ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   شوف جدول الاختبارات قبل ماتنزل المواد ! (https://vb.ckfu.org/t143070.html)

يالله سلم سلم 2011- 2- 4 05:23 AM
شوف جدول الاختبارات قبل ماتنزل المواد !
 
السلام عليكم ورحمة الله وبركاتة

حبيت اضع لكم جدول الاختبارات عشان نقدر ننسق الجدول بدون

تدخل المواد في بعضها ونختبر مادتين في نفس اليوم

الجدول على الرابط التالي :

http://www.kfu.edu.sa/ar/Deans/elear..._exam_sem1.pdf

:106:

حالمة بالجنان 2011- 2- 4 06:03 AM
رد: شوف جدول الاختبارات قبل ماتنزل المواد !
 
الله يجزاااااك خير
هذا نفس الجدول الاول تتوقع مايتغير اخاف نعتمد ويتغير من قبل الجامعة

عـطـــرْ 2011- 2- 4 06:19 AM
رد: شوف جدول الاختبارات قبل ماتنزل المواد !
 
يعطيك العافيه


بصراحه افدتني كثير


جزاك الله الف خير


.

.

test5 2011- 2- 4 06:47 AM
رد: شوف جدول الاختبارات قبل ماتنزل المواد !
 
وعليكم السلام

التواريخ قديمة انتظر التحديث

الطالبة المعذبة 2011- 2- 4 08:25 AM
رد: شوف جدول الاختبارات قبل ماتنزل المواد !
 
وي وي مادتين في نفس اليوم

أنقلش ومحاسبة لا بالله رحنا فيها


بليز احد ينصحني في تنزيل المواد

ǺĽ ẕeeห 2011- 2- 4 08:31 AM
رد: شوف جدول الاختبارات قبل ماتنزل المواد !
 
احتمال يكون نفس الجدول واحتمال لا

لان المستوى الاول اختبرو بنفس جدولنا اللهم اخر اسبوع كانت الايام تختلف "

كان جدولهم باخر اسبوع ( يوم الاحد رياضيات ويوم الثلاثاء محاسبه )

احنا كناا ( يوم الاثنين رياضيات ويوم الاربعاء محاسبه )

وجدول المستوى الثاني "

لازم يصير بيومين مادتين بنفس اليوم لانها 7 مواد " ولازم بينهم فواصل عشان يمدي نذاكر

صَمْتّ مُؤْلِمْ 2011- 2- 4 08:39 AM
رد: شوف جدول الاختبارات قبل ماتنزل المواد !
 


صراحة كان هلاك جدولنا بجد

مع أني سجلت بس يوم كان فيه مادتين لأني ماأخذت رياضيات بس الجدول متعب بجد

كان الفاصل بينهم قليل جداً مايمديك حتى بأيام المادة الوحدة

ماكنت أنام غير ساعتين ثلاث :Cry111:


بس بالنهاية الحمدلله


اعترضوا اعملوا إي شيء إذا طلع نفس الجدول
حنا اعترضنا وكذا بس مامشي الحال ولكن أنتو عددكم أكبر:tongue:

والكثرة تغلب الشجاعة :oao:

الطالبة المعذبة 2011- 2- 4 08:42 AM
رد: شوف جدول الاختبارات قبل ماتنزل المواد !
 
طيب دفى وش تنصحينا في

رايك انزل 7 او 5 مع الاخد في الاعتبار ان المعدل مهم عندي

وبسئلكي لو حصل وما نزلت ال 7 نزلت 5 مثلا اتاخر على ما اتخرج

Dr.Rawa8an 2011- 2- 4 09:04 AM
رد: شوف جدول الاختبارات قبل ماتنزل المواد !
 
ياحلوين نصيحة اخ لكم ،، هالترم بيكون غيـــر

يااترفع معدلك ياتخفس فيه :biggrin:

اول ترم كنا دلوخ ( مع احترامي للجميع ) ماكنا نعرف متى نذاكر ؟ وكيف ندخل على نظام ونرتب اوضاعنا

وكنت اعتبر الترم الي راح تجربه عشان تكون عندك معلومات كافيه وخبره كيف تتعامل مع المواد الترم الجاي

المستوى الثاني بسيط لو لاحظتوا المواد 7 ( مادتين منها اعتبرها تسليه لانها بسيطه جدا ) وعليها ساعتين فقط لكل ماده ( العقيده الاسلاميه - الصحه واللياقه ) ولافيها ضرر لو اضافوها مع ماده ثانيه وقت الاختبارات

والمواد الاساسيه والمهمه هي 5

يعني نزل المواد وتوكل على الله ومن بداية الترم رتب وضعك وراح يرتفع المعدل بشكـــل كبيــر

الطالبة المعذبة 2011- 2- 4 09:09 AM
رد: شوف جدول الاختبارات قبل ماتنزل المواد !
 
^
^
^
ياخوفي رايك يودينا في خرايطها

طيب وين طلاب المستوى الثاني يقولون لنا عن وضعهم كيف كان مع 7

MODI2009 2011- 2- 4 09:24 AM
رد: شوف جدول الاختبارات قبل ماتنزل المواد !
 
شوف هذي الروابط ممكن تفيدكم

هذ ابو موزة حبيب الشعب ينصح احد الزملاء
http://www.ckfu.org/vb/t137925.html#post2512224


وهنا مشرفتنا العزيزة " دفئ المشاعر "توجةلبعض الامور

http://www.ckfu.org/vb/t140601.html


هذي من المواضيع المحتفظ فيها راح تفيدكم كثير للمستوى الثاني :wink:

الطالبة المعذبة 2011- 2- 4 09:38 AM
رد: شوف جدول الاختبارات قبل ماتنزل المواد !
 
نصيحة من القلب ، عندما تفكر في المعدل ، احرص على عدد مواد معتدل ، ابتعد عن عدد سبع مواد فالكثير لم يسعفهم الوقت في انجاز ما خططو له من البداية ، في ظل وجود مواد كثيرة ...

بالنسبة لي ...
الصحة و اللياقة : مادة السهل الممتنع ، طويلة نوعاً ما ، ولكن معلوماتها مفيدة في الحياة وقريبة من القلب
الرياضيات : مادة سهلة ، وأستاذ المادة مصعبها ... طبعاً أنا حذف المادة مع الأسف بسبب أستاذها وطريقة شرحه ...
المحاسبة 2 : لا تعليق ، سوى ، أستاذ المادة رهيييييب ، يبدوا ان هذه المادة متخصصة في المدرسين المبدعين
تقنية المعلومات 1 : مادة من واقع المجتمع التقني ، يعيبها اسلوب قراءة المحتوى من استاذ المادة ، كما أن هناك أسئلة من الاختبار لم يتم شرحها مطلقاً ... والإجابة كانت بناءً على الخبرة ...
الاقتصاد الكلي : مادة دسمة جداً ، الأغلب توقع الحصول على درجات منخفضة ، ولكن استاذ المادة رغم اسلوب القراءة من الكتاب في الشرح إلا أنه عوض ذلك بأسئلة مميزة وجميلة ...
الثقافة الاسلامية : لا تعليق !!!
اللغة الإنجليزية 1 : مع الأسف قدمت على طلب معادلة ، ولم يتم قبوله ، لذلك هي أول مادة لي في الفصل القادم .

حتى الآن ، بالنسبة لي ، تسجيل المواد التالي :
1 - رياضيات 2 ، وأتمنى أن يسعفني الوقت لفهمه وفك طلاسم الشرح ...
2 - لغة إنجليزية 1 ، ولو وافقوا لي سوف آخر الجزء الثاني أيضاً في نفس الفصل ...
3 - تقنية معلومات 2

حتى الآن 9 ساعات ، وجاري البحث عن ما لا يقل عن 15 ساعة بعدد أقصى 5 مواد ...

تذكر

5 مواد و اسئل مجرب ...


رد بوموزة

الطالبة المعذبة 2011- 2- 4 09:39 AM
رد: شوف جدول الاختبارات قبل ماتنزل المواد !
 
انا شكلي باخد بنصيحة بوموزة احسه دافور وفاهم للموضوع

ahmad732 2011- 2- 4 10:43 AM
رد: شوف جدول الاختبارات قبل ماتنزل المواد !
 
:oao:بقول لكم باختصار نصيحتي

اللي يشوف نفسه دافور ياخذ ينصيحه الدافور

واللي شايف نفسه مايمشي الا بالدف ياخذ براي الناس الدراويش ههههه

يالله سلم سلم 2011- 2- 4 02:22 PM
رد: شوف جدول الاختبارات قبل ماتنزل المواد !
 
والله ياخوان الي مستعجل على التخرج ولا يهمه المعدل ياخذ 7 مواد !

اما الي والله مايهمه التخرج ويفكر اكثر بعقلانيه فنصيحه ياخذ 5 مواد

وهذا ان شاء الله الي ناوي عليه اني اخذ المواد التاليه

العقيده الاسلاميه

محاسبه

الاقتصاد

الرياضيات

صحه والياقه

مجموع الساعات 13 ساعه واحتمال اشيل الرياضيات واحط مكانها تقنية معلومات

صراحه هاذي المواد اشوفها سهله والي ان شاء الله راح ترفع من المعدل اذا شدينا حيلنا شوي

(معليش اتاخر ترم عن التخرج بس اطلع بفايده ولا تخرج بدري ومعدلي ضعيف كاني مادرست :icon9:)

مهــاآابــهـ 2011- 2- 4 03:31 PM
رد: شوف جدول الاختبارات قبل ماتنزل المواد !
 
استخيروا وشوفوا بس رايي نزلوهم مع بعض مرة وحدة واتكوا غيركم يتمنووون هالشي


وانتم تماطلووون بالعكس ذاكروا اول بأول وان شا ءالله تمام :119:

سعيد العيسى 2011- 2- 4 04:53 PM
رد: شوف جدول الاختبارات قبل ماتنزل المواد !
 
اقتباس:
المشاركة الأصلية كتبت بواسطة dr.rawa8an (المشاركة 2653396)
ياحلوين نصيحة اخ لكم ،، هالترم بيكون غيـــر

يااترفع معدلك ياتخفس فيه :biggrin:

اول ترم كنا دلوخ ( مع احترامي للجميع ) ماكنا نعرف متى نذاكر ؟ وكيف ندخل على نظام ونرتب اوضاعنا

وكنت اعتبر الترم الي راح تجربه عشان تكون عندك معلومات كافيه وخبره كيف تتعامل مع المواد الترم الجاي

المستوى الثاني بسيط لو لاحظتوا المواد 7 ( مادتين منها اعتبرها تسليه لانها بسيطه جدا ) وعليها ساعتين فقط لكل ماده ( العقيده الاسلاميه - الصحه واللياقه ) ولافيها ضرر لو اضافوها مع ماده ثانيه وقت الاختبارات

والمواد الاساسيه والمهمه هي 5

يعني نزل المواد وتوكل على الله ومن بداية الترم رتب وضعك وراح يرتفع المعدل بشكـــل كبيــر
:(204): حلو الكلام
وزد على المادتين مادة تقنية المعلومات
وشف الناس وش تقول... تقول لك المحاسبة سهلة الدكتور كان شرحه ممتاز
الاقتصاد كانت الاسئلة بسيطة اكثر مما توقعوا
انا اشوف كل واحد حسب ظروفه
اللي عندة دوام طويل اللي عندة دوري حواري اللي عندة سهرات مع الشليلة
بالنسبة لي عندي دوام طويل 10 ساعات مع طريق الجسر المعلق التزامات اجتماعية ومع الاهل وشكلي بنزل كل السبعة

SHrGaWyh 2011- 2- 4 05:29 PM
رد: شوف جدول الاختبارات قبل ماتنزل المواد !
 
والله حيرتوني وانا محتاره مدري انزل 6 مواد او انزل الكل

نبي نعرف راي طلاب المستوى الثاني افضل هم اللي يدرون شنو الصح :(107):

بينك بانثر 2011- 2- 4 06:00 PM
رد: شوف جدول الاختبارات قبل ماتنزل المواد !
 
المشكلة اذا كنت راسب في مادة و جاءك يوم الامتحان و طلع لك مادة من المستوى الثاني مع مادة في المستوى الاول كيف بيكون الحل اعتبر راسب لاني ما امتحنت :(177):

أبو ساري 2011- 2- 4 06:00 PM
رد: شوف جدول الاختبارات قبل ماتنزل المواد !
 
اذا تبغون نصيحتي خذوا المواد كلها علشان حسب معلوماتي ان المواد الا تنزل ممكن الترم الجاي ما تنزل ويترتب عليها انك ما تاخذ بعض المواد الا في الترم الجاي (اذا عديتوا الترم الثاني) الا اذا اخذت مواد الترم الحالي

بما معناه ممكن الترم الجاي ينزل لك انجليزي 2 يعني اذا ما اخذت انجليزي 1 ما تقدر تاخذ 2
والمواد مثل الصحة واللياقة والعقيدة مو شرط انها تنزل كل ترم

وحسب نصيحة احد اصحاب الخبرة في الجامعة بأن تمشي على خطة الجامعة يعني المواد الا تنزلها الجامعة خذها كلها علشان ما تضطر فصل من الفصول انك تقعد ترم كامل على مادة وحدة او مادتين وتضيع وقتك

ولا تنسوا ان الفصل الاول اول فصل لنا يعني لسى طازه اكيد انا بنواجه متاعب لكن الترم الجاي حتى بـ 7 مواد راح يكون انشاء الله اسهل من الترم الاول حتى لو كان مادتين في يوم واحد

مع تمنياتي لكم بالتوفيق:(204):

لــوســي 2011- 2- 4 06:04 PM
رد: شوف جدول الاختبارات قبل ماتنزل المواد !
 
الجدول أكيد يتغير ..

الحين صار في مستوى ثالث .. ماكان موجود أول ..

لاتنسوا هالشي ..

مواد المستوى الثالث راح يدخلونها في الجدول يعني أكييد راح يتغير ..

هتال 2011- 2- 4 06:12 PM
رد: شوف جدول الاختبارات قبل ماتنزل المواد !
 
يبدو ان الترم فيه زحمه بحكم وجود 7 مواد

عندي اقتراح

اخر يوم للمستوى الثاني هو الاحد وفيه مادتين دسمات

رياضيات 2
و

صحه ولياقه


لماذا لا يتم سحب مادة الصحه واللياقه ليوم الثلاثاء اي بعد موعدها بيومين دام الجدول يسمح بذلك

؟؟؟؟؟؟؟؟؟؟

بينك بانثر 2011- 2- 4 06:13 PM
رد: شوف جدول الاختبارات قبل ماتنزل المواد !
 
يا حبذا ينزلوا الجدول علشان نقدر نسق و نشوف درجات الرسوب مع المستوى الثاني
اخاااف يكونوا بنفس اليوم و نتوهق او بنفس الوقت يعني ما تدري تختبر مادة المستوى الاول و لا الثاني
:(107): اللله يعيناااااا بس :000:

haaadee 2011- 2- 4 06:48 PM
رد: شوف جدول الاختبارات قبل ماتنزل المواد !
 
الله يعين

والله مادري وش اسوي

ابي اتوكل على الله

واخذ 7 مواد

وربك يفرجها

jasim 2011- 2- 4 06:54 PM
رد: شوف جدول الاختبارات قبل ماتنزل المواد !
 
اقتباس:
المشاركة الأصلية كتبت بواسطة لــوســي (المشاركة 2655840)
الجدول أكيد يتغير ..

الحين صار في مستوى ثالث .. ماكان موجود أول ..

لاتنسوا هالشي ..

مواد المستوى الثالث راح يدخلونها في الجدول يعني أكييد راح يتغير ..
فعلا .. الجدول راح يتغير كل فصل لأنه بتنزل مواد جديدة

بينك بانثر 2011- 2- 4 07:05 PM
رد: شوف جدول الاختبارات قبل ماتنزل المواد !
 
:41jg:اهم شي لا يضعون مواد الرسوب مع مواد المستوى الثاني في نفس اليوم
ولا يكون في الفترة الاولى و لا الثانية يكون عاملين احصائية و عارفين متى نختبر
احنا مش عباقرة بنحفظ الكتابين بوقت واحد او نختبر بنفس الوقت:000:

Ranoooosh 2011- 2- 4 07:08 PM
رد: شوف جدول الاختبارات قبل ماتنزل المواد !
 
انا رايي 7 اخت 6 يعني خلصو نفسكم وارتحو هذا بالنسبه للي ناجحين بكل المواد ماراح يكون فيه تعارض اما الي عندهم مواد محموله ولي اشوفه من كلام الموجودين ان المحاسبه تعارض الانقلش والرياضيات 2 يعارض الصحه واللياقه يعني انتبهو واخيرا ياليت فيه ترم صيفي اقل شي نعوض الي راح :33_asmilies-com:

عبدالرحمن 20 2011- 2- 4 07:15 PM
رد: شوف جدول الاختبارات قبل ماتنزل المواد !
 
طيب متى ينزل الجدول على شان نعرف ننزل المواد
وشكرا لكم

» أنـــا 2011- 2- 4 09:50 PM
رد: شوف جدول الاختبارات قبل ماتنزل المواد !
 
اقتباس:
المشاركة الأصلية كتبت بواسطة يالله سلم سلم (المشاركة 2654254)
والله ياخوان الي مستعجل على التخرج ولا يهمه المعدل ياخذ 7 مواد !

اما الي والله مايهمه التخرج ويفكر اكثر بعقلانيه فنصيحه ياخذ 5 مواد

وهذا ان شاء الله الي ناوي عليه اني اخذ المواد التاليه

العقيده الاسلاميه

محاسبه

الاقتصاد

الرياضيات

صحه والياقه

مجموع الساعات 13 ساعه واحتمال اشيل الرياضيات واحط مكانها تقنية معلومات

صراحه هاذي المواد اشوفها سهله والي ان شاء الله راح ترفع من المعدل اذا شدينا حيلنا شوي

(معليش اتاخر ترم عن التخرج بس اطلع بفايده ولا تخرج بدري ومعدلي ضعيف كاني مادرست :icon9:)

وانا احس كذا اوكي :(204):

بس بدل الصحه يكون انجليزي افضل لان يقولون سهل وبس من المحتوى :wink:

ابو عبدالعزيز2 2011- 2- 4 10:30 PM
رد: شوف جدول الاختبارات قبل ماتنزل المواد !
 
اقتباس:
المشاركة الأصلية كتبت بواسطة عبدالرحمن 20 (المشاركة 2656375)
طيب متى ينزل الجدول على شان نعرف ننزل المواد
وشكرا لكم
رأيي من رأيك لماذا ؟ جدول الأختبارات السابق يقول :
1) العقيدة في يوم
2) اللغة الأنجليزية + المحاسبة في يوم
3) نقنية المعلومات في يوم
4) الأقتصاد الكلي في يوم
5) الرياضيات + الصحة واللياقة في يوم
_______________________________________

سؤالي هل هذا الجدول ثابت أو متغير؟؟؟

مثلا" : يناء على الجدول السابق قمت بحذف اللغة الأنجليزية و الرياضيات رقم2 بحكم وجودهم مع مواد أخرى في نفس اليوم للأختبار ... هل المواد الباقية ستكون ثابتة بدون ضم مواد اخرى في حالة أختيارهم ..؟؟؟

الطالبة المعذبة 2011- 2- 4 10:39 PM
رد: شوف جدول الاختبارات قبل ماتنزل المواد !
 
خلونا نرسي على بر احسها صعبه بقوة انقلش ومحاسبة التركيز راح يكون على مادة وحدة او انجيب العيد في المادتين

حلاوي ksa 2011- 2- 4 10:53 PM
رد: شوف جدول الاختبارات قبل ماتنزل المواد !
 
حسافه مقدر انزل الموواد كلهاا

:Cry111:

اجاوسلمى 2011- 2- 4 11:41 PM
رد: شوف جدول الاختبارات قبل ماتنزل المواد !
 
انا من وجهة نظري ما دام معدلي يسمح انزل كل المواد ... راح انزل المواد ماعدا الانجليزي ... لان الرياضيات والمحاسبة والاقتصاد تعتبر جزء ثاني لمواد سبق دراستها بالمستوى الاول وما زالت اساسيات الماده عالقه بالذاكرة وراح تكون مذاكرتها بجزئها الثاني اسهل ... ومادة العقيدة والصحة اعتقد بتكون معلومات عامة ممكن اننا نسترجعها بسهوله .. واخيرا ماده تقنية المعلومات راح تكون معلوماتها من خلال الخبرة بالاجهزة والحاسوب ممكن اننا برضوا نستوعبها .......... واهم شئ المذاكرة من اول الترم والتركيز على المواد الصعبة من بدري ................. بالنسبة للانجليزي راح أأجله للترم الجاي باذن الله ........... وفقني الله وايااكم

ناسي اسمي 2011- 2- 5 12:45 AM
رد: شوف جدول الاختبارات قبل ماتنزل المواد !
 
شوفو هذا الرد من الاخت رمز وفيه تقول ان الجدول بينزل مع تسجيل المواد يعني تقدر تقرر بنفسك
وانت تسجل مواد

اقتباس:
المشاركة الأصلية كتبت بواسطة r m z (المشاركة 2616299)
راح ينزل جدول الاختبار مع المواد نفس الوقت ، بدون تواريخ ..

يعني مثلا : موادكم ., أ ، ب ، ج ، د ... إلخ

جدول الاختبار : اليوم الأول : ماده أ

اليوم الثاني : الماده ب و الماده د ..

و هكذا ..

اهم شي ما يكون تضارب .. يعني مثلا ، انا حملت ماده الاقتصاد الجزي السمستر الأول

بالثاني رجعت نزلته و الاحظ بالجدول مثلا انو نفس اليوم اللي فيه اختبار الاقتصاد الجزيء

فيه اختبار رياضيات مستوى ثاني كلهم فتره أولى !!!

كذا تضارب بالجدول و لازم تغيرينه ..

اما اذا كانت ماده الاقتصاد الجزيء بنفس يوم الرياضيات لكن الاقصاد الفتره الاولى و الرياضيات الثانيه .. كذا ممكن تنزلينهم

بس مثل ما قلت ضغط ، لانو تطلعين من اختبار الماده بعدها بنص ساعه تختبرين الماده اللي بعدها ..


/

لحسسسست روسكم أدري :biggrin:

بس لازم تكونين على بينه قبل لا تنزلين المود :wink:

موفقه يالغاليه ..

آختك ،/ رمـــــــز

@الفراشه@ 2011- 2- 5 01:05 AM
رد: شوف جدول الاختبارات قبل ماتنزل المواد !
 
ما معنى حرف الدال في الجدول ...

الطالبة المعذبة 2011- 2- 5 03:48 AM
رد: شوف جدول الاختبارات قبل ماتنزل المواد !
 
دبلوووووووووووووووووووووم

سيدة الأسئلهـ 2011- 2- 5 04:07 AM
رد: شوف جدول الاختبارات قبل ماتنزل المواد !
 
صحيح انها سبعة بس في مواد ماتشكل عبئ

مثل الانجلش والعقيدة ادري مو للكل بس للاغلبية

يعني محاسبة وانجلش بيوم واحد اوكي حلو

بس ياليت يزيدون فترة الراحة بين الاختبارين

اما نختبر بمادة وبعدها بنص ساعة مادة ثانية

عز الله انفجر راسي وتبخرت المعلومات :000:

وياليت بعد بدال الصحة واللياقة مع الرياضيات يحطون عقيدة احسها اسهل

مابلعت مادة الصحة مدري ليه احسها كلام دش وانا والحفظ مو أصحاب مرة :biggrin:


أدري مع نفسي محد بياخذ باقتراحاتنا :(269):


موفقين أجمعين فردا فردا :wink:

سيدة الأسئلهـ 2011- 2- 5 04:10 AM
رد: شوف جدول الاختبارات قبل ماتنزل المواد !
 
اقتباس:
المشاركة الأصلية كتبت بواسطة الطالبة المعذبة (المشاركة 2658325)
خلونا نرسي على بر احسها صعبه بقوة انقلش ومحاسبة التركيز راح يكون على مادة وحدة او انجيب العيد في المادتين
مو هنا المشكلة لان لو شدينا الحيل من البداية ماراح يكون صعب

لكن المشكلة والمصيبة والكارثة الاعظم والأشد وقعا على النفس

ان بين المادتين نص ساعة بس :(177):

بو الياس 2011- 2- 5 04:11 AM
رد: شوف جدول الاختبارات قبل ماتنزل المواد !
 
يعطيك الف مليون عافية

الطالبة المعذبة 2011- 2- 5 04:16 AM
رد: شوف جدول الاختبارات قبل ماتنزل المواد !
 
بو الياس عطنا اقتراحك :biggrin:

!!عزيز نفس!! 2011- 2- 5 04:19 AM
رد: شوف جدول الاختبارات قبل ماتنزل المواد !
 
والله أنا كنت مقرر أنزل كل المواد بس يوم شفت المحاسبة

والانجلش في نفس اليوم ترددت !!

أحسها صعبه ,, الموضوع يبيله شوية تفكير

vip_77717 2011- 2- 5 07:57 AM
رد: شوف جدول الاختبارات قبل ماتنزل المواد !
 
فكرتك ممتازة .... بس الخوف يتغير المره الجايه


اهنيك على الدهاء .... تحياتي لك

إداري مجتهد 2011- 2- 5 08:45 AM
رد: شوف جدول الاختبارات قبل ماتنزل المواد !
 
قدام قدام نزلوهم كلهم وعلى الله ....

بسالكم أنا معي دبلوم تقنيه كيف أقدم للمعادله وماهي المواد اللي يحسبونها ومتى أقدم؟

الجارح2020 2011- 2- 5 09:02 AM
رد: شوف جدول الاختبارات قبل ماتنزل المواد !
 


:hhheeeart4::hhheeeart4::hhheeeart4:

بنت الموج 2011- 2- 5 08:45 PM
رد: شوف جدول الاختبارات قبل ماتنزل المواد !
 
مش ممكن يغرونها؟؟؟؟

awaw2020 2011- 2- 5 09:05 PM
رد: شوف جدول الاختبارات قبل ماتنزل المواد !
 
اقتباس:
المشاركة الأصلية كتبت بواسطة dr.rawa8an (المشاركة 2653396)
ياحلوين نصيحة اخ لكم ،، هالترم بيكون غيـــر

يااترفع معدلك ياتخفس فيه :biggrin:

اول ترم كنا دلوخ ( مع احترامي للجميع ) ماكنا نعرف متى نذاكر ؟ وكيف ندخل على نظام ونرتب اوضاعنا

وكنت اعتبر الترم الي راح تجربه عشان تكون عندك معلومات كافيه وخبره كيف تتعامل مع المواد الترم الجاي

المستوى الثاني بسيط لو لاحظتوا المواد 7 ( مادتين منها اعتبرها تسليه لانها بسيطه جدا ) وعليها ساعتين فقط لكل ماده ( العقيده الاسلاميه - الصحه واللياقه ) ولافيها ضرر لو اضافوها مع ماده ثانيه وقت الاختبارات

والمواد الاساسيه والمهمه هي 5

يعني نزل المواد وتوكل على الله ومن بداية الترم رتب وضعك وراح يرتفع المعدل بشكـــل كبيــر

بصراحة اتفق معك وكلامك مقنع

هذي فكرتي انا .. اول ترم طبيعي يصير حالنا كذا

الان عرفنا النظام وعرفنا كيف نذاكر وكنا نشغل انفسنا في طريقة المشاركة في منتدى الحوار

وبين الواجبات الاجبارية والاختيارية وكيف ننزل المحاضرات وكنا نسئل وش نحمل وش نخلي

الوضع ان شاء الله تغير ..

انا بإذن الله بنزل 7 مواد .. 19 ساعة .. وبتوكل على الله

بس على شرط الواحد يكون عنده جدية بالدراسة

واذا كان مادتين في اليوم .. عادي اول بالثانوي مادتين وراء بعض وكانت بدون فواصل ايام بينهم

ذاكر اول باول ونرتاح والشكوى لله

الحمد لله على كل حال

اتمنى لي وللجميع بالتوفيق

وكل انسان حر في اختيارهـ .. وعلى فكرة كل انسان له قدرات ويعرف نفسه وظروفهـ

دمتم بخير


All times are GMT +3. الوقت الآن حسب توقيت السعودية: 07:20 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه