوان على التقصير وبعض الاخوه الله يسعدهم حطولي اسئله متاخره وانا بصراحه ما شفتها الا اليوم بس انشالله اغطيها بكره ... ارجوا المعذره انا اسف اسف جدا على التقصير ويؤسفني وضعك يا اخ stc ونفسي ارجع درجتك على اول بس مثل ما انت عارف العين بصيره واليد قصيره .................................... شباب واللي سألني سؤال وانا ما جبت له جواب ارجوا يعذرني ويحطه مره ثانيه ... لاني ممكن اكون ناسي او شي (جلا من لا يسهى)) وبصراحه ما ادري هل ممكن اني احط ايميلي هنا بالمنتدى من اجل التواصل مع بعض الاخوان اللي حاب يستفسر عن شي بالجامعه او شي .. والا ممنوع ااني انزل الايميل وارجوا المعذره يا اخوووان للمره الثانيه والالف .... تحياتي للجميع للطلبه سفيرررررر |
رد: علوووم طيبه من سفيرنا الجامعي
الله يعطيك العافية ..وماقصرت وإنشاء الله كل عملك بأجر ..يكفي أنك أدخلت السرورعلى قلب الجميع ..
أدام الله أيامك سرور .. |
رد: علوووم طيبه من سفيرنا الجامعي
وربي لادعيلك بالخير في افضل الاوقات...........الله يسعدك.... ياليت مزيد من التوضيح بعد...... . |
رد: علوووم طيبه من سفيرنا الجامعي
يعطييك العاافية انتي والسفيير
بس بصرااحة ايش هالمهزلة اشلوووون د. محمد العقيل نقل مااينع كذا من جد مهزللة :017::017::017: |
رد: علوووم طيبه من سفيرنا الجامعي
"السفييـر الجـامعي" الله لا يضيع تعبكـ ويكتب لكـ التوفييـق ي رب من جـد ما قصــرت وتستـااهل كل خييـر "ســاروننـہ" يعطييكـ العافييـه حبـوبــه:biggrin: وفالكـ a+ ي رب |
رد: علوووم طيبه من سفيرنا الجامعي
اقتباس:
والله حتى انا مو داخل براسيhttp://www.ckfu.org/vb/images/icons/icon16.gif وشلوون انتقل من بدايية الترم المحاضرات المسجله تهـون لها كم سنه يعيدون فيها بس المباشره معقوله موهو اللي يطلع لنا...<:(107): ومنتدى الحواار والمناقشات من اللي ينزلها ويرد علينا من جــد مو دااخــل براســـي هالكـلام .............................؟؟ |
رد: علوووم طيبه من سفيرنا الجامعي
اقتباس:
عموماً يعطيك العافيه :wink: ~ |
رد: علوووم طيبه من سفيرنا الجامعي
you are :(204):
|
| All times are GMT +3. الوقت الآن حسب توقيت السعودية: 12:25 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام