ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية التربية بالجبيل (https://vb.ckfu.org/forumdisplay.php?f=61)
-   -   أسئلة ارجوا الإجابه عليها.. (https://vb.ckfu.org/showthread.php?t=17918)

saliy55 2008- 8- 17 08:21 PM
أسئلة ارجوا الإجابه عليها..
 
السلام عليكم......

حبيت اسألكم بنات اذا كان في اختبار اجتياز اللياقة المهنية في الكلية اولا :mh19:

واذا في كيف يكون؟؟

وهل في فحص طبي اولا؟؟



وكيف يكون الزي الرسمي للطالبات في الكلية؟:mh19:

saliy55 2008- 8- 18 12:05 PM
رد: أسئلة ارجوا الإجابه عليها..
 
مافي ردود:s11:

oO أميــ الورد ـــرة Oo 2008- 8- 18 12:23 PM
رد: أسئلة ارجوا الإجابه عليها..
 
بالنسبة للفحص الطبي سمعت عدة أخبار منها
إنه راح يلغى.. والأكيد إن إذا كان في اختبار لياقة
فراح يكون أيام الدوام ..أمس سألت موظفة هناك.

وبالنسبة للزي فالكلية متشددة.. لازم تنورة سوداء
سادة يعني بدون ألوان.. والبلوزه لازم طويل أوثلاث
أرباع مع تجنب الألوان الفاقعة مثل الأصفر..

أتمنى أكون أفدتك:g2:..

saliy55 2008- 8- 18 12:36 PM
رد: أسئلة ارجوا الإجابه عليها..
 
يعني رح يكون اختبار لياقة مع بداية الدراسه


طالبة حاسب >>>>واخيرا لقيت وحده داخلة نفس تخصصي


طالبة حاسب انتي من الجبيل؟:mh19:

oO أميــ الورد ـــرة Oo 2008- 8- 18 12:41 PM
رد: أسئلة ارجوا الإجابه عليها..
 
إية بيكون أيام الدراسة إذا في إختبار..

إية أنا طالبة من الجبيل..

saliy55 2008- 8- 18 12:44 PM
رد: أسئلة ارجوا الإجابه عليها..
 
اني من القطيف مافي احد وياي؟؟؟؟:c8:

oO أميــ الورد ـــرة Oo 2008- 8- 18 12:54 PM
رد: أسئلة ارجوا الإجابه عليها..
 
طبعا كل الكلام اللي قلتة عن اللبس
ينطبق على كلية الجبيل..

يعني ماأدري عن القطيف:017:.

saliy55 2008- 8- 18 01:14 PM
رد: أسئلة ارجوا الإجابه عليها..
 
اهااا اني من القطيف بس بدرس في كلية الجبيل:119:

ملامح جريئة 2008- 8- 29 05:37 PM
رد: أسئلة ارجوا الإجابه عليها..
 
هلا والله

اني كمان من القطيف وبدرس حاسب بكلية الجبيل..

اللباس لازم تنورة سودة..؟؟

طيب .. ما اختلفت الانظمة عشان دخول الكلية تابع لجامعة الملك فيصل يعني..

غلا الحنين 2008- 8- 29 10:54 PM
رد: أسئلة ارجوا الإجابه عليها..
 
يابنات القطيف ممكن سوال انتم ماعندكم هناك كليات او جامعات بالتوفيق

ملامح جريئة 2008- 9- 2 06:07 PM
رد: أسئلة ارجوا الإجابه عليها..
 
سلام..

بلى فيه بالقطيف كليتين.. الكلية الصحية تبع مستشفى القطيف المركزي الاقرب.. وكلية المجتمع..

وجامعة الملك فيصل بس في الدمام.. والكليات التابعة لها.. كلية العلوم/الاداب في الدمام.. والكلية الصحية بالدمام وووووو غيرووو..

That's all :cheese:

‏غًلآ رٌٍوٍحٍّيَ 2008- 9- 3 12:10 AM
رد: أسئلة ارجوا الإجابه عليها..
 
اقتباس:
المشاركة الأصلية كتبت بواسطة غلا الحنين (المشاركة 188583)
يابنات القطيف ممكن سوال انتم ماعندكم هناك كليات او جامعات بالتوفيق
:cheese:اكييد عندهممم هذا سؤاال يابنتيي

هههههههههههههه اهلا اختي غلا حيااك بكليتنا


بالنسبه لللاسئله ماقصروو الاخوات جاوبو لك

وحيااك انتي كمااااااااان بكليتنا هالسنه بنشووف وجييه جديده :cheese:

zmsn 2008- 9- 9 05:28 AM
رد: أسئلة ارجوا الإجابه عليها..
 
انا كمان من القطيف وتخصص حاسب
ماعجبني ان نلبس تنورة سودا وبعد مو جينز :Cry111:
بس للحين ماحصلت مواصلات مدري شسوي
عندنا جامعات ماشاء الله خخ
بس كلما حاولنا مايبونا حتى لو نسبنا تدخلنا نحتاج فيتامين واو(واسطة)
ومالنا واسطة غير رب العالمين:praying:

بنت السناعيس25 2008- 9- 10 09:02 AM
رد: أسئلة ارجوا الإجابه عليها..
 
سلاااااااام
اول مره اسمع في تاريخي العريق اختبار لياقه مهنيه ليش بتصيرين مدرب رياضه؟؟
استهبال هالكليه يرفع الضغط:bngo12:
وبالنسبه للزي ياعزيزتي حدث ولا حرج
روحي سوق الهنود بس مو يوم الجمعه وخوذي لك قماش اسود سااااااااااااااااااااااااااااااده وفصليه تنوره خاليه من الاضافات وياويلك اذا استهبلتي وحطيتي جيوب ع بالك بتحطين ريالات الفسحه فيه والا الجوال هه عاد حذرتك حطيهن بيدك زي الوغدان يوم العيد مصفطين فلوسهم خخخخخخخخ
ولا تستهبلين يوم من الايام وتلبسين جينز حتى لو كان اسود وتقولين تنورتي السودا ضاعت والا انخطفت وانتي مناك كاشخه عند الربع
وبيني وبينك المخالفات ع حسب مزاج الامن اذا ماعجبتيها خالفتك حتى لو مو مخالف وع طاري الجينز مره خالفونن لاني لابسه جاكيت جينز بعز البرد مت من البرد ولبستوه مادريت ان وراي ناس نظاميين الله يقويهم والمشكله بنص الاختبار النهائي لاتضحكون حراااااااام لانهم مطبقين النظام وبالشؤون يطردون ويصقطون ع كيفهم بدون نظام
واهمم شي اذا صرتي من اهل الجبيل الكباريه ماتكلمك ابد ولا تخالفك
ودي اجلدهن يوم من الايام بس لاتخرجت ان شاالله بوقف عند الباب جلد منين يوجعك بس محططط بعقااال :017:

ملامح جريئة 2008- 9- 11 01:41 AM
رد: أسئلة ارجوا الإجابه عليها..
 
يعني صحيح

مايصير الجينز..
معقوووووووووووووووووووووووووووووولة


شي يضيق الخلق..

يعني الواحد وش يلببببببببببببببببببببببس

كان خلوا قميص ابيض بعد.. عشان الرسمية تزييييييييد..

وش فيه الجينز يعني ابي ادري..؟؟

شوفوا جامعة سعوود كيف الفري عندهم..

وان شاء الله عباة راس بعد.. مايصير كتف..

ووشو هذي ان لو ان من عيال الجبيل الكبارية ..

وش هالتفرقة << في كل مكان التفرقة..

%بنت غاليها% 2008- 9- 14 06:54 AM
رد: أسئلة ارجوا الإجابه عليها..
 
مرررررررررااااااااحب بنات ازيكـــوم

خيتو ملامح احمدي ربك انه خلونا نلبس الوان بالبلوزه لانه قبل العام كان ممنوع بس الابيض ومشتقاته

والتنوره السوداء وش فيها حرام عليك كنها البخت تهبل وتمشي لحال وبعدين ما فيه اي وجه من المقارنه بيننا وبين جامعه الملك سعود لأنهم بأختصار جااااااااااااامعه واحنا كليه<<وبس


تقبلي مروري

ملامح جريئة 2008- 9- 21 01:38 AM
رد: أسئلة ارجوا الإجابه عليها..
 
ما احتج ع اللون الاسود للتنورة.. أحتج ع الجينز الأسود الممنوع للتنووورة..

يعني شـ تفرق..

طيب مو احين صارت ضمن الفيصل.. يعني حالها حال كليات الفيصل اللي هنا واللي بالاحساء... ليه الدراسة مو نظام ساعات وغيرووو.. ولا تابع بالاسم بس.. << أدري ماتدروون..


واختبار اللياقة هذا شنوو بعد؟؟

فوق تحت ؟؟ واحد اثنين .. يلا معاي ؟؟

نركض حول الكلية خمس مرات ..؟؟


All times are GMT +3. الوقت الآن حسب توقيت السعودية: 09:01 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه