اسئلة
 

السلام عليكم

اخوكم مقبول بكلية الطب بالدمام

اعلنوا ان تسليم الوثائق من الاثنين الى السبت ( بكرة ) الى الساعة 2 ظهرا

وان شالله انا بروح بكرة الصباح للبترول بسحب ملفي ووديه لفيصل

بس سمعت ان فيه مقابلة ومدري وشو ياليت تعطوني خبر

عندي اسئلة

اللحين السنة الاولى لازم معدل 3 من 5
هل كل الطلاب يحققونه لاني حايف من سالفة الطرد والتحويل

هل يوجد سكن للطلاب ؟ وماهي شروطة ؟

كم الكافئة لطالب الطب؟

سمعت ان في السنة الرابعة من دراستك للطب يمشون لك راتب بحدود 10 الاف ريال ؟ ماصحة المعلومة؟

الدكتور اول مايتخرج كم يوصل راتبة وكيف دوامة

هل يوجد نظام المواد
زي البترول تنزل مود وتحذف وتنزل صيفي

سمعت ان الطب دراسة متواصلة بدون اجازات حتى في الصيف يدرسون صحيح ؟


الله يوفقني وياكم

رد: اسئلة
 

الي يجد و يجتهد و يذاكر راح ينجز هالمعدل و يمكن اكثر منه بعد , يعني يعتمد على مجهود الطالب

كما سمعت انه لا يوجد للأولاد سكن , فقط طالبات :mh19:

كم الكافئة لطالب الطب؟

مثل الكليات الثانية ألف ريال => 1000 فقط

خاطئة

في السنة السابعة و هي سنة الامتياز يصير هذا الشيء , و منهم يقول ان قلت = نقصت المكافئة و منهم من يقول ان نفسها ما تغيرت


يمكن في حدود 10,000 إلى 13,000 و العلم عند الله يعني مدري بالضبط , و لكن تو نازل خبر ان الدكاترة راح يرفعون رواتبهم 70 %


تقريباً ما فيه صيفي , فقط للمواد العامة مثل مواد الدين , التربية البدنية , يعني متطلبات الجامعة :mh19:

شدعوه ما فيه اجازات ؟؟

في اجازات و لكن من ناحية الدراسة الصيفية فهذا يعتمد على الي ياخذ " تطوع " يعني البعض يروح يطبق في المستشفى بكيفه علشان يكتسب خبره و نفس الشيء " التطوع " مو طول العطلة فقط فترة و بعدين ينتهي , يعني يمكن شهر او شهر و نص و يخلصون

رد: اسئلة
 

يعطيك العافية اختي


طيب كم طالب قبلوا في الطب

اللحين انا بروح اسحب ملفي من البترول بس سمعت بعض النرس يقولون فيه فحص ومقابلة ؟؟

متى تبدا الدراسة للسنة الجديدة وهل فيه اختبار تحديد مستوى للانجليزي


تنصحوني ادرس طب هنا ولا بعثة؟

رد: اسئلة
 

أول شيء ابااارك لك اخوووي على القبووول:mh001:

ألف ألف ألف مبروووووك وعقباال التخررج

بالنسبه للمعدل لا تخااف تجيبه ان شااء الله جبت نسبه الثانويه والقدرات والتحصيلي

ماارح تكوون صعبه ان شااء الله عليك

والمكاافئه مثل ماقالت اختي 1000 رياال

وبالنسبه للسكن في سكن طلاب انا شفته من برا بس ما انصحك بالسكن فيه مثل السجن:lllolll:

وانت ادرس هنا طب وكمل ماستر ودكتورااه براا

موووفق اخي

دعوااااتك

رد: اسئلة
 

وبالنسبه للفحص والمقاابله اكيييد المقابله اتووقع تكوون في نفس اليووم الي بتسلم فيه اورااقك

والفحص اذا خلصت ترووح تودي الورقه مع التعهد

وتبدي الدرااسه تاريخ 11|10|1429هـ

اختباار تحديد مستووى مافي بس اول سنه يعطووك انجليزي مكثف يبدوون معاك من البدايه تقرريبا

موووفق اخي:d5:

رد: اسئلة
 

الله يبارك فيك اختي روح
وعقبالك << بس شكلك طالبة طب :)

يعني في سكن .. وشو الشروط

وش طبيعة المقابلة عن ايش وش يقولون ؟

رد: اسئلة
 

اي والله طالبه صيدله تووي السنه مقبووله دفعتكم يعني

اي في سكن بس انا اعررف شرووط الطالباات

يكوون مقر اقاامتك يبعد عن الجاامعه سااعتين تقريبا

تجيب اقراار من ولي امرك انك تبي تسكن في سكن الجامعه وتووضح الاسبااب

تجيب اقرار من مديريه الشرطه لمنطقتك

صووره من شهاادة الثاانويه

صوورة من حسن السيررة والسلووك

دفع بدل تامين 500 رياال

اممم بس هذا اتووقع

ترى ممنووع تطلعوا من السكن وفي سكوورتيه حررس على البااب ومافي تلفزيوون ولا نت

وممنوع اجهزه كااميرا ويطفوون اليت من السااعه 8 المغررب خخخخخ>>>>صحيح ما امززح:lllolll:

بالنسبه للمقاابله الله يسلمك

لا تخااف شيء سهل يسالوك عن اسمك ونسبه الثاانويه والموزونه هوااياتك ليش دخلت طب وش اخر شيء قرأته

لا تخااف كانك تسوولف مع وااحد من الشبااب هههههه


مووفق اخي واي شيء احناا بالخدمه

رد: اسئلة
 

طبعا ما فيه مقابلة أبدا



وأنا رحت وقدمت أوراقي

رد: اسئلة
 

غررريبه اخ نمروودين مافي مقاابله:mh19:

طالباات الطب والصيدله سووا لهم مقابله

يمكن بس الاولااد ماافي..!!!

مع اني ما اتووووقع :000:


موووفق اخي

رد: اسئلة
 

وعليكم السلام ورحمة الله وبركاته
مبروووووووك القبول وعقبال ما تتخرج وتصير طبيب اد الدنيا

اي نعم هذا بعد ما تعطيهم ملفك يعطونك ورقة للفحص الطبي بالمستشفى الجامعي بالخبر ويسون لك فحص وبعدها مقابله بس لا تخاف المقابله اسإلتهم ليش دخل طب ؟؟؟ شنو هواياتك ؟؟؟ قد سويت عمليه لا سمح الله ؟؟؟

زي كذا

لس كل الطلاب تقريبا ثلاث ارباع الطلاب لانهم اذكر العام الماضي تم قبول 120 طلاب و 88 طالب انتقوا الى سنه ثانيه

للأسف لا يوجد سكن حاليا توجد عماره حقت سكن الطلاب بس العماره قديمه مرررررره مايخلون الطلاب يسكنوا فيها بس ان شاء الله ننتظر يفتحون المدينه الجامعيه ان شاء الله يكون فيها سكن

زي كل طلاب الجامعه 1000 ريال بس خصم 10 ريال صندوق الطالب المجموع 990 ريال

هذه المقوله للسنه السابعه بالطب وهي سنة الامتياز لكن سنه رابعه مدري خامسه ترتفع المكافئه من 1000 الى 3000 تقريباً

لا يقل عن 10000 ريال والدوام 8 ساعات باليوم

تقريباً زي البترول بس مو زيها بالضبط

الله يوفق الجميع ياااااااااااا:s12:اااااااارب

رد: اسئلة
 

شباب انا من المقبولين في الدفعة الثانية

ومكتوب في الموقع عندك الى السبت الساعة 2 ظهرا لتسليم الاصل

هل هو قبول نهائي ولا كيف ؟

رد: اسئلة
 

الاجراءات الثانية يا اخوي مثل المقابلة و الفحص الطبي ما تعرقل قبولك ان شاء الله يعني الكل يعديها تقريبا

لذالك عندك اليوم اخذ لك منه ساعه فكر فيها بكل اريحية و من غير ضغوطات

و سو الي تحسه مناسب لك

و الله يوفقك اخوي سواء طب او بترول

رد: اسئلة
 

اورجواان

المكافئه تزيد بأي سنه؟؟

وانا سمعت انو السنه السادسه سنة التطبيق يستلم راتب ؟؟!!

رد: اسئلة
 

مرحبا توفي

المكافأه هي 1000 ريال الا عشره :000:

لمدة ست سنوات قوادم

سنة الامتياز 7تستلمي ستة الاف وسبعمائمه ريال فقط لاغير

هيا كانت عشرة الاف لكن انكمشت منهم لله :bawling::bawling:

في كمان 1000 ريال مكافأة المتفوقين :g8:

وتصرفوهم بالهنا يارب

دمتم بتفوق

رد: اسئلة
 

يووو حرام عليهم والله

ست سنوات من التعب و1000 ريال بس

:bawling::bawling::bawling:

رد: اسئلة
 

تصدقون اليوم عرفت إن المقابلة خرظي في خرطي

تدرون وش سألوني


سألوني :: تعرف تفحط ؟؟؟؟؟؟؟؟



قلت لهم عطوني سياراتكم وأبشرو وأنتو احكموا أعرف ولى لا


ضحكووو وقالو إنتهت المقابلة


بعدين لا أحد يخاف لأن مجرد أخذهم للمف يعني إنت مقبوووووووول

رد: اسئلة
 

قوية أخوي !

تعرف تفحط ؟؟ <<<< سؤال للأولاد

البنات شنو راح يسألونهم

تعرفين ترقصين ؟؟

رد: اسئلة
 

يمكن يسألونكم يابنات تعرفين ترقصين

والله جد أنا سمعت إنهم سألو وجده كذا

.....................قوية صح

رد: اسئلة
 

أخوي البرنس

منو قال لك هذي المعلومة ؟؟

انا سألت واحد متخرج من الطب وقال لي فقط 1000 ريال فيما عدى سنة الامتياز كانت 10 الاف و صارت 6 مدري 7 الاف

و سألت وحده خلصت سنة رابعة و قالت ان مكافأتها بس 1000

هل الخبر الي سمعته انت من مصدر موثوق ؟؟

رد: اسئلة